القلب الضائع

البارت الاثنان والستون

‏قالت لزوجها
أنا عمري ما لقيت شعره على ملابسك
قال لها : طيب و أيش المطلوب ؟
قالت من هي المحجبه الي بتطلع معك
_____________________
قالت له كم تحبني.؟ اجابها : سأمشي الان و المسافة التي تكون بيننا هي مقدار حبي لك ولم يعد منذُ عامين ما اعرف هو يحبها او غلط بالطريق او خطفوه الجن او هرب...
________________
_________________________

صعدت لغرفتي جان اشوف الدنيا مكلوبة الروج (الحمرة) بمكان والمسكارا بمكان والايلاينر اليااااابس بمكان والارضية الي كلهة مكياج بمكان والعطورات الي ع ميز الطاولة بمكان والفراش كلة مكياج والمكياج نصة خربااااان لا والاحلى الجهال شافوني طبيت للغرفة بس ما اهتمو

اجيت شلتهم من ايدهم وسحلتهم كلهم برة ، طبيت للغرفة احاول الكة شي ما خربان بيهة ، والله بس الملابس ما خربانات ، بس الاشياء البقية كلهن ملطخات بالروج والمكياج

اتخبلت شلت الفراش حطيتة بالغسالة وجبت سطل و وصلة وضليت امسح وامسح راح حيلي من كثر ما تعبت ،،، وكبل جبت جنطة حطيت بيهة كل شي يخصني وطلعتهة للباب ، جان يجيني ولد اثنين اعمارهم ١٣ ١٤ هيج شي اجو اخذوهة وكالو عمو فهد كال ،،، ضحكت يعني مخلي الجهال ينتظروني لبين ما اطلع

حطيت الشال ع راسي واني بالتراك ،،، راحو الولد اخذو الجنطة كدامي ، اني هم سديت الباب ورحت ،،، اول ما طبيت طلع فهد من الصالة اخذ الجنطة واشرلي اصعد وراه

صعدت جان يسد الباب كال

فهد " وتالي وياج انتي

رديت " شنوو

اتقرب يمي وكال

رد " المشكلة انو انتي صايرة حلوة وسمنانة

قاطعتة " سمنانة ،، لا عليك الله فهد

رحت للمراية اشوف نفسي ، لا بعدني رشيقة يعني وزني يطلع ٥٠

باوعت علية كتلة " بربك فهد تضحك علية انتة

اتقرب كال " لا بس شفت زنودج ينلزمن ومال كرص " وغمزلي

رديت متفاجأة " يا كرص ، هوة انتة اكرص وشوف "

رد " مال هيج اخخ "

رديت " بطل كلامك الماصخ فهد وبعدين حنة اخوك جوة امشي حنو من وكت علمود تصعد "

اشو هاذة كام يهز جتاف ويدبك بالغرفة كدامي ، متت ضحك والله يعرف يهز سيد فهد

باسني وطلع ، كعدت رتبت غراضي بالكنتور والمكياج هم رتبتة ع ميز الطاولة مع انو نصة راح ،،، وصدك حنو ميراد وصارت ساعة ب ١ يلة صعدلي يكول متت بالكوة صعدت ،

كعدت ثاني يوم الصبح وية البنات رتبنة وعزلنة صار البيت يلمع لمع وبسرعة غسلنة وطلعنة ملابسنة و ودينة ياسو للصالون

تسريع الاحداث ...

اجة ميراد اخذهة من الصالون و رحنة للقاعة ركصنة دبكنة صفكنة يعني يوم يخبل قاعة مشتركة