إذا شفتوني جاي من بعيد أوزع إبتسامات إعرفوا إني مسوي مصيبة مافيها كلام ...
_____________________________
عطرها كلمسك هكذا ... فكيف عطر الجنة
_____________________________
" اي اني ليش "
كال واحد من الولد " انتي بنت حسن مو صح "
كلت بكلبي ، شسالفة ياهو يجي هاي بنت حسن وذيج بنت حسن
رديت " اي صح اني بنت حسن ليش "
رد " ممكن نحجي شوي "
رديت بعصبية ونفاذ صبر " شنحجي اخي شتريد اتفضل كول هنا "
رد " احنة اخوتج من ابوج "
متت ضحك ضليت واكفة ورة الباب واضحك اجة مناك فهد كال شبيج تضحكين ،،، ما كدرت احجي لان اختنكت من الضحك بس اشرت ع الباب ، باوع بالباب كال اتفضلو
ردو " بوية انتة شتصير من حسن "
رد " حسن عمي "
ردو " اي حسن يصير عمك "
رد " اي ليش "
ردو " احنا جهال حسن "
اني واكفة ورة الباب سمعت نوب هيج عاد رديت ضحكت بقوة باوعلي فهد وخزرني اني هم سديت حلكي بالكوة بس بعدهة الابتسامة شاكة حكلي من الصدمة "
فوتهم فهد للصالة اني هم رحت باوعلي فهد كال وين "
رديت " اذا تذكر ف كالو احنة جهال حسن يعني جهال ابوية "
كلت هيج وفتت اسمعة يستغفر الله ،،، طبيت ابتسمت كلت باستهزاء شلونكم جهال ابوية وضحكت نوب فات فهد هم خزر كلت بكلبي خلي ابطل تفاهة ونشوف شسالفة
بدو الولد يحجون والبنية خطية فد خجولة
فهد " اتفضلو بوية نسمعكم "
ردو الولد " والله لو اخوان حسن موجودين مو احسن
رد فهد " اي ليش لاء هسة نصيحهم "
صدك دزو نور تصيح عمامي والولد بالديوان كاعدين ماعدهم شي ف هناك همة الرياجيل (جوارينة) يكعدون يحجون ع اوضاع العراق وكذا
اجو عمامي وبس اني و البنية موجودات عاد رحت صحت نور لان الموضوع يخصهة هية هم ومن حقهة تعرفة
كعدو عمامي يحجون وية الولد بالاستقبال
اول ما بالش بالحجي عمي راضي
كال " بوية اول شي صلو ع محمد خلي نفهم السالفة "
صلينة ع محمد وبلشو بالحجي
كال عمو راضي " بوية شنو تكول حسن يصير ابوك هاي مو سالفة "
رد الولد " عمي قابل جاي اجذب عليك "
كال عمو حاتم " اني ادري اي صح الولد ولد حسن "
كلنة انصدمنة من كلامة وبالاخص اني
أنت تقرأ
القلب الضائع
Bí ẩn / Giật gânالقصة حقيقية وجريئة جدا ،،،بنت تفقد عائلتها بعمر صغير وتحارب الحياة لكي تعيش وتعتني بأختها وفجأة يحدث الغير متوقع
