القلب الضائع

البارت الثالث

مينا : فرحنة بمعدلاتنة والفرحة مسايعتنة لاكن مع الأسف اني وريم لازم كل وحدة بكلية لانو ميصير هية علم نفس واني محاماة يمكن هسة تكولون طب علم النفس لازم يجيب معدل (٩٩ او ١٠٠) بس خل اكللكم بما انو عدنا واسطتنة ابو سعد ف كلشي يصير 😂 طبعا مو دائما نمشي بالواسطة لاكن ريم جانت كلش تحب علم النفس وكأنو عايشة بي ونور هم انعدت من ريم وكامت بس تحجي بعلم النفس وكذا المهم داومنة اول يوم كلية

مينا : نور نوارة ولجججج
نور : همممممم
مينا : كومي بدلي وروحي للمدرسة يلا ساعة ٦ونص
نور : وج والله بعد وكت
مينا :لا يربج شنو بعد وكت كوووومي لا اجرج من شعرج
نور :انتي بس ولي من يمي والله اكوم رووحي
مينا : اشو الة تكومين يلا اروح
نور : هففففف هفففففف كمنة كمنة أمري ل الله الواحد القهار
مينا : يلا عيني هيج صيري سباعية

رحت ع ريم _ طبعا متعودة افتر عليهن لان هنة تمبل مال نوم ويسهرن هواي اما اني نومي منتظم

مينا : دق دق دق ريموووو مريومة عادي ادخل

لا يوجد رد

مينا : اتوقعتج نايمة يلااا كومي
ريم : روحي روحي كعدي نور
مينا : كعدتهة انتي هم يلا كومي
ريم : اووووف ادري بيج متخلين الواحد يرتاح بنومتة
مينا : ديلا اول يوم كلية وتريد ترتاح
ريم: يلا ع اساس مثل كلياتنة
مينا : اكلج الكلية مالتي تركية موو
ريم : يس
مينا: يعني شلون اصير محامية بتركية
ريم : والله ما ادري بس عادي يعني ادرسين مثلهم
مينا : بس همة هسة شي اكيد يحجون تركي بسرعة واني لازم افرز كلامهم يعني صعبة تصير هسة بالاعدادية تساهلو ويانة بس بالكلية مو هيج
ريم : عفية شكد تحجين روحي لعمج وسألي
مينا : اي والله عمي احسن منجن خل اروح الة وهوة يفهمني
ريم : شوفي ايريلا كاعدة واذا نايمة كعديهة خلي افوت اسبح ما الحك وما شاء الله انتي حتة سبح سابحة
مينا : لج خاف عيب اني اروح اكعدهة
ريم : عادي عادي هية كل مرة تكعد او اذا مرات مكعدت اني اروح اكعدهة وهسة انتي بدالي
مينا : تمام

نزلت لكيت ابو اسعد يشرب قهوة سادة ويقرة كتاب يعني بس اريد افتهم شنو من رجال هاذة وقاااااار بشكل مو طبيعي و وسيممممم كلش وحنووون يعني نيال ريم علية

مينا: صباح الخير عمو
ابو سعد : هلة ببنيتي صباح النور
مينا: عمو ايريلا كاعدة
ابو سعد : لا والله مكلتلهم يكعدوهة خطية
مينا : اني راح اروح اكعدهة راح يفوت موعد الدوام
ابو سعد : ع راحتج يابة

مينا: ايريلا كاعدة

دق دق دق

ايريلاااااا ناااايمة

ايريلا : همم
مينا :عادي افوت
ايريلا : هممم

شلت الحاف عنهة طبعا جان الجوووو ثلوووووج يعني تركيا وعدكم الحساب