القلب الضائع

البارت الواحد والاربعون

صغيرة جنت وانت صغيرون ،،
حبنة بدة بنظرات العيون ،،
كالو ترة ذولا يحبون ،،
ومن الصغر لما يكبرون ،،
مثل النجمة والقمر كبر حبنة وازدهر ،،
بعيونك حبيبي نبتدي دروب السفر ،،

ع الجرف كعدنا ليالي ،،
مر النهر والنخل عالي ،،
تغيرنا وكبرنا يا غالي ،،
ظل النهر والنخل عالي ،،
مثل النجمة والقمر كبر حبنا وازدهر ،،
بعيونك حبيبي نبتدي دروب السفر ،،

مثل النهر ما تغيرنا حبنا كبر واحنة كبرنا ،،
محلى الحب الي جمعنا مثل الطيور احنا طرنا ،،
مثل النجمة والقمر كبر حبنا وازدهر ،،
بعيونك حبيبي نبتدي دروب السفر ،،
♡

_________________________________________

مينا " شنو الي ما تكدرلة

ضل ساكت ورة شوي ابتعد عني وكال

" البسي الشال انه منتظرج جوة "

حبيت اجفة الشر كبل سويت الي يريدة ونزلت جوة طلعنة بدون ما يباوع علية ،،، ضلينة نتمشى ساكتين ف حبيت اكسر الجمود الي بيناتنة بهاي اللحظة لان اريد اتونس وهاذا الجمود مو وكتة ف كلت

" فهد "

فهد " هاا "

" شنو الي ما تكدرلة "

فهد " ما افتهمت شنو يعني الي ما اكدرلة "

" لمن بستني مو كلت مينا ما اكدر اي شنو الي ما تكدرلة "

فهد " كل شي بوكتة حلو مو الة تعرفين هسة "

سكتت مشينة لبين ما وصلنة لملاعيب تخبلللل ،،، اتفاجئت وعيوني دمعت صرت ابجي ياوعت علية وضليت ابجي كلتلة

" فهد " حضنتة وصرت ابجي بكتمان من الفرح همست وكلت

" احبك احبك " وكملت بجي

همس بأذني وكال " كلتي الشي الي ما كدرت اكولة عفية عليج "

بعدت عن حضنة وباوعت علية مسحت دموعي وكلت " شنو الي انتى ما كدرت تكولة "

رد " نرجع للبيت واكلج "

افتهمت علية بس غلست ومن كثر الفرح نسيت انو اني كلتلة احبك يعني تخيلو من عمر ال ١٠ سنين لحد عمر ٢٧ سنة اني ما شايفة ملاعيب ،،، فتنة كعدنة ع الأعشاب وية الناس الموجودين باوعت علية وهمست

"فهد خلي نكوم نلعب"

فهد " كلتيلي جيبني للملاعيب جبتج بس مال اكعد العب هاي انسيهة اذا تريدين روحي انتي العبي "

" اوك لعد راح اروح "

فهد " روحي "

رحت لعبت وخلصت ستوني دا اركب ديلاب الهوى اجة لزمني وصعدنة سوية باوعت علية ضحكت وكلت

" راح تصعد "

فهد " اي لان هاي مو بس للجهال "

ضحكت وسكتت بس حبيت اصور شغلت اغنية وفتحت السناب وكعدت اصور اخذني الواهس واني اصور الالعاب من فوك ،،، خلصت تصوير انداريت علة فهد اشوفة صافن ويضحك

" خيرك ليش تضحك "

فهد " هيج تذكرت شغلة "

" تعال خلي نصور "

فهد " لاء "

" لا نصور بس ايدينة "

ما خليتة يجاوب كعدت بصفة فتحت اغنية ولزمت ايدة وكمت اسوي حركات العشاق بالايادي واصور مدة ٢٠ دقيقة بس ونهيت التصوير رجعت كعدت بمكاني

فهد " جيبي خلي اشوف التصوير "

نطيتة التليفون والتفتت علة سيارات العرس الي دا تمشي ،،، نسيت نفسي واني اباوع عليهم واضحك واساسا نسيت انو فهد يمي وتليفوني يم فهد ،،، ورة شوي باوعت علية شفتة دا يكلب كتلة بشنو دا تكلب كال ماكو شي هاج تليفونج

اخذت التليفون حطيتة بجيبي ونزلنة من ديلاب الهوة صارت ساعة ب ١١ ونص برد الجوة كلش ونعست وهوة هم قفل ف رجعنة للبيت كبل نمنا لثاني يوم ساعة ب ١٠ ونص يلا كعدنة ،،، نزلت زهراء دا تسوي ريوك وياسو يمهة وسمية والبنات بالصالة مجطولات ونسوان عمامي هم بالصالة ينتظرن الاكل الخاتونات ،،، اني اول مرة اشوف هيج نسوان عمام حتة مرات احسهن مو طبيعيات يعني المرة لازم تلزم بيتها من فوك لي جوة تنظيف بس هنة ولا عبالك حتة ريوك يتعاجزن يسون و وحدتهن مثل الطلي وأربع وعشرين ساعة يم الجيران حتة مرات اكول الله يعينهم

مختصر الأحداث...

نزل فهد وياسو بالمطبخ صاحلهة وراحت وراه للغرفة شوي وطلعو يبتسمون ابتسامة خفيفة وياسو عيونهة حمر عاد سحبتهة كلتلهة غسلي راح تفضحين نفسج ،،، غسلت وكملت للظهر اجو عمامي والولد كعدنة كلنة ناكل صارت ساعة ب ٤ وجانت إسراء وبنتهة تبارك يمنة ف كاعدين بالصالة نسولف اني ونسوان عمامي وبناتهن ودا نشرب جاي وكعدة حلوة ،،، اندكت الباب راحت حوراء تفتحهة شوي واجت كالت

حوراء " مينا بنية تريدج "

رديت " منية "

حوراء " كالت كوليلهة ايريلا "

_______
يتبع ...