يگول : رحت لبيت جوارينه چانو نازلين جديد و ابوهم يشتغل بلاقمشه و وضعهم المادي زين ..
ابنهم صار صديقي و صاحني بوقت الغدة ..
امه گلت النا كبة حلب ..
من اكلت الكبة حسيت طعمها غريب بس طيب …
و بيومها من رجعت و سالت امي … عرفت امي چانت تگليلنه كبة بدون حشو لان حصار و وضعنه المادي تعبان ..
و اني و اخوتي الي عمرنا ميعبر العشر سنين كلنا متعلمين على طعمها هيچ ..
و هسه كبرت و وضعي المادي تغير بس لليوم اني متعلم اكل الكبة بدون حشو …
حبيتها بهل الطعم ..
حبيتها لان كل شي بهل الدنيا تعويد … حتى الحب تعويد و اني هذا تعويدي …
#ابوـبغداد
أنت تقرأ
قصص عراقية حقيقية بقلم ابو بغداد سائق التكسي المجموعة الثانية
Cerita Pendekننشر لكم مجموعة من القصص العراقية الحقيقية والواقعية بقلم الكاتب المبدع ابو بغداد سائق التكسي وهي قصص قصيرة ولكن بها معاني اخلاقية وتربوية كبيرة ومؤثرة اقرأوها فعلا تستحق القراءة
