သီတင်းကျွတ် လပြည့်နေ့မို့အိမ်တိုင်းအိမ်တိုင်းက ဆီမီးတွေပူဇော်နေကြပုံမှာလှပလွန်းသည်။ နွေး တို့ညနေစောင်းမှာပဲညစာကိုစောစောစားဖြစ်ခဲ့ကြပြီး လူကြီး အမေနဲ့ နွေးက ဘုရားစင်နဲ့ ရွာဓလေ့လို့ပြောရမလား ရှေးလူကြီးတွေရဲ့အယူအဆလို့ပြောရမလားတော့မသိပေမဲ့ နတ်စင်တွေ ရေအိုးစင် ကျောက်ပြင်နဲ့ မီးဖိုချောင်ကမီးဖိုပါမကျန် ဆီမီးလိုက်ပူဇော်ခဲ့ကြပြီး ခြံထဲမှာလဲ ခြံဝိုင်းအဝင်ကနေပြီး ဆီမီးတွေလိုက်ထွန်းထားသည်မို့ ကြည့်ကောင်းသလိုဆီမီးညီညီထွန်းထားသည်ကလှလွန်းနေသည်။
" လူလေး သမီးကိုရွာထဲလိုက်ပြလိုက်ပါလား ရွာထဲမှာကပိုပျော်ဖို့ကောင်းတယ်သမီးရဲ့ အမေတို့အိမ်က နည်းနည်းလှမ်းတော့ တစ်အိမ်ထဲဖြစ်နေတာ ရွာထဲမှာကျတော့အကုန်လုံးကစုပြီးမီးပူဇော်ကြတာလေ''
" ရွာထဲကိုသွားကြည့်ချင်လား ချစ်ပုလေး ''
" အင်း သွားမယ်လေ''
လူကြီး အမေကရွာထဲကမှာ ကလေးတွေဆော့နေတာမို့ပျော်ဖို့ကောင်းကြောင်းနဲ့ ဆီမီးတွေထွန်းထားတာကလှကြောင်းကိုပြောပြနေတာကြောင့် နွေး လူကြီးနဲ့ ရွာထဲကိုသွားဖြစ်ခဲ့ကြသည်။
နွေး တို့ ခြံကြီးကုန်းရဲ့ လေးက တောအုပ်ကလေးနဲ့လမ်းလေးကိုဖြတ်ပြီး ရွာထဲရောက်တာနဲ့ နွေး အံ့သြသွားရသည်။ ရွာလမ်းတလျှောက်မှာ ထွန်းထားတဲ့မီးအိမ်ပုံစံလေးတွေက အလှမီးအိမ်တွေမဟုတ်ဘဲ ကိုယ်တိုင်လုပ်ထားတဲ့ သစ်ရွက်မီးအိမ်လေးတွေကိုလမ်းတလျောက်မှာအကွာအဝေးညီညီနဲ့ ဟိုဘက်ဒီဘက်ထွန်းထားသည်မှာတရွာလုံးပင်ဖြစ်သည်။
" လူကြီး ဒီမီးအိမ်တွေကဘယ်လိုလုပ်ထားတာလဲ သစ်ရွက်ကိုမီးမစွဲဘူးလား ''
" ကိုယ်တို့ရွာမှာက ဒီလိုမီးအိမ်တွေကိုနှစ်တိုင်းလုပ်တယ်ကလေးငယ်ရဲ့ လူပျိုအပျိုတွေအကုန်စုပြီးလုပ်ထားကြတာလေ သီတင်းကျွတ်လပြည့်မတိုင်ခင်၁ရက်လုံးလုပ်ထားရတာလေ ''
" လူကြီး ဒီလမ်းတလျှောက်လုံးကမီးအိမ်တွေအကုန်လုံးကသစ်ရွက်တွေနဲ့ချည်းပဲနော်''
" ဗံဒါရွက်တွေနဲ့လုပ်ထားတာလေ ကာလသားတွေစုပြီး ဗံဒါရွက်တွေနဲ့ ရွှံ့စေးတွေလိုက်ရှာရတယ် အပျိုတွေက အဲ့ရွှံ့စေးတွေကိုသေချာပြန်ပြီးလုပ်ပြီးဗံဒါရွက်တွေကိုရွှံ့ပြားလေးတေပေါ်မှာအရွက်လေးရွက်ကိုမီးအိမ်ပုံစံလုပ်တာလေ မီးမစွဲဘူးလားဆိုတော့သစ်ရွက်အစိုမို့မီးစွဲဖို့မလွယ်ဘူးလေ အထဲမှာထည့်ထွန်းတဲ့ဖယောင်းတိုင်ကလဲရောင်စုံဖယောင်းတိုင်သေးသေးလေးတွေဆိုတော့မီးအားမပြင်းဘူးလေ ကလေးရဲ့ ''
YOU ARE READING
ချစ်ပုယောကျာ်းတောသားကိုကို
Romanceအခုမှစာစရေးဖူးတာပါ။ own creation ပါ။တူညီတိုက်ဆိုင်တဲ့တစုံတရာရှိခဲ့ရင်လဲ စာရေးသူရဲ့ အမှားမလို့ ကြိုပြီး တောင်းပန်ပါတယ် ကိုကို ကချစ်ပုကိုမြတ်မြတ်နိုးနိုးနဲ့ချစ်ရတာမို့ နာကျင်ဖူးတဲ့ချစ်ပုနှလုံးသားကို ကိုကို့ အတွက် အပိုင်ပေးပါလား
