နွေးတို့တွေ ညစာစားပြီးချိန်မှာတော့ ဆက် အမေက သစ်သားသေတ္တာအနီလေးကိုယူလာကာ...
" သမီး... ဘယ်ဟာကြိုက်လဲ ''
" ဗျာ... ဘာဖြစ်လို့လဲ အမေ ''
" မနက်ဖြန် အလှူမှာဝတ်ရအောင်လို့လေသမီးရဲ့... ''
" နွေး မှာလဲရှိပါတယ် အမေရဲ့ နွေး အဲ့လိုတွေမဝတ်ချင်လို့ပါ ''
သေတ္တာ လေးထဲကနေ ရွှေဆွဲကြိုးကြီးတွေ ကျောက်စီနားကပ်ကြီးတွေကို နွေး ဝတ်ဖို့ပေးနေတာကြောင့် နွေး ငြင်းဆန်မိသည်။ နွေးကိုဝယ်ပေးထားတဲ့ လက်ဝတ်လက်စားတွေလဲရှိနေတာပဲ နွေး ကိုကအဲ့လိုတွေဝတ်ရတာကိုမကြိုက်ခြင်းသာ။
" ဘယ်ဟုတ်မလဲ သမီးရဲ့ မနက်ဖြန်ကျရင် ဒီရွာကတင်မဟုတ်ဘူး တခြားရွာတွေကလဲလာကျမှ သမီးက ဘာမှဝတ်မထားရင် အမေ့သမီးကိုသူများတွေကအထင်သေးနေလိမ့်မယ် ''
" နွေး မှာရှိတဲ့ဟာပဲ ဝတ်လိုက်မယ်လေ ဒါတွေကိုအမေပဲဝတ်ပါ နွေး ကကိစ္စမရှိပါဘူး ''
" ဟုတ်သား မအေးစန်း ရယ် မင့်ပစ္စည်းတွေကမင့်အမေလက်ထက်ထဲကဟာတွေလေကွာ သမီးနဲ့ ဘယ်လိုလုပ်လိုက်မလဲကွ ဟေ့ သမီး မနက်ဖြန်ကျရင် အဖေတို့သမီးအတွက်ဝယ်ပေးထားတာတွေသာအကုန်ဝတ်လာခဲ့ကြားလား... ''
" ဗျာ...''
ဆက် အဖေနဲ့ အမေက နွေး မဝတ်ချင်ဘူး ပြော၍ရမည့်ပုံမပေါ်ပေ။ ဆက် ကို အကူအညီ တောင်းသလိုကြည့်မိလိုက်တော့ ဆက် ကလဲဝတ်စေချင်ပါ၏ ပကာသနဆိုတာထက် မိဘတွေစိတ်ကျေနပ်စေချင်ပါသည်။ နွေး ဆက်ကို ကြည့်လိုက်တော့ ဆက် ကခေါင်းညိတ်ပြနေတာမို့...
" ဟုတ်... သမီး မနက်ဖြန်ကျရင် ဝတ်လိုက်ပါ့မယ် ''
" အေး အေး... အဲ့ဒါ ကောင်းတယ် စောစောအိပ်ကျတော့ မနက်ဘုန်းကြီးကျောင်းကိုစောစောလေးသွားရအောင်လို့ ''
" ဟုတ်... အဖေ ''
ဆက် တို့တွေစောစောအိပ်ရာဝင်ခဲ့ကြသည်။ အခန်းထဲကိုရောက်တော့...
" ကိုကို... ရှိတာအကုန်ဝတ်သွားရမှာလား ''
" အကုန်ဝတ်သွားစရာမလိုပါဘူး... ချစ်ပု အတွက် ပြည့်စုံတယ်ဆိုရုံလောက်ဝတ်လဲရပါတယ် မဝတ်ဘဲတော့မနေနဲ့ပေါ့ ချစ်ပုရဲ့ ''
YOU ARE READING
ချစ်ပုယောကျာ်းတောသားကိုကို
Romanceအခုမှစာစရေးဖူးတာပါ။ own creation ပါ။တူညီတိုက်ဆိုင်တဲ့တစုံတရာရှိခဲ့ရင်လဲ စာရေးသူရဲ့ အမှားမလို့ ကြိုပြီး တောင်းပန်ပါတယ် ကိုကို ကချစ်ပုကိုမြတ်မြတ်နိုးနိုးနဲ့ချစ်ရတာမို့ နာကျင်ဖူးတဲ့ချစ်ပုနှလုံးသားကို ကိုကို့ အတွက် အပိုင်ပေးပါလား
