Jeremiah's Basement

Chapter 36: Dinner

"You're making milk tea ate?" tanong ko sa kanya habang nasa harap ng table sa kusina.

"Noooo," sagot niya sa isang pahabang tono.

"This is milkshake," paglilinaw niya.

"Okay. Sure ka na magagawa mo yan ng matino ngayon? Remember the last time na nagtry kang magluto," pangaasar ko kay ate.

Kinusilapan niya lang ako at nakisabay sa aking tawa. Pati si mama na nakikinig din pala sa may tabi habang hawak si baby na bunso naming kapatid ay nakikihalakhak din.

Napatigil na lamang ang pagkatuwa namin nang may kumatok sa pintuan.

"Ako na," ang sambit ko.

Nasa harap na ako ng pinto at medyo nagtataka kung sino ba ang nasa labas ng bahay. Nang pinihit ko ang doorknob para buksan ito ay lumantad sa aking harapan si papa na nakatayo. Dilat na dilat naman ang mata niya pero mukhang hindi na humihinga. Nagsimula lamang akong magpanic nang nakita ko ang bandang gitna ng damit ni papa na kulay puti pero ngayo'y naging kulay pula. Sa paligid naman ng mga paa niya ay may nakapalibot na dugong tumutulo mula sa likuran ni papa.

"Pa…" sa sobrang gulat ko ay hindi ko nagawang magsalita kaagad.

Kusa na lamang akong napasigaw nang may taong nakamaskara ang tumingin sa akin mula sa likod ni papa. Itinulak niya ang katawan ni papa at natumba sa akin. Pagkasalo ko ay saka ko lamang napansin ang napakadaming saksak na natamo ng likuran ni papa. 

Agad namang nagtakbuhan papunta sa akin sila mama at ate. Nadatnan nila akong nakaluhod na sa sahig habang nasa aking harapan ang nakadapang katawan ni papa.

Pumasok ang nakamaskara sa loob at iba pa niyang kasama. Madami pala sila at lahat ay may suot na mask. Ang bawat miyembro na dumadaan sa aking harapan ay nagbibigay ng takot at pagtayo ng mga balahibo ko.

"Si—sino kayo?" pautal-utal na tanong ni mama.

"DADDY!" sigaw naman ni ate nang nakita niya si papa na nakahilata't puno ng dugo.

Tumakbo siya palapit sa akin pero agad siyang hinawakan ng mga nakamaskara at pinaluhod.

"WAG NIYONG HAHAWAKAN ANG MGA ANAK KO!" pagbulyaw ni mama sa mga pumasok na mukha namang puro lalaki lahat.

Hawak pa ni mama ang bunso namin nun kaya agad na nagising ang sanggol sa paghiyaw ni mama. Umiyak ito at pinagtinginan lahat ng mga lalaking nakamask.

"Baby? I love babies…" sambit ng isa sa kanila.

"…they taste so delicious," ang pagpapatuloy niya.

"MMY! TAKBO!" muling banggit ni ate.

Sinubukang tumakas ni mommy at kumaripas papuntang sa back door pero nahablot ng isa sa nakamaskara ang buhok ni mama. Napahigpit siya nang kapit sa baby at nagsimulang makiusap sa mga lalaking nasa paligid namin.

"Please, take me. Wag niyo lang sasaktan ang mga anak ko."

Ako naman ay nakaluhod pa rin sa sahig at hindi makagalaw sa sobrang takot. Nakatingin lamang ako sa mga nangyayari at walang magawa.

"Please!" patuloy sa pagmamakaawa si mama habang si ate ay sinusubukang pumiglas.

"Plea—" hindi na nagawa pang magsalita ni mama ulit nang biglang pinugot ang ulo niya ng nakamaskara na nasa harapan niya gamit ang matalim na itak na hawak nito kanina pa.

"MOMMY!" ang sigaw ng pagluluksa ni ate nang nahulog at nagtalbog ang ulo ni mama sa sahig.

Agad na kinuha ng lalaki ang baby na nasa pagitan ng kamay ni mama. Iniugoy pa nila ito at umaarte na parang hinehele ang bata.