#الحسن
#جمان_فريد
الجزء الثالث🛡💕
تعديل
🌼منذر يكون خو عليا الكبير وعمره 30سنه غير اني تلخبطت لما سميته في ترتيب عائلة عليا....😊
🌄صباح يوم جديد...
عليا: معليشي بابا سامحني بنعطلك ع خدمتك
جعفر بأبتسامه وشد ذقنها: اني ع حساب الريلا...
عليا: ربي مايحرمني منك ياروح الريلا💗
زينب بضحكه: باهي ياودي هيا عطلتي ع محاضرتك...
جعفر غمز لعليا: شكلهم غاروا
عليا بضحكه: هلبا مش شويه ..
زينب : هيا هيا انت وياها اطلعوا خل نلهى بالحوش بنقلبه اليوم اهل خطيب مديحه جايين..عليا بنيتي وانتي مروحه جيبي معاك شكلاطه من نفس المحل اللي جبتي منه شكلاطه نهار جت عمتك..
جعفر: ضروري الشكلاطه نفسها واني مروح تو نجيب معاي..
عليا: مافيش مشكله ياغالي تو نجيب اللي تبيه نبع الحنان..
جعفر وزينب: ههههههههههه
عليا طالعه: هيا بابا وقت..
جعفر وراها : هيا هي...
***
يشرب في قهوته اللي ناقصه سكر ويشوف في خريطة المنطقه اللي حينفدوا فيها عملية قبض اليوم...
خش آدم: توا ماشي غادي ياأفندي..
الحسن وقف ع حيله : زي مافهمتك ياآدم نفذوا كلامي بالحرف اليوم "الأجواز "لازم يكونوا في ايديا...واشر بسبابته..رد بالك ياآدم
آدم بإبتسامة ثقه : حاضر يافندي ..كون هاني..
هز راسه الحسن بإيجاب ورجع يشوف ف الخريطه ..وآدم طلع..
***
ابتسام : وينها هادي اليوم
نرجس : عطلت هلبه..
ابتسام : اهيا واخيرا..
جت عليا تجري: عطلت هلبه؟
ابتسام: خلاص المحاضرة بتبدا هيا..ومشوا يجروا الثلاته..
نرجس : اكيد ساهرة مع حبيب القلب
ابتسام بضحكه : هل عندك شك
عليا : ياتافهات سكروا قراريجكم
ابتسام ونرجس: ههههههههههههههههههه
هما خشوا ..وفي حد كان واقف وراهم بمسافه ومبتسم...
***
استاد البي المحامي منصف موجود برا..
عبدالقدوس وهو لاهي بملف قدامه: دخليه...
طلعت السكرتيرة وشويه وخش منصف: صباح الخير يابي
ناض عبدالقدوس سلم عليه باليد وقعمزوا...
عبدالقدوس: شن الراحة اللي عطتيهالك سداتك..
منصف بضحكه: يومين فيهم الخير والبركه..
عبدالقدوس: تستاهل اكثر من هكي قضيتين مهمات ربحتهم لصالح شركاتنا برا..
منصف بإبتسامه : هذا واجبي...
عبدالقدوس: وتو نبيك تسمعني كويس
منصف بأستغراب: خير؟!
عبدالقدوس ضيق عيونه : في شرطي شن سماه.. وقعد يفكر..
منصف : مش مهم اسمه المهم شن في من وراه..
عبدالقدوس شبحله: قاعد يربش هني وهني ...
منصف مط شواربه بفهم: اممم ...كلمت الحبايب داروله اللازم..
عبد القدوس: مش ضابط عادي...غير اسمه راح مني وليه احباب حتى هو ..
منصف: ريح بالك مش حيوصل لشي حيتعب روحه ع الفاضي..
عبدالقدوس: قالولي ره مش ساهل بكل..
منصف بإبتسامه واثقه : وحتى حني مش ساهلين لو بيصدعلنا الراس كان عنده نجوم نحولوهله..
عبد القدوس: هههههههههههه عارفك شيطان هذا علاش خليتك قريب عليا...
منصف بضحكه: تلميذك..
شبحله عبد القدوس: الا قولي شن حال خطيبتك...
منصف رفع حاجبه الإيسار: تمام..
عبد القدوس بإبتسامه مكر: حافظ عليها ...
منصف خاف بس اظاهر بعكس هكي: ماتوصيش حريص...
عبد القدوس ابتسم بتهكم...
***
شكله عندك عمليه اليوم دامك جيت بتفطر معاي .
الحسن هز راسه وهو ياكل..
سرمد : شن هالمرة..
الحسن بلع لقمته وشبح لعمه: لما ناكل مانحبش ...
سرمد: ندوي ..ههههههههههههه..كول كول..
...
برنيه خشت للمطبخ: انعام ماغسلتيش فنجال الحسن ولا..
انعام بضحكه : من حضك كيف جيت بنغسله..
مشت برنيه تجري خداته وطلعت بيه تجري..
انعام بضحكه: ربي يهديك ياأمي..
خشت برنيه بالفنجال ع ضيفتها "خويرة"
برنيه مدتلها الفنجال بصونيته: هذا فنجاله...
خويره : كويس ..خدت الفنجال قلباته وحركاته حركه دائريه ..حطت الصونيه وقامت الفنجال وبدت تشوف..
تمط في شواربها ...تفنص..اضيق في عيونها...حطت ايدها تحت ذقنها..وبدت تتكلم...
خويرة: حيتزوج قبل يتم العام...
برنيه بفرحه: هالنهار المبارك..
خويرة رفعت سبابتها: لكن مش كيف ماتبوا...
برنية تلاشت ابتسامتها:كيف يعني...
خويرة: هذا اللي شفته مافيش اكثر من هكي...
برنيه : المهم يتزوج ونشوف صغويرته..
خويرة :تحبيه هلبه اكثر حتى من صغارك..
برنيه تنهدت: هالوليد ماحد فاهمه غيري برغم انه كتوم وديما بعيد ...في داخله قلب حنين ..لكن هو حابسه ومسكر عليه ..خايف منه..خايف قلبه يخليه ضعيف وهو كل شي ولايبان ضعيف قدام مخلوق في هالدنيا..
خويرة: اللي يخدم في الشرطه وبين المجارم هكي يصير فيه
برنيه : تستس من نهار صار وهو هكي...
خويرة : خليه هكي الناس اديرله حساب وتخاف منه في وقتنا هذا الناس تخاف ماتتحشمش...
برنيه بضحكه: صدقتي...
***
خلاص معاش نبيك افهم خلاص...
سليم : باه ياخوله باه واني والله طلاق مني مطلق مش دخلي فيها الحسن دخلي الأكبر منه..حتقعدي معلقه ياخوله وصكر فوجهها...
خوله لوحت التليفون وقعدت تبكي...
سارة: ودره إن شاء الله مايستاهلش واحد زي هذا تبكي ع خاطره
خوله ببكي: نبكي ع عمري اللي راح معاه..
سارة : ماراح شي مازلتي صغيرة ..وتو تشوفي كيف الحسن يطلقك منه ويجيبلك حقك تاالت ومتلت..
خوله ترشف: اني غير يطلقني مانبي منه شي ..
***
واااااااو نفخ هالمحاضرة ساعتين من الدش الفاضي ..
عليا : صح باهي اللي مدايرلنا شيتات..
ابتسام : تعالوا نقعمزوا ...قعمزوا التلاته ع مقعد طويل...
نرجس: ريتوا الفيديو متاع المخروم اللي خطف بنت في الشارع وقبل يبي يذبحها...
عليا : امس اميره تفرجت عليه 60مرة وصدعتلنا روسنا بيه
ابتسام: ايه شفته..ياروحي ع البنيه كيف تعيط ولا امها مساكين..
نرجس بأعجاب: شرطتنا عليهم ربي يحجب من العين ..
ابتسام بضحكه: شرطتنا ولا الحسن..
نرجس: رغم انه مابانش في الفيديو زين لكن اللي داره ساد ياكبدي...😍
عليا: تعرفوا ان في بين عيلتنا وعيلته دم..
ابتسام : ايه سامعه بالقصه..
عليا : واحد من عمامي الله يرحمهم قتله ولد عمهم في الحرب..
ابتسام : وواحد تاني من عمامك خدي بتاره...
عليا: ايه تصافينا..لكن قاعده العداوة قائمه...
نرجس: ربي يصفي القلوب...
***
يدور بسيارته حوالين المنطقه ويراقب في الوضع..
حاط سماعه في وذنه يتواصل بيها مع عناصره: شن صار ..
آدم: توا خشلهم واحد
الحسن: زي ماتوقعت ناويين الهربه..لكن مش حيلحقوا..خلي عيونك مفتوحه انت والباقي ياآدم...
آدم: تمام سيدي...
***
:اول مانطلعوكم من هني لازم يشوفكم "شرودة"
:والبوكشاش؟
:لالا المده هادي يبي يكون بعيد..
: شنو قصة "الكوماندا "مع البوكشاش ميزه هلبه الفترة الأخيره
: حتى اني ملاحظ..
:نصيحه مني ليكم يا"الأجواز"حتى بينكم وبين ارواحكم ماتسألوش علاش "الكوماندا "يدير هكي ومايديرش هكي
سكتوا الزوز وقعدوا ياكلوا
:كملوا ماكلتكم والبسوا الحوايج اللي جبتهم وهيا...
***
ابتسام : عليا اني سابقاتك...
عليا : تمام تو نلحقك..هاكي فطورك..
ابتسام خداته ومشت...وفي شخص يلاحق فيها بمسافه بسيطه..
وهي ماشيه شافت عامل مقعمز وتاعب...
ابتسام وقفت عليه هدرزت شويه وضحكوا الزوز ومدتله كيسة الفطور ومشت...
وعيون هذاكا الشخص تراقب فيها لاإراديا ابتسم لما شاف اللي دارته مع العامل...كمل وراها...تلاقت مع زوز من صاحبات البشرة السمراء يلموا في اكياس وكواغط لمت معاهم وهدرزت معاهم وضحكوا ..وغسلت ايدها بشيشه ميه وهي ماشيه تكمل في طريقها..
الشخص اللي يراقب فيها ابتسامته ماتحولتش من على وجهه طول ماهو وراها لين وقفت ع الواجهه وقف بمسافه وعيونه عليها...
***
في هالوقت الجماعه الملاحقين اللي قاعدين في حوش في واحد من الأحياء الشعبيه..يستعدوا للهروب بتخفي...
:ماعرفتكش من انت..
: انت اللي مني..
الزوز: هههههههههههههه..
فجاه انفتح الباب: اطلعوا من الباب الخلفي كبسه..
بسرعة البرق توجهوا للباب الخلفي وطلعوا يجروا..مكانوش عارفين انهم مراقبين وفي من حيتلقاهم ..ضربوا ع رجلين العناصر بمهارة وكملوا طرقهم جري...
***
عليا وابتسام مروحين
عليا: هو شرط بابا هذا اني نكمل تلاته سنين الأولات وبعدين نتزوج بس حتى اني مقتنعه بيه..
ابتسام: سعدودك في من يحبك في الدنيا ويستنى ع نار امتى يجمعكم حوش واحد
عليا بإبتسامه: وانتي من قالك ان مافي حد يحبك غير انتي مسكرة ع روحك ياإبتسام..
ابتسام : اللي يبيني بالحق يدور ع مفتاحي بش يخش قلبي ونقبله..
عليا بضحكه: خف علينا يامفتاح انت
ابتسام : ههههههههههه
***
الحسن : خلوكم وراهم استدرجوهم لداخل الحي شارع****
آدم: تم سيدي..
...
الأجواز يجروا بأقصى سرعه يخشوا لمكان ويطلعوا من مكان ويلقوا في العناصر وراهم
:بيوع ياحمدي باعونا..
: والله لما ندمهم عليها..
***
عليا : هي اني مالانخليك تكملي بروحك
ابتسام: علاش..
عليا: بندير دورة ع المحلات هنايا وبناخد حلوات وشكلاطه اهل خطيب مديحه بيجونا اليوم..
ابتسام : خيرهم..
عليا: بيتكلموا في تفاصيل العرس زي ماتعرفي خطيبها قال مش مستني حد
ابتسام بضحكه: عنده الحق لأمتى بيستنى مش ساد خطيبك اللي قريب يهبل بتهبلي الناس التانيه معاك..
عليا: هههههههههههه ياتافهه..هيا ماتعطلنيش سلام..
ابتسام بضحكه: سلام..وكل وحده مشت في جهه..
***
الحسن نزل من سيارته يجري وقايم سلاحه لمح الاجواز قدامه ضرب في الهواء..
:هذا الليث..
:ايه هو ..اسمع كل واحد فينا يهرب في جهه..
: تمام...
طلعوا يجروا وخشوا بين الأحياء السكنيه والعناصر يلحقوا فيهم...
آدم: سيدي واحد منهم طلع من الحي ..
الحسن: خود معاك واحد ووراه طول...
ادم: تم...
اما الحسن فقعد من زنقه لزنقه يلاحق في التاني..
....
عليا"المحلات متاع الحوايج يسهفوك تخشي ..لكن لا خل نشري الضيافه قبل بعدين نخش نشوفهم..
وكملت طريقها..
...
الحسن كان مدرق وراء حيط واحد من الحياش..من الجهة التانيه بمسافه كان واحد من الأجواز حتى هو مدرق...
...
عليا"الله الشارع فاضي لو نرقص فيه مايندري عليا حد" وضحكت
...
الحسن وهو مدرق: ادم شن صار معاك..
ادم: القينا القبض عليه يافندي..
الحسن: تريس ...حيلحقه صاحبه بإذن الله...
...
عليا وهي ماشية وجوها اخر رواق...بدت تغني..
ع هدير البوسطا اللي كانت ناقلتنا
من ضيعة حملايا ع ضيعة تنورين..
تزكرتك ياعليا
الحسن يسمع في صوت ضيق عيونه .."هذا اللي ناقصني توا"
يخرب بيت عيونك ياعليا شو حلوين..
فجاه صوت اطلاق نار🔫💥💥
عليا انخلعت وغمضت عيونها : ووه هذا شنو..وماحستش الا بإيد غمت فمها وجبدتها...
عليا وفمها مغموم: امممم اممممم امممم..
الحسن اللي شدها وظهرها لاصق في صدره وغام فمها: حسك مانبيش نسمعه..
عليا عصبت: امممممم اممممم..
الحسن: عليك حصله..
عليا بعصبيه ترد عليه بس فمها مغموم: اعمممم اامممههم
الحسن تأفف بغضب وبهمس: نحول ايدي من ع فمك تنطقي بحرف نفرغ المخزن كله فراسك
عليا هزت راسها بأيجاب..وبمجرد مالحسن حول ايده..
عليا بعصبيه: ياحيوان يامتخلف ياهمجي يابربري يامجرم ياارهابي يا....وغم فمها من جديد
الحسن بهمس وهو في عز غضبه : النساوين انتم شر لابد منه
عليا من غيضها نتشاته بقوة هو حسها طلقها ولفها ليه وجبدها من خصرها ..والعين جت في العين..
☝️لحظه اوقفي يادنيا شويه ...اللي شافه الليث الجريح صاحب القلب اللي من حديد..عيون ذباحه..نظرتهم هزاته هز..شعور تسلل لقلبه الصلب الجامد خلاه يتحرك..نظراته الحاده بدت تتغير لنظرات من نوع آخر عيونه مش متعوده عليهم نظرات جديده ..مرر نظراته ع تفاصيل وجهها ..كل تفصيل كان يحرك في قلبه اكثر واكثر..بدون مايحس ضغط بإيده ع خصرها قربها ليه اكثر لين معاش يفصل بينتهم إلا انش واحد..
هي مش فاهمه علاش مستسلمه هكي مستسلمه تماما تشوف لعيونه وخلاص ومعاش فهمت شي..ذراعه اللي لافه عليها بقوة ...وكأنها حاجه ملكه وهي حست في لحظتها فعلا وكأنها ملكه..ايدها الزوز ع صدره...والصوت اللي تسمع فيه دقات قلبه القويه...مش دقات قلبه هو بس حتى قلبها..
الزوز ناسين كل شي ناسين من هما ووين هما وشنو اساميهم ومن يكونوا...عايشين هاللحظه اللي المشاعر فيها هايجه بس مبهمه..
قطع هاللحظه🔫💥💥 صوت رصاص..بحركه سريعه الحسن لفها ورجعها لوضعيتها الأولى وغم فمها..وهي تسمع في الرصاص وخايفه...
وكأنها مواجه مسلحه...
الحسن مشي بعليا لتركينه وحطها فيها: تنطمري في مكانك تتحركي نحطلك رصاصه في وحده من سيقانك...
عليا غمضت عيونها وهزت راسها بإيجاب من الخوف..وهو بسرعه قعد يجري وفي ايده سلاحه وكيف وصل في راس الزنقه تقابل مع المطلوب وع طول ضربه فرجله..حاول المطلوب يضرب الحسن لكن ادرق وخوي الرصاصه بيحاول في التانيه ماقدرش لأن واحد من العناصر ضربله ايده اللي شاد بيها المسدس بطلقه ..
جوه يجروا وشدوه..
الحسن قدمله : ارفعوه بسرعه للمستشفى التابعه للمركز نبي الحراسه عليه مشددة ..
واحد من العناصر: تمام يافندي..قاموا المطلوب ورفعوه..
الحسن شبح لواحد من العناصر: برا ياإبني وقف تاكسي
العنصر: تم يافندي...
وتوجه الحسن لعليا ووصل فيها حط سلاحه ع خصره وهو يشبحلها كيف مغمضه عيونها واتمتم بفمها ..
الحسن بصوت عالي : انتي هييييييييه
عليا انخلعت: ياهمجي ياغجري علاش تعيط..
الحسن وهو يشبحلها بنظرة حاده وببرود: تحركي قدامي..
عليا اتنرفزت: لا..
الحسن قعد يشبحلها بحده وهي تبادل فيه بنفس النظرة
الحسن: كلامي مانحبش نعاوده..
عليا : مشكلتك..
الحسن يشبحلها بملل وهي تشبحله بحده..
الحسن : عليك يوم هو ...وقدم شدها من ايدها وجبدها وقعد يجر فيها..وهي مصدومه وتشبحله ..لين وصل بيها لراس الشارع ولقي العنصر..
الحسن طلقها: خود هيا وركبها في التاكسي..
عليا: هييييه انت عندي ماندير هني..
الحسن ماباش يشبحلها حتى الشبح: دير اللي قتلك عليه..
عليا : انت...كيي..ع....تشبحله وهو عاطي بظهره ويمشي كانت مشيه بخطوات واثقه هلبه جذبتها لأبعد حد
العنصر: معليشي يااختي المكان هذا حتمشطه الشرطه للاطمئنان لوسمحتي تعالي معاي..
عليا بدون اعتراض لحقت العنصر وركبت التاكسي وروحت..
***
في مكان تاني في نفس الوقت...
كانت مكمله طريقها للحوش اعترضوها زوز مردف..
: هاتي الشنطة ياحلوة وماتفكريش تقاومي..
:هاتيها هياااااا
ابتسام ببرود ممزوج بإزدراء: ترا حول من طريقي انت وياه وماشيه بتكمل طريقها واحد منهم شد شنطتها والتاني رفع عليها موس...
ابتسام وهي تجبد فالشنطه: حول يامسردن حول..
:مسردن #$$¥¥ ياكلبه..
ابتسام بقرف: الله المستعان...
فجاة شبحت روسهم مخبوطه ببعض والزوز داخوا طول..
ابتسام تتفرج عليهم بصدمه وهما طايحين وقامت عيونها فوق: ماتوا؟؟!!
: هههه تستس..
ابتسام وهي تشبحلهم : جزاك الله خيرا يا....
:معاك ولد القاضي بلال
ياما قاطع سهول وجبال
وف عقلي فايت جيلي بأجيال..
واللي يعرفني نسياني عنده محال..
ابتسام لاأراديا ضحكت: شعر ولانثر...ولاشرموله ...
بلال ضحك لضحكتها وخفة دمها: اللي يعجبك..
ابتسام: باهي شكرا يافايت بطولك الجبال..
بلال بضحكه: مقبوله منك ..امم وانتي شن اسمك..
ابتسام بضحكه: خل نمشي قبل ليفيقوا ومشت بسرعه وخلاته عيونه معاها...لين اختفت من قدامه...
بلال "المفروض اني اللي نطيحها لكن العكس هو الصحيح "💓
...يتبع...
