#الحسن
ﺍﻟﺠﺰﺀ ﺍﻷﺧﻴﺮ 66" ﺍﻟﻘﺴﻢ ﺍﻷﻭﻝ "
صورة 3.9K صورة 92 صورة 15
ﺑﻮﺍﺳﻄﺔ GomanFared
ﺃﻣﻴﺮﺓ ﻣﻦ ﺍﻟﺼﺪﻣﻪ ﻭﺍﻟﺒﻜﻲ ﺭﻗﺪﺕ ﻓﻲ ﺍﻟﺴﻴﺎﺭﺓ ﺍﻟﺤﺴﻦ ﻛﺎﻧﺖ ﺩﻣﻮﻋﻪ ﺗﻨﺰﻝ ﺷﺒﺤﻠﻬﺎ ﻣﻦ ﺍﻟﻤﺮﺍﻳﻪ ﻷﻧﻪ ﺭﻛﺒﻬﺎ ﻣﻦ ﺍﻟﺨﻠﻒ ﻭﺍﺫﻛﺮ ﻗﺒﻞ ﻛﻢ ﻳﻮﻡ ﺷﻦ ﺻﺎﺭ ...
ﻓﻼﺵ ﺑﺎﻙ ..
ﺍﻟﺤﺴﻦ : ﺍﻧﻲ ﻋﺎﺭﻑ ﺳﺮﻣﺪ ﻛﻮﻳﺲ ﺍﻧﺘﻲ ﻧﻘﻄﺔ ﺿﻌﻔﻪ ﺍﻧﺘﻲ ﺍﻟﻮﺣﻴﺪﻩ ﺍﻟﻠﻲ ﺣﺘﺴﺎﻋﺪﻳﻨﺎ ﻳﺎﺃﻣﻴﺮﺓ ﻓﻲ ﺍﻟﻘﺒﺾ ﻋﻠﻴﻪ ... ﻭﺷﺒﺢ ﻟﺠﻌﻔﺮ .. ﺭﺩﺑﺎﻟﻚ ﻳﺎﻋﻤﻲ ﺗﻔﻜﺮ ﺍﻧﻲ ﻧﺴﺘﻐﻞ ﻓﻴﻬﺎ ﻻﻭﺍﻟﻠﻪ ﻫﺎﺩﻱ ﺍﺧﺖ ﺯﻭﺟﺘﻲ ﻭﻋﺮﺿﻲ .. ﻟﻜﻦ ﻧﺒﻲ ﻣﻨﻬﺎ ﺗﺨﻠﺼﻨﺎ ﻣﻦ ﺷﺨﺺ ﺧﻄﻴﺮ ﻣﻤﻜﻦ ﻳﺄﺫﻳﻬﺎ ﻭﻳﺄﺫﻳﻜﻢ .. ﺍﻧﺘﻘﺎﻣﺎ ﻣﻦ ﻣﻨﺬﺭ ... ﺳﺮﻣﺪ ﺍﻟﻠﻲ ﻋﺮﻓﺘﻪ ﻣﺆﺧﺮﺍ ﻟﻤﺎ ﺍﻟﺤﺎﺟﻪ ﺗﻤﺴﻪ ﻫﻮ ﻳﺘﺤﻮﻝ ﻟﻮﺣﺶ ﻣﺎﻋﻨﺪﺍﺵ ﺭﺣﻤﻪ ﻭﻻﺧﻮﻑ ﻣﻦ ﺭﺑﻲ ﻭﻻﻳﻬﻤﻪ ﺣﺪ ﻭﻻﻳﻔﻜﺮ ﻓﻲ ﺣﺪ ..
ﺟﻌﻔﺮ ﺗﻨﻬﺪ ﺑﻘﻮﺓ ﻭﺷﺒﺢ ﻟﺒﻨﺘﻪ : ﺑﺎﺑﺎ ﺃﻣﻴﺮﺓ ﺷﻦ ﺗﻘﻮﻟﻲ ..
ﺃﻣﻴﺮﺓ ﻭﺩﻣﻮﻋﻬﺎ ﺗﻨﺰﻝ : ﺳﺮﻣﺪ ﺣﻴﺒﻜﻲ ﻫﻠﺒﻪ ﻧﺎﺱ ﻟﻮ ﻗﻌﺪ ﻋﺎﻳﺶ ... ﻛﺎﻥ ﺣﻴﻘﻬﺮ ﺍﺧﺘﻲ ﻋﻠﻴﺎ ﻭﻳﻴﺘﻢ ﻭﻟﺪﻫﺎ ﻗﺒﻞ ﻣﺎﻳﺠﻲ ﻉ ﺍﻟﺪﻧﻴﺎ .. ﻭﺍﻟﻠﻪ ... ﺍﻟﻠﻪ ﺃﻋﻠﻢ ﻗﺪﺍﺵ ﻗﻬﺮ ﻧﺎﺱ ﻭﻧﺎﺱ .. ﻭﻗﺪﺍﺵ ﻗﺘﻞ ﻧﺎﺱ ﻏﻴﺮ ﺍﻟﻠﻲ ﻧﻌﺮﻓﻮﻫﻢ ... ﻣﺴﺤﺖ ﺩﻣﻮﻋﻬﺎ .. ﺍﻧﻲ ﻣﻌﺎﻙ ﻳﺎﻟﺤﺴﻦ ﻭﺍﻟﻠﻲ ﻳﻄﻠﻊ ﺑﻴﺪﻱ ﺣﻨﺪﻳﺮﻩ ...
ﺟﻌﻔﺮ ﺍﺑﺘﺴﻢ ﺑﺄﻟﻢ .. ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ...
ﺍﻟﻮﻗﺖ ﺍﻟﺤﺎﺿﺮ ..
ﻗﻌﺪ ﻳﺸﻮﻑ ﻟﻠﻤﺴﺪﺱ ﺍﻟﻠﻲ ﻗﺘﻠﺖ ﺑﻴﻪ ﺳﺮﻣﺪ ..
ﻓﻼﺵ ﺑﺎﻟﻚ ...
ﻗﺒﻞ ﻟﻘﺎﺀ ﺍﻣﻴﺮﻩ ﻭﺳﺮﻣﺪ ﺑﺴﺎﻋﻪ ...
ﺍﻟﺤﺴﻦ : ﺍﻟﻤﺴﺪﺱ ﻫﺬﺍ ﺣﻨﻌﻠﻤﻚ ﻛﻴﻒ ﺗﺴﺘﺨﺪﻣﻴﻪ .. ﺍﻣﻴﺮﻩ ﻓﻲ ﺣﺎﻟﻪ ﻛﺎﻥ ﻓﻲ ﺧﻄﺮ ﻋﻠﻴﻚ ﻣﻨﻪ ﺃﻭ ﺣﺎﻭﻝ ﻳﺎﺫﻳﻚ .. ﻣﺴﻤﻮﺣﻠﻚ ﺍﺩﺍﻓﻌﻲ ﻋﻦ ﻧﻔﺴﻚ ﺑﻴﻪ ... ﻭﻻﺯﻡ ﺍﺩﺭﻗﻴﻪ ﻛﻮﻳﺲ ﻫﻮ ﻣﺎﻳﺤﺴﺶ ﺑﻴﻪ ...
ﺍﻣﻴﺮﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻭﻗﻌﺪ ﺍﻟﺤﺴﻦ ﻳﻌﻠﻢ ﻛﻴﻒ ﺗﺴﺘﺨﺪﻣﻪ ...
ﺍﻟﻮﻗﺖ ﺍﻟﺤﺎﺿﺮ ..
ﻭﺻﻞ ﺍﻟﺤﺴﻦ ﻟﺤﻮﺵ ﺃﻫﻞ ﺃﻣﻴﺮﻩ .. ﻟﻘﻲ ﺟﻌﻔﺮ ﻳﺴﺘﻨﻰ ﻓﻴﻪ .. ﻧﺰﻝ ﻣﻦ ﺍﻟﺴﻴﺎﺭﺓ ﻭﻣﺸﻲ ﻟﺠﻌﻔﺮ ..
ﺍﻟﺤﺴﻦ : ﺣﺎﻟﺘﻬﺎ ﺻﻌﺒﻪ ...
ﺟﻌﻔﺮ : ﺷﻦ ﺍﻟﻠﻲ ﺻﺎﺭ ...
ﺍﻟﺤﺴﻦ ﺷﺒﺤﻠﻬﺎ ﻭﺷﺒﺤﻠﻪ : ﻣﺎﺕ ﻗﺪﺍﻣﻬﺎ ..
ﺟﻌﻔﺮ ﻗﺪﻡ ﻭﻓﺘﺢ ﺍﻟﺴﻴﺎﺭﺓ ﻭﻧﺰﻟﻬﺎ ﻭﻫﻲ ﺷﺒﻪ ﻓﺎﻗﺖ .. ﻗﻌﺪﺕ ﺗﻤﺸﻲ ﺑﺼﻌﻮﺑﻪ ﻭﻗﺎﻋﺪﻩ ﻓﺤﺎﻟﺔ ﺍﻟﺼﺪﻣﻪ ... ﺧﺸﺸﻬﺎ ﺩﺍﺧﻞ ﻭﻻﻗﺘﻬﺎ ﺃﻣﻬﺎ ﻭﻫﻲ ﺗﺒﻜﻲ ﻭﺳﻨﺪﺗﻬﺎ ﻣﻊ ﺑﻮﻫﺎ ﻉ ﻃﻠﻌﺔ ﻣﺼﻌﺐ ..
ﻣﺼﻌﺐ ﺑﻀﻴﻖ : ﻣﻌﻠﻴﺸﻲ .. ﺑﺲ ﺍﻟﻠﻲ ﺻﺎﺭ ﻣﺶ ﺭﺍﺿﻲ ﻋﻠﻴﻪ ﺑﻜﻞ ﻭﻻﻗﺪﺭﺕ ﻧﻘﺒﻠﻪ ..
ﺍﻟﺤﺴﻦ : ﻧﻌﺬﺭﻙ ... ﺑﺲ ﻻﺯﻡ ﺗﻌﺮﻑ ﺍﻣﻴﺮﺓ ﺍﺧﺖ ﻣﺮﺗﻲ ﻭﺍﻧﺘﻢ ﻋﻴﻠﺘﻲ ﻭﻭﺍﺟﺒﻲ ﻧﺤﺎﻓﻆ ﻋﻠﻴﻜﻢ ﻣﻦ ﻛﻞ ﺍﻟﻨﻮﺍﺣﻲ ﻭﺍﻧﺖ ﺍﻟﻠﻲ ﺍﻻﺩﺭﻯ ﻳﺎﻣﺼﻌﺐ ..
ﻣﺼﻌﺐ ﻟﻒ ﻭﺟﻬﻪ ﺟﻬﺔ ﺍﻟﺘﺎﻧﻴﻪ ﻭﻫﻮ ﻣﻌﺼﺐ ..
ﺍﻣﺎ ﺍﻟﺤﺴﻦ ﺍﻟﻠﻲ ﻛﺎﻧﺖ ﻧﻔﺴﻴﺘﻪ ﻣﺪﻣﺮﻩ ﺭﻛﺐ ﺍﻟﺴﻴﺎﺭﺓ ﻭﻣﺸﻲ ...
***
ﺁﺍﺍﺍﺍﺍﺍﺍﻩ ﻳﺎﻛﺒﺪﻱ ﺁﺍﺍﺍﺍﺍﺍﺍﺍﺍﻩ ﻳﺎﻛﺒﺪﻱ ﻧﺎﺍﺍﺍﺭ ﻳﺎﺭﺑﻲ ﻧﺎﺍﺍﺍﺍﺭ ﻗﻮﻳﻪ ..
ﺍﻧﻌﺎﻡ ﺗﺒﻜﻲ ﺑﺎﻟﻌﺒﺮﻩ ﻭﻋﻠﻴﺎ ﻛﺬﻟﻚ ﻭﻫﻤﺎ ﻳﺴﻤﻌﻮﺍ ﻓﻲ ﺑﺮﻧﻴﻪ ﻛﻴﻒ ﺗﻨﻮﺡ ﻉ ﻭﻟﺪﻫﺎ ..
ﺑﺮﻧﻴﻪ : ﻋﻼﺍﺍﺍﺵ ﻫﻜﻲ ﻳﺎﻋﻠﻲ ... ﻋﻼﺍﺍﺍﺍﺵ ﺿﻴﻌﺖ ﺭﻭﺣﻚ ﻭﺿﻴﻌﺖ ﺻﻐﺎﺭﻙ ﻣﻌﺎﺍﺍﺍﻙ .. ﻗﻬﻬﻬﻬﺮﺗﻲ ﻗﻬﺮﺗﺘﺘﺘﺘﻨﻲ ... ﻳﺎﻧﺎﺍﺍﺍﺍﺭﻱ ﻋﻠﻲ ﺳﺮﻣﺪ ﻳﺎﻧﺎﺍﺍﺍﺍﺭﻱ ﻋﻠﻴﻴﻴﻴﻚ ﺿﻴﻌﻚ ﺑﻮﻭﻭﻙ ﻭﺿﻴﻌﺖ ﺭﻭﺣﻚ ﻳﺎﻭﻟﻴﻴﻴﻴﺪﻱ ... ﻧﺒﻜﻲ ﻋﻠﻴﻚ ﻣﻦ ﺣﺴﺴﺎﺍﺍﺍﺍﺏ ﺭﺑﻲ ﻧﺒﻜﻲ ﻋﻠﻴﻚ ﻣﻦ ﺍﻟﻨﺎﺭ ﻳﺎﻭﻟﺪﺩﺩﺩﻱ ... ﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ﺍﺍﺍﺍﺍﺍﺍﺍﺍﺍﺍﺍﻩ ..
ﺍﻧﻌﺎﻡ ﻭﻋﻠﻴﺎ ﺧﺸﻮ ﻓﻨﻮﺑﻪ ﺑﻜﻲ ﻏﻴﺮ ﻃﺒﻴﻌﻴﻪ ..
ﺑﺮﻧﻴﻪ : ﻧﺎﺍﺍﺍﺍﺍﺍﺭﻱ ﻉ ﻣﺤﻤﺪ ..... ﻧﺎﺍﺍﺍﺍﺍﺍﺭﻱ ﻉ ﻋﺎﺑﺪ ...... ﻧﺎﺍﺍﺍﺍﺍﺍﺭﻱ ﻉ ﺳﺴﻴﻴﻴﻴﻴﻒ ﻧﺎﺍﺍﺍﺍﺍﺭﻱ ﻉ ﺳﻴﻴﻴﻴﻒ ﻧﺎﺍﺍﺍﺍﺍﺭﻱ ﻋﻠﻴﻴﻴﻴﻴﻴﻴﻜﻢ .. ﻭﻗﻌﺪﺕ ﺗﻌﻴﻂ .. ﻭﻧﺎﺿﻮﺍ ﺍﻧﻌﺎﻡ ﻭﻋﻠﻴﺎ ﻳﻬﺪﻭﺍ ﻓﻴﻬﺎ ﺑﺲ ﺑﻼ ﻓﺎﻳﺪﻩ .. ﻟﻴﻦ ﻓﺸﻠﺖ ﺑﻴﻦ ﺍﻳﺪﻳﻬﻢ ﻭﻓﻘﺪﺕ ﺍﻟﻮﻋﻲ ...
ﺭﻓﻌﻮﻫﺎ ﺍﻟﻤﺴﺘﺸﻔﻰ ...
ﺟﺘﻬﺎ ﺟﻠﻄﻪ ﺑﺲ ﻣﺶ ﻗﻮﻳﻪ .. ﻟﻜﻦ ﻗﻠﺒﻬﺎ ﺗﻌﺐ .. ﻭﻻ ﻋﻨﺪﻫﺎ ﺍﻟﻘﻠﺐ ..
ﺭﺑﻲ ﻣﺎﺯﺍﻝ ﻛﺎﺗﺒﻠﻬﺎ ﻋﻤﺮ ﺍﻟﻠﻲ ﺑﻌﺪ ﻫﺬﺍ ﻛﻠﻪ ﻭﻗﺎﻋﺪﻩ ﻋﺎﻳﺸﻪ .. ﺑﺲ ﻓﻲ ﺍﻟﻠﻲ ﻋﺎﻳﺶ ﻣﻦ ﻗﻠﺔ ﺍﻟﻤﻮﺕ ﻭﻫﻲ ﺗﻮﺍ ﻫﺬﺍ ﺣﺎﻟﻬﺎ ..
ﻳﻮﻡ ﺻﻌﺐ ﺻﻌﺐ ﻫﻠﺒﻪ ﺍﺻﻌﺐ ﻣﻦ ﺍﻷﻳﺎﻡ ﺍﻟﻠﻲ ﺳﺒﻘﺎﺗﻪ .. ﻭﺍﻟﻌﻴﻠﻪ ﻛﻠﻬﺎ ﺣﺎﻟﺘﻬﻢ ﺑﺎﻟﻮﻳﻞ .... ﻭﺍﻟﺤﺰﻥ ﺑﺄﺷﺪ ﺣﺎﻻﺗﻪ ﺣﻞ ﻋﻠﻴﻬﻢ ﺿﻴﻒ ...
🍁 ﻫﺪﻳﻜﺎ ﺍﻟﻠﻴﻠﻪ ﺍﻟﺤﺴﻦ ... ﻧﺎﺽ ﻭﻃﻠﻊ ﻣﻦ ﺍﻟﺤﻮﺵ ... ﻭﻛﻴﻒ ﺭﻛﺐ ﺍﻟﺴﻴﺎﺭﻩ .. ﺍﻧﻔﺘﺢ ﺍﻟﺒﺎﺏ ﺍﻟﻠﻲ ﺟﻨﺒﻪ ﻭﺭﻛﺒﺖ ﻋﻠﻴﺎ ..
ﻋﻠﻴﺎ : ﻣﺎﺗﻘﻮﻟﺶ ﺧﻠﻴﻨﻲ ﺳﺎﺩ ﻣﺎﺧﻠﻴﺘﻚ ﻗﺒﻞ ...
ﺍﻟﺤﺴﻦ ﻣﺎﺭﺩﺵ ﻭﻟﻊ ﺍﻟﺴﻴﺎﺭﻩ ﻭﺗﺤﺮﻛﻮﺍ ...
ﻃﻮﻝ ﺍﻟﻄﺮﻳﻖ ﻭﻻﻛﻠﻤﻪ ... ﻭﻭﺟﻮﻫﻬﻢ ﺍﻟﺘﻌﻴﺴﻪ ﺗﺤﻜﻲ ﻛﻞ ﺷﻲ .. ﻭﻗﻔﺖ ﺍﻟﺴﻴﺎﺭﻩ ﻗﺪﺍﻡ ﺍﻟﺤﻮﺵ .. ﺍﻟﺤﻮﺵ ﺍﻟﻠﻲ ﺣﺎﻣﻞ ﺑﺪﺍﺧﻠﻪ ﺫﻛﺮﻳﺎﺕ ﻭﺫﻛﺮﻳﺎﺕ ... ﻫﺠﺮﻭﻩ ﻧﺎﺳﻪ ﺑﺲ ﻗﻌﺪﺕ ﻓﻴﻪ ﺍﻟﺬﻛﺮﻳﺎﺕ ...
ﻧﺰﻝ ﺍﻟﺤﺴﻦ ﻣﻦ ﺍﻟﺴﻴﺎﺭﻩ ﻭﻧﺰﻟﺖ ﻋﻠﻴﺎ ﺑﻌﺪﻩ .. ﻓﺘﺢ ﺍﻟﺒﺎﺏ ﻭﺧﺶ ﻭﻋﻠﻴﺎ ﺧﺸﺖ ﺑﻌﺪﻩ ... ﺃﻭﻝ ﻣﺎﺧﺶ .. ﺍﻫﻞ ﺍﻟﺤﻮﺵ ﺍﻟﺤﺎﻟﻴﻴﻦ ﺍﺳﺘﻘﺒﻠﻮﺍ ﺯﻭﺍﺭﻫﻢ ... ﺍﻟﺬﻛﺮﻳﺎﺕ ﺍﺳﺘﻘﺒﻠﺖ ﺍﻟﺤﺴﻦ .. ﻳﺸﻮﻑ ﻓﻲ ﻣﺠﻤﻮﻋﺔ ﻣﺸﺎﻫﺪ ﺫﺍﻛﺮﺗﻪ ﺗﻌﺮﺽ ﻓﻴﻬﻢ
>> ﺍﻟﺒﺎﺏ ﺍﻧﻔﺘﺢ ﻭﺧﺶ ﻋﻠﻲ ﻟﻠﺤﻮﺵ ﻭﺍﻷﺣﻔﺎﺩ ﻳﺴﺘﻨﻮﺍ ﻓﻴﻪ ....
ﻭﺗﻌﺎﻟﺖ ﺍﺻﻮﺍﺗﻬﻢ ﺑﻜﻠﻤﻪ ".. ﺟﺪﻭﺍ ﺟﻲ ﺟﺪﻭﺍ ﺟﻲ ﺟﺪﻭﺍ ﺟﻲ " ﻭﻋﻠﻲ ﻳﻀﺤﻚ ﻭﻳﺒﻮﺱ ﻓﻲ ﻫﺎﺩﻱ ﻭﻳﺤﻀﻦ ﻓﻲ ﻫﺬﺍ ﻭﻳﻼﻋﺐ ﻓﻲ ﻫﺪﻳﻜﺎ ... ﻭﻗﻌﻤﺰ ﻭﺩﺍﺭﻭ ﻋﻠﻴﻪ ﺩﻭﻳﺮﺓ ﻭﻳﻮﺯﻉ ﻋﻠﻴﻬﻢ ﻓﺎﻟﺸﻜﻼﻃﻪ ﻭﺍﻟﺤﻠﻮﺓ .. ﺷﺒﺢ ﻟﻠﺤﺴﻦ ﻭﺳﺮﻣﺪ .. ﻭﻗﺎﻟﻠﻬﻢ ﺗﻌﺎﻟﻮﺍ ﺳﺮﻣﺪ ﺍﻧﻄﻠﻖ ﻭﻛﺄﻥ ﻃﻔﻞ ﺯﻳﻬﻢ .. ﺑﺮﻏﻢ ﺍﻧﻪ ﻓﻲ ﺳﻦ ﺍﻟﻤﺮﺍﻫﻘﻪ ﻭﺍﻟﺤﺴﻦ ﺍﺑﺘﺴﻢ ﻭﻗﻌﺪ ﻭﺍﻗﻒ ﻓﻤﻜﺎﻧﻪ .."
>> ﺑﺮﻧﻴﻪ ﺗﻨﺎﺩﻱ ﻑ ﺍﻧﻌﺎﻡ ﺗﺒﻴﻬﺎ ﺍﺩﻭﺵ ﻭﻫﻲ ﻣﺎﺗﺒﻴﺶ " ﻟﻠﺤﺴﻦ ﺷﺪﻟﻲ ﻫﺎﻟﻔﺮﺧﻪ ﻣﻦ ﺷﻌﺮﻫﺎ ﻭﺟﻴﺒﻬﺎ " ﺍﻟﺤﺴﻦ ﻗﻌﺪ ﻳﺠﺮﻱ ﻭﺭﺍﻫﺎﻟﻴﻦ ﺷﺪﻫﺎ ﻭﻃﺒﻬﺎ ﻭﺭﻓﻌﻬﺎ ﻟﺒﺮﻧﻴﻪ ﻭﻫﻲ ﺗﻌﻴﻂ ﻭﺗﺒﻜﻲ ﺗﻘﻮﻝ ﺑﻴﻌﺪﻣﻮﻫﺎ ..."
>> ﺳﺮﻣﺪ ﻭﺍﻟﺤﺴﻦ ﻓﻲ ﻟﻴﻠﻪ ﻛﺎﻧﻮﺍ ﻓﻲ ﺍﻟﺠﻨﺎﻥ ﺳﺮﻣﺪ ﻳﺒﻲ ﻳﺨﻨﺐ ﺳﻴﺎﺭﺓ ﺑﻮﻩ ﺍﻟﻤﺮﺳﻴﺪﺱ ﻭﻳﻄﻠﻊ ﺑﻴﻬﺎ .. ﺍﻟﺤﺴﻦ ﻳﻤﻨﻊ ﻓﻲ ﺳﺮﻣﺪ ﻟﻜﻦ ﺳﺮﻣﺪ ﺻﻜﺮ ﺭﺍﺳﻪ ﻭﻗﺎﻝ ﻟﻠﺤﺴﻦ " ﻣﻌﻘﺪﻫﺎ ﻳﺎﺳﺤﺲ ﺍﻧﺤﺮﻑ ﺷﻮﻳﻪ ﻳﺎﺍﺧﻲ " <<
>> ﻟﻤﺎﺗﺨﺮﺝ ﻣﻦ ﻛﻠﻴﻪ ﺍﻟﺸﺮﻃﻪ ﺧﺶ ﻟﻠﺤﻮﺵ ﻣﻊ ﺑﻮﻩ ﻭﺟﺪﻩ ﻭﻛﺎﻧﻮﺍ ﻓﻲ ﺍﺳﺘﻘﺒﺎﻟﻪ ﻋﻤﺎﻣﻪ ﻭﺍﻣﻪ ﻭﺣﻨﺎﻩ ... ﺳﺮﻣﺪ " ﺍﻭﻭﻭﻭ ﺍﻷﻓﻨﺪﻱ ﺣﺴﻮﻧﻪ ..." ﻋﻠﻲ " ﻫﺬﺍ ﺍﻟﻀﺎﺑﻂ ﺍﻟﺤﺴﻦ ﻋﺎﺑﺪ ﻋﻠﻲ ﺍﻟﺼﺎﺩﻕ ... ﺑﺮﻧﻴﻪ " ﻳﺎﺭﺑﻲ ﺳﻠﻤﻠﻲ ﺍﻟﻀﺎﺑﻂ ... ﻳﺎﺍﺍﺭﺑﻲ ﻧﺠﻴﻠﻲ ﺍﻟﻀﺎﺑﻂ .. ﻭﺗﻐﻨﻲ ﻓﻴﻬﺎ ﻭﻫﻤﺎ ﻳﺼﻔﻘﻮﺍ ﻭﻳﻀﺤﻜﻮﺍ ﻭﺍﻟﺤﺴﻦ ﺣﻀﻨﻬﺎ ﻭﺑﺎﺱ ﺭﺍﺳﻬﺎ ..."
ﻋﻴﻮﻧﻪ ﺗﻌﺒﻮﺍ ﺩﻣﻮﻉ ﻭﻫﻮ ﻳﺸﻮﻑ ﻓﻲ ﺍﻃﻴﺎﻑ ﻫﺎﻟﺬﻛﺮﻳﺎﺕ ﻭﻋﻠﻴﺎ ﺗﺸﺒﺤﻠﻪ ﻭﻣﺘﺄﺛﺮﺓ ... ﺑﺪﻱ ﻳﻤﺸﻲ ﻓﻲ ﺍﻟﺠﻨﺎﻥ ﻭﻫﻲ ﻣﻌﺎﻩ .. ﻛﺎﻥ ﻳﺸﻮﻑ ﻓﻴﻬﻢ ﻓﻲ ﻛﻞ ﺯﺍﻭﻳﻪ .. ﻛﻞ ﻣﻜﺎﻥ ﻛﺎﻥ ﻟﻴﻪ ﺫﻛﺮﻯ ... ﻟﻌﻨﺪ ﻣﺎﻭﺻﻞ ﻟﻠﻌﻨﺒﻪ .. ﻭﻗﻒ ﻗﺪﺍﻣﻬﺎ ...
>> ﺳﺮﻣﺪ ﺷﺎﺩ ﺷﻴﺸﺔ ﺍﻟﻤﻴﻪ ﺑﺎﻟﻤﻘﻠﻮﺏ ﻉ ﺃﺳﺎﺱ ﻣﺮﺍﺳﻞ ".. ﻫﺬﺍ ﻭﻳﺤﺪﺙ ﺍﻵﻥ ﺯﺭﻉ ﻧﺒﺘﺔ ﺍﻟﻌﻨﺐ ﻣﻊ ﺍﻟﺤﺎﺟﻪ ﻋﻠﻲ ﻭﺍﻟﺤﺎﺟﻪ ﺑﺮﻧﻴﻪ " ﺍﻟﺤﺴﻦ " ﻧﺒﺘﻪ !!! ﺗﺮﺑﺢ ﻓﻴﻨﺎ ﺍﺟﺮ ﻛﺎﻥ ﺗﺴﻜﺖ " ﺿﺤﻜﻮﺍ .. ﺯﺭﻋﻮﺍ ﺑﺮﻧﻴﻪ ﻭﻋﻠﻲ ﺍﻟﻌﻨﺒﻪ ﻣﻊ ﺑﻌﺾ ﻭﻛﺎﻧﺖ ﺍﻧﻌﺎﻡ ﺗﺼﻮﺭ ...
ﻋﻠﻲ ﻭﺧﺮ ﻭﻗﻌﺪ ﻳﻨﻔﺾ ﻓﻲ ﺍﻳﺪﻳﻪ " ﻫﺎﺩﻱ ﻋﻨﺒﺔ ﺑﻨﻴﺘﻲ ﻧﺒﻴﻬﺎ ﻫﻲ ﺍﻟﻠﻲ ﺗﺮﺩ ﺑﺎﻟﻬﺎ ﻣﻨﻬﺎ " ﻓﺮﺣﺖ ﺍﻧﻌﺎﻡ ﻭﺑﺎﺳﺖ ﺭﺍﺱ ﺑﻮﻫﺎ ... ﺳﺮﻣﺪ " ﺑﺎﻩ ﺍﺯﺭﻋﻮﻟﻲ ﺣﺘﻰ ﺑﻄﺎﻃﺎ ﺭﺍﺿﻲ ﺑﻴﻬﺎ " ﻛﻠﻬﻢ ﺿﺤﻜﻮﺍ ..."
ﺧﺶ ﺍﻟﺤﺴﻦ ﺩﺍﺧﻞ ﻭﻗﻌﻤﺰ ﺣﻂ ﺍﻳﺪﻩ ﻉ ﺟﺒﻬﺘﻪ ﻭﺩﻣﻮﻋﻪ ﺗﻨﺰﻝ ﻗﺮﺑﺖ ﻋﻠﻴﺎ ﻭﻗﻌﻤﺰ ﺟﻨﺒﻪ ﻭﻫﻲ ﺗﺸﻮﻓﻠﻪ .. ﻗﺮﺑﺖ ﺍﻳﺪﻫﺎ ﻭﺷﺪﺕ ﺍﻳﺪﻩ ﻭﺣﻀﻨﺘﻬﺎ .. ﺍﻟﺤﺴﻦ ﻗﻌﺪﻳﺸﺒﺤﻠﻬﺎ ﻭﺩﻣﻮﻋﻪ ﺗﻨﺰﻝ ﻭﻫﻲ ﺗﺸﻮﻓﻠﻪ ﻭﺩﻣﻮﻋﻬﺎ ﺗﻨﺰﻝ ..
ﺍﻟﺤﺴﻦ ﺑﺼﻮﺕ ﻣﺨﻨﻮﻕ : ﻧﺒﻲ ﺣﻀﻨﻚ ..
ﻋﻠﻴﺎ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ﻭﺣﻄﺖ ﺍﻳﺪﻫﺎ ﻉ ﺭﺍﺳﻪ ﻭﻗﺮﺑﺎﺗﻪ ﻟﺤﻀﻨﻬﺎ ﻭﺣﻀﻨﺎﺗﻪ ﻭﺗﻤﺸﻲ ﻉ ﺷﻌﺮﻫﺎ .. ﻓﺠﺄﺓ ﺍﻟﺤﺴﻦ ﻗﻌﺪ ﻳﺒﻜﻲ ﺑﺎﻟﻌﺒﺮﻩ .. ﻳﺒﻜﻲ ﺑﺎﻟﺼﻮﺕ .. ﻭﻋﻠﻴﺎ ﻗﻠﺒﻬﺎ ﻳﺘﻘﻄﻊ ﺗﻘﻄﻴﻊ ﻋﻠﻴﻪ .. ﺣﻀﻨﺎﺗﻪ ﺑﺰﻳﺎﺩﻩ .. ﻭﻫﻮ ﺗﺤﻮﻝ ﻓﻲ ﺣﻀﻨﻬﺎ ﻟﻄﻔﻞ ﺻﻐﻴﺮ ﻣﻮﺟﻮﻉ ﻭﻣﻜﺴﻮﺭ ﻣﺎﻳﻘﺪﺭﺵ ﻳﻈﻬﺮ ﺑﺤﺎﻟﺔ ﺿﻌﻔﻪ ﻫﺎﺩﻱ ﺇﻻ ﻷﻣﻪ ﻭﻋﻠﻴﺎ ﺑﺎﻟﻨﺴﺒﻪ ﻟﻠﺤﺴﻦ ﻣﺶ ﺑﺲ ﺯﻭﺟﺘﻪ ﻭﺣﺒﻴﺒﺘﻪ .. ﺣﺘﻰ ﺃﻣﻪ ...
ﺑﻜﻲ ﺑﻜﺎﺀ ﻋﻤﺮﻩ ﻣﺒﻜﺎﻩ ﻓﻲ ﺣﻴﺎﺗﻪ ﺑﻌﺪﻫﺎ ﻫﺪﻱ ﻭﺧﺶ ﻭﻳﺎﻫﺎ ﺩﺍﺧﻞ ﻟﻴﻠﺘﻬﺎ ﺍﻟﺰﻭﺯ ﺑﺎﺗﻮﺍ ﻓﻲ ﺩﺍﺭ ﺳﻴﻒ ﻭﺯﻫﺮﻩ ﺭﻗﺪ ﺑﺘﻌﺐ ﻓﻲ ﺣﻀﻨﻬﺎ ﻭﻣﻌﺎﺵ ﺣﺲ ﺑﺸﻲ ﻭﻫﻲ ﻛﺬﻟﻚ ...
***
🍃 ﻓﺎﺗﻮﺍ ﺍﺳﺒﻮﻋﻴﻦ ... ﺍﻟﻌﻴﻠﻪ ﺑﺪﺕ ﺗﺘﺄﻗﻠﻢ ﻉ ﻭﺟﻊ ... ﻭﺑﺮﻧﻴﻪ ﺗﺤﺎﻭﻝ ﺗﺮﺟﻊ ﺗﻘﻮﻯ ﻣﻦ ﺟﺪﻳﺪ ... ﺑﺮﻏﻢ ﺍﻥ ﺍﻟﻴﻮﻡ ﺟﻠﺴﺔ ﻣﺤﺎﻛﻤﻪ ﻭﻻﺩﻫﺎ ...
ﻓﻲ ﺍﻟﻤﺤﻜﻤﻪ ...
ﻭﺻﻠﺖ ﺳﻴﺎﺭﺓ ﺍﻟﻤﺴﺎﺟﻴﻦ ... ﻭﻓﻲ ﻧﻔﺲ ﺍﻟﻮﻗﺖ ﻭﺻﻠﺖ ﺳﻴﺎﺭﺓ ﺍﻟﺤﺴﻦ .. ﺗﻘﺼﺪ ﻫﺬﺍﻛﺎ ﺍﻟﻴﻮﻡ ﻳﻠﺒﺲ ﺑﺪﻟﺔ ﺍﻟﺸﺮﻃﻪ .. ﻟﻴﺜﺒﺖ ﻟﻠﻨﺎﺱ ﻛﻠﻬﺎ ﺍﻥ ﺍﻟﻌﺪﺍﻟﻪ ﻭﺍﻟﻘﺎﻧﻮﻥ ﻭﺍﻟﺒﻼﺩ ﺃﻫﻢ ﻣﻦ ﻛﻞ ﺷﻲ ﻭﺍﻧﻪ ﻣﺨﻠﺺ ﻟﻌﻤﻠﻪ ﻭﻋﻤﺮﻩ ﻣﺎﺣﻴﺨﻮﻧﻪ ..
ﺩﺧﻠﻮﺍ ﻋﺎﺑﺪ ﻭﻫﻮ ﻣﻜﻠﺒﺶ ﻭﺯﻭﺯ ﻋﻨﺎﺻﺮ ﺷﺎﺩﻳﻨﻪ .
ﻭﺭﺍﻩ ﻣﺤﻤﺪ ﺑﻨﻔﺲ ﺍﻟﻮﺿﻌﻴﻪ ..
ﻭﻭﺭﺍﻫﻢ ﻭﻻﺩ ﻋﻢ ﺍﺍﻟﺤﺎﺝ ﻋﻠﻴﻪ ﻭﻭﺭﺍﻫﻢ ﻣﻨﺬﺭ ..
ﺍﻟﺤﺴﻦ ﻛﺎﻥ ﺧﺎﺵ ﻣﻌﺎﻫﻢ ﺣﻮﻝ ﻃﺎﻗﻴﺘﻪ .. ﻫﻤﺎ ﻳﺸﺒﺤﻮﻟﻪ ﺑﺲ ﻫﻮ ﻣﺎﺑﺎﺵ ﻳﺸﺒﺤﻠﻬﻢ .. ﻭﻃﺒﻌﺎ ﺍﻟﺼﺤﺎﻓﻪ ﻭﺍﻟﻘﻨﻮﺍﺕ ﺗﺼﻮﺭ ..
ﺑﺪﺕ ﺍﻟﺠﻠﺴﻪ ﺧﺸﻮﺍ ﻛﻠﻬﻢ ... ﻭﺩﺧﻠﻮﺍ ﺍﻟﻤﺴﺎﺟﻴﻦ ﻭﺧﺶ ﺍﻟﻘﺎﺿﻲ ﻭﻣﺴﺘﺎﺷﺮﻳﻪ .. ﺑﻌﺪ ﺭﻭﺗﻴﻦ ﻛﻞ ﺟﻠﺴﻪ ﻣﻌﺮﻭﻑ ﻭﻹﻥ ﺍﻷﺩﻟﻪ ﻛﻠﻬﺎ ﻛﺎﻧﺖ ﻣﻮﺟﻮﺩ ﻭﻫﻤﺎ ﺍﻋﺘﺮﻓﻮﺍ ... ﻓﻜﺎﻥ ﺣﻜﻢ ﺍﻟﻘﺎﺿﻲ ﻛﺎﻟﺘﺎﻟﻲ ..
ﺍﻧﺤﻜﻢ ﻉ ﻋﺎﺑﺪ 10 ﺳﻨﻮﺍﺕ ﻷﻧﻪ ﻛﺎﻥ ﺿﻤﻨﻬﻢ .. ﻭﺗﺴﺘﺮ ﻋﻠﻴﻬﻢ ...
ﺍﻧﺤﻜﻢ ﻉ ﻣﺤﻤﺪ ﻣﺆﺑﺪ ﻣﻊ ﺍﻷﺷﻐﺎﻝ ﺍﻟﺸﺎﻗﻪ ...
ﺍﻧﺤﻜﻢ ﻉ ﻭﻻﺩ ﻋﻤﻪ ﺑﻨﻔﺲ ﺍﻟﺤﻜﻢ ...
ﺍﻧﺤﻜﻢ ﻉ ﻣﻨﺬﺭ 20 ﺳﻨﻪ ﻭﻫﺬﺍ ﻳﻌﺘﺒﺮ ﺗﺨﻔﻴﻒ ﻷﻧﻪ ﺗﻌﺎﻭﻥ ﻣﻊ ﺍﻟﻘﺎﻧﻮﻥ ..
ﻭﺳﻘﻂ ﺍﻟﺤﻜﻢ ﻋﻦ ﻋﻠﻲ ﻭﺳﺮﻣﺪ ﻷﻧﻬﻢ ﻓﺎﺭﻗﻮﺍ ﺍﻟﺤﻴﺎﻩ ...
ﺍﻟﺤﺴﻦ ﻧﺎﺽ ﻭﻗﻌﺪ ﻳﺸﺒﺤﻠﻬﻢ ﺑﺄﺳﻒ ﺑﻌﺪﻳﻦ ﻟﻒ ﻭﻃﻠﻊ .....
ﺍﻟﺤﺴﻦ ﻭﻫﻮ ﻃﺎﻟﻊ ﻣﻦ ﺍﻟﻘﺎﻋﻪ " ﺳﻴﻒ ﺍﻟﺼﺎﺩﻕ ... ﺑﻮﻱ ... ﺍﻟﺮﺍﺟﻞ ﺍﻟﺸﺮﻳﻒ ﺍﻟﺤﻘﺎﻧﻲ ... ﺍﻟﻌﺎﺷﻖ ﻟﺒﻼﺩﻩ .. ﻭﻟﺪﻙ ﻳﺎﺑﻮﻱ ﺍﻟﻴﻮﻡ ﻛﻤﻞ ﺍﻟﻠﻲ ﺑﺪﻳﺖ ﺑﻴﻪ .. ﻭﺧﺪﻱ ﺑﺘﺎﺭﻙ .. ﺍﻥ ﺷﺎﺀ ﺍﻟﻠﻪ ﺗﺮﻗﺪ ﻓﻲ ﻗﺒﺮﻙ ﻣﺮﺗﺎﺡ ﻣﻦ ﺑﻌﺪ ﻫﺎﻟﻴﻮﻡ ... ﻧﻮﻋﺪﻙ ﻳﺎﺑﻮﻱ ﻧﻜﻮﻥ ﻭﻟﺪﻙ ﻷﺧﺮ ﻟﺤﻈﻪ ﻓﻲ ﺣﻴﺎﺗﻲ .. ﻭﻧﺴﺄﻝ ﺭﺑﻲ ﻳﺠﻤﻌﻨﻲ ﺑﻴﻚ ﻓﻲ ﺩﺍﺭ ﺍﻟﻨﻌﻴﻢ ﺍﻟﺘﻲ ﻻﺯﻭﺍﻝ ﻟﻬﺎ ﻧﺒﻮﺱ ﺭﺍﺳﻚ ﻭﺍﻳﺪﻳﻚ .. ﻭﻧﻘﻮﻟﻚ ﺍﻧﻲ ﻭﻟﺪﻙ ﻳﺎﺑﻮﻱ .. ﻋﺸﺖ ﻋﻤﺮﻱ ﻛﻠﻪ ﻭﺍﻧﻲ ﻭﻟﺪﻙ ﻳﺎﺳﻴﻒ ﺍﻟﺼﺎﺩﻕ ..."
ﻟﺒﺲ ﻃﺎﻗﻴﺘﻪ ﺭﻛﺐ ﺍﻟﺴﻴﺎﺭﻩ ﻭﺗﺤﺮﻙ ...
💎 ﻻﺏ ﺗﻮﺏ ﺳﺮﻣﺪ ﺍﻟﻠﻲ ﺧﻼﻩ ﻓﻲ ﺍﻟﻤﺒﻨﻰ ﻟﻤﺎ ﻫﺮﺏ ﻣﻦ ﺍﻟﺤﺴﻦ ... ﺭﺟﻊ ﻭﺧﺪﺍﻩ ﻭﺳﻠﻤﻪ ﻟﺼﺪﻳﻖ ﻣﻘﺮﺏ ... ﻗﺎﻟﻪ ﺍﻧﻪ ﻛﺎﺗﺐ ﻓﻴﻪ ﻳﻮﻣﻴﺎﺗﻪ ﻛﺎﻣﻠﻪ ﻭﻗﺼﺔ ﺣﻴﺎﺗﻪ ﻭﺍﻧﻪ ﻳﺒﻴﻪ ﻳﻨﺸﺮﻫﺎ .. ﻭﻃﺒﻌﺎ ﺻﺪﻳﻘﻪ ﻫﺬﺍ ﺑﻄﺮﻳﻘﻪ ﺍﻭ ﺑﺄﺧﺮﻯ ﺩﺍﺭ ﺍﻟﻠﻲ ﻭﺻﺎﻩ ﻋﻠﻴﻪ ﺳﺮﻣﺪ ..
ﻭﺩﺍﺭ ﺍﻟﻜﺘﺎﺏ ﺑﺲ ﻛﺎﻥ ﻉ ﺍﻟﻨﺖ ﻭﻋﻨﻮﺍﻧﻪ ﻟﻠﺤﻘﻴﻘﻪ ﻭﺟﻪ ﺍﺧﺮ .. ﺗﻜﻠﻢ ﻓﻴﻪ ﺳﺮﻣﺪ ﻋﻦ ﺍﻟﺸﺨﺼﻴﺘﻴﻦ ﺍﻟﻠﻲ ﻋﺎﺵ ﺑﻴﻬﻢ ﻭﻛﻴﻒ ﻛﺎﻧﻮﺍ ﺍﻟﺰﻭﺯ ﺟﺰﺀ ﻣﻨﻪ ﻓﻌﻼ ... ﻭﻛﻴﻒ ﺧﺶ ﻟﻌﺎﻟﻢ ﻭﺍﻟﺪﻩ ﻓﺘﺠﺎﺭﺓ ﺍﻟﻤﺨﺪﺭﺍﺕ ﻭﻛﺎﻥ ﻳﺮﺍﻓﻖ ﻓﻴﻪ ﻓﻲ ﺳﻔﺮﻩ ﻭﻳﺘﻌﻠﻢ ﻣﻨﻪ ﻛﻴﻒ ﻣﻤﻜﻦ ﻟﻺﻧﺴﺎﻥ ﺍﻧﻪ ﺑﻌﻴﺶ ﺑﺤﺎﻟﺘﻴﻦ ﻭﺍﺳﻤﻴﻦ ﻭﻭﺟﻬﻴﻦ .. ﻭﻗﺎﻝ ﺍﻥ ﻓﺎﻟﺒﺪﺍﻳﻪ ﻛﺎﻥ ﻭﺍﺧﺪ ﺍﻟﻮﺿﻊ ﻉ ﺳﺒﻴﻞ ﺍﻟﻤﺘﻌﻪ ﺑﺲ ﻟﻤﺎ ﺑﺪﻱ ﻳﻜﺒﺮ ﻭﻳﻮﻋﻰ ﻟﻜﻞ ﺷﻲ ﻟﻘﻲ ﺭﻭﺣﻪ ﻏﺎﺭﻕ ﺗﻤﺎﻣﺎ ﻣﺎﻛﺎﻧﺶ ﻓﻲ ﻗﺪﺍﻣﻪ ﺇﻻ ﺍﻹﺳﺘﺴﻼﻡ ﻭﺍﻧﻪ ﻳﻜﻤﻞ ﻫﺎﻟﻄﺮﻳﻖ ... ﺣﻜﻲ ﻋﻦ ﺑﻮﻩ ﻋﻦ ﺧﻮﺗﻪ ﻋﻦ ﺍﻟﺤﺴﻦ .. ﺣﺘﻰ ﻋﻦ ﺍﻭﻝ ﺣﺐ ﺣﻘﻴﻘﻲ ﻓﺤﻴﺎﺗﻪ ﻗﺎﻝ ﺟﻤﻠﻪ ﻋﻦ ﺍﻣﻴﺮﻩ " ﻣﻨﺬ ﺍﻥ ﺭﺃﻳﺖ ﺍﺣﻤﺮﺍﺭ ﻭﺟﻨﻴﺘﻬﺎ ﺍﺩﺭﻛﺖ ﺍﻧﻬﺎ ﺍﻟﻨﻬﺎﻳﻪ " ﻭﻛﺄﻥ ﻛﺎﻥ ﺣﺎﺳﺲ ﺍﻥ ﺣﻴﻤﻮﺕ ﺑﺴﺒﺐ ﺣﺒﻬﺎ ... ﻃﺒﻌﺎ ﻣﺎﺫﻛﺮﺵ ﺍﺳﻤﻬﺎ ﺑﺘﺎﺗﺎ .. ﺍﻧﺘﺸﺮ ﺍﻟﻜﺘﺎﺏ ﻭﺍﻧﺸﻬﺮ ﺷﻬﺮﻩ ﻭﺍﺳﻌﻪ ... ﻫﺬﺍ ﻏﻴﺮ ﺳﺮﻣﺪ ﺍﻟﻠﻲ ﺍﺻﺒﺢ ﻣﻦ ﺍﻧﺪﺭ ﺍﻟﺸﺨﺼﻴﺎﺕ ﺍﻹﺟﺮﺍﻣﻴﻪ ﻓﻲ ﺍﻟﻌﺎﻟﻢ ﺑﺎﻟﺤﺎﻟﻪ ﺍﻟﻠﻲ ﻛﺎﻥ ﻋﺎﻳﺶ ﻓﻴﻬﺎ ﺗﻜﻠﻤﻮﺍ ﻭﺳﺎﺋﻞ ﺇﻋﻼﻡ ﻟﻴﺒﻴﻪ ﻭﻋﺮﺑﻴﻪ ﻭﻋﺎﻟﻤﻴﻪ ﻋﻠﻴﻪ ...
***
ﺑﻌﺪ ﻣﺮﻭﺭ ﺷﻬﺮ ...
ﺍﻧﻌﺎﻡ : ﻗﻌﻤﺰﻱ ﻋﻠﻴﺎ ﺛﻘﻠﺘﻲ ﻫﻠﺒﻪ ﺭﺍﻙ ﻓﻲ ﺷﻬﺮﻙ ..
ﻋﻠﻴﺎ ﻗﻌﻤﺰﺕ : ﻧﺒﻲ ﻧﺤﺪﺩﻟﻪ ﺣﻮﺍﻳﺠﻪ ...
ﺍﻧﻌﺎﻡ : ﺗﻮ ﻧﺤﺪﺩﻫﻢ ﺍﻧﻲ ..
ﻋﻠﻴﺎ : ﺳﺎﻣﺤﻴﻨﻲ ﺍﻧﻌﺎﻡ ..
ﺍﻧﻌﺎﻡ ﻭﻫﻲ ﻧﺎﻳﻀﻪ : ﺳﻜﺮﻱ ﻓﻤﻚ .. ﻭﻣﺸﺖ
ﻭﻋﻠﻴﺎ ﺿﺤﻜﺖ .. ﻏﻴﺮﺕ ﻋﻴﻮﻧﻬﺎ ﻟﺒﺮﻧﻴﻪ ﻟﻘﺘﻬﺎ ﺭﻗﺪﺕ ﻭﻫﻲ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ .. ﺍﺑﺘﺴﻤﺖ ﺑﺄﻟﻢ ..
ﺷﻮﻳﻪ ﻭﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ .. ﻭﺍﻟﺤﺴﻦ ﺧﺶ ..
ﺍﻟﺤﺴﻦ ﺍﺑﺘﺴﻢ ﻭﻗﻌﻤﺰ ﺟﻨﺒﻬﺎ : ﺑﻄﺮﻳﻘﻪ ..
ﻋﻠﻴﺎ ﺗﻨﺮﻓﺰﺕ : ﻣﺒﺮﺩﻙ ..
ﺍﻟﺤﺴﻦ : ﻋﺴﺴﺴﻞ ﻟﻤﺎ ﺗﻌﺼﺒﻲ .. ﻭﺑﺎﺳﻬﺎ ﻣﻦ ﺧﺪﻫﺎ ﺑﻘﻮﻩ ... ﺍﺣﺤﺤﺢ .. ﺗﻬﺒﻠﻲ .
ﻋﻠﻴﺎ ﻭﻭﺟﻬﻬﺎ ﺍﺣﻤﺮ : ﻧﻬﺎﺭﻱ ﺍﻷﺣﺮﺵ ﺣﻨﺎﻙ ﻗﺪﺍﻣﻨﺎ ..
ﺍﻟﺤﺴﻦ : ﻫﻬﻬﻬﻬﻬﻬﻪ ... ﺣﻂ ﺍﻳﺪﻩ ﻉ ﺑﻄﻨﻬﺎ . ﺷﻦ ﻫﺬﺍ ﻣﺎﺯﺍﻝ ﻣﺎﻳﺒﻴﺶ ﻳﺠﻲ ...
ﻋﻠﻴﺎ ﺍﺑﺘﺴﻤﺖ : ﻣﺎﺯﺍﻝ ﻳﻮﻣﻴﻦ ﺑﺲ ...
ﺍﻟﺤﺴﻦ : ﻉ ﺧﻴﺮ ﺃﻥ ﺷﺎﺀ ﺍﻟﻠﻪ ...
ﻋﻠﻴﺎ : ﻳﺎﺍﺍﺍﺍﺭﺏ ...
ﺍﻟﺤﺴﻦ : ﺍﺧﺘﻚ ﻃﻠﻌﺖ ﻧﺘﻴﺠﺘﻬﺎ ﻭﻧﺠﺤﺖ ﺑﺘﻘﺪﻳﺮ ﻣﻤﺘﺎﺯ ..
ﻋﻠﻴﺎ ﺑﻔﺮﺣﻪ : ﻗﻮﻝ ﻭﺍﻟﻠﻪ
ﺍﻟﺤﺴﻦ ﺑﻀﺤﻜﻪ : ﻭﺍﻟﻠﻪ ...
ﻋﻠﻴﺎ : ﺑﺎﻟﻠﻪ ﻋﻠﻴﻚ ﺟﻴﺒﻠﻲ ﺗﻠﻴﻔﻮﻧﻲ ﻏﺎﺩﻱ ...
ﺍﻟﺤﺴﻦ ﻧﺎﺽ ﻭﻫﻮ ﻳﻀﺤﻚ ﺧﺪﻱ ﺗﻠﻴﻔﻮﻧﻬﺎ ﻭﻣﺪﻫﻮﻟﻬﺎ : ﺧﻮﻱ ﻳﺎﺑﻄﺮﻳﻘﻪ ..
ﻋﻠﻴﺎ ﺷﻘﻠﺒﺖ ﻋﻴﻮﻧﻪ ﻭﻫﻲ ﻣﺒﺘﺴﻤﻪ ﻭﺧﺪﺕ ﺍﻟﺘﻠﻴﻔﻮﻥ ﻭﺍﻟﺤﺴﻦ ﺿﺤﻚ ﻭﺧﺶ ﺩﺍﺧﻞ ...
ﻛﻠﻤﺖ ﻋﻠﻴﺎ ﺍﻣﻴﺮﻩ ﺍﻟﻠﻲ ﻗﺎﻋﺪﻩ ﺗﻄﻠﻊ ﻣﻦ ﺣﺎﻟﺘﻬﺎ ﺷﻮﻳﻪ ﺷﻮﻳﻪ .. ﺑﺮﻏﻢ ﺍﻧﻬﺎ ﻛﻞ ﻟﻴﻠﻪ ﺗﺸﻮﻑ ﻓﻲ ﻛﻮﺍﺑﻴﺲ ﻭﺗﻨﻮﺽ ﺗﻌﻴﻂ ﺑﻬﻴﺴﺘﻴﺮﻳﺎ .. ﺑﺲ ﺍﻟﺪﻛﺘﻮﺭﻩ ﺍﻟﻨﻔﺴﻴﻪ ﺍﻟﻠﻲ ﺗﻌﺎﻟﺞ ﻋﻨﺪﻫﺎ ﻗﺎﻟﺖ ﺍﻥ ﻫﻲ ﻗﻮﻳﻪ ﻭﺣﺘﻄﻠﻊ ﻣﻦ ﺍﻟﺤﺎﻟﻪ ...
ﺑﻌﺪ ﻳﻮﻣﻴﻦ ...
ﺷﺎﺩﻫﺎ ﻣﻦ ﻳﺪﻫﺎ ﻭﻳﻤﺸﻲ ﻓﻴﻬﺎ ﻓﻲ ﺣﺪﻳﻘﺔ ﺍﻟﻌﻴﺎﺩﻩ ...
ﻋﻠﻴﺎ : ﻳﺎﺭﺑﻲ ...
ﺍﻟﺤﺴﻦ : ﺧﻴﺮﻙ ..
ﻋﻠﻴﺎ : ﺍﻣﺘﻰ ﻳﻄﻠﻊ ﻭﻳﺮﻳﺤﻨﻲ ..
ﺍﻟﺤﺴﻦ : ﻫﻬﻬﻬﻬﻬﻬﻬﻬﻬﻪ
ﻋﻠﻴﺎ : ﺍﺿﺤﻚ ﺍﺿﺤﻚ ﺍﻧﺘﻢ ﺷﻦ ﺿﺎﺭﻛﻢ .. ﺣﻨﻲ ﺍﻟﻠﻲ ﻧﻌﺎﻧﻮﺍ ..
ﺍﻟﺤﺴﻦ ﻗﺮﺏ ﻣﻦ ﻭﺫﻧﻬﺎ : ﺗﻌﻮﺩﻱ ﻳﺎﺳﻤﻮﺣﻪ .. ﻛﻞ ﻋﺎﻡ ﻧﺒﻲ ﻋﻴﻞ ..
ﻋﻠﻴﺎ ﺑﺸﻬﻘﻪ : ﻳﺎﻧﻬﺎﺭ ﻣﺰﻗﺢ ﻣﻌﺠﺞ ...
ﺍﻟﺤﺴﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻋﻠﻴﺎ ﺷﺒﺤﺘﻠﻪ ﻉ ﺟﻨﺐ ﻭﺳﻜﺘﺖ .. ﺷﻮﻳﻪ ﻭﻓﻨﺼﺖ : ﺣﺴﻦ ..
ﺍﻟﺤﺴﻦ : ﺍﻟﺤﺴﻦ ..
ﻋﻠﻴﺎ ﺑﻌﻴﻄﻪ : ﻭﻗﺘﺘﺘﺘﻪ ﺗﻮﺍ ... ﺣﻴﻴﻴﻲ ﻋﻠﻴﺎ ..
ﺍﻟﺤﺴﻦ ﺧﺎﻑ : ﺧﻴﺮﻙ ...
ﻋﻠﻴﺎ : ﺧﻼﺍﺍﺍﺍﺹ ﺧﻼﺍﺍﺍﻟﺺ ..
ﺍﻟﺤﺴﻦ ﻛﻠﻢ ﻣﻤﺮﺿﻪ ﺷﺎﻓﻬﺎ ﺑﺮﺍ ﺗﺠﻴﺒﻠﻬﺎ ﻛﺮﺳﻲ ﻣﺘﺤﺮﻙ ..
ﻭﺧﺸﺸﻮﻫﺎ ﻭﻫﻲ ﺗﻌﻴﻂ ...
ﺍﻟﺤﺴﻦ ﺷﺪ ﻳﺪﻫﺎ ...
ﻋﻠﻴﺎ : ﺣﻮﻭﻭﻭﻭﻝ ﻏﺎﺩﻱ ... ﺣﻮﻭﻭﻭﻭﻝ ﻛﻠﻪ ﻣﻨﻚ ﺍﺍﺍﺍﺍﺍﺍﺍﺍﺍﺍﺍﺍﻩ ... ﻭﻭﻭﻭﻭﻭﻭﻭﻭﻭﻭﻭﻩ ... ﻳﺎﺭﺑﻲ ... ﺍﻟﺤﺴﻦ ﺭﻓﻊ ﺣﻮﺍﺟﺒﻪ ..
ﺍﻟﻤﻤﺮﺿﻪ ﺑﻀﺤﻜﻪ؛ ﻣﻌﻠﻴﺸﻲ ﻓﻲ ﻫﻠﺒﻪ ﻫﻜﻲ ﻳﺼﻴﺮ ﻣﻌﺎﻫﻢ ﺍﻋﺬﺭﻫﺎ ﻓﻲ ﻫﺎﻟﺤﺎﻟﻪ ﻣﻬﻤﺎ ﺳﻤﻌﺖ ﻣﻨﻬﺎ ...
ﺍﻟﺤﺴﻦ ﺍﺑﺘﺴﻢ ﻭﻫﻮ ﻳﺸﺒﺢ ﻟﻌﻠﻴﺎ ..
ﻋﻠﻴﺎ : ﻫﻴﻴﻴﻴﻴﻴﻴﻴﻴﻪ ﺍﻧﺘﻲ ﻣﻌﺎﺍﺍﺍﺵ ﺗﻜﻠﻤﻴﻪ ... ﺭﺍﺍﺍﺍﺍﺍﺟﻠﻲ ﻫﺪﺍﺍﺍﺍﺍﺍﺍ .. ﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻩ ﻳﺎﺍﺍﺍﺍﺍﺍﺍﺍﺍﺍﺭﺑﻲ ..
ﺍﻟﺤﺴﻦ ﻣﻴﺖ ﺑﺎﻟﻀﺤﻚ .. ﻭﻫﻲ ﺩﺧﻠﻮﻫﺎ ﻟﻐﺮﻓﺔ ﺍﻟﻮﻻﺩﻩ ..
ﺍﻟﺤﺴﻦ ﺑﺮﺍ ﻳﺴﻤﻊ ﻓﻴﻬﺎ ﺗﻌﻴﻂ ﻭﻗﻠﺒﻪ ﻭﺍﺟﻌﻪ .. ﺍﻛﺜﺮ ﻣﻦ ﻣﺮﺓ ﺑﻴﺨﺶ ﻭﻳﺸﺪ ﻓﻲ ﺭﻭﺣﻪ .. ﻟﻤﺎ ﺳﻜﺘﺖ .. ﻫﻮ ﻗﺮﻳﺐ ﻣﺎﺕ ﺟﺎﻱ ﺑﻴﺨﺶ ﻃﻠﻌﺖ ﺍﻟﻤﻤﺮﺿﻪ ..
ﺍﻟﺤﺴﻦ ﺑﺨﻮﻑ : ﺧﻴﺮﻫﺎ ﺳﻜﺘﺖ ..
ﺍﻟﻤﻤﺮﺿﻪ ﺑﻀﺤﻜﻪ : ﻣﺎﺳﻤﻌﺘﺶ ﺻﻮﺕ ﺍﻟﺒﻴﺒﻲ .
ﺍﻟﺤﺴﻦ ﻣﻦ ﺧﻮﻓﻪ ﻉ ﻋﻠﻴﺎ ﻣﺎﺭﻛﺰﺵ ﻉ ﺻﻮﺗﻪ .. ﺳﻤﻌﻪ ﻭﺍﺑﺘﺴﻢ ﺑﻔﺮﺡ .. ﺑﺲ ﻓﻴﺴﻊ ﻣﺎﺭﺟﻊ ﺧﻮﻓﻪ : ﻣﺮﺗﻲ ﺷﻦ ﺣﺎﻟﻬﺎ
ﺭﺩﺕ : ﺍﻟﺤﻤﺪ ﻟﻠﻪ ﺗﻤﺎﻡ .. ﻭﻭﻟﺪﻙ ﺗﺒﺎﺭﻙ ﺍﻟﻠﻪ ﻭﺯﻧﻪ 4 ﻛﻴﻠﻮ ﻭﺻﺤﺘﻪ ﻣﻤﺘﺎﺯﺓ ..
ﺍﻟﺤﺴﻦ ﺍﺑﺘﺴﻢ ﺑﺄﺭﺗﻴﺎﺡ : ﺍﻟﺤﻤﺪ ﻟﻠﻪ ..
ﺑﻌﺪ ﻓﺎﻗﺖ ﻋﻠﻴﺎ ﻭﺷﺎﻓﺖ ﻭﻟﺪﻫﺎ ﺣﻄﻬﻮﻟﻬﺎ ﺍﻟﺤﺴﻦ ﻓﻲ ﺣﻀﻨﻬﺎ ﻗﻌﺪﺕ ﺗﺒﻜﻲ ﺑﻔﺮﺡ ﻭﺗﺸﻢ ﻓﻴﻪ ... ﻭﺗﺒﻮﺱ ﺑﺒﻮﺳﺎﺕ ﺧﻔﻴﻔﻪ ...
ﺍﻟﺤﺴﻦ ﺑﺮﻓﻌﺔ ﺣﺎﺟﺐ : ﺍﻟﻮﺿﻊ ﻫﺬﺍ ﻣﺎﻳﺴﺎﻋﺪﻧﻴﺶ ..
ﻋﻠﻴﺎ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ : ﺷﻔﺖ ﻳﺎﻣﺎﻣﺎ ﺑﺎﺑﺎ ﻏﺎﺭ ﻣﻨﻚ ..
ﺑﻌﺪﻳﻦ ﻏﻴﺮﺕ ﻧﺒﺮﺓ ﺻﻮﺗﻬﺎ ... ﺧﻼﺹ ﻳﺎﺑﺎﺑﺎ ﻧﻲ ﺗﻮﺍ ﺣﺒﻴﺐ ﻣﺎﻣﺎ ﻭﺑﺲ ..
ﺍﻟﺤﺴﻦ : ﻋﻴﻨﻚ ﻭﻋﻴﻦ ﻋﻴﻨﻚ ﺍﻧﺖ ﻭﺍﻣﻚ ﻫﺎﺩﻱ ..
ﻋﻠﻴﺎ ﺑﻀﺤﻜﻪ : ﻭﺍﻧﻲ ﺷﻦ ﺩﺧﻠﻲ ..
ﺍﻟﺤﺴﻦ ﻭﻫﻮ ﻳﺸﻮﻓﻠﻬﺎ ﺑﻌﺸﻖ : ﺍﻧﺘﻲ ..... ﺍﺍﺍﺍﺍﻩ ﻣﻨﻚ ﺍﻧﺘﻲ ..
ﻋﻠﻴﺎ ﺍﺑﺘﺴﻤﺖ ﺑﺨﺠﻞ .. ﺷﺒﺤﺖ ﻟﻮﻟﺪﻫﺎ ..
ﻋﻠﻴﺎ : ﺳﻴﻒ ..
ﺍﻟﺤﺴﻦ ﺍﺑﺘﺴﻢ : ﻭﻫﺎﺩﺍ ﺍﻟﻠﻲ ﻛﻨﺖ ﻧﺒﻲ ﻧﺎﺧﺪ ﺭﺍﻳﻚ ﻓﻴﻪ ..
ﺍﺑﺘﺴﻤﺖ ﻋﻠﻴﺎ ﻭﻫﻲ ﺗﺸﺒﺤﻠﻪ ...
❤ ﺳﻴﻒ ﻛﺎﻥ ﺑﻬﺠﺔ ﺍﻟﺤﻮﺵ ... ﻟﻮﻥ ﺣﻴﺎﺗﻬﻢ ﺍﻟﻠﻲ ﻭﻟﺖ ﺑﺎﻫﺘﻪ ﻭﺭﺩ ﻓﻲ ﺑﺮﻧﻴﻪ ﺍﻟﺮﻭﺡ ﻭﻛﺎﻥ ﻣﺤﺒﻮﺏ ﻫﻠﺒﻪ .. ﻭﺟﺪﺍﺗﻪ ﻳﺘﻌﺎﺭﻛﻮﺍ ﻋﻠﻴﻪ ...
ﺍﻣﺎ ﺑﻮﻩ ﻓﻜﺎﻥ ﻳﻐﺎﺭ ﻣﻨﻪ ﺑﺠﺪﻳﺎﺕ .. ﻋﻠﻴﺎ ﺣﻴﺎﺗﻬﺎ ﻛﻠﻬﺎ ﻭﻟﺖ ﺳﻴﻒ .. ﻟﻜﻦ ﺍﻟﺤﺴﻦ ﺍﻟﻌﺎﺷﻖ ﻣﺎﻛﺎﻧﺶ ﻳﺴﻤﺢ ﻟﺤﺪ ﻳﺸﺎﺭﻛﻪ ﻓﻲ ﻣﻌﺸﻮﻗﺘﻪ ... ﻛﺎﻥ ﻳﺎﺧﺪ ﻓﻴﻪ ﻣﻨﻬﺎ ﻭﻳﻌﻄﻲ ﻓﻴﻪ ﻟﺤﻨﺎﻩ ﻭﻋﻤﺘﻪ .. ﺑﺶ ﻳﺴﺘﻔﺮﺩ ﺑﺤﺐ ﻋﻤﺮﻩ ❤....
ﻣﺮﻭﺍ ﺑﺎﻟﺰﺑﻂ 6 ﺷﻬﻮﺭ ...
ﺗﺰﻭﺟﺖ ﻓﻴﻬﻢ ﻣﻴﺴﻮﻥ ﻣﺼﻌﺐ ﺧﻮ ﻋﻠﻴﺎ .. ﻭﺩﺍﺭﻭﺍ ﻋﺮﺱ ﺑﺴﻴﻂ ﻭﺳﺎﻓﺮﺕ ﻫﻲ ﻭﻳﺎﻩ ...
ﺍﻧﺨﻄﺒﺖ ﺍﻧﻌﺎﻡ ﻷﺣﻤﺪ ﻭﻳﻮﺗﻮﺍ ﻟﻌﺮﺳﻬﻢ ... ﻛﺬﻟﻚ ﺧﻮﻟﻪ ﻛﺎﻧﺖ ﺗﻮﺗﻲ ﻟﻌﺮﺳﻬﺎ ﻫﻲ ﻭﺭﻳﺎﺽ .. ﻋﺮﺱ ﺧﻮﻟﻪ ﻭﺍﻧﻌﺎﻡ ﺣﻴﻜﻮﻥ ﻣﻊ ﺑﻌﺾ .. ﻭﻋﺮﺳﻬﻢ ﺣﻴﻜﻮﻥ ﺑﺪﺍﻳﻪ ﻧﺰﻉ ﺛﻮﺏ ﺍﻟﺤﺰﻥ ﻋﻦ ﺍﻟﻌﻴﻠﻪ ..
ﺭﻳﺤﺎﻧﻪ ﻗﺎﻋﺪﻩ ﺗﺼﺪ ﻓﻲ ﺳﻬﻴﻞ ... ﻭﻫﻮ ﺧﻼﻫﺎ ﻉ ﺭﺍﺣﺘﻬﺎ ...
ﺍﻣﻴﺮﺓ ﺷﺒﻪ ﻃﻠﻌﺖ ﻣﻦ ﺣﺎﻟﺘﻬﺎ ﻭﺧﺸﺖ ﻟﻠﺠﺎﻣﻌﻪ ﻛﻠﻴﻪ ﺍﻟﻬﻨﺪﺳﻪ ﻭﺍﻧﺴﺠﻤﺖ ﻫﻠﺒﻪ ﻓﻲ ﻋﺎﻟﻤﻬﺎ ﺍﻟﺠﺪﻳﺪ ...
ﻛﺎﻧﻮﺍ ﻭﺳﻴﻠﻪ ﻭﻓﺎﻃﻤﻪ ﻳﺰﻭﺭﻭﺍ ﻓﻲ ﺭﺟﻼﺗﻬﻢ ﻓﻲ ﺍﻳﺎﻡ ﺍﻟﺰﻳﺎﺭﻩ .. ﻭﺣﺘﻰ ﻭﻻﺩﻫﻢ .. ﻭﺑﺪﻭﺍ ﻳﺘﻘﺒﻠﻮﺍ ﺍﻟﻮﺿﻊ ﺍﻟﻠﻲ ﻫﻤﺎ ﻓﻴﻪ ...
💕
ﺃﺳﺒﻮﻉ ﻋﺮﺱ ﺍﻧﻌﺎﻡ ﻭﺧﻮﻟﻪ ...
ﺩﺍﺭﻭﻩ ﻓﻲ ﺣﻮﺵ ﻋﺎﺑﺪ ﻷﻧﻪ ﻛﺒﻴﺮ .. ﻭﻛﺎﻧﺖ ﺍﻷﺟﻮﺍﺀ ﻭﻻ ﺍﺭﻭﻉ ﻭﻓﻌﻼ ﺍﻟﻜﻞ ﻛﺎﻧﻮﺍ ﻳﺒﻮﺍ ﻳﻠﻮﺣﻮﺍ ﻛﻞ ﺷﻲ ﻭﺭﺍ ﻇﻬﻮﺭﻫﻢ ﻭﻳﻌﻴﺸﻮﺍ ﺍﻟﻔﺮﺣﻪ ﺑﻜﻞ ﺗﻔﺎﺻﻴﻠﻬﺎ ...
ﻳﻮﻡ ﺍﻟﻨﺠﻤﻪ
ﺍﻟﺨﻴﻤﻪ ﺑﺘﻨﻘﻠﺐ ﻏﻨﻲ ﻭﺷﻄﻴﺢ ﻭﺭﻗﻴﺺ ... ﻭﺟﻮ ﻣﻠﻴﺢ .. ﻭﺍﻟﻌﺮﺍﻳﺲ ﺑﺎﻟﺒﻮﺩﺭﻱ ﻳﺮﻗﺼﻮﺍ ﻭﻳﻬﻴﺠﻮﺍ ﺣﺘﻰ ﻫﻤﺎ ...
ﺑﻴﻨﻤﺎ ﺑﺮﺍ ...
ﺣﺴﺎﻥ : ﺭﺑﻲ ﻳﻬﺪﻳﻚ ﻳﺎﺑﺎﺑﺎ ﻗﻌﻤﺰﻱ ..
ﻣﺮﻋﻲ : ﺍﺣﺪﻓﻬﺎ ﻋﻨﺪ ﺍﻣﻬﺎ ﻳﺎﺭﺍﺟﻞ ..
ﺣﺴﺎﻥ : ﺍﺣﺪﻑ ﻭﻟﺪﻙ ﺗﻮﻧﺤﺪﻑ ﺑﻨﺘﻲ ...
ﻣﺮﻋﻲ : ﺍﻟﺤﻤﺪ ﻟﻠﻪ ﻭﻟﺪﻱ ﺭﻗﺪ ..
ﺣﺴﺎﻥ : ﻭﺑﻨﺘﻲ ﺗﻮ ﺗﺮﻗﺪ ... ﺷﺒﺢ ﻟﻠﺤﺴﻦ ﻭﻫﻮ ﻗﺎﻳﻢ ﻭﻟﺪﻩ ﻭﻳﻤﺸﻲ ﺑﻴﻪ ﻭﻳﺠﻲ ﺑﺶ ﻳﺮﻗﺪﻩ ... ﻣﺎﺗﻮﻗﻌﺘﺶ ﺑﻜﻞ ﺍﻥ ﺍﻟﺤﺴﻦ ﻳﻌﺮﻑ ﻳﺘﻌﺎﻣﻞ ﻣﻊ ﺍﻟﺼﻐﺎﺭ ..
ﻣﺮﻋﻲ : ﺑﺠﺪﻳﺎﺕ ﺣﺘﻰ ﺍﻧﻲ ﺍﺳﺘﻐﺮﺑﺖ ..
ﺭﻗﺪ ﺍﻟﺤﺴﻦ ﺳﻴﻒ ﻭﺣﻄﻪ ﺟﻨﺐ ﻋﻠﻲ .. ﻭﺟﻲ ﺣﺪﺍﻫﻢ ...
ﺍﻟﺤﺴﻦ : ﻋﻠﻲ ﺭﻭﺡ ﻟﺤﻮﺷﻪ ...
ﺣﺴﺎﻥ : ﺍﻳﻪ ..
" ﻫﻴﻴﻴﻴﻴﻴﻴﻲ ﻫﺎﺍﺍﺍﺍﺍﺍﺍﺍﺍﺍﺍﺍ .. ﻫﻲ ﻫﻲ ﻫﻲ ﻫﻲ ﻫﺎﺍﺍﺍﺍﺍﺍﺍﺍﺍﺍﺍﺍﺍﺍﺍ ﻭﻋﻴﻄﻮﺍ "
ﺍﻟﺤﺴﻦ : ﻛﺴﺐ ﺭﺍﺣﺘﻪ 😑
ﺣﺴﺎﻥ ﻭﻣﺮﻋﻲ ..😂😂:
....
ﻳﻮﻡ ﺍﻟﺤﻔﻠﻪ ﻛﻠﻬﻢ ﻣﺸﻮﺍ ﻟﻠﻤﺰﻳﻨﺎﺕ ..
ﺧﻮﻟﻪ ﻭﺍﻧﻌﺎﻡ ﻣﺸﻮﺍ ﻣﻌﺎﻫﻢ ﺟﻨﺎﻥ ﻭﺳﺎﺭﻩ .. ﻭﻫﺎﻟﻪ ﻭﺭﻳﺤﺎﻧﻪ ﻭﻋﻠﻴﺎ ﻣﺸﻮﺍ ﻟﻤﺰﻳﻦ ﺑﺮﻭﺣﻬﻢ .. ﺍﻣﺎ ﺍﻟﻨﺴﺎﻭﻳﻦ ﺍﻟﻜﺒﺎﺭ ﻣﺎﺑﻮﺍ ﻳﺪﻳﺮﻭﺍ ﺷﻲ 💔
ﻓﻲ ﺍﻟﻤﺰﻳﻦ ﺍﻟﻠﻲ ﻓﻴﻪ ﻋﻠﻴﺎ ...
ﻋﻠﻴﺎ : ﺑﺎﻩ ﻣﺪﺍﻡ ﻳﺒﻴﻚ ﺑﺠﺪﻳﺎﺕ ﻭﻧﺎﻭﻱ ﺍﻟﺨﻴﺮ ﻋﻼﺵ ﺗﺼﺪﻱ ..
ﺭﻳﺤﺎﻧﻪ : ﻧﺤﺲ ﻓﻴﻪ ﻭﺍﻋﺮ ﻭﺟﻠﻒ ﻫﻠﺒﻪ ...
ﻋﻠﻴﺎ ﺑﻬﻴﺎﻡ : ﻭﻫﺎﺩﻡ ﺍﻟﻠﻲ ﻣﺎﻓﻴﺶ ﺍﺣﻦ ﻣﻦ ﻗﻠﻮﺑﻬﻢ ﺍﺳﺄﻟﻲ ﻣﺠﺮﺏ
ﺭﻳﺤﺎﻧﻪ ﺑﻀﺤﻜﻪ : ﺯﻋﻤﻪ ..
ﻋﻠﻴﺎ : ﺣﺘﺤﺒﻴﻪ ﻭﺗﻤﻮﺗﻲ ﻓﻴﻪ ﻭﻫﻮ ﻛﺬﻟﻚ ﻭﻧﺬﻛﺮﻙ ﺑﻌﺪﻳﻦ ..
ﺗﻨﻬﺪﺕ ﺭﻳﺤﺎﻧﻪ ﻭﺳﻜﺘﺖ ..
ﺧﺸﺖ ﻭﺣﺪﻩ ﻣﻦ ﺍﻟﻌﺎﻣﻼﺕ : ﻭﻳﻨﻬﺎ ﻋﻠﻴﺎ ..
ﻋﻠﻴﺎ ﺑﺈﺳﺘﻐﺮﺍﺏ : ﺃﻧﻲ ..
ﻗﺮﺑﺖ ﺍﻟﻌﺎﻣﻠﻪ ﻭﻣﺪﺗﻠﻬﺎ ﻛﻴﺴﻪ : ﺗﻔﻀﻠﻲ ...
ﻋﻠﻴﺎ ﺧﺪﺗﻬﺎ ﻭﻓﺘﺤﺘﻬﺎ .. ﻭﻟﻘﺖ ﻓﻴﻬﺎ ﻗﻨﺒﻠﻪ 💣...
ﺍﻧﺒﺼﺮ ﺍﻧﺒﺼﺮ 😂😂😂😂😂😂
ﺍﻟﻤﻬﻢ ﻋﻠﻴﺎ ﻓﺘﺤﺘﻬﺎ ﻭﻟﻘﺖ ﻓﻴﻬﺎ ﺑﺎﻛﻮ ﻓﺘﺤﺎﺗﻪ ﻭﻟﻘﺖ ﻃﺎﻗﻢ ﺫﻫﺐ ﻳﺠﻨﻦ ﻭﻭﺍﺿﺢ ﺍﻧﻪ ﻏﺎﻟﻲ ﻫﻠﺒﻪ ﻟﻘﺖ ﻛﺮﺕ ﺩﺍﺧﻞ .. ﺧﺪﺍﺗﻪ ﻭﻗﺮﺍﺗﻪ "... ﺗﻠﻴﻘﻲ ﺑﻪ ﻭﻳﻠﻴﻖ ﺑﻚ ... ﻧﺤﺒﻚ ﻳﺎﺩﺭﻫﻮﺑﻪ .."
ﻋﻠﻴﺎ ﺿﺤﻜﺖ ﺑﻔﺮﺣﻪ ﻭﻋﻴﻮﻧﻬﺎ ﺗﻌﺒﻮﺍ ... ﺭﻳﺤﺎﻧﻪ ﺍﻟﻠﻲ ﻛﺎﻧﺖ ﺗﺸﻮﻑ ﻣﻌﺎﻫﺎ ﻓﻲ ﻛﻞ ﺷﻲ ﺍﺑﺘﺴﻤﺖ ..
ﺭﻳﺤﺎﻧﻪ : ﻣﻜﻴﺎﺝ ﻋﻴﻮﻧﻚ ﻳﺎﻫﻤﻲ ..
ﻋﻠﻴﺎ ﺑﻀﺤﻜﻪ : ﺗﺰﻭﺟﻲ ﺳﻬﻴﻞ ﺑﺎﻟﻠﻪ ﻋﻠﻴﻚ ..
ﺭﻳﺤﺎﻧﻪ : ﻫﻬﻬﻬﻬﻬﻬﻬﻬﻬﻪ ..
ﻫﺎﻟﻪ ﻧﺎﺿﺖ ﻭﺟﺘﻬﻢ : ﻭﺭﻭﻧﻲ ﺷﻦ ﻫﺬﺍ ..
ﻭﺭﺗﻬﺎ ﻋﻠﻴﺎ ﻭﻋﺠﺒﺘﻬﺎ ﻫﻠﺒﻪ ﺣﺮﻛﻪ ﺍﻟﺤﺴﻦ .. ﺷﻮﻳﻪ ﻭﻛﺸﺨﺖ ﻋﻠﻴﻬﻢ ﺍﻟﻤﺰﻳﻨﻪ ﻛﻞ ﻭﺣﺪﻩ ﺗﺮﺟﻊ ﻣﻜﺎﻧﻬﺎ ﺑﺶ ﺗﻜﻤﻞ ﺷﻐﻠﻬﺎ ...
...
ﺍﻟﺤﻔﻠﻪ ..
ﺍﻧﻌﺎﻡ ﻭﺧﻮﻟﻪ ﺧﺸﻮﺍ ﻣﻊ ﺑﻌﺾ .. ﻭﻛﺎﻥ ﺑﻴﻨﺎﺗﻬﻢ ﺻﻬﻴﺐ ﻭﻟﺪ ﻋﻠﻲ ﺷﺎﺩﺗﻪ ﻛﻞ ﻭﺣﺪﻩ ﻣﻦ ﺫﺭﺍﻉ ... ﻭﺻﻠﻮﺍ ﻓﻲ ﺍﻟﻜﻮﺷﻪ ﻭﻗﻌﻤﺰﻭﻫﻢ ﻭﺩﺍﺭ ﺻﻬﻴﺐ ﺟﻮﻩ ﻭﺭﻗﺺ ﻭﺻﻮﺭ ﻭﻃﻠﻊ ﺑﺴﺮﻋﻪ ..
ﻭﺍﻟﺤﻔﻠﻪ ﻛﺎﻧﺖ ﺣﻠﻮﺓ ﻭﺭﺍﻗﻴﻪ ﻉ ﺍﻵﺧﺮ ...
ﺑﻌﺪ ﺳﺎﻋﺎﺕ ...
ﺭﻭﺣﺖ ﻛﻞ ﻭﺣﺪﻩ ﻣﻊ ﺭﺍﺟﻠﻬﺎ ﻭﺑﺪﺕ ﻭﺻﻠﺔ ﺍﻟﺪﻣﻮﻉ ...
ﻟﻴﻠﺘﻬﺎ ﺣﺴﺎﻥ ﺭﻛﺐ ﺑﻬﺎﻟﻪ ﻟﺸﻘﺘﻬﻢ ﻭﺧﻼ ﻫﺪﺍﻳﻪ ﻟﻮﻃﺎ ... ﻭﺍﻟﺤﺴﻦ ﻃﺎﺍﺍﺭ ﺑﻌﻠﻴﺎ ﻟﺤﻮﺷﻬﻢ ﻭﺧﻼ ﺳﻴﻒ ﻓﻲ ﺣﻮﺵ ﺑﻮﻩ ..
ﻭﻣﺮﻋﻲ ﻣﺴﻜﻴﻦ ﻣﺎﻋﻨﺪﻩ ﻭﻳﻦ ﻳﻤﺸﻲ ﺑﺴﺎﺭﻩ ..😂😂😂
...
ﻋﻠﻴﺎ : ﻗﻠﺒﻲ ﻭﺍﻛﻠﻨﻲ ﻉ ﺳﻴﻮﻓﻲ ..
ﺍﻟﺤﺴﻦ : ﻭﻗﻠﺒﻚ ﻫﺬﺍ ﻣﺶ ﻭﺍﻛﻠﻚ ﻋﻠﻴﺎ ..
ﻋﻠﻴﺎ ﺑﻀﺤﻜﻪ : ﺑﻜﻞ ﺍﻟﺤﺴﻦ ﺍﻧﺖ ﺗﻐﺎﺭ ﻣﻦ ﻭﻟﺪﻙ
ﺍﻟﺤﺴﻦ : ﺍﻧﻲ ﻧﻐﺎﺭ ﻣﻦ ﺑﻮﻙ ﻭﺃﻣﻚ ..
ﻋﻠﻴﺎ ﺍﺑﺘﺴﻤﺖ ﻭﻫﻲ ﺗﺸﺒﺢ ﻟﻌﻴﻮﻧﻪ ..
ﺍﻟﺤﺴﻦ ﺑﻌﺸﻖ : ﺧﻠﻴﻚ ﻣﻌﺎﻱ ﺗﻮﺍ ﺑﺲ ﺍﻧﺴﻲ ﻛﻞ ﺷﻲ ﻭﺍﺫﻛﺮﻳﻨﻲ ..
ﻋﻠﻴﺎ : ﻧﺬﻛﺮﻙ !! .. ﺍﻧﺖ ﺩﻳﻤﺎ ﻉ ﺑﺎﻟﻲ ﻧﻨﺴﻰ ﺍﻟﻜﻞ ﻭﻻﻧﻨﺴﺎﻙ ..
ﺍﻟﺤﺴﻦ : ﻣﺎﻟﻴﻜﺶ ﺣﻞ 💕...
ﻭﻋﺎﺷﻮﺍ ﺣﺒﻬﻢ ﺍﻟﻜﺒﻴﺮ ... ﻭﺷﻮﻗﻬﻢ ﺍﻷﻛﺒﺮ ...
***
ﺍﻟﺤﻴﺎﺓ ﺍﺳﺘﻤﺮﺕ ﻉ ﻃﺒﻴﻌﺘﻬﺎ ﻭﻛﺎﻧﺖ ﻫﺎﺩﻳﻪ ﺗﻤﺎﻣﺎ ﻭﻛﻞ ﺣﺪﻫﺎﻳﻢ ﻓﻲ ﻋﺎﻟﻤﻪ ...
ﺑﺲ ... ﻣﺆﺧﺮﺍ ﻋﻠﻴﺎ ﻻﺣﻈﺖ ﺍﻥ ﺍﻟﺤﺴﻦ ﻣﺶ ﻉ ﺑﻌﻀﻪ ... ﻛﺎﻥ ﺗﺠﻴﻪ ﻣﻜﺎﻟﻤﺎﺕ ﻓﻲ ﺍﻟﻠﻴﻞ ﺑﻜﻞ ﻭﻛﺎﻥ ﻳﺘﻜﻠﻢ ﺑﺮﺍ ﺍﻏﻠﺐ ﺍﻟﻮﻗﺖ ..
ﻭﻛﺎﻧﺖ ﺗﺠﻴﻪ ﺭﺳﺎﺋﻞ ﻭﻳﻦ ﻳﻔﺘﺤﻬﺎ ﻭﻳﻘﺮﺍﻫﺎ ﻭﺟﻬﻪ ﻳﺘﻐﻴﺮ ﻭﻳﻨﻮﺽ ﻳﻄﻠﻊ ﺑﺮﺍ ﻭﻳﺘﻜﻠﻢ .. ﻭﻻ ﺑﻌﻴﺪ ﻋﻦ ﻋﻠﻴﺎ ﻓﻲ ﻫﺎﻟﻔﺘﺮﺓ ...
ﻭﻋﻠﻴﺎ ﺣﺎﻟﻪ ﻫﺬﺍ ﻣﺨﻮﻓﻬﺎ ﻭﻭﺍﺟﻌﻠﻬﺎ ﻗﻠﺒﻬﺎ ...
ﻓﻴﻮﻡ ﻃﻠﻊ ﻭﻣﺎﺭﻭﺣﺶ ﺇﻻ ﺍﻟﺼﺒﺢ ...
ﻟﻘﻲ ﻋﻠﻴﺎ ﻧﺎﻳﻀﻪ ﻫﻲ ﻭﺳﻴﻒ ﻭﺑﺮﻧﻴﻪ ﻭﻳﻔﻄﺮﻭﺍ ..
ﺍﻟﺤﺴﻦ : ﻭﺗﻲ ﺣﻮﺍﻳﺠﻚ ﻭﺣﻮﺍﻳﺞ ﺳﻴﻒ ﻭﺣﻨﺎﻱ .. ﺑﻨﺤﻄﻚ ﺍﻧﺘﻲ ﻓﻲ ﺣﻮﺵ ﺍﻫﻠﻚ ﻭﺣﻨﺎﻱ ﻓﻲ ﺣﻮﺵ ﺑﻮﻱ .. ﺑﻨﺴﺎﻓﺮ ﺍﻟﻔﺘﺮﺓ ﻫﺎﺩﻱ ..
ﻋﻠﻴﺎ ﺑﻮﺟﻊ : ﻭﻳﻴﻦ ..
ﺍﻟﺤﺴﻦ : ﺧﺪﻣﻪ .. ﻭﻃﻠﻊ ﻣﻦ ﺣﺪﺍﻫﺎ ...
ﺑﺮﻧﻴﻪ ﻛﺎﻧﺖ ﺗﺸﺒﺢ ﻟﻌﻠﻴﺎ ﺍﻟﻠﻲ ﺩﻣﻌﺘﻬﺎ ﻧﺰﻟﺖ ﻭﺣﺴﺖ ﺍﻥ ﺍﻟﺤﺴﻦ ﻣﺘﻐﻴﺮ ﻫﻠﺒﻪ ﺍﻟﻔﺘﺮﻩ ﺍﻷﺧﻴﺮﺓ ...
ﻭﺗﺖ ﺍﻟﻠﻲ ﻗﺎﻟﻠﻬﺎ ﻋﻠﻴﻪ .. ﻭﻃﻠﻌﻮﺍ ﻭﻫﻮ ﻛﺎﻥ ﻳﺴﺘﻨﻰ ﻓﻴﻬﻢ ﻓﻲ ﺍﻟﺴﻴﺎﺭﻩ .. ﺭﻛﺐ ﺍﻟﺸﻨﺎﻃﻲ ﻭﺭﻛﺒﻮﺍ ﻫﻤﺎ .. ﻭﻃﻮﻝ ﺗﺤﺮﻙ .. ﺣﻂ ﺑﺮﻧﻴﻪ ﻓﺤﻮﺵ ﺃﻫﻠﻪ .. ﻭﻛﻤﻞ ﺑﻌﻠﻴﺎ ﻭﻃﻮﻝ ﺍﻟﻄﺮﻳﻖ ﻛﺎﻧﺖ ﺗﺸﺒﺤﻠﻪ ﻛﻴﻒ ﻣﻼﻣﺤﻪ ﺍﻟﺤﺎﺩﻩ ﻛﺎﻧﺖ ﺑﺎﺭﺩ ﻫﻠﺒﻪ ...
ﻭﺻﻞ ﺑﻴﻬﺎ ﻟﺤﻮﺵ ﺃﻫﻠﻬﺎ ...
ﺍﻟﺤﺴﻦ : ﺍﻧﺰﻟﻲ ﻭﻧﺰﻟﻲ ﺍﻟﺤﺎﺟﺎﺕ ..
ﻋﻠﻴﺎ ﺑﺼﺪﻣﻪ : ﻣﺶ ﺣﺘﺨﺶ ..
ﺍﻟﺤﺴﻦ ﺑﺪﻭﻥ ﻣﺎﻳﺸﺒﺤﻠﻬﺎ : ﻣﺎﻋﻨﺪﻳﺶ ﻭﻗﺖ ..
ﻋﻠﻴﺎ ﻣﺼﺪﻭﻣﻪ ﻭﻣﺶ ﻓﺎﻫﻤﻪ ﺷﻲ .. ﻧﺰﻟﺖ ﺑﺴﻴﻒ ﻓﻲ ﻏﻤﺮﻫﺎ ﻭﻓﺘﺤﺖ ﺍﻟﺒﺎﺏ ﻭﺧﺪﺕ ﺍﻟﺼﺎﻛﻮ .. ﻭﺗﻮﺟﻬﺖ ﻟﻠﺒﺎﺏ ﺗﻠﻔﺖ ﺷﺒﺤﺘﻠﻪ ﻟﻘﺎﺗﻪ ﻟﺒﺲ ﻧﻈﺮﺍﺗﻪ ﻭﺗﺤﺮﻙ ﻃﻮﻝ ...
ﻋﻠﻴﺎ " ﻣﺎﻗﺎﻟﺶ ﺣﺘﻰ ﺑﺎﻟﺴﻼﻣﻪ ..."!!!
ﻃﻘﺖ ﻭﻓﺘﺤﻠﻬﺎ ﺑﻮﻫﺎ ﻭﺍﻇﺎﻫﺮﺕ ﺍﻧﻬﺎ ﻋﺎﺩﻳﻪ ﻭﻗﺎﻟﺘﻠﻬﻢ ﺍﻧﻪ ﻣﺴﺎﻓﺮ ﻓﻲ ﻣﻬﻤﻪ ...
ﻣﺮ ﺍﺳﺒﻮﻉ ﻭﻋﻠﻴﺎ ﻗﺮﻳﺐ ﺗﻤﻮﺕ .. ﻻﺍﺗﺼﻞ ﺑﻴﻬﺎ ﻻﺩﻭﺭﻫﺎ ﻻﻫﻲ ﻻﻭﻟﺪﻩ "... ﺧﻴﺮﻩ ﻋﻼﺵ ﻫﻜﻲ ﻳﺪﻳﺮ ..." ﻭﺃﻣﻴﺮﻩ ﻛﺎﻧﺖ ﺗﻬﻮﻥ ﻋﻠﻴﻬﺎ ﻭﺗﻘﻮﻟﻠﻬﺎ ﺃﻛﻴﺪ ﻣﺸﻐﻮﻝ .. ﺑﺮﻏﻢ ﺍﻧﻬﺎ ﻣﻦ ﺩﺍﺧﻞ ﺧﺎﻳﻔﻪ ﺍﻛﺜﺮ ﻣﻦ ﻋﻠﻴﺎ ...
ﻭﻓﻲ ﻳﻮﻡ ...
ﺧﺶ ﺑﻮﻫﺎ ﻭﺟﻬﻪ ﻣﺎﻳﺘﻔﺴﺮﺵ ﺍﺷﺮ ﻟﺰﻳﻨﺐ ﺑﻌﻴﻮﻧﻪ ... ﻭﻣﺸﻲ ﻟﻠﺪﺍﺭ .. ﻟﺤﻘﺎﺗﻪ ﺯﻳﻨﺐ ﻭﻋﻠﻴﺎ ﻭﺃﻣﻴﺮﻩ ﻻﺣﻈﻮﺍ ...
...
ﺯﻳﻨﺐ : ﺷﻦ ﻓﻲ ...
ﺟﻌﻔﺮ ﺑﺄﺳﻒ : ﺍﻟﺤﺴﻦ ..
ﺯﻳﻨﺐ ﺑﺨﻮﻑ : ﺧﻴﺮﻩ !!!!
ﺟﻌﻔﺮ ﻃﻠﻊ ﻭﺭﻗﻪ ﻭﻣﺪﻫﺎ : ﻃﻠﻖ ﻋﻠﻴﺎ ...
.... ﻳﺘﺒﻊ
