#الحسن
الجزء27
#جمان_فريد
GomanFared
ﻃﻮﻝ ﺍﻟﻄﺮﻳﻖ ﺳﺎﻛﺘﻴﻦ ﺑﺲ ﺻﻮﺕ ﺩﻗﺎﺕ ﻗﻠﺒﻪ ﻫﻮ ﺷﺒﻪ ﻣﺴﻤﻮﻉ ﻫﻴﺎ ﻛﺎﻧﺖ ﺗﺴﺮﻕ ﻓﻲ ﻧﻈﺮﺍﺕ ﻟﻴﻪ ﻭﻫﻮ ﻣﺪﺍﻳﺮ ﺭﻭﺣﻪ ﻣﺮﻛﺰ ﻉ ﺍﻟﻄﺮﻳﻖ ... ﺍﻟﻤﻄﺮ ﺗﺼﺐ ﺑﺲ ﻣﺶ ﻗﻮﻳﻪ ﻫﻠﺒﻪ ﻣﺘﻮﺳﻄﻪ ..
ﻋﻠﻴﺎ ﺷﺒﺤﺖ ﻟﻠﻤﻄﺮ ﺑﻌﺪﻳﻦ ﺷﺒﺤﺘﻠﻪ : ﺣﺴﻦ ..
ﺍﻟﺤﺴﻦ : ﺍﻟﺤﺴﻦ .. ﺍﻝ ... ﺣﺴﻦ ..
ﻋﻠﻴﺎ ﺑﻀﺤﻜﻪ : ﺷﻦ ﺍﻟﻔﺮﻕ ..
ﺍﻟﺤﺴﻦ : ﻓﺮﻕ ﻛﺒﻴﺮ ..
ﻋﻠﻴﺎ : ﺑﺎﻩ ﻣﺶ ﻫﺬﺍ ﺍﻟﻤﻬﻢ .. ﻧﺒﻲ ﻧﻘﺘﺮﺡ ﻋﻠﻴﻚ ﺣﺎﺟﻪ
ﺍﻟﺤﺴﻦ ﻭﻫﻮ ﻳﺸﺒﺢ ﻟﻠﻄﺮﻳﻖ : ﻧﺴﻤﻊ ...
ﺻﻮﺕ ﺍﻟﻤﻄﺮ ﺯﺍﺩ ﻗﻮﻱ ..
ﻋﻠﻴﺎ ﺷﺒﺤﺘﻠﻬﺎ ﺑﻌﺪﻳﻦ ﺷﺒﺤﺘﻠﻪ : ﺷﻦ ﺭﺍﻳﻚ ﻧﻮﻟﻮﺍ ﺃﺻﺪﻗﺎﺀ ..
ﺍﻟﺤﺴﻦ ﺿﻴﻖ ﻋﻴﻮﻧﻪ ﻭﻗﻌﺪ ﺳﺎﻛﺖ ﻭﻣﺮﻛﺰ ﻉ ﺍﻟﻄﺮﻳﻖ ..
ﻋﻠﻴﺎ : ﺍﻛﻴﺪ ﻣﺎﺩﺭﺗﺶ ﺻﺪﺍﻗﺎﺕ ﻣﻊ ﺑﻨﺎﺕ ﻗﺒﻞ ..
ﺍﻟﺤﺴﻦ ﺑﺘﻬﻜﻢ : ﻭﻣﻦ ﻗﺎﻟﻚ .. ﺩﺭﺕ ﻫﻠﺒﻪ ﻋﺪﻱ ﻭﺍﻏﻠﻄﻲ ..
ﻋﻠﻴﺎ ﺑﺼﺪﻣﻪ : ﺣﻘﻘﻘﻘﻪ ..!!
ﺍﻟﺤﺴﻦ ﺍﺑﺘﺴﻢ ﺑﺘﻬﻜﻢ ﻭﺷﺒﺤﻠﻬﺎ ﻭﺃﺷﺮ ﻉ ﺭﻭﺣﻪ : ﻳﺒﺎﻥ ﻋﻠﻴﺎ ﻋﻨﺪﻱ ﻓﻴﻪ ﺍﻟﺠﻮ ﻫﺬﺍ ..
ﻋﻠﻴﺎ ﺑﻀﺤﻜﻪ : ﻫﻮ ﺍﻟﺼﺮﺍﺣﻪ ﻻ .. ﺑﺲ ﻣﺮﺍﺕ ﺍﻟﻤﻈﺎﻫﺮ ﺧﺪﺍﻋﻪ ..
ﺍﻟﺤﺴﻦ : ﺍﺳﺘﺜﻨﻴﻨﻲ ﻣﻦ ﻛﻞ ﺍﻷﻣﺜﺎﻝ ﻭﺍﻟﻘﻮﺍﻋﺪ ..
ﻋﻠﻴﺎ : ﺍﻧﺖ ﻣﺴﺘﺜﻨﻰ ﻣﻦ ﻛﻞ ﺷﻲ ..
ﺍﻟﺤﺴﻦ : ﺗﻤﺪﺣﻲ ﻭﻻﺍﺫﻣﻲ ..
ﻋﻠﻴﺎ ﺑﻀﺤﻜﻪ : ﺍﻟﺰﻭﺯ ﻣﻊ ﺑﻌﺾ ...
ﺍﻟﺤﺴﻦ ﺍﺑﺘﺴﻢ ﻭﺳﻜﺖ ..
ﻋﻠﻴﺎ : ﺷﻦ ﻗﻠﺖ ..
ﺍﻟﺤﺴﻦ : ﺑﺲ ﺍﻧﻲ ﻣﺶ ﺻﺪﻳﻖ ﻣﺜﺎﻟﻲ ﺣﺘﻰ ﺻﺪﺍﻗﺎﺕ ﻫﻠﺒﻪ ﻣﺎﻋﻨﺪﻳﺶ ﺻﺪﻳﻘﻲ ﺍﻟﻮﺣﻴﺪ ﺳﺮﻣﺪ ..
ﻋﻠﻴﺎ : ﻓﻲ ﻓﺮﻕ ﺍﻣﺘﻰ ﺗﻜﻮﻥ ﺻﺪﻳﻘﺘﻚ ﻣﺶ ﺻﺪﻳﻘﻚ ..
ﺍﻟﺤﺴﻦ ﻗﻌﺪ ﻳﻔﻜﺮ ....
ﻋﻠﻴﺎ : ﻫﺎﻩ ﺷﻨﻮ ...
ﺍﻟﺤﺴﻦ : ﺍﻣﻤﻤﻢ ... ﺑﺎﻩ ...
ﻋﻠﻴﺎ ﺿﺤﻜﺖ ﺑﻔﺮﺣﻪ ... ﻣﺪﺕ ﺍﻳﺪﻫﺎ : ﺍﻭﻋﺪﻧﻲ ..
ﺍﻟﺤﺴﻦ : ﻻﺇﻟﻪ ﺇﻻ ﺍﻟﻠﻪ .. ﺧﻠﻴﻨﻲ ﻧﺮﻛﺰ ﻓﻲ ﺍﻟﻄﺮﻳﻖ ...
ﻋﻠﻴﺎ ﺑﻀﺤﻜﻪ : ﻏﻴﺮ ﺍﻭﻋﺪﻧﻲ ..
ﺍﻟﺤﺴﻦ : ﺑﺸﻨﻮ ..
ﻋﻠﻴﺎ : ﺍﻧﻨﺎ ﻧﻘﻌﺪﻭﺍ ﺍﺻﺤﺎﺏ ﻷﺧﺮ ﺍﻟﻌﻤﺮ ﻭﻣﺎﻧﺘﺨﻠﻮﺵ ﻋﻦ ﺑﻌﺾ ..
ﺍﻟﺤﺴﻦ ﻓﻬﻢ ﻗﺼﺪﻫﺎ .. ﺷﻮﻳﻪ ﻭﻣﺪ ﺍﻳﺪﻩ .. ﺻﺎﻓﺤﺘﻬﺎ ﺍﻳﺪ ﻋﻠﻴﺎ .. ﺍﻟﺤﺴﻦ ﻗﻠﺒﻪ ﺑﻴﻔﺮ 💓
ﺍﻟﺤﺴﻦ : ﺍﺣﻤﻢ .. ﻧﻮﻋﺪﻙ ...
ﻋﻠﻴﺎ : ﺑﺸﻨﻮ ..
ﺍﻟﺤﺴﻦ : ﺑﺎﻟﻠﻲ ﻗﻠﺘﻲ ﻋﻠﻴﻪ .. ﻭﺣﻮﻝ ﺍﻳﺪﻩ .. ﺧﻠﻴﻨﻲ ﻧﺮﻛﺰ ﻓﻲ ﺍﻟﻄﺮﻳﻖ ﺧﻴﺮ ﻣﺎﻳﻘﺼﺮ ﻋﻤﺮﻧﺎ ...
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻪ .. ﺑﺎﻩ ...
ﻭﺻﻠﻮﺍ ﻟﻠﺤﻮﺵ .. ﻧﺰﻟﻮﺍ ﻣﻦ ﺍﻟﺴﻴﺎﺭﻩ ﻭﺧﺸﻮﺍ .. ﻗﺎﺑﻠﻮﺍ ﺳﺮﻣﺪ ﺑﺮﺍ ﻣﻘﻌﻤﺰ ﻓﺴﻴﺎﺭﺗﻪ ..
ﺍﻟﺤﺴﻦ : ﺧﺸﻲ ﺑﺴﺮﻋﻪ ﺗﻮ ﺗﻤﺮﺿﻲ ..
ﻋﻠﻴﺎ ﺍﺑﺘﺴﻤﺖ ﻭﺧﺸﺖ ﻃﻮﻝ .. ﻫﻮ ﺭﻥ ﺗﻠﻴﻔﻮﻧﻪ .. ﺭﺩ ﺗﻜﻠﻢ ﺷﻮﻳﻪ ﺑﻌﺪﻳﻦ ﺟﺎﻱ ﻃﺎﻟﻊ ..
ﺳﺮﻣﺪ : ﻭﻳﻴﻴﻦ ..
ﺍﻟﺤﺴﻦ : ﻟﻠﻤﺮﻛﺰ .. ﻭﻃﻠﻊ ..
ﺍﻣﺎ ﺳﺮﻣﺪ ﺑﻌﺪ ﻛﻤﻞ .. ﺧﺶ ﻳﺠﺮﻱ ﺣﺘﻰ ﻫﻮ ..
ﻋﻨﺪ ﻫﺎﻟﻪ ...
ﻛﺎﻧﺖ ﺍﺩﻳﺮ ﻓﻲ ﺍﻟﺴﺤﻠﺐ ﺟﻨﺐ ﻃﻨﺠﺮﺓ ﺭﺷﺪﺓ ﺍﻟﺒﺮﻣﻪ ﺍﻟﻠﻲ ﺣﺎﻃﺘﻬﺎ ﻉ ﺍﻟﻨﺎﺭ ...
ﺧﺶ ﺣﺴﺎﻥ .. ﻃﻠﻌﺖ ﻣﻦ ﺍﻟﻜﻮﺟﻴﻨﻪ ...
ﻫﺎﻟﻪ : ﺣﻴﻴﻲ ﻋﻠﻴﻚ ﺗﻘﻄﺮ ...
ﺣﺴﺎﻥ : ﺧﻮﺩﻱ ﻣﻨﻲ ﺧﻞ ﻧﺨﺶ ﻧﺒﺪﻝ ...
ﻫﺎﻟﻪ ﺧﺪﺕ ﻣﻨﻪ ﺍﻟﺤﺎﺟﺎﺕ ﺣﻄﺘﻬﻢ ﻭﻃﻔﺖ ﻉ ﺍﻟﺴﺤﻠﺐ ﻭﻣﺸﺖ ﻟﺪﺍﺭﻩ ﻃﻘﺖ .. ﻣﺎﺭﺩﺵ .. ﺗﺸﺠﻌﺖ ﻭﻓﺘﺤﺖ ﺍﻟﺒﺎﺏ ..
ﻟﻘﺎﺗﻪ ﺷﺎﺩ ﺗﻠﻴﻔﻮﻧﻪ ﻭﻫﻮ ﻣﺤﻮﻝ ﺣﻮﺍﻳﺠﻪ ﻣﻦ ﻓﻮﻕ ﻭﻳﺸﺒﺢ ﻟﺘﻠﻴﻔﻮﻧﻪ ﻭﻣﺒﺘﺴﻢ .. ﺗﻠﻔﺘﻠﻬﺎ ..
ﺣﺴﺎﻥ : ﺗﺒﻲ ﺣﺎﺟﻪ ..
ﻫﺎﻟﻪ ﺑﻀﻴﻖ : ﻻﺧﻼﺹ .. ﻭﻃﻠﻌﺖ ﻭﺳﻜﺮﺕ ﺍﻟﺒﺎﺏ " ﺷﻦ ﺣﻴﺘﻐﻴﺮ ﻓﻴﻪ ﻳﺎﻫﺎﻟﻪ ﺍﻟﺴﻮﺳﻪ ﻫﺎﺩﻱ ﻣﺴﺘﺤﻴﻞ ﺗﺘﺤﻮﻝ ﻣﻦ ﺍﻟﺮﺍﺟﻞ .."
ﻭﻣﺸﺖ ﻭﻫﻲ ﻣﻀﺎﻳﻘﻪ ﻟﻠﻤﻄﺒﺦ ..
...
ﻋﻠﻴﺎ ﺑﺪﻟﺖ ﺣﻮﺍﻳﺠﻬﺎ ﻭﻟﺒﺴﺖ ﺗﻮﺗﻪ ﻣﺴﻜﺮﻩ ﻟﻠﺮﻗﺒﻪ ﻭﻟﻌﺖ ﺍﻟﺪﻓﺎﻳﻪ ﻭﺣﻄﺘﻬﺎ ﻓﻲ ﺍﻟﺼﺎﻟﻪ .. ﻭﺩﺍﺭﺕ ﺣﺘﻰ ﻫﻲ ﺳﺤﻠﺐ .. ﺗﺤﺮﻙ ﻓﻴﻪ ﻭﺗﺸﺒﺢ ﻟﺮﻭﺷﻦ ﺍﻟﻤﻄﺒﺦ ﺗﺸﻮﻑ ﺍﻟﻤﻄﺮ ﻛﻴﻒ ﺗﺼﺐ ﺑﻘﻮﺓ .. ﻭﺗﺬﻛﺮ ﺍﻟﻠﻲ ﺻﺎﺭ ﻭﺗﺒﺘﺴﻢ ..
....
ﺍﻟﺤﺴﻦ ﻛﺎﻥ ﻓﻲ ﻫﺎﻟﺠﻮ ﻓﻲ ﻣﻄﺎﺭﺩﺓ ﻣﻊ ﺟﻤﺎﻋﻪ ﺗﺒﻴﻊ ﻓﻲ ﺍﻟﺤﺒﻮﺏ .. ﻭﻛﺎﻧﻮﺍ ﻣﺘﻨﻜﺮﻳﻦ ﻉ ﻫﻴﺌﺔ ﺷﺤﺎﺗﻴﻦ .. ﺭﺟﺎﻟﻪ ﻭﻧﺴﺎﻭﻳﻦ .. ﺍﻟﻤﻄﺮ ﺗﺼﺐ ﻋﻠﻴﻬﻢ ... ﻭﻫﻤﺎ ﻳﺠﺮﻭﺍ ﻭﺍﻟﺪﻧﻴﺎ ﻣﻴﻪ .. ﻣﻊ ﻫﺬﺍ ﻛﺎﻧﻮﺍ ﻋﻨﺎﺻﺮ ﺍﻟﺸﺮﻃﻪ ﻳﻤﺎﺭﺳﻮﺍ ﻓﻲ ﻋﻤﻠﻬﻢ ﻟﻴﻦ ﺗﻤﺖ ﻣﻬﻤﺘﻬﻢ ﻭﻗﺒﻀﻮﺍ ﻉ ﺍﻟﻤﺠﻤﻮﻋﻪ ﻛﺎﻣﻠﻪ ...
***
ﻣﻌﺎﺵ ﻃﻠﻊ ﺣﺴﺎﻥ ﻣﻦ ﺍﻟﺪﺍﺭ .. ﻭﻫﺎﻟﻪ ﺑﺘﻨﺤﺮﻕ ﻣﻦ ﺩﺍﺧﻞ ...
ﻃﻔﺖ ﻉ ﻃﺒﻴﺨﻪ ﺍﻟﺮﺷﺪﻩ ﻭﻣﺎﺑﺘﺶ ﺍﺩﻳﺮﻫﺎ .. ﻭﺣﺘﻰ ﺍﻟﺴﺤﻠﺐ ﻓﺎﺗﺘﻪ .. ﺧﺸﺖ ﻟﺪﺍﺭ ﺍﻟﻨﻮﻡ ﻭﺻﻜﺮﺕ ﻉ ﺭﻭﺣﻬﺎ ﻭﻗﻌﻤﺰﺕ ﻣﻊ ﺻﺪﻳﻘﻬﺎ ﺍﻟﻮﺣﻴﺪ 💓 ﺍﻟﻤﺼﺤﻒ ...💓
ﺃﻣﺎ ﺣﺴﺎﻥ ﻓﻜﺎﻥ ﺭﺍﻗﺪ ﻓﻲ ﻧﻮﻡ ﻋﻤﻴﻖ ...
....
ﻋﻠﻴﺎ ﻛﺎﻧﺖ ﺗﻘﺮﺍ .. ﻭﺗﺸﺮﺏ ﻓﻲ ﺍﻟﺴﺤﻠﺐ .. ﺍﻧﻔﺘﺢ ﺑﺎﺏ ﺍﻟﺸﻘﻪ .. ﻭﺧﺶ ﺍﻟﺤﺴﻦ ..
ﻋﻠﻴﺎ : ﻫﺬﺍ ﺷﻨﻮ .. ﺗﻘﻄﺮ ﻳﺎﻫﻤﻲ ..
ﺍﻟﺤﺴﻦ : ﺗﻮ ﻧﺨﺶ ﻧﺒﺪﻝ .. ﺍﻏﻠﺐ ﺣﻮﺍﻳﺠﻲ ﻫﻨﻲ ..
ﻋﻠﻴﺎ : ﺗﺒﻲ ﻧﻤﺸﻲ ﻣﻌﺎﻙ ﻧﻄﻠﻌﻠﻚ ﺣﻮﺍﻳﺞ ..
ﺍﻟﺤﺴﻦ : ﻻﻻ ﺍﺭﺗﺎﺣﻲ ﻭﻣﺸﻲ ..
ﻭﻫﻲ ﻭﻟﺖ ﻗﻌﻤﺰﺕ ..
ﻫﻮ ﺧﺶ ﻭﺑﺪﻝ ﺣﻮﺍﻳﺠﻪ ...
ﻭﻃﻠﻊ ﻟﻘﺎﻫﺎ ﻭﺍﻗﻔﻪ ﻓﻲ ﺍﻟﻜﻮﺟﻴﻨﻪ ﻉ ﺍﻟﻐﺎﺯ ..
ﻗﺪﻣﻠﻬﺎ : ﺷﻦ ﺍﺩﻳﺮﻱ ..
ﻋﻠﻴﺎ ﺍﻟﺘﻔﺖ ﺷﺒﺤﺘﻠﻪ ﻛﺎﻥ ﻻﺑﺲ ﻓﺎﻧﻴﻠﻴﺎ ﺻﻮﻑ ﺭﺻﺎﺻﻴﻪ ﺭﻗﺒﺘﻬﺎ ﻟﻔﻮﻕ .. ﻭﺳﺮﻭﺍﻝ ﺟﻴﻨﺰ ﺭﺻﺎﺻﻲ ... ﺍﺑﺘﺴﻤﺖ : ﻧﺴﺨﻨﻠﻚ ﻓﻲ ﺍﻟﺴﺤﻠﺐ ...
ﺍﻟﺤﺴﻦ : ﺍﺣﺴﻦ ﻣﺎﺩﺭﺗﻲ .. ﻭﻗﻌﻤﺰ ﻉ ﺍﻟﻜﻨﺒﻪ ﻓﻲ ﺍﻟﺼﺎﻟﻮﻥ ..
" ﻃﺒﻌﺎ ﺍﻟﻤﻄﺒﺦ ﻧﻈﺎﻡ ﺑﺎﺭ .."
ﻋﻠﻴﺎ ﺻﺒﺎﺗﻪ ﻓﻲ ﻃﺎﺳﻪ ﻭﺣﻄﺖ ﻋﻠﻴﻪ ﻣﻜﺴﺮﺍﺕ ﻭﺣﻄﺎﺗﻪ ﻓﻲ ﺻﻮﻧﻴﻪ ﻭﺟﺎﺑﺘﻬﻮﻟﻪ ... ﻫﻮ ﻣﻘﻌﻤﺰ ﻭﺣﺎﻁ ﺭﺟﻞ ﻉ ﺭﺟﻞ ﺧﺪﺍﻩ .. ﻭﻫﻲ ﻗﻌﻤﺰﺕ ﺟﻨﺒﻪ ﺑﻤﺴﺎﻓﻪ ..
ﺍﻟﺤﺴﻦ ﺷﺮﺏ ﻭﺷﺒﺢ ﻟﻠﺸﻴﺘﺎﺕ : ﺍﻣﻤﻢ .. ﺷﻦ ﺟﻮ ﺍﻟﻘﺮﺍﻳﻪ ..
ﻋﻠﻴﺎ : ﺗﻤﺎﻡ ...
ﺍﻟﺤﺴﻦ : ﺍﻣﺘﺤﺎﻧﺎﺗﻜﻢ ﻗﺮﻳﺐ؟
ﻋﻠﻴﺎ : ﺍﻳﻪ ...
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ...
ﻛﺎﻧﺖ ﻭﺭﺍﻫﻢ ﻓﻲ ﻓﻴﺮﻧﺪﺍ ﻣﺴﻜﺮﻩ .. ﻓﺠﺄﺓ ﺃﺭﻋﺪﺕ ..
ﻋﻠﻴﺎ ﺑﺨﻠﻌﻪ ﺣﻄﺖ ﺍﻳﺪﻫﺎ ﻉ ﻭﺩﺍﻧﻬﺎ : ﻳﺎﺍﺍﺍﻣﺎﺍﺍﺍﺍﺍﻣﺎﺍﺍﺍﺍﺍ
ﺍﻟﺤﺴﻦ ﺑﻀﺤﻜﻪ : ﺗﻮ ﺍﻧﺘﻲ ﻋﺎﻳﺸﻪ ﻓﻲ ﻟﻴﺒﻴﺎ ﻣﺎﺯﺍﻝ ﺻﻮﺕ ﺍﻟﺮﻋﺪ ﻳﺨﻮﻑ ﻓﻴﻚ ..
ﻋﻠﻴﺎ ﺷﺒﺤﺘﻠﻪ : ﻋﻨﺪﻱ ﻣﻦ ﺻﻮﺗﻪ ﻓﻮﺑﻴﺎ ...
ﺍﻟﺤﺴﻦ ﻳﺸﺮﺏ ﻭﻳﺸﺒﺤﻠﻬﺎ : ﻣﻤﻜﻦ ﺳﺆﺍﻝ ..
ﻋﻠﻴﺎ : ﺃﺳﺄﻝ ..
ﺍﻟﺤﺴﻦ : ﺧﻮﻙ ﻣﻨﺬﺭ ﺷﻦ ﺧﻼﻩ ﻳﻮﺻﻞ ﻟﻬﻨﻲ ..
ﻋﻠﻴﺎ ﺩﻣﻌﻮﺍ ﻋﻴﻮﻧﻬﺎ ﻭﺷﺒﺤﺖ ﻟﻠﺸﻴﺘﺎﺕ ..
ﺍﻟﺤﺴﻦ : ﻟﻮ ﻣﺎﺗﺒﻴﺶ ﺗﺠﺎﻭﺑﻲ ﻣﺶ ﻻﺯﻡ ..
ﻋﻠﻴﺎ ﺍﺗﻜﺖ ﻋﻠﻰ ﺍﻟﻜﻨﺒﻪ ﻭﻫﻲ ﺗﺸﺒﺢ ﻟﻠﻤﻄﺮ : ﻣﻨﺬﺭ ﻛﺎﻥ ﻣﺘﻔﻮﻕ ﻫﻠﺒﻪ ﻭﻛﺎﻥ ﺑﻮﻱ ﻳﺤﺒﻪ ﻫﻠﺒﻪ .. ﻛﺎﻧﺖ ﺍﻟﻤﺮﺑﻮﻋﻪ ﻣﺘﺎﻋﻨﺎ ﻣﻌﺒﻴﻪ ﺷﻬﺎﺩﺍﺕ ﺗﻘﺪﻳﺮ ﻭﻣﺪﻳﻠﻴﺎﺕ ﻭﻛﺆﻭﺱ .. ﻛﻠﻬﺎ ﻟﻤﻨﺬﺭ ﻛﺎﻥ ﺷﺎﻃﺮ ﻓﻲ ﺍﻟﻘﺮﺍﻳﻪ .. ﻭﺗﻌﻠﻢ ﺍﻟﻔﺮﻭﺳﻴﻪ ﻭﺍﻟﺴﺒﺎﺣﻪ ﻭﻛﺎﻥ ﺩﻳﻤﺎ ﻳﻔﻮﺯ ﺑﺎﻟﺘﺮﺍﺗﻴﺐ ﺍﻷﻭﻟﻰ .. ﻧﺰﻟﻮﺍ ﺩﻣﻮﻋﻬﺎ ... ﻃﺒﻌﺎ ﻣﺎﻣﺎ ﺣﻜﺘﻠﻲ ﻋﻨﻪ ﻛﻴﻒ ﻛﺎﻥ .. ﻷﻥ ﻛﻨﺖ ﺻﻐﻴﺮﺓ ﻫﻠﺒﻪ ﻭﻗﺘﻬﺎ .. ﺍﻟﻤﻬﻢ ﺧﺶ ﺍﻟﺜﺎﻧﻮﻱ ﺗﻐﻴﺮ .. ﺍﻟﺘﻢ ﻉ ﺷﻠﺔ ﻣﺶ ﻛﻮﻳﺴﻪ .. ﻣﺴﺘﻮﺍﻫﺎ ﻓﻲ ﺍﻟﻘﺮﺍﻳﻪ ﻧﺰﻝ ﺃﻫﻤﻞ ﺍﻟﺮﻳﺎﺿﺎﺕ ﺍﻟﻠﻲ ﻳﻤﺎﺭﺱ ﻓﻴﻬﺎ ﻭﻻ ﻳﻄﻠﻊ ﻫﻠﺒﻪ ﻭﻳﺴﻬﺮ .. ﺑﻮﻱ ﺍﻧﺼﺪﻡ ﻓﻴﻪ ﻛﻴﻒ ﺗﻐﻴﺮ ﻫﻜﻲ .. ﻉ ﻗﺪ ﻣﺎﺣﺎﻭﻝ ﻓﻴﻪ ﺑﺲ ﻣﺎﻗﺪﺭﺵ ﻳﺮﺩﻩ .. ﻟﻴﻦ ﺧﺶ ﻉ ﺍﻹﺩﻣﺎﻥ .. ﻟﻤﺎ ﺍﻛﺘﺸﻒ ﺑﺎﺑﺎ ﻟﺰﻩ .. ﺩﻣﻮﻋﻬﺎ ﺗﻨﺰﻝ ﻣﺎﻭﻗﻔﺘﺶ .. ﻟﻜﻦ ﻣﻬﻨﺎﺷﻲ ﻗﻠﺒﻪ .. ﻗﺮﺭ ﺑﺎﺑﺎ ﺍﻧﻪ ﻻﺯﻡ ﻳﺪﻳﺮﻟﻪ ﺣﻞ .. ﺧﻼ ﺍﻣﻲ ﺗﺠﻴﺒﻪ ﻟﻠﺤﻮﺵ .. ﻟﻤﺎ ﺍﺗﺼﻠﺖ ﺑﻴﻪ ﻭﻗﺎﻟﺖ ﺍﻧﻬﺎ ﻣﺮﻳﻀﻪ .. ﻭﻫﻮ ﺍﻣﻲ ﻋﻨﺪﻩ ﻓﻮﻕ ﻛﻞ ﺷﻲ .. ﺑﺎﺑﺎ ﻭﻗﺘﻬﺎ ﺍﺗﺼﻞ ﺑﺠﻤﺎﻋﺔ ﺍﻟﻤﻜﺎﻓﺤﻪ ﺑﺶ ﻳﺮﻓﻌﻮﻩ .. ﺷﺒﺤﺖ ﻟﻠﺤﺴﻦ .. ﻭﺍﻟﺒﺎﻗﻲ ﺃﻧﺖ ﺗﻌﺮﻓﻪ ..
ﺍﻟﺤﺴﻦ : ﻻﺣﻮﻝ ﻭﻻﻗﻮﺓ ﺇﻻﺑﺎﻟﻠﻪ ..
ﻋﻠﻴﺎ ﺑﻨﺒﺮﺓ ﺑﺎﻛﻴﻪ : ﻭﻻ ﺍﻧﺴﺎﻥ ﺗﺎﻧﻲ ﻭﻻ ﺷﻴﻄﺎﻥ ﺩﺍﺭﻧﺎ ﺃﻋﺪﺍﺀﻩ ﻭﻉ ﻋﻴﻨﻚ ﺷﻦ ﺩﺍﺭ ﻓﻴﺎ .. ﺩﻣﺮ ﺣﻴﺎﺗﻲ ﻛﻠﻬﺎ ....
ﺍﻟﺤﺴﻦ ﺿﺎﻳﻘﺘﻪ ﻛﻠﻤﺘﻬﺎ ﺍﻷﺧﻴﺮﻩ : ﺍﻧﻲ ﺑﺈﺫﻥ ﺍﻟﻠﻪ ﺣﻨﺼﻠﺢ ﻛﻞ ﺷﻲ .. ﻭﺣﻨﻮﺻﻞ ﻓﻴﻪ .. ﻭﻭﻗﺘﻬﺎ ﺣﺘﺮﺟﻊ ﺣﻴﺎﺗﻚ ﺯﻱ ﻗﺒﻞ
... ﺳﻜﺖ ﺷﻮﻳﻪ .. ﻭﺗﻌﻴﺸﻬﺎ ﺯﻱ ﻣﺎﺗﻤﻨﻴﺘﻲ ..
ﻋﻠﻴﺎ ﻗﻌﺪﺕ ﺗﺸﺒﺤﻠﻪ ﻭﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ..
ﺍﻟﺤﺴﻦ : ﺍﻟﻠﻪ ﺍﻟﻤﺴﺘﻌﺎﻥ ﺧﻴﺮﻙ ﻳﺎﺑﻨﺖ ﺍﻟﻨﺎﺱ ..
ﻋﻠﻴﺎ ﺗﺒﻜﻲ ﻭﺑﺲ ..
ﺍﻟﺤﺴﻦ : ﺧﻴﺮﻙ ﻳﺎﺑﻜﺎﻳﻪ ..
ﻋﻠﻴﺎ ﻗﺎﻣﺖ ﻋﻴﻮﻧﻬﺎ ﻭﻗﻌﺪﺕ ﺗﺸﺒﺤﻠﻪ ﺗﺨﻴﻠﺖ ﻟﻮ ﺻﺎﺭ ﺍﻟﻠﻲ ﻗﺎﻝ ﻋﻠﻴﻪ ﻭﻃﻠﻘﻬﺎ ﺍﻟﺤﺴﻦ .. ﻭﻣﻌﺎﺵ ﻓﻲ ﺍﻟﺤﺴﻦ ﺧﻼﺹ ﻛﻴﻒ ﺣﺘﻜﻮﻥ ﺣﻴﺎﺗﻬﺎ .. ﻗﻠﺒﻬﺎ ﺍﻧﻘﺒﺾ .. ﻻﺇﺭﺍﺩﻳﺎ ﻣﻨﻬﺎ .. ﻗﺮﺑﺖ ﻣﻨﻪ ﻭﺧﺸﺖ ﻓﻲ ﺣﻀﻨﻪ ..
ﻫﻮ ﺍﻧﺼﻌﻖ .. ﺍﻧﺼﺪﻡ ﻣﻌﺎﺵ ﻋﺮﻑ ﺷﻦ ﻳﺪﻳﺮ ﺗﻠﺨﺒﻂ ﻛﻞ ﺷﻲ ﻓﻴﻪ .. ﻋﻠﻴﺎ ﺷﺎﺩﻩ ﺑﺈﻳﺪﻳﻬﺎ ﺍﻟﺰﻭﺯ ﻓﻴﻪ ﻭﺗﺒﻜﻲ .. ﻭﻫﻮ ﻗﺎﻋﺪ ﺟﺎﻣﺪ ﻓﻲ ﻣﻜﺎﻧﻪ ..
ﻋﻠﻴﺎ ﺑﺒﻜﻲ : ﺍﻧﺖ ﻭﻋﺪﺗﻨﻲ ﻣﺎﺗﺘﺨﻼﺵ ﻋﻨﻲ ﻟﻸﺑﺪ .. ﻋﻼﺵ ﺭﺟﻌﺖ ﻓﻲ ﻭﻋﺪﻙ ..
ﺍﻟﺤﺴﻦ ﺑﺮﺑﻜﻪ : ﺍﻧﻲ .. ﻣﺎﺭﺟﻌﺖ ﻓﻲ ﺷﻲ ..
ﻋﻠﻴﺎ : ﺑﺎﻩ ﺷﻦ ﻗﻠﺖ ﺑﻜﺮﻱ ..
ﺍﻟﺤﺴﻦ ﺳﻜﺖ ..
ﻋﻠﻴﺎ ﻗﺎﻣﺖ ﺭﺍﺳﻬﺎ : ﺧﻴﺮﻙ ﺳﻜﺘﺖ ..
ﻛﺎﻧﺖ ﻗﺮﻳﺒﻪ ﻋﻠﻴﻪ ﻫﻠﺒﻪ ﻳﺸﺒﺢ ﻟﻌﻴﻮﻧﻬﺎ ﺍﻟﻤﺪﻣﻌﺎﺕ .. ﻭﺧﺪﻭﺩﻫﺎ ﺍﻟﺤﻤﺮ ﻭﻧﻈﺮﺍﺗﻬﺎ ﺍﻟﺤﺰﻳﻨﻪ .. ﻭﺭﻛﺰ ﺃﻛﺜﺮ ﻉ ﻣﻜﺎﻥ ﻣﺤﺪﺩ ﻓﻲ ﻭﺟﻬﻬﺎ ﻟﻮﻧﻪ ﻛﺮﺯﻱ ﺑﺮﺯ ﺃﻛﺜﺮ ﻭﻫﻲ ﺗﺒﻜﻲ ..
ﺍﻟﺤﺴﻦ ﻗﺮﺏ ﺃﻛﺜﺮ .. ﻭﻫﻲ ﺗﺸﺒﺢ ﻟﻌﻴﻮﻧﻪ ﺣﺴﺖ ﻧﻈﺮﺗﻬﻢ ﻏﺮﻳﺒﻪ .. ﻗﺮﺏ ﺑﺰﻳﺎﺩﻩ ﻭﺃﻧﻔﺎﺳﻪ ﺗﻠﻔﺢ ﻓﻮﺟﻬﻬﺎ .. ﻭﻫﻲ ﻣﺴﺘﺴﻠﻤﻪ ﺗﻤﺎﻣﺎ ... ﺧﻼﺹ .. ﻣﻌﺎﺵ ﻓﻲ ﺷﻲ ﻳﻔﺼﻠﻬﻢ ﻋﻦ ﺑﻌﺾ ...
ﻓﺠﺄﺓ ⚡⚡⚡⚡⚡ ﺃﺭﻋﺪﺕ ﺑﻘﻮﺓ .. ﻋﻠﻴﺎ ﺧﺸﺖ ﻓﻲ ﺣﻀﻨﻪ ﻣﻦ ﺍﻟﺨﻮﻑ ..
ﻭﻫﻮ ﻓﻲ ﺣﺎﻟﻪ ﻳﺮﺛﻰ ﻟﻬﺎ .. ﺳﻤﻌﺖ ﺩﻗﺎﺕ ﻗﻠﺒﻪ ﺍﻟﺴﺮﻳﻌﻪ ﺍﻟﻠﻲ ﺗﻀﺮﺏ ﺑﻌﻨﻒ ﺷﺪﻳﺪ .. ﻫﻮ ﺣﻂ ﺍﻳﺪﻩ ﻋﻠﻴﻬﺎ ... ﻭﺯﺍﺩ ﺣﻀﻨﻬﺎ ..
ﺍﺑﺘﺴﻢ ﺑﻌﻴﻮﻥ ﺫﺍﺑﻠﻪ : ﻣﺎﺗﺨﺎﻓﻲ ﻣﻦ ﺷﻲ ﻭﺍﻧﺘﻲ ﻣﻌﺎﻱ ..
ﻋﻠﻴﺎ ﺍﺑﺘﺴﻤﺖ ﻭﻏﻤﻀﺖ ﻋﻴﻮﻧﻬﺎ .. ﻗﻌﺪﻭﺍ ﻉ ﻫﺎﻟﺤﺎﻟﻪ ﻭﺍﻟﻤﻄﺮ ﺗﺼﺐ ﺑﻘﻮﺓ .. ﻟﻴﻦ ﻋﻠﻴﺎ ﺧﺪﺍﻫﺎ ﺍﻟﻨﻮﻡ ﻫﻮ ﺣﺲ ﺑﻴﻬﺎ ﻣﺎﺑﺎﺵ ﻳﺘﺤﺮﻙ ﻭﻳﻔﻴﻘﻬﺎ ﻟﻒ ﻋﻠﻴﻬﺎ ﺍﻳﺪﻩ ﺍﻟﺘﺎﻧﻴﻪ ﻭﺭﻗﺪ ﺣﺘﻰ ﻫﻮ ...
...
ﻋﻨﺪ ﻫﺎﻟﻪ ..
ﻣﻊ ﺍﻟﻤﻐﺮﺏ
ﺑﻌﺪ ﺻﻠﺖ ﻃﻠﻌﺖ ﻣﻦ ﺍﻟﺪﺍﺭ .. ﻟﻔﺖ ﻉ ﺍﻟﺤﻮﺵ .. ﻭﺑﻌﺪﻳﻦ ﺷﺒﺤﺖ ﻟﺪﺍﺭ ﺣﺴﺎﻥ .. ﻓﻜﺮﺕ ﺗﺨﺶ ﺍﺿﻤﻬﺎ .. ﻣﺸﺖ ﻭﻓﺘﺤﺖ ﺍﻟﺒﺎﺏ ﺗﺤﺴﺎﺑﻪ ﻃﺎﻟﻊ .. ﺗﻔﺎﺟﺌﺖ ﺑﻴﻪ ﻗﺎﻋﺪ ﺭﺍﻗﺪ ﺍﺳﺘﻐﺮﺑﺖ .. ﻗﺮﺑﺖ ﻣﻨﻪ ﺳﻤﻌﺎﺗﻪ ﻳﺘﻜﻠﻢ ﻭﻫﻮ ﺭﺍﻗﺪ ".. ﻧﺤﺒﻚ .. ﺍﻧﺘﻲ .. ﻧﺤﺒﻚ .. ﺍﻧﺘﻲ "..
ﻫﺎﻟﻪ ﺗﻮﺟﻌﺖ ﺻﻮﺭﻟﻬﺎ ﺧﻴﺎﻟﻬﺎ ﺍﻥ ﺣﺴﺎﻥ ﻳﻘﺼﺪ ﻭﺣﺪﻩ ﺗﺎﻧﻴﻪ ﺍﻟﻠﻲ ﺗﺸﺒﺢ ﻓﻴﻪ ﺩﻳﻤﺎ ﻻﻫﻲ ﺑﺘﻠﻴﻔﻮﻧﻪ ﻳﻜﻠﻢ ﻓﻴﻬﺎ ﻭﻳﺒﺘﺴﻢ .. ﻻﺣﻈﺖ ﻭﺟﻬﻪ ﺍﺣﻤﺮ .. ﺣﺴﺖ ﺍﻧﻪ ﻣﺶ ﻃﺒﻴﻌﻲ .. ﻗﺮﺑﺖ ﺣﻄﺖ ﺍﻳﺪﻫﺎ ﻉ ﺟﺒﻬﺘﻪ ﻟﻘﺘﻬﺎ ﻧﺎﺭ ﺗﺸﻌﻞ .. ﻉ ﻃﻮﻝ ﺣﻮﻟﺖ ﺍﻟﺒﻄﺎﻧﻴﻪ .. ﻭﻣﺸﺖ ﺗﺠﺮﻱ ﻟﻠﻜﻮﺟﻴﻨﻪ ﺩﺍﺭﺕ ﺻﻮﻧﻴﻪ ﻓﻴﻬﺎ ﺍﻣﻴﻪ ﻣﺼﻘﻌﻪ ﻭﺧﻞ .. ﻭﺧﺪﺕ ﻓﻮﻃﻪ ﺟﺪﻳﺪﻩ .. ﻭﻣﺸﺖ ﺑﺴﺮﻋﻪ ﻟﺪﺍﺭﻩ ﻭﺩﺍﺭﺗﻠﻪ ﻛﻤﺪﺍﺕ ..
....
ﻓﺘﺤﺖ ﻋﻴﻮﻧﻬﺎ ﺷﻤﺖ ﺭﻳﺤﻪ ﻣﻤﻴﺰﺓ ﻛﺎﻧﺖ ﺭﻳﺤﺘﻪ ﺍﻟﻠﻲ ﺣﻔﻈﺘﻬﺎ
ﻟﻘﺖ ﺭﻭﺣﻬﺎ ﻓﻲ ﺣﻀﻨﻪ ﻭﺃﻳﺪﻳﻪ ﻋﻠﻴﻬﺎ .. ﺑﻌﺪﺕ ﺑﺎﻟﺸﻮﻳﻪ ﻗﺎﻣﺖ ﺭﺍﺳﻬﺎ ﻟﻘﺎﺗﻪ ﺭﺍﻗﺪ ﻭﻫﻲ ﺗﺤﻮﻝ ﻓﻲ ﺍﻳﺪﻳﻪ ﻣﺴﺘﻬﻢ ﻛﺎﻧﻮﺍ ﺳﺨﺎﻥ .. ﺧﺎﻓﺖ .. ﺣﻄﺖ ﺍﻳﺪﻫﺎ ﻉ ﺭﺍﺳﻪ .. ﻟﻘﺎﺗﻪ ﻳﻠﻬﺐ ..
ﻋﻠﻴﺎ : ﺣﺴﺴﻦ ﺣﺴﺴﻦ ..
ﺍﻟﺤﺴﻦ ﻓﺘﺢ ﻋﻴﻮﻧﻪ ﺷﻮﻳﻪ ﻭﺳﻜﺮﻫﻢ ..
ﻋﻠﻴﺎ ﻧﺎﺿﺖ ﺑﺎﻟﺸﻮﻳﻪ ﺣﻮﻟﺘﻠﻪ ﺍﻟﻔﺎﻧﻴﻠﻪ ﺍﻟﻠﻲ ﻻﺑﺴﻬﺎ ﻭﻗﻌﺪ ﻓﻲ ﻛﺎﻧﺘﻴﺮﺍ .. ﺭﻗﺪﺍﺗﻪ ﻉ ﺍﻟﻜﻨﺒﻪ ﻭﺑﺴﺮﻋﻪ ﺟﺮﻱ ﺩﺭﺍﺗﻠﻪ ﻛﻤﺪﺍﺕ ﺛﻠﺞ ﻭﺟﺎﺑﺘﻬﻢ ﻭﺣﻄﺘﻬﻢ ﻉ ﺟﺒﻬﺘﻪ ..
....
ﺣﺴﺎﻥ ﻓﺘﺢ ﻋﻴﻮﻧﻪ ﻟﻘﺎﻫﺎ ﻣﻘﻌﻤﺰﻩ ﺣﺪﺍﻩ ﻗﻌﺪ ﻳﺸﺒﺤﻠﻬﺎ ..
ﻫﺎﻟﻪ : ﺣﺴﺎﻥ ﺗﻘﺪﺭ ﺗﻨﻮﺽ ..
ﺣﺴﺎﻥ ﺑﺼﻮﺕ ﻳﺪﻭﺏ ﻃﺎﻟﻊ : ﺍﻳﻪ ..
ﻫﺎﻟﻪ ﻧﺎﺿﺖ : ﻫﻴﺎ ﻣﻌﺎﻱ .. ﻧﻮﺿﺎﺗﻪ ﻭﺳﻨﺪﺍﺗﻪ ﻛﺎﻥ ﺭﺯﻳﻦ ﺑﺲ ﺗﺤﻤﻠﺖ ﻭﻫﻮ ﺳﺎﻋﺪ ﺭﻭﺣﻪ ﺷﻮﻳﻪ ﺩﺧﻼﺗﻪ ﻟﻠﺤﻤﺎﻡ .. ﻭﺣﻄﺎﺗﻪ ﻓﻲ ﺍﻟﺒﺎﻧﻴﻮ .. ﺗﺸﺠﻌﺖ ﻭﺣﻮﻟﺘﻠﻪ ﺍﻟﻔﺎﻧﻴﻠﻴﺎ .. ﻭﻓﺘﺤﺖ ﻋﻠﻴﻪ ﺍﻟﺪﻭﺵ ..
...
ﺍﻟﺤﺴﻦ : ﺳﺎﻋﺪﻳﻨﻲ ﻧﻮﻗﻒ
ﻋﻠﻴﺎ : ﺑﺎﻫﻲ .. ﻧﻬﻀﺎﺗﻪ ﻭﻫﻮ ﻭﻗﻒ ..
ﺍﻟﺤﺴﻦ : ﻻﺯﻡ ﻧﺎﺧﺪ ﺩﻭﺵ ﻣﻴﻪ ﻣﺼﻘﻌﻪ ..
ﻋﻠﻴﺎ : ﺑﺎﻫﻲ .. ﻣﺸﻲ ﺍﻟﺤﺴﻦ ﻭﻫﻲ ﺟﻨﺒﻪ .. ﺧﺶ
ﺍﻟﺤﺴﻦ : ﺍﻃﻠﻌﻲ ..
ﻋﻠﻴﺎ : ﻣﺮﺍﺕ ﺍﺩﻭﺥ ..
ﺍﻟﺤﺴﻦ : ﺍﻃﻠﻌﻲ ﻳﺎﺑﻨﺘﻲ ﻣﺶ ﺍﻭﻝ ﻣﺮﺓ ﺗﺮﻗﺎﻟﻲ ﺍﻟﺤﺮﺍﺭﻩ ..
ﻋﻠﻴﺎ : ﺑﺎﻩ .. ﺍﻧﻲ ﺑﺮﺍ ﻟﻮ ﺗﺒﻲ ﺣﺎﺟﻪ .. ﻃﻠﻌﺖ ﻭﺳﻜﺮﺕ ﺍﻟﺒﺎﺏ ﻭﻗﻌﺪﺕ ﺣﺪﺍ ﺍﻟﺤﻤﺎﻡ ..
....
ﺣﺴﺎﻥ ﺻﺤﺼﺢ ﺷﻮﻱ .. ﻃﻠﻌﺖ ﻫﺎﻟﻪ ﻭﻫﻮ ﻛﻤﻞ ﺍﻟﺪﻭﺵ ﻭﻃﻠﻊ ﺑﺎﻟﺪﺷﻤﺒﺮ .. ﺟﺎﺗﻪ ﻫﺎﻟﻪ ﺳﺎﻋﺪﺗﻪ ﻭﺭﻗﺪﺍﺗﻪ ﻉ ﺳﺮﻳﺮ ﺩﺍﺭ ﺍﻟﻨﻮﻡ .. ﻭﻛﺎﻧﺖ ﻭﺍﻟﻌﻪ ﺍﻟﺪﻓﺎﻳﻪ ﻭﻣﺶ ﻣﻘﻮﻳﺘﻬﺎ .. ﻭﺭﺟﻌﺖ ﺣﻄﺘﻠﻪ ﻛﻤﺪﺍﺕ ...
...
ﺍﻟﺤﺴﻦ ﻃﻠﻊ ﻣﻦ ﺍﻟﺪﻭﺵ ﻻﻑ ﺍﻟﻔﻮﻃﻪ ﻉ ﺧﺼﺮﻩ .. ﻋﻠﻴﺎ ﻟﻤﺎ ﺷﺎﻓﺘﻪ ﻟﻔﺖ ﻭﺟﻬﻬﺎ : ﺣﻮﺍﻳﺠﻚ ﻉ ﺍﻟﺴﺮﻳﺮ .. ﻭﺃﺷﺮﺕ ﺑﺼﺒﻌﻬﺎ ﻭﻃﻠﻌﺖ ﺗﺠﺮﻱ .. ﻫﻮ ﺍﺑﺘﺴﻢ .. ﻭﺑﺪﻱ ﻳﻠﺒﺲ ﻛﺎﻧﺘﻴﺮﺍ ﻭﺳﺮﻭﺍﻝ ﺗﻮﺗﻪ ...
ﺣﺲ ﺭﻭﺣﻪ ﻓﺎﺷﻞ ﺍﻧﻄﺮﺡ ﻉ ﺍﻟﺴﺮﻳﺮ ..
****
ﻭﻳﻨﻬﻢ ﺍﻟﻮﻻﺩ ﻭﻧﺴﺎﻭﻳﻨﻬﻢ ﺍﻟﻴﻮﻡ ..
ﺳﺎﺭﺓ ﺑﻀﺤﻜﻪ : ﺧﻠﻴﻬﻢ ﻳﺎﺣﻨﺎﻱ ﻣﺎﻟﻚ ﻭﻣﺎﻟﻬﻢ ..
ﺑﺮﻧﻴﻪ : ﻳﺎﺳﻔﺘﻮﻟﻪ ﺍﻧﺸﻐﻠﺖ ﻋﻠﻴﻬﻢ ﻣﺶ ﺑﻌﺎﺩﺗﻬﻢ ﻳﻐﻴﺒﻮﺍ ..
ﺳﺎﺭﺓ : ﺗﺄﻣﻠﻲ ﺍﻟﺠﻮ ﻳﺎﺣﻨﺎﻱ ﺭﻭﻣﺎﻧﺴﻲ ﻟﻴﻦ ﻓﺎﻳﺖ ﻓﻴﻪ .. ﻣﺎﻋﻨﺪﻫﻢ ﻋﻼﺵ ﻳﻨﺰﻟﻮﺍ ..
ﺍﻧﻌﺎﻡ 😂:
ﺑﺮﻧﻴﻪ : ﺯﻭﻓﺮﻳﻪ .. ﻭﻧﺎﺿﺖ ﻣﻦ ﺑﺤﺪﺍﻫﻢ ..
ﺍﻧﻌﺎﻡ : ﺍﻧﺘﻲ ﻋﺮﻕ ﺍﻟﺤﻴﺎﺀ ﻣﻘﻄﻮﻉ ﻋﻨﺪﻙ ..
ﺳﺎﺭﺓ ﺑﻀﺤﻜﻪ : ﻏﻴﺮ ﺷﻦ ﻗﻠﺖ ﺑﺲ
ﺍﻧﻌﺎﻡ : ﻣﺎﻗﻠﺘﻲ ﺷﻲ ﻳﺎﺯﻭﻓﺮﻳﻪ ﻉ ﻗﻮﻟﺖ ﺃﻣﻲ ..
ﺳﺎﺭﺓ 😂:
****
ﻭﻟﺖ ﻋﻠﻴﺎ ﻟﻠﺪﺍﺭ ﺑﺎﻟﻜﻤﺎﺩﺍﺕ .. ﻻﻗﺘﻪ ﺭﺍﻗﺪ ﺣﻄﺖ ﺍﻳﺪﻫﺎ ﻉ ﺭﺍﺳﻪ ﻟﻘﺎﺗﻪ ﻗﺎﻋﺪ ﺳﺨﻮﻥ .. ﺭﺟﻌﺖ ﺗﺤﻄﻠﻪ .. ﻓﻴﻬﻢ ..
ﺗﺘﺄﻣﻞ ﻓﻲ ﻣﻼﻣﺢ ﻭﺟﻬﻪ " ﺻﺢ ﻣﻼﻣﺢ ﻭﺟﻬﻚ ﺣﺎﺩﻩ ﻭﺟﺎﺩﻩ ﻫﻠﺒﻪ .. ﺗﺒﻴﻦ ﻓﻴﻚ ﻗﺎﺳﻲ .. ﺑﺲ ﺍﻧﺖ ﻣﻦ ﺩﺍﺧﻞ ﻓﻴﻚ ﺣﻨﻴﻪ ﻏﺮﻳﺒﻪ .. ﻣﺤﻼﻫﺎ "💖
...
ﻫﺎﻟﻪ ﻗﺎﻋﺪﻩ ﻣﻘﻌﻤﺰﻩ ﻗﺒﺎﻟﺘﻪ ﻭﺗﻐﻴﺮ ﻓﻲ ﺍﻟﻜﻤﺪﺍﺕ ... ﻭﺗﺸﺒﺤﻠﻪ .. ﻓﺠﺎﺓ ﻗﻌﺪ ﻳﺘﻜﻠﻢ " ﻧﺤﺒﻚ .. ﻧﺤﺒﻚ ﺍﻧﺘﻲ " ﻭﺳﻜﺖ .. ﻫﺎﻟﻪ ﺗﻨﻬﺪﺕ ﻭﻫﻲ ﺗﺸﺒﺤﻠﻪ ..
" ﻻ ﻋﺎﺭﻓﻪ ﻧﻠﻴﻦ ﻣﻦ ﺟﻴﻬﺘﻚ ﻭﻻﻧﺰﻳﺪ ﻧﻘﺴﻰ .. ﻣﺶ ﻗﺎﺩﺭﺓ ﻧﻌﻄﻴﻚ ﺍﻷﻣﺎﻥ ﻭﻓﻨﻔﺲ ﺍﻟﻮﻗﺖ ﻧﺒﻲ ﻧﻌﻄﻴﻬﻮﻟﻚ "..
ﺑﺪﻟﺖ ﺍﻟﻜﻤﺪﺍﺕ .. ﻭﻧﺎﺿﺖ ﺑﺶ ﺗﺤﻂ ﺑﺮﺩﻭ ﻉ ﺍﻟﻨﺎﺭ ...
ﻓﻲ ﻫﺎﻟﻮﻗﺖ ﺍﻟﻠﻲ ﻋﻠﻴﺎ ﻛﺎﻧﺖ ﺍﺩﻳﺮ ﻓﻴﻪ ﺣﺘﻰ ﻫﻲ .. ﺍﻟﻤﻄﺮ ﺑﺮﺍ ﻭﻗﻔﺖ .. ﻭﻫﻲ ﻏﻄﺖ ﺍﻟﻄﻨﺠﺮﺓ ﻭﻃﻠﻌﺖ .. ﻭﻣﺸﺖ ﻟﻠﺪﺍﺭ ﻟﻘﺎﺗﻪ ﻗﺎﻋﺪ ﺭﺍﻗﺪ .. ﻭﻟﺖ ﻣﻦ ﺟﺪﻳﺪ ﻟﻠﻤﻄﺒﺦ ..
ﻭﻫﺎﻟﻪ ﻣﺸﺖ ﻟﻤﺖ ﻛﺘﺎﺑﺎﺗﻬﺎ .. ﻭﺧﺪﺕ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﻌﻠﻴﺎ ..
ﻋﻠﻴﺎ ﺭﻥ ﺗﻠﻴﻔﻮﻧﻬﺎ ﻃﻠﻌﺖ ﻣﻦ ﺍﻟﻤﻄﺒﺦ ﻭﺧﺪﺍﺗﻪ .. ﻭﺭﺩﺕ ..
ﻋﻠﻴﺎ : ﺍﻳﻮﻩ ﻫﺎﻟﻪ ..
ﻫﺎﻟﻪ : ﻫﻼ ﻋﻠﻴﺎ ..
ﻋﻠﻴﺎ : ﺍﻫﻠﻴﻦ .. ﺑﺎﻫﻲ ﺍﻟﻠﻲ ﺍﺗﺼﻠﺘﻲ ﺑﻨﻘﻮﻟﻚ ﻏﺪﻭﺓ ﻣﺶ ﻣﺎﺷﻴﻪ ﺍﻟﺠﺎﻣﻌﻪ ..
ﻫﺎﻟﻪ : ﺣﺘﻰ ﺃﻧﻲ ﻣﺘﺼﻠﻪ ﻟﻨﻔﺲ ﺍﻟﺴﺒﺐ .. ﺣﺴﺎﻥ ﻣﺮﻳﺾ ﻣﺎﻧﻘﺪﺭﺵ ﻧﺨﻠﻴﻪ ..
ﻋﻠﻴﺎ ﺑﺪﻫﺸﺔ : ﺣﺘﻰ ﺍﻟﺤﺴﻦ ﻣﺮﻳﺾ ..
ﻫﺎﻟﻪ : ﺑﺎﻟﻠﻪ ..
ﻋﻠﻴﺎ : ﻭﺍﻟﻠﻪ ..
ﻫﺎﻟﻪ : ﻣﺎﻻ ﻻﺑﺎﺱ ﻋﻠﻴﻪ ..
ﻋﻠﻴﺎ : ﻻﻳﻮﺭﻳﻚ ﺑﺎﺱ .. ﻭﻻﺑﺎﺱ ﻉ ﺣﺴﺎﻥ ..
ﻫﺎﻟﻪ : ﻣﺎﺗﺸﻮﻓﻲ ﺑﺎﺱ .. ﺑﻨﺴﻜﺮ ﻋﻠﻴﺎ ﺗﻮﺍ ..
ﻋﻠﻴﺎ : ﺗﻤﺎﻡ ﺗﺼﺒﺤﻲ ﻉ ﺧﻴﺮ ..
ﻫﺎﻟﻪ : ﻭﺍﻧﺘﻲ ﻣﻦ ﺃﻫﻠﻪ .. ﺻﻜﺮﺕ ﻫﺎﻟﻪ .. ﻭﻭﻟﺖ ﻟﺤﺴﺎﻥ ..
ﺣﻮﻟﺖ ﺍﻟﻜﻤﺎﺩﻩ ﻭﺷﺎﻓﺖ ﺣﺮﺍﺭﺗﻪ ﻟﻘﺘﻬﺎ ﺑﺪﺕ ﺗﻨﺰﻝ .. ﺣﺴﺎﻥ ﻟﻤﺎ ﺣﻄﺖ ﺍﻳﺪﻫﺎ ﻋﻠﻴﻪ ﻓﺘﺢ ﻋﻴﻮﻧﻪ ..
ﺣﺴﺎﻥ : ﻫﺎﻟﻪ ..
ﻫﺎﻟﻪ : ﺷﻦ ﺗﺤﺲ ﺗﻮﺍ ..
ﺣﺴﺎﻥ : ﻗﻠﺒﻲ ..
ﻫﺎﻟﻪ ﺑﺨﻠﻌﻪ : ﺧﻴﺮﻩ ..
ﺣﺴﺎﻥ ﺷﺒﺤﻠﻬﺎ ﻭﺍﺑﺘﺴﻢ ﻭﻏﻤﺾ ﻋﻴﻮﻧﻪ ..
ﻫﺎﻟﻪ ﻗﺮﻳﺐ ﻣﺎﺗﺖ ﻣﻦ ﺍﻟﺨﻮﻑ ﺣﻄﺖ ﻭﺫﻧﻬﺎ ﺟﻬﺔ ﻗﻠﺒﻪ ﻻﻗﺎﺗﻪ ﻳﺪﻕ ﻗﺎﻣﺖ ﺭﺍﺳﻬﺎ .. ﻟﻘﺎﺗﻪ ﻓﺎﺗﺢ ﻋﻴﻮﻧﻪ ..
ﺣﺴﺎﻥ : ﻫﺎﻟﻪ .. ﻋﻄﻴﻨﻲ ﻓﺮﺻﻪ .. ﻭﺭﺟﻊ ﻏﻤﺾ ﻋﻴﻮﻧﻪ ..
ﻫﺎﻟﻪ ﺻﺪﻣﺘﻬﺎ ﻛﻠﻤﺘﻪ ﻣﺎﻋﺮﻓﺘﺶ ﻛﺎﻥ ﻭﺍﻋﻲ ﺑﺎﻟﻠﻲ ﻗﺎﻟﻪ ﻭﻻﻻ .. ﺗﻨﻬﺪﺕ ﺟﺖ ﺑﺘﻨﻮﺽ ..
ﺣﺴﺎﻥ : ﺧﻠﻴﻚ ﻣﻌﺎﻱ ..
ﻫﺎﻟﻪ ﺷﺒﺤﺘﻠﻪ ﻫﻠﺒﻪ .. ﺑﻌﺪﻳﻦ ﻗﻌﻤﺰﺕ ﻭﻫﻮ ﺭﺟﻊ ﻏﻤﺾ ﻋﻴﻮﻧﻪ ..
....
ﻃﻔﺖ ﻋﻠﻴﺎ ﻉ ﺍﻟﺒﺮﻭﺩﻭ ﻭﻣﺸﺖ ﻟﻠﺤﺴﻦ .. ﻗﻌﺪﺕ ﺗﺸﻮﻑ ﺣﺮﺍﺭﺗﻪ ﺑﺪﺕ ﺗﻨﺰﻝ .. ﻗﻌﻤﺰﺕ ﺣﺪﺍﻩ ..
ﻋﻠﻴﺎ : ﺣﺴﻦ .. ﺣﺴﻦ ..
ﺍﻟﺤﺴﻦ ﻓﺎﻕ : ﺍﻝ .. ﺣﺴﻦ ..
ﻋﻠﻴﺎ ﺑﻀﺤﻜﻪ : ﺑﺎﻫﻲ ﻳﺎﺍﻝ .. ﺣﺴﻦ .. ﺷﻦ ﺗﺤﺲ ﺗﻮﺍ ..
ﺍﻟﺤﺴﻦ : ﺍﺣﺴﻦ ..
ﻋﻠﻴﺎ : ﺧﻞ ﻧﻮﺽ ﻧﻐﻴﺮﻟﻚ ﺍﻟﻤﻴﻪ .. ﺑﺘﻨﻮﺽ ﺍﻟﺤﺴﻦ ﺷﺪ ﺍﻳﺪﻳﻬﺎ .. ﻫﻲ ﺷﺒﺤﺖ ﻹﻳﺪﻫﺎ ﺑﻌﺪﻳﻦ ﺷﺒﺤﺘﻠﻪ .. ﻟﻘﺎﺗﻪ ﻳﺸﺒﺤﻠﻬﺎ ﺑﻨﻈﺮﻩ ﺣﻠﻮﺓ ﻫﻠﺒﻪ ﺣﺒﺘﻬﺎ ﻋﻠﻴﺎ .. ﺑﻌﺪﻳﻦ ﺑﺎﻟﺸﻮﻱ ﻏﻤﺾ ﻋﻴﻮﻧﻪ ﻭﻫﻲ ﻗﻌﺪﺕ ﺟﻨﺒﻪ ..
...
ﺍﻟﺴﺎﻋﻪ 2 ﺍﻟﻠﻴﻞ ..
ﻧﺎﺽ ﺣﺴﺎﻥ ﻟﻘﻲ ﻫﺎﻟﻪ ﺭﺍﻗﺪﻩ ﻉ ﺣﺎﻓﻪ ﺍﻟﺴﺮﻳﺮﻭﻫﻲ ﻣﻘﻌﻤﺰﺓ ﻉ ﺍﻟﻜﺮﺳﻲ .. ﻧﺎﺽ ﻉ ﺣﻴﻠﻪ ..
ﺣﺴﺎﻥ : ﻫﺎﻟﻪ .. ﻫﺎﻟﻪ ..
ﻓﺎﻗﺖ ﻣﺨﻠﻮﻋﻪ : ﺷﻦ ﺗﺤﺲ ..
ﺣﺴﺎﻥ ﺍﺑﺘﺴﻢ : ﺍﺣﺴﻦ .. ﻧﻮﺿﻲ ﺍﺭﻗﺪﻱ ﻉ ﺍﻟﺴﺮﻳﺮ ..
ﻫﺎﻟﻪ ﺷﺒﻪ ﻣﺪﺭﻭﺧﻪ : ﺑﺎﻫﻲ ﺯﻳﺪ ﻏﺎﺩﻱ ..
ﺣﺴﺎﻥ ﺍﺑﺘﺴﻢ .. ﻭﻭﺧﺮﻟﻬﺎ ﻭﻫﻲ ﻧﺎﺿﺖ ﻭﺍﻧﻄﺮﺣﺖ ﻉ ﺍﻟﺴﺮﻳﺮ .. ﻭﻋﺎﻃﻴﻪ ﺑﻮﺟﻬﻬﺎ ﻟﻴﻪ .. ﺭﻗﺪﺕ ﻃﻮﻝ .. ﻫﻮ ﻗﻌﺪﺕ ﻳﺸﺒﺤﻠﻬﺎ ﻭﻳﺘﺄﻣﻞ ﻓﻴﻬﺎ ﺣﻂ ﺭﺍﺳﻪ ﺟﻨﺒﻬﺎ ﻭ ﻫﻮ ﻳﺸﻮﻓﻠﻬﺎ
" ﻭﺍﻟﻠﻪ ﻳﺎﻫﺎﻟﻪ ﺣﺒﻴﺘﻚ ﺍﻭﻝ ﻣﺮﺓ ﻧﺤﺐ ﺑﺎﻟﺤﻖ ﻭﺍﻧﺘﻲ ﺍﻟﻠﻲ ﺧﻠﺘﻴﻨﻲ ﻧﺤﺐ .. ﺑﺲ ﺧﺎﻳﻒ ﻣﺎﻧﻌﺮﻓﺶ ﻧﻜﺴﺐ ﻗﻠﺒﻚ ﺧﺎﻳﻒ ﻣﺎﺗﺤﺒﻨﻴﺶ ﺧﺎﻳﻒ ﻣﺎﺿﻴﺎ ﻳﺨﻠﻴﻚ ﺗﺎﺧﺪﻱ ﻗﺮﺍﺭ ﻳﻮﻡ ﺍﻧﻚ ﺗﺨﻠﻴﻨﻲ .. ﺃﻩ ﻳﺎﻫﺎﻟﻪ ﺍﻧﻲ ﻣﻌﺎﺵ ﻧﻘﺪﺭ ﻧﻌﻴﺶ ﻣﻦ ﻏﻴﺮﻙ ﻭﺭﺑﻲ .."..
...
ﻓﺘﺢ ﻋﻴﻮﻧﻪ .. ﺟﺖ ﻗﺪﺍﻣﻪ ﺻﻮﺭﺗﻬﺎ .. ﻻﻫﻲ ﻫﻲ ﺭﺍﻗﺪﻩ ﺟﻨﺒﻪ ﻉ ﺑﻄﻨﻬﺎ ﻭﺷﻌﺮﻫﺎ ﻣﺒﻌﺜﺮ ﻉ ﻭﺟﻬﻬﺎ .. ﻛﺎﻧﺖ ﻋﺴﺴﻞ .. ﺗﻬﺒﻞ .. ﺍﻷﺣﻠﻰ ﻣﻦ ﻫﺬﺍ ﻛﻠﻪ ﺍﻧﻬﺎ ﻗﺎﻋﺪﻩ ﺷﺎﺩﻩ ﺍﻳﺪﻩ ﻭﺣﺎﺿﻨﺘﻬﺎ ﻭﻫﻲ ﺭﺍﻗﺪﻩ .. ﺍﺑﺘﺴﻢ
" ﻣﻨﻴﻦ ﻃﻠﻌﺘﻴﻠﻲ ﺑﺲ .. ﺁﺍﺍﺍﻩ ﻣﺎﻧﺤﺴﺎﺏ ﻳﺠﻲ ﻳﻮﻡ ﻭﻗﻠﺒﻲ ﺍﻟﺤﺪﻳﺪ ﻳﺬﻭﺏ ﺑﻴﻦ ﺍﻳﺪﻳﻦ ﻃﻔﻠﻪ ﺯﻳﻚ ... ﺷﻦ ﺩﺭﺗﻲ ﻓﻴﺎ .. ﻳﺎﺻﻐﻴﺮﻭﻧﻪ "..
ﺍﻟﺤﺴﻦ ﺍﻧﺘﺎﺑﻪ ﺷﻌﻮﺭ ﺑﺎﻟﺨﻮﻑ ﺧﺎﻳﻒ ﺗﻌﻠﻘﻪ ﺑﻴﻬﺎ ﻳﺰﻳﺪ .. ﻭﻓﻲ ﺣﻮﺍﺟﺰ ﻫﻠﺒﻪ ﺑﻴﻨﺎﺗﻬﻢ .. ﺣﺎﺟﺰ ﺣﺒﻬﺎ ﺍﻷﻭﻝ .. ﺣﺎﺟﺰ ﺧﻮﻫﺎ .. ﺍﻟﻠﻲ ﺧﺎﻳﻒ ﻋﻠﻴﻬﺎ ﻣﻨﻪ .. ﺧﺎﻳﻒ ﻳﺮﺟﻊ ﻳﺄﺫﻳﻬﺎ ﺍﻭ ﻳﺒﻌﺪﻫﺎ ﻋﻨﻪ ﺧﺎﻳﻒ ﻫﻲ ﻣﺎﺗﺤﺒﺎﺵ .. ﻭﻗﻠﺒﻬﺎ ﻳﻘﻌﺪ ﺩﻳﻤﺎ ﻣﻊ ﻏﻴﺮﻩ ﺯﻱ ﻣﺎﻗﺎﻟﺘﻠﻪ ﻳﻮﻡ ﺍﻟﻤﻘﺎﺑﻠﻪ ﺍﻟﺸﺮﻋﻴﻪ ..
ﻭﻳﺎﻣﺼﻌﺐ ﺍﻟﺤﺐ ﻟﻤﺎ ﻳﺮﺍﻓﻘﻪ ﺷﻌﻮﺭ ﺍﻟﺨﻮﻑ ﻣﻦ ﺍﻟﻔﻘﺪ ..
ﻫﺬﺍ ﺍﻟﻠﻲ ﻳﺤﺴﻮﺍ ﺑﻴﻪ ﺍﻟﺤﺴﻦ ﻭﺣﺴﺎﻥ ﻓﻲ ﻫﺎﻟﻠﺤﻈﻪ ..
🎶 ﺍﻟﻠﻪ ﻳﺎﺧﺪﻙ ﻣﻨﻬﻢ ﻭﻻﻳﺎﺧﺪﻧﻲ ﻣﻦ ﻳﺪﻙ
ﻭﻻﻳﺎﺧﺪ ﻏﻼﻙ ﻭﻋﻤﺮﻙ ﺍﻟﻐﺎﻟﻲ ﻭﺗﺒﻘﺎﻟﻲ ..
ﻭﺵ ﺍﻳﺎﻣﻲ ﺑﺪﻭﻧﻚ ﻭﺵ ..
ﺑﻌﺪ ﻋﻤﺮﻱ ﺑﻼ ﻭﺩﻙ
ﺗﺮﺍﻙ ﺃﻏﻠﻰ ﺑﺸﺮ ﻋﻨﺪﻱ ﻭﻻﻏﻴﺮﻙ ﺍﺣﺪ ﻏﺎﻟﻲ ..
ﺗﺒﻲ ﺗﻄﻌﻦ ﺗﺒﻲ ﺗﺠﺮﺡ
ﻭﺵ ﺍﻟﻠﻲ ﻳﻌﻨﻲ ﻳﺮﺩﻙ
ﻣﻦ ﺍﻳﺪﻳﻚ ﺗﺮﺍ ﻛﻞ ﺷﻲ
ﻗﺴﻢ ﺑﺎﻟﻠﻪ ﻳﺤﻼﻟﻲ
ﺍﺑﺪ ﻻﺗﻨﺠﺮﺡ ﻣﻨﻲ ..
ﺃﻣﺎﻧﻪ ﻋﺎﺩ ﻣﻦ ﺟﺪﻙ ..
ﺗﺮﻯ ﺟﺮﺣﻚ ﻟﺬﻳﺬ
ﻭﺳﻜﺮﻩ ﻳﺎﺻﺎﺣﺒﻲ ﺣﺎﻟﻲ
ﻳﻬﻮﻥ ﺍﻟﻌﻤﺮ ﻭﺳﻨﻴﻨﻪ
ﻭﻻﻳﺒﺪﺍ ﻣﻌﻲ ﺻﺪﻙ
ﻭﺟﻮﺩﻙ ﺟﻨﺔ ﺍﻟﺪﻧﻴﺎ ..
ﻭﺑﻌﺪﻙ ﻟﺤﻈﻪ ﻏﺮﺑﺎﻟﻲ
ﺃﺑﻲ ﺣﺒﻞ ﺍﻟﻮﺻﻞ ﺍﻛﺜﺮ
ﺗﻤﺪﻫﺎ ﻣﺪ ﻳﺪﻙ ..
ﻭﺵ ﺍﻟﻠﻲ ﺑﺲ ﻟﻮ ﺗﺒﻌﺪ
ﺩﻗﻴﻘﻪ ﺻﺪﻕ ﻳﺒﻘﺎﻟﻲ ..
ﺍﻟﻠﻪ ﻳﺎﺧﺬﻙ ﻣﻨﻬﻢ ﻭﻻﻳﺎﺧﺪﻧﻲ ﻣﻦ ﻳﺪﻙ
ﻭﻻﻳﺎﺧﺪﻏﻼﻙ ﻭﻋﻤﺮﻙ ﺍﻟﻐﺎﻟﻲ ﻭﺗﺒﻘﺎﻟﻲ 💖..
... ﻳﺘﺒﻊ .
