#الحسن
ﺍﻟﺠﺰﺀ ﺍﻟﺨﺎﻣﺲ ﻭﺍﻟﺴﺘﻴﻦ 🍃
صورة 4.3K صورة 106 صورة 25
ﺑﻮﺍﺳﻄﺔ GomanFared
ﻭﺍﻗﻔﻪ ﻋﺎﻟﺮﻭﺷﻦ ﺗﺸﺒﺢ ﻣﻦ ﻭﺭﺍ ﺍﻟﺴﺘﺎﺭ ﻭﺗﺘﻜﻠﻢ ﺑﺎﻟﺘﻠﻴﻔﻮﻥ ...
ﺭﻳﺤﺎﻧﻪ ﺑﺈﺑﺘﺴﺎﻣﻪ : ﺻﺪﻗﻨﻲ ﻫﺬﺍ ﺃﺣﺴﻦ ﻗﺮﺍﺭ ﺗﺎﺧﺪﻩ ﻓﺤﻴﺎﺗﻚ ..
ﻣﻨﺬﺭ ﺑﺄﺑﺘﺴﺎﻣﻪ : ﺍﻧﺖ ﺍﺣﺴﻦ ﺷﻲ ﺻﺎﺭ ﻓﻲ ﺣﻴﺎﺗﻲ ..
ﺭﻳﺤﺎﻧﻪ ﺍﺑﺘﺴﻤﺖ ﺑﺄﺳﻒ : ﺣﺘﻰ ﺃﻧﺖ ﻛﻨﺖ ﺻﺪﻳﻖ ﻟﻄﻴﻒ ..
ﻣﻨﺬﺭ ﻓﻬﻢ ﻋﻠﻴﻬﺎ ﻭﺍﺑﺘﺴﻢ ﺑﺄﻟﻢ : ﺣﺘﻰ ﺃﻧﺘﻲ .. ﺍﺣﻤﻢ .. ﺗﻮﺍ ﻻﺯﻡ ﻧﺼﻜﺮ .. ﻋﻨﺪﻱ ﻣﺸﻮﺍﺭ ﻧﺪﻳﺮﻩ ﻗﺒﻞ ﻧﻤﺸﻲ ﻟﻠﻤﺮﻛﺰ ... ﺭﻳﺤﺎﻧﻪ ..
ﺭﻳﺤﺎﻧﻪ : ﺍﻣﻤﻢ ...
ﻣﻨﺬﺭﻭﻋﻴﻮﻧﻪ ﺗﻌﺒﻮﺍ ﺩﻣﻮﻉ : ﺩﻳﺮﻱ ﺑﺎﻟﻚ ﻉ ﺭﻭﺣﻚ ﻭﺭﺑﻲ ﻳﺒﻌﺘﻠﻚ ﺍﻟﻠﻲ ﻳﺴﺘﺎﻫﻠﻚ ..
ﺭﻳﺤﺎﻧﻪ : ﺷﻜﺮﺍ ...
ﻣﻨﺬﺭ : ﺍﺣﻤﻢ .. ﻓﻲ ﺣﻔﻆ ﺍﻟﻠﻪ ..
ﺭﻳﺤﺎﻧﻪ : ﺭﺑﻲ ﻳﻬﻮﻥ ﻋﻠﻴﻚ ..
ﻣﻨﺬﺭ : ﺁﺍﺍﻣﻴﻦ ... ﻣﻊ ﺍﻟﺴﻼﻣﻪ ..
ﺭﻳﺤﺎﻧﻪ : ﻣﻊ ﺍﻟﺴﻼﻣﻪ .. ﺻﻜﺮﺕ ﻫﻲ ﺑﻌﺪﻳﻦ ﻫﻮ ﺻﻜﺮ ﺷﺒﺤﻮﺍ ﻟﺒﻌﻀﻬﻢ ﻭﺩﺍﺭﻭ ﻟﺒﻌﺾ ...🖐 ﻣﻨﺬﺭ ﻟﻒ ﻭﻣﺸﻲ ..
ﻭﺭﻳﺤﺎﻧﻪ ﺳﻜﺮﺕ ﺍﻟﺴﺘﺎﺭ ﻭﻧﺰﻟﺖ ﻣﻦ ﻋﻴﻨﻬﺎ ﺩﻣﻌﻪ ﻓﻴﺴﻊ ﻣﺴﺤﺘﻬﺎ ...
***
ﺑﻌﺪ ﺗﻮﺟﻬﺖ ﻭﺣﺪﻩ ﻟﻠﺤﻮﺵ ﻣﻜﻮﻧﻪ ﻣﻦ 7 ﺃﺷﺨﺎﺹ ... ﺷﺎﻓﻮﺍ ﺍﻟﻠﻮﺣﻪ .. ﻓﻜﻮﻫﺎ ﺑﺤﺬﺭ .. ﻭﻃﻠﻌﻮﺍ ﺍﻟﻜﺎﻣﻴﺮﺍ .. ﻭﺭﻓﻌﻮﻫﺎ ...
ﺳﻬﻴﻞ : ﺗﺒﻲ ﺧﺒﻴﺮ ﻳﻌﺮﻑ ﻛﻴﻒ ﻧﺸﻮﻓﻮﺍ ﺍﻟﻤﺴﺠﻞ ﻋﻠﻴﻬﺎ ..
ﺍﺣﻤﺪ : ﻓﻜﺮﺕ ﻓﺸﻲ ﺯﻱ ﻫﺬﺍ .. ﻭﻫﻮ ﻉ ﺍﻟﻮﺻﻮﻝ ..
ﺳﻬﻴﻞ ﺑﻀﺤﻜﻪ : ﻛﺎﻥ ﺗﺴﻴﺐ ﺍﻟﻤﻜﺎﻓﺤﻪ ﻭﺗﺨﺪﻡ ﻣﻌﺎﻧﺎ ﻣﺶ ﺧﻴﺮ ..
ﺍﺣﻤﺪ : ﻻﻣﺶ ﺧﻴﺮ ..
ﺳﻬﻴﻞ : ﻫﻬﻬﻬﻬﻬﻬﻬﻬﻪ
ﺷﻮﻳﻪ ﻭﻭﺻﻞ ﺍﻟﺨﺒﻴﺮ ﻭﺧﺪﻱ ﻭﻗﺖ ﻃﻮﻳﻞ ﺷﻮﻱ ... ﻭﺧﻠﻮﻩ ﻓﻲ ﻣﻜﺘﺐ ﺳﻬﻴﻞ ﻟﺴﺎﻋﺎﺕ ... ﺟﺎﺑﻮﻟﻪ ﻓﻴﻬﻢ ﻏﺪﻱ ﻭﻗﻬﻮﺓ ﻭﺷﺎﻫﻲ ﻏﻴﺮ ﻳﺎﺳﻮﻳﺪﻱ ﻃﻠﻊ ﺍﻟﻠﻲ ﻓﺎﻟﻜﺎﻣﻴﺮﺍ ..😂
ﻓﻲ ﻧﻔﺲ ﺍﻟﻮﻗﺖ ...
ﺣﺎﺿﻨﻪ ﻭﻟﺪﻫﺎ ﺑﻘﻮﺓ ﻭﻫﻮ ﻛﺬﻟﻚ ...
ﻣﻨﺬﺭ : ﺍﻣﻲ ﺍﺭﺿﻲ ﻋﻠﻴﺎ .. ﻭﺑﻌﺪ ﻳﺸﺒﺤﻠﻬﺎ ..
ﺯﻳﻨﺐ ﺷﺎﺩﻩ ﻭﺟﻬﻪ ﺑﺈﻳﺪﻫﺎ : ﺭﺍﺿﻴﻪ ﻋﻠﻴﻚ ﺩﻧﻴﺎ ﻭﺍﺧﺮﻩ .. ﻧﺎﺽ ﻭﺑﺎﺱ ﺭﺍﺳﻬﺎ .. ﻭﻣﺸﻲ ﻟﺒﻮﻩ ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ... ﺑﻮﻩ ﻣﺪﻟﻪ ﻳﺪﻩ .. ﻫﻮ ﻧﺰﻝ ﻋﻠﻴﻬﺎ ﻭﺑﺎﺳﻬﺎ ﻃﻮﻝ .. ﻃﻮﻝ ﻫﻠﺒﻪ .. ﺑﻌﺪﻳﻦ ﺑﺎﺳﻠﻪ ﺭﺍﺳﻪ .. ﻭﺷﺒﺤﻠﻪ ..
ﻣﻨﺬﺭ ﺑﺼﻮﺕ ﻣﺨﻨﻮﻕ : ﺳﺎﻣﺤﻨﻲ ..
ﺟﻌﻔﺮ ﻭﻫﻮ ﺷﺎﺩ ﺩﻣﻮﻋﻪ : ﻣﺴﺎﻣﺤﻚ ﺩﻧﻴﺎ ﻭﺁﺧﺮﻩ .. ﻭﺩﺍﻣﻚ ﺑﺪﻳﺮ ﻫﻜﻲ .. ﺭﺍﺿﻲ ﻋﻠﻴﻚ ﺩﻧﻴﺎ ﻭﺁﺧﺮﻩ .. ﻣﻨﺬﺭ ﻟﻤﺎ ﺳﻤﻊ ﺑﻮﻩ ﺷﻦ ﻗﺎﻝ ﺣﺲ ﺭﻭﺣﻪ ﺧﺶ ﺍﻟﺠﻨﻪ ... ﻃﻮﻝ ﺣﻀﻨﻪ ﻭﺟﻌﻔﺮ ﻛﺬﻟﻚ .. ﺣﻀﻦ ﻃﻮﻝ ﻫﻠﺒﻪ ﺑﻜﻮﺍ ﻓﻴﻪ ﺍﻟﺰﻭﺯ .. ﻭﺩﻣﻮﻉ ﺍﻟﺮﺟﺎﻝ ﻣﺶ ﺳﺎﻫﻠﻪ ..
ﺷﻮﻳﻪ ﻭﺑﻌﺪ ﻣﻨﺬﺭ ﺷﺪ ﺭﺍﺱ ﺑﻮﻩ ﻭﺑﺎﺳﻪ ﻭﺟﻌﻔﺮ ﺑﺎﺳﻠﻪ ﺭﺍﺳﻪ .. ﻭﻣﻨﺬﺭ ﻫﻨﻲ ﺑﻜﻲ ﺑﺎﻟﻌﺒﺮﻩ .. ﺑﻌﺪ ﻣﻦ ﺣﺪﺍ ﺑﻮﻩ ﻭﺣﻂ ﺍﻳﺪﻩ ﻉ ﻭﺟﻬﻪ ﻭﻗﻌﻤﺰ ﻉ ﺭﻭﻭﺱ ﺻﻮﺍﺑﻌﻪ ﻭﻗﻌﺪ ﻳﺒﻜﻲ ﺑﻘﻮﺓ ..
ﺟﻌﻔﺮ ﺑﺒﻜﻲ : ﺧﻼﺹ .. ﻳﺎﻭﻟﺪ ... ﻗﻄﻌﺘﻨﺎ ...
ﺯﻳﻨﺐ ﺑﻌﺒﺮﺗﻬﺎ : ﺧﻼﺍﺹ .. ﺍﻧﺖ .. ﺭﺍﺟﻞ ..
ﻫﺪﻱ .. ﺷﻮﻳﻪ .. ﻭ ﻣﻨﺬﺭ ﻧﺎﺽ ﻣﺴﺢ ﺩﻣﻮﻋﻪ ﺍﻟﻠﻲ ﺭﻏﻢ ﻋﻨﻪ ﻳﻨﺰﻟﻮﺍ ﻭﺷﺒﺢ ﻟﺒﻮﻩ ﻭﺍﻣﻪ ﺍﻟﻠﻲ ﻭﻗﻔﻮﺍ ﺣﺪﺍ ﺑﻌﺾ ﻭﺣﻀﻨﻬﻢ ﺍﻟﺰﻭﺯ ﻣﻊ ﺑﻌﺾ ﻭﻫﻤﺎ ﺣﻀﻨﻮﻩ .. ﺑﻌﺪﻳﻦ .. ﺑﻌﺪﻭ ﻋﻦ ﺑﻌﺾ ..
ﻭﺧﺮ ﻣﻨﺬﺭ ﻭﻫﻮ ﻳﻤﺴﺢ ﻓﺪﻣﻮﻋﻪ : ﺳﻠﻤﻮﻟﻲ ﻉ ﺧﻮﺍﺗﻲ ﻭﻗﻮﻟﻮﻟﻠﻬﻢ ﻳﺴﺎﻣﺤﻮﻧﻲ ﺑﺎﻟﺬﺍﺕ ﻋﻠﻴﺎ ... ﺍﻣﺎﻧﻪ ..
ﻫﺰﻭ ﺭﻭﺳﻬﻢ ﺑﺈﻳﺠﺎﺏ .. ﻉ ﻃﻮﻝ ﻣﻨﺬﺭ ﻟﻒ ﻭﻃﻠﻊ ﻣﻦ ﺍﻟﺤﻮﺵ ﺑﺴﺮﻋﻪ .. ﻭﺯﻳﻨﺐ ﺗﺒﻜﻲ ﺣﻀﻨﻬﺎ ﺟﻌﻔﺮ ﻭﻫﻮ ﻳﺒﻜﻲ ﻣﻌﺎﻫﺎ ..
ﺍﻣﺎ ﺃﻣﻴﺮﺓ ﺍﻟﻠﻲ ﺭﻓﻀﺖ ﺗﻄﻠﻌﻠﻪ ﻗﻌﺪﺕ ﺗﺒﻜﻲ ﻓﻲ ﺩﺍﺭﻫﺎ ﺑﺮﻭﺣﻬﺎ💔
***
ﻓﻲ ﺍﻟﻤﺮﻛﺰ ...
ﻃﻠﻊ ﺍﻟﺨﺒﻴﺮ : ﺗﻌﺎﻟﻮﺍ ..
ﺧﺸﻮﺍ ﺳﻬﻴﻞ ﻭﺍﺣﻤﺪ ﻭﺍﻟﻤﺤﺎﻣﻲ ... ﻗﻌﻤﺰ ﺍﻟﺨﺒﻴﺮ ﻉ ﺍﻟﻼﺏ ﺗﻮﺏ ﻭﻫﻤﺎ ﻭﺭﺍﻩ ﻭﻓﺘﺢ ﺍﻟﻔﻴﺪﻳﻮ ﻭﻗﻌﺪ . ﻳﻤﺸﻲ ﻓﻲ ﻫﻠﺒﻪ ﺣﺎﺟﺎﺕ ﻟﻴﻦ ... ﻭﺻﻞ ﻓﻲ ﻳﻮﻡ ﺍﻟﺤﺎﺩﺛﻪ ...
ﻓﻼﺵ ﺑﺎﻙ ...
ﻟﻴﻠﺘﻬﺎ ﻧﻬﻠﻪ ﻋﺪﺕ ﻉ ﺣﻮﺷﻬﺎ ﺗﺸﻮﻓﻪ ﺯﻱ ﻣﺎﺗﻌﻮﺩﺕ ..
ﺧﺸﺖ ﺩﺍﺧﻞ ﻛﺎﻥ ﻫﺎﺩﻱ ﻭﺯﻱ ﻣﺎﺧﻼﺗﻪ ﻟﻤﺎ ﻗﺮﺑﺖ ﻣﻦ ﺍﻟﺼﺎﻟﻪ ﺍﻧﻔﺘﺢ ﺍﻟﻀﻲ ... ﺷﺒﺤﺘﻠﻬﻢ ﺑﺒﺮﻭﺩ ﻹﻧﻬﺎ ﻛﺎﻧﺖ ﻣﺘﻮﻗﻌﻪ ..
ﺍﻟﻜﻮﺑﺮﺍ : ﺧﺎﻳﻨﻪ ﻭﻣﻌﺎﺩ ﻧﺼﺎﻓﻴﻚ
ﻳﻠﻲ ﺧﺎﺏ ﻇﻨﻲ ﻓﻴﻚ ﻻﺯﻡ ﻣﻦ ﺍﻟﺪﻧﻴﺎ ﻧﻤﺤﻴﻚ ﻳﺎﻏﺪﺍﺭﻩ ...
ﻗﺮﺏ ﻣﻨﻬﺎ ﻭﻗﻌﺪ ﻳﻠﻌﺐ ﺑﺸﻌﺮﻫﺎ ﺑﻔﻮﻫﺔ ﺍﻟﻤﺴﺪﺱ ... ﻏﺪﺍﺍﺍﺍﺍﺍﺍﺍﺭﻩ .. ﺍﻩ ﻳﺎﻏﺪﺍﺍﺍﺍﺍﺭﻩ .. ﻛﺎﻧﺖ ﺗﺸﺒﺤﻠﻪ ﺑﻘﺮﻑ ﺷﺪﻳﺪ ..
ﺍﻟﻜﻮﺑﺮﺍ : ﺍﻣﻤﻢ ﻋﺎﺭﻓﻪ ﺭﻭﺣﻚ ﻣﻴﺘﻪ ﻣﻴﺘﻪ ﻭﻻ ...
ﺗﺸﺒﺤﻠﻪ ﺑﺤﺪﻩ ﻭﻣﺎﺗﺒﻴﺶ ﺗﺮﺩ ..
ﺍﻟﻜﻮﺑﺮﺍ : ﻭﺍﺿﺢ ﺍﻧﻚ ﻋﺎﺭﻓﻪ .. ﻟﻜﻦ ﻳﺎﺣﻠﻮﺓ ﻣﺶ ﺣﺘﻤﻮﺗﻲ ﻫﻜﻲ ﺑﺎﻟﺒﻼﺵ ... ﺗﻮﺍ ﺗﺘﺼﻠﻲ ﺑﺒﺎﺗﻤﺎﻥ ﻭﺗﻘﻮﻟﻴﻠﻪ ﺗﻌﺎﻝ ﻭﺗﺘﺤﺤﺠﻲ ﺑﺄﻱ ﺣﺠﻪ ...
ﻧﻬﻠﻪ : ﻣﺎﻧﻴﺶ ﻣﺘﺼﻠﻪ ﺑﺤﺪ ..
ﺍﻟﻜﻮﺑﺮﺍ ﻗﺮﺏ ﻭﺫﻧﻪ ﻟﻴﻬﺎ : ﺷﻦ ﻗﻠﺘﻲ .... ﺃﺃﻋﺎﺍﺍﺍﺍﻭﺩﻱ ..
ﻧﻬﻠﻪ ﻗﺮﺑﺖ ﻣﻦ ﻭﺫﻧﻪ ﻭﻗﺎﻟﺖ ﺑﺎﻟﺘﺸﺪﻳﺪ ﻉ ﺍﻟﻜﻠﻤﺎﺕ : ﻣﺎﻧﻨﻨﻴﻴﺸﺶ ﻣﺘﺘﺼﺼﻠﻠﻪ ﺑﺒﺒﺤﺤﺪﺩ ..
ﺍﻟﻜﻮﺑﺮﺍ ﻭﺧﺮ ﻭﻫﺰ ﺭﺍﺳﻪ ﺑﺈﻳﺠﺎﺏ ... ﻭﻟﻒ .. ﻣﺸﻲ ﻟﻮﺍﺣﺪ ﻣﻦ ﺭﺟﺎﻟﺘﻪ ﺧﺪﻱ ﻣﻨﻪ ﺍﻟﺘﻠﻴﻔﻮﻥ ﻭﻓﺘﺤﻪ ﻉ ﻓﻴﺪﻳﻮ ﻭﻣﺪﻫﻮﻟﻬﺎ ﻫﻲ ﻟﻤﺎ ﺷﺎﻓﺘﻪ ﻗﺮﻳﺐ ﻣﺎﺗﺖ ..
ﺍﻟﻜﻮﺑﺮﺍ : ﺧﺎﻟﻬﻢ ﺑﺎﻟﺸﺮﻃﻪ ﺍﻟﻜﻨﺪﻳﻪ ﻗﺎﻟﺒﻴﻦ ﻋﻠﻴﻬﻢ ﺍﻟﺪﻧﻴﺎ .. ﻣﺶ ﻋﺎﺭﻑ ﻋﻼﺵ .. ﻭﺟﻬﻠﻪ ﺍﻟﻜﺎﻣﻴﺮﺍ ﻭﻫﻮ ﻳﺸﺒﺢ ﻓﻴﻬﻢ ﻛﻴﻒ ﻣﺮﺑﻮﻃﻴﻦ ﻭﻓﺎﻣﻬﻢ ﻣﺼﻜﺮ ﺑﻠﺼﻘﻪ ... ﻭﺍﺿﺢ ﺍﻧﻬﻢ ﻣﺮﺗﺎﺣﻴﻦ ﻭﻋﺎﺟﺒﻬﻢ ﺍﻟﺠﻮ .. ﺭﺟﻊ ﻭﺟﻬﻠﻬﺎ ﺍﻟﺘﻠﻴﻔﻮﻥ ... ﻭﻻ ..!!!
ﻧﻬﻠﻪ ﻭﺩﻣﻮﻋﻬﺎ ﻳﻨﺰﻟﻮﺍ ﻭﺑﻨﻈﺮﻩ ﺣﺎﺩﻩ : ﺣﻘﻴﻴﺮ ..
ﺍﻟﻜﻮﺑﺮﺍ : ﺷﻜﻠﻚ ﺗﺒﻴﻬﻢ ﻳﻄﻮﻟﻮﺍ ﻭﻻ !! ؟
ﻧﻬﻠﻪ ﻭﻫﻲ ﺗﺮﺟﻒ ﻗﺎﻣﺖ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﺎﻟﺤﺴﻦ ﻗﺎﻟﺘﻠﻪ ﺗﺒﻴﻪ ﺿﺮﻭﺭﻱ .. ﻭﻫﻮ ﺣﺲ ﻣﻦ ﻧﺒﺮﺓ ﺻﻮﺗﻬﺎ ﻓﻲ ﺷﻲ .. ﺗﻮﺟﻪ ﺑﺄﻗﺼﻰ ﺳﺮﻋﻪ ﻟﺤﻮﺷﻬﺎ ﻟﻤﺎﺧﺶ .. ﻟﻘﻲ ﻧﻬﻠﻪ ﻣﻘﻌﻤﺰﻩ ﺗﺒﻜﻲ ﺑﺮﻭﺣﻬﺎ ..
ﻧﻬﻠﻪ ﻧﺎﺿﺖ ﻭﻗﻔﺖ : ﺳﺎﻣﺤﻨﻲ ..
ﺍﻟﺤﺴﻦ ﻣﺎﻓﻬﻤﺶ ... ﻧﻬﻠﻪ ﻛﺎﻧﺖ ﺗﺒﻜﻲ ﻭﺑﺲ .... ﻃﻠﻊ ﻣﻦ ﻭﺍﺭ ﺍﻟﻜﺮﺳﻲ ﻭﺍﺣﺪ ﺩﻓﻬﺎ ﺟﺖ ﻓﻲ ﺣﻀﻨﻪ ﻭﺿﺮﺑﻬﺎﺑﺮﺻﺎﺻﻪ .. ﺍﻟﺤﺴﻦ ﻣﻦ ﻗﻮﺓ ﺍﻟﻤﻮﻗﻒ ﺩﻓﻬﺎ ﻭﺍﻃﻠﻖ ﻉ ﺍﻟﻠﻲ ﻭﺭﺍ ﺍﻟﻜﺮﺳﻲ ﻭﻧﻬﻠﻪ ﺑﻌﺪ ﺩﻓﻬﺎ ﻃﺎﺣﺖ ﻛﺎﻧﺖ ﻃﻠﻊ ﻓﻲ ﺍﻟﺮﻭﺡ ..
ﺍﻟﺤﺴﻦ ﻣﺼﺪﻭﻡ ﻓﻲ ﺍﻟﻠﻲ ﺻﺎﺭ ﻭﻣﺎﺣﺴﺶ ﺑﺮﻭﺣﻪ ﺃﻻ ﻭﻫﻮ ﻃﺎﻳﺢ .. ﺑﻌﺪ ﺿﺮﺑﻪ ﺍﻟﻜﻮﺑﺮﺍ ﺿﺮﺑﻪ ﻉ ﺭﺍﺳﻪ ﺍﻓﻘﺪﺍﺗﻪ ﺍﻟﻮﻋﻲ ﺗﻤﺎﻣﺎ ...
ﺍﻟﻜﻮﺑﺮﺍ : ﺍﺳﻒ ﻳﺎﻓﻨﺪﻱ .. ﺣﻮﻝ ﺍﻟﻤﺴﺪﺱ ﻣﺘﺎﻉ ﺍﻟﺤﺴﻦ ﻣﻦ ﻳﺪﻩ .. ﻭﻣﺸﻲ ﻟﻠﺮﺍﺟﻞ ﻣﺘﺎﻋﻪ ﺍﻟﻠﻲ ﻗﺘﻠﻪ ﺍﻟﺤﺴﻦ ﻭﺧﺪﻱ ﻣﻨﻪ ﻣﺴﺪﺳﻪ ﻣﺴﺢ ﺍﻟﺒﺼﻤﺎﺕ .. ﻭﺣﻂ ﺍﻟﻤﺴﺪﺱ ﻓﻲ ﻳﺪﺍﻟﺤﺴﻦ ﻉ ﻭﺿﻊ ﺍﻷﻃﻼﻕ ...
ﻭﻃﻠﻊ ﻫﻮ ﻭﺭﺟﺎﻟﺘﻪ .. ﺑﺴﺮﻋﻪ ..
ﻛﺎﻥ ﺳﺮﻣﺪ ﺩﻗﻴﻖ ﻓﻲ ﺍﻟﺨﻄﻪ ﻭﻛﺎﻥ ﺣﺎﺳﺐ ﻟﻠﺤﺴﻦ ﺍﻣﺘﻲ ﻳﻔﻴﻖ ﻣﻦ ﺍﻟﻀﺮﺑﻪ ... ﺍﺗﺼﻞ ﺑﺎﻟﺸﺮﻃﻪ ... ﺍﻟﻔﻴﺪﻳﻮ ﻣﺒﻴﻦ ﺍﻥ ﺍﻟﺤﺴﻦ ﻓﺎﻕ .. ﻭﻓﻴﺪﻩ ﺍﻟﻤﺴﺪﺱ .. ﻛﺎﻥ ﻳﺤﺎﻭﻝ ﻳﺼﺤﻴﺢ .. ﻭﻟﻤﺎ ﺳﻤﻊ ﺻﻮﺕ ﺳﻴﺎﺭﺍﺕ ﺍﻟﺸﺮﻃﻪ ﻃﻠﻊ ﺑﺴﺮﻋﻪ ﻭﻓﻴﺪﻩ ﺍﻟﻤﺴﺪﺱ ﻭﺍﻟﺒﺎﻗﻲ ﻣﻌﺮﻭﻑ ..
ﺳﻬﻴﻞ : ﻭﻫﻤﺎ ﻭﺍﺿﺢ ﺍﻧﻬﻢ ﻛﺎﻧﻮﺍ ﻣﺼﻮﺭﻳﻦ ﺍﻟﻠﻲ ﺻﺎﺭ ﻭﺍﻧﻘﺺ ﻭﺗﺮﻛﺐ ﺑﺄﺣﺘﺮﺍﻓﻴﻪ ﻟﺪﺭﺟﻪ ﺍﻟﻠﻲ ﻳﺸﻮﻓﻪ ﻣﺴﺘﺤﻴﻞ ﻳﺸﻚ ..
ﻣﺤﻤﻮﺩ : ﺍﻟﻠﻲ ﺷﻔﻨﺎﻩ ﻫﺬﺍ ﻛﻔﻴﻞ ﺑﺄﻥ ﺍﻟﺤﺴﻦ ﻳﻄﻠﻊ ﻃﻮﻝ ..
ﺍﺣﻤﺪ : ﻭﻫﺬﺍ ﺍﻟﻤﻬﻢ .. ﺑﺲ ﻧﺒﻲ ﻣﻨﻜﻢ ﺷﻲ .. ﻻﺯﻡ ﺗﻜﺘﻤﻮﺍ ﻉ ﻛﻞ ﺷﻲ ﻟﻴﻮﻡ ﺍﻟﻤﺤﻜﻤﻪ .. ﺷﺒﺤﻮﻟﻪ ﻭﻫﺰﻭ ﺭﻭﺳﻬﻢ ﺑﺈﻳﺠﺎﺏ ...
***
ﺧﻼﻝ ﺍﻟﻔﺘﺮﻩ ﺍﻟﻔﺎﺻﻠﻪ ﺑﻴﻦ ﻫﺎﻟﻴﻮﻡ ﻭﺑﻴﻦ ﻳﻮﻡ ﺍﻟﻤﺤﻜﻤﻪ ﻋﺎﺩﻝ ﻛﺎﻥ ﻳﺘﺎﺑﻊ ﻓﻲ ﺍﻟﻘﻀﻴﻪ ﺍﻟﺘﺎﻧﻴﻪ ﻭﻣﻌﺎﻩ ﺿﺒﺎﻁ ﺛﻘﻪ .. ﺗﺴﻠﻴﻢ ﻣﻨﺬﺭ ﻟﻨﻔﺴﻪ ﻓﺎﺩﻫﻢ ﻫﻠﺒﻪ .. ﻭﺗﻌﺎﻭﻥ ﻣﻌﺎﻫﻢ ﻭﺳﻠﻤﻬﻢ ﻣﻌﻠﻮﻣﺎﺕ ﻣﻬﻤﻪ .. ﻭﻫﻤﺎ ﻛﺎﻧﻮﺍ ﻣﺤﺎﻓﻈﻴﻦ ﻉ ﻫﺪﻭﺋﻬﻢ ﻭﻣﺨﻠﻴﻴﻦ ﻛﻞ ﺷﻲ ﻉ ﺍﻟﺴﻜﺖ ..
ﻓﻲ ﻫﺎﻟﻔﺘﺮﻩ ﺳﺮﻣﺪ ﻋﻘﻠﻪ ﻛﻠﻪ ﻓﻲ ﺍﻟﺼﻔﻘﻪ ﺍﻟﺠﺪﻳﺪﻩ ﻣﻊ ﺍﻟﻔﺮﻋﻮﻥ ﺍﻟﻠﻲ ﻣﻘﺮ ﺍﻗﺎﻣﺘﻪ ﺧﺎﺭﺝ ﻟﻴﺒﻴﺎ ﺑﺲ ﻛﺎﻥ ﻳﺠﻴﻬﺎ ﺯﻳﺎﺭﺍﺕ ﻭﻳﺴﻴﺮ ﻓﻲ ﺍﻋﻤﺎﻟﻪ ﺍﻟﻐﻴﺮ ﻗﺎﻧﻮﻧﻴﻪ ... ﻣﺎﺩﻭﺭﺵ ﺷﻦ ﺻﺎﺭ ﻣﻊ ﺍﻟﺤﺴﻦ ﻉ ﺑﺎﻟﻪ ﺍﻥ ﻛﻞ ﺷﻲ ﻣﺎﺷﻲ ﺯﻱ ﻣﺎﻳﺒﻲ ﻭﻳﻤﻜﻨﻪ ﺗﺮﻛﻴﺰﻩ ﺍﻟﻠﻲ ﺣﻄﻪ ﻛﻠﻪ ﻓﻲ ﺍﻟﺼﻔﻘﻪ ﺧﻼﻩ ﻣﺎﻳﺪﻭﺭﺵ ﺷﻦ ﺻﺎﺭ ﻓﻲ ﺍﻟﻘﻀﻴﻪ .. ﻭﻫﻢ ﻛﻠﻪ ﻛﻴﻒ ﻳﻌﻮﺽ ﺧﺴﺎﺭﺗﻪ ﺑﻌﺪ ﺃﺯﺍﺡ ﺍﻟﺤﺴﻦ ﻋﻦ ﻃﺮﻳﻘﻪ .. ﻫﻮ ﻛﺎﻥ ﺗﺤﺖ ﻣﺮﺍﻗﺒﺔ ﺍﺣﻤﺪ ﺍﻟﻠﻲ ﺗﺄﻛﺪ ﺗﻤﺎﻣﺎ ﺍﻧﻪ ﺳﺮﻣﺪ ﻫﻮ ﺍﻟﻜﻮﺑﺮﺍ .. ﻭﺍﺣﻤﺪ ﺑﻄﻞ ﻳﺮﺍﻗﺒﻪ ﻓﻲ ﻫﺎﻟﻔﺘﺮﻩ ﺑﻄﻠﺐ ﻣﻦ ﺍﻟﺤﺴﻦ ﻷﻧﻪ ﻣﺘﺄﻛﺪ ﺍﻥ ﺳﺮﻣﺪ ﺣﻴﺤﺲ ﻋﻠﻴﻪ .. ﺑﺲ ﻓﻲ ﻧﻔﺲ ﺍﻟﻮﻗﺖ ﻛﺎﻥ ﻗﻠﺒﻪ ﻭﺍﺟﻌﻪ .. ﻣﺘﻤﻨﻲ ﻟﻮ ﺍﻟﻠﻲ ﺻﺎﺭ ﻳﻜﻮﻥ ﻛﺎﺑﻮﺱ ﻭﻳﺼﺤﺎ ﻣﻨﻪ .. ﺳﺮﻣﺪ ﺭﻓﻴﻖ ﺷﻮﻳﻪ ﻣﻦ ﻣﺮﺣﻠﻪ ﻃﻔﻮﻟﺘﻪ .. ﺍﻟﻠﻲ ﺟﺰﺀ ﻣﻨﻪ ﻗﻀﺎﻩ ﻓﻲ ﺣﻮﺵ ﺍﻫﻞ ﻭﺳﻴﻠﻪ ﻟﻤﺎ ﻋﺎﺑﺪ ﺳﺎﻓﺮ ﻳﻘﺮﺍ ﺑﺮﺍ ﻓﻲ ﺍﻟﺴﻌﻮﺩﻳﻪ .. ﺳﺮﻣﺪ ﻛﺎﻥ ﺟﺰﺀ ﻻﻳﺘﺠﺰﺃ ﻣﻦ ﻣﺮﺍﻫﻘﺔ ﺍﻟﺤﺴﻦ ﻭﺷﺒﺎﺑﻪ .. ﻛﻴﻒ ﻛﺎﻥ ﺃﻋﻤﻰ ﻟﻬﺎﻟﺪﺭﺟﻪ ﻭﻣﺎﻻﺣﻈﺶ .. ﺑﺲ ﻫﻮ ﻣﻌﺬﻭﺭ .. ﺣﺘﻰ ﻓﺎﻟﺨﻴﺎﻝ ﻣﺠﺎﺵ ﻓﻲ ﺑﺎﻟﻪ ﺍﻥ ﻋﺎﻳﺶ ﻭﻳﻨﺘﻤﻲ ﻟﻌﻴﻠﺔ ﺭﺟﺎﻟﻬﺎ ﺍﻛﺒﺮ ﺗﺠﺎﺭ ﻣﺨﺪﺭﺍﺕ .. ﻫﻮ ﻳﺪﻭﺭ ﻋﻠﻴﻬﻢ ﻭﻫﻤﺎ ﺣﻮﺍﻟﻴﻪ .. ﻳﺎﻛﻞ ﻣﻌﺎﻫﻢ ﻳﺮﻗﺪ ﻣﻌﺎﻫﻢ ﻋﺎﺵ ﺍﻟﺤﺰﻥ ﺍﻟﻔﺮﺡ ﻋﺎﺵ ﺗﻔﺎﺻﻴﻞ ﻣﻬﻤﻪ ﻣﻦ ﺣﻴﺎﺗﻪ ﺑﻴﻨﺎﺗﻬﻢ .. ﻛﻴﻒ ﻣﻤﻜﻦ ﻳﺘﺨﻴﻞ .. ﺍﻥ ﺟﺪﻩ ﻫﻮ ﺍﻟﻠﻲ ﻗﺘﻞ ﺑﻮﻩ .. ﻛﻴﻒ ﻣﻤﻜﻦ ﻳﺘﺨﻴﻞ ﺍﻥ ﺍﻟﺸﺨﺺ ﺍﻟﻠﻲ ﺣﺮﻣﻪ ﻣﻦ ﺑﻮﻩ ﻭﺃﻣﻪ ﺟﺪﻩ .. ﻛﻴﻒ ﻣﻤﻜﻦ ﻳﺘﺨﻴﻞ ﺍﻥ ﺍﻹﻧﺴﺎﻥ ﺍﻟﻠﻲ ﺗﺴﺒﺐ ﻓﻲ ﺁﻻﻻﻡ ﻗﻮﻳﻪ ﻟﻴﻪ ﻭﻟﻨﺎﺱ ﻏﺎﻟﻴﻪ ﻋﻠﻴﻪ ﻭﺍﺣﺪ ﻣﻨﻬﻢ ﻓﻴﻬﻢ .. ﻋﻤﻪ ﺳﺮﻣﺪ ... ﺍﻟﺤﺴﻦ ﺍﺧﺘﻠﻲ ﺑﻨﻔﺴﻪ ﻓﻲ ﺯﺍﻭﻳﻪ ﻓﺎﻟﺴﺠﻦ ﻭﻗﻌﺪ ﻳﺒﻜﻲ ..
ﻭﺍﻟﻠﻲ ﺯﻳﻪ ﻫﻮ ﻣﻔﺮﻭﺽ ﻳﺒﻜﻲ ...
***
ﻳﻮﻡ ﺍﻟﺠﻠﺴﻪ ...
ﻫﺎﻟﻪ ﻭﻋﻠﻴﺎ ﻭﺍﻗﻔﺎﺕ ﻓﻲ ﺍﻟﺠﻨﺎﻥ ..
ﻫﺎﻟﻪ : ﺍﻟﺪﻧﻴﺎ ﺑﺪﺕ ﺗﺴﺨﻦ ..
ﻋﻠﻴﺎ : ﺍﻳﻪ ﺍﻟﺼﻴﻒ ﻗﺪﺍﺵ ﻟﻴﻪ ﺧﺎﺵ ..
ﺟﺘﻬﻢ ﺳﺎﺭﻩ ﻭﻓﻴﺪﻫﺎ ﻭﻟﺪﻫﺎ : ﺷﻦ ﺣﺎﻟﻜﻢ ﻧﺴﺎﻭﻳﻦ ﺧﻮﺍﻟﻲ ﺍﻟﻜﺮﻛﻮﺑﺎﺕ " ﺗﺘﻜﻠﻢ ﺑﻠﺴﺎﻥ ﻭﻟﺪﻫﺎ "
ﻋﻠﻴﺎ ﺑﻀﺤﻜﻪ : ﺣﺘﻰ ﻣﺎﻣﺘﻚ ﻛﺎﻧﺖ ﻛﺮﻛﻮﺑﻪ ﻣﻜﺮﻛﺒﻪ ..
ﺳﺎﺭﻩ : ﺍﺳﻜﺘﻲ ﺍﻧﺘﻲ ﻳﺎﺩﺭﻳﺒﻮﺍ ﺭﺣﺘﻲ ﺯﻱ ﺍﻟﺒﺮﻳﻤﺲ ...
ﻋﻠﻴﺎ : ﻫﻴﻴﻴﻴﻴﻴﻴﻲ ..
ﻫﺎﻟﻪ ﻭﺳﺎﺭﻩ : ﻫﻬﻬﻬﻬﻬﻬﻬﻬﻬﻬﻬﻬﻪ ...
ﻋﻠﻴﺎ : ﺑﺎﻩ ﻳﺎﻋﺠﻴﻨﻪ ﻓﺎﻳﺠﻪ ..
ﺳﺎﺭﺓ ﺑﻀﺤﻜﻪ : ﺗﻮ ﺗﻔﻮﺟﻲ ﺣﺘﻰ ﺍﻧﺘﻲ ..
ﻋﻠﻴﺎ ﻭﻫﺎﻟﻪ : 😂😂
ﻫﺎﻟﻪ : ﺍﻛﺜﺮ ﺷﻲ ﻧﻔﻜﺮﻓﻴﻪ ﺑﻌﺪ ﺍﻟﺠﻴﺎﺏ ﺟﺴﻤﻲ ﻛﻴﻒ ﻳﺼﻴﺮ ﻓﻴﻪ ..
ﺳﺎﺭﻩ : ﺩﻳﺮﻟﻪ ﻧﻈﺎﻡ ﻣﻦ ﺗﻮﺍ .. ﻭﻟﺪﻫﺎ ﺑﺪﻱ ﻳﻌﻴﻂ .. ﻭﻭﺍﺍﺍﺍﻙ ﻋﻠﻴﻚ ﺑﻐﺪﺩ ﺍﻣﺘﻰ ﺭﻗﺪﺕ ..
ﻫﺎﻟﻪ : ﻳﺎﻣﺎ ﺟﺎﻳﻨﺎ ﻣﻦ ﺗﻌﺐ ..
ﻋﻠﻴﺎ : ﺍﻳﻪ ...
ﺳﺎﺭﺓ ﻭﻫﻲ ﺗﻌﺎﻧﻲ ﻓﻮﻟﺪﻫﺎ : ﺍﻟﻴﻮﻡ ﺍﻟﺤﺴﻦ ﻋﻨﺪﻩ ... ﺗﺴﻜﺖ ﻳﺎﻓﺮﺥ .. ﺍﻟﺤﺴﻦ ﻋﻨﺪﻩ ﺟﻠﺴﻪ ..
ﺗﻨﻬﺪﺕ ﻋﻠﻴﺎ : ﺍﻳﻪ ﺧﺎﻳﻔﻪ ﻫﻠﺒﻪ ...
ﺳﺎﺭﺓ : ﺭﺑﻲ ﺑﺠﺎﻫﻪ ﻭﺳﻠﻄﺎﻧﻪ ﻳﻔﻚ ﺍﺳﺮﻩ ﻭﺧﻴﻲ ..
ﻋﻠﻴﺎ ﻭﻫﺎﻟﻪ : ﺁﺍﺍﺍﺍﺍﺍﺍﻣﻴﻦ ..
ﺣﺴﺎﻥ ﺧﺶ ﻋﻠﻴﻬﻢ : ﻣﺮﺕ ﺧﻮﻱ ﻧﻮﺿﻲ ﺍﻟﺒﺴﻲ ﻭﺗﻌﺎﻟﻲ ..
ﻋﻠﻴﺎ : ﺍﻧﻲ ؟؟
ﺣﺴﺎﻥ : ﺍﻳﻪ ﻏﻴﺮ ﺑﺎﻟﻠﻪ ﺑﺴﺮﻋﻪ ..
ﻫﺎﻟﻪ : ﺣﺴﺎﻥ ﺷﻦ ﻓﻲ ..
ﺣﺴﺎﻥ ﻣﺸﻲ ﻭﻣﺎﺑﺎﺵ ﻳﺠﺎﻭﺏ ...
ﺳﺎﺭﻩ : ﺧﻴﺮﻩ ﻫﺬﺍ .. ﺣﺴﺎﺍﺍﺍﻥ ﺗﻌﺎﻟﻲ ﻓﻬﻤﻨﺎ ..
ﻋﻠﻴﺎ ﺑﺨﻮﻑ : ﺧﻞ ﻧﺨﺶ ﻧﻠﺒﺲ ﻣﻼﻳﺘﻲ .. ﺧﺸﺖ ﺑﺘﻤﻮﺕ ﻣﻦ ﺍﻟﺨﻮﻑ .. ﻟﺒﺴﺖ ﻣﻼﻳﺘﻬﺎ ﻭﻃﻠﻌﺖ ... ﻟﻘﺖ ﺣﺴﺎﻥ ﻣﻊ ﻣﺼﻌﺐ ﻉ ﺍﻟﺒﺎﺏ .. ﻋﻠﻴﺎ ﻗﺪﻣﺖ ﺑﺨﻮﻑ ..
ﻋﻠﻴﺎ : ﺷﻦ ﻓﻲ ﻣﺼﻌﺐ ...
ﻣﺼﻌﺐ : ﻣﺎﺗﺨﺎﻓﻴﺶ ﺑﻨﺮﻓﻌﻚ ﻟﻤﻜﺎﻥ .. ﻭﺿﺤﻚ .. ﺗﻌﺎﻟﻲ ﻣﺎﺗﺨﺎﻓﻴﺶ ..
ﻋﻠﻴﺎ ﻃﻠﻌﺖ ﺭﻛﺒﺖ ﺳﻴﺎﺭﺓ ﺧﻮﻫﺎ .. ﺗﺤﺮﻛﺖ ﺳﻴﺎﺭﺓ ﺣﺴﺎﻥ ﻭﻟﺤﻘﻪ ﻣﺼﻌﺐ ...
ﻋﻠﻴﺎ : ﺑﺎﻟﻠﻪ ﻋﻠﻴﻚ ﻗﻮﻟﻲ ﺷﻦ ﻓﻲ ..
ﻣﺼﻌﺐ ﺑﺈﺑﺘﺴﺎﻣﻪ : ﺗﻮ ﺗﻌﺮﻓﻲ ...
ﻉ ﻗﺪ ﻣﺎﺣﺎﻭﻟﺖ ﻓﻴﻪ ﻣﺎﺑﺎﺵ ﻳﻘﻮﻝ ﺑﺲ ﻛﺎﻥ ﻳﻀﺤﻚ ﻭﻣﺒﺘﺴﻢ ﻭﻫﺬﺍ ﻣﺮﻳﺤﻬﺎ ... ﻟﻌﻨﺪ ﻭﺻﻠﻮﺍ ﻗﺪﺍﻡ ﺍﻟﻤﺤﻜﻤﻪ ﻗﻌﺪﺕ ﻫﻲ ﻭﺧﻮﻫﺎ ﻓﻲ ﺍﻟﺴﻴﺎﺭﻩ ﻭﺣﺴﺎﻥ ﻧﺰﻝ ﻭﺧﺶ ﻟﻠﻤﺤﻜﻤﻪ ..
ﻋﻠﻴﺎ ﺳﺎﻛﺘﻪ ﻭﺧﻼﺹ .. ﺷﻮﻳﻪ ﻭﻭﺻﻠﺖ ﺳﻴﺎﺭﻩ ﻧﻘﻞ ﺍﻟﺴﺠﻨﺎﺀ ﻧﺰﻟﻮﺍ ﻣﻨﻬﺎ ﺍﻟﺤﺴﻦ ﻭﻭﺍﻟﺘﺼﻮﻳﺮ ﺍﺷﺘﻐﻞ ﻭﺍﻟﻤﺮﺍﺳﻠﻴﻦ ...
ﺧﺸﻮﺍ ﺑﺎﻟﺤﺴﻦ ﺩﺍﺧﻞ ..
ﺷﻮﻳﻪ ﻭﺑﺪﺕ ﺍﻟﺠﻠﺴﻪ ...
ﺣﻀﺮﻫﺎ ﺃﺣﻤﺪ ﻭﺣﺴﺎﻥ ﻭﻋﻠﻲ ﻭﻋﺎﺑﺪ ﻭﻣﺮﻋﻲ ... ﻣﺤﻤﺪ ﻭﺳﺮﻣﺪ ﻣﻬﻨﺎﺵ .. ﻣﺎﺣﻀﺮﻭﺵ ﺍﺻﻼ ﻏﻴﺮ ﺟﻠﺴﻪ ﻭﺣﺪﻩ ...
ﺑﺪﻱ ﺍﻟﻘﺎﺿﻲ ﻳﺴﻤﻊ ﻣﻦ ﻣﺤﺎﻣﻲ ﺍﻟﺤﺴﻦ .. ﺩﻓﺎﻋﻪ ﻛﺎﻥ ﻗﻮﻱ ﻫﻠﺒﻪ .. ﻭﺑﻌﺪﻳﻦ ﺳﻠﻤﻠﻪ ﺍﻷﺩﻟﻪ ﺍﻟﻠﻲ ﺳﺒﻖ ﻟﻠﻘﺎﺿﻲ ﺍﻹﻃﻼﻉ ﻋﻠﻴﻬﻢ ..
ﺍﺧﺮ ﺷﻲ ﺗﻜﻠﻢ ﺳﻬﻴﻞ ﻭﻛﺎﻥ ﻛﻼﻣﻪ ﻋﻜﺲ ﺃﻭﻝ ﺟﻠﺴﻪ ﺗﻤﺎﻣﺎ ...
ﻃﻠﻊ ﺍﻟﻘﺎﺿﻲ .. ﺗﺸﺎﻭﺭ ﻣﻊ ﻣﺴﺘﺎﺷﺮﻳﻪ .. ﻛﺎﻥ ﺍﻟﺤﺴﻦ ﻣﺮﺗﺎﺡ ﻉ ﺍﻻﺧﺮ ﻭﺍﺣﻤﺪ ﻳﺸﺒﺤﻠﻪ ﺑﻔﺮﺣﻪ ... ﻭﻛﺬﻟﻚ ﺑﻮﻩ ﻋﺎﺑﺪ ﻭﺧﻮﺗﻪ ﻭﻭﻟﺪ ﻋﻤﻪ ..
ﺷﻮﻳﻪ ﻭﺧﺶ ﺍﻟﻘﺎﺿﻲ ﻭﻣﺴﺘﺸﺎﺭﻳﻪ ...
ﺍﻟﻘﺎﺿﻲ ﺑﻌﺪ ﺍﻟﻤﻘﺪﻣﻪ ﻣﺘﺎﻋﻪ ﻭﺻﻞ ﻓﻲ ﺍﻟﻨﻄﻖ ﺑﺎﻟﺤﻜﻢ ..
ﺍﻟﻘﺎﺿﻲ : ﻭﺑﻌﺪ ﺍﻃﻼﻋﻨﺎ ﻉ ﺗﺴﺠﻴﻞ ﻣﺼﻮﺭ ﻟﻠﻤﺠﻨﻲ ﻋﻠﻴﻬﺎ ﺗﺜﺒﺖ ﻓﻴﻪ ﺗﻌﺎﻭﻧﻬﺎ ﻣﻊ ﺍﻟﺤﺴﻦ ﺍﻟﺼﺎﺩﻕ ﻓﻲ ﻛﺸﻒ ﺑﻌﺾ ﻣﻦ ﺍﻟﺴﻴﺎﺳﻴﻴﻦ ﺍﻟﻤﻔﺴﺪﻳﻦ ﻭﺍﻹﻃﺎﺣﻪ ﺑﻴﻬﻢ ﻭﺑﻌﺼﺎﺑﻪ ﺗﺠﺎﺭﺓ ﺍﻟﻤﺨﺪﺭﺍﺕ ﺍﻟﻤﻌﺮﻭﻓﻪ ﺑﺈﺳﻢ ﺍﻟﻜﻮﺑﺮﺍ .. ﻭﺑﻌﺪ ﺍﻹﻃﻼﻉ ﻉ ﺍﻟﺘﺴﺠﻴﻞ ﺍﻟﻤﺼﻮﺭ ﺍﻟﺬﻱ ﻳﻮﺿﺢ ﺣﻘﻴﻘﻪ ﻣﻘﺘﻞ ﺍﻟﻨﺎﺋﺒﻪ ﻧﻬﻠﻪ ﺍﻟﺼﻴﺪ ﻭﺗﺄﻛﺪﻧﺎ ﻣﻦ ﺻﺤﺔ ﻫﺬﺍ ﺍﻟﺘﺴﺠﻴﻞ .. ﺣﻜﻢ ﻋﻠﻴﻪ ﺍﻟﺤﺴﻦ ﻋﺎﺑﺪ ﻋﻠﻲ ﺍﻟﺼﺎﺩﻕ .. ﺑﺎﻟﺒﺮﺍﺀﻩ ﻣﻦ ﻛﻞ ﺍﻟﺘﻬﻢ ﺍﻟﻤﻮﺟﻪ ﺇﻟﻴﻪ ﻣﻊ ﺭﺩ ﺍﻋﺘﺒﺎﺭﻩ ﺟﺮﺍﺀ ﺍﻹﺳﺎﺀﺍﺕ ﺍﻟﺘﻲ ﻭﺟﻬﺖ ﻟﻪ ... ﺭﻓﻌﺖ ﺍﻟﺠﻠﺴﻪ ..
ﺍﻟﺤﺴﻦ ﺍﻭﻝ ﺣﺎﺟﻪ ﺩﺍﺭﻫﺎ ﺳﺠﺪ ﻟﺼﺎﺣﺐ ﺍﻟﻔﻀﻞ ﺍﻷﻭﻝ ﻭﺍﻷﺧﻴﺮ ﻋﻠﻴﻪ ﺭﺏ ﺍﻟﻌﺎﻟﻤﻴﻦ .. ﻭﺍﻟﻘﺎﻋﻪ ﺍﻧﻘﻠﺒﺖ ﺑﺘﻜﺒﻴﺮ ﺣﺴﺎﻥ ﻭﻣﺮﻋﻲ ﻭﺍﺣﻤﺪ ﻭﻋﺎﺑﺪ ﻗﻌﺪﻭﺍ ﻳﻀﺤﻜﻮﺍ ﻋﻠﻴﻬﻢ ...
ﺑﺮﺍ ﻋﻨﺪ ﻋﻠﻴﺎ ...
ﻋﻠﻴﺎ : ﺷﻦ ﻗﺎﻋﺪ ﻳﺼﻴﺮ ﺩﺍﺧﻞ ...
ﻣﺼﻌﺐ : ﺧﻴﺮ ﺇﻥ ﺷﺎﺀ ﺍﻟﻠﻪ ..
ﻋﻠﻴﺎ ﺷﺒﺤﺘﻠﻪ ﺑﻨﺺ ﻋﻴﻦ : ﻗﻮﻟﻲ ﺷﻦ ﺗﻌﺮﻑ 😒
ﻣﺼﻌﺐ ﺑﻀﺤﻜﻪ : ﺷﻨﻮ ..
ﻋﻠﻴﺎ 😒:
ﻣﺼﻌﺐ ﺷﺎﻑ ﺍﻟﺤﺴﻦ ﻭﻫﻮ ﻃﺎﻟﻌﻪ ﻣﻦ ﺍﻟﻤﺤﻜﻤﻪ ﻭﻭﺭﺍﻩ ﻋﻴﻠﺘﻪ : ﻃﻠﻌﻮﺍ ...
ﺷﺒﺤﺘﻠﻬﻢ ﻋﻠﻴﺎ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻟﻤﺎ ﺷﺎﻓﺖ ﺍﻟﺤﺴﻦ ﺭﺍﻛﺐ ﺳﻴﺎﺭﺓ ﻧﻘﻞ ﺍﻟﺴﺠﻨﺎﺀ .. ﻭﻣﺸﺖ ..
ﻣﺼﻌﺐ ﺩﺍﺭ ﻛﻼﻛﺲ .. ﺣﺴﺎﻥ ﺍﻧﺘﺒﻬﻠﻪ ﺟﺎﻩ ﻳﺠﺮﻱ ...
ﺣﺴﺎﻥ ﻭﻗﻒ ﻋﻠﻴﻬﻢ ﺑﻀﺤﻜﻪ : ﻟﺴﺠﻦ ﻋﻴﻦ ﺯﺍﺭﻩ ..
ﻣﺼﻌﺐ ﺑﻀﺤﻜﻪ : ﺗﻢ ...
ﻣﺸﻲ ﺣﺴﺎﻥ ﺭﻛﺐ ﺳﻴﺎﺭﺗﻪ ﻭﺗﺤﺮﻙ ..
ﻭﻟﺤﻘﻪ ﻣﺼﻌﺐ ..
ﻋﻠﻴﺎ : ﻗﻄﻌﺘﻨﻲ ﺑﺎﻟﻌﺮﻕ ﻳﺎﻭﺧﻴﻲ ..
ﻣﺼﻌﺐ : ﻓﻜﻴﻨﺎ ﻣﻦ ﺟﻮ ﺍﻟﺪﺭﺍﻣﺎ ﻣﺘﺎﻋﻚ .. ﻗﻮﻟﻴﻠﻲ .. ﺍﻟﻴﻮﻡ ﻋﻴﺪ . ﻣﻴﻼﺩﻙ ﻭﻻ ..
ﻋﻠﻴﺎ : ﺍﻳﻴﻴﻴﻴﻴﻪ ﻧﺴﻴﺘﻪ ﺑﻜﻞ ...
ﻣﺼﻌﺐ : ﺳﺒﺤﺎﻥ ﺍﻟﻠﻪ ﻗﺒﻞ ﺗﺼﺮﻋﻲ ﻓﻴﻨﺎ ﺑﻴﻪ ﻣﻦ ﺍﻟﺴﺎﻋﻪ 12 ﻓﻲ ﺍﻟﻠﻴﻞ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻪ ...
ﻭﺻﻠﻮﺍ ﻟﻠﺴﺠﻦ ...
ﻣﺼﻌﺐ : ﺍﻟﺤﺴﻦ ﺑﻴﻄﻠﻊ ﺗﻮﺍ ..
ﻋﻠﻴﺎ ﺷﻘﻬﺖ ﺑﺼﻮﺕ ﻋﺎﻟﻲ ﻭﺩﻣﻮﻋﻬﺎ ﻧﺰﻟﻮﺍ .. ﻭﻗﻌﺪﺕ ﺗﻀﺤﻚ ﻭﺗﺒﻜﻲ ﻭﺗﺎﺧﺪ ﻓﻲ ﺍﻟﻨﻔﺲ ﺑﺼﻌﻮﺑﻪ ..
ﻣﺼﻌﺐ ﺧﺎﻑ : ﺧﻴﺮ ﺑﻼﻙ ..
ﻋﻠﻴﺎ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ : ﻓﺮﺣﺎﻧﻪ ..
ﻣﺼﻌﺐ : 😧
ﻗﻌﺪﻭﺍ ﻛﻠﻬﻢ ﻣﺮﻛﺰﻳﻦ ﻉ ﺍﻟﺒﺎﺏ ﻭﺷﻮﻳﻪ ﺍﻧﻔﺘﺢ ﻃﻠﻊ ﺳﻜﻮﻩ .. ﻭﻃﻠﻊ ﻭﺍﻟﺤﺮﺍﺱ ﺍﺩﻭﻟﻪ ﺍﻟﺘﺤﻴﻪ ..
ﻫﻮ ﻣﺎﺷﻲ .. ﻋﻠﻴﺎ ﻣﻌﺎﺵ ﺗﺸﺒﺢ ﻓﻲ ﺷﻲ ﻏﻴﺮﻩ ﻓﺘﺤﺖ ﺑﺎﺏ ﺍﻟﺴﻴﺎﺭﻩ ﻭﻧﺰﻟﺘﻠﻪ ﻭﻫﻮ ﺍﻧﺼﺪﻡ ﻃﻮﻝ ﺣﻀﻨﺎﺗﻪ ﺑﻜﻞ ﻗﻮﺗﻬﺎ ﻭﺗﺒﻜﻲ ..
ﻭﻫﻮ ﺍﻧﺤﺮﺝ ﻣﻌﺎﺵ ﻋﺮﻑ ﺷﻦ ﻳﺪﻳﺮ ..
ﺧﻮﺗﻪ ﻳﻀﺤﻜﻮﺍ ﻭﺧﻮﻫﺎ ﻛﺬﻟﻚ ﻭﺑﻮﻩ ﻣﺒﺘﺴﻢ ..
ﻭﺍﺣﻤﺪ ﻣﻦ ﺑﻌﻴﺪ ﺷﻮﻱ ﻳﺘﻔﺮﺝ ﻭﻣﺒﺘﺴﻢ ..
ﺍﻟﺤﺴﻦ : ﺷﻬﺪﺭﺗﻲ ﺑﻴﻨﺎ ..
ﻋﻠﻴﺎ ﺑﻌﺪﺕ : ﻭﻭﻭﻩ ﻣﻨﻚ ﻻﺯﻡ ﺗﻨﻜﺪ ..
ﺍﻟﺤﺴﻦ ﺭﻓﻊ ﺣﻮﺍﺟﺒﻪ : ﺗﻨﻜﺪ ...
ﻋﻠﻴﺎ : ﺍﻳﻪ ﻭﺟﺖ ﺑﺘﻤﺸﻲ ﺷﺪﻫﺎ ...
ﺍﻟﺤﺴﻦ : ﺗﻌﺎﻟﻲ ﻳﺎﺣﺼﻠﻪ .. ﻫﻮ ﻳﻜﺮ ﻓﻴﻬﺎ ﻭﻫﻲ ﻓﺮﺣﺎﻧﻪ .. ﺟﻲ ﺑﻴﻦ ﻋﻴﻮﻧﻬﺎ ﺍﻭﻝ ﻣﺮﺓ ﺷﺎﻓﺎﺗﻪ ﻓﻴﻬﺎ ﺩﺍﺭﻟﻬﺎ ﻧﻔﺲ ﺍﻟﺤﺮﻛﻪ ..💕
ﺍﻟﺤﺴﻦ ﻓﻲ ﺳﻴﺎﺭﺓ ﻣﺼﻌﺐ ﻧﺰﻝ ﺳﻠﻢ ﻋﻠﻴﻪ .. ﺑﻌﺪ ﺍﻟﺴﻼﻡ
ﺍﻟﺤﺴﻦ : ﻣﻔﺘﺎﺡ ﺍﻟﺴﻴﺎﺭﻩ ﻓﻴﻬﺎ ..
ﻣﺼﻌﺐ : ﺍﻳﻪ ..
ﺍﻟﺤﺴﻦ : ﻣﻌﻠﻴﺸﻲ ﺑﻨﺎﺧﺪﻫﺎ .. ﻭﺍﻧﺖ ﺩﻙ ﺭﺍﺳﻚ ﺑﻴﻨﺎﺗﻬﻢ .. ﺍﺷﺮ ﻉ ﺳﻴﺎﺭﺓ ﺣﺴﺎﻥ .. ﻋﻠﻴﺎ ﺿﺤﻜﺖ ..
ﻣﺼﻌﺐ ﺑﻀﺤﻜﻪ : ﻉ ﺣﺴﺎﺑﻚ ﻳﺎﻧﺴﻴﺒﻲ .. ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻣﺮﺓ ﺗﺎﻧﻴﻪ ..
ﺍﻟﺤﺴﻦ : ﺍﻟﻠﻪ ﻳﺴﻠﻤﻚ .. ﺍﻟﺤﺴﻦ ﺷﺒﺢ ﻟﻌﻠﻴﺎ .. ﻓﺘﺤﻠﻬﺎ ﺑﺎﺏ ﺍﻟﺴﻴﺎﺭﻩ .
ﺍﺭﻛﺒﻲ ..
ﺭﻛﺒﺖ ﻋﻠﻴﺎ ﻭﻫﻲ ﺗﺸﺒﺤﻠﻪ ﺑﻨﺺ ﻋﻴﻦ ﻭﺷﺎﺩﻩ ﺿﺤﻜﺘﻬﺎ .. ﺻﻜﺮ ﺍﻟﺒﺎﺏ .. ﻭﺗﻮﺟﻪ ﻟﺒﺎﺏ ﺍﻟﺨﻠﻔﻲ ﺣﻂ ﺳﺎﻛﻮﻩ .. ﺑﻌﺪﻳﻦ ﺭﻛﺐ .. ﻭﺗﺤﺮﻙ ﺑﺎﻟﺴﻴﺎﺭﻩ ﻭﻫﻮ ﻳﺸﺒﺢ ﻟﻌﻠﻴﺎ ﻭﻣﺒﺘﺴﻢ ﻉ ﺟﻨﺐ .. ﻋﻠﻴﺎ ﺷﺒﺤﺘﻠﻪ ﻉ ﺟﻨﺐ .. ﻭﺩﺍﻳﺮﻩ ﺭﻭﺣﻬﺎ ﺯﻋﻼﻧﻪ .. ﻫﻮ ﺗﻨﻬﺪ .. ﻭﺷﺒﺢ ﻟﻠﻘﺪﺍﻡ ..
***
ﺭﻭﻭﻭﻭﻭﻭﻭﺭﻭﻭﻭﻭﻭﻭﻭﻭﻭﻭﺭﻭﺭﺭﺭﺭﻭﺭﻭﻭﻭﻭﺭﺭﺭﻱ ..
ﻫﺎﺩﻭ ﺯﻏﺎﺭﻳﻂ ﻧﺴﺎﻭﻳﻦ ﺍﻟﻌﻴﻠﻪ ﺍﻟﻠﻲ ﻛﻠﻬﻢ ﻛﺎﻧﻮﺍ ﻓﻲ ﺣﻮﺵ ﺍﻟﺤﺎﺝ ﻋﻠﻲ .. ﻭﻓﻴﻪ ﻣﻨﻬﻢ ﻓﺮﺣﺘﻪ ﺑﺎﻟﺪﻣﻮﻉ .. ﻭﺍﻟﻜﻞ ﻳﺴﺘﻨﻮﺍ ﻓﻴﻪ ﻭﻫﻮ ﻓﻲ ﻋﺎﻟﻢ ﺗﺎﻧﻲ ..
ﻋﻠﻴﺎ ﺗﺸﺒﺤﻠﻪ ﻭﻫﻮ ﺣﺎﻁ ﺭﺍﺳﻪ ﻉ ﺑﻄﻨﻬﺎ ..
ﺍﻟﺤﺴﻦ : ﺍﻫﺎﺍﺍﻩ ﻫﺎﺍﺍﻩ ... ﻃﺎﻟﻊ ﻟﺒﻮﻩ ...
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻪ .. ﻛﺎﻧﻚ ﻣﺶ ﻣﺮﻛﺰ ﺭﻩ ﻳﺮﻓﺲ ﻓﻲ ﺍﻣﻪ ..
ﺍﻟﺤﺴﻦ ﻧﺎﺽ ﻭﻗﻌﺪ ﻳﺸﺒﺤﻠﻬﺎ : ﻳﺎﺧﺪ ﻓﻲ ﺗﺎﺭ ﺑﻮﻩ ..
ﻋﻠﻴﺎ : ﺍﺍﺍﺍﻩ ﻳﺎﻧﻲ ﺗﻼﻗﻮﺍ ﻋﻠﻴﺎ ﺍﻟﺒﻮ ﻭﻭﻟﺪﻩ ﻳﺎﻧﺎﺭﻱ ﻋﻠﻴﺎ ..
ﺍﻟﺤﺴﻦ : ﻫﻬﻬﻬﻬﻪ .. ﺟﺤﺸﻪ . ﻭﻗﺮﺏ ﻭﺑﺎﺳﻬﺎ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﻣﺴﺘﺤﺸﺎﺗﻪ ﻣﻮﻭﻭﺕ ﻭﻫﻮ ﺍﻛﺜﺮ ﻣﻨﻬﺎ ... ﻭﺧﺮ .. ﺷﺒﺢ ﻟﺒﻄﻨﻬﺎ .. ﻣﺸﻜﻠﻪ ﺍﻟﺤﻖ ..
ﻋﻠﻴﺎ ﺿﺤﻜﺖ ﺑﺨﺠﻞ : ﻫﻴﺎ ﺧﻞ ﻧﻤﺸﻮﺍ ﻳﺴﺘﻨﻮﺍ ﻓﻴﻚ ﻋﻴﻴﺐ ..
ﺍﻟﺤﺴﻦ ﺿﺤﻚ ﻭﺗﺤﺮﻙ ﺑﺎﻟﺴﻴﺎﺭﻩ ﺍﻟﻠﻲ ﻛﺎﻧﺖ ﻣﺪﺭﺳﻪ ﻓﻲ ﻣﻜﺎﻥ ﻣﺴﺘﺨﻄﻲ ..😁..
ﻭﺻﻠﻮﺍ ﻟﻠﺤﻮﺵ .. ﻭﻳﺎﻋﻴﻨﻲ ﻉ ﺍﻷﺳﺘﻘﺒﺎﻝ ﻗﺮﻳﺐ ﻗﺘﻠﻮﻩ ﻣﺴﻜﻴﻦ .. ﺑﻌﺪ ﺷﻮﻳﻪ ﻗﺎﻟﻮﻟﻪ ﻳﺮﻛﺐ ﻳﺮﺗﺎﺡ ... ﺭﻛﺐ ﻭﻣﻌﺎﻩ ﻋﻠﻴﺎ ﺍﻟﻠﻲ ﻗﻌﺪ ﻳﺪﻳﺪﺵ ﻓﻴﻬﺎ ..
ﺍﻟﺤﺴﻦ ﺑﻀﺤﻜﻪ : ﻗﺼﻴﺮﻩ ﻭﺳﻤﻴﻨﻪ ﻭﻣﻜﺮﻛﺒﻪ ...
ﻋﻠﻴﺎ : ﻣﺶ ﻋﺎﺟﺒﺎﺗﻚ ﺑﺪﻟﻨﻲ ..
ﺍﻟﺤﺴﻦ : ﺧﻞ ﻧﺼﻔﻲ ﺍﻣﻮﺭﻱ ﻭﺑﻌﺪﻳﻦ ﻧﻔﻜﺮ ﻓﻲ ﺍﻟﻤﻮﺿﻮﻉ ..
ﻋﻠﻴﺎ ﺟﺒﺪﺕ ﻳﺪﻫﺎ ﻭﻋﺼﺒﺖ .. ﻭﺭﻛﺒﺖ ﺑﺮﻭﺣﻬﺎ ﻭﻫﻮ ﺭﻛﺐ ﻭﺭﺍﻫﺎ ﻳﻀﺤﻚ ..
***
ﻋﺎﺩﻝ : ﻏﺪﻭﺓ ﺍﻟﺴﺎﻋﻪ 10
ﺍﺣﻤﺪ : ﺇﻥ ﺷﺎﺀ ﺍﻟﻠﻪ ..
***
ﺣﺪﻑ ﺍﻟﺘﻠﻔﻮﻥ ﻉ ﻃﻮﻝ ﺍﻳﺪﻩ ... ﺍﻟﻠﻲ ﻳﻠﻘﺎﻩ ﻗﺪﺍﻣﻪ ﻳﻀﺮﺑﻪ ﻭﻳﻜﺴﺮﻩ ﺑﺸﺮ ﺟﻤﺎﺩ ﻣﺶ ﻣﻬﻢ ﺍﻟﻤﻬﻢ ﻳﻔﺶ ﻏﻠﻪ ..
ﺳﺮﻣﺪ ﺩﺍﻫﺶ ﻣﻦ ﻛﺜﺮ ﻣﺎﺿﺮﺏ : $₩&%$..₩&%$ ...ﻫﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺃﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻋﻌﻌﻊ ..
***
ﺑﻌﺪ ﺩﻭﺵ ﻭﻃﻠﻊ ﺷﺒﺤﻬﺎ ﻭﺍﻗﻔﻪ ﺗﺒﺨﺮ ﻓﻲ ﺍﻟﺪﺍﺭ .. ﻻﺑﺴﻪ ﻗﻔﻄﺎﻥ ﻭﺭﺩﻱ ﻫﺎﻓﺖ ﺳﻴﺮﻩ ﺭﻗﻴﻖ ﻭﺍﺻﻞ ﻟﺘﺤﺖ ﺍﻟﺮﻛﺒﻪ ﻭﺷﻌﺮﻫﺎ ﻣﺮﻓﻮﻉ ...
ﻗﺮﺏ ﻣﻨﻬﺎ ﺣﻮﻝ ﻣﻦ ﻳﺪﻫﺎ ﺍﻟﺒﺨﺎﺭﻩ ﻭﺣﻄﻬﺎ ﻉ ﺍﻟﻄﺎﻭﻟﻪ ﻭﺟﺎﻫﺎ ﺣﻀﻨﻬﺎ ﻭﻗﻌﺪ ﻳﺸﻢ ﻓﻲ ﺭﻳﺤﺘﻬﺎ ﻭﻋﻴﻮﻧﻪ ﻣﻐﻤﻀﺎﺕ .. ﻧﺎﺳﻲ ﺍﻟﺪﻧﻴﺎ ﻭﻣﺎﻓﻴﻬﺎ ﻛﺄﻥ ﻣﺎﻛﺎﻧﺶ ﻣﺤﺒﻮﺱ ﻭﻻ ﺻﺎﺭ ﻓﻴﻪ ﺍﻟﻠﻲ ﺻﺎﺭ .. ﺳﻜﻨﻪ ﻭﺭﺍﺣﺘﻪ ... ﻣﺎﺑﺎﺵ ﻳﺤﻮﻝ ﺑﻜﻞ ﻭﻻﻫﻲ ﺗﺒﻴﻪ ﻳﺤﻮﻝ ..
ﺑﺲ ﺍﻟﺰﻭﺯ ﺗﻨﺎﺳﻮﺍ ﺍﻟﻨﻔﺮ ﺍﻟﺜﺎﻟﺖ ﺯﻱ ﻣﺎﻳﻘﻮﻝ ﺑﻮﻩ .. ﺍﻟﻠﻲ ﻳﺘﺸﺎﻗﻰ ﻭﺧﺮﺏ ﻫﺎﻟﻠﺤﻈﻪ .
ﻋﻠﻴﺎ : ﺍﺍﺍﻩ ..
ﺍﻟﺤﺴﻦ ﻭﺧﺮ ﻭﻳﺸﺒﺢ ﻟﺒﻄﻨﻬﺎ : ﻭﺍﻟﻠﻪ ﺣﺴﻴﺖ ﺑﻴﻬﺎ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ... ﻏﺎﺭ ﻣﻨﻚ ﺷﻜﻠﻪ ... ﻋﻠﻴﺎ ﺗﺸﺒﺢ ﻟﺒﻄﻨﻬﺎ ﻭﺗﺘﻜﻠﻢ ﺑﺼﻮﺕ ﻃﻔﻮﻟﻲ : ﻫﻴﻴﻲ ﺍﻧﺖ ﺑﺎﺑﺎ ﻫﺎﺩﻱ ﻣﺎﻣﺎ ﻣﺘﺎﺣﻲ ﺑﺮﻭﺣﻲ ..
ﺍﻟﺤﺴﻦ : ﻳﻔﺘﺤﻠﻚ ﺭﺑﻲ .. ﻭﻗﺮﺏ ﻣﻨﻬﺎ ... ﻭﺭﺍﺣﻮﺍ ﻓﻲ ﺧﺒﺮ ﻛﺎﻥﺗﺎﻧﻲ ﻳﻮﻡ ﺍﻟﺼﺒﺢ ..
ﺭﺍﻗﺪﻩ ﻑ ﺣﻀﻨﻪ ﻭﺍﻟﺰﻭﺯ ﻧﺎﻳﻀﻴﻦ ..
ﻋﻠﻴﺎ : ﻋﻨﺪﻙ ﻋﻠﻢ ﺍﻣﺲ .. ﺳﻜﺮﺕ 20 ﺳﻨﻪ ..
ﺍﻟﺤﺴﻦ : ﻗﺎﻋﺪﻩ ﺑﻴﺒﻲ ..
ﻋﻠﻴﺎ ﺿﺤﻜﺖ ..
ﺍﻟﺤﺴﻦ : ﻳﻔﻮﺗﻮﺍ 20 ﺳﻨﻪ ﺗﺎﻧﻴﺎﺕ ﺍﻧﺘﻲ ﻓﻲ ﻋﻤﺮﻱ ﺗﻮﺍ ﻭﺍﻧﻲ ﻓﻲ ﻋﻤﺮ ﺑﻮﻱ ﻋﺎﺑﺪ .. ﺗﻘﻮﻟﻲ ﺷﻦ ﺧﻼﻧﻲ ﻧﺎﺧﺪﻩ ﺷﻴﺒﺎﻧﻲ ﻭﺻﻼﺣﻴﺘﻪ ﻃﺎﺣﺖ ..
ﻋﻠﻴﺎ ﺣﻀﻨﺎﺗﻪ : ﻭﺍﻟﻠﻪ ﻭﺍﻟﻠﻪ .. ﻟﻮ ﺗﻮﻟﻲ ﺗﻤﺸﻲ ﺑﻌﻜﻮﺯ ﻭﻇﻬﺮﻙ ﻣﻌﻮﺝ ... ﺣﻨﻤﻮﺕ ﻓﻴﻚ ﺍﻛﺜﺮ ﻭﺍﻛﺜﺮ ﻭﺍﻛﺜﺮ ..
ﺍﻟﺤﺴﻦ ﺣﻀﻨﻬﺎ ﻭﺿﺤﻚ .. ﺳﻜﺘﻮﺍ ﺷﻮﻳﻪ ﺑﻌﺪﻳﻦ ..
ﺍﻟﺤﺴﻦ : ﻋﻠﻴﺎ ...
ﻋﻠﻴﺎ : ﺷﻨﻮ ...
ﺍﻟﺤﺴﻦ : ﻓﻲ ﺷﻲ ﺿﺮﻭﺭﻱ ﺗﻌﺮﻓﻴﻪ .. ﻧﻮﺿﻲ ﺩﻳﺮﻱ ﻗﻬﻮﻩ ﻭﻧﻘﻌﻤﺰﻭﺍ ﻓﻲ ﺍﻟﺼﺎﻟﻪ ﻭﻧﺤﻜﻠﻴﻚ ...
ﻋﻠﻴﺎ ﻭﻫﻲ ﺧﺎﻳﻔﻪ : ﺑﺎﻩ ...
ﻃﻠﻌﻮﺍ ﻟﻠﺼﺎﻟﻪ ﺩﺍﺭﺕ ﺍﻟﻘﻬﻮﺓ ﻭﻗﻌﻤﺰﻭﺍ ﻭﺑﺪﻱ ﺍﻟﺤﺴﻦ ﻳﺤﻜﻲ ﻟﻌﻠﻴﺎ ﻓﻜﻞ ﺷﻲ ..
***
ﺳﻴﺎﺭﺍﺕ ﺷﺮﻃﻪ ﻗﺪﺍﻡ ﺣﻮﺵ ﺍﻫﻞ ﺭﻳﺤﺎﻧﻪ ... ﺷﻮﻳﻪ .. ﻭﻃﻠﻊ ﻣﺤﻤﺪ ﻣﻜﻠﺒﺶ ﻭﺷﺎﺩﻳﻨﻪ ﺯﻭﺯ ﺿﺒﺎﻁ .... ﻭﺩﺧﻠﻮﻩ ﻟﻠﺴﻴﺎﺭﻩ ... ﻭﺗﺤﺮﻛﻮﺍ ﻃﻮﻝ .. ﺍﻟﻨﺎﺱ ﻛﺎﻧﺖ ﺗﺘﻔﺮﺝ .. ﻭﻓﺎﻃﻤﻪ ﺗﺒﻜﻲ ﻓﻲ ﺣﻀﻦ ﺭﻳﺤﺎﻧﻪ ﻭﻣﺘﺄﺳﻔﻪ ﻫﻠﺒﻪ ﻋﺎﻟﺤﺎﻝ ﺍﻟﻠﻲ ﻭﺻﻠﻮﻟﻪ ..
ﻧﻔﺲ ﺍﻟﻮﺿﻊ ﻗﺪﺍﻡ ﺣﻮﺵ ﻋﺎﺑﺪ ... ﻃﻠﻌﻮﻩ ﻭﺳﻂ ﺻﺪﻣﻪ ﻣﺮﺗﻪ ﻭﺑﻨﺎﺗﻪ ﻭﺩﻣﻮﻋﻬﻢ ﺍﻣﺎ ﻫﻮ ﻓﻜﺎﻥ ﻣﺘﺄﻛﺪ ﺍﻥ ﻫﺎﻟﻴﻮﻡ ﺣﻴﺠﻲ ﻛﺎﻧﺖ ﻣﻼﻣﺢ ﻭﺟﻬﻪ ﻫﺎﺩﻳﻪ ﺩﺧﻠﻮﻩ ﺍﻟﺴﻴﺎﺭﺓ ﻭﺗﺤﺮﻛﻮﺍ ..
***
ﻣﺴﺘﺤﻴﻴﻴﻞ ..
ﺍﻟﺤﺴﻦ : ﻣﻊ ﺍﻷﺳﻒ ﻫﺎﺩﻱ ﺍﻟﺤﻘﻴﻘﺔ ...
ﻋﻠﻴﺎ ﺑﺼﺪﻣﻪ : ﻳﺎﺍﺍﺍﺭﺑﻲ ﻭﺍﻟﻠﻪ ﻣﺎﻗﺎﺩﺭﺓ ﻧﺼﺪﻕ .. ﺣﻄﺖ ﺍﻳﺪﻫﺎ ﻉ ﻓﻤﻬﺎ ﻭﺩﻣﻮﻋﻬﺎ ﻧﺰﻟﻮﺍ ..
ﺳﻤﻌﻮﺍ ﺍﻟﻌﻴﻠﻪ .. ﺑﺮﻧﻴﻪ ﻣﺎﺃﺑﺪﺗﺶ ﺃﻱ ﺭﺩﺓ ﻓﻌﻞ ﻛﺎﻧﺖ ﻣﺼﺪﻭﻣﻪ
ﻭﺍﻧﻌﺎﻡ ﻣﺶ ﻣﺼﺪﻗﻪ ..
ﺍﻧﻌﺎﻡ ﺑﻬﻠﻊ : ﻣﺴﺘﺤﻴﻴﻴﻞ ﻳﺎﻧﺎﺍﺍﺍﺍﺱ ﻛﻴﻴﻴﻒ ﻫﻜﻲ ﻛﻴﻴﻴﻴﻒ ﻣﺴﺘﺤﻴﻞ ... ﻣﺴﺘﺤﻴﻲ .. ﻭﻃﺎﺣﺖ ﻣﻦ ﻃﻮﻟﻬﺎ ..
ﻭﻣﺎﻓﺎﻗﺘﺶ ﺇﻻ ﻓﻲ ﺍﻟﻤﺴﺘﺸﻔﻰ ﻭﻛﺎﻧﺖ ﺗﺒﻜﻲ ﺑﺤﺮﻗﻪ ﻭﻣﺶ ﻣﺼﺪﻗﻪ ... ﺑﺮﻧﻴﻪ ﺧﺸﺖ ﻓﻲ ﺣﺎﻟﻪ ﻧﻔﺴﻴﻪ .. ﺭﺍﻓﻀﻪ ﺗﺘﻜﻠﻢ ... ﺣﺎﺑﺴﻪ ﺭﻭﺣﻬﺎ ﻓﻲ ﺩﺍﺭﻫﺎ ﺍﻟﻠﻲ ﻛﺎﻧﺖ ﻗﺒﻞ ﺩﺍﺭ ﺳﻴﻒ ﻭﺯﻫﺮﻩ ..
ﺗﻨﺎﻗﻠﺖ ﻭﺳﺎﺋﻞ ﺍﻹﻋﻼﻡ ﺑﺮﺍﺀﺓ ﺍﻟﺤﺴﻦ ﻭﻋﺮﺿﻮﺍ ﺍﻟﻔﻴﺪﻳﻮﺍﺕ ﻭﺗﻜﻠﻤﻮﺍ ﻋﻦ ﻋﻴﻠﺔ ﺍﻟﺼﺎﺩﻕ ﻭﺣﻘﻴﻘﺘﻬﻢ .. ﻭﺭﻛﺰﻭﺍ ﻉ ﺍﻥ ﺍﻟﺤﺴﻦ ﻣﺎﺍﻫﺘﻤﺶ ﻟﻜﻮﻧﻬﻢ ﺍﻗﺎﺭﺑﻪ ﺑﻞ ﻛﺎﻥ ﻣﻦ ﺍﻟﻀﺒﺎﻁ ﺍﻟﻠﻲ ﺳﺎﻫﻤﻮﺍ ﻓﻲ ﺍﻟﻮﺻﻮﻝ ﻟﺤﻘﻴﻘﺘﻬﻢ ﻭﺍﻟﻘﺒﺾ ﻋﻠﻴﻬﻢ ..
ﻭﻓﻀﻴﺤﻪ ﻛﺒﻴﺮﻩ ﻟﺤﻘﺖ ﺍﻟﻌﻴﻠﻪ ..
ﺧﻮﻟﻪ : ﻣﺎﻓﻴﺶ ﻣﺠﺎﻣﻠﻪ ﻓﻲ ﺣﺎﺟﺎﺕ ﺯﻱ ﻫﺎﺩﻱ ﺍﻧﻲ ﻣﺎﻧﻨﻔﻌﻜﺶ ..
ﺭﻳﺎﺽ : ﺷﻦ ﺗﻘﻄﻔﻲ ﺍﻧﺘﻲ .. ﺍﻧﻲ ﻣﺎﻳﻨﻔﻌﺶ ﺑﻴﺎ ﺣﺪ ﻏﻴﺮﻙ ﻭﻭﺍﻟﻠﻪ ﻳﺎﺍﺧﻮﻟﻪ ﻟﻤﺎ ﻧﺘﺰﻭﺟﻚ ﻭﻧﺪﻳﺮ ﻋﺮﺱ ﺗﺤﻜﻲ ﻋﻠﻴﻪ ﻃﺮﺍﺑﻠﺲ ﻛﻠﻬﺎ ..
ﺧﻮﻟﻪ : ﻟﻚ ...
ﺭﻳﺎﺽ : ﻭﻻﻛﻠﻤﻪ ﺯﻳﺎﺩﻩ ﻻﺍﻧﻲ ﻭﻻﻳﻘﻴﻦ ﻧﻘﺪﺭﻭﺍ ﻧﻔﺮﻃﻮﺍ ﻓﻴﻚ ..
ﺧﻮﻟﻪ ﺍﺑﺘﺴﻤﺖ ﻭﺩﻣﻮﻋﻬﺎ ﺗﻨﺰﻝ ..
....
ﺍﻧﻌﺎﻡ : ﺍﺣﻤﺪ ...
ﺍﺣﻤﺪ : ﻧﺒﻴﻚ ﻭﺣﻨﺎﺧﺪﻙ ﻭﺗﻢ ..
ﺍﻧﻌﺎﻡ : ﻍ ....
ﺍﺣﻤﺪ : ﻗﻠﺖ ﺗﻢ ﺍﻧﻲ .. ﻛﺎﻥ ﻣﺎﻋﻨﺪﻙ ﺷﻲ ﺗﺎﻧﻲ ﺗﺤﻜﻲ ﻓﻴﻪ ﺻﻜﺮﻱ ﺍﻓﻀﻞ ...
ﺍﻧﻌﺎﻡ ﺍﺑﺘﺴﻤﺖ : ﺷﻦ ﺗﻐﺪﻳﺖ ﺍﻟﻴﻮﻡ ..
ﺍﺣﻤﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
***
ﺗﺄﺟﻠﺖ ﻣﺤﺎﻛﻤﺔ ﻋﺎﺑﺪ ﻭﻣﺤﻤﺪ ﻭﻭﻻﺩﻋﻢ ﺍﻟﺤﺎﺝ ﻋﻠﻲ ﺍﻟﻠﻲ ﺗﺄﻛﺪﻭﺍ ﺍﻧﻬﻢ ﻣﻦ ﺷﺮﻛﺎﺋﻪ ﺍﻷﺳﺎﺳﻴﻴﻦ .. ﻟﻌﻨﺪ ﻣﺎﻳﻘﺒﻀﻮﺍ ﻉ ﺳﺮﻣﺪ ﺍﻟﻠﻲ ﻫﺮﺏ ﻭﻣﺶ ﻣﻌﺮﻭﻑ ﻋﻨﻪ ﺃﻱ ﺷﻲ ..
ﺑﺎﻟﺘﻤﺎﻡ ﻣﺮﻭﺍ 45 ﻳﻮﻡ ..
ﻗﺮﺭﺕ ﺑﺮﻧﻴﻪ ﻓﻴﻬﻢ ﺗﺴﻴﺐ ﺍﻟﺤﻮﺵ .. ﻻﻧﻪ ﺍﻧﺒﻨﻲ ﺑﺎﻟﺤﺮﺍﻡ .. ﻭﻣﺴﺘﺤﻴﻞ ﺗﻘﻌﺪ ﻓﻴﻪ ﺃﻛﺜﺮ ﻣﺎﻗﻌﺪﺕ ..
ﻭﻓﻌﻼ ﺍﻟﺤﺴﻦ ﺷﺮﻱ ﺣﻮﺵ ﻉ ﻗﺪﻫﻢ ﻫﻮ ﻭﻋﻠﻴﺎ ﻭﺑﺮﻧﻴﻪ ﻭﺍﻧﻌﺎﻡ .. ﻭﺳﻜﻨﻮﺍ ﻓﻴﻪ ..
ﻫﺎﻟﻪ ﺑﻌﺪ ﺟﺎﺑﺖ ﺍﻧﺘﻘﻠﺖ ﻣﻊ ﺭﺍﺟﻠﻬﺎ ﻟﻠﻌﻴﺸﻪ ﻓﻲ ﺣﻮﺵ ﺑﻮﻩ ﺍﻟﻠﻲ ﺑﻨﺎﻩ ﻋﺎﺑﺪ ﺑﺎﻟﺤﻼﻝ ﺑﻌﺪ ﺳﻴﺐ ﺗﺠﺎﺭﺓ ﺍﻟﺴﻢ ﻭﻗﻌﺪ ﻓﻲ ﺍﻟﺪﻭﺭ ﺍﻟﺘﺎﻧﻲ ...
ﻣﺮﻋﻲ ﺳﻴﺐ ﻃﺮﺍﺑﻠﺲ ﺑﻜﺒﺮﻫﺎ ﻭﻣﺸﻲ ﻫﻮ ﻭﺳﺎﺭﻩ ﻭﻭﻟﺪﻫﻢ ﻟﻠﺸﺮﻕ ﻭﻗﺮﺭ ﻳﺴﺘﻘﺮ ﻏﺎﺩﻱ ..
ﺭﻳﺤﺎﻧﻪ ﻭﺍﻣﻬﺎ ﺳﻴﺒﻮﺍ ﺍﻟﺤﻮﺵ ﻭﻗﻌﺪﻭﺍ ﻓﻲ ﺣﻮﺵ ﺧﺎﻟﻬﺎ ... ﻭﻫﻮ ﺑﺮﻏﻢ ﺍﻟﻠﻲ ﺻﺎﺭ ﺭﺣﺐ ﺑﻴﻬﻢ ﻫﻮ ﻭﻣﺮﺗﻪ ﻣﺘﻐﺎﺿﻴﻴﻦ ﻋﻦ ﻛﻞ ﺷﻲ ...
***
ﻣﺪﻳﺤﻪ : ﻫﻲ ﻓﺴﻦ ﺻﻌﺒﻪ ﻭﺍﻧﻲ ﺧﺎﻳﻔﻪ ﻳﻠﻌﺐ ﺑﻌﻘﻠﻬﺎ ..
ﻋﻠﻴﺎ : ﺣﺘﻰ ﺍﻧﻲ ﻫﺬﺍ ﺍﻟﻠﻲ ﻣﺨﻮﻓﻨﻲ .. ﻉ ﺍﻟﻌﻤﻮﻡ ﺍﻟﺤﺴﻦ ﺣﻂ ﻧﺎﺱ ﺗﺮﺍﻗﺐ ﻓﻲ ﺍﻟﺤﻮﺵ ...
ﻣﺪﻳﺤﻪ : ﻛﻮﻳﺲ ..
ﺯﻳﻨﺐ ﻣﻘﻌﻤﺰﺓ ﺣﺪﺍ ﺍﻟﺘﻠﻔﺰﻳﻮﻥ : ﻛﺎﻥ ﻧﻌﺮﻑ ﻓﺸﻦ ﺗﻮﺷﻮﺷﻮﺍ ..
ﻣﺪﻳﺤﺔ ﺍﺑﺘﺴﻤﺖ ﺑﺮﺑﻜﻪ : ﻋﺎﺩﻱ ﻧﻬﺪﺭﺯﻭﺍ ..
ﻋﻠﻴﺎ ﺑﺮﺑﻜﻪ : ﻫﻬﻬﻪ .. ﺍﻳﻪ ..
ﺯﻳﻨﺐ ﺷﺒﺤﺘﻠﻬﻢ ﺑﺸﻚ ﻭﺷﺒﺤﺖ ﻟﻠﺘﻠﻔﺰﻳﻮﻥ ..
ﻓﻲ ﺩﺍﺭ ﺍﻣﻴﺮﺓ ..
ﺭﺍﻗﺪﻩ ﻭﺗﺒﻜﻲ ﻭﺗﺸﺒﺢ ﻟﺼﻮﺭﺗﻪ ... ﻭﻟﻠﺴﻠﺴﻠﻪ ﻓﻴﺪﻫﺎ ..
ﺍﻣﻴﺮﻩ ﺑﺒﻜﻲ : ﻣﺶ ﻗﺎﺩﺭﺓ ﻧﺼﺪﻕ ﻣﺶ ﻗﺎﺩﺭﻩ ﺍﻧﺖ ﻛﻴﻒ ﻫﻜﻲ .. ﻛﻴﻒ ﺗﻜﻮﻥ ﻣﺠﺮﻡ ﻭﻗﺎﺗﻞ .. ﻛﻴﻒ ﺗﻜﻮﻥ ﻫﻜﻲ .. ﻭﺍﻧﺖ ﻏﻴﺮ ﺗﺸﻮﻓﻨﻲ ﺗﺮﺟﻒ ﻭﺩﻗﺎﺕ ﻗﻠﺒﻚ ﻧﺴﻤﻌﻬﺎ .. ﻛﻴﻒ ﺳﺮﻣﺪ ﺍﻟﺤﺴﺎﺱ ﺍﻟﻠﻲ ﺩﻳﻤﺎ ﻳﻀﺤﻚ ﻳﻜﻮﻥ ﻫﻜﻲ ... ﻣﻌﻘﻮﻟﻪ ﻟﻬﺎﻟﺴﺒﺐ ﻧﺸﻮﻑ ﻓﻲ ﻋﻴﻮﻧﻚ ﺷﻲ ﻳﺨﻮﻑ ﻓﻴﺎ .. ﺑﺲ ﺍﻧﻲ .. ﺑﺮﻏﻢ ﻛﻞ ﺷﻲ ... ﻗﺎﻋﺪﻩ .. ﻧﺤﺒﻚ .. ﻭﺣﻀﻨﺖ ﺍﻟﺼﻮﺭﺓ ﻭﻗﻌﺪﺕ ﺗﺒﻜﻲ ..
****
ﻋﻤﻠﻴﺎﺕ ﺍﻟﺒﺤﺚ ﻣﺴﺘﻤﺮﺓ ﻋﻦ ﺳﺮﻣﺪ ﺑﺪﻭﻥ ﺟﺪﻭﻯ ... ﺑﺮﻏﻢ ﺍﻋﺘﺮﺍﻑ ﻣﺤﻤﺪ ﺍﻟﻠﻲ ﺗﻀﻤﻦ ﺍﻣﺎﻛﻦ ﺗﻮﺍﺟﺪﻫﻢ ﺇﻻ ﺇﻥ ﺳﺮﻣﺪ ﺗﻮﻗﻊ ﺍﻧﻪ ﺣﻴﻘﻮﻝ ﻛﻞ ﺷﻲ ... ﻓﺘﺠﻨﺐ ﻳﻤﺸﻲ ﻟﻬﺪﻳﻜﺎ ﺍﻷﻣﺎﻛﻦ ..
***
ﻣﺤﺎﺩﺛﻪ ﺑﺎﻟﺼﻮﺕ ﺑﺎﻟﻠﻐﺔ ﺍﻷﻧﺠﻠﻴﺰﻳﻪ ..
ﺟﻴﺮﻣﻲ : ﻛﺮﺗﻪ ﺍﺣﺘﺮﻕ ... ﻻﺑﺪ ﺍﻥ ﺗﻜﺘﺐ ﻧﻬﺎﻳﺘﻪ ..
ﺍﻟﻔﺮﻋﻮﻥ : ﻭﺍﻧﺎ ﺍﻓﻜﺮ ﻓﻲ ﻛﺘﺎﺑﺔ ﻧﻬﺎﻳﺘﻪ ﺑﻄﺮﻳﻘﺔ ﺧﺎﺻﻪ ..
ﺟﻴﺮﻣﻲ : ﺣﺴﻨﺎ .. ﺍﻧﺘﻈﺮ ﺭﺅﻳﺔ ﻧﺘﺎﺋﺞ ..
ﺍﻟﻔﺮﻋﻮﻥ : ﺳﺘﺮﻯ ...
***
ﻓﻲ ﻳﻮﻡ ..
ﻛﺎﻥ ﺍﻟﺤﺴﻦ ﻣﺘﻜﻲ ﻉ ﻛﺮﺳﻴﻪ ﻓﻲ ﺍﻟﻤﻜﺘﺐ ﻭﺷﺒﻪ ﻏﺎﻓﻲ ...
ﺧﺶ ﻋﻠﻴﻪ ﺍﺣﻤﺪ ﺑﻘﻮﺓ ...
ﺍﻟﺤﺴﻦ ﻧﺎﺽ ﻣﺨﻠﻮﻉ ...
ﺍﺣﻤﺪ : ﺳﺮﻣﺪ ﺧﻄﻒ ﺑﻨﺖ ﻋﻤﻚ ..
ﺍﻟﺤﺴﻦ : ﺭﻳﺤﺎﻧﻪ ... ﻧﺎﺽ ﻣﻦ ﻣﻜﺎﻧﻪ ﺑﺴﺮﻋﻪ ...
ﺍﺣﻤﺪ ﻭﺭﺍﻩ : ﺍﺧﺘﻔﺖ ﺍﻟﺒﻨﺖ ﻣﻦ ﻗﺪﺍﻡ ﺍﻟﻤﺪﺭﺳﻪ ﻃﺒﻮﻫﺎ ﻭﺭﻓﻌﻮﻫﺎ ﻓﻲ ﺳﻴﺎﺭﻩ ﻣﻈﻠﻤﻪ ... ﻣﺒﺎﺷﺮﺓ ﺳﺮﻣﺪ ﺑﻌﺖ ﻓﻴﺪﻳﻮ ﻷﻧﻌﺎﻡ ﻓﻴﻪ ﺭﻳﺤﺎﻧﻪ ﻣﻜﺘﻔﻪ ﻭﺗﺒﻜﻲ ...
ﺍﻟﺤﺴﻦ : ﻋﻨﺪﻙ ﺍﻟﻔﻴﺪﻳﻮ ...
ﺍﺣﻤﺪ ﺣﻄﻠﻪ ﻋﻠﻴﻪ ﻭﻣﺪﻫﻮﻟﻪ .. ﺍﻟﺤﺴﻦ ﺷﺎﻓﻪ
ﻣﺤﺘﻮﻯ ﺍﻟﻔﻴﺪﻳﻮ ﺭﻳﺤﺎﻥ ﻣﻜﺘﻔﻪ ﻭﺗﺒﻜﻲ .. ﻭﺳﺮﻣﺪ ﻃﻠﻊ ﻓﻲ ﺍﺧﺮ ﺍﻟﻔﻴﺪﻳﻮ .. ﻭﻗﺎﻝ ..
( ﺣﺘﺎﺧﺪﻭﻫﺎ ﺑﺸﺮﻭﻃﻲ ﻳﺎﺃﻓﻨﺪﻳﻪ ... ﻭﺗﻌﺮﻓﻮﻧﻲ ﻣﺎﻋﻨﺪﻳﺶ ﻣﺸﻜﻠﻪ ﻧﺨﻠﻴﻬﺎ ﻓﻲ ﻋﺪﺍﺩ ﺍﻟﻤﻮﺗﻲ ... ﺗﺸﺎﻭﻭﻭ ) ﻭﺗﻢ ﺍﻟﻔﻴﺪﻳﻮ .. ﺍﻟﺤﺴﻦ ﻣﺪ ﺍﻟﺘﻠﻴﻔﻮﻥ ﻷﺣﻤﺪ ﻭﺗﻮﺟﻬﻮﺍ ﻟﺴﺠﻦ ﺍﺑﻮﺳﻠﻴﻢ ...
...
ﺣﺎﻭﻝ ﺗﺬﻛﺮ ﻳﺎﻣﻨﺬﺭ ...
ﻣﻨﺬﺭ : ﻭﺍﻟﻠﻪ ﻣﺎﻋﻨﺪﻱ ﺍﻛﺜﺮ ﻣﻦ ﺍﻟﻠﻲ ﻧﻌﺮﻓﻪ ﺻﺪﻗﻨﻲ ..
ﺍﻟﺤﺴﻦ : ﺍﻟﺨﺴﻴﺲ ﻫﺬﺍ ﺧﺎﻃﻒ ﺑﻨﺖ ﺧﻮﻩ ﻭﻳﻬﺪﺩ ﺍﻧﻪ ﺣﻴﻘﺘﻠﻬﺎ ﻟﻮ ﻣﺎﻧﻔﺬﻧﺎﺵ ﺷﺮﻭﻃﻪ ...
ﻣﻨﺬﺭ ﺑﺼﺪﻣﻪ : ﺭﻳﺤﺎﻧﻪ !!!
ﺍﻟﺤﺴﻦ ﺍﺳﺘﻐﺮﺏ ...
ﻣﻨﺬﺭ ﺑﺮﺑﻜﻪ : ﺍﺣﻤﻢ ﻧﻌﺮﻑ ﻋﻴﻠﺘﻜﻢ ﺑﺎﻟﻜﺎﻣﻞ .. ﺑﺲ ﻫﺬﺍ ﺷﺮﻃﻪ ﺍﻟﻮﺣﻴﺪ ﺍﻧﻜﻢ ﺗﺨﻠﻮﻩ ﻳﻬﺮﺏ ﺑﺮﺍ ﺍﻟﺒﻼﺩ ...
ﺍﻟﺤﺴﻦ ﻧﺎﺽ : ﻋﺸﻢ ﺍﺑﻠﻴﺲ .. ﻭﻃﻠﻊ ..
ﻣﻨﺬﺭ : ﻋﺪﻳﻢ ﺿﻤﻴﺮ ﻛﻴﻒ ﻳﺨﻄﻒ ﺑﻨﺖ ﺧﻮﻩ " ﻧﺴﻲ ﺭﻭﺣﻪ ﺷﻦ ﺩﺍﺭ "😒
***
ﺷﻨﻮ ﻉ ﺭﻳﺤﻪ ﻣﺎﺗﺒﻴﺶ ﺗﺎﻛﻠﻲ .
ﺭﻳﺤﺎﻧﻪ ﺗﺸﺒﺤﻠﻪ ﺑﺤﻘﺪ ﻭﻣﺎﺗﺒﻴﺶ ﺗﻜﻠﻤﻪ ..
ﺳﺮﻣﺪ : ﺍﻭ ﺣﺒﻴﺒﺔ ﻋﻤﻮ ﻋﻴﺐ ﻣﺎﺗﺸﺒﺤﻴﺶ ﻟﻌﻤﻮ ﻫﻜﻲ ﻗﻠﺔ ﺃﺩﺏ ﻫﺎﺩﻱ ..
ﺭﻳﺤﺎﻧﻪ ﺑﻐﻞ : ﻧﻜﺮﻫﻚ ﻭﻣﺎﺷﺮﻓﻨﻴﺶ ﺃﻧﺖ ﺗﻜﻮﻥ ﻋﻤﻲ ...
ﺳﺮﻣﺪ ﻧﺎﺽ ﻭﻗﻒ ﺷﺪﻫﺎ ﻣﻦ ﺷﻌﺮﻫﺎ : ﺧﻴﻄﻲ ﻓﻤﻚ ﻳﺎﺑﻨﺖ ﺍﻟﻜﻠﺐ ...
ﺭﻳﺤﺎﻧﻪ ﺩﻣﻌﺘﻬﺎ ﻧﺰﻟﺖ .. ﻭﻋﻀﺖ ﻉ ﺷﺎﺭﺑﻬﺎ ﻣﻦ ﻭﺟﻌﻬﺎ ﻟﻤﺎ ﺭﻳﺶ ﺷﻌﺮﻫﺎ ...
ﻃﻠﻘﻬﺎ ﻭﻃﻠﻊ ﻣﻦ ﺑﺤﺪﺍﻫﺎ ...
***
ﺍﻟﺤﺴﻦ ﻗﺮﻳﺐ ﻳﻬﺒﻞ ﻭﻣﺶ ﻋﺎﺭﻑ ﻛﻴﻒ ﻳﺪﻳﺮ ... ﻟﻸﺳﻒ ﻣﺎﻭﺻﻠﻮﺍ ﻟﺸﻲ ... ﻭﻻﺃﻱ ﺷﻲ ..
....
ﺍﻧﻌﺎﻡ ﺑﺒﻜﻲ : ﺍﻟﻠﻪ ﻻﻳﺴﺎﻣﺤﻪ ...
ﺑﺮﻧﻴﻪ ﺑﺒﻜﻲ : ﻳﺎﺭﻳﺘﻨﻲ ﻣﺎﺭﻳﺘﻪ ﺭﻳﺘﻨﻲ ﻧﻬﺎﺭ ﺟﺒﺘﻪ ﻗﻌﻤﺰﺕ ﻋﻠﻴﻪ .. ﺍﻟﻠﻪ ﻳﻘﻄﻌﻪ ..
ﻋﻠﻴﺎ : ﻣﻌﻘﻮﻟﻪ ﻋﺪﻳﻢ ﺿﻤﻴﺮ ﻟﻬﺎﻟﺪﺭﺟﻪ ﻣﻌﻘﻮﻟﻪ ﻛﻨﺎ ﻣﺨﺪﻭﻋﻴﻦ ﻓﻴﻪ ﻫﻜﻲ ...
ﺍﻧﻌﺎﻡ : ﺍﻧﺘﻲ ﺗﻘﻮﻟﻲ ﻫﻜﻲ ﻣﺎﻻ ﺣﻨﻲ ﺍﻟﻠﻲ ﺳﻨﻴﻦ ﻭﺳﻨﻴﻦ ﺷﻨﻲ
ﺑﺮﻧﻴﻪ ﻧﺎﺿﺖ ﻣﻦ ﺣﺪﺍﻫﻢ ..
ﻋﻠﻴﺎ ﺑﺄﺳﻒ : ﻭﺍﺟﻌﺘﻨﻲ ﻫﻠﺒﻪ .
ﺍﻧﻌﺎﻡ : ﺍﻧﺼﺪﻣﺖ ﻓﻲ ﺷﺮﻳﻚ ﻋﻤﺮﻫﺎ ﻭﻓﻲ ﺃﻭﻻﺩ ﺑﻄﻨﻬﺎ
ﻋﻠﻴﺎ : ﺭﺑﻲ ﻳﺮﺑﻂ ﻉ ﻗﻠﺒﻬﺎ ..
***
ﻣﻘﻌﻤﺰﻳﻦ ﺑﻌﺠﺰ ﻭﺣﻴﺮﻩ ﻣﺶ ﻋﺎﺭﻓﻴﻦ ﺷﻦ ﻳﺪﻳﺮﻭﺍ ... ﻟﻌﻨﺪ ﺧﺶ ﻋﻠﻴﻬﻢ ﺍﻟﻌﻤﻴﺪ ﻋﺎﺩﻝ : ﻳﺎﺷﺒﺎﺏ ﻭﺻﻠﺘﻨﺎ ﻣﻌﻠﻮﻣﻪ ﻋﻦ ﻣﻜﺎﻧﻪ ...
ﺧﺶ ﺳﻬﻴﻞ : ﺩﺭﺕ ﺑﺤﺚ ﻭﻋﺮﻓﺖ ﻭﻳﻦ ﺑﺎﻟﺰﺑﻂ ..
ﺍﻟﺤﺴﻦ : ﻫﻴﺎ ﺑﺴﺮﻋﻪ ... ﻃﻠﻊ ﺳﻬﻴﻞ ﻭﻃﻠﻌﻮﺍ ﻣﻌﺎﻩ ﺍﻟﺤﺴﻦ ﻭﺃﺣﻤﺪ ...
ﺍﻟﻌﻤﻴﺪ ﻋﺎﺩﻝ ﻣﺸﻲ ﻭﺭﺍﻫﻢ ﻻﻗﻰ ﺳﺎﻣﺮ ..
ﻋﺎﺩﻝ : ﺳﺎﻣﺮ ﺧﻠﻮﺍ ﺍﻟﻮﺣﺪﺍﺕ ﺟﺎﻫﺰﺓ ..
ﺳﺎﻣﺮ : ﺗﻢ ﻳﺎﻓﻨﺪﻱ ...
***
ﺳﺮﻣﺪ ﻳﺘﻜﻠﻢ ﺑﺎﻟﺘﻠﻴﻔﻮﻥ : ﺧﻠﻴﻚ ﻣﺴﺘﻌﺪ ﻷﻱ ﻃﺎﺭﺉ .. ﻭﺻﻜﺮ ..
ﺳﺮﻣﺪ ﻛﺎﻥ ﻣﺎﺷﻲ ﺟﺎﻱ ﻭﻳﺴﺘﻨﻰ ﻓﻲ ﺍﺗﺼﺎﻟﻬﻢ ...
ﻭﺭﻳﺤﺎﻧﻪ ﺩﺍﺧﻞ ﺑﺘﻤﻮﺕ ﻣﻦ ﺍﻟﺨﻮﻑ ".. ﻳﺎﺍﺍﺭﺏ ﻣﺎﻟﻴﺶ ﻏﻴﺮﻙ ..."
....
ﺍﺣﻤﺪ : ﻫﺎﺩﻱ ﻣﻨﻄﻘﻪ ..******
ﺳﻬﻴﻞ : ﻣﺎﺩﻭﺭﺗﻮﺵ ﻓﻴﻬﺎ ﻗﺒﻞ ....
ﺍﺣﻤﺪ : ﺩﻭﺭﻧﺎ ...
ﺍﻟﺤﺴﻦ : ﻳﻐﻴﺮ ﻓﻲ ﻣﻜﺎﻧﻪ ﺑﺸﻜﻞ ﻣﺴﺘﻤﺮ
ﺍﺣﻤﺪ : ﺻﺢ ...
ﺍﻟﺤﺴﻦ ﻭﻗﻒ : ﺍﻧﺰﻟﻮﺍ .. ﺑﺪﻭﻥ ﺻﻮﺕ ...
ﻧﺰﻟﻮﺍ ﺍﻟﺜﻼﺗﻪ ... ﻭﺳﻜﺮﻭﺍ ﺍﻟﺒﺎﺏ ﺑﺎﻟﺸﻮﻳﻪ ..
ﺍﻟﺤﺴﻦ : ﺧﻞ ﻧﺘﻮﺯﻋﻮﺍ ...
ﺍﻟﺰﻭﺯ : ﺗﻤﺎﻡ ... ﻭﻛﻞ ﻭﺍﺣﺪ ﻓﻴﻬﻢ ﻓﻴﺪﻩ ﺳﻼﺣﻪ ﻭﻣﺸﻲ ﻣﻦ ﺟﻬﻪ ..
***
ﺳﺮﻣﺪ ﻛﺎﻥ ﻓﺎﺗﺢ ﺍﻟﻼﺏ ﺗﻮﺏ ﻭﻳﻜﺘﺐ ... ﻭﻣﺮﺓ ﻣﺮﺓ ﻳﺸﻮﻑ ﺍﻟﺘﻠﻴﻔﻮﻥ
ﺳﺮﻣﺪ ﺣﺎﺱ ﺑﺘﻮﺗﺮ ﺷﺪﻳﺪ .. ﺑﺪﻱ ﻳﺤﺲ ﺍﻧﻪ ﺧﻼﺹ ﺍﻧﺘﻬﻰ ﺑﺲ ﻣﺎﺯﺍﻝ ﻳﻜﺎﺑﺮ ... ﺍﻫﻢ ﺷﻲ ﻋﻨﺪﻩ ﻟﻠﺴﺠﻦ ﻣﺎﻳﺨﺸﺶ ..
***
ﻭﺻﻞ ﺳﻬﻴﻞ ﻟﻤﺒﻨﻰ ﻣﻦ ﺩﻭﺭ ﻭﺍﺣﺪ ... ﻗﻌﺪ ﻳﻠﻒ ﻋﻠﻴﻪ ﺑﺒﻂﺀ ﻟﻴﻦ ﺟﻲ ﺑﺤﺪﺍ ﺭﻭﺷﻦ ... ﻧﺰﻝ ﺗﺤﺘﻪ ﺑﻌﺪﻳﻦ ﻗﻌﺪ ﻳﻘﻴﻢ ﻓﻲ ﺭﺍﺳﻪ ﺑﺤﺬﺭ .. ﺷﺎﻑ ﺭﻳﺤﺎﻧﻪ ﻣﺮﺑﻮﻃﻪ ﻉ ﻛﺮﺳﻲ ... ﺍﺿﺎﻳﻖ ﻉ ﺍﻵﺧﺮ ... ﻧﺰﻝ ﺗﺤﺖ ﻭﻗﻌﺪ ﻳﻤﺸﻲ ... ﺷﺎﻑ ﻛﻠﺐ ﻭﺍﻟﻜﻠﺐ ﺷﺎﻓﻪ ﺑﺪﻱ ﻳﻨﺒﺢ .. ﻣﺎﺣﺴﺒﻮﺵ ﺣﺴﺎﺏ ﻟﺤﺎﺟﻪ ﺯﻱ ﻫﺎﺩﻱ ..
ﺳﺮﻣﺪ ﺳﻤﻊ ﺻﻮﺕ ﺍﻟﻜﻠﺐ ﺍﺑﺘﺴﻢ ﺗﻬﻜﻤﺎ : ﺍﻣﻤﻤﻢ .... ﻣﺘﻄﻔﻠﻴﻦ ...
ﻧﺎﺽ ﻭﻣﺸﻲ ... ﻟﺮﻳﺤﺎﻧﻪ ... ﻓﺘﺢ ﺍﻟﺒﺎﺏ .. ﻭﻗﻌﺪ ﻳﺸﺒﺤﻠﻬﺎ ﻭﻫﻲ ﺗﺸﺒﺤﻠﻪ ...
ﺳﺮﻣﺪ ﻣﻴﻞ ﺭﺍﺳﻪ ﻭﻫﻮ ﻳﺸﻮﻓﻠﻬﺎ : ﻋﻼﺵ ﻳﺎﺭﻳﺤﺎﻧﺘﻲ ﺧﻨﺘﻲ ﻋﻤﻮ ﺍﻟﻠﻲ ﻳﺤﺒﻚ .. ﺗﻌﺮﻓﻲ ﻟﻤﺎ ﻋﺮﻓﺖ ﺍﻧﻚ ﺍﻧﺘﻲ ﺍﻟﻠﻲ ﻃﻠﻌﺘﻲ ﺳﺮﻱ .
ﺍﻧﻮﺟﻌﺖ ﻫﻠﻠﻠﻠﺒﻪ ﻭﻣﺎﺻﺪﻗﺘﺶ ﻉ ﺭﻳﺤﻪ ﺍﺩﻳﺮ ﻫﻜﻲ ﻓﻌﻤﻬﺎ ...
ﺭﻳﺤﺎﻧﻪ ﺗﺸﺒﺤﻠﻪ ﺑﻨﻔﺲ ﻧﻈﺮﺓ ﺍﻟﺤﻘﺪ ..
ﺳﺮﻣﺪ : ﺷﻜﻠﻚ ﻣﺶ ﺣﺎﺳﻪ ﻗﺪﺍﺵ ﺍﻧﻲ ﺍﻧﻮﺟﻌﺖ ﻣﻦ ﺧﻴﺎﻧﺘﻚ .. ﻗﺎﻡ ﺍﻟﻤﺴﺪﺱ ﻭﻗﻌﺪ ﻳﺸﻮﻓﻠﻬﺎ ... ﻭﺭﻳﺤﺎﻧﻪ ﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ ﻭﻗﻌﺪﺕ ﺗﺮﻋﺶ ...
ﺿﺮﺑﻬﺎ ﺑﺮﺻﺎﺻﻪ ﻓﻲ ﺭﺟﻠﻬﺎ ... ﻭﻃﻠﻊ ﺑﺴﺮﻋﻪ ..
ﻭﺭﻳﺤﺎﻧﻪ ﻗﻌﺪﺕ ﺗﻌﻴﻂ ﻉ ﻃﻮﻝ ﺭﻗﺒﺘﻬﺎ ... ﺳﻬﻴﻞ ﺳﻤﻊ ﺻﻮﺕ ﺍﻟﻄﻠﻘﻪ ﺑﻌﺪﻳﻦ ﻋﻴﺎﻃﻬﺎ ... ﻭﻻ ﺑﺴﺮﻋﻪ ﺟﻬﺔ ﺍﻟﺮﻭﺷﻦ ﻭﻣﺶ ﻣﺪﻭﺭ ﺷﻲ ﻛﺴﺮﻩ ﻭﻧﻘﺰﻟﻬﺎ ﺑﺮﻏﻢ ﺍﻧﻪ ﺍﻧﺠﺮﺡ ﺑﺲ ﻣﺎﺍﻫﺘﻤﺶ .. ﺷﺪﻫﺎ ﻭﻫﻲ ﺗﺒﻜﻲ ﻭﺗﻌﻴﻂ ﻭﻳﻔﻚ ﻓﻲ ﺍﻟﺤﺒﻞ .. ﺟﻮ ﺍﺣﻤﺪ ﻭﺍﻟﺤﺴﻦ ...
ﺳﻬﻴﻞ ﺑﻌﺼﺒﻴﻪ ﻣﻤﺰﻭﺟﻪ ﺑﺎﻟﺨﻮﻑ : ﺟﻴﺒﻮﺍ ﺍﻟﺴﻴﺎﺭﺓ ﻫﻴﺎﺍﺍﺍ ..
ﺍﺣﻤﺪ ﺷﺒﺢ ﻟﻠﺤﺴﻦ ﻭﺍﻟﺤﺴﻦ ﺷﺒﺤﻠﻪ ... ﻭﻣﺸﻲ ﻳﺠﺮﻱ ﻃﻮﻝ ﻟﻠﺴﻴﺎﺭﻩ ..
ﺍﻟﺤﺴﻦ ﻧﻘﺰ ﻣﻦ ﺍﻟﺮﻭﺷﻦ : ﻭﻳﻨﻪ ....
ﺭﻳﺤﺎﻧﻪ ﺗﺘﻜﻠﻢ ﺑﺼﻌﻮﺑﻪ : ﻫﺮﺏ ... ﻣﻦ ﻏﺎﺩﻱ ﻭﺍﺷﺮﺗﻠﻪ ﺑﻴﺪﻫﺎ ﺍﻟﻠﻲ ﺗﺮﻋﺶ ..
ﺍﻟﺤﺴﻦ : ﺳﻬﻴﻞ ﺭﻳﺤﺎﻧﻪ ﻓﻲ ﺃﻣﺎﻧﺘﻚ ... ﻭﻃﻠﻊ ﻳﺠﺮﻱ ... ﺍﻟﻤﺒﻨﻲ ﺑﺮﻏﻢ ﺍﻧﻪ ﺩﻭﺭ ﻭﺍﺣﺪ ﺑﺲ ﻛﺎﻥ ﻛﺒﻴﺮ .. ﺍﻟﺤﺴﻦ ﻭﻓﻴﺪﻩ ﺳﻼﺣﻪ ﻳﻤﺸﻲ ... ﻭﻳﺪﻭﺭ ﻭﻳﺸﻮﻑ ﻓﻲ ﺍﻟﻤﻜﺎﻥ ﻛﻮﻳﺲ ..
ﻗﻌﺪ ﻳﻤﺸﻲ .. ﻟﻴﻦ ﺳﻤﻊ ﺻﻮﺕ ﺃﻏﻨﻴﻪ ﻛﻞ ﻣﺎﻳﻘﺮﺏ ﻳﺰﻳﺪ ﻳﻮﺿﺢ ..
ﻛﺎﻧﺖ ﺃﻏﻨﻴﺔ " ﻣﺎﻓﻴﺎ ..."
ﺍﺫﻛﺮ ﺍﻟﺤﺴﻦ ﻛﻴﻒ ﻓﻌﺮﺳﻪ ﻫﻮ ﻭﺧﻮﻩ ﻏﻨﻰ ﻭﺭﻗﺺ ﻋﻠﻴﻬﺎ ... ﻓﻬﻢ ﻭﻗﺘﻬﺎ ﺍﻥ ﺳﺮﻣﺪ ﺗﻤﺴﺨﺮ ﺑﺎﻷﻏﻨﻴﻪ ﻋﻠﻴﻪ ﻭﻉ ﺯﻣﻼﺋﻪ ﺍﻟﻀﺒﺎﻁ ﺍﻟﻠﻲ ﻛﺎﻧﻮﺍ ﺣﺎﺿﺮﻳﻦ ﻭﻗﺘﻬﺎ ...
ﺍﻟﺤﺴﻦ ﺑﺼﻮﺕ ﻋﺎﻟﻲ : ﻛﻮﻭﻭﻭﻭﻭﻭﺑﺮﺍ ...
ﺳﺮﻣﺪ ﻣﻦ ﺟﻬﺔ ﺗﺎﻧﻴﻪ : ﻭﻭﻭﻭﻭﻟﺪ ﺧﻮﻭﻭﻭﻭﻭﻭﻱ ... ﺍﻫﻼ ﻭﺳﻬﻼ .. ﻟﻴﻚ ﻭﺣﺸﺸﻪ ﻳﺎﺍﺍﺍﺍﻭﺣﺸﺸﺶ ..
ﺍﻟﺤﺴﻦ ﻗﻌﺪ ﻳﺘﺒﻊ ﻓﻲ ﺍﻟﺼﻮﺕ ﻭﻟﻤﺎ ﻟﻤﺢ ﻃﺮﻑ ﺍﻟﺸﺎﻝ ﻣﺘﺎﻋﻪ ﻭﻫﻮ ﻭﺍﻗﻒ ﺑﺮﺍ .. ﻗﻌﺪ ﻳﻤﺸﻲ ﺑﺎﻟﺸﻮﻳﻪ ﻭﻫﻮ ﻳﺸﺒﺢ ﻟﻼﺑﺘﻮﺏ ﺍﻟﻤﻔﺘﻮﺣﻪ ﻓﻴﻪ ﺍﻷﻏﻨﻴﻪ ..
ﺳﺮﻣﺪ ﻣﻦ ﺑﺮﺍ ﺣﺲ ﺑﻴﻪ ﺧﺶ : ﺻﻌﺒﺒﺒﻪ ﻋﻠﻴﻴﻴﻚ ... ﻭﻃﻠﻊ ﻳﺠﺮﻱ .. ﻭﺍﻟﺤﺴﻦ ﻃﻠﻊ ﻭﺭﺍﻩ ... ﻗﻌﺪﻭﺍ ﻳﺠﺮﻭﺍ ﻭﺭﺍ ﺑﻌﺾ ..
ﺍﻟﺤﺴﻦ : ﺍﻧﺖ ﺍﻧﺘﻬﻴﺖ .. ﺧﻼﺹ .. ﺍﻟﻬﺮﻭﺏ ﻣﺶ ﺣﻴﻨﻔﻌﻚ ﻓﻲ ﺷﻲ .. ﺣﺘﻌﻴﺶ ﻃﻮﻝ ﻋﻤﺮﻙ ﻫﺎﺭﺏ ...
ﺳﺮﻣﺪ ﻭﻫﻮ ﻳﺠﺮﻱ : ﺧﻴﺮ .. ﻣﺎﻧﻌﻴﺸﻪ ﻓﻲ ﺍﻟﺴﺠﻦ ..
ﺍﻟﺤﺴﻦ : ﻫﻜﻲ ﻭﻻ ﻫﻜﻲ ... ﺣﺘﻌﻴﺶ ﻣﺴﺠﻮﻥ .. ﻓﻲ ﺍﻟﺤﺒﺲ .. ﻭﻻﻓﺎﻟﺨﻮﻑ ..
ﺳﺮﻣﺪ ﺳﻜﺖ ﻭﻛﻤﻞ ﺟﺮﻱ ﻭﺍﻟﺤﺴﻦ ﻭﺭﺍﻩ .. ﻛﺎﻥ ﻓﻲ ﻗﺪﺍﻡ ﺳﺮﻣﺪ ﺑﺮﻣﻴﻞ ﻛﺒﻴﺮ ﻭﺻﻞ ﻓﻴﻪ ﺟﺒﺪﻩ ﻭﻃﻴﺤﻪ ﻭﻛﻤﻞ ﺟﺮﻱ ﻭﺍﻟﺤﺴﻦ ﺷﺪ ﻧﻔﺴﻪ ﻭﻭﻗﻒ ... ﻳﺸﺒﺢ ﻓﻴﻪ ﻛﻴﻒ ﻳﺠﺮﻱ ﺿﺮﺏ ﺭﺻﺎﺹ ﻓﻲ ﺍﻟﻬﻮﺍ ... ﻭﻛﻤﻞ ﺟﺮﻱ ﻣﻦ ﺟﻬﺔ ﺗﺎﻧﻴﻪ ... ﻟﻮﻧﺸﻮﻓﻮﺍ ﺍﻟﻤﺸﻬﺪ ﻣﻦ ﻓﻮﻕ .. ﺣﻴﺒﺎﻥ ﺳﺮﻣﺪ ﻳﺠﺮﻱ ﻓﻲ ﺟﻬﻪ ﻓﻴﻬﺎ ﺷﺠﺮ ﻭﻛﺎﻥ ﻳﺪﺭﻕ ﺑﻴﻨﺎﺗﻬﻢ ... ﻭﺍﻟﺤﺴﻦ ﻳﺠﺮﻱ ﻓﻲ ﻃﺮﻳﻖ ﻣﻜﺮﺳﻨﻪ ... ﻳﺸﺒﺤﻮﺍ ﻟﺒﻌﺾ ...
ﻭﻳﺠﺮﻭﺍ .. ﺳﺮﻣﺪ ﻳﻀﺮﺏ ﻓﻲ ﺍﻟﻨﺎﺭ ﻉ ﺍﻟﺤﺴﻦ ﻭﺍﻟﺤﺴﻦ ﻛﺎﻥ ﻳﺘﻔﺎﺩﻯ ... ﻟﻜﻦ ﺍﻟﺤﺴﻦ ﻣﺎﻗﺪﺭﺵ ﻳﻀﺮﺏ ﻋﻠﻴﻪ ...
ﺗﻢ ﺍﻟﺮﺻﺎﺹ ﻋﻨﺪ ﺳﺮﻣﺪ ﻟﻮﺡ ﺍﻟﻤﺴﺪﺱ .. ﺷﺎﻑ ﺟﻴﻬﺔ ﺍﻟﺤﺴﻦ .. ﻟﻘﺎﻩ ﺣﻴﻮﺻﻞ ﻓﻴﻪ ﻭﺣﻴﺘﻼﻗﻮﺍ ﻓﻲ ﻧﻘﻄﻪ ﻣﻌﻴﻨﻪ ...
ﺳﺮﻣﺪ ﺑﺄﺳﺘﻔﺰﺍﺯ : ﻣﺎﺗﻘﺪﺭﺵ ﺗﻀﺮﺏ ﻋﻠﻴﺎ ... ﻣﺎﺗﺒﻴﺶ ﺗﻘﺘﻞ ﻋﻤﻚ ... ﺑﺮﻏﻢ ﺍﻧﻲ ﻛﻨﺘﻲ ﻧﺒﻲ ﻧﻘﺘﻠﻚ ..
ﺍﻟﺤﺴﻦ " ﻟﻮ ﻛﻨﺖ ﺗﺒﻲ ﺗﻘﺘﻠﻨﻲ ﺭﻩ ﺩﺭﺗﻬﺎ ﻣﻦ ﺯﻣﺎﻥ ..." ﺍﻟﺤﺴﻦ ﺗﺠﺎﻫﻞ ﺍﺳﺘﻔﺰﺍﺯﻩ ..
ﺳﺮﻣﺪ ﺑﺪﻱ ﺍﻟﺘﻨﻔﺲ ﻣﺘﺎﻋﻪ ﺻﻌﺐ ... ﺑﺲ ﻗﺎﻋﺪ ﻳﻘﺎﻭﻡ ﻭﺍﻟﺤﺴﻦ ﻻﺣﻆ ﻋﻠﻴﻪ ..
ﺍﻟﺤﺴﻦ : ﻣﺶ .. ﺣﺘﻘﺪﺭ ﺗﻜﻤﻞ ..
ﺳﺮﻣﺪ ﺷﺒﺤﻠﻪ ﻭﺍﺑﺘﺴﻢ ﺑﺘﻬﻜﻢ .. ﺍﻟﺰﻭﺯ ﺷﻤﻮﺍ ﺭﻳﺤﻪ ﻣﻤﻴﺰﻩ ... ﺭﻳﺤﺔ ﺍﻟﺒﺤﺮ ﺧﺸﻮﺍ ﻑ ﻣﻜﺎﻥ ﺍﺷﺒﻪ ﺑﺎﻟﻤﻴﻨﺎﺀ ... ﻗﺮﺑﻮﺍ ﻣﻦ ﺍﻟﺒﺤﺮ ....
ﺳﺮﻣﺪ ﺷﺒﺢ ﻟﻠﺤﺴﻦ ﻭﺍﺑﺘﺴﻢ ... ﻭﻉ ﻃﻮﻝ ﻣﺸﻲ ﻭﻧﻘﺰ ...
ﺍﻟﺤﺴﻦ ﻭﻗﻒ ﻭﻗﻌﺪ ﻳﺸﻮﻑ ﻓﻴﻪ ﻛﻴﻒ ﻳﻌﻮﻡ : ﻣﺎﻳﻘﺪﺭﺵ ﻳﺨﺶ ﺩﺍﺧﻞ ...
ﻗﻌﺪ ﺍﻟﺤﺴﻦ ﻳﻤﺸﻲ ﻭﻳﺸﻮﻓﻠﻪ ﻛﻴﻒ ﻳﻌﻮﻡ ﺣﺲ ﺍﻧﻪ ﻣﻌﺎﺵ ﻳﻘﺪﺭ ﻳﻜﻤﻞ ﻃﻠﻊ ﻉ ﺍﻟﺸﻂ ﻭﻛﻤﻞ ﺟﺮﻱ ...
ﺍﻟﺤﺴﻦ : ﺧﻼﺹ ... ﺳﺮﻣﺪ ﺍﺳﺘﺴﻠﻢ ... ﺗﻬﻠﻚ ﻓﻲ ﻧﻔﺴﻚ ﻋﻼﺵ ..
ﺳﺮﻣﺪ ﻭﻫﻮ ﻳﺘﻨﻔﺲ ﺑﺼﻌﻮﺑﻪ : ﻧﻬﻠﻚ ... ﻭﻻ ﺗﻜﺴﺮﻭﻟﻲ ﺧﺸﻤﻲ ...
ﺍﻟﺤﺴﻦ ﻗﻠﺒﻪ ﻣﺶ ﻣﻄﺎﻭﻋﻪ ﻣﺶ ﻗﺎﺩﺭ ﻳﻔﺮﻁ ﻓﻴﻪ ﺍﺫﻛﺮ ﺍﻳﺎﻡ ﺑﻌﻴﺪﻩ ﻗﺒﻞ 26 ﺳﻨﻪ ﻓﺎﺗﺖ .
ﻓﻼﺵ ﺑﺎﻙ ..
ﺳﺮﻣﺪ : ﺣﺴﻮﻧﻪ ﺣﺴﻮﻧﻪ ..
ﺍﻟﺤﺴﻦ ﻳﻜﺘﺐ ﻓﻲ ﺍﻟﻮﺍﺟﺐ : ﺧﻴﺮﻙ .. ﻳﺎﺳﺮﻣﺪ ﺷﻦ ﺗﺒﻲ ..
ﺳﺮﻣﺪ : ﻫﻴﺎ ﻧﻠﻌﺒﻮﺍ ..
ﺍﻟﺤﺴﻦ : ﻛﻤﻠﺖ ﻭﺍﺟﺒﻚ ..
ﺳﺮﻣﺪ : ﻛﻠﻪ ... ﺗﺒﻲ ﻧﻮﺭﻳﻬﻮﻟﻚ ..
ﺍﻟﺤﺴﻦ : ﺑﺎﻩ .. ﻗﻮﻟﻲ ﺷﻦ ﻧﻠﻌﺒﻮﺍ ..
ﺳﺮﻣﺪ : ﺍﻟﻠﻌﺒﻪ ﻫﺪﻳﻜﺎ ﻣﺘﺎﻉ ﺍﻟﻤﻄﺎﺭﺩﺓ .. ﺍﻧﺖ ﺷﺮﻃﻲ ﻭﺍﻧﻲ ﺭﺋﻴﺲ ﺍﻟﻌﺼﺎﺑﻪ ..
ﺍﻟﺤﺴﻦ : ﺩﻳﻤﺎ ﺍﻧﺖ ﺭﺋﻴﺲ ﻋﺼﺎﺑﻪ .. ﺧﻠﻴﻚ ﺗﻮﺍ ﺷﺮﻃﻲ ..
ﺳﺮﻣﺪ ﺑﻀﺤﻜﻪ : ﺭﺋﻴﺲ ﺍﻟﻌﺼﺎﺑﻪ ﺍﺣﺴﻦ ...
ﺍﻟﺤﺴﻦ : ﺍﺣﺴﻦ ﻣﻦ ﺍﻟﺸﺮﻃﻲ ..
ﺳﺮﻣﺪ : ﻫﻬﻬﻪ ﺍﻳﻪ .. ﻫﻴﺎ ﻧﻮﺽ ﻧﻠﻌﺒﻮﺍ ..
ﺍﻟﺤﺴﻦ ﻧﺎﺽ ﻭﺳﺎﻳﺮﻩ .. ﻭﻗﺘﻬﺎ ﻛﺎﻥ ﻋﻤﺮ ﺍﻟﺤﺴﻦ 12 ﺳﻨﻪ ﻭﺳﺮﻣﺪ 7 ﺳﻨﻴﻦ ...
ﺍﻟﻮﻗﺖ ﺍﻟﺤﺎﺿﺮ ..
ﺿﻌﻒ ﺍﻟﺤﺴﻦ ﻭﻗﺘﻬﺎ ﺧﻼﻩ ﻳﻔﻠﺖ ﺳﺮﻣﺪ ﺍﻟﻠﻲ ﺟﺎﺗﻪ ﺳﻴﺎﺭﻩ ﺭﻛﺐ ﻓﻴﻬﺎ ﻭﻃﺎﺭﺕ ﺗﺠﺮﻱ ..
ﺍﻟﺤﺴﻦ ﺑﻐﻀﺐ ﺷﺪﻳﺪ ﺿﺮﺏ ﻉ ﺻﺪﺭﻩ ﻓﻲ ﺟﻬﺔ ﻗﻠﺒﻪ ﺑﻘﻮﺓ ﻭﻋﻴﻂ ﺑﺼﻮﺕ ﻋﺎﻟﻲ ﻣﻦ ﺍﻟﻐﻴﻆ : ﻫﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻉ ...
***
ﺭﻳﺤﺎﻧﻪ ﻃﻠﻌﻮﺍ ﺍﻟﺮﺻﺎﺻﻪ ﺍﻟﻠﻲ ﻛﺎﻧﺖ ﻓﻲ ﺭﺟﻠﻬﺎ ... ﻭﺣﺎﻟﻬﺎ ﺍﺣﺴﻦ ..
ﺑﺲ ﻓﻌﻞ ﺳﺮﻣﺪ ﻫﺬﺍ ﺧﻼ ﺍﻟﻜﻞ ﻳﻤﺴﺤﻮﺍ ﺍﻟﺤﻠﻮ ﻟﺴﺮﻣﺪ ﻓﻲ ﻗﻠﻮﺑﻬﻢ ...
ﺍﻟﺤﺴﻦ ﻛﺎﻥ ﻣﻀﺎﻳﻖ ﻣﻦ ﻧﻔﺴﻪ ﻫﻠﺒﻪ ﺃﻭﻝ ﻣﺮﺓ ﻳﻀﻌﻒ ﻫﻜﻲ .. ﺍﻭﻝ ﻣﺮﺓ ﻳﺘﺴﺎﻫﻞ ﻣﻊ ﻣﺠﺮﻡ .. ﻳﺎﺑﺎﻝ ﻫﺎﻟﻤﺠﺮﻡ .. ﺯﻱ ﺳﺮﻣﺪ ﺩﺍﺭ ﻓﻀﺎﺋﻊ ﻛﺒﻴﺮﻩ .. ﻭﺍﺫﺍﻩ ﻫﻮ ﻧﻔﺴﻪ ﻣﻦ ﺟﻤﻴﻊ ﺍﻟﻨﻮﺍﺣﻲ ..
🍃 ﻣﺮﺕ ﺍﻷﻳﺎﻡ ﻭﺭﺟﻊ ﺳﺮﻣﺪ ﺍﺧﺘﻔﻲ ﻭﻣﻌﺎﺵ ﺍﻧﻌﺮﻓﻠﻪ ﻃﺮﻳﻖ ..
ﻭﺍﻟﺤﺴﻦ ﻛﺎﻥ ﻟﻤﺎ ﻳﺮﻭﺡ ﻟﻠﺤﻮﺵ ﻳﻘﻌﺪ ﻣﻨﻌﺰﻝ ﻣﺶ ﻃﺎﻳﻖ ﻳﺸﻮﻑ ﺣﺪ .. ﻭﻋﻠﻴﺎ ﻓﺎﻫﻤﻪ ﻋﻠﻴﻪ ﻭﻋﺎﺫﺭﺍﺗﻪ ﻭﻣﺎﺗﺒﻴﺶ ﺗﺰﻳﺪﻩ ﻋﻠﻰ ﻣﺎﺑﻴﻪ ... ﻣﻦ ﻳﺼﺒﺢ ﺍﻟﺼﺒﺢ ﻓﻲ ﺍﻟﻤﺮﻛﺰ ﻟﻌﻨﺪ ﻳﺮﻭﺡ ﺑﺲ ﻟﻸﺳﻒ ﺑﺪﻭﻥ ﻧﺘﻴﺠﻪ .. ﻟﻌﻨﺪ ﻳﻮﻡ ... ﺑﻌﺪ ﺗﻔﻜﻴﺮ ﻃﻮﻳﻞ ... ﺗﻮﺟﻪ ﻟﻤﻜﺎﻥ ﻣﺤﺪﺩ
....
ﺳﻤﻊ ﺍﻟﺒﺎﺏ ﻃﻖ ﺗﻮﺟﻬﻠﻪ .. ﻓﺘﺤﻪ ..
ﺍﻟﺤﺴﻦ : ﺍﻟﺴﻼﻡ ﻋﻠﻴﻜﻢ ..
ﺟﻌﻔﺮ : ﻭﻋﻠﻴﻜﻢ ﺍﻟﺴﻼﻡ ..
ﺍﻟﺤﺴﻦ : ﻧﺒﻲ ﻧﺎﺧﺪ ﻣﻦ ﻭﻗﺘﻚ ﺷﻮﻱ ..
ﺟﻌﻔﺮ : ﺷﻦ ﺗﻘﻮﻝ ﻳﺎﻭﻟﺪﻱ .. ﺗﻔﻀﻞ ﺗﻔﻀﻞ ...
ﺍﻟﺤﺴﻦ ﺍﺑﺘﺴﻢ ﻭﺧﺶ ..
***
ﻣﺶ ﺳﺎﻫﻞ ﺍﻟﻠﻲ ﻣﺮ ﺑﻴﻪ ﺣﺎﺳﺲ ﺑﺎﻟﻤﺴﺆﻭﻟﻴﻪ ﻋﻠﻴﻪ ﻫﻮ
ﻋﻠﻴﺎ : ﻋﺎﺭﻓﻪ ﺑﺲ ﻗﺎﻫﺮﻧﻲ ﺣﺎﻟﻪ .. ﻻﻋﺎﺩ ﻳﺎﻛﻞ .. ﻻﻳﺮﻗﺪ .. ﻻﻳﻀﺤﻚ .. ﺍﻧﻲ ﻧﻌﺮﻓﻪ ﻣﺎﻳﺤﺒﺶ ﻣﻦ ﻳﻀﻐﻂ ﻋﻠﻴﻪ ﻛﺬﺍ ﻣﺮﺓ ﺣﺎﻭﻟﺖ ﻧﻘﺮﺏ ﻣﻨﻪ ﻭﻫﻮ ﻓﺤﺎﻟﺘﻪ ﻫﺎﺩﻱ ﻃﻠﺒﻬﺎ ﻣﻨﻲ ﺻﺮﻳﺤﻪ " ﺧﻠﻴﻨﻲ ﺑﺮﻭﺣﻲ .."
ﻫﺎﻟﻪ : ﺣﺘﻰ ﺍﻧﻲ ﻣﺮﺍﺕ ﻳﻤﺮ ﺣﺴﺎﻥ ﺑﻤﺸﺎﻛﻞ ﻓﻲ ﺧﺪﻣﺘﻪ ﻭﻳﺒﻲ ﻳﻘﻌﺪ ﺑﺮﻭﺣﻪ ﻧﺨﻠﻴﻪ ﻟﻴﻦ ﻳﺮﻭﻕ .. ﻹﻧﻬﻢ ﻓﻲ ﺍﻟﺤﺎﻟﻪ ﻳﺨﺎﻓﻮﺍ ﻳﻌﺼﺒﻮﺍ ﻋﻠﻴﺎ ﻭﻳﺠﺮﺣﻮﻧﺎ ﻟﻬﺎﻟﺴﺒﺐ ﻳﺒﻌﺪﻭﺍ ﻓﻴﻨﺎ ﻋﻨﻬﻢ ..
ﻋﻠﻴﺎ ﺍﺑﺘﺴﻤﺖ : ﺻﺢ .. ﺷﻦ ﺟﻮﻙ ﻣﻊ ﻫﺪﺍﻳﻪ ..
ﻫﺎﻟﻪ : ﺿﺮﺗﻲ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻪ
ﻫﺎﻟﻪ ﺑﻀﺤﻜﻪ : ﻭﺍﻟﻠﻪ ﺣﻖ ﺧﻂ ﻋﻠﻴﺎ ﻣﺮﺓ ﻭﺣﺪﻩ ﺍﻟﺪﻟﻊ ﻛﻠﻪ ﻟﻴﻬﺎ ﻫﻴﺎ ..
ﻋﻠﻴﺎ ﺑﻀﺤﻜﻪ : ﻣﺎﻻ ﺍﻟﺤﻤﺪ ﻟﻠﻪ ﺍﻟﻠﻲ ﺣﺎﻣﻞ ﺑﻮﻟﺪ ..
***
🍁 ﻣﺮﻭﺍ ﺃﻳﺎﻡ .. ﻛﻞ ﺍﺗﻨﻴﻦ ﻋﺎﻳﺸﻴﻦ ﺣﺎﻟﻪ ..
ﺍﻟﺤﺴﻦ ﺍﻟﻠﻲ ﻗﺎﻋﺪ ﻓﻲ ﻋﺰﻟﺘﻪ ﻭﻋﻠﻴﺎ ﻛﻞ ﻟﻴﻠﻪ ﺗﻘﻌﺪ ﻗﺮﻳﺒﻪ ﻣﻨﻪ ﻭﺗﺸﻮﻓﻠﻪ ﺑﺄﻟﻢ ..
ﺭﻳﺎﺽ ﺍﻟﻠﻲ ﻣﺶ ﻗﺎﺩﺭ ﻳﺼﺒﺮ ﻭﻳﺒﻲ ﺧﻮﻟﻪ ﻣﻌﺎﻩ ﻓﺄﻗﺮﺏ ﻭﻗﺘﻪ ﺑﺲ ﻇﺮﻭﻑ ﺧﻮﻟﻪ ﻭﺍﺿﺤﻪ ﻭﺻﻌﺒﻪ ﻫﻠﺒﻪ ﻫﻲ ﻧﻔﺴﻬﺎ ﻇﺮﻭﻑ ﺍﻧﻌﺎﻡ ﺍﻟﻠﻲ ﻣﺎﻧﻌﻪ ﺍﺣﻤﺪ ﻳﺎﺧﺪ ﺧﻄﻮﺓ ﺭﺳﻤﻴﻪ ..
ﻫﻲ ﻧﻔﺴﻬﺎ ﻇﺮﻭﻑ ﺭﻳﺤﺎﻧﻪ ﺍﻟﻠﻲ ﻣﺨﻠﻴﺘﻬﺎ ﺗﺼﺪ ﺳﻬﻴﻞ ﺍﻟﻠﻲ ﻳﺤﺎﻭﻝ ﻳﺘﻘﺮﺑﻠﻬﺎ ﺑﻜﻞ ﺍﻟﻮﺳﺎﺋﻞ ﻭﺗﻘﻮﻝ ﻓﻲ ﻧﻔﺴﻬﺎ " ﻣﻦ ﺍﻟﻌﻴﻠﻪ ﺍﻟﻠﻲ ﺗﺮﺿﻰ ﺗﻜﻮﻥ ﻛﻨﺘﻬﺎ ﻣﻦ ﻋﻴﻠﺔ ﺯﻱ ﻋﻴﻠﺘﻲ "
💔 ﺍﻣﺎ ﺃﻣﻴﺮﻩ ﻣﺎﻛﺎﻧﺘﺶ ﺯﻳﻬﻢ ﺣﺎﻟﺘﻬﺎ ﺗﻔﺮﻕ .. ﺍﻫﻠﻬﺎ ﻻﺣﻈﻮﺍ ﻋﻠﻴﻬﺎ ﺍﻧﻬﺎ ﻣﺘﻐﻴﺮﻩ ﻭﻗﺎﻟﻮﺍ ﻓﻲ ﻧﻔﺴﻬﻢ ﺍﻧﻬﺎ ﺑﺴﺒﺐ ﺍﻟﻨﺘﻴﺠﻪ ﺇﻻ ﺟﻌﻔﺮ ﺍﻟﻠﻲ ﻛﺎﻥ ﻋﺎﺭﻑ ﺍﻟﺴﺒﺐ ..
ﻟﻌﻨﺪ ﻣﺎﺟﻲ ﻳﻮﻡ ...
ﺍﻟﻔﺠﺮ ..
ﺭﻛﺒﺖ ﻓﻮﻕ ﺍﻟﺴﻄﺢ ﺧﻠﺴﻪ ﻋﻦ ﺍﻟﺠﻤﻴﻊ ... ﻭﻓﻴﺪﻫﺎ ﺗﻠﻴﻔﻮﻧﻬﺎ ﺣﺎﻭﻟﺖ ﺗﺘﺼﻞ ﻉ ﺍﺭﻗﺎﻣﻪ ﺍﻟﻠﻲ ﺗﻌﺮﻓﻬﻢ ﺍﻟﺮﻗﻢ ﺍﻟﻠﻲ ﺗﺤﺎﻭﻝ ﻓﻴﻪ ﻛﺎﻥ ﺧﺎﺭﺝ ﺍﻟﺨﺪﻣﻪ .. ﻟﻌﻨﺪ ﻭﺻﻠﺖ ﻓﻲ ﺭﻗﻢ ... ﻗﻌﺪ ﻳﻨﺎﺩﻱ .. ﻓﺮﺣﺖ ﻗﺮﻳﺐ ﻃﺎﺭﺕ ﺷﻮﻳﻪ ﻭﺭﺩ ..
ﺍﻣﻴﺮﺓ ﺑﻠﻬﻔﻪ : ﺁﻟﻮ ...
ﻻﺭﺩ
ﺍﻣﻴﺮﻩ ﺑﺒﻜﻲ : ﺳﺮﻣﺪ ..
ﻻﺭﺩ
ﺍﻣﻴﺮﻩ : ﺣﺒﻴﺒﻲ ...
ﺳﻤﻌﺖ ﺻﻮﺕ ﺗﻨﻬﻴﺪﻩ ..
ﺍﻣﻴﺮﻩ ﺑﻨﺒﺮﻩ ﺑﺎﻛﻴﻪ : ﻭﻳﻨﻚ ... ﻋﻼﺵ ﺩﺭﺕ ﻓﻴﺎ ﻫﻜﻲ ﺣﺮﺍﻡ ﻋﻼﺵ ﺗﻌﻠﻘﻨﻲ ﺍﺫﺍ ﻛﻨﺖ ﺗﺒﻲ ﺗﺨﻠﻴﻨﻲ ﻋﻼﺵ ﻗﻮﻟﻲ .. ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ .. ﺍﻧﺖ .. ﻗﺘﻠﺘﻨﻲ ..
ﺳﺮﻣﺪ ﺑﺄﻟﻢ : ﺧﻼﺹ .. ﺍﻣﻴﺮﻩ .. ﺣﺒﻴﺒﺘﻲ ﻳﺎﻋﻤﺮﻱ ﺧﻼﺹ ..
ﺍﻣﻴﺮﻩ : ﻭﺍﺧﻴﺮﺍ ﺗﻜﻠﻤﺖ .. ﻣﺎﻗﺴﻰ ﻗﻠﺒﻚ ﺣﺘﻰ ﻋﻠﻴﺎ ﺍﻧﻲ ..
ﺳﺮﻣﺪ : ﻗﻠﺒﻲ ﻣﻌﺎﻙ ﺍﻧﺘﻲ ﻳﻜﻮﻥ ﺿﻌﻴﻒ ﺿﻌﻴﻒ ﻫﻠﺒﻪ ..
ﺍﻣﻴﺮﺓ : ﺍﻧﻲ ﺍﻟﻠﻲ ﺿﻌﻴﻔﻪ ﻭﻣﻌﺎﺵ ﻓﻴﺎ ﺣﻴﻞ ...
ﺳﺮﻣﺪ ﻗﻠﺒﻪ ﻳﺘﻤﺰﻕ ﻉ ﺧﺎﻃﺮﻫﺎ : ﺍﻣﻴﺮﻩ ..... ﺍﻣﻴﺮﻩ .... ﻧﺒﻲ ﻧﺸﻮﻓﻚ ..
ﺍﻣﻴﺮﺓ ﺑﺼﺪﻣﻪ : ﻛﻴﻒ !!!!..
ﺳﺮﻣﺪ : ﺍﺭﺟﻮﻙ ﺍﻣﻴﺮﺗﻲ ﻧﺒﻲ ﻧﺸﻮﻓﻚ ... ﺍﻧﺘﻲ ﻣﺎﺗﺒﻴﺶ ..
ﺍﻣﻴﺮﻩ : ﺍﻛﻴﺪ ﻧﺒﻲ .. ﺑﺲ ﺧﺎﻳﻔﻪ . ﺧﺎﻳﻔﻪ ﻳﺸﺪﻭﻭﻙ ..
ﺳﺮﻣﺪ : ﻣﺎﺗﺨﺎﻓﻴﺶ ﺍﻧﺘﻲ ﺗﻌﺎﻟﻲ ﻭﻳﻦ ﻣﺎﻧﻘﻮﻟﻚ ..
ﺍﻣﻴﺮﺓ ﺳﻜﺘﺖ ..
ﺳﺮﻣﺪ : ﺍﻣﻴﺮﻩ ..
ﺍﻣﻴﺮﻩ ﺑﺤﺰﻡ : ﺑﺎﻩ ﻭﻳﻦ ...
ﺳﺮﻣﺪ : .............
....
ﻫﺮﺑﺖ ﻫﺮﻭﺏ ﻣﻦ ﺣﻮﺵ ﺍﻫﻠﻬﺎ ... ﻛﺎﻧﺖ ﺗﻤﺸﻲ ﺑﺘﺨﻔﻲ ﺭﻛﺒﺖ ﺗﺎﻛﺴﻲ ﺭﻓﻌﺘﻬﺎ ﻟﻤﻜﺎﻥ ﻣﺤﺪﺩ ... ﻧﺰﻟﺖ ﻭﻗﻌﺪﺕ ﺗﻤﺸﻲ ﻭﺍﺩﻭﺭ ...
ﺑﺲ ﺑﺲ ﺍﻣﻮﺭﺗﻲ ...
ﺍﻟﺘﻔﺘﺖ ﻟﻘﺎﺗﻪ ﻻﺑﺲ ﺍﻛﺤﻞ ﻓﻲ ﺍﻛﺤﻞ ﻭﻃﺎﻗﻴﻪ ﺑﻴﻀﺎ .. ﻭﻣﺨﻔﻒ ﻟﺤﻴﺘﻪ .. ﻭﻻﺑﺲ ﻧﻈﺎﺭﺍﺗﻪ ..
ﺍﻣﻴﺮﻩ ﺑﻔﺮﺣﻪ : ﺍﺳﺘﺎﺣﺸﺘﻚ ..
ﺳﺮﻣﺪ : ﻭﺍﻧﻲ ﺍﻛﺜﺮ ﺑﻬﻠﺒﻪ ... ﺷﻔﺘﻲ ﻉ ﺧﺎﻃﺮﻙ ﺷﻦ ﺩﺭﺕ ... ﺗﺤﺪﻳﺖ ﻛﻞ ﺷﻲ ﻭﺟﻴﺖ ﻧﺸﻮﻓﻚ ﻭﺗﺸﻮﻓﻴﻨﻲ .
ﺍﻣﻴﺮﻩ ﺗﺸﺒﺤﻠﻪ : ﻋﻼﺵ ﺩﺭﺕ ﻓﺮﻭﺣﻚ ﻫﻜﻲ ..
ﺳﺮﻣﺪ : ﺍﺭﺟﻮﻙ ﺍﻣﻴﺮﻩ ﻣﺎﻧﺒﻴﺶ ﻧﺘﻠﻜﻢ ﻓﻴﺸﻲ ﻳﻀﺎﻳﻘﻨﺎ .. ﺍﻧﻲ ﺟﻴﺖ ﻧﺸﻮﻓﻚ ﻭﺑﺲ ..
ﺍﻣﻴﺮﻩ ﺑﺄﻟﻢ : ﺑﺎﻩ ﻣﺎﻓﻜﺮﺗﺶ ﻓﻴﺎ ﻟﻌﺒﺖ ﺑﻤﺸﺎﻋﺮﻱ ﻋﻠﻘﺘﻨﻲ ﻓﻴﻚ ﻭﺍﻧﺖ ﻋﺎﺭﻑ ﺍﻧﻚ ﺣﺘﺨﻠﻴﻨﻲ ...
ﺳﺮﻣﺪ ﺑﻀﻴﻖ : ﺍﻣﻴﺮﻩ ﺍﻧﻲ ﺣﺒﻴﺘﻚ ﻣﻦ ﻭﺳﻂ ﻗﻠﺒﻲ ﻣﻨﻌﺖ ﻧﻔﺴﻲ ﻫﻠﺒﻪ ﺑﺲ ﻣﺎﻗﺪﺭﺗﺶ ﻭﺍﻟﻠﻪ ﻣﺎﻗﺪﺭﺕ ..
ﺍﻣﻴﺮﺓ ﻗﻌﺪﺕ ﺗﺸﺒﺤﻠﻪ ﻭﻧﺰﻟﻮﺍ ﻣﻦ ﻋﻴﻮﻧﻬﺎ ﺩﻣﻮﻉ .. ﻭﻫﻮ ﻗﻠﺒﻪ ﻭﺟﻌﻪ .. ﻣﺴﺤﻠﻬﺎ ﺩﻣﻮﻋﻬﺎ ...
ﻓﺠﺄﺓ ﺳﻤﻌﻮﺍ ﺻﻮﺕ .. ﻛﺎﻥ ﺻﻮﺕ ﺻﻔﺎﺭﺍﺕ ﺳﻴﺎﺭﺍﺕ ﺍﻟﺸﺮﻃﻪ ..
ﺳﺮﻣﺪ ﺷﺒﺤﻠﻬﺎ ﺑﺼﺪﻣﻪ .. ﺑﻌﺪﻳﻦ ﺍﺑﺘﺴﻢ ﻭﺩﻣﻮﻋﻪ ﻧﺰﻟﻮﺍ ﻭﺑﺼﻮﺕ ﻣﺨﻨﻮﻕ : ﺣﺘﻰ ﺍﻧﺘﻲ ..
ﺍﻣﻴﺮﺓ ﺩﻣﻮﻋﻬﺎ ﺳﻴﻞ ...
ﻫﻮ ﻭﺧﺮ ﺧﻄﻮﺗﻴﻦ ﻟﻠﺨﻠﻒ ﻭﻫﻮ ﻳﺸﺒﺤﻠﻬﺎ ﻭﻟﻒ ﻭﻃﻠﻊ ﻳﺠﺮﻱ .. ﻭﻫﻮ ﻳﺠﺮﻱ ﻭﺩﻣﻮﻋﻪ ﺗﻨﺰﻝ .. ﻭﻗﻒ ﻓﻲ ﻣﻜﺎﻧﻪ ﻟﻤﺎ ﺣﺲ ﺑﺮﺻﺎﺻﻪ ﺗﺤﺮﻕ ﻓﻲ ﻇﻬﺮﻩ .. ﺗﻠﻔﺖ ﺑﺼﻌﻮﺑﻪ ... ﻭﻫﻮ ﻓﺎﻗﺪ ﺍﻟﺘﻮﺍﺯﻥ ... ﺍﺑﺘﺴﻢ ﺑﺄﻟﻢ ... ﻟﻤﺎ ﺷﺎﻓﻬﺎ ﻭﺍﻗﻔﻪ ﻭﺷﺎﺩﻩ ﺍﻟﻤﺴﺪﺱ ﺑﺈﻳﺪﻫﺎ ﺍﻟﺰﻭﺯ
ﺍﻣﻴﺮﻩ : ﻻﺯﻡ ﺗﻤﻮﺕ ﺑﺶ ﻣﺎﺗﺘﻤﺪﺍﺵ ﻓﻲ ﻇﻠﻤﻚ .. ﺿﺮﺑﺖ ﺍﻟﺮﺻﺎﺻﻪ ﺍﻟﺘﺎﻧﻴﻪ .. ﺍﺧﺘﺮﻗﺖ ﺻﺪﺭﻩ .. ﻻﺯﻡ ﺗﻤﻮﺕ ﺑﺶ ﻣﻌﺎﺵ ﻓﻲ ﺣﺪ ﻳﺒﻜﻲ ﺑﺴﺒﺒﻚ .. ﺿﺮﺑﺎﺗﻪ ﺭﺻﺎﺻﻪ ﺗﺎﻟﺘﻪ .. ﻻﺯﻡ ﺗﻤﻮﺕ ﺑﺶ ﻣﺎﺗﺨﻠﻨﻴﺶ ﻧﻜﺮﻫﻚ .. ﺿﺮﺑﺖ ﺍﻟﺮﺍﺑﻌﻪ .. ﺍ?
