#الحسن
ﺍﻟﺠﺰﺀ ﺍﻟﺨﺎﻣﺲ ﻭﺍﻟﺨﻤﺴﻴﻦ ❤
صورة 4.1K صورة 102 صورة 16
ﺑﻮﺍﺳﻄﺔ GomanFared
ﻓﺘﺢ ﻋﻴﻮﻧﻪ ﺑﺎﻟﺸﻮﻳﻪ ... ﺣﺲ ﺑﺸﻲ ﻏﺮﻳﺐ ﻧﺰﻝ ﻋﻴﻮﻧﻪ ﻟﻘﺎﻫﺎ ﺭﺍﻗﺪﻩ ﻓﻲ ﺣﻀﻨﻪ ﻭﻻﻓﻪ ﺍﻳﺪﻳﻪ ﻋﻠﻴﻬﺎ .. ﺍﻟﻐﺮﻳﺐ ﺍﻥ ﻫﻮ ﻛﺎﻥ ﺿﺎﻣﻬﺎ ﻟﻴﻪ ﻭﻫﻲ ﺭﺍﻗﺪﻩ ﺑﻌﻤﻖ .. ﺿﺤﻚ .. ﺷﺎﻑ ﺍﻟﺴﺎﻋﻪ .. ﻭﻗﺖ ﻋﻠﻴﻬﺎ .. ﺑﺎﺱ ﺭﺍﺳﻬﺎ ﺑﻌﻤﻖ .. ﺑﺪﺕ ﺗﻔﻴﻖ ..
ﻋﻠﻴﺎ ﻭﻫﻲ ﻣﻐﻤﻀﻪ ﻋﻴﻮﻧﻬﺎ : ﺍﻣﻤﻢ ... ﺧﻠﻴﻨﻲ ..
ﺍﻟﺤﺴﻦ : ﻧﻮﺿﻲ ﻭﻗﺖ ﻉ ﺟﺎﻣﻌﺘﻚ ..
ﻋﻠﻴﺎ : ﻧﺒﻲ ﻧﺮﻗﺪ ..
ﺍﻟﺤﺴﻦ ﺿﻤﻬﺎ ﻭﻗﻌﺪ ﻳﻨﺘﺶ ﻓﻴﻬﺎ ﻣﻦ ﺧﺪﻫﺎ .. ﻋﻠﻴﺎ ﺣﺴﺘﻬﺎ ﻧﺎﺿﺖ ..
ﻋﻠﻴﺎ : ﻫﻬﻬﻬﻬﻪ .. ﻳﺎﻣﺴﻤﻮﻡ .. ﺣﺎﺭﻩ ..
ﺍﻟﺤﺴﻦ ﺑﻀﺤﻜﻪ : ﻫﻜﻲ ﺗﺒﻲ ﺍﻧﺘﻲ ..
ﻋﻠﻴﺎ ﺑﻀﺤﻜﻪ : ﺑﺎﻩ ﺣﻮﻝ ﺧﻞ ﺍﻧﻮﺽ ..
ﺍﻟﺤﺴﻦ ﺣﻮﻝ ﺍﻳﺪﻳﻪ ﻧﺎﺿﺖ ﻗﻌﺪﺕ ﺗﺸﺒﺤﻠﻪ ..
ﻋﻠﻴﺎ : ﻣﺎﻋﻨﺪﻙ ﺷﻲ ﺍﻟﻴﻮﻡ ..
ﺍﻟﺤﺴﻦ : ﺗﺲ ..
ﻋﻠﻴﺎ : ﺍﻣﻤﻢ .. ﺑﺎﻩ ﺷﻦ ﺭﺍﻳﻚ .. ﻧﻄﻠﻌﻮﺍ ﻣﻊ ﺑﻌﺾ .. ﺧﺎﻃﺮﻱ ﻭﻟﻮ ﻣﺮﺓ ﻧﻄﻠﻌﻮﺍ ﻣﻊ ﺑﻌﺾ ..
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ : ﺗﻮ ﻧﺸﻮﻑ ..
ﻋﻠﻴﺎ ﺑﻀﻴﻖ : ﺑﺎﻩ ... ﻣﺸﺖ ﻋﻠﻴﺎ .. ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﻭﺑﻌﺪﻳﻦ ﺷﺒﺢ ﺟﻬﺔ ﺍﻟﻔﻴﺮﻧﺪﺍ ﻭﻳﻔﻜﺮ ...
ﺑﻌﺪ ﻭﻗﺖ ... ﻧﺰﻟﺖ ﻟﻮﻃﺎ ..
ﻋﻠﻴﺎ : ﺍﻫﺎ ﻣﺶ ﻣﺎﺷﻴﻪ ..
ﺣﺴﺎﻥ : ﺗﻌﺒﺎﻧﻪ ﺷﻮﻳﻪ ..
ﺳﺮﻣﺪ ﺍﻟﻠﻲ ﻭﺍﻗﻒ ﺣﺪﺍ ﺍﻟﻮﺭﺩ ﻭﻳﺴﻤﻊ ﻓﻴﻬﻢ : ﺍﻟﺒﺎﺭﺡ ﻣﺮﻭﺣﻴﻦ ﻧﺼﻔﺎﺕ ﺍﻟﻠﻴﻞ ..
ﺣﺴﺎﻥ ﺗﻠﻔﺖ ﺑﺘﻔﻨﻴﺼﻪ ..
ﺳﺮﻣﺪ ﺑﻀﺤﻜﻪ : ﺷﻔﺘﻜﻢ ﺻﺪﻓﻪ ﻭﺍﻧﺘﻢ ﻣﺮﻭﺣﻴﻦ ..
ﺣﺴﺎﻥ ﺑﺮﺑﻜﻪ : ﺷﻦ ﺷﻔﺖ ..
ﺳﺮﻣﺪ ﻟﻒ ﻭﺟﻬﻪ ﻟﻠﻮﺭﺩ : ﺷﻔﺘﻜﻢ ﻣﺮﻭﺣﻴﻦ .. ﻭﺿﺤﻚ
ﺣﺴﺎﻥ ﻭﻭﺟﻬﻪ ﺍﺣﻤﺮ : ﻫﻴﺎ ﻣﺎﻻ ﺍﻧﻲ ﻣﺎﺷﻲ ... ﺗﻮﺟﻪ ﻟﻠﺒﺎﺏ ﻭﻃﻠﻊ ..
ﻋﻠﻴﺎ ﻛﺎﻧﺖ ﻣﻀﺎﻳﻘﻪ ﻭﺑﺎﻳﻦ ﻣﻦ ﻭﺟﻬﻬﺎ .. ﺳﺮﻣﺪ ﻻﺣﻈﻬﺎ ﻭﻗﺪﻡ ..
ﺳﺮﻣﺪ : ﺍﻟﺴﺎﻋﻪ 12 ﻣﺰﺑﻮﻃﻪ ﻉ ﺟﺒﻬﺘﻚ ..
ﻋﻠﻴﺎ ﺍﺑﺘﺴﻤﺖ ﻣﺠﺎﻣﻠﻪ : ﻣﺎﻓﻲ ﺷﻲ ..
ﺳﺮﻣﺪ ﺑﺈﺑﺘﺴﺎﻣﻪ : ﺍﻫﺎ ...
ﻋﻠﻴﺎ ﻭﻫﻲ ﺗﺸﺒﺤﻠﻪ ﺭﻛﺰﺕ ﻉ ﺍﻳﺪﻩ ﻟﻘﺖ ﻓﻴﻬﺎ ﺧﺎﺗﻢ ..
ﺳﺮﻣﺪ ﺍﻧﺘﺒﻬﻠﻬﺎ : ﻫﺪﻳﺔ ﺃﻣﻴﺮﺓ ..
ﻋﻠﻴﺎ ﺷﺒﺤﺘﻠﻪ : ﺳﺮﻣﺪ .. ﺍﺧﺘﻲ ﺍﻣﻴﺮﻩ ﻓﺴﻦ ﻣﺮﺍﻫﻘﻪ ... ﻳﻌﻨﻲ .. ﻧﺘﻤﻨﻰ ﻣﺎﺗﻜﺴﺮﺵ ﻗﻠﺒﻬﺎ ..
ﺳﺮﻣﺪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺑﺄﺑﺘﺴﺎﻣﻪ ﻭﻗﻌﺪ ﺳﺎﻛﺖ ..
ﺑﺮﻧﻴﻪ ﺟﺖ ﻣﻦ ﺩﺍﺧﻞ ﻭﺍﻗﻔﻪ ﺍﻋﻠﻰ ﺍﻟﺪﺭﻭﺝ : ﺑﻨﻴﺘﻲ ﻣﺎﺯﺍﻝ ...
ﺻﻮﺕ ﻛﻼﻛﺲ ﺑﺮﺍ ...
ﻋﻠﻴﺎ ﺑﺈﺑﺘﺴﺎﻣﻪ : ﺍﻫﻮ ﺟﻲ ... ﺑﺎﻟﺴﻼﻣﻪ ﺗﻮﺍ .. ﻭﻣﺸﺖ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ..
ﺑﺮﻧﻴﻪ ﻧﺰﻟﺖ ﻭﻗﺪﻣﺖ ﻟﺴﺮﻣﺪ : ﻗﻮﻟﻲ ﺑﻮﻙ ﻛﻠﻤﻚ ﺍﻟﻴﻮﻣﻴﻦ ﺍﻟﻠﻲ ﻓﺎﺗﻮﺍ ..
ﺳﺮﻣﺪ ﻗﻠﺒﻪ ﻭﺟﻌﻪ ﺑﺲ ﺑﻴﻦ ﺍﻧﻪ ﻋﺎﺩﻱ : ﺍﻫﺎ .. ﺍﻳﻪ ﻛﻠﻤﻨﻲ ﺍﻣﺲ ..
ﺑﺮﻧﻴﻪ : ﻭﻋﻼﺵ ﻣﻌﺎﺵ ﻛﻠﻤﻨﻲ ..
ﺳﺮﻣﺪ : ﻣﺎﻩ ﻳﺎﻏﺎﻟﻴﻪ ﺍﻧﺘﻲ ﺗﺸﺪﻱ ﺗﻠﻴﻔﻮﻥ ﻣﻌﺎﺵ ﺗﻄﻠﻘﻴﻪ ﻭﻫﻮ ﻋﻨﺪﻩ ﺍﻟﺘﺰﺍﻣﺎﺕ ﻫﻠﺒﻪ ﻭﻣﺶ ﻓﺎﺿﻲ ﻳﺤﻚ ﺷﻌﺮ ﺭﺍﺳﻪ ..
ﺿﺮﺑﺎﺗﻪ ﺍﻣﻪ ﻉ ﻛﺘﻔﻪ : ﻗﺮﺩ ... ﻳﻠﻼ .. ﺍﻟﻤﻬﻢ ﺣﺎﻟﻪ ﺑﺎﻫﻲ ..
ﻉ ﻃﻠﻌﺖ ﺍﻟﺤﺴﻦ .. ﻧﺰﻝ ﻭﺑﺎﺱ ﺭﺍﺳﻪ ﺣﻨﺎﻩ : ﺻﺒﺎﺡ ﺍﻟﺨﻴﺮ ﻳﺎﻏﺎﻟﻴﻪ ..
ﺑﺮﻧﻴﻪ : ﺻﺒﺎﺣﻚ ﻣﺒﺮﻭﻙ ﻭﻋﺪﻭﻙ ﻣﻬﻠﻮﻙ ..
ﺳﺮﻣﺪ ﻓﻨﺺ ﻭﺑﻠﻊ ﺭﻳﻘﻪ ﺑﻀﺤﻜﻪ ..
ﺍﻟﺤﺴﻦ ﺷﺒﺤﻠﻪ : ﺷﻦ ﻳﻀﺤﻚ ﻓﻴﻪ ﻫﺬﺍ ..
ﺑﺮﻧﻴﻪ : ﻣﺎﻋﻠﻴﻜﺶ ﻓﻴﻪ .. ﻓﻄﺮﺕ ﻭﻟﻴﺪﻱ ..
ﺍﻟﺤﺴﻦ : ﺍﻳﻪ ﺍﻟﺤﻤﺪ ﻟﻠﻪ ...
ﺑﺮﻧﻴﻪ : ﺻﺤﻴﺤﺘﻴﻦ .. ﻫﻲ ﺧﻞ ﺑﻨﺨﺶ ﻧﻀﻢ ﺩﺍﺭ ﺟﺪﻙ ﺑﺎﻟﻜﺜﻴﺮ ﻏﺪﻭﺓ ﻣﺮﻭﺡ ...
ﺍﻟﺤﺴﻦ : ﻛﻮﻳﺲ ... ﻃﻮﻝ ﻫﻠﺒﻪ ﺍﻟﻤﺮﻩ ﻫﺎﺩﻱ ..
ﺳﺮﻣﺪ " ﺍﻧﺖ ﺧﻠﻴﺘﻪ ﻳﻄﻮﻝ ﻟﻸﺑﺪ .."
ﺑﺮﻧﻴﻪ : ﺍﻳﻪ ... ﻫﻲ ﺧﻞ ﻧﻤﺸﻲ .. ﻭﻣﺸﺖ ﺑﺮﻧﻴﻪ ..
ﺍﻟﺤﺴﻦ ﻭﻫﻮ ﻳﺸﺒﺤﻠﻬﺎ : ﻣﺎﺗﺼﺒﺮﺵ ﻋﻠﻴﻪ ..
ﺳﺮﻣﺪ : ﺍﻟﺤﺐ ... ﻭﻣﺶ ﺍﻱ ﺣﺐ .. ﺣﺐ ﺃﺻﻴﻞ ..
ﺗﻠﻔﺘﻠﻪ ﺍﻟﺤﺴﻦ : ﺍﻳﻴﻪ ﻳﺎﺣﺐ ﺃﺻﻴﻞ ﺍﻧﺖ .. ﻣﻮﻟﻲ ﻏﺎﻣﺾ ﻫﻠﺒﻪ .. ﻭﺑﺪﻳﺖ ﻣﺎﻧﻌﺮﻑ ﻋﻨﻚ ﺷﻲ ..
ﺳﺮﻣﺪ ﺑﺮﻓﻌﺔ ﺣﺎﺟﺐ : ﻓﻲ ﺣﺪ ﻭﺻﻠﻚ ﻋﻨﻲ ﺷﻲ ..
ﺍﻟﺤﺴﻦ : ﻭﺍﻧﻲ ﻧﺒﻲ ﻧﻌﺮﻑ ﻣﻨﻚ ..
ﺳﺮﻣﺪ ﺑﻀﺤﻜﻪ : ﺧﻠﻴﻚ ﻣﻨﻲ .. ﻭﻗﻮﻟﻲ ﺧﻴﺮﻫﺎ ﻣﺮﺗﻚ ﻭﺟﻬﻬﺎ ﻳﻘﻮﻝ ﺍﻥ ﻓﺸﻲ ..
ﺍﻟﺤﺴﻦ : ﺍﺣﻤﻢ .. ﺳﺮﻣﺪ ﻧﺒﻲ ... ﻣﺴﺎﻋﺪﺗﻚ ﻓﻲ ﺣﺎﺟﻪ ...
ﺳﺮﻣﺪ ﺑﻀﺤﻜﻪ ﻭﺣﻤﺎﺱ : ﻭﺍﻧﻲ ﻓﻲ ﺍﻟﺨﺪﻣﻪ ...
***
ﺧﻮﻟﻪ ﻭﺗﺖ ﺭﻭﺣﻬﺎ ﻭﻃﺎﻟﻌﻪ ﻟﻠﺨﺪﻣﻪ ... ﺧﻄﻤﺖ ﻉ ﺍﻣﻬﺎ ﻓﻲ ﺍﻟﻜﻮﺟﻴﻨﻪ ..
ﺧﻮﻟﻪ : ﻣﺎﻣﺎ ﻋﻴﻨﻚ ﻉ ﺟﻨﺎﻥ ...
ﻭﺳﻴﻠﻪ : ﻣﺎﻻ ﺷﻨﻮ ﻳﺎﺃﻣﻲ ﻏﻴﺮ ﻧﻜﻤﻞ ﺍﻟﻠﻲ ﻓﻴﺪﻱ ﺣﻨﻘﻌﺪ . ﺣﺪﺍﻫﺎ ..
ﺧﻮﻟﻪ ﺍﺑﺘﺴﻤﺖ : ﻣﺎﺗﺒﻲ ﺷﻲ ..
ﻭﺳﻴﻠﻪ : ﺳﻼﻣﺘﻚ ﺑﻨﻴﺘﻲ .. ﺭﺩﻱ ﺑﺎﻟﻚ ﻉ ﺭﻭﺣﻚ ...
ﻃﻠﻌﺖ ﺧﻮﻟﻪ ..
***
ﻓﻲ ﻛﻠﻴﻪ ﺍﻟﻄﺐ ...
ﺍﻟﺴﺎﻋﻪ 11
ﻋﻠﻴﺎ : ﻭﺍﻟﻠﻪ ﻟﻴﻬﺎ ﻭﺣﺸﻪ ﻛﺒﻴﺮﻩ ﻫﺎﻟﺒﻨﺖ ...
ﻧﺮﺟﺲ : ﺍﻳﻪ ... ﻳﺎﺭﻳﺘﻬﺎ ﻣﺎﻭﻗﻔﺖ ﻗﻴﺪﻫﺎ .. ﺷﻦ ﻣﺎﺯﺍﻝ ﻉ ﺍﻟﻔﺼﻞ ﺍﺻﻼ ...
ﻋﻠﻴﺎ : ﺑﻜﻞ ﻧﻔﻜﺮ ﻓﻲ ﺳﺮﻳﺐ ﺍﻹﻣﺘﺤﺎﻧﺎﺕ ﺍﻟﻨﻬﺎﺋﻴﻪ ﺍﻟﻠﻲ ﺣﻴﻜﻮﻥ ﻓﺮﻣﻀﺎﻥ ...
ﻧﺮﺟﺲ : ﻭﻭﻭﺍﻙ ... ﻛﻞ ﻣﺎﻧﺬﻛﺮ ﺭﺍﺳﻲ ﻳﺼﺪﻉ ..
ﻋﻠﻴﺎ ﻟﻤﺤﺖ ﺣﺪ ﻣﻦ ﺑﻌﻴﺪ ﺗﻌﺮﻓﻪ ﺩﻗﻘﺖ ﺍﻛﺜﺮ ﻭﺍﻧﺼﺪﻣﺖ ..
ﻧﺮﺟﺲ : ﺧﻴﺮﻙ ﻋﻠﻴﺎ ..
ﻋﻠﻴﺎ ﺑﺮﺑﻜﻪ : ﻻﺷﻲ ﻏﻴﺮ ﺷﻔﺖ ﺣﺪ ﺷﺒﻬﺖ ﻋﻠﻴﻪ ..
ﻧﺮﺟﺲ : ﺍﻫﺎ ..
ﻣﻦ ﺑﻌﻴﺪ ﻭﺍﺣﺪ ﻛﺎﻥ ﻻﺑﺲ ﻓﺎﻧﻴﻠﻪ ﺑﻴﻀﺎ ﻭﺳﺮﻭﺍﻝ ﺍﺯﺭﻕ ﻭﻃﺎﻗﻴﻪ ﺳﻮﺩﺍ ﻭﻧﻈﺎﺭﺍﺕ .
ﻣﻨﺬﺭﻳﺸﺒﺤﻠﻬﺎ : ﻻﺯﻡ ﻧﻮﺻﻞ ﻓﻴﻬﺎ ﻭﻧﻜﻠﻤﻬﺎ ﺑﺄﻱ ﺷﻜﻞ ...
***
ﺍﻧﻲ ﻣﺶ ﻋﺎﺭﻑ ﻛﻴﻒ ﻗﻠﻠﺖ ﻋﻘﻠﻲ ﻭﺗﺒﻌﺘﻚ ..
ﺳﺮﻣﺪ ﺑﻀﺤﻜﻪ : ﻭﺍﻟﻠﻪ ﺣﺘﺸﻜﺮﻧﻲ ﺑﻌﺪﻳﻦ ﻫﻠﺒﻪ .. ﺍﻭﻭﻭ .. ﻫﺎﺩﻱ ﻟﻴﻚ ﻣﻦ ﻏﺎﺩﻱ ..
ﺍﻟﺤﺴﻦ ﻓﺘﺢ ﻋﻴﻮﻧﻪ ﺑﺼﺪﻣﻪ : ﺗﺒﻴﻨﻲ ﻧﻠﺒﺲ ﺣﺎﺟﻪ ﺯﻱ ﻫﺎﺩﻱ ..
ﺳﺮﻣﺪ ﺑﻀﺤﻜﻪ : ﻭﺍﻟﻠﻪ ﺗﻄﻠﻊ ﻋﻠﻴﻚ .. ﺷﺒﺤﻠﻪ .. ﺍﻃﻠﻊ ﺷﻮﻳﻪ ﻣﻦ ﺍﻟﺠﻮ ﺍﻟﻠﻲ ﺍﻧﺖ ﻓﻴﻪ .. ﺍﻧﺤﺮﻑ ﺷﻮﻳﻪ ﺑﺲ ..
ﺍﻟﺤﺴﻦ : ﺍﻧﺤﺮﻑ؟ !! ﻫﻴﺎ ﻫﻴﺎ ... ﻭﻳﺄﺷﺮ ﺑﻴﺪﻩ ..
ﺳﺮﻣﺪ : ﻭﺍﻟﻠﻪ ﺣﻨﺸﺮﻳﻬﺎ .. ﻓﻌﻼ ﺧﺪﻱ ﺳﺮﻣﺪ ﺍﻟﺴﻮﺭﻳﻪ ﻭﺷﺮﺍﻫﺎ .. ﻭﺭﻛﺒﻠﻬﺎ ﻋﻠﻴﻬﺎ ﺳﺮﻭﺍﻝ .. ﻭﺍﻟﺤﺴﻦ ﻣﺶ ﻋﺎﺟﺒﻪ ﺑﻜﻞ .. ﺑﺲ ﺳﺮﻣﺪ ﻣﻄﻨﺶ .. ﻭﺧﺪﺍﻟﻪ ﺣﺬﺍﺀ ﻣﺮﻳﺢ ﻳﻤﺸﻲ ﻣﻊ ﺍﻟﻠﺒﺴﻪ .. ﺗﻤﻮﺍ ﺩﻭﺭﺗﻬﻢ ﻭﺭﻛﺒﻮﺍ ﺍﻟﺴﻴﺎﺭﻩ ..
ﺳﺮﻣﺪ ﺑﻀﺤﻜﻪ : ﺍﻓﺮﺩ ﺧﻠﻴﻘﺘﻚ ﻳﺎﺭﺍﺟﻞ ..
ﺍﻟﺤﺴﻦ : ﺗﺲ .. ﺍﻧﻲ ﻗﺘﻠﻚ ﺍﻗﺘﺮﺡ ﻋﻠﻴﺎ ﺍﻣﺎﻛﻦ ﻧﻤﺸﻮﻟﻬﺎ ﺍﻧﻲ ﻭﻳﺎﻫﺎ ... ﺧﺸﻴﺘﻠﻲ ﻓﻲ ﻣﻮﺍﻝ ﺗﺎﻧﻲ ..
ﺳﺮﻣﺪ : ﻏﻴﺮ ﺍﺳﻤﻌﻨﻲ .. ﺍﻧﻲ ﺣﻨﻘﻮﻟﻚ ﻭﻳﻦ ﺗﺮﻓﻌﻬﺎ ﺑﺲ ﻗﺒﻞ ﻛﻞ ﺷﻲ ﻻﺯﻡ ﺗﻜﻮﻥ ﺍﻟﻄﻠﻌﻪ ﻫﺎﺩﻱ ﻣﻤﻴﺰﺓ ﻣﻦ ﺟﻤﻴﻊ ﺍﻟﻨﻮﺍﺣﻲ .. ﺍﻭﻝ ﻣﺮﺓ ﺗﻄﻠﻌﻮﺍ ﻣﻊ ﺑﻌﺾ ﻣﻦ ﻟﻤﺎ ﺗﺰﻭﺟﺘﻮﺍ .. ﺷﺒﺤﻠﻪ .. ﻣﺎﺗﻨﺴﺎﺵ ﻇﺮﻭﻑ ﺯﻭﺍﺟﻜﻢ ﻛﻴﻒ ﻛﺎﻧﺖ .. ﻣﺎﺗﻨﺴﺎﺵ ﻓﺮﻕ ﺍﻟﺴﻦ ﺑﻴﻨﻚ ﻭﺑﻴﻨﻬﺎ ﺍﻟﻠﻲ ﻻﺑﺪ ﻭﺣﻴﺄﺛﺮ ﻉ ﻋﻼﻗﺘﻜﻢ ﻭﻟﻮ ﺷﻮﻱ .. ﻧﺒﻴﻚ ﺗﺤﺴﺴﻬﺎ ﺑﺄﻧﻚ ﻗﺮﻳﺐ ﻋﻠﻴﻬﺎ ﻓﻜﻞ ﺷﻲ .. ﺗﺲ ... ﻓﻬﻤﺖ ﻋﻠﻴﺎ ﻭﻻﻧﻐﻨﻲ ﻭﺧﻼﺹ ..
ﺍﻟﺤﺴﻦ ﺿﺮﺑﻪ ﻉ ﺫﺭﺍﻋﻪ ﺑﻮﻛﺲ ﺧﻔﻴﻒ ﻭﺍﺑﺘﺴﻢ : ﻓﻬﻤﺖ .. ﻭﻟﻊ ﺍﻟﺴﻴﺎﺭﺓ ﻭﺗﺤﺮﻙ .. ﻭﻗﻌﺪ ﺳﺮﻣﺪ ﻳﺸﺮﺣﻠﻪ ﻃﻮﻝ ﺍﻟﻄﺮﻳﻖ ﻭﻳﻦ ﻳﺮﻓﻌﻬﺎ ﻭﻛﻴﻒ ﻳﺘﻌﺎﻣﻞ ﻣﻌﺎﻫﺎ ﺑﺄﺭﻳﺤﻴﻪ ﻭﻳﺤﻮﻝ ﺍﻟﺠﺪﻳﻪ ﻣﺘﺎﻋﻪ ﻉ ﺟﻨﺐ ﻓﻲ ﻫﺎﻟﻴﻮﻡ .. ﺍﻟﻠﻲ ﺣﻴﻜﻮﻥ ﺧﺎﺹ ﺑﺎﻟﻨﺴﺒﻪ ﻟﻴﻪ
ﻓﻲ ﺍﻟﺠﺎﻣﻌﻪ ..
ﻧﺮﺟﺲ : ﻫﻲ ﺳﻼﻡ ﻟﻠﻮﺷﻪ ..
ﻋﻠﻴﺎ ﺑﺈﺑﺘﺴﺎﻣﻪ : ﺳﻼﻡ .. ﻭﻗﻌﺪﺕ ﻣﻊ ﺻﺎﺣﺒﺘﻬﺎ ﺑﻌﻴﻮﻧﻬﺎ ﻟﻴﻦ ﺍﺧﺘﻔﺖ ﻣﻦ ﻗﺪﺍﻣﻬﺎ .. ﻭﺑﻌﺪﻳﻦ ﺳﺮﺣﺖ ﺑﺘﻔﻜﻴﺮﻫﺎ .. ﻟﻴﻦ ﺟﻲ ﻫﻮ ﻗﻄﻊ ﻋﻠﻴﻬﺎ ﺳﺮﺣﺎﻧﻬﺎ ﻟﻤﺎ ﻗﻌﻤﺰ ﺟﻨﺒﻬﺎ ..
ﻋﻠﻴﺎ ﺑﺪﻭﻥ ﻣﺎﺗﺸﺒﺤﻠﻪ : ﺷﻦ ﺗﺒﻲ ..
ﻣﻨﺬﺭ : ﻋﺎﺭﻓﻚ ﻣﺎﺗﺒﻴﺶ ﺗﻠﻤﺤﻲ ﺧﻠﻴﻘﺘﻲ .. ﻟﻜﻦ ﻛﻠﻤﺘﻴﻦ ﻭﺑﻨﻘﻮﻟﻠﻬﻢ ﻗﻮﻟﻲ ﻟﺮﺍﺟﻠﻚ ﻳﻔﺘﺢ ﻋﻴﻮﻧﻪ ﻛﻮﻳﺲ ... ﻋﺪﻭﻩ ﺗﺤﺖ ﺟﻠﺪﻩ .. ﻭﻧﺎﺽ ﻭﻣﺸﻲ ﺑﺴﺮﻋﻪ .. ﻭﺧﻼﻫﺎ ﻣﺼﺪﻭﻣﻪ ﻭﻣﺶ ﻓﺎﻫﻤﻪ ﺷﻲ ﻭﺧﺎﻓﺖ ﻉ ﺍﻟﺤﺴﻦ ﻫﻠﺒﻪ ..
ﻣﻨﺬﺭ ﻣﻦ ﺍﻟﺒﺪﺍﻳﻪ ﻛﺎﻥ ﺣﺎﺳﺲ ﺑﺸﻲ ﻏﺮﻳﺐ ﺑﺎﻟﺬﺍﺕ ﻭﺍﻥ ﺍﻟﺮﻭﺱ ﺍﻟﻜﺒﺎﺭ ﻓﻲ ﺗﻨﻈﻴﻤﻬﻢ .. ﺭﺍﻓﻀﻴﻦ ﺭﻓﺾ ﺗﺎﻡ ﻣﻮﺕ ﺍﻟﺤﺴﻦ .. ﻓﻮﻗﺖ ﻳﻠﻲ ﺻﻔﻮﺍ ﻫﻠﺒﻪ ﻏﻴﺮﻩ ﺑﺪﻭﻥ ﻫﻮﺍﺩﺓ ... ﻫﻮ ﻣﺶ ﻋﺎﺭﻑ ﺑﺎﻟﺰﺑﻂ ﺷﻨﻮ ﻳﻜﻮﻧﻮﺍ ﻟﻠﺤﺴﻦ ﺑﺲ ﻣﺘﺄﻛﺪ ﺍﻧﻬﻢ ﻗﺮﺍﺏ ﻋﻠﻴﻪ .. ﻭﻃﺒﻌﺎ ﻣﺎﺗﻮﻗﻌﺶ ﺍﻧﻬﻢ ﻳﻜﻮﻧﻮﺍ ﻣﻦ ﻋﻴﻠﺘﻪ .. ﺍﻟﻤﻘﺮﺑﻪ ﺍﻟﻠﻲ ﻋﺎﻳﺶ ﻣﻌﺎﻫﻢ ﻓﺤﻮﺵ ﻭﺍﺣﺪ ..
...
ﺭﻭﺣﺖ ﻋﻠﻴﺎ ﻭﻋﻘﻠﻬﺎ ﻣﺶ ﻣﻌﺎﻫﺎ ﺭﻛﺒﺖ ﻟﺸﻘﺘﻬﺎ ﻭﻫﻲ ﺗﻔﻜﺮ ﻭﺑﺘﻤﻮﺕ ﻣﻦ ﺍﻟﺨﻮﻑ ﻉ ﺍﻟﺤﺴﻦ ... ﻭﻣﺶ ﻣﺘﺎﻛﺪﻩ ﺍﺫﺍ ﻛﺎﻥ ﻛﻼﻡ ﺧﻮﻫﺎ ﻧﺼﻴﺤﻪ ﺍﻭ ﺗﻬﺪﻳﺪ ﺑﺶ ﺗﻮﺻﻠﻬﻮﻟﻪ .. ﻫﻮ ﻣﻦ ﻏﻴﺮ ﺷﻲ ﻓﻲ ﻉ ﺭﺍﺳﻪ ﺳﺘﻴﻦ ﻫﻢ ﻭﻫﻢ ﻓﻲ ﻧﻈﺮﻫﺎ ﺍﺧﺘﺎﺭﺕ ﻛﺘﻤﺎﻥ ﺍﻟﻠﻲ ﺻﺎﺭ .. ﻫﻜﻲ ﺃﻓﻀﻞ ...
ﺧﺸﺖ .. ﺷﻤﺖ ﺭﻳﺤﻪ ﺗﻄﻴﻴﺐ ﺳﻜﺮﺕ ﺍﻟﺒﺎﺏ ﻭﻗﺪﻣﺖ ﻟﻠﻤﻄﺒﺦ ﺍﻟﻠﻲ ﻛﺎﻥ ﻳﻀﺮﺏ ﻳﻘﻠﺐ ..
ﻋﻠﻴﺎ : ﻫﻴﻴﻴﻴﻴﻴﻴﻴﻴﻴﻴﻲ .. ﺷﻨﻮ ﻫﺬﺍ ..
ﺟﺎﻫﺎ ﺍﻟﺤﺴﻦ ﻣﻦ ﻭﺭﺍﻫﺎ : ﺗﻮ ﻧﺮﺩﻩ ﺍﺣﺴﻦ ﻣﻤﺎ ﻛﺎﻥ ﻣﺎﺗﺸﻐﻠﻴﺶ ﺑﺎﻟﻚ
ﻋﻠﻴﺎ : ﺑﺎﻩ ﺷﻨﻮ ﻫﻮ ﺍﻟﻠﻲ ﻣﺪﺍﻳﺮﻩ ..
ﺍﻟﺤﺴﻦ ﺷﺒﺤﻠﻬﺎ ﺑﺮﻓﻌﺔ ﺣﺎﺟﺐ : ﺻﻴﺎﺩﻳﻪ ..
ﻋﻠﻴﺎ ﺿﺤﻜﺖ ﺑﺪﻫﺸﻪ : ﺗﻌﺮﻑ ﺍﺩﻳﺮﻫﺎ ..
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ : ﺍﺣﻤﻢ .. ﺍﻳﻪ ﺫﻭﻗﻲ ﺑﻌﺪﻳﻦ ﻭﺍﺣﻜﻤﻲ ..
ﻋﻠﻴﺎ ﺑﺈﺑﺘﺴﺎﻣﻪ ﻣﺎﻛﺮﻩ : ﺍﻣﻤﻢ ﺗﻮ ﻧﺸﻮﻑ .. ﺍﻳﻴﻪ ﻣﺎﺗﻨﺴﺎﺵ ﻣﺎﻧﺒﻲ ﻧﺸﺒﺢ ﺷﻲ ﻣﻦ ﻫﺎﻟﻔﻮﺿﻰ ﻭﻟﻔﺖ ﻣﺘﻮﺟﻬﻪ ﻟﺪﺍﺭ ﺍﻟﻨﻮﻡ ..
ﺍﻟﺤﺴﻦ ﻭﻫﻮ ﺭﺍﻓﻊ ﺣﺎﺟﺒﻪ ﺍﻟﻴﻤﻴﻦ : ﺍﺳﺘﺎﻧﺴﺖ !!!
❤ ﺍﻟﺤﺴﻦ ﻇﻢ ﺍﻟﻜﻮﺟﻴﻨﻪ ﻛﻠﻬﺎ ﻭﻗﻌﺪ ﻭﺍﻗﻒ ﻉ ﺍﻟﻐﺪﻱ ﻭﻳﺮﺍﺟﻲ ﺍﻣﺘﻰ ﻳﻄﻴﺐ ﻭﻋﻠﻴﺎ ﺑﻌﺪ ﺑﺪﻟﺖ ﻭﺻﻠﺖ ﻣﺸﺘﻠﻪ .. ﺍﺑﺘﺴﻤﺖ ﻟﻤﺎ ﺷﺎﻓﺖ ﺍﻟﻤﻄﺒﺦ ﻣﻈﻤﻮﻡ ﻭﻳﻠﻤﻊ ..
ﻋﻠﻴﺎ : ﻣﺎﺯﺍﻝ ﻏﺪﺍﻙ ..
ﺍﻟﺤﺴﻦ ﻭﻫﻮ ﻣﺘﻜﻲ ﻉ ﺩﻭﻻﺏ ﺍﻟﻜﻮﺟﻴﻨﻪ ﻭﻓﻴﺪﻩ ﺗﻠﻴﻔﻮﻧﻪ : ﻏﺪﺍﻱ ..!! ﺍﻳﻪ ﻣﺎﺯﺍﺍﺍﻝ ..
ﻋﻠﻴﺎ ﺿﺤﻜﺖ : ﺧﻞ ﻧﺪﻳﺮ ﺍﻟﺴﻼﻃﻪ .. ﺍﻫﻮ ﻧﻌﺎﻭﻧﻮﻧﻚ ..
ﺍﻟﺤﺴﻦ ﻳﺸﺒﺤﻠﻬﺎ ﺑﺮﻓﻌﺔ ﺣﺎﺟﺐ ﻭﻫﻮ ﻣﺒﺘﺴﻢ ..
ﻭﻗﻔﺖ ﺟﻨﺒﻪ ﺗﻘﺮﺽ ﻓﻲ ﺍﻟﺴﻼﻃﻪ ﻭﻫﻮ ﻳﺘﺄﻣﻞ ﻓﻴﻬﺎ ﻓﻲ ﺧﺼﻼﺕ ﻧﺎﺯﻟﻴﻦ ﻉ ﻭﺟﻬﻬﺎ .. ﺗﺄﻓﻔﺖ ﺗﺤﺮﻛﺖ ﺧﺼﻠﺘﻬﺎ ﻫﻮ ﺿﺤﻚ ﻭﺣﻮﻟﻬﺎﻟﻬﺎ ﺑﻴﺪﻩ ﺣﻄﻬﺎ ﻭﺭﺍ ﻭﺫﻧﻬﺎ : ﺧﻴﺮﻙ ..
ﻋﻠﻴﺎ ﺷﺒﺤﺘﻠﻪ ﻭﺭﺟﻌﺖ ﺷﺒﺤﺖ ﻟﻠﺴﻼﻃﻪ : ﺷﻲ .. ﻏﻴﺮ ﻧﻔﻜﺮ ﻓﻲ ﺍﻟﻘﺮﺍﻳﻪ ﻭﻫﻤﻬﺎ ...
ﺍﻟﺤﺴﻦ : ﻋﻨﺪﻙ ﺣﻖ ﻗﺮﺍﻳﺘﻚ ﻫﻢ ﻓﻌﻼ ..
ﻋﻠﻴﺎ ﺷﺒﺤﺘﻠﻪ ﻭﺑﺘﻬﻜﻢ : ﺷﻜﺮﺍ ﻷﻧﻚ ﺧﻔﻔﺖ ﻋﻨﻲ ..
ﺍﻟﺤﺴﻦ ﺿﺤﻚ .. ﻭﺣﺎﻭﻃﻬﺎ ﺑﺈﻳﺪﻳﻪ ﺍﻟﻠﻲ ﺍﺗﻜﻰ ﺑﻴﻬﻢ ﻉ ﺩﻭﻻﺏ ﺍﻟﻜﻮﺟﻴﻨﻪ ﻗﺮﺏ ﻣﻦ ﻭﺫﻧﻬﺎ ﻭﺑﺼﻮﺕ ﻫﺎﺩﻱ : ﻧﺘﻐﺪﻭﺍ .. ﻧﻘﻴﻠﻮﺍ ﻭﺑﻌﺪ ﺍﻟﻌﺼﺮ .. ﻋﻨﺪﻧﺎ ﻃﻠﻌﻪ ..
ﻋﻠﻴﺎ ﺍﻟﺘﻔﺘﺖ ﺑﻔﺮﺣﻪ : ﺣﻘﻪ !!
ﺍﻟﺤﺴﻦ ﻭﻫﻮ ﻳﻘﺮﺏ ﻣﻨﻬﺎ : ﻣﺘﻌﻮﺩﻩ ﺑﻴﺎ ﻧﻜﺬﺏ ..
ﻋﻠﻴﺎ ﻭﻓﻲ ﺗﺸﺒﺢ ﻟﺘﻔﺎﺻﻴﻞ ﻭﺟﻬﻪ : ﻻ ..
ﺍﻟﺤﺴﻦ ﻗﺮﺏ ﺑﺰﻳﺎﺩﻩ : ﻣﻌﻨﺎﻫﺎ ﺣﻖ ..
ﻋﻠﻴﺎ ﻭﺟﻬﻬﺎ ﺍﺣﻤﺮ ﻣﻦ ﻗﻮﺓ ﺿﺮﺑﺎﺕ ﻗﻠﺒﻬﺎ : ﻛﻜﻮﻳﺲ ..
ﺍﻟﺤﺴﻦ ﺑﻀﺤﻜﻪ : ﻣﺤﺘﺎﺭ ﻛﻴﻒ ﻣﺎﺯﺍﻝ ﺗﺘﺤﺸﻤﻲ ﻣﻨﻲ ...
ﻋﻠﻴﺎ ﺿﺤﻜﺖ ﺑﺨﺠﻞ : ﻃﺒﻴﻌﻲ ..
ﺍﻟﺤﺴﻦ : ﻃﺒﻴﻌﻲ ... ﻭﻗﺮﺏ ﺍﻛﺜﺮ ... ﻭﻫﻲ ﻛﺎﻟﻌﺎﺩﻩ ﻣﺴﺘﺴﻠﻤﻪ ﺍﺳﺘﺴﻼﻣﻬﺎ ﻟﻴﻪ .. ﻣﻦ ﻗﺒﻞ ﻣﺎﻳﻘﺮﺏ ﺣﺘﻰ ﻣﻦ ﺣﺪﻭﺩﻫﺎ .. ﺑﺲ ﺷﻤﺖ ﺣﺎﺟﻪ .. ﻋﻠﻴﺎ ﺑﻌﺪﺍﺗﻪ : ﺍﻟﻐﺪﻱ !!
ﺍﻟﺤﺴﻦ ﺍﺳﺘﺎﻗﺾ ﻭﻭﻗﻒ ﻉ ﺣﻴﻠﻪ .. ﻭﻟﺤﻖ ﺍﻟﻐﺪﻱ ﻗﺒﻞ ﻟﻴﻜﻮﻥ ﻣﺼﻴﺮﻩ ﺍﻟﻜﻨﺎﺳﻪ ...😁..
ﺗﻐﺪﻭﺍ ﻭﻋﻠﻴﺎ ﻋﺠﺒﺘﻬﺎ ﻫﻠﺒﻪ ﺍﻟﺼﻴﺎﺩﻳﻪ .. ﻣﺮ ﺍﻟﻮﻗﺖ ﻟﻴﻦ ﺁﺫﻥ ﺍﻟﻌﺼﺮ ﺻﻠﻮﺍ .. ﻭﻋﻠﻴﺎ ﻭﺗﺖ ﺭﻭﺣﻬﺎ ﻭﺍﻟﺤﺴﻦ ﻓﻲ ﺍﻟﺤﻤﺎﻡ ﻳﺪﻭﺵ ...
ﻋﻠﻴﺎ ﻃﻘﺖ ﻋﻠﻴﻪ : ﺣﺒﻴﺒﻲ ﺍﻧﻲ ﻧﺰﻟﺖ ..
ﻭﺧﺪﺕ ﺷﻨﻄﺘﻬﺎ ﻭﻃﻠﻌﺖ ﻣﻦ ﺍﻟﺪﺍﺭ .. ﻭﻃﻠﻌﺖ ﻣﻦ ﺍﻟﺤﻮﺵ .. ﻭﻧﺰﻟﺖ ﻟﻮﻃﺎ ﻟﻘﻴﺖ ﻋﻴﻠﺔ ﺳﻠﻔﻬﺎ ﻋﻠﻲ ﺟﺎﻳﻴﻦ ... ﺳﻠﻤﺖ ﻋﻠﻴﻬﻢ ﻭﻗﻌﻤﺰﺕ ﻭﻛﺎﻥ ﻣﻌﺎﻫﻢ ﺣﺴﺎﻥ ﻭﻫﺎﻟﻪ ﻣﺮﻋﻲ ﻭﺳﺎﺭﻩ ﻭﺍﻧﻌﺎﻡ ﻭﺳﺮﻣﺪ ...
ﻋﻠﻴﺎ : ﻛﻴﻒ ﺣﺎﻟﻚ ﻣﺠﻴﺪﻩ ..
ﻣﺠﻴﺪﻩ : ﺍﻟﺤﻤﺪ ﻟﻠﻪ ﺍﻧﺘﻲ ﺷﻦ ﺩﺍﻳﺮﻩ ..
ﻋﻠﻴﺎ : ﺍﻟﺤﻤﺪ ﻟﻠﻪ ﻣﺎﺷﻴﻪ ..
ﺍﻧﻌﺎﻡ : ﻋﻨﺪﻛﻢ ﻃﺎﻟﻌﻪ ...
ﻋﻠﻴﺎ ﺍﺑﺘﺴﻤﺖ : ﺇﻳﻪ ..
ﺳﺎﺭﺓ : ﻭﻳﻦ ﺑﺘﻤﺸﻮﺍ ..
ﻋﻠﻴﺎ : ﻟﻶﻥ ﻣﺶ ﻋﺎﺭﻓﻪ ﺍﻟﺤﺴﻦ ﻓﺸﻦ ﻳﻔﻜﺮ ..
ﺣﺴﺎﻥ ﺑﻀﺤﻜﻪ : ﺗﻮ ﺗﻠﻘﺎﻩ ﻣﺪﺍﻳﺮﻟﻬﺎ ﺗﻘﻌﻤﻴﺰﺓ ﻓﻲ ﻭﺣﺪﻩ ﻣﻦ ﻧﻘﺎﻁ ﺍﻟﺘﻔﺘﻴﺶ ﻃﺎﻭﻟﻪ ﻭﻛﺮﺍﺳﻲ ﻭﻣﻈﻠﻪ ﻭﺯﻭﺯ ﻃﻮﺍﺳﻲ ﻋﺼﻴﺮ ..
ﺳﺎﺭﻩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻗﺼﺪﻙ ﺯﻱ ﺍﻟﻠﻘﻄﻪ ﺍﻟﻠﻲ ﺩﺍﺭﻫﺎ ﺍﺣﻤﺪ ﺍﻟﺴﻘﺎ ﻟﻬﻨﺪ ﺻﺒﺮﻱ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻋﻠﻴﺎ ﺗﺼﻨﻌﺖ ﺍﻟﺰﻋﻞ : ﻣﺶ ﻟﻬﺎﻟﺪﺭﺟﻪ ﻋﺎﺩ ...
ﻣﻴﺴﻮﻥ : ﻣﺎﻩ ﻋﻤﻮ ﻣﺶ ﻣﺘﺎﻉ ﻃﻠﻮﻉ ﻭﺍﺩﻫﻮﻳﺮ ﻫﺬﺍ ﻋﻼﺵ ﻫﻜﻲ ﻗﺎﻝ ﻋﻠﻴﻪ ..
ﺳﺮﻣﺪ : ﺣﻴﻔﺎﺟﺌﻜﻢ ﺍﻟﻴﻮﻡ ...
ﻣﺮﻋﻲ : ﺍﻫﺎﺍﺍﺍ ... ﻋﻨﺪﻙ ﺍﻟﺤﻜﺎﻳﻪ ..
ﺳﺮﻣﺪ ﺭﻗﺺ ﺣﻮﺍﺟﺒﻪ ﺑﺈﺑﺘﺴﺎﻣﻪ .. ﻏﻴﺮ ﻋﻴﻨﻪ ﻭﻓﺘﺤﻬﻢ ﻉ ﻭﺳﻌﻬﻢ ... ﻭﻫﺎﺩﻱ ﺍﻭﻝ ﺍﻟﻤﻔﺎﺟﺄﺕ .. ﺍﻟﺘﻔﺘﻮﺍ ﻛﻠﻬﻢ ﻭﻳﻦ ﻣﺎﻳﺸﺒﺢ ﺳﺮﻣﺪ .. ﻛﻠﻬﻢ ﻧﻈﺮﺍﺗﻬﻢ ﺑﻴﻦ ﺍﻟﻤﺪﻫﻮﺵ ﻭﺍﻟﻤﺘﻔﺎﺟﺄ .. ﻭﺷﻮﻳﻪ ﻭﺍﻧﻘﻠﺒﺖ ﻛﻠﻬﺎ ﻟﻨﻈﺮﺍﺕ ﺍﻋﺠﺎﺏ ...
ﺍﻟﺤﺴﻦ ﺍﺭﺑﻜﺎﺗﻪ ﻧﻈﺮﺍﺗﻬﻢ : ﺧﻴﺮﻛﻢ؟ !
ﺍﻧﻌﺎﻡ : ﻫﻮ ﺍﻧﺖ ﻧﻔﺴﻪ ﺍﻟﺤﺴﻦ ﻭﻟﺪ ﺧﻮﻱ ﺍﻟﺤﻤﺶ ..
ﺳﺎﺭﻩ : ﺍﻟﻠﻲ ﺩﻳﻤﺎ ﻳﻠﺒﺲ ﻓﻲ ﺍﻟﻐﺎﻣﻖ .. ﻭﺭﺳﻤﻲ ..
ﺳﺮﻣﺪ ﺑﻀﺤﻜﻪ : ﺣﺘﻰ ﻉ ﺍﻳﺎﻡ ﺷﺒﺎﺑﻪ ﻣﻜﺎﻧﺶ ﻳﻠﺒﺲ ﻫﻜﻲ ..
ﺍﻟﺤﺴﻦ ﺑﺮﻓﻌﺔ ﺣﻮﺍﺟﺐ : ﻉ ﺍﻳﺎﻡ ﺷﺒﺎﺑﻪ ؟ !! ﺗﻮ ﻳﺒﺎﻧﻠﻚ ﻳﺎ ﺳﻔﺘﻮﻝ ..
ﻛﻠﻬﻢ : 😂😂😂😂😂😂😂
ﻣﺠﻴﺪﻩ ﺑﻀﺤﻜﻪ : ﻛﻴﻒ ﺣﺎﻟﻚ
ﺍﻟﺤﺴﻦ : ﺍﻟﺤﻤﺪ ﻟﻠﻪ ﺍﻧﺘﻢ ﻛﻴﻒ ﺣﺎﻟﻜﻢ ... ﻭﻳﻦ ﻋﻠﻲ ..
ﻣﺠﻴﺪﻩ : ﺍﻟﺤﻤﺪ ﻟﻠﻪ .. ﺣﻄﻨﺎ ﻭﻣﺸﻲ ... ﻋﻨﺪﻩ ﺑﻀﺎﻋﻪ ﻣﺎﺑﻀﺎﻋﻪ ﺑﻴﺸﻮﻓﻬﺎ ..
ﻣﻴﺴﻮﻥ : ﻛﻴﻒ ﺣﺎﻟﻚ ﻋﻤﻮ ... ﻃﺎﻟﻊ ﻃﺮﻑ ﻣﻄﺮﻑ ..
ﺍﻟﺤﺴﻦ : ﺗﺤﺸﻤﻲ ..
ﻣﻴﺴﻮﻥ ﺷﺪﺕ ﺿﺤﻜﺘﻬﺎ ﻭﺳﻜﺘﺖ ..
ﺍﻟﺤﺴﻦ : ﻫﻴﺎ ﻋﻠﻴﺎ ...
ﻋﻠﻴﺎ ﻛﺎﻧﺖ ﻣﺒﻠﻤﻪ ﻓﻴﻪ ﻭﺧﻼﺹ ﻛﺎﻥ ﻃﺎﻟﻊ ﻏﻴﻴﻴﻴﻴﺮ ... ﻟﻮﻙ ﻣﺘﺎﻋﻪ ﻣﺼﻐﺮﻩ ﻫﻠﺒﻪ ﻭﺯﺍﺩﺕ ﺟﺎﺫﺑﻴﺘﻪ ﺍﻛﺜﺮ ﻭﺍﻛﺜﺮ .. ﻧﺎﺿﺖ ﻭﺟﺖ ﺣﺪﺍﻩ ﻭﻫﻲ ﺗﺴﺮﻗﻠﻪ ﻓﻲ ﺍﻟﻨﻈﺮﺍﺕ ﺳﻠﻤﻮﺍ ﻉ ﺍﻟﻜﻞ ﻭﻃﻠﻌﻮﺍ .. ﻭﻫﻲ ﻧﺎﺯﻟﻪ ﻣﻌﺎﻩ ﻣﻦ ﺍﻟﺪﺭﻭﺝ ﻭﺗﺸﺒﺤﻠﻪ ﻟﻴﻦ ﻭﺻﻠﻮﺍ ﻓﻲ ﺍﻟﺒﺎﺏ ﺍﻟﺒﺮﺍﻧﻲ .. ﻓﺘﺤﻪ .. ﻃﻠﻌﺖ ﻫﻲ ﺍﻷﻭﻟﻰ ﻭﻫﻮ ﻃﻠﻊ ﺑﻌﺪﻫﺎ .. ﻓﺘﺤﻠﻬﺎ ﺑﺎﺏ ﺍﻟﺴﻴﺎﺭﻩ ﺭﻛﺒﺖ .. ﻭﻣﺸﻲ ﻓﺘﺢ ﺑﺎﺑﻪ ﻭﺭﻛﺐ ....
ﺍﻟﺤﺴﻦ ﺷﺒﺤﻠﻬﺎ : ﺧﻴﺮﻙ ..
ﻋﻠﻴﺎ ﺑﺘﻠﻘﺎﺋﻴﻪ : ﻃﺎﻟﻊ ﺗﻬﺒﻞ ❤
ﺍﻟﺤﺴﻦ ﺍﺑﺘﺴﻢ : ﻳﻌﻨﻲ ﻋﺠﺒﺘﻚ ..
ﻋﻠﻴﺎ ﺑﺤﺐ : ﻭﺍﻧﺖ ﺍﻣﺘﻰ ﻣﺶ ﻋﺎﺟﺒﻨﻲ .. ﻋﺎﺟﺒﻨﻲ ﻓﻲ ﻛﻞ ﺣﺎﻻﺗﻚ ..
ﺍﻟﺤﺴﻦ : ﺍﺣﻤﻢ .. ﺧﻞ ﻧﺘﺤﺮﻙ ﻗﺒﻞ ﻟﻴﺼﻴﺮ ﻓﻴﻬﺎ ﻛﻼﻡ ﺗﺎﻧﻲ .. ﻭﻟﻊ ﺍﻟﺴﻴﺎﺭﻩ ﻭﺗﺤﺮﻛﻮﺍ ﻭﻋﻠﻴﺎ ﺗﻀﺤﻚ ...
ﻓﻲ ﺍﻟﻄﺮﻳﻖ ..
ﻋﻠﻴﺎ : ﺍﻣﻤﻤﻢ ﻭﻳﻦ ﻣﺎﺷﻴﻴﻦ ﺗﻮﺍ ..
ﺍﻟﺤﺴﻦ : ﺗﻮﺗﻌﺮﻓﻲ ﻟﻤﺎ ﻧﻮﺻﻠﻮﺍ ..
ﻋﻠﻴﺎ ﺑﺈﺑﺘﺴﺎﻣﻪ : ﺑﺎﻩ ..
ﺣﻂ ﺳﻲ ﺩﻱ ﻓﻲ ﺍﻟﻤﺴﺠﻞ .. ﻭﻭﻟﻌﻪ .. ﻭﺑﺪﻱ ﻳﻄﺮﺏ ﻓﻴﻬﻢ ﻣﺤﻤﺪ ﺣﺴﻦ .. ﺍﻟﻠﻲ ﺣﺒﺎﺗﻪ ﻭﺣﻔﻈﺖ ﻫﻠﺒﻪ ﻣﻦ ﺍﻏﺎﻧﻴﻪ ﻉ ﺧﺎﻃﺮ ﺍﻟﺤﺴﻦ ..
ﻗﻌﺪ ﻳﻐﻨﻲ ﻣﻌﺎﻩ .. ﻭﻫﻲ ﺗﺸﺒﺤﻠﻪ .. ﻭﺭﻛﺰﺕ ﻉ ﺻﻮﺍﺑﻌﻪ ﺍﻟﻠﻲ ﻛﺎﻥ ﻳﺪﺭﺑﻚ ﺑﻴﻬﻢ ﻉ ﺍﻟﺴﺘﺮﻳﺴﻮ .. ﻛﺎﻥ ﻣﻨﺴﺠﻢ ﻣﻊ ﺍﻷﻏﻨﻴﻪ ﻭﻫﻲ ﻣﻨﺴﺠﻤﻪ ﻣﻌﺎﻩ ﻫﻮ ...❤
ﻟﻴﻦ ﻭﺻﻠﻮﺍ ﻟﻤﻜﺎﻥ ﻣﺤﺪﺩ .. ﺩﺭﺱ ﺍﻟﺴﻴﺎﺭﺓ ﻭﻧﺰﻟﻮﺍ .. ﻫﺎﻟﻤﻜﺎﻥ ﻣﻮﻝ ﻣﺸﻬﻮﺭ ﻫﻠﺒﻪ .. ﺧﺸﻮﺍ ﺩﺍﺧﻞ .. ﻭﻣﺸﻮﺍ ﺟﻬﺔ ﻣﺤﻞ ﻣﻼﺑﺲ ﻟﻤﺎﺭﻛﺎﺕ ﻋﺎﻟﻤﻴﻪ .. ﻭﺧﺸﻮﺍ ﺍﻟﺰﻭﺯ ..
ﺍﻟﺤﺴﻦ : ﺍﻟﻠﻲ ﺗﺠﻲ ﻋﻴﻨﻚ ﻋﻠﻴﻪ ﻭﻳﻌﺠﺒﻚ ﺧﻮﺩﻳﻪ ﻭﻣﺎﺗﻔﻜﺮﻱ ﻓﺸﻲ ..
ﻋﻠﻴﺎ ﺍﺑﺘﺴﻤﺖ .. ﻭﺍﻧﻄﻠﻘﺖ ﻃﻮﻝ ﻓﻲ ﺭﺣﻠﺘﻬﺎ ﺑﻴﻦ ﺍﻟﺤﻮﺍﻳﺞ ﺍﻟﻠﻲ ﻛﻞ ﺣﺎﺟﻪ ﻛﺎﻧﺖ ﺍﺣﻠﻰ ﻣﻦ ﺍﻟﺘﺎﻧﻴﻪ ﻭﻛﺎﻧﺖ ﻟﻤﺎ ﺗﺤﺘﺎﺭ ﺗﺎﺧﺪ ﻓﻲ ﺭﺃﻳﻪ ﻭﻣﺎﺃﺳﺘﻔﺎﺩﺕ ﺷﻲ .. ﻷﻧﻬﺎ ﻛﻞ ﻣﺎﺗﺴﺄﻟﻪ ﻉ ﺣﺎﺟﻪ ﻳﻘﻮﻟﻠﻬﺎ " ﺍﻟﻠﻲ ﺗﻠﺒﺴﻴﻪ ﻳﺤﻠﻰ ﻋﻠﻴﻚ ..."❤
ﻛﺎﻧﺖ ﻣﺤﺘﺎﺭﻩ ﺑﻴﻦ ﺑﻠﻮﺯﺗﻴﻦ ...
ﻋﻠﻴﺎ : ﻻ ﻫﺎﻟﻤﺮﺓ ﻻﺯﻡ ﻳﻘﻮﻟﻲ ﺭﺃﻱ ﻣﺴﻘﻢ .. ﺍﻟﺘﻔﺘﺖ ﺑﺘﺴﺄﻟﻪ .. ﻟﻘﺖ ﻭﺣﺪﻩ ﻭﺍﻗﻔﻪ ﻉ ﺍﻟﺤﻮﺍﻳﺞ ﺗﺸﺒﺤﻠﻪ ﺑﻨﻈﺮﺍﺕ ﺇﻋﺠﺎﺏ .. ﻭﻫﻮ ﻻﻫﻲ ﺑﺘﻠﻴﻔﻮﻧﻪ .. ﻋﻠﻴﺎ ﺷﺎﻃﺖ ﻓﻴﻬﺎ ﺍﻟﻨﺎﺭ ... ﻗﺪﻣﺘﻠﻪ ..
ﻋﻠﻴﺎ : ﺣﺒﻴﺒﻲ ..
ﺍﻟﺤﺴﻦ ﺭﻛﺰ ﻣﻌﺎﻩ : ﺍﻣﻤﻢ ..
ﻋﻠﻴﺎ ﺑﺪﻟﻊ : ﺍﻣﺎ ﺍﺣﻠﻰ ﻫﺎﺩﻱ ﻭﻻ ﻫﺎﺩﻱ ..
ﺍﻟﺤﺴﻦ : ﺍﻧﺘﻲ ﺍﺣﻠﻰ ﻣﻨﻬﻢ ❤
ﻋﻠﻴﺎ ﺷﺒﺤﺖ ﻟﻠﺒﻨﺖ ﺑﺈﺑﺘﺴﺎﻣﻪ ﻣﻜﺮ ﻭﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺤﺴﻦ .. ﻭﺍﺑﺘﺴﻤﺖ ..
ﺍﻟﺒﻨﺖ ﻃﺎﺭﺗﻠﻬﺎ ﻭﻣﺸﺖ ﻣﻦ ﺣﺪﺍﻫﻢ .. ﺍﻟﺤﺴﻦ ﻛﺎﻥ ﻓﺎﻫﻢ ﺍﻟﻠﻲ ﺻﺎﺭ ﺑﺲ ﺩﺍﺭ ﺍﻟﺤﻮﻟﻪ .. ﻭﻣﻦ ﺩﺍﺧﻠﻪ ﺑﻴﻤﻮﺕ ﻋﻠﻴﻬﺎ ﻭﻉ ﻏﻴﺮﺗﻬﺎ .. ﺧﺪﺕ ﺍﻟﻠﻲ ﺗﺒﻴﻪ ﻭﻭﻗﻔﻮﺍ ﻉ ﺍﻟﻜﺎﺷﻴﺮﻩ .. ﺍﻟﻠﻲ ﻛﺎﻧﺖ ﻋﻴﻦ ﻓﻲ ﺍﻟﺤﺴﻦ ﻭﻋﻴﻦ ﻓﻲ ﺍﻟﺤﻮﺍﻳﺞ ..
ﻋﻠﻴﺎ ﺑﺤﻤﻘﻪ : ﺭﻛﺰﻱ ﻓﺸﻐﻠﻚ ﺣﺒﻴﺒﺘﻲ ﺑﺎﻟﻚ ﺗﻐﻠﻄﻲ ﻓﻲ ﺍﻟﺤﺴﺎﺏ ..
ﺍﻟﺤﺴﻦ ﺭﻓﻊ ﺣﺎﺟﺒﻪ ﺑﺄﺑﺘﺴﺎﻣﻪ ﻭﻫﻮ ﻳﺸﺒﺤﻠﻬﺎ ﻛﻴﻒ ﻭﺟﻬﻬﺎ ﺍﺣﻤﺮ ﻣﻦ ﺍﻟﻐﻴﺮﻩ ﻭﻗﺎﺭﻧﻪ ﺣﻮﺍﺟﺒﻬﺎ ..
ﻭﺍﻟﻜﺎﺷﻴﺮﺓ ﻣﺤﺮﺟﻪ ﻉ ﺍﻷﺧﺮ .. ﺑﻌﺪ ﻛﻤﻠﻮﺍ ﺍﻟﺤﺴﻦ ﺩﻓﻊ ..
ﺍﻟﻜﺎﺷﻴﺮﺓ ﻭﻫﻲ ﺗﺸﻮﻓﻠﻪ : ﻋﺎﻭﺩﻫﺎ 😍
ﻋﻠﻴﺎ ﻓﻨﺼﺖ ﻓﻴﻬﺎ ﻭﻫﻲ ﺷﺤﺒﺘﻬﺎ ..
ﺍﻟﻜﺎﺷﻴﺮﻩ ﺑﺮﺑﻜﻪ : ﻗﺼﺪﻱ ﻋﺎﻭﺩﻭﻫﺎ 😖
ﻋﻠﻴﺎ ﺷﺪﺕ ﺍﻳﺪ ﺍﻟﺤﺴﻦ : ﻫﻴﺎ ﺣﺒﻴﺒﻲ ﻭﻃﻠﻌﻮﺍ ..
ﻋﻠﻴﺎ : ﺍﻟﺘﺎﻓﻬﻪ ﺍﻟﺤﻴﻮﺍﻧﻪ ..
ﺍﻟﺤﺴﻦ : ﺷﻦ ﺍﻻﻟﻔﺎﻅ ﻫﺎﺩﻱ ..
ﻋﻠﻴﺎ : ﺍﺳﻜﺖ ﺗﺮﺍ ..
ﺍﻟﺤﺴﻦ : ﺷﻦ ﻫﻲ !!
ﻋﻠﻴﺎ ﺷﺒﺤﺘﻠﻪ : ﻭﺍﻧﻲ ﻣﻌﺼﺒﻪ ﻣﺎﺗﻜﻠﻤﻨﻴﺶ ..
ﺍﻟﺤﺴﻦ ﺍﺑﺘﺴﻢ ﺑﺮﻓﻌﺔ ﺣﺎﺟﺐ ﻭﻗﺮﺏ ﻣﻦ ﻭﺫﻧﻬﺎ : ﻋﺴﺴﺴﻞ ﺣﺘﻰ ﻭﺍﻧﺘﻲ ﻣﻌﺼﺒﻪ ..
ﻋﻠﻴﺎ ﺷﺪﺕ ﺿﺤﻜﺘﻬﺎ ﻭﻟﻔﺖ ﻭﺟﻬﻬﺎ ﻋﻨﻪ .. ﻭﻫﻮ ﻳﻀﺤﻚ ﻋﻠﻴﻬﺎ ..
ﻣﺸﻮ ﻟﻤﻘﻬﻰ ﻭﻗﻌﻤﺰﻭﺍ ﻓﻴﻪ .. ﻭﻃﻠﺒﻮﺍ ﻧﺴﻜﺎﻓﻴﻪ ﻭﻛﻴﻜﻪ ..
ﻋﻠﻴﺎ : ﺣﻘﻪ ﻋﻤﺮﻙ ﻣﺎﻃﻠﻌﺖ ﻭﻻﺟﻴﺖ ﻷﻣﺎﻛﻦ ﺯﻱ ﻫﺎﺩﻱ ..
ﺍﻟﺤﺴﻦ ﻭﻫﻮ ﻳﺸﺮﺏ ﻓﻲ ﺍﻟﻨﺴﻜﺎﻓﻴﻪ : ﻫﺎﺩﻱ ﺍﻭﻝ ﻣﺮﺓ ...
ﻋﻠﻴﺎ : ﻟﻬﺎﻟﺪﺭﺟﻪ ﺍﻧﺖ ﺟﺪﻱ ﻓﺤﻴﺎﺗﻚ ..
ﺍﻟﺤﺴﻦ : ﻧﻈﺮﺗﻲ ﻟﺒﻌﺾ ﺍﻷﻣﻮﺭ ﺗﺨﺘﻠﻒ ﺷﻮﻳﻪ .. ﻳﻌﻨﻲ ﺍﻧﻲ ﻋﻨﺪﻱ ﺍﻟﺤﺎﺟﺎﺕ ﻫﺎﺩﻱ ﺿﻴﺎﻉ ﻭﻗﺖ ﻭﻣﺎﻓﻴﺶ ﻣﻨﻬﺎ ﻓﺎﻳﺪﻩ ..
ﻋﻠﻴﺎ : ﺑﺲ ﻳﻌﻨﻲ ﺳﺎﻋﺔ ﻭﺳﺎﻋﻪ ﻻﺯﻡ ﺗﻐﻴﺮ ﺟﻮ ﺗﻔﺮﻫﺪ ﺷﻮﻳﻪ ..
ﺍﻟﺤﺴﻦ : ﺍﻟﺠﻮ ﺍﻟﻠﻲ ﻛﻨﺖ ﻓﻴﻪ ﻛﺎﻥ ﻋﺎﺟﺒﻨﻲ ﻭﻣﺎﺭﻳﺘﺶ ﻓﻲ ﺩﺍﻋﻲ ﺍﻧﻲ ﻧﻐﻴﺮﻩ ..
ﻋﻠﻴﺎ : ﺍﻣﻤﻢ .. ﺑﺎﻩ ﺗﻮﺍ ﺷﻦ ﻏﻴﺮ ﺭﺍﻳﻚ ..
ﺍﻟﺤﺴﻦ ﺍﺑﺘﺴﻢ : ﺍﻧﺘﻲ ..
ﻋﻠﻴﺎ ﺑﺈﺑﺘﺴﺎﻣﻪ : ﻛﻴﻒ ..
ﺍﻟﺤﺴﻦ : ﺷﻮﻓﻲ ... ﺑﺎﻟﺰﺑﻂ .. ﺍﻧﻲ ﺣﻴﺎﺗﻲ ﻛﺎﻧﻮﺍ ﻓﻴﻬﺎ ﻟﻮﻧﻴﻦ ﺑﺲ .. ﺍﺑﻴﺾ ﻭﺍﺳﻮﺩ .. ﺷﺒﺤﻠﻬﺎ ﺑﻨﻈﺮﻩ ﻋﻠﻴﺎ ﺗﻤﻮﺕ ﻓﻴﻬﺎ .. ﺍﻧﺘﻲ ﺧﻠﻴﺘﻲ ﻓﻴﻬﺎ ﻟﻮﻥ ﻭﺭﺩﻱ ﻭﺍﺯﺭﻕ ﻭﺍﺣﻤﺮ .. ﺧﻠﻴﺘﻲ ﻋﻴﻨﻲ ﺗﺸﻮﻑ ﻟﻠﺤﻴﺎﺓ ﺑﻨﻈﺮﺓ ﺗﺎﻧﻴﻪ .. ﻭﺣﻠﻮﺓ ﻫﻠﺒﻪ .. ﺯﻳﻚ ❤
ﻋﻠﻴﺎ ﻭﺟﻬﻬﺎ ﺍﺣﻤﺮ ﻭﺍﺑﺘﺴﻤﺖ ﺑﺨﺠﻞ ﻭﻭﻃﺖ ﻋﻴﻮﻧﻬﺎ ﻟﻮﻃﺎ ..
ﻫﻮ ﺍﺑﺘﺴﻢ ﻟﺨﺠﻠﻬﺎ : ﻧﺤﺒﻚ ..
ﻋﻠﻴﺎ ﻏﻤﻀﺖ ﻋﻴﻮﻧﻬﺎ ﻭﺑﻀﺤﻜﻪ : ﺑﺎﻟﺸﻮﻳﻪ ﻉ ﻗﻠﺒﻲ ﻳﺎﺍﺑﻦ ﺍﻟﻨﺎﺱ ..
ﺍﻟﺤﺴﻦ ﺿﺤﻚ .. ﻫﻲ ﺿﺤﻜﺖ .. ﻫﺪﺭﺯﻭﺍ ﺑﻌﺪﻳﻦ ﻧﺎﺿﻮﺍ ﻭﻃﻠﻌﻮﺍ ﻣﻦ ﺍﻟﻤﻮﻝ ﻭﺍﻟﺤﺴﻦ ﺣﻂ ﺍﻟﺤﺎﺟﺎﺕ ﻓﻲ ﺍﻟﺴﻴﺎﺭﻩ .. ﻭﺗﺤﺮﻛﻮﺍ ...
ﺍﻟﺤﺴﻦ : ﻧﻤﺸﻮﺍ ﻟﻠﻤﻴﺪﺍﻥ ..
ﻋﻠﻴﺎ : ﻳﺎﺭﻳﺖ ..
ﺍﻟﺤﺴﻦ ﺍﺑﺘﺴﻢ ﻭﻣﺸﻮﺍ ﻏﺎﺩﻱ .. ﻧﺰﻟﻮﺍ ﻣﻦ ﺍﻟﺴﻴﺎﺭﻩ ﺑﻌﺪ ﺳﻜﺮﻫﺎ ﺯﻳﻦ ﻣﺸﻮﺍ ﻭﻗﻌﻤﺰﻭﺍ ﻓﺘﺮﻛﻴﻨﻪ ... ﺧﺪﺍﻟﻬﺎ ﺳﺒﻮﻝ ﻭﺣﺎﺟﺎﺕ ﺗﺎﻧﻴﻪ ﻭﻗﻌﻤﺰﻭﺍ ﻳﺎﻛﻠﻮﺍ ﻭﻳﻬﺪﺭﺯﻭﺍ ﻭﻛﺎﻧﺖ ﻋﻠﻴﺎ ﺗﺼﻮﺭ ﻫﻲ ﻭﻳﺎﻩ ﺳﻠﻔﻴﺎﺕ ...
" ﺍﺷﺮﻳﻠﻬﺎ ﻭﺭﺩﺓ ﻛﺎﻧﻚ ﺗﺤﺒﻬﺎ "
ﺍﻟﺤﺴﻦ : ﻃﺎﻟﻌﻠﻲ ﻓﻲ ﺍﻟﺒﺨﺖ ..
ﻋﻠﻴﺎ ﺿﺤﻜﺖ ..
ﺍﻟﺒﺎﻳﻊ : ﺗﻲ ﻫﻴﺎ ﻳﺎﺭﺍﺟﻞ ﻣﺎﺗﺒﺨﻠﺶ ﻋﻠﻴﻬﺎ ﺑﻮﺭﺩﺓ ..
ﺍﻟﺤﺴﻦ : ﺍﻧﻲ ﻣﺎ ﻧﺒﺨﻠﺶ ﻋﻠﻴﻬﺎ ﺑﺮﻭﺣﻲ .. ﻣﺶ ﻭﺭﺩﻩ ..
ﻋﻠﻴﺎ ﺷﺒﺤﺘﻠﻪ ﺑﺤﺐ ...
ﺧﺪﺍﻟﻬﺎ ﻭﺭﺩﻩ ﻭﺍﻟﺒﺎﻳﻊ ﺍﺑﺘﺴﻢ : ﺭﺩﻱ ﺑﺎﻟﻚ ﻋﻠﻴﻪ ﺍﻟﺮﺍﺟﻞ ﻫﺬﺍ ﻳﺤﺒﻚ ﻫﻠﺒﻪ .. ﻭﻣﺸﻲ ﻭﺧﻼﻫﻢ ..
ﺍﻟﺤﺴﻦ : ﻉ ﺍﺳﺎﺱ ﻗﻠﺖ ﺣﺎﺟﻪ ﺟﺪﻳﺪﻩ ...
ﻋﻠﻴﺎ : ﺑﺎﻟﻨﺴﺒﻪ ﻟﻴﺎ ﺍﻧﻲ ﺟﺪﻳﺪﻩ .. ﺍﻣﺘﻰ ﺍﻟﻨﺎﺱ ﺗﺸﻮﻑ ﺣﺒﻚ ﻟﻴﺎ ﻓﻴﻚ .. ﻧﺰﻳﺪ ﻧﻔﺮﺡ ﺍﻛﺜﺮ ﻭﺍﻛﺜﺮ ...
ﺍﻟﺤﺴﻦ ﻳﺸﺒﺤﻠﻬﺎ : ﺗﻨﻮﺿﻲ ﻧﺮﻭﺣﻮﺍ 💓..
ﻋﻠﻴﺎ ﺿﺤﻜﺖ ﺑﺨﺠﻞ : ﺍﻣﻤﻢ ﺑﺎﻩ ❤..
ﻛﻴﻒ ﻧﺎﺿﻮﺍ ﺭﻥ ﺗﻠﻴﻔﻮﻥ ﺍﻟﺤﺴﻦ ﻭﻛﺎﻧﺖ ﺍﻣﻪ ﺭﺩ ..
ﺍﻟﺤﺴﻦ : ﺍﻟﺴﻼﻡ ﻋﻠﻴﻜﻢ ..
ﻭﺳﻴﻠﻪ ﺑﺒﻜﻲ : ﺗﻌﺎﻟﻰ ﻳﺎﻭﻟﺪﻱ ﺍﺧﺘﻚ ﺟﻨﺎﻥ ﻃﻠﻌﺖ ﻣﺶ ﻻﻗﻴﻴﻨﻬﺎ ﻓﻲ ﺍﻟﺤﻮﺵ .. ﻃﻮﻝ ﺍﻟﺤﺴﻦ ﺻﻜﺮ ﻋﻠﻴﻬﺎ ... ﻭﺟﺒﺪ ﻋﻠﻴﺎ ﻣﻦ ﺍﻳﺪﻫﺎ ﻭﻣﺸﻮﺍ ..
ﻋﻠﻴﺎ ﺑﺨﻮﻑ : ﺷﻦ ﻓﻲ ..
ﻓﺘﺤﻠﻬﺎ ﺍﻟﺒﺎﺏ ﻭﻣﺸﻲ ﻃﻮﻝ ﺭﻛﺐ ..
ﻋﻠﻴﺎ ﺑﻌﺪ ﺭﻛﺒﺖ : ﺍﻟﺤﺴﻦ ﻗﻮﻟﻲ ﺷﻦ ﻓﻲ ﺧﻔﺖ ﻫﻠﺒﻪ ﺭﻩ ..
ﺍﻟﺤﺴﻦ : ﺟﻨﺎﻥ ﺍﺷﺒﺢ ﻭﻳﻦ ﻣﺸﺖ ....
ﻋﻠﻴﺎ ﺣﻄﺖ ﺍﻳﺪﻫﺎ ﻉ ﻓﻤﻬﺎ ﻣﻦ ﺍﻟﺼﺪﻣﻪ ﻭﺍﻟﺤﺴﻦ ﻃﻮﻝ ﺗﺤﺮﻙ ﻟﺤﻮﺵ ﺃﻫﻠﻪ ...
ﻓﺤﻮﺵ ﻋﺎﺑﺪ ..
ﻭﺳﻴﻠﻪ ﺗﺒﻜﻲ : ﻭﺍﻟﻠﻪ ﺧﺸﻴﺖ ﺍﻟﺤﻤﺎﻡ ﻭﻃﻠﻌﺖ ﻣﻌﺶ ﻟﻘﻴﺘﻬﺎ ..
ﺧﻮﻟﻪ ﺑﺒﻜﻲ : ﺧﺪﺍﻧﻲ ﺍﻟﻨﻮﻡ ... ﻣﺶ ﻋﺎﺭﻓﻪ ﻛﻴﻒ ﻏﻔﻠﺖ ﻋﻨﻬﺎ ...
ﻋﻠﻴﺎ ﻭﺩﻣﻮﻋﻬﺎ ﻳﻨﺰﻟﻮﺍ : ﺍﻫﺪﻭﺍ ﺷﻮﻳﻪ ﻭﺧﻠﻮﻧﺎ ﻧﻔﻜﺮﻭﺍ ﻭﻳﻦ ﻣﻤﻜﻦ ﺗﻤﺸﻲ ...
ﻭﺳﻴﻠﻪ ﺑﺤﺪﻩ : ﻧﺮﺍﺟﻮﺍ ﻓﻴﻚ ﺗﻘﻮﻟﻴﻠﻨﺎ ...
ﻋﻠﻴﺎ ﺍﻧﺼﻤﺘﺖ ﻭﺳﻜﺘﺖ ﻣﺮﺓ ﻭﺣﺪﻩ ﻭﺍﻟﺤﺴﻦ ﺗﻜﻨﻄﺎ ﺑﺲ ﺍﻟﻮﻗﺖ ﻣﺶ ﻣﻨﺎﺳﺐ ..
ﻉ ﺧﺸﺔ ﺣﺴﺎﻥ ﻭﻋﻠﻲ ..
ﺍﻟﺤﺴﻦ : ﺷﻨﻮﺻﺎﺭ ...
ﺣﺴﺎﻥ : ﻣﺎﺧﻠﻴﻨﺎ ﻣﺴﺘﺸﻔﻰ ﻣﺎﺳﺄﻟﻨﺎﺵ ﻓﻴﻬﺎ ..
ﻋﻠﻲ : ﻛﻴﻒ ﺍﻟﺒﻨﺖ ﻓﻬﺎﻟﻤﻐﺎﺭﻳﺐ ﻭﻳﻦ ﻣﺸﺖ ..
ﺍﻟﺤﺴﻦ : ﺑﻮﻱ ﻋﻨﺪﻩ ﻋﻠﻢ ..
ﺣﺴﺎﻥ : ﻻ ...
ﻋﻠﻴﺎ : ﺑﺎﻩ ﺻﺎﺣﺒﺎﺗﻬﺎ ..
ﺧﻮﻟﻪ : ﻛﻠﻤﺘﻬﻢ .. ﻛﻠﻬﻢ ﻗﺎﻟﻮﺍ ﻟﻴﻬﻢ ﻣﺪﻩ ﻣﻌﺎﺵ ﻛﻠﻤﻮﻫﺎ ﻭﻻﻛﻠﻤﺘﻬﻢ ..
ﺍﻟﺤﺴﻦ ﻗﺮﻳﺐ ﻳﻬﺒﻞ .. ﻃﻠﻊ ﻭﻃﻠﻌﻮﺍ ﻭﺭﺍﻩ ﺧﻮﺗﻪ ..
ﻋﻠﻴﺎ ﻛﺎﻧﺖ ﺗﻔﻜﺮ ﺟﻨﺎﻥ ﺗﻮﺍ ﻓﻲ ﺣﺎﻟﺔ ﺣﺰﻥ ﺷﺪﻳﺪ ﻉ ﻓﻘﺪﻫﺎ ﻟﻐﺎﻟﻲ .. ﻭﻳﻦ ﻣﻤﻜﻦ ﺍﻟﻠﻲ ﻓﺤﺎﻟﺘﻬﺎ ﺗﻜﻮﻥ ﻣﺸﺖ .. ﻗﻌﺪﺕ ﺗﻔﻜﺮ ﻫﻠﺒﻪ .. ﺑﻌﺪﻳﻦ ..
ﻋﻠﻴﺎ : ﺧﻮﻟﻪ ﻋﻄﻴﻨﻲ ﺭﻗﻢ ﺍﻗﺮﺏ ﺻﺎﺣﺒﺎﺗﻬﺎ ﻟﻴﻬﺎ ..
ﺧﻮﻟﻪ : ﺑﺎﻩ .. ﻋﻄﺖ ﻟﻌﻠﻴﺎ ﺍﻟﺮﻗﻢ ﻭﺍﺗﺼﻠﺖ ﻭﻣﺸﺖ ﻉ ﺗﺮﻛﻴﻨﻪ ..
ﺭﺩﺕ ﻋﻼ : ﻫﺎﻩ ﺧﻮﻟﻪ ﻟﻘﻴﺘﻮﻫﺎ ..
ﻋﻠﻴﺎ : ﻣﻌﺎﻙ ﻋﻠﻴﺎ ﻣﺮﺕ ﺧﻮﻫﺎ ..
ﻋﻼ : ﺗﻔﻀﻠﻲ ..
ﻋﻠﻴﺎ : ﺑﻨﺴﺄﻟﻚ .. ﺧﻄﻴﺒﻬﺎ ﺍﻟﻠﻪ ﻳﺮﺣﻤﻪ ﻛﺎﻧﺖ ﺗﺘﻼﻗﻰ ﻣﻌﺎﻩ ﺍﻛﻴﺪ .. ﻣﺎﺗﻌﺮﻓﻴﺶ ﻭﻳﻦ ﻳﺸﻮﻓﻮﺍ ﻓﺒﻌﺾ ﻏﺎﻟﺒﺎ ..
ﻋﻼ : ﺍﻳﻴﻴﻴﻪ .. ﺻﺢ .. ﻓﻲ ﺣﺪﻳﻘﻪ ﻓﻲ ****** ﻛﺎﻥ ﻳﺸﻮﻓﻮﺍ ﻓﺒﻌﺾ ﻓﻴﻬﺎ ﺑﺎﻟﻌﻼﻣﻪ ﻛﺎﻧﺖ ﺗﻘﻮﻟﻲ ﻻﻥ ﻣﺎﻟﻴﻬﺎﺵ ﺍﺳﻢ ﻣﺤﻤﺪ ﺳﻤﺎﻫﺎ ﺣﺪﻳﻘﺔ ﺷﻤﺲ ..
ﻋﻠﻴﺎ ﺍﺑﺘﺴﻤﺖ ﺑﺄﻣﻞ ﻭﺃﻟﻢ ﻓﻲ ﻧﻔﺲ ﺍﻟﻮﻗﺖ : ﺻﺤﻴﺘﻲ ..
ﻋﻼ : ﺑﺎﻟﻠﻪ ﻟﻮ ﻟﻘﻴﺘﻮﻫﺎ ﻗﻮﻟﻮﻟﻲ ..
ﻋﻠﻴﺎ : ﺇﻥ ﺷﺎﺀ ﺍﻟﻠﻪ .. ﺻﻜﺮﺕ .. ﻭﻃﻮﻝ ﻃﻠﻌﺖ ﺑﺮﺍ .. ﻭﺧﻮﻟﻪ ﻭﻭﺳﻴﻠﻪ ﻳﺸﻮﻓﻮﻟﻬﺎ ..
ﻃﻠﻌﺖ ﻟﻘﺖ ﺍﻟﺤﺴﻦ ﻭﺧﻮﺗﻪ ﻳﺘﻨﺎﻗﺸﻮﺍ ..
ﻋﻠﻴﺎ : ﺍﻟﺤﺴﻦ .. ﺧﻠﻴﻨﺎ ﻧﻤﺸﻮﺍ ﻟﺤﺪﻳﻘﻪ ﻓﻲ ***** ﻣﻤﻜﻦ ﻧﻠﻘﻮﻫﺎ ﻏﺎﺩﻱ ..
ﺍﻟﺤﺴﻦ : ﺍﻃﻠﻌﻲ ﻫﻴﺎ .. ﻃﻠﻊ ﻭﻃﻠﻌﺖ ﻋﻠﻴﺎ ﻭﺭﺍﻩ .. ﻭﻟﺤﻘﻮﻫﻢ ﻋﻠﻲ ﻭﺣﺴﺎﻥ ...
***
ﻳﺎﻋﻴﻨﻲ ﻭﺍﺷﻲ ﻭﺍﺷﻲ .. ﻭﺍﻻﺳﻤﺮ ﻃﻮﻝ ﻣﺎﺟﺎﺷﻲ .. ﻭﺍﻟﻔﺮﻗﻪ ﻣﺮﺓ ..
ﻳﺎﺭﻭﺣﻲ ﻭﺍﺷﻲ ﻭﺍﺷﻲ .. ﻭﺍﻷﺳﻤﺮ ﻃﻮﻝ ﻣﺎﺟﺎﺷﻲ .. ﻭﺍﻟﻔﺮﻗﻪ ﻣﺮﺓ ..
ﻛﺎﻧﺖ ﻣﻘﻌﻤﺰﺓ ﻉ ﻭﺣﺪﻩ ﻣﻦ ﺍﻟﻜﺮﺍﺳﻲ ﻻﺑﺴﻪ ﻋﺒﺎﻳﻪ ﻭﺣﺎﻃﻪ ﻭﺷﺎﺡ ﻉ ﺭﺍﺳﻬﺎ ﻭﺑﺤﺪﺍﻫﺎ ﺑﻮﻛﺲ ﻟﻮﻧﻪ ﺫﻫﺒﻲ ..
ﺩﻣﻮﻋﻬﺎ ﺗﻨﺰﻝ ﻭﻫﻲ ﺗﺮﺩﺩ ﻓﻲ ﺍﻷﻏﻨﻴﻪ .. ﻭﻣﺶ ﺣﺎﺳﻪ ﺑﺸﻲ ﻣﻦ ﺍﻟﻨﺎﺭ ﺍﻟﻠﻲ ﻓﻘﻠﺒﻬﺎ .. ﻗﻠﺒﻬﺎ ﺍﻟﻠﻲ ﺭﺍﻓﺾ ﻳﺼﺪﻕ ﻣﻮﺕ ﺣﺒﻴﺒﻪ ﻭﻓﺮﺽ ﻉ ﻋﻘﻠﻬﺎ ﺣﺘﻰ ﻫﻮ ﻣﺎﻳﺼﺪﻗﺶ ..
ﻭﻗﻔﻮﺍ ﻭﻫﻤﺎ ﻳﺸﻮﻓﻮﺍ ﻓﻴﻬﺎ ﻭﺗﻨﻔﺴﻮﺍ ﺍﻟﺼﻌﺪﺍﺀ .. ﻗﺪﻣﺖ ﻋﻠﻴﺎ ﻭﻗﻌﻤﺰﺕ ﺟﻨﺒﻬﺎ ...
ﻋﻠﻴﺎ : ﺟﻨﺎﻥ ...
ﺟﻨﺎﻥ ﻭﻋﻴﻮﻧﻬﺎ ﻳﺸﺒﺤﻮﺍ ﻓﻲ ﺍﻟﻔﺮﺍﻍ : ﻋﻄﻞ ﻫﻠﺒﻪ .. ﺍﻟﺪﻧﻴﺎ ﻟﻴﻠﺖ ﻭﻫﻮ ﻣﺎﺟﺎﺵ .. ﺍﻟﻴﻮﻡ ﻋﻴﺪ ﻣﻴﻼﺩﻱ .. ﻋﻼﺵ ﺑﻌﺖ ﺍﻟﻬﺪﻳﻪ ﻭﻣﺎﺟﺎﺵ ..
ﻋﻠﻴﺎ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﺷﺒﺤﺖ ﺍﻟﺒﻮﻛﺲ ... ﻧﺎﺿﺖ ﻭﻗﺮﺑﺘﻠﻪ ﻛﺎﻥ ﻋﻠﻴﻪ ﻛﺮﺕ ﺧﺪﺍﺗﻪ ﻭﻗﻌﺪﺕ ﺗﻘﺮﺍ ﻓﻴﻪ ..
( ﻓﻲ ﻋﻴﺪﻙ ﻳﺎﺷﻤﺴﻲ ﺍﺿﺎﺀﺕ ﺩﻧﻴﺎﻱ ﺑﻨﻮﺭ ﻣﺨﺘﻠﻒ .. ﻧﻮﺭ ﺣﺒﻚ ..
ﻧﺤﺒﻚ ﻟﻠﻤﻮﺕ .. ﺍﻟﻔﻬﺪ ﺍﻻﺳﻮﺩ ) ..
ﻋﻠﻴﺎ ﺩﻣﻮﻋﻬﺎ ﻧﺰﻟﻮﺍ .. ﺷﺒﺤﺖ ﻟﻠﺤﺴﻦ .. ﻭﻫﻮ ﻗﺪﻡ ﺑﺨﻄﻮﺍﺕ ﺛﻘﻴﻠﻪ .. ﻭﻭﺻﻞ ﻓﻲ ﺍﺧﺘﻪ ﻧﺰﻝ ﻉ ﺭﻭﺱ ﺻﻮﺍﺑﻌﻪ ﻭﺷﺪ ﻭﺟﻬﻬﺎ ﺑﺄﻳﺪﻳﻪ ..
ﺍﻟﺤﺴﻦ : ﻟﻮ ﻳﻨﺪﺭﻱ ﺑﺤﺎﻟﺘﻚ ﻫﺎﺩﻱ ... ﻣﺶ ﺣﺘﺮﻳﺤﻴﻪ ﻓﻲ ﻗﺒﺮﻩ ... ﺟﻨﺎﻥ ﻫﻮ ﺗﻮﺍ ﺑﺄﻣﺲ ﺍﻟﺤﺎﺟﻪ ﻟﺸﻲ ﻳﺄﻧﺲ ﻭﺣﺸﺘﻪ ﻓﻲ ﻫﺬﺍﻛﺎ ﺍﻟﻤﻜﺎﻥ ... ﺑﺤﺎﺟﻪ ﺍﻟﺪﻋﺎﺀ ... ﺍﻻﻋﻤﺎﻝ ﺍﻟﺼﺎﻟﺤﻪ ﺍﻟﻠﻲ ﺗﻘﺪﺭﻱ ﺩﻳﺮﻱ ﻣﻨﻬﺎ ﻫﻠﺒﻪ ﺑﻨﻴﺘﻪ ﻭﻳﻘﻌﺪ ﺍﺟﺮﻫﺎ ﻻﺣﻘﻪ ﻟﻴﻮﻡ ﺍﻟﻘﻴﺎﻣﻪ .. ﻟﻮ ﺗﺤﺒﻴﻪ ﺣﻖ ﻣﺎﺩﻳﺮﻳﺶ ﻓﺮﻭﺣﻚ ﻫﻜﻲ ...
ﺟﻨﺎﻥ ﻧﺰﻟﻮﺍ ﺩﻣﻮﻋﻬﺎ : ﻣﺶ ﻗﺎﺩﺭﺓ ﻧﺼﺪﻕ ..
ﺍﻟﺤﺴﻦ ﻋﻴﻮﻧﻪ ﺗﻌﺒﻮﺍ ﺩﻣﻮﻉ ﻭﻫﻮ ﺷﺎﺩﻫﻢ ﺑﻜﻞ ﻗﻮﺗﻪ : ﺻﺪﻗﻲ .. ﺍﻟﻔﻬﺪ ﺍﺳﺘﺸﻬﺪ ﻣﺎﺕ ﺭﺍﺟﻞ .. ﺍﻓﺮﺣﻴﻠﻪ .. ﻭﺍﺩﻋﻴﻠﻪ .. ﻭﺍﺭﺿﻲ ﺑﻘﻀﺎﺀ ﺭﺑﻚ ....
ﺟﻨﺎﻥ ﺑﺪﺕ ﺗﺒﻜﻲ ﺑﺎﻟﻌﺒﺮﺓ ﻭﺧﻮﻫﺎ ﻧﺎﺽ ﺣﻀﻨﻬﺎ ﻭﻫﻮ ﻣﻘﻌﻤﺰ ﺟﻨﺒﻬﺎ .. ﻭﻋﻠﻴﺎ ﺑﻌﺪﺕ ﻋﻨﻬﻢ ﺷﻮﻱ ﻭﻗﻌﺪﺕ ﺗﺒﻜﻲ ﺑﺮﻭﺣﻬﺎ ..
ﺣﺴﺎﻥ ﻭﻋﻠﻲ ﻛﺎﻧﻮﺍ ﻣﻘﻤﻌﻤﺰﻳﻦ ﺑﻌﻴﺪ ﻭﻣﻮﺟﻮﻋﻴﻦ ﻉ ﺣﺎﻝ ﺍﺧﺘﻬﻢ ﻫﻠﺒﻪ ...
ﺭﻭﺣﻮﺍ ﺑﻴﻬﺎ ﻟﻠﺤﻮﺵ ... ﻭﺍﻣﻬﺎ ﻃﻮﻝ ﺧﺪﺗﻬﺎ ﻓﻲ ﺣﻀﻨﻬﺎ ﻭﺭﻓﻌﺘﻬﺎ ﻟﺪﺍﺭﻫﺎ .. ﺟﻨﺎﻥ ﺧﺸﺖ ﺩﻭﺷﺖ .. ﻭﺗﻮﺿﺖ .. ﻭﻃﻠﻌﺖ ﻟﺒﺴﺖ ﻣﻼﻳﻪ ﺍﻟﺼﻼﺓ ﻭﻃﺮﺣﺖ ﺍﻟﺼﻼﻳﻪ ﻭﻗﻌﺪﺕ ﺗﺼﻠﻲ ... ﺗﻔﻀﻔﺾ .. ﻭﺗﺒﻜﻲ .. ﻭﺗﺪﻋﻲ .. ﻭﻫﻲ ﻣﺨﺘﻠﻴﻪ ﺑﺄﻛﺜﺮ ﻣﻦ ﻫﻮ ﻋﺎﻟﻢ ﺑﺤﺎﻟﻬﺎ ... ﺭﺑﻲ ...❤
ﺑﺮﺍ ﻓﻲ ﺍﻟﺼﺎﻟﻪ ..
ﺍﻟﺤﺴﻦ : ﻻﺯﻡ ﺗﺒﻌﺪ ﻣﻦ ﻫﻨﻲ ﻓﺘﺮﻩ ..
ﻋﻠﻲ : ﻭﻗﺮﺍﻳﺘﻬﺎ ..
ﻋﺎﺑﺪ : ﺍﻣﺎ ﻗﺮﺍﻳﻪ ﺍﻟﻠﻲ ﺑﺘﻘﺮﺍﻫﺎ ﻭﻫﺎﺩﻱ ﺣﺎﻟﺘﻬﺎ .. ﻧﻔﻜﺮ ﻧﻤﺸﻮﺍ ﻋﻤﺮﺓ ..
ﺣﺴﺎﻥ : ﺍﺣﺴﻦ ﺷﻲ ...
ﺍﻟﺤﺴﻦ : ﻛﻮﻳﺲ ... ﺑﺎﻟﻚ ﺗﺘﺤﺴﻦ ﺣﺎﻟﺘﻬﺎ ﻭﺗﺮﻭﺡ ﺗﺘﻤﺘﺤﻦ ﻃﻮﻝ ..
ﻋﺎﺑﺪ ﻋﻴﻨﻪ ﺟﺖ ﻓﻲ ﺍﻟﺘﻠﻔﺰﻳﻮﻥ ﻓﻨﺺ ...
ﺷﺒﺤﻮﺍ ﻛﻠﻬﻢ ﻟﻠﺘﻠﻔﺰﻳﻮﻥ ..
ﻋﻠﻲ : ﺭﺳﻤﻲ ﺍﻟﺮﺍﺟﻞ ﻫﺬﺍ ﻣﺪﻗﻮﻕ ..
ﻧﺎﺽ ﺍﻟﺤﺴﻦ ﻭﻋﻼ ﺍﻟﺼﻮﺕ ...
ﺳﺮﻣﺪ ﻓﻲ ﺑﺮﻧﺎﻣﺠﻪ 📺...
ﺳﺮﻣﺪ : ﻣﺴﺎﺀ ﺍﻟﺨﻴﺮﺍﺕ ... ﻭﺟﻪ ﻧﻈﺮﺗﻪ ﻟﻠﻜﺎﻣﻴﺮﺍ ﺍﻟﻠﻲ ﻗﺪﺍﻣﻪ ﻭﻫﻮ ﺣﺎﻁ ﺍﻳﺪﻩ ﺗﺤﺖ ﺫﻗﻨﻪ ﻭﺭﺍﻓﻊ ﺣﺎﺟﺒﻪ ﺍﻟﻴﻤﻴﻦ ﻭﻣﺒﺘﺴﻢ ﺑﺘﺤﺪﻱ .. ﻛﺎﻥ ﻻﺑﺲ ﺑﺪﻟﻪ ﺳﻮﺩﺍ ﻭﻧﻈﺮﺍﺕ ﻃﺒﻴﻪ ﻭﻟﺤﻴﺘﻪ ﻣﺎﺑﺎﺵ ﻳﺤﻮﻟﻬﺎ ﺍﻭﻝ ﻣﺮﺓ ﻳﻄﻠﻊ ﺑﻴﻬﺎ ﻉ ﺍﻟﻬﻮﺍ ... ﺩﺍﻡ ﻧﻈﺮﻩ ﻟﻠﻜﺎﻣﻴﺮﺍ ﻟﻠﺤﻈﺎﺕ ﺑﻌﺪﻳﻦ ﻗﺎﻝ : ﺷﻔﺘﻮﻧﻲ .. ﻣﻠﻴﺘﻮﺍ ﻋﻴﻮﻧﻜﻢ .. ﻗﺎﻋﺪ ﺣﻲ ﺍﺭﺯﻕ .. ﻭﺑﻨﺮﺟﻊ ﺷﻮﻛﻪ ﻓﺤﻠﻮﻗﻜﻢ ﻣﻦ ﺟﺪﻳﺪ .. ﺑﻌﺘﻮﺍ ﻣﻦ ﻳﻀﺮﺑﻨﻲ ﻟﻠﻤﻮﺕ .. ﻟﻜﻦ ﻣﺎﻣﻤﺘﺶ ... ﻭﻣﺎﺳﻜﺘﺶ .. ﻭﻻﺣﻨﺴﻜﺖ .. ﻭﻻﺣﻨﺨﻠﻴﻜﻢ ﻳﻮﻡ ﺗﺴﻜﺘﻮﻧﻲ ﻣﻬﻤﺎ ﺩﺭﺗﻮﺍ .... ﺍﺷﺮ ﺑﺴﺒﺎﺑﺘﻪ ﻟﻠﻜﺎﻣﻴﺮﺍ .. ﻧﻮﻋﺪﻛﻢ ﻭﻋﺪ ﺷﺮﻑ ﺣﻨﺨﻠﻲ ﻟﺴﺎﻧﻲ ﺣﺎﺩ ﺍﻛﺜﺮ ﻣﻦ ﻗﺒﻞ .. ﻭﺣﻨﻘﻄﻌﻜﻢ ﺗﻘﻄﻴﻊ ﻭﺍﻧﻲ ﻣﺴﺘﻤﺘﻊ .. ﻭﺣﻄﻮﻫﺎ ﻓﺮﻭﺳﻜﻢ .. ﺳﺮﻣﺪ ﺍﻟﺼﺎﺩﻕ ﻟﻢ ﻭﻟﻦ ﻳﺨﺸﻰ ﻓﻲ ﺍﻟﺤﻖ ﻟﻮﻣﺔ ﻻﺋﻢ ..
ﺍﺣﻤﻢ .. ﻧﻄﻠﻌﻮﺍ ﻓﺎﺻﻞ ﻭﺭﺍﺟﻌﻴﻦ ﻭﻣﺎﺯﺍﻝ ﻋﻨﺪﻱ ﻣﺎﻧﻘﻮﻝ ...
ﺍﻟﺴﺎﻛﺘﻪ : ﺭﺑﻲ ﻳﺤﻔﻈﻚ ﻳﺎﻭﻟﻴﺪﻱ ﻭﻳﻨﺼﺮﻙ ﻉ ﻣﻦ ﻳﻌﺎﺩﻳﻚ ﻳﺎﺍﺍﺭﺏ .. ﻭﻓﺘﺤﺖ ﺗﻠﻴﻔﻮﻧﻬﺎ ﻭﺣﻄﺖ ﻉ ﺍﻟﻔﻴﺪﻳﻮ ﺍﻟﻠﻲ ﺑﻌﺘﻬﻮﻟﻬﺎ ﺑﻼﻝ ﻭﺗﺘﻔﺮﺝ ﻋﻠﻴﻪ ﻭﺗﻀﺤﻚ ...
....
ﺍﻣﻴﺮﺓ ﻫﺎﻳﻤﻪ ﻓﻲ ﺍﻟﺘﻠﻔﺰﻳﻮﻥ ..
ﺯﻳﻨﺐ : ﺭﺑﻲ ﻳﺤﻔﻈﻪ ﺭﺍﺟﻞ ..
ﺟﻌﻔﺮ : ﻋﻢ ﺍﻟﺤﺴﻦ ﺍﻛﻴﺪ ﺯﻳﻪ ...
....
ﺑﺮﻧﻴﻪ : ﺍﻩ ﻣﻦ ﻫﺎﻟﻮﻟﺪ ﺑﻴﻘﺼﺮ ﻋﻤﺮﻱ ..
ﺍﻧﻌﺎﻡ : ﺑﻌﻴﺪ ﺍﻟﺴﻮ ﻋﻠﻴﻚ ﻳﺎﻏﺎﺍﻟﻴﻪ ﺭﺑﻲ ﻳﻄﻮﻝ ﻓﻌﻤﺮﻙ ﻉ ﻃﺎﻋﺘﻪ ..
ﻣﻴﺴﻮﻥ : ﻭﺍﻟﻠﻪ ﻋﻤﻲ ﻫﺬﺍ ﺩﻳﻤﺎ ﺭﺍﻓﻊ ﺭﺍﺳﻲ ...
ﺳﺎﺭﺓ : ﻛﻠﻨﺎ ﺭﺍﻓﻊ ﺭﺍﺳﻨﺎ ..
ﻫﺎﻟﻪ : ﺭﺑﻲ ﻳﻜﻔﻴﻪ ﺷﺮ ﺍﻋﺪﺍﺋﻪ
....
ﻓﻲ ﺍﻟﻤﺮﻛﺰ ..
ﺍﺣﻤﺪ ﻣﻊ ﺟﺎﺩ ﺍﻟﻠﻪ ﻳﺘﻔﺮﺟﻮﺍ ﻉ ﺍﻟﺤﻠﻘﻪ ..
ﺟﺎﺩ ﺍﻟﻠﻪ : ﺍﻟﻌﻴﻠﻪ ﻫﺎﺩﻱ ﺟﻴﻨﺎﺗﻬﻢ ﻋﻨﺎﺩ ..
ﺍﺣﻤﺪ : ﻟﻼﻥ ﻣﺶ ﻣﻌﺮﻭﻑ ﻣﻦ ﺍﻟﻠﻲ ﺍﻋﺘﺪﻭﺍ ﻋﻠﻴﻪ ﺑﺎﻟﻀﺮﺏ ..
ﺟﺎﺩ ﺍﻟﻠﻪ : ﻻ .. ﺑﺲ ﻭﺍﺿﺢ ﺣﺪ ﻣﻦ ﺍﻟﺠﻤﺎﻋﻪ ﺍﻟﻠﻲ ﺩﻳﻤﺎ ﻧﺎﺯﻝ ﻓﻴﻬﻢ ...
ﺍﺣﻤﺪ ﺿﻴﻖ ﻋﻴﻮﻧﻪ ﻭﻳﻔﻜﺮ ...
....
ﻓﻲ ﺍﻷﺳﺘﺪﻳﻮ ..
ﻣﻮﻇﻔﻪ : ﺗﻔﻀﻞ ﺍﺳﺘﺎﺫ 😍..
ﺳﺮﻣﺪ ﺑﺈﺑﺘﺴﺎﻣﻪ : ﺷﻜﺮﺍ ..
ﺍﻟﻤﻮﻇﻔﻪ : ﺍﻟﻌﻔﻮ 😍 ﻭﻣﺸﺖ ..
ﻭﻫﻮ ﺿﺤﻚ ﻭﺷﺮﺏ ﺍﻟﻤﻴﻪ .. ﺟﺎﻩ ﻣﺴﺞ ﻓﺘﺤﻪ ﻗﺮﺍﻩ .. ﺍﺑﺘﺴﻢ ﺑﺨﺒﺚ ..
ﺻﻮﺕ ﺍﻟﻤﺨﺮﺝ ﻓﻲ ﺍﻟﺴﻤﺎﻋﻪ ﺍﻟﻠﻲ ﻓﻮﺫﻧﻪ : ﺑﻨﺮﺟﻌﻮﺍ ﻫﻴﺎ ﺍﺳﺘﻌﺪ ...
ﺳﺮﻣﺪ ﺣﻂ ﻃﺎﺳﻪ ﺍﻟﻤﻴﻪ ﻭﺳﻮﺍ ﺗﻘﻌﻤﻴﺰﺗﻪ ..
ﺍﻟﻤﺨﺮﺝ : 1\2\3 ﺍﺑﺪﺍ ..
ﺳﺮﻣﺪ ﺑﺈﺑﺘﺴﺎﻣﻪ : ﻭﺭﺟﻌﻨﺎ ..
ﻭﺍﺳﺘﻤﺮ ﺳﺮﻣﺪ ﻓﻲ ﺣﻠﻘﺘﻪ ﻳﺘﻜﻠﻢ ﻋﻦ ﺣﺮﻳﻪ ﺍﻹﻋﻼﻡ ﻭﺗﻜﻤﻴﻢ ﺍﻻﻓﻮﺍﻩ ... ﻭﻭﻭﻭﻭ .. ﻣﻦ ﻫﺎﻟﺸﻌﺎﺭﺍﺕ ﻭﺍﻟﻤﻮﺍﺿﻴﻊ .. ﺍﻟﻠﻲ ﻫﻠﺒﻪ ﻧﺎﺱ ﻓﻲ ﻭﻗﺘﻨﺎ ﺍﻟﺤﺎﻟﻲ ﻳﺘﺸﺪﻗﻮﺍ ﺑﻴﻬﺎ ﻭﻫﻤﺎ ﺯﻱ ﺳﺮﻣﺪ ﺍﻛﺒﺮ ﻛﺬﺍﺑﻴﻦ ﻭﻻﻟﻴﻬﻢ ﻋﻼﻗﻪ ﺑﺎﻟﻠﻲ ﻳﺤﻜﻮﺍ ﻋﻠﻴﻪ ..
ﻓﻲ ﺍﻟﻤﺮﻛﺰ ..
ﺍﻟﺴﺎﻋﻪ 11
ﺍﺣﻤﺪ : ﻫﻲ ﻣﺎﻻ ﺍﻧﻲ ﻣﺮﻭﺡ ..
ﺟﺎﺩ ﺍﻟﻠﻪ ﻭﻫﻮ ﻣﺘﻮﺗﺮ : ﺗﺼﺒﺢ ﻉ ﺧﻴﺮ ..
ﺍﺣﻤﺪ ﺑﻀﺤﻜﻪ : ﺍﻭﻝ ﻣﺮﺓ ﺗﻮﻟﻲ ﺟﺪ ..
ﺟﺎﺩ ﺍﻟﻠﻪ ﺑﺈﺑﺘﺴﺎﻣﻪ : ﺍﻭﻝ ﻣﺮﺓ ..
ﺍﺣﻤﺪ : ﺭﺑﻲ ﻳﺴﻬﻞ ﻋﻠﻴﻬﻢ ﻭﺗﻔﺮﺡ ﺑﺤﻔﻴﺪﻙ
ﺟﺎﺩ ﺍﻟﻠﻪ : ﺁﻣﻴﻦ ﺑﺎﺭﻙ ﺍﻟﻠﻪ ﻓﻴﻚ ..
ﺍﺣﻤﺪ : ﻫﻲ ﺗﺼﺒﺢ ﻉ ﺧﻴﺮ ...
ﻭﻃﻠﻊ ... ﻭﺟﺎﺩ ﻗﺎﻋﺪ ﻳﺸﺒﺢ ﻟﺘﻠﻴﻔﻮﻥ ﻭﻳﺴﺘﻨﻰ ﻣﻦ ﻳﺒﺸﺮﻩ ﺑﺄﻥ ﻣﺮﺕ ﻭﻟﺪﻩ ﺟﺎﺑﺖ ﻭﻫﻲ ﻭﻃﻔﻠﻬﺎ ﺑﺨﻴﺮ ... ﻭﻳﻮﻟﻲ ﺟﺪ ﻟﻠﻤﺮﺓ ﺍﻷﻭﻟﻰ .....
ﺍﻟﺴﺎﻋﻪ 11:45 ...
ﺭﻭﺣﻮﺍ ﻋﻠﻴﺎ ﻭﺍﻟﺤﺴﻦ .. ﺑﻌﺪ ﺍﻃﻤﻨﻮﺍ ﻉ ﺣﺎﻝ ﻋﻠﻴﺎ ... ﻭﻛﺎﻥ ﻣﻌﺎﻫﻢ ﻋﻠﻲ ﺍﻟﻠﻲ ﻗﺮﺭ ﻳﺒﺎﺕ ﻓﻲ ﺣﻮﺵ ﺟﺪﻩ ﺑﻌﻴﻠﺘﻪ ﻟﻴﻠﺘﻬﺎ ...
ﺧﺶ ﺍﻟﺤﺴﻦ ﻟﻠﻤﺮﺑﻮﻋﻪ ﻟﻘﻲ ﺳﺮﻣﺪ ﻣﻘﻌﻤﺰ ﻓﻴﻬﺎ ﻭﻣﺮﻛﺰ ﻓﻲ ﺍﻟﻼﺏ ﺗﻮﺏ ..
ﺍﻟﺤﺴﻦ : ﻓﺮﺣﺎﻥ ﺑﺮﻭﺣﻚ ..
ﺳﺮﻣﺪ ﺑﻀﺤﻜﻪ : ﻫﻠﺒﻪ .. ﻗﻮﻟﻲ ﺍﻧﺖ ﻛﻴﻒ ﻛﺎﻥ ﻳﻮﻣﻚ ..
ﺍﻟﺤﺴﻦ ﺗﻨﻬﺪ : ﻛﺎﻥ ﻣﻤﻜﻦ ﻳﻜﻮﻥ ﺍﺣﻠﻰ ﻳﻮﻡ ﻟﻮﻻ ﺍﻟﻠﻲ ﺻﺎﺭ ﻟﺠﻨﺎﻥ ..
ﺳﺮﻣﺪ ﺗﻐﻴﺮﺕ ﻣﻼﻣﺢ ﻭﺟﻬﻪ ﻭﻗﺎﻡ ﻋﻴﻮﻧﻪ ﻓﻴﻪ : ﺧﻴﺮﻫﺎ ..
ﺍﻟﺤﺴﻦ : ﺍﻟﺒﻨﺖ ﻧﻔﺴﻴﺘﻬﺎ ﺗﺎﻋﺒﻪ ﻫﻠﺒﻪ ..
ﺳﺮﻣﺪ ﺷﺒﺤﻠﻪ ﻫﻠﺒﻪ ﺑﻌﺪﻳﻦ ﺭﺟﻊ ﻳﺸﺒﺢ ﻟﻼﺏ : ﻣﻌﻠﻴﺸﻲ .. ﺳﻴﻮﺭﻫﺎ ﺗﻨﺴﻰ ..
ﺍﻟﺤﺴﻦ ﻛﻴﻒ ﺑﻴﺮﺩ ﻋﻠﻴﻪ ﺭﻥ ﺗﻠﻴﻔﻮﻧﻪ ﺷﺎﻑ ﺍﻷﺳﻢ ﻃﻠﻊ ﺑﺮﺍ ﻭﺭﺩ ..
ﺍﻟﺤﺴﻦ : ﻧﻌﻢ ﻳﺎﻓﻨﺪﻱ ..
ﺟﺎﺩ ﺍﻟﻠﻪ ﺑﻔﺮﺣﻪ : ﻫﻬﻬﻬﻬﻬﻬﻬﻪ ﻭﻟﻴﺖ ﺟﺪ .. ﺟﺎﻧﻲ ﻳﻮﺳﻒ ﻳﺎﻟﺤﺴﻦ ..
ﺍﻟﺤﺴﻦ ﻭﻫﻮ ﻧﺎﺯﻝ ﻣﻦ ﺍﻟﺪﺭﻭﺝ : ﻣﺒﺎﺭﻙ ﻣﺒﺎﺭﻙ .. ﺭﺑﻲ ﻳﺠﻌﻠﻪ ﻣﻦ ﺍﻟﺼﺎﻟﺤﻴﻦ .. ﻳﺘﺮﺑﻰ ﻓﻲ ﻋﺰﻛﻢ ..
ﺟﺎﺩ ﺍﻟﻠﻪ : ﻭﻳﻨﻚ ﺍﻧﺖ ﺗﻌﺎﻟﻰ .. ﺭﻩ ﻧﻔﺮﻕ ﻓﻲ ﺍﻟﺒﻜﻼﻭﺓ ﻉ ﺍﻟﺠﻤﺎﻋﻪ ..
ﺍﻟﺤﺴﻦ : ﺍﻧﺖ ﺷﺨﺼﻴﺎ ..
ﺟﺎﺩ ﺍﻟﻠﻪ ﺑﻀﺤﻜﻪ : ﺍﻱ ﻧﻌﻢ ﺍﻧﻲ ﺷﺨﺼﻴﺎ ﺗﻌﺎﻝ ﺭﻩ ﻳﻔﻮﺗﻚ ...
ﻣﻦ ﻭﺭﺍ ﺍﻟﺤﺴﻦ ﻛﺎﻥ ﺳﺮﻣﺪ ﻭﺍﻗﻒ ﻓﻲ ﺭﻭﺷﻦ ﺍﻟﻤﺮﺑﻮﻋﻪ ﻳﺘﻔﺮﺝ ﻋﻠﻴﻪ .. ﺭﻥ ﺗﻠﻴﻔﻮﻧﻪ ﺭﺩ ﻃﻮﻝ ..
: ﻳﺎﺭﺍﺱ ﺍﻧﻲ ﻗﺪﺍﻡ ﻣﺮﻛﺰ ﺍﻟﻤﻜﺎﻓﺤﻪ ..
ﺳﺮﻣﺪ : ﺍﻱ ﻣﻨﻬﻢ ﺍﻟﻤﺨﺪﺭﺍﺕ ﻭﻻﺍﻹﺭﻫﺎﺏ ..
: ﺍﻟﻤﺨﺪﺭﺍﺕ .. ﻧﺸﺒﺢ ﻓﻲ ﺍﻟﻌﻤﻴﺪ ﻭﺍﻗﻒ ﺑﺮﺍ ﻭﻣﻌﺎﻩ ﺟﻤﺎﻋﻪ ﻣﺶ ﻋﺎﺭﻑ ﺷﻦ ﻳﻔﺮﻕ ﻋﻠﻴﻬﻢ ..
ﺳﺮﻣﺪ ﺑﺈﺑﺘﺴﺎﻣﻪ ﺧﺒﻴﺜﻪ : ﻳﻔﺮﻕ ﻋﻠﻴﻬﻢ ﻓﻲ ﺍﻟﻤﻮﺕ ... ﺍﻟﺴﻴﺎﺭﺓ ﻭﻳﻦ ﺑﺎﻟﺰﺑﻂ ..
: ﻗﺪﺍﻡ ﺍﻟﻤﺮﻛﺰ ..
ﺳﺮﻣﺪ : ﻭﺍﻟﺘﺎﻧﻴﻪ ﻗﺪﺍﻡ ﻣﺮﻛﺰ ﻣﻜﺎﻓﺤﻪ ﺍﻹﺭﻫﺎﺏ ..
: ﺑﺎﻟﺰﺑﻂ ..
ﺳﺮﻣﺪ : ﺗﻢ .. ﺭﻭﺡ ﺍﻧﺖ ﻭﻗﻮﻝ ﻟﻠﺠﻤﺎﻋﻪ ﺍﻟﻠﻲ ﻏﺎﺩﻱ ﻳﺮﻭﺣﻮﺍ .. ﻭﺻﻜﺮ .. ﺷﺒﺢ ﻟﺴﺎﻋﺔ ﺍﻟﺘﻠﻴﻔﻮﻥ .. ﻛﺎﻧﺖ 11:59
ﺳﺮﻣﺪ ﺷﺒﺢ ﻟﻠﺤﺴﻦ : ﺗﻜﺘﺎﺕ ﺍﻟﺜﻮﺍﻧﻲ ﻫﺎﺩﻱ ﺗﺤﺪﻳﺪﺍ ﺗﻄﺮﺏ ﻓﻴﺎ .. ﺗﻚ ﺗﻮﻙ .. ﺗﻚ .. ﺗﻮﻙ .. ﺗﻚ .. ﺗﻮﻙ
ﻋﻨﺪ ﺍﻟﺤﺴﻦ ..
ﺍﻟﺤﺴﻦ : ﺑﺘﺨﻠﻴﻨﻲ ﻧﺠﻴﻜﻢ ﻏﺎﺩﻱ ﺗﻮﺍ ..
ﺟﺎﺩ ﺍﻟﻠﻪ ﺑﻀﺤﻜﻪ : ﺍﻫﻮ ﺣﺘﻰ ﺍﻟﻌﻨﺎﺻﺮ ﻳﻄﺎﻟﺒﻮﺍ ﺑﺠﻴﺘﻚ ..
...
ﺳﺮﻣﺪ : ﺗﻚ .. ﺗﻮﻙ .. ﺗﻚ .. ﺗﻮﻙ .. ﺗﻴﻚ .. ﺗﺎﻙ .. ﺗﻮﻙ .. ﺿﺤﻚ .. ﺷﺒﺢ ﻟﺴﺎﻋﺘﻪ ﺍﻟﺮﻗﻤﻴﻪ .. ﻟﻘﺎﻫﺎ ﻭﺍﺻﻠﻪ ﻓﻲ ﺍﻟﺜﻮﺍﻧﻲ ﻟﺮﻗﻢ ﺧﻤﺴﻪ ..
ﺳﺮﻣﺪ ..5:
...
ﺍﻟﺤﺴﻦ : ﺍﺣﻤﺪ ﺭﻭﺡ ..
ﺟﺎﺩﺍﻟﻠﻪ : ﻣﻦ ﺳﺎﻋﻪ ﻣﺴﺘﻌﺠﻞ ﻉ ﺍﻟﻨﻮﻡ ...
..
ﺳﺮﻣﺪ 4:
...
ﺍﻟﺤﺴﻦ : ﻧﺒﻮﺍ ﺯﺭﺩﺓ ﺍﻛﺒﺮ ﻣﺎﺗﻀﺤﻜﺶ ﻋﻠﻴﻨﺎ ﺑﻄﺮﻑ ﺑﻜﻼﻭﺓ
ﺟﺎﺩ ﺍﻟﻠﻪ : ﻫﻬﻬﻬﻬﻬﻬﻬﻪ ...
...
ﺳﺮﻣﺪ : ..3
...
ﺟﺎﺩ ﺍﻟﻠﻪ : ﺗﻌﺎﻟﻰ ﺑﺎﻩ ..
ﺍﻟﺤﺴﻦ ﺍﺑﺘﺴﻢ ..
...
ﺳﺮﻣﺪ ...2:
...
ﺍﻟﺤﺴﻦ ﻗﺎﻡ ﻋﻴﻮﻧﻪ ﻭﺷﺒﺢ ﻓﻮﻕ ﻟﻘﻲ ﻋﻠﻴﺎ ﻭﺍﻗﻔﻪ ﻓﻲ ﺍﻟﺮﻭﺷﻦ ﻭﻣﺒﺘﺴﻤﻪ ﺍﺑﺘﺴﻢ : ﺍﺣﻤﻢ ﺷﻦ ﺑﻨﻘﻮﻟﻚ ..
...
ﺳﺮﻣﺪ ..1:
...
ﺍﻟﺤﺴﻦ : ﺟﺎﻳﻜﻢ ﺧﻠﻴﻠﻲ ﺣﺼﺘﻲ ..
...
ﺳﺮﻣﺪ ﺷﺒﺢ ﻟﺘﻠﻴﻔﻮﻧﻪ ﺭﺹ ﻉ ﺭﻗﻢ ... ﺻﺎﺭ ﺍﻧﻔﺠﺎﺭ ﻛﺒﻴﺮ ﻓﻲ ﻣﺮﻛﺰ ﻣﻜﺎﻓﺤﺔ ﺍﻹﺭﻫﺎﺏ .. ﻭﺭﺹ ﻉ ﺭﻗﻢ ﺗﺎﻧﻲ ..
...
ﺟﺎﺩ ﺍﻟﻠﻪ : ﻧﺴﺘﻨﻰ ﻓﻴﻚ .. ﻭﻛﻴﻒ ﺟﺎﻱ ﺍﻟﺤﺴﻦ ﺑﻴﺼﻜﺮ ﺳﻤﻊ ﺻﻮﺕ ﺍﻧﻔﺠﺎﺭ ﻗﻮﻱ .. ﻭﻓﺼﻞ ﺍﻟﺨﻂ .. ﻗﻌﺪ ﺟﺎﻣﺪ ﻓﻲ ﻣﻜﺎﻧﻪ ﻣﺎﻓﻬﻤﺶ ﺷﻨﻮ ﺍﻟﻠﻲ ﺻﺎﺭ ... ﺣﺲ ﺭﻭﺣﻪ ﻓﻘﺪ ﺍﻟﺘﻮﺍﺯﻥ .. ﺑﺒﻂﺀ ﺷﺪﻳﺪ ﺷﺒﺢ ﻓﻮﻕ .. ﻟﻘﻲ ﻋﻠﻴﺎ ﺗﺸﺒﺤﻠﻪ ﻫﻮ ﻳﺸﺒﺤﻠﻬﺎ ﺑﻨﻈﺮﺓ ﺧﻮﻑ .. ﻭﻫﻲ ﺧﺎﻓﺖ ﻟﻤﺎ ﺷﺎﻓﺖ ﻧﻈﺮﺗﻪ ...
ﺳﺮﻣﺪ ﺍﻟﻠﻲ ﻛﺎﻥ ﻳﺸﺒﺢ ﻟﺮﺩﺓ ﻓﻌﻠﻪ ﻓﻨﻔﺴﻪ ﻳﻘﻮﻝ " ﻫﺬﺍ ﺩﻡ ﺟﺪﻙ ... ﻭﻟﻮ ﻧﻤﺴﺢ ﺍﻟﺪﺍﺧﻠﻴﻪ ﻛﻠﻬﺎ ﻣﺎﺣﻴﺸﻔﻮﺍ ﻏﻠﻴﻠﻲ ... ﻣﺎﺯﺍﻝ ﺩﻭﺭﻙ ﺑﺲ ﻣﺶ ﺗﻮﺍ ﻣﺎﺯﺍﻝ ﻳﺎﻭﻟﺪ ﺧﻮﻱ "..
... ﻳﺘﺒﻊ
