#الحسن
#جمان_فريد
الجزء العاشر....
اني والله ماني معارضه خله يتربى بس بعيد عن الفضايح
الحسن : اطمني ياأمي مكتمين ع اللي صار..
عابد كان يسمع في حوارهم ويفكر بعدين قال: امتى يطلع
الحسن : شهر بالكثير...
عابد هز راسه بالإيجاب وسكت...
***
ناضت متأخره لأنها كانت تعبانه هلبه ولما وصلت في الكوجينه وقفت جامده في مكانها...
"من امتى تخدمي"
هاله ترعش ومش قادرة ترد..
قدملها بوها: من أمتى...
هاله تشبحله ودموعها تنزل: من مدة..
يونس بألم: بنتي تبيع في الفطيرة و الطعميه واني أخر من يعلم...
هاله وطت راسها لوطا مش قادرة ترد
يونس:اليوم بعد الفجر جارنا عبدالرزاق يحطلي فلوس فيدي ويقول هذا حق الطعميه عطيه لبنتك..درت روحي نعرف واني من داخل منحرق..
هاله تبكي وتشبحله: والله يابوي مادرقت عليك إلا بش مانشوفش ردت فعلك هادي..
يونس بحزم: انتي حتبطلي من اليوم وغادي وتلهي بقرايتك وبس..وحطي في بالك عن قريب حنزوجك..
هاله : ء.....
قطع كلامها صوت الباب اللي يطق..بوها توجه للباب وفتحه..
عابد: السلام عليكم..صباح الخير
يونس: وعليكم السلام صباح النور...تفضل...
عابد خش ويونس سكر الباب..
عابد: نبيك في موضوع ...
يونس : إن شاء الله خير...
عابد: خير اكيد خير...
....
وسيله : كيف تخطبله كيف
عابد: ولدك هذا مش حيولي راجل لين تنحط في رقبته مسؤوليه
وسيله: برغم اني شايفه ان البنت ماتناسبناش ..لكن في نفس الوقت والله مانرضالها تاخد واحد زي ولدي حسان مستهتر وعيونه في النساوين..
عابد: البنت اخلاقها عاليه وملتزمه وتحفظ في كتاب الله ..ماتعرفيش مرات صلاح ولدك ع ايديها
وسيله : انت بوه الشيخ ماقدرت تصلحه بتصلحه هي...
عابد: الهدايه بإيد ربي وأسبابه ماحد يعرفها غيره...ومرات هالبنت هي السبب..
وسيله : ادعي ربك ماتكونش ظلمت البنيه وتحطها في رقبتك..
عابد تنهد وقعد ساكت..
***
مقعمزة في الكليه تراجع وصلتها رساله
(حبيبي مستاحشك بجنون اليوم كلميني فيديو)
ابتسمت وردت عليه بالمواقفه..
رجعت لشيتها تقرا وصلتها رساله تانيه فتحتها وهي مبتسمه
بس تلاشت هالإبتسامه بسرعه بمجرد مابدت تقرا
( عليا لو تحبي بوك وماتبيشي يكمل أخر عمره في السجن غدوة تعالي للمقهى ****)
عليا خافت وردت عليه(شن تبي)
شويه ورن تليفونها وكان اتصال من رقم غريب ردت طول..
منذر: صباحو ياريلا
عليا بحده: شن تبي اختصر..
منذر:هههههه ..تعرفي شن فيدي توا...
عليا مابتش ترد
منذر:هو بوك يخدم محاسب في المصرف المركزي ولا...
عليا بخوف: قول شن تبي...
منذر: خل نكملك...اللي فيدي وراق تثبت انك بوك خانب من المصرف مبلغ وقدره مليون دولااااااار...
عليا من صدمتها طيحت شيتاتها وناضت وهي ترعش: انت شنو قولي شنو ..هذا بوك بابني آدم بوك..معقول بايع اخرتك بالساهل هكي..
منذر: من زمان بيعهالي...المهم توا بتجي غدوة ولا...
عليا حطت ايدها ع راسه ودموعها نزلوا وقعدت ماشيه جايه في مكانها..
منذر : خلاص غدوة نسلم الوراق اللي عندي لجماعة النزاهة..
عليا ببكي: خلاااااص خلاااص تونجي تونجي وقعدت تبكي...وهو طول سكر عليها...
شرودة: شن القصه..
منذر وهو يشبح للوراق: حساب قديم ونبي نصفيه..شبحله بأبتسامه خبيثه..عارفني مانحبش نخلي حسابات وراي...
شرودة:امممم...باهي..قولي شن صار في الصفقه امتى موعدها...
منذر اشر بصوابعه: ✌
شرودة: اسبوعين..
منذر هز راسه بإيجاب...
....
اسبوعين بالزبط...
محمد الفهد: حتصير مواجهه مسلحه..
الحسن: لهذا اليوم نبيك تجيني في حوش الجد نقعمزوا زي تقعميزة المرة اللي فاتت..
محمد الفهد ابتسم: تمام...
***
في مكان ما في العاصمه ..
: عجباتك هلبه حياة النظافة والبراءة...
: من يوم يومي فيها...
: عارف...بس لما تعيش بوجهين شن تحس..
: ههههه...شن بنقولك تحس بشعور انك اذكى من كل اللي محاوطين بيك..شعور بأنك مميز بشكل خاص...وانت ادرى..
: هههههههه صح..المهم الصفقة الجايه اهم صفقه..واقفه عليها هلبه حاجات
: سلاح وبضاعه..
: ايه..
: تمام ...حنكون غادي...وحنشرف عليها بروحي...البوكشاش وشرودة ومن تاني...
: جماعه في الدوله ومن ضباط شرطه وجيش ..
هز راسه بإيجاب ...
: اه..ثقلت العيار هلبه أخر مرة...
: قاصد...
: علاش...
: نبي نخرب حاجه صاحبنا بادي بيها
: كوبرا...رد بالك..
ابتسم : اطمن ياكوماندا...
****
روحت عليا هذاكا اليوم وطول الوقت في دارها بعد عرفت كيف تهرب من أسئلة صاحباتها عن اللي غير حالها وخلاها متكدرة..تحاول حاليا تهرب من عيلتها وتحججت بالقرايه للإمتحانات....جربت تتصل بمنصف تخبره بس تراجعت..عارفه انه حيمنعها وهي ماتقدرش هالمرة تسمع كلامه بوها وسمعته في خطر..وفي عز تفكيرها بهالهم..جتها رساله
(راك تنسي ياريلا غدوة الساعه12:30..12:31وماتجيش حنسلم الوراق اللي عندي طول)
طلقت تليفونها وقعدت تبكي غمت روحها بالورغان وقعدت تبكي بصمت بش ماحد يحس بيها..في نفس الوقت كان منصف يتصل بيها وهي ماتبيش ترد ....
منصف: وينك ياعمري وين...
صاحبه : هيا تعالى ..
منصف : بروا انتم..
صاحبه: متغير ياصاحبي..
منصف: بالله عليك فوتني مش رايقلك ..
ومشي..قعد يتمشى في شوارع وحده من الدول الأروبيه يتصل ويتصل لارد طارتله..حط التليفون ع مقعد وقعمز..في لمح البصر..جي واحد خنب التليفون وطااار طول ..طلع وراه وحاول يستنجد... الخانب ركب موطو وكان معاه واحد يسوق تحركوا طول...
منصف قعد يسب ويلعن...ولا للكرسي..قعمز وحط راسه بين ايديه..وقلبه مقبوض..
***
نبيكم توتوا المكان هذا والحراسه عليه تكون مشدده..
: حاضر ياكامليون"بوكشاش بالإنجليزي"
منذر طلع برا وركب سيارته...ومشي..
***
حبيبي روح سمارة واخد عقلي واخد عقلي حبيبي روح السمارة...
تلقط في الزيتون مع حناها وجوها اخر رواق..
برنيه: اسكتي ياللي ماتحشمي...
جنان بضحكه: خيرك حنينه نغني عادي..
برنيه : تو لما يسمعك خوك قوليله هكي...
طق الباب...
برنيه : بري افتحي هذا سرمد..
جنان مشت وهي ترقص وتغني : حبيبي روح السمارة واخد عقلي..وصلت في الباب وفتحت ..حبيبي روح السمااارة..
محمد ابتسم تلقائيا...وجنان تلخبطتت ...
محمد: السلام عليكم..
جنان وهي دخل في شعرها تحت الوشاح: وعليكم السلام..تفضل..
خش محمد وعيونه لوطا...
جنان بخجل: الحسن فوق..
محمد شبحلها : ممكن تناديه..
جنان تشبحله: هو قال لحناي لما يجي قوليله يركب طول..
محمد ابتسم وهز راسه بإيجاب ومشي وقلبه قعد معاها..اما هي ماقدرتش تتحرك من مكانها لين اختفي من قدامها..
جنان"قداش عيونه جذابات..يهبل"
وهو يركب ومبتسم وبس...لين وصل فوق لقي الحسن يتفرج عبرج طرابلس اللي كان بعيد عن حوش جده بس كان يبان من ضيه..
محمد: اعلى قمه بنوها البشر في هالبلاد..
تلفت الحسن: وبإذن الله حنبنوا أعلى منها..غير تصفى هالبلاد من روس الشر والخراب..هيا تعالى معاش في وقت..
الفهد ابتسم وقدمله..
هديكا ليله سهروا للفجر وهما يتكلموا في العمليه..بس الغريب انهم كانوا يتواصلوا بالكتابه وماكانوش يتكلموا بتاتا...بس السبب واضح دواعي أمنيه ...
***
تاني يوم..
اليوم اللي حتتغير فيه حياة عليا تماما ...
ناضت وهي تتصنع انها عاديه ومافي شي..لين طلعت من الحوش وقلبها مقبوض..تلفتت شبحت لبوها وهو راكب السيارة"ع خاطرك مستعده ندير أي شي حتى لو خالفتك"وركبت مع خوها..وصلت الجامعه وبمجرد مانزلت...
جتها رساله
(12:30)
سكرت التليفون ومشت تلاقت مع صاحباتها وخشوا لقاعة اخر امتحان نصفي يديروه فهالفصل..
***
ماشيه في الكليه ادور فيه في مكاتب الدكاترة ع امل تلقاه لين تلاقت هي وقريبته اللي كانت تعرف انه يبيها..تكرهها لأنه تبيه وهو يبي هاله..
هاله:صباح الخير مسرة
مسرة: صباح النور..
هاله: بنسألك ع الأستاذ خالد...
مسرة: مسافر..
هاله: مسافر؟!
مسرة: ايه سافر بش يجيب اثات موصي عليه من برا لحوشه خلاص خطب ماه وحيتزوج عن قريب..
هاله بصدمه: خطب!!؟
مسرة: ايه بنت خاله...امه خطبتهاله..
هاله مصدومه هلبه وعيونها تعبوا دموع..
مسرة: عندي علم انه كلمك لكن امه سكرت راسها..وهو مايقدرش يعارضها...
هاله من صدمتها معاش قدرت تتكلم لفت ومشت طول ودموعها تنزل...خيبة أمل كبيرة..مافيش غير انها ترضى بالعريس اللي جاي عن طريق صاحب بوها..ولد عابد
حسان...اللي قاعد ملوح في الحبس وانجلد لين جلده انسلخ...وحلقوله شعره ..طلعوا اللي انشدوا معاه بالواسطه وقعد هو بروحه..يتلقى في العقوبه...
***
الساعه 12:15
ابتسام: باهي وين بتمشي..
عليا بربكه: بندهور في المحلات شويه..
نرجس: باه خل نتسايروا..
عليا: لاا مش لازم ...
ابتسام بضحكه: شكله حبيب القلب روح وعندها موعد
نرجس: هههههه شكله هكي حق..
عليا فضلت تكذب هالكذبه فعلا: خلاص مالا ...هيا مع السلامه..ومشت بسرعه من حداهم وهي مخنوقه بعبرتها..التفتت جت عينها في عين ابتسام ابتسمت بألم ومشت..
ابتسام حست بشي غريب..وفنفسها دعت ربي يحفظ صاحبتها...
***
زينب تكلم في بتينه في التليفون..
بتينه: هو جاب الكاتلوجات ع ايام عرس مديحه..وقالي نفاجئها بيهم..
زينب بضحكه: كان تعرف ان بوها وافق ادير عرسها بعد اتم هالسنه..
بتينه : غدوة خميس تعالوا ونهدرزوا اكثر...
زينب : حاضر
***
مقمعز في سيارته وواقف عند الإشارة...
وقف عليه واحد يبيع في الورد
البايع: اشريلها وردة حتحبك...لو زعلانه ترضا عليك..
الحسن شبحله: برا في حالك
البايع: حتحبك صدقني غير اشري مني هالوردة ..
الحسن: بتمشي توا ولا نوكلك الورد متاعك..
البايع حط الوردة داخل السياره: حتتعب في جرتها لكن حتحبك في الأخير وهلبه مش شويه..ومشي وخلاه..
الحسن شبح للورده هلبه ..بعدين شبح للبايع كيف واقف ع سيارة تانيه وقال في باله"يعاود في نفس السيناريو" هز راسه ايمين وايسار...الأشاره ولت خضرا تحرك طول...
***
امتى صار..
منصف: امس بعد خليتكم..
صاحبه: كان خشيت معانا مش خير ..مانحكليكش امس احلى ليله...
منصف شبحله وقعد يفكر..
صاحبه فهم نظرته: في حتى الليله روسيات ..تعرفنا عليهم امس...
منصف: لامبات...
صاحبه : صووووووارررريييخ...
منصف بضحكه خبيثه: ههههههه اموت انا ..
الزوز: ههههههههههههههههههههه
***
خوله: الجلسه غدوة...
وسيله: خليك قويه وواجهيه وراسك حيطلقك ورجليه فوق راسه...
خولة تنهدت: يااااارب...
***
تبخر في الشقه ...
انعام: امتى مروحين..
برنيه : العشيه...
انعام : من بيمشي يجيبهم من المطار..
برنيه: سرمد...
انعام تشبح للشقه : كله تمام..
برنيه : ايه راحت زي الشمامه..حطت البخارة..هي خل نطلعوا...
انعام : هيا..طلعوا وسكروا الباب..
ونزلوا لوطا...تقابلوا هما وفاطمه مرت محمد وريحانه..
فاطمه تسلم ع برنيه: كيف حالك ياعمتي ..
برنيه : الحمدوله ..
ريحانه باست ع راسها: كيف حالك حنينه ..
برنيه : الحمدوله الحمدوله..
فاطمه بعد سلمت ع انعام : كنتوا في شقتهم
انعام: ايه ضميناها وبخرناها...
فاطمه : هما امتى يوصلوا..
انعام: العشيه
***
الساعه 12:30
كانت واقفه قدام المقهى..شويه وسمعت صوت تصفير..التفتت لقت منذر في سيارة سودا كبيره مقعمز من الخلف وفاتح الباب السحاب متاع السيارة ويشبحلها ومبتسم..
منذر قام ايده وفيهم الوراق بعدين قاللها : تعالي..
عليا شافت الوراق وقدمت : شن تبي قول ...
منذر : اركبي قبل..
عليا خافت: منذر ع شن ناوي..
منذر: ههههههههه...خو ويبي يهدرز ع اخته ..وشبحلها..يبي يدخلها واسطه بينه وبين بوه...
عليا بإستغراب : كيف..
منذر: اركبي واني نقولك كيف..
عليا بعد تفكير...ركبت..نزل السواق صكر الباب...وركب مرة تانيه وتحركت السيارة..
عليا بخوف: قول كيف تبيني نخش بينك وبين بوي..شبحلها ورفع حاجبه وابتسم وبحركه سريعه شدها وغم فمها بمنديل فيه مخدر قاومت قاومت وبعدين ارتخت وفقدت الوعي..رقدها ع فخده ..وقال للسواق ..بطريقة لحوازة ****
السواق : حاضر ياراس...
***
واقف في واحد من المحلات متاع الإكسسوارات...
شبح لتوكه لونها ذهبي منقوش عليها اسم عليا....
قدم وسأل البايع ع حقها وخداها...وطلع رن تلفونه رد
جعفر: نعم يازينب..
زينب: امتى مروح..
جعفر : توا ..
زينب : باهي..
جعفر: ماقلتي للريلا شي ولا..
زينب بضحكه: لا زي ماقلتلي انت حتفرحها..
جعفربضحكه : كويس...هيا شويه ونكون في الحوش بإذن الله...
صكر وركب سيارته...وهو بيفكر كيف حيخبر بنته ع عرسها اللي تحدد اخر السنه..وهو عارف قداش متمنيه هي وولد اخته امتى يجمعهم سقف حوش واحد بالحلال... 💓
بس للقدر والنصيب كلمة أخرى...
...يتبع...
