#الحسن
ﺍﻟﺠﺰﺀ ﺍﻟﺜﺎﻧﻲ ﻭﺍﻷﺭﺑﻌﻴﻦ 💕💖
صورة 3.9K صورة 114 صورة 9
ﺑﻮﺍﺳﻄﺔ GomanFared
ﺍﻟﺴﺎﻋﻪ 1 ﻟﻴﻼ ...
ﻣﻘﻌﻤﺰﻳﻦ ﻳﺘﻔﺮﺟﻮﺍ ﻉ ﻣﺒﺎﺭﺍﺓ ﻣﻦ ﺩﻭﺭﻱ ﺍﺑﻄﺎﻝ ﺃﻭﺭﻭﺑﺎ .. ﻫﻮ ﻣﺎﻻﺵ ﻓﻲ ﺍﻟﻜﻮﺭﺓ ﻣﺘﻤﺪﺩ ﻉ ﺍﻟﻔﺮﺍﺵ ﻭﺣﺎﻁ ﺍﻳﺪﻩ ﻉ ﺭﺍﺳﻪ ﻳﺤﺎﻭﻝ ﻳﺮﻗﺪ ..
ﺍﻣﺎ ﻫﻲ ﻓﻜﺎﻧﺖ ﺗﻬﺪﺭﺯ ﻣﻊ ﺍﻟﺒﻨﺎﺕ ﺩﺍﺧﻞ ﻭﻗﺪﺍﻣﻬﻢ ﺻﻮﻧﻴﺘﻴﻦ ﺷﺒﺲ ﻛﺒﺎﺭ ﻭﻳﻀﺤﻜﻮﺍ ﻭﺟﻮﻫﻢ ﻣﻠﻴﺢ ..
ﻣﻊ ﺍﻟﺴﺎﻋﻪ 3
ﺍﻟﺮﺟﺎﻟﻪ ﻛﻠﻬﻢ ﺭﺍﻗﺪﻳﻦ ﺍﻭ ﺑﺎﻷﺣﺮﻯ ﻣﺘﻜﻴﻴﻦ ﻳﺤﺎﻭﻟﻮﺍ ﻳﺮﻗﺪﻭﺍ ...
ﻭﺍﻟﺒﻨﺎﺕ ﻛﻞ ﻭﺣﺪﻩ ﻓﻲ ﻓﺮﺍﺷﻬﺎ ...
ﺟﻨﺎﻥ ﺗﻬﺪﺭﺯ ﻣﻊ ﺍﻟﺴﻤﺎﺭﻩ ﻉ ﺍﻟﻤﺎﺳﻨﺠﺮ .. ﻭﺭﻳﺤﺎﻧﻪ ﻣﻊ ﻣﻨﺬﺭ ﻭﺗﻀﺤﻚ ﻉ ﺍﻟﺼﺎﻣﺖ ﻭﺧﻼﺹ ... ﺧﻮﻟﻪ ﺗﻔﻜﺮ ﻓﻲ ﻣﻮﺿﻮﻋﻬﺎ ﻭﺍﻧﻌﺎﻡ ﺯﻱ ﺣﺎﻟﺘﻬﺎ ﺑﺎﻟﺰﺑﻂ ..
ﻟﻜﻦ ﻋﻠﻴﺎ ﻭﻫﺎﻟﻪ ﻣﺶ ﻗﺎﺩﺭﻳﻦ ﻳﺮﻗﺪﻭﺍ ﻷﻧﻬﻢ ﺑﻌﺎﺩ ﻋﻦ ﺍﻗﺮﺏ ﺍﺗﻨﻴﻦ ﻟﻘﻠﻮﺑﻬﻢ ...
ﻋﻠﻴﺎ : ﻫﺎﻟﻪ ﺭﻗﺪﺗﻲ ..
ﻫﺎﻟﻪ ﺗﻠﻔﺘﻠﻬﺎ : ﺗﺴﺘﺲ ..
ﻋﻠﻴﺎ ﻗﻌﺪﺕ ﺗﺸﺒﺤﻠﻬﺎ ﻭﻫﺎﻟﻪ ﻧﻔﺲ ﺍﻟﺸﻲ ...
ﻋﻠﻴﺎ : ﻣﺶ ﺟﺎﻳﻨﻲ ﻧﻮﻡ .. ﺧﺎﻃﺮﻱ ﻧﻄﻠﻊ ﺑﺮﺍ ...
ﻫﺎﻟﻪ : ﺣﺘﻰ ﺃﻧﻲ ...
ﻋﻠﻴﺎ : ﺗﻨﻮﺿﻲ ..
ﻫﺎﻟﻪ : ﻫﻴﺎ ... ﻫﻤﺎ ﺍﻟﺰﻭﺯ ﻗﻌﺪﻭﺍ ﻳﺪﻭﺭﻭﺍ ﺑﻌﻴﻮﻧﻬﻢ ﻉ ﺍﻟﻤﻮﺟﻮﺩﺍﺕ ﺑﺎﻧﻮﺍ ﻋﻠﻴﻬﻢ ﺍﻧﻬﻢ ﺭﺍﻗﺪﺍﺕ ... ﻧﺎﺿﻮﺍ ﺑﺎﻟﺸﻮﻳﻪ ﺗﺴﺤﺒﻮﺍ ﻭﻃﻠﻌﻮﺍ ... ﺧﺸﻮﺍ ﻟﻠﻤﻄﺒﺦ ﻭﻃﻠﻌﻮﺍ ﻣﻨﻬﺎ ﻟﻠﺠﻨﺎﻥ ﻭﻫﻤﺎ ﻻﻓﻴﻦ ﻋﻠﻴﻬﻢ ﺷﻴﻼﻥ ﺻﻮﻑ ﻷﻥ ﺍﻟﺠﻮ ﺻﻘﻊ .. ﻗﻌﻤﺰﻭﺍ ﺣﺪﺍ ﺑﻌﺾ ﻉ ﺭﻛﺎﺑﺔ ﺭﺧﺎﻡ ...
ﻋﻠﻴﺎ : ﻫﺎﻟﻪ ﺍﻧﺘﻲ ﻛﻴﻒ ﺗﺰﻭﺟﺘﻲ ﺣﺴﺎﻥ ..
ﻫﺎﻟﻪ ﺗﻨﻬﺪﺕ : ﺯﻱ ﻣﺎﻧﺘﻲ ﺗﺰﻭﺟﺘﻲ ﺍﻟﺤﺴﻦ .. ﻳﻌﻨﻲ ﻣﺠﺒﺮﺓ ﻭﻣﺶ ﻣﺠﺒﺮﺓ .. ﺑﻤﻌﻨﻰ ﺃﻭﺿﺢ ﻣﺎﻛﺎﻧﺶ ﻓﻲ ﺧﻴﺎﺭ ﺗﺎﻧﻲ ..
ﻋﻠﻴﺎ ﺷﺒﺤﺘﻠﻬﺎ : ﻛﺎﻥ ﻓﻲ ﺣﺪ ﻓﻲ ﺣﻴﺎﺗﻚ ﻗﺒﻞ ..
ﻫﺎﻟﻪ : ﻣﺶ ﺑﺎﻟﺰﺑﻂ .. ﺑﺲ ﻓﻲ ﺷﺨﺺ ﻛﻨﺖ ﻧﺸﻮﻑ ﻓﻴﻪ ﻳﻨﺎﺳﺒﻨﻲ ﻭﻧﻘﺪﺭ ﻧﺪﻳﺮ ﻣﻌﺎﻩ ﻋﻴﻠﻪ ..
ﻋﻠﻴﺎ ﺗﻨﻬﺪﺕ : ﺗﺒﺪﻱ ﻣﺨﻄﻄﻪ ﻟﺤﻴﺎﺗﻚ ﺑﺸﻜﻞ ﻣﻌﻴﻦ ﻓﻠﺤﻈﻪ ﻳﺘﻐﻴﺮ ﻛﻞ ﺷﻲ ﺑﻄﺮﻳﻘﻪ ﻣﺶ ﺣﻠﻮﺓ ﺻﻌﺒﻪ ﻭﺗﻮﺟﻊ ... ﺑﺲ ﺳﺒﺤﺎﻥ ﺍﻟﻠﻪ ﻣﺶ ﺿﺮﻭﺭﻱ ﺍﻗﺪﺍﺭ ﺍﻟﻠﻪ ﺍﻟﻠﻲ ﻓﻴﻬﺎ ﺧﻴﺮ ﺗﺠﻴﻨﺎ ﺑﺼﻮﺭﺓ ﺣﻠﻮﻩ ...
ﻫﺎﻟﻪ ﺑﺈﺑﺘﺴﺎﻣﻪ : ﻓﻌﻼ ... ﺍﻧﻲ ﺗﻮﺍ ﺣﺎﻣﺪﻩ ﺭﺑﻲ ﺑﺮﺿﺎ ﺍﻟﻠﻲ ﺻﺎﺭ ﻫﺬﺍ ﻛﻠﻪ ﻓﻴﻪ ﺧﻴﺮﺓ ﻟﻴﺎ ﻭﺣﺒﻴﺖ ﺣﺴﺎﻥ ﻣﻦ ﻗﻠﺒﻲ ..
ﻋﻠﻴﺎ ﺑﺈﺑﺘﺴﺎﻣﻪ : ﻧﻔﺲ ﺍﻟﺸﻲ .. ﺍﺍﺍﺍﻩ ﺍﻟﺤﻤﺪ ﻟﻠﻪ ﺍﻟﺤﻤﺪ ﻟﻠﻪ ..
ﻫﺎﻟﻪ : ﺗﺤﺒﻴﻪ ...
ﻋﻠﻴﺎ ﺑﺈﺑﺘﺴﺎﻣﻪ : ﻫﻠﺒﻪ ... ﻭﺍﻧﺘﻲ ..
ﻫﺎﻟﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻣﻊ ﺿﺤﻜﻪ ...
ﺍﺣﻤﻢ ..
ﺍﻟﺘﻔﺘﻮﺍ ﺍﻟﺰﻭﺯ ﻫﺎﻟﻪ ﺿﺤﻜﺖ ..
ﺣﺴﺎﻥ : ﻣﺮﺕ ﺧﻮﻱ ﺗﺴﻤﺤﻴﻠﻲ ﺑﻤﺮﺗﻲ ﺷﻮﻳﻪ ..
ﻋﻠﻴﺎ ﺑﺈﺑﺘﺴﺎﻣﻪ : ﺗﻔﻀﻞ ...
ﻣﺸﺘﻠﻪ ﻫﺎﻟﻪ ﻭﻣﺸﻮﺍ ﻣﻊ ﺑﻌﻀﻬﻢ .. ﺗﺸﺒﺤﻠﻬﻢ ﻋﻠﻴﺎ ﻛﻴﻒ ﺷﺎﺩﻳﻦ ﻓﻲ ﺍﻳﺪﻳﻦ ﺑﻌﺾ ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ﻭﻗﻌﻤﺰﻭﺍ ﺑﻌﻴﺪ ﺷﻮﻳﻪ ..
ﻧﺎﺿﺖ ﻫﻲ ﻗﻌﺪﺕ ﺗﺘﻤﺸﻰ ﺑﺮﻭﺣﻬﺎ ﻟﻴﻦ ﻭﺻﻠﺖ ﻓﻲ ﺍﻟﻌﻨﺒﻪ ﻗﻌﺪﺕ ﺗﺘﺄﻣﻞ ﻓﻴﻬﺎ ﻭﺗﺬﻛﺮ ﻓﻲ ﺍﻟﻠﻲ ﺻﺎﺭ ﻣﻦ ﻛﻢ ﺳﺎﻋﻪ ﺗﺒﺘﺴﻢ ﺑﺨﺠﻞ ﻭﺗﻌﺾ ﻉ ﺷﺎﺭﺑﻬﺎ ﻭﺗﻀﺤﻚ .. ﺣﺴﺖ ﺑﺪﻑﺀ ﻓﺠﺄﻩ ﺩﻑﺀ ﻣﻦ ﻧﻮﻉ ﺧﺎﺹ ﻏﻤﻀﺖ ﻋﻴﻮﻧﻬﺎ ..
ﻋﻠﻴﺎ : ﻧﺤﺴﺎﺑﻚ ﺭﻗﺪﺕ ..
ﺍﻟﺤﺴﻦ ﻭﻫﻮ ﺣﺎﺿﻨﻬﺎ : ﻭﻫﻮ ﺍﻟﻠﻲ ﻋﻨﺪﻩ ﺍﻧﺘﻲ ﻳﺠﻴﻪ ﻧﻮﻡ ..
ﻋﻠﻴﺎ ﺑﻀﺤﻜﻪ : ﺷﻦ ﻧﻔﻬﻢ ﻣﻨﻬﺎ ﺟﻤﻠﺘﻚ ﻫﺎﺩﻱ ..
ﺍﻟﺤﺴﻦ : ﻗﻠﺒﻚ ﺷﻦ ﻳﻘﻮﻟﻚ ..
ﻋﻠﻴﺎ : ﻳﻘﻮﻟﻲ ﻫﻠﺒﻪ ﺣﺎﺟﺎﺕ ..
ﺍﻟﺤﺴﻦ : ﺑﺎﻩ ﻗﻮﻟﻴﻠﻲ ﺣﺎﺟﻪ ﻣﻦ ﺍﻟﺤﺎﺟﺎﺕ ..
ﻋﻠﻴﺎ ﻛﻴﻒ ﺟﺖ ﺑﺘﺮﺩ .. ﺭﻥ ﺗﻠﻴﻔﻮﻥ ﻭﺍﻟﻨﻐﻤﻪ ﻟﺘﻠﻴﻔﻮﻥ ﺑﻴﻼ ..
ﺍﻟﺤﺴﻦ ﻭﺧﺮ ﻭﻃﻠﻊ ﺍﻟﺘﻠﻴﻔﻮﻥ ﻣﻦ ﺟﻴﺒﻪ ﻭﻣﺸﻲ ﻉ ﺗﺮﻛﻴﻨﻪ ..
ﺍﻟﺤﺴﻦ ﺭﺩ : ﺍﻳﻮﻩ ...
ﻧﻬﻠﻪ : ﻛﻞ ﺷﻲ ﻣﺸﻲ ﺗﻤﺎﻡ ﻟﺘﻮﺍ .
ﺍﻟﺤﺴﻦ : ﺣﻄﻲ ﻓﻲ ﺭﺍﺳﻚ ﻣﺎﻳﺤﻄﻮﺵ ﺍﻟﺜﻘﺔ ﻓﻲ ﺍﻱ ﺣﺪﺟﺪﻳﺪ ﻓﻴﺴﻊ .. ﺣﻴﺪﻭﺭﻭﺍ ﻭﺭﺍﻙ ..
ﻧﻬﻠﻪ : ﺗﻮﻗﻌﺖ ﻣﻦ ﻧﻈﺮﺍﺗﻬﻢ .. ﺍﻳﻪ ﻗﺎﺑﻠﺖ ﺯﻭﺯ ﺑﺲ ﻣﺎﻗﺪﺭﺗﺶ ﻧﻌﺮﻑ ﻣﻦ ﻫﻤﺎ ..
ﺍﻟﺤﺴﻦ : ﻣﻊ ﺍﻟﻮﻗﺖ ﺣﺘﻌﺮﻓﻲ ..
ﻧﻬﻠﻪ : ﺍﺣﻤﻢ ﺷﻜﺮﺍ ﻉ ﺍﻟﺤﺮﺍﺳﻪ ﺍﻟﻠﻲ ﺣﻄﻴﺘﻮﻫﺎﻟﻲ ..
ﺍﻟﺤﺴﻦ : ﻫﺬﺍ ﺷﻲ ﺿﺮﻭﺭﻱ ﻣﺶ ﻫﺪﻳﻪ ..
ﻧﻬﻠﻪ ﺑﻀﺤﻜﻪ : ﺗﻤﺎﻡ ... ﺍﺳﻔﻪ ﺍﺯﻋﺠﺘﻚ ﻓﻲ ﻫﺎﻟﻮﻗﺖ ..
ﺍﻟﺤﺴﻦ : ﻣﺎﻓﻴﺶ ﺍﺯﻋﺎﺝ ... ﻧﺴﺘﺄﺫﻧﻚ .. ﺻﻜﺮ ..
ﻧﻬﻠﻪ ﺗﺸﺒﺢ ﻟﻠﺘﻠﻴﻔﻮﻥ " ﺻﺢ ﺟﺎﻑ ﺑﺲ ﺟﺬﺍﺏ ﻫﻠﺒﻪ ... ﻧﻬﻠﻪ ﺍﺻﺤﻲ ﺍﻧﺘﻲ ﻓﺸﻨﻮ ﻭﻻﺷﻨﻮ .."
ﻭﻻ ﺍﻟﺤﺴﻦ ﻟﻌﻠﻴﺎ ﺍﻟﻠﻲ ﻛﺎﻧﺖ ﺗﻐﻠﻲ ...
ﺍﻟﺤﺴﻦ ﺑﻴﺤﻂ ﺍﻳﺪﻩ ﻋﻠﻴﻬﺎ ﺑﻌﺪﺕ ..
ﻋﻠﻴﺎ ﻭﻫﻲ ﻣﻌﺼﺒﻪ : ﺣﻮﻝ ..
ﺍﻟﺤﺴﻦ ﺑﺎﺑﺘﺴﺎﻣﻪ : ﺑﻴﻨﻲ ﻭﺑﻴﻨﻬﺎ ﺧﺪﻣﻪ ﻭﻣﺶ ﺳﺎﻫﻠﻪ ﺣﻜﺎﻳﺘﻬﺎ ..
ﻋﻠﻴﺎ : ﺑﺎﻩ ﻣﺎﻗﻠﺖ ﺷﻲ .. ﺑﺲ ﺗﻜﻠﻤﻚ ﻓﻲ ﻧﺺ ﺍﻟﻠﻴﻞ .. ﺷﻨﻮ ﻫﺬﺍ؟
ﺍﻟﺤﺴﻦ : ﻓﻲ ﺍﻱ ﻭﻗﺖ ﺗﻜﻠﻤﻨﻲ ﺍﻱ ﻭﻗﺖ ﻳﻜﻮﻥ ﺿﺮﻭﺭﻱ ﻓﻴﻪ ﺗﻜﻠﻤﻨﻲ ﺣﺘﻜﻠﻤﻨﻲ ﻭﺍﻧﻲ ﺣﻨﺮﺩ ﻋﻠﻴﻬﺎ ..
ﻋﻠﻴﺎ : ﻋﻼﺵ ﺩﺍﻳﺮﻟﻬﺎ ﺗﻠﻴﻔﻮﻥ ﺗﺎﻧﻲ ..
ﺍﻟﺤﺴﻦ : ﺩﻭﺍﻋﻲ ﺍﻣﻨﻴﻪ ..
ﻋﻠﻴﺎ ﺗﺸﺒﺤﻠﻪ ﺑﻀﻴﻖ ﺑﻌﺪﻳﻦ ﺷﺒﺤﺖ ﺍﻟﻘﺪﺍﻡ ..
ﺍﻟﺤﺴﻦ ﻗﺮﺏ ﻣﻨﻬﺎ : ﺍﻧﺘﻲ ﻣﻔﺮﻭﺽ ﻣﺎﺗﻐﺎﺭﻱ ﻣﻦ ﺣﺪ ﻷﻧﻚ ﺑﺮﻭﺣﻚ ﻫﻨﻲ .. ﻭﻫﻮ ﻣﺎﻳﺒﻴﺶ ﻏﻴﺮﻙ .. ﻭﺍﺷﺮ ﻉ ﻗﻠﺒﻪ ..
ﻋﻠﻴﺎ ﺷﺒﺤﺘﻠﻪ : ﺍﻧﻲ ﻣﺎﻧﺘﺤﻤﻠﺶ ﻣﺎﻧﺘﺤﻤﻠﺶ ﻭﺣﺪﻩ ﺗﻘﺮﺑﻠﻚ ﻭﻻﺑﺄﻱ ﺻﻔﻪ ﻣﺎﻧﺘﺤﻤﻠﺶ .. ﺍﻧﺘﻲ ﻣﻠﻜﻲ ﺍﻧﻲ ﻣﺎﻧﺘﺤﻤﻠﺶ ﻭﺣﺪﻩ ﺗﺸﺎﺭﻛﻨﻲ ﻓﻴﻚ ﻭﻟﻮ ﺣﺘﻰ ﺧﺪﻣﻪ ﺯﻱ ﻣﺎﻗﻠﺖ ..
ﺍﻟﺤﺴﻦ ﻳﻘﺪﻡ ﻭﻫﻲ ﺗﻮﺧﺮ ﻟﻴﻦ ﺟﺖ ﻻﺻﻘﻪ ﻓﻌﻤﻮﺩ ﻭﺭﺍﻫﺎ : ﺍﻧﻲ ﻣﻠﻜﻚ ..
ﻋﻠﻴﺎ ﻭﻫﻲ ﺗﺸﺒﺤﻠﻪ : ﺍﻳﻪ ..
ﺍﻟﺤﺴﻦ : ﻛﻴﻒ ...
ﻋﻠﻴﺎ ﻓﻬﻤﺖ ﻗﺼﺪﻩ ﻭﺳﻜﺘﺖ ﻭﻭﻃﺖ ﺭﺍﺳﻬﺎ ﻟﻮﻃﺎ .. ﻫﻮ ﻧﺰﻝ ﺭﺍﺳﻪ ﻭﻗﺮﺑﻠﻬﺎ ..
ﺍﻟﺤﺴﻦ : ﺟﺎﻭﺑﻲ ...
ﻋﻠﻴﺎ ﻗﺎﻣﺖ ﻋﻴﻮﻧﻬﺎ ﻓﻴﻪ ﻭﻫﻮ ﺿﺎﻳﻊ ﺗﻤﺎﻣﺎ .. ﻭﻛﺎﻟﻌﺎﺩﻩ ﻓﻘﺪ ﺍﻟﺴﻴﻄﺮﻩ ﻉ ﻧﻔﺴﻪ ... ﻟﻒ ﺍﻳﺪﻳﻪ ﻋﻠﻴﻬﺎ ﻭﻗﺮﺑﻬﺎ ﻟﻴﻪ .. ﻭﻫﻮ ﻧﺎﺳﻲ ﻛﻞ ﺷﻲ ﻛﻞ ﺷﻲ ﻣﺶ ﻣﺬﻛﺮ ﻏﻴﺮﻫﺎ ﻭﻫﻲ ﻫﺎﻳﻤﻪ ﻓﻴﻪ ...
...
ﺣﺴﺎﻥ : ﺷﻦ ﺭﺍﻳﻚ ﻏﺪﻭﺓ ﻧﻄﻠﻌﻮﺍ ..
ﻫﺎﻟﻪ : ﻭﻳﻦ ..
ﺣﺴﺎﻥ : ﻧﺪﻫﻮﺭﻭﺍ .. ﻭﻳﻦ ﻣﺎﺗﺮﻓﻌﻨﺎ ﺍﻟﺴﻴﺎﺭﺓ
ﻫﺎﻟﻪ ﺑﺈﺑﺘﺴﺎﻣﻪ : ﺗﻤﺎﻡ ...
ﺣﺴﺎﻥ : ﻫﺎﻟﺘﻲ ..
ﻫﺎﻟﻪ ﺑﻀﺤﻜﻪ : ﺍﻣﻤﻤﻢ ...
ﺣﺴﺎﻥ ﺑﺤﺐ : ﺍﻣﺘﻰ ﺗﺤﻨﻲ ﻋﻠﻴﺎ
ﻫﺎﻟﻪ ﻓﻬﻤﺎﺗﻪ ﻭﺍﺑﺘﺴﻤﺖ : ﻭﻋﻼﺵ ﺍﻧﻲ ﻗﺎﺳﻴﻪ ﻋﻠﻴﻚ .
ﺣﺴﺎﻥ : ﻫﻠﺒﻪ ﻭﻋﺬﺑﺘﻴﻨﻲ ﻫﻠﺒﻪ ﻫﻠﺒﻪ ..
ﻫﺎﻟﻪ ﺳﻜﺘﺖ ﻭﻫﻲ ﺗﺒﺘﺴﻢ ..
ﺣﺴﺎﻥ ﻗﺮﺏ ﻣﻨﻬﺎ : ﻫﺎﻟﻪ ﺧﻼﺹ ﺭﻩ ﺻﺒﺮﻱ ﺗﻢ ..
ﻫﺎﻟﻪ ﺷﺒﺤﺘﻠﻪ ﻭﻣﺎﻟﺤﻘﺘﺶ ﺗﺮﺩ ﻫﻮ ﺳﻜﺘﻬﺎ ﺑﻄﺮﻳﻘﺘﻪ ﻭﻫﻲ ﻋﺠﺒﺘﻬﺎ ﻫﻠﺒﻪ 💗
...
ﺑﻌﺪ ﻋﻨﻬﺎ ﻭﺭﻓﻊ ﺍﻳﺪﻳﻪ ﻭﺷﺎﺩ ﻭﺟﻬﺎ ﺑﻠﻬﻔﻪ ﻭﺷﻐﻒ : ﻋﻠﻴﺎ ﺍﻧﻲ ﻣﻌﺎﺵ ﻧﻘﺪﺭ ﻧﺼﺒﺮ ﻋﻠﻴﻚ ... ﺍﻧﻲ ﻧﺤﺒﻚ ﻭﻧﺒﻴﻚ .... ﻧﺒﻴﻚ ﻣﺮﺗﻲ .. ﻧﺒﻴﻚ ﺣﺒﻴﺒﺘﻲ .. ﺍﻡ ﺻﻐﺎﺭﻱ ... ﻋﻠﻴﺎ ... ﻷﻣﺘﻰ ﻳﺎﻋﻠﻴﺎ ..
ﻋﻠﻴﺎ ﺗﺸﺒﺤﻠﻪ ﻭﻟﻬﻔﺘﻬﺎ ﺍﻛﺒﺮ ﻣﻦ ﻟﻬﻔﺘﻪ : ﺍﻟﺤﺴﻦ ... ﺑﻨﺪﻭﺥ ..
ﺍﻟﺤﺴﻦ ﺧﺎﻑ : ﺧﻴﺮﻙ ...
ﻋﻠﻴﺎ ﺷﺒﻪ ﺩﺍﺧﺖ ﺷﺪﻫﺎ ﻭﻗﻌﻤﺰﻫﺎ ﻉ ﻛﺮﺳﻲ : ﺧﻴﺮﻙ !!...
ﻋﻠﻴﺎ ﻭﻃﺖ ﺭﺍﺳﻬﺎ ﻟﻮﻃﺎ ....
ﺍﻟﺤﺴﻦ : ﺗﻜﻠﻤﻲ ....
ﻋﻠﻴﺎ ﻭﻋﻴﻮﻧﻬﺎ ﻣﺪﻣﻌﺎﺕ : ﻋﻼﺵ ﺗﻜﺸﺦ ..
ﺍﻟﺤﺴﻦ : ﺍﻧﻲ ﻧﻜﺸﺦ ؟ﺍﻧﻲ ﻧﺘﻜﻠﻢ ﻋﺎﺩﻱ ...
ﻋﻠﻴﺎ ﻗﻌﺪﺕ ﺗﺒﻜﻲ ..
ﺍﻟﺤﺴﻦ ﺷﺒﺤﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻝ : ﻋﻠﻴﺎ .. ﻟﻮ ﻓﻲ ﺷﻲ ﻣﺎﻧﻌﺮﻓﺎﺵ ﻗﻮﻟﻴﻬﻮﻟﻲ ﺍﻧﺘﻲ ﻣﺮﺗﻲ ..
ﻋﻠﻴﺎ ﺯﻱ ﻣﻦ ﺻﺐ ﻋﻠﻴﻬﺎ ﻣﻴﺔ ﺳﺨﻮﻧﻪ .. ﺷﻦ ﻗﺼﺪﻩ .. ﺷﻦ ﻳﻌﻨﻲ ﺑﻜﻼﻣﻪ .. ﻣﺴﺘﺤﻴﻞ ﺍﻟﺤﺴﻦ .. ﺍﻟﻠﻲ ﺗﺸﻮﻑ ﻓﻴﻪ ﻏﻴﺮ ﻋﻦ ﺍﻟﺮﺟﺎﻟﻪ ﻛﻠﻬﻢ ﻫﻜﻲ ﻳﻔﻜﺮ ... ﻧﺎﺿﺖ ..
ﻋﻠﻴﺎ ﺑﺼﺪﻣﻪ : ﺷﻦ ﻗﺼﺪﻙ ..
ﺍﻟﺤﺴﻦ : ﻗﺼﺪﻱ ﻭﺍﺿﺢ .. ﻳﻌﻨﻲ .. ﻟﻮ ....
ﻣﺎﻟﺤﻘﺶ ﻳﻜﻤﻞ ﺟﻤﻠﺘﻪ ﻭﻳﺠﻴﻪ ﻛﻒ .. ﻛﻒ ﻗﻮﻱ ..
ﻫﻮ ﻣﺶ ﻣﺴﺘﻮﻋﺐ ﺍﻟﻠﻲ ﺻﺎﺭ .. ﻫﻮ ﺑﻮﻩ ﻋﻤﺮﻩ ﻣﺎﻣﺪ ﻳﺪﻩ ﻋﻠﻴﻪ .. ﺣﺘﻰ ﺭﺅﺳﺎﺋﻪ ﻓﻲ ﺍﻟﻌﻤﻞ ... ﻋﻤﺮﻫﺎ ﻣﺎﺻﺎﺭﺗﻠﻪ ... ﻣﺶ ﻗﺎﺩﺭ ﻳﺼﺪﻕ ﺍﻟﻠﻲ ﺻﺎﺭ ..
ﻋﻠﻴﺎ ﺑﺒﻜﻲ : ﻳﺎﺧﺴﺎﺭﺓ ﻭﺧﻼﺹ .. ﻭﻣﺸﺖ ﻭﺧﻼﺗﻪ ..
ﻟﺤﻈﺘﻬﺎ ﻫﻮ ﻣﺎﻫﻤﺎﺵ ﺍﻟﻜﻒ ﻫﻤﻪ ﺍﻥ ﻫﻲ ﻓﻬﻤﺖ ﻏﻠﻂ ﻫﻮ ﻣﺎﻛﺎﻧﺶ ﻗﺼﺪﻩ ﺑﺘﺎﺗﺎ ﺍﻟﻠﻲ ﻓﻬﻤﺎﺗﻪ .. ﻟﺤﻘﻬﺎ ..
ﻫﻲ ﺗﺒﻜﻲ ﻭﺧﻼﺹ ﺣﺎﺳﻪ ﺭﻭﺣﻬﺎ ﺗﺒﻲ ﺗﻤﻮﺕ ﻉ ﻗﺪ ﻣﺎﻟﺸﻌﻮﺭ ﺍﻟﻠﻲ ﺗﺤﺲ ﺑﻴﻪ ﻓﻬﺎﻟﻠﺤﻈﻪ ﻭﺍﺍﺍﻋﺮ .. ﻭﺻﻞ ﻓﻴﻬﺎ ﻭﺷﺪﻫﺎ ..
ﺍﻟﺤﺴﻦ ﺑﻌﺼﺒﻴﻪ : ﻛﻴﻒ ﺗﻔﻜﺮﻱ ﻫﻜﻲ .. ﻛﻴﻒ ﻳﺠﻲ ﻓﻲ ﺑﺎﻟﻚ ﺍﻧﻲ ﻧﻔﻜﺮ ﻓﻴﻚ ﻫﻜﻲ .. ﺍﻧﺘﻲ ﺣﻤﺎﺭﺓ .. ﻏﺒﻴﻪ .. ﺍﻧﻲ ﻛﺎﻥ ﻗﺼﺪﻱ ﺷﻲ ﺗﺎﻧﻲ ﻳﺎﻏﺒﻴﻪ ..
ﻋﻠﻴﺎ ﺑﺒﻜﻲ : ﺷﻦ ﻗﺼﺪﻙ ﻣﺎﻻ ﻗﻮﻝ ..
ﺍﻟﺤﺴﻦ ﺑﻬﻤﺲ : ﻧﻘﺼﺪ .. ﻳﻌﻨﻲ .. ﻫﺬﻳﻜﺎ ﺍﻟﺤﺎﺟﻪ .. ﺍﻭﻓﻒ ﺍﺳﺘﻐﻔﺮﺍﻟﻠﻪ ﺍﻟﻌﻈﻴﻢ ..
ﻋﻠﻴﺎ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻏﻤﻀﺖ ﻋﻴﻮﻧﻬﺎ ﻭﻟﻔﺖ ﻭﺟﻬﻬﺎ ﻋﻨﻪ ..
ﺍﻟﺤﺴﻦ : ﻏﺒﻴﻪ ..
ﻋﻠﻴﺎ : ﻣﻌﺎﺵ ﺗﻘﻮﻝ ﻏﺒﻴﻪ .. ﺷﻮﻑ ﺭﻭﺣﻚ ﻛﻴﻒ ﻗﻠﺘﻬﺎ ..
ﺍﻟﺤﺴﻦ : ﺍﻧﻲ ﻗﻠﺘﻬﺎ ﻋﺎﺩﻱ .. ﻟﻜﻦ ﺍﻧﺘﻲ ﻣﺘﺤﺴﺴﻪ ﻣﻦ ﻛﻞ ﻛﻠﻤﻪ ﻧﻘﻮﻟﻬﺎ ..
ﻋﻠﻴﺎ : ﺍﻧﻲ .. ؟؟
ﺍﻟﺤﺴﻦ ﺑﻌﺪ ﻋﻨﻬﺎ : ﺧﻼﺹ .. ﺑﺮﻱ ﺍﺭﻗﺪﻱ ﺑﺮﻱ ..
ﻋﻠﻴﺎ ﺷﺒﺤﺘﻠﻪ ﺑﻀﻴﻖ : ﺑﺘﺨﻠﻴﻨﻲ ﻧﺮﻗﺪ ﻭﺍﻧﻲ ﻣﻀﺎﻳﻘﻪ ..
ﺍﻟﺤﺴﻦ ﺗﻨﻬﺪ ﻭﻗﺮﺏ ﻣﻨﻬﺎ : ﺷﻦ ﻧﺪﻳﺮ ﻓﻴﻚ .. ﻗﻮﻟﻴﻠﻲ ...
ﻋﻠﻴﺎ ﺑﺤﺐ : ﺍﺣﻀﻨﻲ ..
ﺍﻟﺤﺴﻦ ﻫﺰ ﺭﺍﺳﻪ ﺍﻳﻤﻴﻦ ﻭﺍﻳﺴﺎﺭ ﻭﺍﺑﺘﺴﻢ : ﻃﻔﻠﻪ .. ﺧﺪﺍﻫﺎﻓﻲ ﺣﻀﻨﻪ ﻭﺣﺎﻭﻃﻬﺎ ﺑﺈﻳﺪﻳﻪ ﺍﻟﺰﻭﺯ ﻭﻫﻲ ﺷﺎﺩﻩ ﻓﻴﻪ .. ﺑﻜﻞ ﻗﻮﺗﻬﺎ ...
ﺷﻮﻳﻪ ﻭﺭﻛﺒﻮﺍ ﻓﻮﻕ ... ﺧﺸﻮﺍ ﺗﻤﺪﺩ ﻉ ﺍﻟﺼﺎﻟﻮﻥ ﻭﻫﻲ ﻓﺤﻀﻨﻪ ..
ﻋﻠﻴﺎ : ﻣﻼﺣﻈﺎﺗﻚ ﻣﺎﺗﻠﺒﺴﺶ ﻓﻲ ﺍﻟﻌﺮﺑﻲ ..
ﺍﻟﺤﺴﻦ : ﻣﺎﻋﻨﺪﻳﺶ ﻋﻠﻴﻪ ﻣﺎﻧﺮﺗﺎﺣﺶ ﻓﻴﻪ .
ﻋﻠﻴﺎ : ﻳﻌﻨﻲ ﻫﺪﻳﺘﻲ ﺣﺘﻘﻌﺪ ﻓﻲ ﻣﻜﺎﻧﻬﺎ ..
ﺍﻟﺤﺴﻦ ﺷﺒﺤﻠﻬﺎ : ﺍﺭﻗﺪﻱ ﺍﺣﺴﻨﻠﻚ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻪ ..
ﺍﻟﺤﺴﻦ : ﺍﺭﻗﺪﻱ ﺧﻼﺹ ﺍﻟﻨﻮﻡ ﺑﻴﻐﻠﺒﻨﻲ ..
ﻋﻠﻴﺎ : ﺑﺎﻩ ﺍﻧﻲ ﻣﺶ ﺟﺎﻳﻨﻲ ﻧﻮﻡ ﺷﻦ ﻧﺪﻳﺮ ..
ﺍﻟﺤﺴﻦ : ﻏﻤﻀﻲ ﻋﻴﻮﻧﻚ ﻭﺗﻮ ﺗﺮﻗﺪﻱ ..
ﻋﻠﻴﺎ : ﻝ ...
ﺍﻟﺤﺴﻦ ﺣﻀﻨﻬﺎ ﺑﺰﻳﺎﺩﻩ : ﻏﻤﻀﻲ ﻋﻴﻮﻧﻚ ...
ﻋﻠﻴﺎ ﺍﺑﺘﺴﻤﺖ ﻭﻗﻌﺪﺕ ﺳﺎﻛﺘﻪ ﻏﻤﻀﺖ ﻋﻴﻮﻧﻬﺎ ...
ﺑﻌﺪ ﻣﺮﻭﺭ 5 ﺩﻗﺎﻳﻖ ..
ﻋﻠﻴﺎ : ﺧﺎﻃﺮﻱ ﻧﻄﻠﻌﻮﺍ ﺯﺭﺩﺓ .. ﺍﻟﺠﻮ ﺭﺑﻴﻌﻲ .. ﺟﻮ ﺯﺭﺍﺩﻱ .. ﺍﻟﻠﻪ .. ﻧﻤﺸﻮﺍ ﻟﻠﺤﻮﺍﺯﺓ ﻏﺎﺩﻱ ... ﺍﻳﻴﻴﻪ ﻭﻧﺪﻳﺮﻭﺍ ﺩﺭﺟﻴﺤﻪ ﻓﻲ ﺷﺠﺮﺓ ﺍﻟﺴﺮﻭﻝ ... ﻭﻧﺪﻳﺮﻭﺍ ....
ﺍﻟﺤﺴﻦ : ﻋﻠﻴﺎﺍ .... ﻫﻮﻫﺎ ﻳﺎﻫﻮﻫﺎ ﻫﻮﻫﺎ ﻳﺎﻫﻮﻫﺎ ﺍﺭﻗﺪﻱ ..
ﻋﻠﻴﺎ : ﻫﻬﻬﻬﻬﻬﻬﻬﻪ ﻳﺎﺑﺎﺭﺩ ..
ﺍﻟﺤﺴﻦ ﺍﺑﺘﺴﻢ ﻭﻫﻮ ﻣﻐﻤﺾ ﻋﻴﻮﻧﻪ ...
ﺷﻮﻳﻪ ﻭﺭﺍﺣﻮﺍ ﻫﻤﺎ ﺍﻟﺰﻭﺯ ﻓﻲ ﺃﺣﻠﻰ ﻧﻮﻣﻪ 💗...
ﺗﺎﻧﻲ ﻳﻮﻡ ..
ﺍﻟﺤﺎﺝ ﻭﺍﻟﺤﺎﺟﻪ ﺭﻭﺣﻮﺍ 10 ﺍﻟﺼﺒﺢ ..
ﻟﻘﻮﻫﻢ ﻛﻠﻬﻢ ﻧﺎﻳﻀﻴﻦ ﻭﻳﻔﻄﺮﻭﺍ ﻓﻄﺮﻭﺍ ﻣﻌﺎﻫﻢ ..
ﺍﻟﺤﺎﺝ ﻋﻠﻲ : ﺍﻟﺠﻮ ﺍﻟﻴﻮﻡ ﻛﻮﻳﺲ .. ﺍﻟﻐﺪﻱ ﻧﺒﻴﻪ ﻓﻲ ﺟﻨﺎﻥ ..
ﺍﻧﻌﺎﻡ : ﺣﺎﺿﺮ ﺑﻮﻱ .. ﻣﺸﻲ ﺍﻟﺤﺎﺝ ﻋﻠﻲ ..
ﺍﻧﻌﺎﻡ : ﻫﻴﺎ ﻧﻮﺿﻮﺍ ﺧﻞ ﻧﻮﺗﻮﺍ ﺍﻟﻐﺪﻱ .. ﺧﻞ ﻧﻤﺸﻲ ﻟﻸﻭﻻﺩ ﻧﻘﻮﻟﻠﻬﻢ ﻳﻄﻠﻌﻮﺍ ﺍﻟﻄﺎﻭﻟﻪ ﺍﻟﻜﺒﻴﺮﻩ ..
ﺍﻟﻨﺴﺎﻭﻳﻦ ﺑﺪﻭﺍ ﻳﻮﺗﻮﺍ ﻉ ﺧﺸﺔ ﻣﺠﻴﺪﻩ ﻭﻣﻴﺴﻮﻥ ﻭﻓﺎﻃﻤﻪ ﻟﺤﻘﺖ .. ﻭﺷﻮﻳﻪ ﻭﺟﺖ ﻭﺳﻴﻠﻪ .. ﻟﻬﻮﺍ ﺍﻟﻨﺴﺎﻭﻳﻦ ﺍﻟﻜﺒﺎﺭ ﻓﻲ ﺍﻟﺘﻄﻴﻴﺐ .. ﻭﺍﻟﺼﻐﺎﺭ ﻃﻠﻌﻮﺍ ﻳﻮﺗﻮﺍ ﻓﻲ ﺍﻟﻄﺎﻭﻟﻪ ﻭﻳﻀﻤﻮﺍ ﺣﻮﺍﻟﻴﻬﺎ ...
ﺟﻨﺎﻥ : ﺑﺎﻩ ﺍﻟﻤﻜﺎﻥ ﻣﻈﻠﻞ ..
ﻣﻴﺴﻮﻥ : ﺧﻄﺮ ﻋﻠﻴﺎ ﺍﺧﺮ ﻣﺮﺓ ﺍﻧﺤﺮﻗﻨﺎ ﻣﻦ ﺍﻟﺸﻤﺲ ﺑﻌﺪﻳﻦ ﻧﻀﻨﺎ ﻭﺧﻠﻴﻨﺎﻩ ..
ﺳﺎﺭﺓ : ﺑﺎﻟﻠﻪ ﻋﻠﻴﺎ ﺳﺎﻭﻱ ﺍﻟﻤﻔﺮﺵ ﻣﻦ ﻋﻨﺪﻙ ..
ﻋﻠﻴﺎ : ﺑﺎﻩ ... ﻗﻌﺪﺕ ﺗﺴﺎﻭﻱ .. ﻓﻴﻪ ..
ﺳﺮﻣﺪ ﺟﺎﻫﻢ : ﺍﻟﻠﻪ ﻳﻌﺎﻭﻥ ..
ﺟﻨﺎﻥ ﺑﻤﺰﺡ : ﻫﻮ ﺍﻟﺴﻮﺭﻳﻪ ﺍﻟﺰﺭﻗﺎ ﺍﻟﻤﺰﺧﺮﻓﻪ ﺑﺎﻷﻛﺤﻞ ..
ﺳﺎﺭﺓ : ﻛﺎﻥ ﻧﻌﺮﻑ ﻭﻳﻦ ﺗﻠﻘﻰ ﻓﻴﻬﻢ ..
ﺳﺮﻣﺪ ﺑﻐﺮﻭﺭ : ﻫﺎﺩﻱ ﺣﺎﺟﻪ ﺳﺒﻴﺸﻴﺎﻝ ﻟﺴﺮﻣﺪ ﺑﺲ ..
ﺧﻮﻟﻪ ﺑﻀﺤﻜﻪ : ﻳﺎﺳﺒﻴﺸﺎﻝ ﺍﻧﺖ ..
ﺣﺴﺎﻥ ﻃﻠﻊ ﻣﻦ ﺍﻟﻜﻮﺟﻴﻨﻪ : ﻫﺎﻟﻪ ﺑﻠﻐﺘﻲ ﻗﺪﺍﻡ ﺍﻟﺤﻮﺵ ....
ﻫﺎﻟﻪ : ﺍﻳﻪ ..
ﺣﺴﺎﻥ ﺧﺶ ﻟﺒﺴﻬﺎ ﻭﻟﻔﻠﻬﻢ ﻣﻦ ﺍﻟﺠﻬﺔ ﺍﻟﺘﺎﻧﻴﻪ : ﻫﻴﺎ ﺳﺮﻣﺪ ﻭﻗﺖ .. ﺟﺪﻱ ﻭﺑﻮﻱ ﻭﻋﻤﺎﻣﻲ ﺑﻴﻄﻠﻌﻮﺍ ...
ﻣﺮﻋﻲ : ﺷﺒﺎﺍﺍﺍﺏ ..
ﺍﻟﺘﻔﺘﻮﻟﻪ ..
ﻣﺮﻋﻲ : ﻫﻴﺎﺍﺍ .. ﺟﻮﻩ ﻭﻣﺸﻮﺍ ﻣﻌﺎﻩ ...
ﺍﻣﺎ ﺍﻟﻨﺴﺎﻭﻳﻦ ﻓﻠﻬﻮﺍ ﺑﺎﻟﺘﺤﻀﻴﺮﺍﺕ ﻟﻠﻐﺪﻱ .. ﺑﻌﺪ ﺻﻠﻮﺍ ﺍﻟﻈﻬﺮ ﺧﺸﻮﺍ ﻳﻮﺗﻮﺍ ﻓﻲ ﺍﻟﺼﻮﺍﻧﻲ ﺍﻟﻠﻲ ﺑﻴﺤﻄﻮﺍ ﻓﻴﻬﻢ ...
ﻭﺳﻴﻠﻪ : ﻣﺠﻴﺪﻩ ﻋﺮﻓﺘﻲ ﺟﺎﺭﺗﻲ ﺭﺍﺿﻴﻪ ..
ﻣﺠﻴﺪﻩ : ﺍﻳﻪ ﻋﻤﺘﻲ ﻋﺮﻓﺘﻬﺎ .. ﺧﻴﺮﻫﺎ ..
ﻭﺳﻴﻠﻪ : ﻋﺮﺱ ﺑﻨﺘﻬﺎ ﺍﺳﺒﻮﻉ ﻫﺬﺍ ... ﻗﺎﻟﺘﻠﻲ ﺗﻌﺎﻟﻲ ﺍﻧﻲ ﻭﻛﻨﺎﻳﻨﻚ ..
ﻫﺎﻟﻪ ﻭﻋﻠﻴﺎ ﺷﺒﺤﻮﺍ ﻟﺒﻌﺾ ..
ﻣﺠﻴﺪﻩ : ﺇﻥ ﺷﺎﺀ ﺍﻟﻠﻪ ﻋﻤﺘﻲ ..
ﻭﺳﻴﻠﻪ ﺍﻟﺘﻔﺘﺖ ﻟﻌﻠﻴﺎ ﻭﻫﺎﻟﻪ ﺑﺘﺮﻓﻊ : ﻭﺍﻧﺘﻢ ..
ﻫﺎﻟﻪ : ﺇﻥ ﺷﺎﺀ ﺍﻟﻠﻪ ..
ﻋﻠﻴﺎ : ﺑﺎﻫﻲ ﺇﻥ ﺷﺎﺀ ﺍﻟﻠﻪ
ﺷﺒﺤﺖ ﻭﺳﻴﻠﻪ : ﻛﺎﻥ ﻣﺸﻴﺘﻮﺍ ﺍﻟﺒﺴﻮﺍ ﺣﺎﺟﻪ ﺑﺎﻫﻴﻪ ..
ﻋﻠﻴﺎ ﻭﻫﺎﻟﻪ ﺍﻧﺼﺪﻣﻮﺍ ﻣﻦ ﻛﻠﻤﺘﻬﺎ ..
ﺑﺮﻧﻴﻪ : ﺍﻟﺒﺎﻫﻴﻪ ﻫﻤﺎ ﺍﻟﻠﻲ ﻳﻌﺮﻓﻮﻫﺎ ﻣﺎﺗﺨﻤﻤﻴﺶ ﻣﻦ ﻫﺎﻟﻨﺎﺣﻴﻪ
ﻫﺎﻟﻪ ﻭﻋﻠﻴﺎ ﺍﺑﺘﺴﻤﻮﺍ ﻭﻟﻬﻮﺍ ﺑﺎﻟﻠﻲ ﻳﺪﻳﺮﻭﺍ ﻓﻴﻪ .. ﻭﻭﺳﻴﻠﻪ ﺗﻐﻠﻲ ...
***
ﺍﻷﺏ ﻭﻭﻟﺪﻩ ﻣﺮﻭﺣﻴﻦ ﻣﻦ ﺍﻟﺼﻼﺓ ﺍﻟﺠﻤﻌﻪ ﻭﻳﻬﺪﺭﺯﻭﺍ ..
ﺟﻌﻔﺮ : ﺃﻧﺖ ﺍﻣﺸﻲ ﺷﻮﻓﻬﺎ ﺍﻟﻌﺸﻴﻪ ﻣﺎﻣﺸﻴﺘﻠﻬﺎﺵ ﺑﻜﻞ
ﻣﺼﻌﺐ : ﻭﺍﻟﻠﻪ ﺣﺘﻰ ﺍﻧﻲ ﻣﻔﻜﺮ ﻓﻴﻬﺎ ﻗﺪﺍﺵ ﻟﻴﺎ
ﺟﻌﻔﺮ : ﺧﻼﺹ ﺑﻌﺪ ﺍﻟﻌﺼﺮ ﺑﺈﺫﻥ ﺍﻟﻠﻪ ﺑﺮﺍ ﻃﻖ ﻓﻴﻬﺎ ..
ﻣﺼﻌﺐ ﺇﻥ ﺷﺎﺀ ﺍﻟﻠﻪ .. ﺍﻳﻪ ﺗﺴﻠﻢ ﻋﻠﻴﻜﻢ ﻣﺪﻳﺤﻪ .. ﻭﻗﺎﻟﺖ ﻣﻤﻜﻦ ﺗﺮﻭﺡ ﺍﺧﺮ ..3
ﺟﻌﻔﺮ ﺑﻔﺮﺣﻪ : ﻳﺠﻮﺍ ﺳﺎﻟﻤﻴﻦ ﺇﻥ ﺷﺎﺀ ﺍﻟﻠﻪ
***
ﻃﺎﻟﻌﻴﻦ ﻳﺤﻄﻮﺍ ﻓﻲ ﺍﻟﻐﺪﻱ ﻉ ﺍﻟﻄﺎﻭﻟﻪ ﺧﻼﺹ ﺍﻟﺮﺟﺎﻟﻪ ﻉ ﺟﻴﻪ ..
ﺍﻧﻌﺎﻡ ﻛﺎﻧﺖ ﺩﺍﺧﻞ ﻭﺟﺘﻬﻢ : ﺃﻣﻲ ﺧﺎﻻﺗﻲ ﺑﻴﺠﻮﺍ ﺍﻟﻌﺸﻴﻪ ..
ﺑﺮﻧﻴﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻉ ﺟﻴﻪ ﺍﻟﺤﺎﺝ ﻋﻠﻲ ﻣﻊ ﻭﻻﺩﻩ ﻋﺎﺑﺪ ﻭﻣﺤﻤﺪ ﻭﺣﻔﻴﺪﻩ ﻋﻠﻲ ...
ﺍﻟﺤﺎﺝ ﻋﻠﻲ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ﻳﻌﻄﻴﻜﻢ ﺍﻟﺼﺤﻪ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﺳﻠﻤﻚ ﻋﻤﻲ .. ﺳﻠﻤﻚ ﺟﺪﻱ ...
ﻗﻌﻤﺰ ﻛﻞ ﻭﺍﺣﺪ ﻓﻲ ﻣﻜﺎﻧﻪ ....
ﺟﻨﺎﻥ : ﻟﻮﻻ ﺣﻄﻲ ﺍﻟﻜﺎﺷﻴﻚ ﻫﺬﺍ ﻏﺎﺩﻱ ..
ﺧﺪﺍﺗﻪ ﻣﻨﻬﺎ ﻋﻠﻴﺎ ﻭﺣﻄﺎﺗﻪ ...
ﻣﻴﺴﻮﻥ ﺑﺪﻫﺸﻪ : ﻳﺎﻫﻮﻭﻭ ﺷﻮﻓﻮﺍ ﻋﻤﻮ ...
ﻛﻠﻬﻢ ﺍﻟﺘﻔﺘﻮﺍ ﻟﻠﺠﻬﺔ ﺍﻟﻠﻲ ﺗﺸﺒﺤﻠﻬﺎ ﻣﻴﺴﻮﻥ .. ﻛﺎﻧﻮﺍ ﺍﻷﻭﻻﺩ ﺟﺎﻳﻴﻦ ﻣﻦ ﺑﻌﻴﺪ .. ﺑﺲ ﺃﻣﻴﺰﻫﻢ ﺍﻟﺤﺴﻦ ﺍﺍﻟﻠﻲ ﺃﻭﻝ ﻣﺮﺓ ﻳﻠﺒﺲ ﻋﺮﺑﻲ .. ﺍﺧﺮ ﻣﺮﺓ ﻟﺒﺴﻪ ﻟﻤﺎ ﻛﺎﻥ ﻋﻤﺮﻩ 13 ﺳﻨﻪ ... ﻛﺎﻥ ﻃﺎﻟﻊ ﻓﻴﻪ ﻓﻮﻕ ﺍﻟﺮﺍﺋﻊ ﻓﻮﻕ ﺍﻟﺠﺬﺍﺏ ﻣﻌﺎﺵ ﻗﺪﺭﻭﺍ ﻳﺘﺤﺮﻛﻮﺍ ﺣﺮﻛﻪ ﻭﻫﻤﺎ ﻳﺸﻮﻓﻮﺍ ﻓﻴﻪ ﺑﺬﻫﻮﻝ ﺍﻟﻠﺒﺴﻪ ﺑﺮﻭﺣﻬﺎ ﻫﻴﺒﻪ ﻭﻫﻴﺒﻴﺘﻬﺎ ﺍﺟﺘﻤﻌﺖ ﻣﻊ ﻫﻴﺒﺘﻪ ﺩﺍﺭﺕ ﺍﻟﻬﻮﺍﻳﻞ ...
ﺍﻷﺳﻮﺩ ﻳﻠﻴﻖ ﺑﻚ .. ﺑﺲ ﻃﺒﻌﺎ ﻣﺶ ﺯﻱ ﻣﺎﺗﻘﺼﺪ ﺃﺣﻼﻡ ﻣﺴﺘﻐﺎﻧﻤﻲ .. ﺑﻞ ﺯﻱ ﻣﺎﺗﺸﻮﻑ ﻓﻴﻪ ﻋﻠﻴﺎ ﺍﻟﺤﺎﻓﻆ ﺍﻟﻠﻲ ﺣﺴﺖ ﺑﻨﺪﻡ ﺷﺪﻳﺪ ﺍﻧﻬﺎ ﺧﺪﺗﻬﺎﻟﻪ .. ﻭﺻﻞ ﻓﻴﻬﻢ ﻭﺣﻮﻝ ﻧﻈﺮﺍﺗﻪ ﻭﻗﻌﻤﺰ ﺣﺪﺍ ﺑﻮﻩ ..
ﺑﺮﻧﻴﻪ : ﺍﻟﻠﻬﻢ ﺻﻞ ﻉ ﺍﻟﻨﺒﻲ ﻋﻴﻨﻚ ﻳﺎﺣﺎﺳﺪ ﻟﻠﻌﻤﻲ ..
ﺍﻧﻌﺎﻡ : ﺍﻟﻠﻬﻢ ﺑﺎﺭﻙ ..
ﺧﻮﻟﻪ : ﺭﺑﻲ ﻳﺤﻔﻈﻪ ﻭﺧﻴﻲ ..
ﺳﺎﺭﻩ : ﻭﺍﻟﻠﻪ ﺧﻔﺖ ﻋﻠﻴﻪ ﻣﻦ ﻋﻴﻨﻲ ..
ﺟﻨﺎﻥ : ﺣﻲ ﻟﻤﺎ ﺗﺸﻮﻓﻪ ﻣﺎﻣﺎ ...
ﻭﻛﻤﻠﻮﺍ ﻛﻼﻣﻬﻢ ﻋﻠﻴﻪ ﻭﻫﻲ ﺗﺴﻤﻊ ﻓﻴﻬﻢ .. ﻫﺬﺍ ﺭﺍﻱ ﺧﻮﺍﺗﻪ ﻭﻋﻤﺘﻪ ﻓﻴﻪ ﻣﺎﻻ ﻟﻮ ﺷﺎﻓﻮﻩ ﻏﻴﺮﻫﻢ ﺷﻦ ﺣﻴﻘﻮﻟﻮﺍ ..
ﻋﻠﻴﺎ " ﻳﺎﺭﺑﻲ ﻣﺶ ﻣﺘﺤﻤﻠﻪ ﻣﺎﻧﺒﻲ ﺣﺪ ﻳﺸﻮﻓﻪ ﻫﻜﻲ ﻏﻴﺮﻱ .. ﻟﻔﺖ ﻭﺟﻬﻬﺎ ﺟﻬﺔ ﺭﻳﺤﺎﻧﻪ ﻟﻘﺘﻬﺎ ﺗﺸﺒﺤﻠﻪ ... ﺷﻦ ﺩﺭﺕ ﻓﻲ ﻋﻤﺮﻱ ﺑﺲ "
ﻃﻠﻌﻮﺍ ﻛﻠﻬﻢ ﻭﻗﻌﻤﺰﻭﺍ ﻉ ﺍﻟﻄﺎﻭﻟﻪ .. ﻭﻭﺳﻴﻠﻪ ﺷﺎﻓﺖ ﺍﻟﺤﺴﻦ ..
ﻭﺳﻴﻠﻪ : ﻭﻟﻴﺪﻱ ﺗﺮﺑﺢ ﺍﻭﻗﻒ ﺧﻞ ﻧﺸﻮﻓﻚ ..
ﺍﻟﺤﺎﺝ ﻋﻠﻲ : ﻳﺎﻟﻄﻴﻒ .. ﺧﻞ ﺍﻟﺮﺍﺟﻞ ﻳﺘﻐﺪﺍ ﻭﺑﻌﺪﻳﻦ ﺷﻮﻓﻴﻪ ﻟﻴﻦ ﺗﺸﺒﻌﻲ ..
ﺍﻟﺤﺴﻦ ﺑﺈﺑﺘﺴﺎﻣﻪ : ﻣﻌﻠﻴﺸﻲ ﻳﺎﺟﺪﻱ ﻣﺎﺗﻘﻌﺪﺵ ﻓﻲ ﺧﺎﻃﺮﻫﺎ .. ﻧﺎﺽ ﻉ ﺣﻴﻠﻪ ﻣﻦ ﺍﻟﻜﺮﺳﻲ ... ﻫﺎﻩ ﺷﻔﺘﻲ ..
ﻭﺳﻴﻠﻪ ﻧﺎﺿﺖ : ﻗﻌﻤﺰ ﻭﻟﻴﺪﻱ ﻗﻌﻤﺰ .. ﻭﺧﺸﺖ ﺩﺍﺧﻞ ..
ﺍﺑﺘﺴﻢ ﺍﻟﺤﺴﻦ ﻭﻗﻌﻤﺰ ﻋﺎﺭﻓﻬﺎ ﺷﻦ ﺑﺪﻳﺮ .. ﻭﻭﺯﻉ ﻧﻈﺮﻩ ﻋﻠﻴﻬﻢ ﻳﺪﻭﺭ ﻓﻴﻬﺎ ﻛﺎﻧﺖ ﻣﻘﻌﻤﺰﺓ ﻓﻲ ﺍﺧﺮ ﺍﻟﻄﺎﻭﻟﻪ ﻭﺗﺸﺒﺤﻠﻪ .. ﻫﻮ ﺍﺑﺘﺴﻢ ﻭﻫﻲ ﺭﺩﺗﻬﺎﻟﻪ ﺑﺨﺠﻞ ...💗
ﻃﻠﻌﺖ ﺍﻣﻪ ﺑﺎﻟﺒﺨﺎﺭﺓ ... ﻭﻃﺎﺣﺖ ﺗﻠﻮﺩ ﻋﻠﻴﻪ ﻭﺗﺒﺨﺮ ﻓﻴﻪ ﻭﻛﻠﻬﻢ ﻳﻀﺤﻜﻮﺍ ..
ﻋﺎﺑﺪ : ﺗﻮ ﻫﺬﺍ ﻭﻗﺘﻪ .. ﻭﺑﻌﺪﻳﻦ ﺍﻧﻲ ﻛﻢ ﻣﺮﺓ ﻗﺎﻳﻞ ﻣﻌﺎﺵ ﺍﺩﻳﺮﻱ ﺍﻟﺤﺎﺟﺎﺕ ﻫﺎﺩﻱ
ﻭﺳﻴﻠﻪ ﻭﻟﺖ ﺑﺘﻘﻌﻤﺰ : ﺳﻠﻢ ﻋﺎﺑﺪ ﺗﻐﺪﺍ ﺑﺎﻟﻠﻪ ﻋﻠﻴﻚ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﻭﻋﺎﺑﺪ ﻫﺰ ﺭﺍﺳﻪ ﺍﻳﻤﻴﻦ ﻭﺍﻳﺴﺎﺭ ﻭﻫﻮ ﻳﻀﺤﻚ ..
🍀 ﻛﻤﻠﻮﺍ ﻏﺪﺍﻫﻢ ... ﺧﺸﻮﺍ ﺍﻟﺮﺟﺎﻟﻪ ﻟﻠﻤﺮﺑﻮﻋﻪ .. ﻭﺍﻟﻨﺴﺎﻭﻳﻦ ﻟﺪﺍﺭ ﺍﻟﻤﻌﻴﺸﻪ ﺣﺪﺍ ﻋﺎﻟﻪ ﺑﺮﻧﻴﻪ .. ﻭﺣﺼﻠﻮﺍ ﺍﻟﻤﻨﻜﻮﺑﺎﺕ ﻓﻲ ﺍﻟﻤﺎﻋﻴﻦ😁
ﻓﻲ ﺍﻟﻤﺮﺑﻮﻋﻪ ..
ﺍﻟﺤﺎﺝ ﻋﻠﻲ : ﺷﻦ ﻣﺪﺍﻳﺮ ﻓﻲ ﺧﺪﻣﺘﻚ ﻳﺎﻭﻟﺪﻱ ..
ﺍﻟﺤﺴﻦ : ﺗﻤﺎﻡ ﺍﻟﺤﻤﺪ ﻟﻠﻪ ..
ﻋﺎﺑﺪ : ﺷﻦ ﺑﺪﻳﺮﻭﺍ ﺑﺶ ﺑﺘﺮﺩﻭﺍ ﻉ ﺍﻟﻠﻲ ﺻﺎﺭ ﻓﻴﻜﻢ ..
ﺍﻟﺤﺴﻦ : ﻣﺎﻧﻘﺪﺭﻭﺍ ﻧﺪﻳﺮﻭﺍ ﺷﻲ ﻣﻊ ﺍﻷﺳﻒ ...
ﻛﻠﻬﻢ ﺍﺗﻔﺎﺟﺌﻮﺍ ..
ﻣﺮﻋﻲ : ﻛﻴﻒ .. ﺍﺭﻭﺍﺡ ﺭﺍﺣﺖ ﻓﻲ ﻛﻤﻴﻦ ﺯﻱ ﻫﺬﺍ ﺑﺘﻔﻮﺗﻬﺎ ﻫﻜﻲ ..
ﺍﻟﺤﺴﻦ ﺗﻨﻬﺪ ﺑﻀﻴﻖ : ﺟﻬﺎﺯ ﺍﻟﺸﺮﻃﻪ ﻣﺎﻻﺵ ﻫﻠﺒﻪ ﺑﺎﺩﻱ ﻳﻮﻗﻒ ﻉ ﺭﺟﻠﻴﻪ ﺑﻴﻨﻤﺎ ﺍﻟﻌﺼﺎﺑﺎﺕ ﻫﺎﺩﻱ ﻟﻴﻬﺎ ﻓﻮﻕ ﻧﺺ ﻗﺮﻥ ﻭﻛﻞ ﻣﺎﻟﻬﺎ ﺗﻘﻮﻯ . ﻣﺎﻧﻘﺪﺭﻭﺵ ﻧﻀﺤﻮﺍ ﻓﻲ ﺍﻟﻮﻗﺖ ﺍﻟﺤﺎﻟﻲ ﻭﻻﻋﻨﺪﻧﺎ ﺍﻟﻘﺪﺭﺓ ﺣﺎﻟﻴﺎ ﻟﻠﺮﺩ ﻋﻠﻴﻬﻢ
ﺣﺴﺎﻥ : ﺣﻴﻘﻌﺪﻭﺍ ﻳﺴﺮﺣﻮﺍ ﻭﻳﻤﺮﺣﻮﺍ .. ﻭﻋﺎﻳﺸﻴﻦ ﺣﻴﺎﺗﻬﻢ ..
ﺍﻟﺤﺴﻦ ﺑﻀﻴﻖ : ﻏﻴﺮﻭﺍ ﺍﻟﻤﻮﺿﻮﻉ ..
ﺳﺮﻣﺪ : ﻳﻜﻮﻥ ﺃﺣﺴﻦ ... ﺑﻨﻘﻮﻟﻚ ..
ﺍﻟﺤﺴﻦ : ﺷﻨﻮ ..
ﺳﺮﻣﺪ : ﻧﺒﻴﻚ ﺗﻌﻄﻴﻨﻲ ﺭﻗﻢ ﺍﻟﻔﻬﺪ ﺍﻟﺤﻠﻘﻪ ﺍﻟﺠﺎﻳﻪ ﺑﻨﺘﻜﻠﻢ ﻋﻦ ﺍﻹﺭﻫﺎﺏ ﻭﻧﺒﻴﻪ ﻳﻜﻮﻥ ﺿﻴﻒ ..
ﺍﻟﺤﺴﻦ ﺧﺪﻱ ﺗﻠﻴﻔﻮﻧﻪ ﺧﺶ ﺍﻟﻘﺎﺋﻤﻪ ﻃﻠﻊ ﺭﻗﻢ ﺍﻟﻔﻬﺪ ﻭﻣﺪﻫﻮﻟﻪ ...
ﻭﺳﺮﻣﺪ ﺧﺪﻱ ﺍﻟﺮﻗﻢ ﻭﺭﺩﻟﻪ ﺍﻟﺘﻠﻴﻔﻮﻥ ...
ﺳﺮﻣﺪ : ﻣﺎﺍﻋﺘﺮﻓﺶ ﺷﺮﻭﺩﺓ ﺑﺈﻏﺘﻴﺎﻝ ﺍﻟﻤﺴﻌﻮﺩﻱ ..
ﺍﻟﺤﺴﻦ : ﺍﻋﺘﺮﻑ ..
ﺍﻟﺤﺎﺝ ﻋﻠﻲ : ﺍﻟﻤﺴﻌﻮﺩﻱ ﺍﻟﻌﺴﻜﺮﻱ ﺍﻟﻠﻲ ﻗﺘﻠﻮﻩ ﻣﻦ ﻓﺘﺮﻩ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ..
ﻋﻠﻲ ﻋﺎﺑﺪ : ﻓﻲ ﺍﻷﻭﻝ ﺍﻟﻨﺎﺱ ﺗﺤﺴﺎﺏ ﺩﺍﻋﺶ ﻭﻟﺖ ﻟﻤﺎ ﺍﻏﺘﺎﻟﻮﻩ ...
ﺍﻟﺤﺴﻦ : ﺣﺘﻰ ﺣﻨﻲ ﻫﻜﻲ ﻓﻜﺮﻧﺎ ﻓﻲ ﺍﻟﺒﺪﺍﻳﻪ ﻹﻥ ﺍﻟﻤﺴﻌﻮﺩﻱ ﻳﺎﻣﺎ ﺩﺍﺭ ﻓﻴﻬﻢ ﺗﻮﻗﻌﻨﺎﻫﻢ ﺍﻧﺘﻘﻤﻮﺍ ... ﻟﻜﻦ ﻃﻠﻌﻮﺍ ﺟﻤﺎﻋﺔ ﺍﻟﻤﺨﺪﺭﺍﺕ .. ﻭﻛﺎﻧﺖ ﻋﻤﻠﻴﻪ ﺍﻧﺘﻘﺎﻣﻴﻪ ﻓﻌﻼ ..
ﻋﺎﺑﺪ : ﻛﻞ ﺍﻟﻠﻲ ﻳﻬﻤﻨﻲ ﺍﻧﺖ ... ﺭﺩ ﺑﺎﻟﻚ ﻳﺎﻭﻟﺪﻱ .. ﺣﺎﻓﻆ ﻉ ﻧﻔﺴﻚ ﻉ ﻗﺪ ﻣﺎﺗﻘﺪﺭ ..
ﺍﻟﺤﺴﻦ : ﺇﻥ ﺷﺎﺀ ﺍﻟﻠﻪ ...
ﺑﻌﺪ ﺍﻟﻌﺼﺮ ..
ﻭﺍﻗﻔﻪ ﺗﻌﺴﻞ ﻓﻲ ﺍﻟﻘﻄﺎﻳﻒ ﻭﻫﻲ ﺗﻔﻜﺮ ﻭﺗﻀﺤﻚ .. ﺗﺄﻓﻔﺖ ﻟﻤﺎ ﺳﻤﻌﺖ ﺍﺻﻮﺍﺕ ﻏﻴﺮ ﻣﺮﻏﻮﺏ ﺳﻤﺎﻋﻬﺎ ..
ﻋﻠﻴﺎ " ﺟﻮ ﺍﻟﻌﺰﻭﺍﺕ .. ﻳﺎﺭﺑﻲ ﺻﺒﺮﻧﻲ " ...
" ﺍﻧﺖ ﻳﺎﺍﺣﻠﻰ ﻣﻦ ﺍﻟﻘﻄﺎﻳﻒ ﻋﻄﻴﻨﻲ ﻭﺣﺪﻩ "
ﻋﻠﻴﺎ ﺍﺑﺘﺴﻤﺖ ﻭﺍﻟﺘﻔﺘﺖ : ﺍﻧﻼﺍ ..
ﺍﻟﺤﺴﻦ ﻗﺮﺏ ﻣﺪ ﺍﻳﺪﻩ ﻭﺧﺪﻱ ﻭﺣﺪﻩ ﻭﺍﺗﻜﻰ ﺑﻈﻬﺮﻩ ﻉ ﺍﻟﻄﺎﻭﻟﻪ ﺍﻟﻠﻲ ﻭﺍﻗﻔﻪ ﻗﺪﺍﻣﻬﺎ ﻋﻠﻴﺎ .....
ﻋﻠﻴﺎ ﻋﻄﺎﺗﻪ ﻛﻨﻴﻜﺲ : ﺧﻮﺩ ﺭﺍﻩ ﺗﻠﺒﺰﻙ ..
ﺍﻟﺤﺴﻦ ﺧﺪﻱ ﻣﻨﻬﺎ ﻭﻗﻌﺪ ﻳﺎﻛﻞ ﻭﻫﻲ ﻻﻫﻴﻪ ..
ﺍﻟﺤﺴﻦ : ﺍﻣﻤﻢ ... ﻫﺎﻟﻤﺮﺓ ﺍﺣﻠﻰ ﻣﻦ ﺍﻟﻠﻲ ﻗﺒﻠﻬﺎ ..
ﻋﻠﻴﺎ ﺑﻐﺮﻭﺭ : ﺍﺻﻼ ﺍﻧﻲ ﺩﻳﻤﺎ ﻧﺪﻳﺮ ﻓﻴﻬﺎ ﺣﻠﻮﺓ
ﺍﻟﺤﺴﻦ ﻗﺮﺏ ﻣﻨﻬﺎ : ﺍﻧﺘﻲ ﺍﻟﺤﻠﻮﺓ ..
ﻋﻠﻴﺎ ﺑﻀﺤﻜﻪ : ﺑﻌﺪ ﺭﻩ ﻓﻲ ﺍﻟﻜﻮﺟﻴﻨﻪ ﻗﺎﻋﺪﻳﻦ ..
ﺍﻟﺤﺴﻦ ﺍﺑﺘﺴﻢ : ﻋﻼﺵ ﺷﻦ ﻧﺪﻳﺮﻭﺍ ﺣﻨﻲ ﻧﻬﺪﺭﺯﻭﺍ ..
ﻋﻠﻴﺎ ﺑﻀﺤﻜﻪ : ﺍﻳﻮﻩ ﻧﻬﺪﺭﺯﻭﺍ ﻭﺑﺲ ..
ﺍﻟﺤﺴﻦ ﺍﺑﺘﺴﻢ ﺑﺮﻓﻌﺔ ﺣﺎﺟﺐ ﻭﻳﺸﻮﻓﻠﻬﺎ ﻭﻳﺎﻛﻞ ..
ﺳﻤﻌﻮﺍ ﺻﻮﺕ ﺿﺤﻚ ﻋﺎﻟﻲ ..
ﻋﻠﻴﺎ : ﻣﺼﺢ ﻭﺟﻬﻬﻢ ..
ﺍﻟﺤﺴﻦ : ﻣﻨﻮ ..
ﻋﻠﻴﺎ ﺑﺮﺑﻜﻪ : ﺍﺣﻤﻢ .. ﺗﺒﻲ ﻭﺣﺪﻩ ﺗﺎﻧﻴﻪ ..
ﺍﻟﺤﺴﻦ ﺑﺈﺑﺘﺴﺎﻣﻪ ﻗﺮﺏ : ﺍﻳﻪ ﺑﺲ ﻣﺶ ﻣﻦ ﻫﺎﺩﻡ ..
ﻋﻠﻴﺎ ﺑﻀﺤﻜﻪ : ﺑﻌﺪ ﻳﺎﻧﻬﺎﺭﻱ .. ﻛﺎﻥ ﻳﺨﺸﻮﺍ ﺗﻮﺍ ..
ﺍﻟﺤﺴﻦ : ﻫﻬﻬﻬﻬﻬﻪ ..
ﻋﻠﻴﺎ ﻭﺟﻬﻬﺎ ﺍﺣﻤﺮ ﺗﻀﺤﻚ ..
ﺍﻟﺤﺴﻦ ﻭﻗﻒ ﻉ ﺣﻴﻠﻪ : ﺧﻞ ﻧﺨﺶ ﻧﺴﻠﻢ ﻭﻧﻄﻠﻊ ..
ﻋﻠﻴﺎ ﺑﺨﻠﻌﻪ : ﻭﻳﻦ ﻭﻳﻦ ... ﻣﻦ ﺍﻣﺘﻰ ﺗﺨﺶ ﺗﺴﻠﻢ ﻋﻠﻴﻬﻢ ﺍﻧﺖ .. ﻻﻻ ﻣﺎﺗﺨﺸﺶ ..
ﺍﻟﺤﺴﻦ ﺑﻀﺤﻜﻪ : ﺧﺎﻻﺗﻲ ﻳﺎﻫﺒﻠﻪ ..
ﻋﻠﻴﺎ : ﺧﺎﻻﺗﻚ ﺗﻮ ﺗﺴﻠﻢ ﻋﻠﻴﻬﻢ ﺑﺮﻭﺣﻬﻢ ..
ﺍﻟﺤﺴﻦ : ﻣﺎﻳﺠﻴﺶ ﻋﺎﺭﻓﻴﻦ ﺍﻧﻲ ﻗﺎﻋﺪ ..
ﻋﻠﻴﺎ ﺗﺸﺒﺤﻠﻪ ﺑﺮﻓﻌﺔ ﺣﺎﺟﺐ : ﺍﺭﻛﺐ ﻏﻴﺮ ﻭﺍﻧﺰﻟﻠﻬﻢ ..
ﺍﻟﺤﺴﻦ : ﻫﻬﻬﻬﻬﻬﻬﻪ ..
ﻋﻠﻴﺎ ﺑﻨﺮﻓﺰﺓ : ﻣﺎﻓﻲ ﺷﻲ .. ﻳﻀﺤﻚ ..
ﺍﻟﺤﺴﻦ ﻗﺮﺏ : ﺍﻧﺘﻲ ﻋﺴﺴﺴﺴﻞ ... ﻭﺧﺪﺍﻫﺎ ﻉ ﺣﻴﻦ ﻏﺮﺓ ﻭﻣﺎﻗﺪﺭﺗﺶ ﺗﺼﺪﻩ 💗..
ﺑﺮﺍ ...
ﻣﺠﻴﺪﻩ : ﻣﻴﺴﻮﻥ ﺧﺸﻲ ﺟﻴﺒﻲ ﻛﺎﻛﺎﻭﻳﻪ ﻣﻦ ﺍﻟﻔﺮﻳﺰ ..
ﻣﻴﺴﻮﻥ ﻧﺎﺿﺖ : ﺣﺎﺿﺮ .. ﻭﻣﺸﺖ ﻟﻠﻜﻮﺟﻴﻨﻪ ﻛﻴﻒ ﺧﺸﺖ ﺍﻧﺼﻌﻘﺖ .. ﻭﻟﺖ ﺑﺴﺮﻋﻪ ..
ﻣﻴﺴﻮﻥ ﺑﻀﺤﻜﻪ ﻭﺟﻬﻬﺎ ﺍﺣﻤﺮ : ﺣﻲ ﻋﻤﻲ ﻫﻬﻬﻬﻪ ..
ﻭﻭﻟﺖ ﻣﻦ ﻭﻳﻦ ﻣﺎﺟﺖ ..
ﻣﺠﻴﺪﺓ ﺷﺒﺤﺘﻠﻬﺎ : ﺗﻲ ﻭﻳﻦ ﺍﻟﻜﺎﻛﺎﻭﻳﻪ ..
ﻣﻴﺴﻮﻥ ﺑﺮﺑﻜﻪ : ﻣﺎﻟﻘﻴﺘﻬﺎﺵ ..
ﺍﻧﻌﺎﻡ : ﻛﻴﻒ ﺍﻧﻲ ﺍﻣﺲ ﺟﺎﻳﺒﺘﻬﺎ .. ﺗﻮ ﺍﻧﻮﺽ ﻧﺸﻮﻓﻬﺎ ..
ﻣﻴﺴﻮﻥ ﺑﺮﺑﻜﻪ ﺍﻛﺜﺮ : ﻻﻻ ﺍﺭﺗﺎﺣﻲ ﻋﻤﻴﻤﻪ ..
ﻣﺠﻴﺪﺓ : ﺗﻮ ﺍﻧﻮﺽ ﺑﺮﻭﺣﻲ ﻣﺎﻳﻨﻌﺒﺎ ﻋﻠﻴﻚ .. ﻭﻧﺎﺿﺖ ...
ﻣﻴﺴﻮﻥ : ﻻﺍﺍﺍﺍﺍﺍ .. ﺍﻻ ...
ﺷﺒﺤﻮﻟﻬﺎ ﻛﻠﻬﻢ ...
ﻣﺠﻴﺪﻩ : ﺧﻴﺮ ﺑﻼﻙ ..
ﻣﻴﺴﻮﻥ ﺑﺮﺑﻜﻪ : ﺀ .. ﻣﺎﻫﻮ ..
ﻣﺠﻴﺪﻩ : ﺗﺮﺍ ﺣﻮﻟﻲ .. ﻭﺗﻮﺟﻬﺖ ﻃﻮﻝ ﻟﻠﻜﻮﺟﻴﻨﻪ ﻭﻟﺤﻘﺘﻬﺎ ﻣﻴﺴﻮﻥ ﻭﻫﻲ ﺗﺪﻋﻲ ﻓﻨﻔﺴﻬﺎ .. ﻭﺃﻭﻝ ﻣﺎ ﺧﺸﻮﺍ ﻟﻠﻜﻮﺟﻴﻨﻪ .. ﻟﻘﻮﺍ ﻋﻠﻴﺎ ﺑﺮﻭﺣﻬﺎ ﺗﻮﺗﻲ ﻓﻲ ﺍﻟﺤﻠﻮﻳﺎﺕ ..
ﻣﻴﺴﻮﻥ ﺗﻨﻔﺴﺖ ﺍﻟﺼﻌﺪﺍﺀ .. ﺍﻣﺎ ﻣﺠﻴﺪﻩ ﻓﻄﻠﻌﺖ ﺍﻟﻜﺎﻛﺎﻭﻳﻪ ﻣﻦ ﺍﻟﻔﺮﻳﺰ ﻭﻗﺎﻟﺖ ﻟﻤﻴﺴﻮﻥ : ﻓﺘﺤﺖ ﺍﻟﻔﺮﻳﺰ ﻟﻘﻴﺘﻬﺎ ﻓﻮﺟﻬﻲ ﻃﻮﻝ .. ﻧﺒﻌﺘﻚ ﻟﻠﺒﺤﺮ ﻧﻠﻘﻴﻪ ﻧﺎﺯﺡ ... ﻭﻃﻠﻌﺖ ...
ﻋﻠﻴﺎ ﺑﻀﺤﻜﻪ : ﺫﻛﺮﺗﻨﻲ ﺑﺄﻣﻲ ..
ﻣﻴﺴﻮﻥ : ﻫﻬﻬﻬﻬﻬﻬﻬﻬﻬﻪ ...
ﺭﻥ ﺗﻠﻴﻔﻮﻥ ﻋﻠﻴﺎ ..
ﻋﻠﻴﺎ : ﺑﺎﻟﻠﻪ ﻣﻴﺴﻮﻥ ﺟﻴﺒﻴﻪ ﻣﻦ ﺍﻟﺪﻭﻻﺏ ..
ﻣﺸﺖ ﻣﻴﺴﻮﻥ ﺟﻬﺔ ﺍﻟﺪﻭﻻﺏ ﻃﻠﻌﺖ ﺍﻟﺘﻠﻴﻔﻮﻥ ﻭﻣﺪﺗﻬﻮﻟﻪ .. ﺍﺑﺘﺴﻤﺖ ﻋﻠﻴﺎ ﺑﻔﺮﺡ ﺃﻭﻝ ﻣﺎﺷﺎﻓﺖ ﺍﻟﺮﻗﻢ .. ﺭﺩﺕ ..
ﻋﻠﻴﺎ : ﺣﺒﻴﻴﻴﻴﺒﻲ ﺍﺳﺘﺎﺣﺸﺘﻚ ﻣﻮﻭﻭﺕ ......... ﺍﻳﻪ ......... ﺍﻟﻠﻪ ........!! ﻳﺎﺭﻭﺣﻲ ﻣﺮﺣﺒﺘﻴﻦ ﺑﻴﻚ .... ﻧﺮﺍﺟﻲ ﻓﻴﻚ .. ﺗﻤﺎﻡ .... ﻭﺻﻜﺮﺕ ..
ﻋﻠﻴﺎ ﺷﺒﺤﺖ ﻟﻤﻴﺴﻮﻥ : ﻣﻴﺴﻮ ﻧﻄﻠﺐ ﻣﻨﻚ ﻃﻠﺐ ..
ﻣﻴﺴﻮﻥ : ﺗﻔﻀﻠﻲ ..
ﻋﻠﻴﺎ : ﺧﻮﺩﻱ ﻣﻔﺘﺎﺡ ﺷﻘﺘﻲ ﻭﺍﺭﻛﺒﻲ ﻓﻮﻕ .. ﺑﺨﺮﻳﻬﺎ .. ﺗﻠﻘﻲ ﺍﻟﺒﺨﺎﺭﺓ ﻭﺍﻟﺒﺨﻮﺭ ﻉ ﺍﻟﻄﺎﻭﻟﻪ ﻓﻲ ﺍﻟﺼﺎﻟﻪ ..
ﻣﻴﺴﻮﻥ ﺑﺈﺑﺘﺴﺎﻣﻪ : ﻣﻦ ﻋﻴﻮﻧﻲ ..
ﺧﺪﺕ ﻣﻴﺴﻮﻥ ﺍﻟﻤﻔﺘﺎﺡ ﻭﺭﻛﺒﺖ .. ﻓﺘﺤﺖ ﺍﻟﺸﻘﻪ ﻭﺧﺸﺖ ﺗﻮﺟﻬﺖ ﻃﻮﻝ ﻟﻠﻄﺎﻭﻟﻪ ﺧﺪﺕ ﺍﻟﺒﺨﺎﺭﺓ ﻭﺧﺸﺖ ﻟﻠﻤﻄﺒﺦ ﺩﻭﺭﺕ ﻉ ﺍﻟﻜﺮﺑﻮﻥ ﻭﻟﻘﺎﺗﻪ ﻭﻟﻌﺖ ﺍﻟﻐﺎﺯ ﻭﺣﻄﺖ ﺍﻟﻜﺮﺑﻮﻧﻪ ﻭﺷﻮﻳﻪ ﻭﺣﻄﺘﻬﺎ ﻓﻲ ﺍﻟﺒﺨﺎﺭﺓ ﻭﺣﻄﺖ ﻋﻠﻴﻬﺎ ﺍﻟﺒﺨﻮﺭ ﻭﻗﻌﺪﺕ ﺗﺒﺨﺮ ﻓﻲ ﺍﻟﺤﻮﺵ .. ﻛﻤﻠﺖ ﻭﺣﻄﺎﺗﻪ ﻉ ﺍﻟﻄﺎﻭﻟﻪ ﻭﻃﻠﻌﺖ ﻭﺳﻜﺮﺕ ﺍﻟﺒﺎﺏ .. ﻧﺰﻟﺖ ﻣﻦ ﺍﻟﺪﺭﻭﺝ ﻭﻛﻴﻒ ﺑﺘﻔﺘﺢ ﺍﻟﻔﺎﺻﻞ ﻓﺘﺤﻪ ﻋﻤﻬﺎ ﺍﻟﻠﻲ ﻛﺎﻥ ﻣﻌﺎﻩ ﻧﺴﻴﺒﻪ .. ﻣﻴﺴﻮﻥ ﻋﻴﻮﻧﻬﺎ ﺟﻮ ﻓﻌﻴﻮﻥ ﻣﺼﻌﺐ .. ﻛﺎﻧﻮﺍ ﻗﺮﺍﺏ ﻣﻦ ﻋﻴﻮﻥ ﻋﻠﻴﺎ .. ﻗﺮﻳﺐ ﺩﺍﺧﺖ ..
ﻫﻮ ﺭﻛﺰ ﻋﻠﻴﻬﺎ ﻛﻴﻒ ﺷﺒﺤﺘﻠﻪ ﻭﻃﺎ ﻋﻴﻮﻧﻪ ﻭﻭﺧﺮ ...
ﺍﻟﺤﺴﻦ : ﺍﻃﻠﻌﻲ ﺑﺴﺮﻋﻪ ..
ﻃﻮﻝ ﻃﻠﻌﺖ ﺟﺮﻱ ﻭﻫﻲ ﻣﺤﺮﺟﻪ ﻉ ﺍﻵﺍﺍﺍﺍﺧﺮ ..
ﻭﺧﺸﺖ ﻭﻗﻌﻤﺰﺕ ﺑﺤﺪﺍﻫﻢ ﻭﻋﻘﻠﻬﺎ ﻣﺶ ﻣﻌﺎﻫﺎ 💕...
***
ﻳﺪﻭﺭ ﺍﻳﻤﻴﻦ ﻭﺍﻳﺴﺎﺭ ﻭﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﺍﻟﻜﻮﺑﺮﺍ : ﺧﻠﻴﻜﻢ ﻭﺭﺍﻫﺎ ..
: ﻧﺪﻳﺮﻭﻟﻬﺎ ﺯﻳﺎﺭﺓ ﻓﻲ ﺍﻟﺤﻮﺵ ..
ﺍﻟﻜﻮﺑﺮﺍ ﺑﻀﺤﻜﻪ : ﻻﺍﻟﺰﻳﺎﺭﺓ ﻫﺎﺩﻱ ﺍﻧﻲ ﺑﻨﻔﺴﻲ ﺣﻨﺪﻳﺮﻫﺎ ﻭﺑﺎﻟﻤﺮﺓ ﻧﺸﻮﻓﻮﺍ ﺻﻐﺎﺭ ﺍﻟﻤﺮﺣﻮﻡ ﻗﻴﺲ ..
: ﻫﻬﻬﻬﻪ .. ﺗﻢ ﻳﺎﻛﻮﺑﺮﺍ ..
ﺍﻟﻜﻮﺑﺮﺍ : ﻧﻬﻠﻪ ﻫﺎﺩﻱ ﻣﺶ ﺳﺎﻫﻠﻪ .. ﺣﺘﻰ ﻟﻮ ﻣﺎﻃﻠﻌﺘﺶ ﻣﺘﻌﺎﻭﻧﻪ ﻣﻊ ﺍﻟﺸﺮﻃﻪ .. ﻓﻬﻲ ﺧﻄﺮ .. ﺍﺑﺘﺰﺍﺯﻫﺎ ﻟﻴﻨﺎ ﻫﻮ ﺍﻟﺨﻄﺮ .. ﻟﺬﻟﻚ .. ﺣﻨﺪﻳﺮﻟﻬﺎ ﺯﻳﺎﺭﺓ .. ﺑﺲ ﺗﻜﻮﻥ ﺑﻄﺮﻳﻘﺔ ﺧﺎﺻﻪ ..
: ﻓﺎﻫﻢ ﻋﻠﻴﻚ ﻳﺎﺭﺍﺱ .. ﻭﺍﻋﺘﺒﺮﻩ ﺗﻢ ..
ﺍﻟﻜﻮﺑﺮﺍ : ﻛﻮﻳﺲ .. ﻭﺻﻜﺮ ..
ﺣﻂ ﺗﻠﻴﻔﻮﻧﻪ ﻓﺠﻴﺒﻪ ﻭﺗﻮﺟﻪ ﻭﻳﻦ ﻣﺎﻛﺎﻥ ....
... ﻳﺘﺒﻊ
