الحسن

66 الجزء الثاني

#الحسن
ﺍﻟﺠﺰﺀ ﺍﻷﺧﻴﺮ66 " ﺍﻟﻘﺴﻢ ﺍﻟﺜﺎﻧﻲ 𵀽"
صورة 3.6K صورة 94 صورة 13
ﺑﻮﺍﺳﻄﺔ GomanFared
ﺑﺎﺑﺎ ﺃﻣﻴﺮﺓ ﺧﻠﻴﻨﻲ ﻣﻊ ﺃﺧﺘﻚ ﺷﻮﻳﻪ ..
ﺃﻣﻴﺮﺓ ﻧﺎﺿﺖ : ﺣﺎﺿﺮ .. ﻭﻣﺸﺖ ...
ﻋﻠﻴﺎ ﺑﺨﻮﻑ : ﺑﺎﺑﺎ ﺍﻟﺤﺴﻦ ﺻﺎﺭﺗﻠﻪ ﺣﺎﺟﻪ ...
ﺟﻌﻔﺮ : ﻻﻳﺎﺑﻨﺘﻲ ... ﺑﺲ ﻧﺒﻲ ﻧﺴﺄﻟﻚ ..
ﻋﻠﻴﺎ : ﺃﺳﺄﻝ ﺑﺎﺑﺎ ...
ﺟﻌﻔﺮ : ﺑﻨﺘﻲ ... ﺍﺣﻤﻢ .. ﺻﺎﻳﺮﺓ ﻣﺸﻜﻠﻪ ﺑﻴﻨﻚ ﻭﺑﻴﻦ ﺭﺍﺟﻠﻚ ..
ﻋﻠﻴﺎ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﺍﺑﺪﺍ ...
ﺟﻌﻔﺮ ﺳﻜﺖ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﺍﻟﻠﻲ ﻫﻤﺎ ﻓﻴﻪ ..
ﻋﻠﻴﺎ : ﺑﺎﺑﺎ ... ﺧﻮﻓﺘﻨﻲ ..
ﺟﻌﻔﺮ ﻃﻠﻊ ﺍﻟﻮﺭﻗﻪ ﻣﻦ ﺟﻴﺒﻪ ﻭﻣﺪﻫﺎﻟﻬﺎ ... ﻋﻠﻴﺎ ﺧﺪﺗﻬﺎ ﻭﻓﺘﺤﺘﻬﺎ ﻗﺮﺗﻬﺎ ... ﻭﻋﺎﻭﺩﺕ ﻗﺮﺗﻬﺎ ... ﻭﻗﺮﺗﻬﺎ ﻣﺮﺓ ﺗﺎﻟﺘﻪ .. ﺃﻣﻌﻨﺖ ﺍﻟﻨﻈﺮ ﻓﻴﻬﺎ ﻫﻠﺒﻪ ... ﻭﺑﻮﻫﺎ ﺧﺎﻑ ﻋﻠﻴﻬﺎ ...
ﻋﻠﻴﺎ ﺗﻨﻬﺪﺕ ﻭﺍﺑﺘﺴﻤﺖ ﻭﺷﺒﺤﺖ ﻟﺒﻮﻫﺎ : ﺧﻴﺮ ... ﺇﻥ ﺷﺎﺀ ﺍﻟﻠﻪ ﺧﻴﺮ ..
ﺟﻌﻔﺮ ﺑﺨﻮﻑ : ﻋﻠﻴﺎ ﺑﻨﺘﻲ ...
ﻋﻠﻴﺎ : ﺍﻧﺖ ﻗﻠﺘﻠﻲ ﻣﺮﺓ ﻓﻲ ﻛﻞ ﺷﻲ ﻳﺼﻴﺮ ﻣﻌﺎﻧﺎ ﻧﺪﻭﺭﻭ ﻉ ﺧﻴﺮ .. ﻝ .. ﻭﺍﻟﻠﻲ ﻓﻬﺎﻟﻮﺭﻗﻪ ﺍﻛﻴﺪ ﻓﻴﻪ ﺧﻴﺮﻩ ...
ﺟﻌﻔﺮ : ﺑﻨﺘﻲ .... ﺍﻛﻴﺪ ﺍﻧﺘﻲ ﻛﻮﻳﺴﻪ ..
ﻋﻠﻴﺎ ﻭﺩﻣﻮﻋﻬﺎ ﺑﺪﻭﺍ ﻳﻨﺰﻟﻮﺍ ﺑﺲ ﻗﺎﻋﺪﻩ ﺍﻹﺑﺘﺴﺎﻣﻪ ﻉ ﻭﺟﻬﻬﺎ : ﻻ ﻳﺎﺑﺎﺑﺎ ﻣﺶ ﻛﻮﻳﺴﻪ ... ﺑﺲ ﺣﻨﻮﻟﻲ ﻛﻮﻳﺴﻪ ﻣﻊ ﺍﻟﻮﻗﺖ .. ﻧﺴﺘﺄﺫﻥ .. ﻭﻃﻮﻝ ﻧﺎﺿﺖ ﻣﻦ ﺣﺪﺍﻩ ﻭﻣﺸﺖ ﻟﺪﺍﺭ ﻣﺼﻌﺐ ﻗﺒﻞ ﻭﺍﻟﻠﻲ ﻋﻄﻮﻫﺎﻟﻬﺎ ﺍﻫﻠﻬﺎ ﻫﻲ ﻭﻟﺪﻫﺎ ﻳﺒﺎﺗﻮﺍ ﻓﻴﻬﺎ .. ﺗﺒﻜﻲ ﺻﺢ .
ﺑﺲ ﺗﻔﻜﺮ ﻓﻲ ﺗﺼﺮﻓﺎﺕ ﺍﻟﺤﺴﻦ ﺍﻷﺧﻴﺮﺓ " ﻓﻲ ﺷﻲ ﺧﻼﻩ ﻳﺪﻳﺮ ﻫﻜﻲ ﻣﺶ ﺑﺈﺭﺍﺩﺗﻪ ..."
💔 ﺳﻤﻌﺖ ﺍﻟﻌﻴﻠﻪ ﺑﺎﻟﺨﺒﺮ ﺍﻟﺼﺎﺩﻡ ﻭﻣﺎﺻﺪﻗﻮﺵ ﺑﻜﻞ ..
ﺍﻧﻌﺎﻡ : ﻳﻌﻨﻲ ﺍﻧﺖ ﻣﺎﺗﻌﺮﻓﺶ ..
ﺍﺣﻤﺪ : ﻧﻬﺎﺋﻲ ... ﺍﺳﺎﺳﺎ ﻣﻦ ﻣﺪﻩ ﺍﻟﺤﺴﻦ ﻣﻌﺎﺵ ﺑﺪﻱ ﻳﺠﻲ ﻟﻠﻤﺮﻛﺰ ﻫﻠﺒﻪ ..
ﺍﻧﻌﺎﻡ ﺿﻴﻘﺖ ﻋﻴﻮﻧﻬﺎ : ﺯﻋﻤﻪ ﻟﻔﺖ ﻋﻠﻴﻪ ﻭﺣﺪﻩ ﺗﺎﻧﻴﻪ ... ﻓﻨﺼﺖ ﻭﻫﻲ ﺗﺸﺒﺢ ﻷﺣﻤﺪ ... ﺣﻲ ﻋﻠﻴﻚ ﺣﻲ
ﺍﺣﻤﺪ ﺑﺼﺪﻣﻪ : ﻋﻼﺵ !!!
ﺍﻧﻌﺎﻡ : ﺣﻲ ﻋﻠﻴﻚ ﺍﺩﻳﺮ ﺯﻳﻪ ...
ﺍﺣﻤﺪ : ﻫﻬﻬﻬﻬﻬﻬﻬﻬﻬﻬﻪ .. ﻭﺍﻧﺘﻲ ﺗﺄﻛﺪﺗﻲ ﺍﻧﻪ ﺩﺍﺭ ﻫﻜﻲ ﻓﻌﻼ ..
ﺍﻧﻌﺎﻡ : ﺍﻟﺮﺍﺟﻞ ﻣﺎﻳﺪﻳﺮ ﻫﻜﻲ ﺇﻻ ﻟﻮﻓﻲ ﻭﺣﺪﻩ ﺗﺎﻧﻴﻪ ﻭﻟﻮ ﺍﻥ ﺍﻟﺤﺴﻦ ﻣﺶ ﻣﺘﺎﻉ ﺍﻟﺪﻭﺓ ﺍﻟﻔﺎﺿﻴﻪ .. ﻟﻜﻦ ﺍﻷﻧﺎﺗﻲ ﺍﻟﻘﺎﺩﺭﺍﺕ ﻳﺠﻴﺒﻮﻩ ﻳﺠﻴﺒﻮﻩ ..
ﺍﺣﻤﺪ ﻳﻀﺤﻚ ﺑﺼﺪﻣﻪ : ﻳﺎﻟﻄﻴﻒ ...
***
ﻋﺮﻓﺘﻪ ﺍﻟﻤﺪﻩ ﺍﻷﺧﻴﺮﻩ ﻣﺶ ﻋﺎﺟﺒﻨﻲ .. ﻣﻬﻮﺵ ﺧﺎﻟﻲ ..
ﻭﺳﻴﻠﻪ : ﻛﻴﻒ ﻗﺼﺪﻙ ﻳﺎﻋﻤﺘﻲ ﻓﻲ ﻭﺣﺪﻩ ﺗﺎﻧﻴﻪ ..
ﺑﺮﻧﻴﻪ : ﻣﺎﻧﻲ ﻋﺎﺭﻓﻪ .. ﺑﺲ ﻓﻲ ﺣﺎﺟﻪ ..
ﺟﻨﺎﻥ : ﻣﺎﺍﻋﺘﻘﺪﺵ ..... ﻣﺴﺘﺤﻴﻞ .. ﺧﻮﻱ ﻳﺤﺐ ﻣﺮﺗﻪ ﻫﻠﺒﻪ ..
ﻭﺳﻴﻠﻪ : ﻳﺎﻭﺩﻱ ﻣﻦ ﺍﻷﻭﻝ ﺣﺴﺎﺗﻪ ﻭﺍﺧﺪﻫﺎ ﻏﻴﺮ ﺳﺨﻒ ﻋﻠﻴﻬﺎ ﻭﻛﺎﻥ ﻳﺒﻲ ﻳﺪﻳﺮ ﻣﻌﺎﻫﺎ ﻣﻌﺮﻭﻑ ...
ﺑﺮﻧﻴﻪ : ﻭﺍﻟﻨﺒﻲ ﻓﻜﻴﻨﺎ ﻣﻦ ﺍﻟﺪﻭﻩ ﻫﺎﺩﻱ ...
ﻭﺳﻴﻠﻪ : ﺳﻜﺘﻨﺎ ...
***
ﺍﻟﺨﺒﺮ ﺍﻟﺘﺎﻧﻲ ﺍﻟﻐﻴﺮ ﻣﺘﻮﻗﻊ ﻫﻮ ﺍﻥ ﺍﻟﺤﺴﻦ ﺍﺳﺘﻘﺎﻝ ﻣﻦ ﺍﻟﺨﺪﻣﻪ ﻛﻠﻬﺎ ﻭﻫﺎﺟﺮ ﺑﺮﺍ ﺍﻟﺒﻼﺩ ﻭﺍﻟﻤﻌﻠﻮﻣﻪ ﻫﺎﺩﻱ ﺧﺪﻭﻫﺎ ﻣﻦ ﺍﻟﻌﻤﻴﺪﻋﺎﺩﻝ ..
ﺍﻧﻌﺎﻡ : ﻫﺎﺟﺮ ...!!!!!!
ﺍﺣﻤﺪ : ﺍﻳﻪ ﻭﺳﻴﺐ ﺍﻟﺨﺪﻣﻪ ...
ﺍﻧﻌﺎﻡ : ﺍﻧﻲ ﺍﺳﺘﺴﻠﻤﺖ ﺑﺼﺮﺍﺣﻪ .. ﺭﺟﺎﻝ ﻋﻴﻠﺘﻲ ﻣﺎﻓﻴﺶ ﻣﻨﻬﻢ ﻭﺍﻟﻠﻪ .. ﻗﺎﻟﺘﻬﺎ ﺑﺘﻬﻜﻢ ...
ﺍﺣﻤﺪ ﺿﺤﻚ ﻭﺑﻌﺪﻳﻦ ﻗﺎﻝ : ﻓﻲ ﺷﻲ ... ﻭﺍﻟﻠﻪ ﺃﻋﻠﻢ ﺷﻦ ﻫﻮ ...
***
ﻋﻠﻴﺎ ﺍﺳﺘﻘﺒﻠﺖ ﺧﺒﺮ ﺍﻟﻬﺠﺮﺓ ﺑﺼﺪﻣﻪ ﺷﺪﻳﺪﻩ .. ﻛﻴﻒ ﻳﻬﺎﺟﺮ ﻭﻳﺨﻠﻴﻬﺎ ﻫﻲ ﻭﻭﻟﺪﻩ .. ﻣﺶ ﻣﺼﺪﻗﻪ ﺑﻜﻞ .. ﻓﻲ ﺍﻷﻭﻝ ﺗﻘﺒﻠﺖ ﻇﻨﺎ ﻣﻨﻬﺎ ﺍﻥ ﺍﻟﺤﺴﻦ ﻧﻔﺴﻴﺘﻪ ﺗﻌﺒﺎﻧﻪ ﺍﻥ ﻗﺎﻋﺪ ﻟﻶﻥ ﻣﺶ ﻣﺘﻘﺒﻞ ﺍﻟﻠﻲ ﺻﺎﻳﺮ ﻏﻴﺮ ﻳﻜﺎﺑﺮ ... ﻭﺍﻥ ﻟﻤﺎ ﻳﻮﻟﻲ ﺍﺣﺴﻦ ﺣﻴﺮﺟﻊ ﻟﻌﻘﻠﻪ ﻭﻳﺮﺩﻫﺎ ... ﺑﺲ ﺍﻟﺤﻜﺎﻳﻪ ﻣﺶ ﻫﻜﻲ ﺑﻜﻞ ..
ﺣﺒﺴﺖ ﺭﻭﺣﻬﺎ ﻓﻲ ﺍﻟﺤﻮﺵ ﻭﻣﺎﺑﺘﺶ ﺗﻄﻠﻊ .. ﺑﺮﻏﻢ ﺍﻥ ﺍﻟﻘﺮﺍﻳﻪ ﺑﺪﺕ ﻭﻫﻲ ﻻﺯﻡ ﺗﺮﺟﻊ ﻭﺗﺸﺪ ﺣﻴﻠﻬﺎ ﻹﻥ ﻓﻲ ﻣﺎﺩﻩ ﻗﻌﺪﺗﻠﻬﺎ ﻣﺎﺣﻀﺮﺗﺶ ﺍﻣﺘﺤﺎﻧﻬﺎ ﺑﺴﺒﺐ ﺣﺒﺲ ﺍﻟﺤﺴﻦ ﻭﻗﺘﻬﺎ ...
ﺑﺲ ﻫﻲ ﻣﻌﺎﺵ ﺧﺎﻃﺮﻫﺎ ﻓﻲ ﺷﻲ ﺣﺘﻰ ﻭﻟﺪﻫﺎ ﺗﻌﺎﻧﻲ ﻓﻴﻪ ﺃﻣﻬﺎ ..
ﺯﻳﻨﺐ : ﻭﺍﻟﻠﻪ ﺻﺪﻣﻨﻲ ﻓﻴﻪ ﻣﻌﻘﻮﻟﻪ ﻳﻄﻠﻘﻬﺎ ﺑﺪﻭﻥ ﺳﺒﺐ ﻭﻳﺴﻴﺐ ﺣﺘﻰ ﻭﻟﺪﻩ ﻭﻳﻄﻠﻊ ﻣﻦ ﺍﻟﺒﻼﺩ ﻛﻠﻬﺎ ﻭﻻﻓﻜﺮ ﻳﺴﺄﻝ ﺣﺘﻰ ﻉ ﻭﻟﺪﻩ؟
ﺃﻣﻴﺮﺓ : ﺍﻧﻲ ﻣﺶ ﻣﻘﺘﻨﻌﻪ ﺑﺎﻟﻠﻲ ﺑﻨﻘﻮﻟﻪ ﺑﺲ ﺣﻨﻘﻮﻟﻪ .. ﻭﺣﺪﻩ ﻣﻦ ﺍﻹﺗﻨﻴﻦ ﺇﻣﺎ ﺍﻥ ﻓﻤﺮﺍﺓ ﺗﺎﻧﻴﻪ ﻭﻫﺬﺍ ﺍﺣﺘﻤﺎﻝ ﺑﻌﻴﺪ ﻋﻦ ﺍﻟﺤﺴﻦ .. ﺍﻭ ﺍﻧﻪ .. ﻣﺴﺤﻮﺭ ..
ﺯﻳﻨﺐ : ﺷﻲ ﻳﺤﻂ ﺍﻟﻌﻘﻞ ﻓﻲ ﺍﻟﻜﻒ ... ﻣﺎﻗﺎﻫﺮﻧﻲ ﺇﻻ ﺣﺎﻝ ﺍﺧﺘﻚ ﻣﺴﻴﺒﻪ ﻭﻟﺪﻫﺎ ﻭﺣﺎﺑﺴﻪ ﺭﻭﺣﻬﺎ ﻓﻲ ﺍﻟﺪﺍﺭ ....
ﺍﻣﻴﺮﺓ : ﺧﻠﻴﻬﺎ ﺗﺎﺧﺪ ﻭﻗﺘﻬﺎ ﻉ ﻣﺎﺗﺴﺘﻮﻋﺐ ﺍﻟﻠﻲ ﺻﺎﺭ ...
ﺯﻳﻨﺐ ﺗﻨﻬﺪﺕ : ﺧﻞ ﻧﻤﺸﻲ ﻧﻮﻛﻞ ﺳﻴﻒ .. ﻭﻣﺸﺖ ..
ﻭﺃﻣﻴﺮﺓ ﺗﻮﺗﻲ ﻓﻲ ﺍﻟﻌﺸﻲ ...
***
ﺗﺎﻧﻲ ﻳﻮﻡ
ﺍﻟﺼﺒﺢ ...
ﻃﻠﻌﺖ ﻣﻦ ﺍﻟﺪﺍﺭ ﻛﺎﻧﺖ ﻻﺑﺴﻪ ﺷﻨﻄﺘﻬﺎ ﻓﻴﺪﻫﺎ ﻭﻻﺏ ﺗﻮﺏ ﻓﻲ ﺍﻟﻴﺪ ﺍﻟﺘﺎﻧﻴﻪ ... ﺗﻮﺟﻬﺖ ﻟﻠﻜﻮﺟﻴﻨﻪ .. ﻟﻘﺖ ﺍﻣﻬﺎ ﺗﻔﻄﺮ ﻓﻲ ﺳﻴﻒ .. ﺍﺑﺘﺴﻤﺖ ﻭﺗﻮﺟﻬﺘﻠﻬﻢ ...
ﻋﻠﻴﺎ : ﺻﺒﺎﺡ ﺍﻟﺨﻴﺮ ﻣﺎﻣﺎ .. ﻭﺣﻀﻨﺖ ﻭﻟﺪﻫﺎ ... ﺁﺍﺍﺍﻩ .. ﺍﺳﺘﺤﺸﺘﻚ ﻳﺎﺭﻭﺣﻲ ﻭﻗﻌﺪﺕ ﺗﺒﻮﺱ ﻓﻴﻪ .. ﺳﻠﻤﻬﻢ ﻳﺎﺭﺑﻲ 😙😙
ﺯﻳﻨﺐ ﻣﺘﻔﺎﺟﺌﻪ : ﻭﻳﻦ ﻣﺎﺷﻴﻪ ..
ﻋﻠﻴﺎ ﻭﻫﻲ ﻗﺎﻳﻤﻪ ﻭﻟﺪﻫﺎ : ﻟﻠﻜﻠﻴﻪ ..
ﺯﻳﻨﺐ ﺗﺸﺒﺤﻠﻬﺎ ﻭﺧﺎﻳﻔﻪ ..
ﻋﻠﻴﺎ ﺍﺑﺘﺴﻤﺖ : ﻣﺎﺗﺨﺎﻓﻴﺶ ﻣﺎﻫﺒﻠﺘﺶ ... ﺗﻨﻬﺪﺕ .. ﻣﺶ ﺍﺧﺮ ﺍﻟﺪﻧﻴﺎ ﻭﻣﺶ ﺍﻭﻝ ﻣﺮﺓ ﻳﺘﺨﻠﻰ ﻋﻨﻲ ﺣﺪ .. ﺷﺒﺤﺖ ﻟﻮﻟﺪﻫﺎ ... ﺍﻫﻢ ﺷﻲ ﻋﻨﺪﻱ ﺗﻮﺍ ﻫﺬﺍ ﻭﺣﻨﻌﻴﺶ ﻉ ﺧﺎﻃﺮﻩ ... ﻭﺑﺎﺳﺎﺗﻪ ... ﻫﻴﺎ ﻣﺎﻣﺎ ﻃﺎﻟﻌﻪ ... ﻭﻣﺸﺖ ...
ﻭﻫﻲ ﻃﺎﻟﻌﻪ ﺗﻘﺎﺑﻠﺖ ﻣﻊ ﺑﻮﻫﺎ : ﺻﺒﺎﺡ ﺍﻟﺨﻴﺮ ﺑﺎﺑﺎ ..
ﺟﻌﻔﺮ ﻭﻣﻌﺎﻫﺎ ﺑﻌﻴﻮﻧﻪ ﻭﻣﺴﺘﻐﺮﺏ : ﺻﺒﺎﺡ ﺍﻟﻨﻮﺭ .. ﺑﻨﺘﻲ .. ﻟﻒ ﻭﻣﺸﻲ ﻟﻠﻜﻮﺟﻴﻨﻪ ﻭﻗﺎﻝ ﻟﻤﺮﺗﻪ : ﺧﻴﺮﻫﺎ ..
ﺯﻳﻨﺐ ﺑﺈﺑﺘﺴﺎﻣﻪ : ﺍﻟﺮﻳﻼ ﻗﻮﻳﻪ ﺯﻱ ﻣﺎﺗﻌﺮﻓﻬﺎ ﻣﺎﺗﺨﺎﻓﺶ ..
ﺍﺑﺘﺴﻢ ﺟﻌﻔﺮ ﺑﺄﺭﺗﻴﺎﺡ : ﻧﺎﺿﺖ ﺍﻣﻴﺮﻩ ..
ﺯﻳﻨﺐ : ﺍﻳﻪ ...
ﻋﻠﻴﺎ ﻣﺸﺖ ﻟﻠﻜﻠﻴﻪ ﻭﺗﻼﻗﺖ ﻫﻲ ﻭﻧﺮﺟﺲ ﻭﺑﻌﺪ ﺍﺣﻀﺎﻥ ﻭﻋﺒﺎﺭﺍﺕ ﺍﻹﺷﺘﻴﺎﻕ ﻭﺍﻟﺴﺆﺍﻝ ﻉ ﺑﻌﺾ ...
ﻧﺮﺟﺲ ﺗﻨﻬﺪﺕ : ﺩﻧﻴﺎ ﻣﺎﺩﻭﻡ ﻉ ﺣﺎﻝ ...
ﻋﻠﻴﺎ ﻋﻴﻮﻧﻬﺎ ﺗﻌﺒﻮﺍ : ﺍﺳﺘﺎﺣﺸﺘﻬﺎ ﻫﻠﺒﻪ ..
ﻧﺮﺟﺲ ﻋﻴﻮﻧﻬﺎ ﺩﻣﻌﻮﺍ ... ﺑﻜﻮﺍ ﺍﻟﺰﻭﺯ ﺷﻮﻳﻪ ﻣﺴﺤﻮﺍ ﺩﻣﻮﻋﻬﻢ ﻭﻧﺎﺿﻮﺍ ...
***
ﻗﻮﻟﻲ ﻳﺎﺯﻓﺘﻪ ..
ﺭﺷﺎ : ﻫﻬﻬﻬﻬﻬﻬﻪ ... ﻫﺎﺕ ... ﻭﺧﺪﺕ ﺍﻟﻔﻠﻮﺱ .... ﺍﻣﻤﻢ ﻋﻠﻴﺎ ..
ﻣﻨﺼﻒ ﺑﺄﺳﺘﻐﺮﺍﺏ : ﺧﻴﺮﻫﺎ ...
ﺭﺷﺎ : ﺭﺍﺟﻠﻬﺎ ﻃﻠﻘﻬﺎ ...
ﻣﻨﺼﻒ ﺑﺼﺪﻣﻪ : ﺷﺶ .. ﺵ .. ﻃﻠﻘﻬﺎ !!!
ﺭﺷﺎ ﻫﺰﺕ ﺭﺍﺳﻬﺎ ﺑﺂﻳﺠﺎﺏ ﻭﻫﻲ ﻣﺒﺘﺴﻤﻪ ...
ﻣﻨﺼﻒ ﺿﺤﻚ ﻭﻫﻮ ﻣﺘﻔﺎﺟﺊ ...
***
ﻋﺎﻗﺪﺓ ﺣﻮﺍﺟﺒﻬﺎ ﻭﻫﻲ ﻣﺮﻭﺣﻪ ﻣﻦ ﺍﻟﻤﺪﺭﺳﻪ ﻛﺎﻧﺖ ﻗﺮﻳﺒﻪ ﻉ ﺣﻮﺵ ﺧﺎﻟﻬﺎ ... ﺯﻱ ﻣﺎﻛﺎﻧﺖ ﻣﺪﺭﺳﺘﻬﺎ ﺍﻷﻭﻟﻰ ﻗﺮﻳﺒﻪ ﻉ ﺣﻮﺷﻬﻢ ... ﺍﺫﻛﺮﺕ ﻫﺪﻳﻜﺎ ﺍﻷﻳﺎﻡ ﻭﺗﻨﻬﺪﺕ ... ﻭﺍﺫﻛﺮﺕ ﻣﻨﺬﺭ ﺍﻟﻠﻲ ﺍﻋﺘﺮﺽ ﻃﺮﻳﻘﻬﺎ ﺍﻛﺜﺮ ﻣﻦ ﻣﺮﺓ ﻭﻫﻲ ﻣﺮﻭﺣﻪ ﺿﺤﻜﺖ ﻭﻗﺎﻟﺖ : ﻟﻜﻦ ﺑﺠﺪ ﻣﺤﻼﻫﻢ ﺍﻳﺎﻣﻪ ..
" ﻣﻦ ﻫﻮ ..."
ﺭﻳﺤﺎﻧﻪ ﻏﻤﻀﺖ ﻋﻴﻮﻧﻪ ﻣﻦ ﺍﻟﺨﻠﻌﻪ : ﺍﺧﻠﻊ ﻓﺮﺍﻳﺴﻚ ..
ﺳﻬﻴﻞ ﻗﺮﺏ ﻣﻨﻬﺎ : ﻟﺴﺎﻧﻚ ﻫﺬﺍ ... ﻧﺒﻲ .... ﻧﻘﺼﻪ .. ﻭﺩﺍﺭ ﺣﺮﻛﻪ ﺑﺼﻮﺍﺑﻌﻪ ✌
ﺭﻳﺤﺎﻧﻪ : ﺷﻦ ﺣﺮﻛﺎﺕ ﺗﺎﻟﺘﻪ ﺍﻋﺪﺍﺩﻱ ﻫﺎﺩﻱ .. ﻋﻴﺐ ﻉ ﻭﻛﻴﻞ ﻧﻴﺎﺑﻪ ﺯﻳﻚ ﻳﺘﻌﺮﺽ ﻟﻠﻲ ﻣﺎﺷﻴﻪ ﻭﺍﻟﻠﻲ ﺟﺎﻳﻪ
ﺳﻬﻴﻞ ﻋﺼﺐ : ﺍﺳﻤﻌﻲ ﻳﺎﻓﺮﺧﻪ ﺍﻧﺘﻲ .. ﺍﻧﻲ ﻭﺳﻌﺖ ﺑﺎﻟﻲ ﻣﻌﺎﺍﻙ ﻫﻠﺒﻪ .. ﻭﺗﻮﺍ ﻻﺯﻡ ﻧﺘﺼﺮﻑ ﻣﻌﺎﻙ ﺑﻄﺮﻳﻘﻪ ﺗﺎﻧﻴﻪ ... ﻭﻟﻒ ﻭﻣﺸﻲ ..
ﺭﻳﺤﺎﻧﻪ : ﻗﺎﻟﻲ ﻓﺮﺧﻪ !! ﻭﻣﺸﺖ ﻭﺭﺍﻩ ﻭﻫﻲ ﻣﺘﻨﺮﻓﺰﺓ ﻉ ﺍﻵﺧﺮ .. ﺍﻧﺖ ﻳﺎﻫﻮﻭﻭﻭﻩ ﺍﻃﻴﺮ ﺗﺠﻨﺢ ﺗﻜﻠﺐ ﻣﺎﻙ ﻭﺍﺧﺪﻧﻲ ... ﺗﻠﻔﺘﻠﻬﺎ ﻫﻲ ﺧﺎﻓﺖ ﻭﻭﻗﻔﺖ ﻭﺟﺎﻫﺎ ... ﺭﻛﺐ ﻧﻈﺎﺭﺍﺗﻪ ﻉ ﺟﺒﻬﺘﻪ ﻭﻗﺎﻋﺪ ﺷﺎﺩﻫﻢ ..
ﺳﻬﻴﻞ ﺑﺈﺑﺘﺴﺎﻣﻪ ﻣﻐﺮﻭﺭﺓ : ﺍﻃﻴﺮﻱ ﺗﺠﻨﺤﻲ ﺗﻜﻠﺒﻲ ... ﺣﺘﻮﻟﻲ ﻣﺮﺗﻲ ... ﺑﺒﺒﺒﺒﺎﻱ .. ﻭﺣﻂ ﻧﻈﺎﺭﺍﺗﻪ ﻉ ﻋﻴﻮﻧﻪ ﻭﻣﺸﻲ ..
ﺭﻳﺤﺎﻧﻪ ﻣﻌﺎﻩ ﺑﻌﻴﻮﻧﻬﺎ ﻟﻴﻦ ﺍﺧﺘﻔﻲ : ﻣﻄﻴﺤﻨﻲ .... ﻛﻤﻠﺖ ﻣﺸﻲ ﻭﺍﺫﻛﺮﺕ ﻳﻮﻡ ﺍﺻﺎﺑﺘﻬﺎ ...
ﻓﻼﺵ ﺑﺎﻙ ..
ﺳﻬﻴﻞ ﻗﺎﻳﻢ ﺭﻳﺤﺎﻧﻪ ﻓﻲ ﺣﻀﻨﻪ ﻟﻤﺎ ﺍﻧﺼﺎﺑﺖ ﻛﺎﻧﺖ ﺗﺄﻥ ..
ﺳﻬﻴﻞ : ﺗﺤﻤﻠﻲ .. ﺗﺤﻤﻠﻲ .. ﺍﻫﻮ ﺑﻨﻮﺻﻠﻮﺍ ﻓﻲ ﺍﻟﺴﻴﺎﺭﺓ ..
ﺭﻳﺤﺎﻧﻪ ﺗﺘﻮﺟﻊ : ﺍﺍﺍﺍﻩ ﺭﺟﻠﻲ ﺑﻨﻤﻮﺕ ..
ﺳﻬﻴﻞ : ﺟﺎﻳﻪ ﻓﻲ ﺭﺟﻠﻚ ﻣﺎﺗﻤﻮﺗﻴﺶ ..
ﺭﻳﺤﺎﻧﻪ : ﻣﻦ ﻗﺎﻟﻚ .. ﺩﻛﺘﻮﺭ ... ﺍﻧﺖ ..
ﺳﻬﻴﻞ : ﻳﺎﻋﻦ ﺟﺪ ﻟﺴﺎﻧﻚ .... ﺣﺘﻰ ﻭﺍﻧﺘﻲ ﻓﻬﺎﻟﺤﺎﻟﻪ ﻣﺶ ﻣﻬﻨﻴﻚ ..
ﺭﻳﺤﺎﻧﻪ : ﺍﺳﻤﻊ ﺍﻧﻲ ... ﻧﺘﺄﻟﻢ .... ﻣﺶ ﻧﺎﻗﺼﻪ .. ﺩﻳﺮ ﺷﻐﻠﻚ
... ﻭﺍﻧﺖ ﺳﺎﻛﺖ ...
ﺳﻬﻴﻞ ﻋﺼﺐ : ﺍﺳﺘﻐﻔﻔﻔﺮ ﺍﻟﻠﻪ ..
ﺭﻳﺤﺎﻧﻪ : ﻫﻴﻴﻲ ... ﻏﺴﻠﺘﻨﻲ ... ﺑﺮﻭﺍﻳﻘﻚ ...
ﺳﻬﻴﻞ : ﻣﻔﺮﻭﺽ ﻧﺪﻓﻨﻚ ﻫﻨﻲ ...
ﺍﺳﺘﻐﺮﺏ ﻛﻴﻒ ﻣﺎﺭﺩﺗﺶ ﺷﺒﺤﻬﺎ ﻻﻗﺎﻫﺎ ﻓﺎﻗﺪﻩ ﺍﻟﻮﻋﻲ ..
ﺳﻬﻴﻞ ﺑﺨﻮﻑ : ﺍﻏﻤﻲ ﻋﻠﻴﻬﺎ .... ﺗﺤﻤﻠﻲ ... ﺭﻳﺤﺎﻧﻪ ﺑﺎﻟﻠﻪ ﻋﻠﻴﻚ .. ﻓﺮﺣﺖ ﺍﻟﻠﻲ ﺑﺪﻳﺖ ﻧﻔﻜﺮ ﻓﻲ ﺍﻟﺰﻭﺍﺝ
ﺭﻳﺤﺎﻧﻪ ﺍﻟﻠﻲ ﻛﺎﻧﺖ ﺷﺒﻪ ﻭﺍﻋﻴﻪ ﺳﻤﻌﺎﺗﻪ ﺑﻌﺪﻳﻦ ﻓﻘﺪﺕ ﺍﻟﻮﻋﻲ ﺗﻤﺎﻣﺎ ..
ﺍﻟﻮﻗﺖ ﺍﻟﺤﺎﺿﺮ ...
ﺭﻳﺤﺎﻧﻪ ﺍﺑﺘﺴﻤﺖ : ﻟﻜﻦ ﻳﻬﺒﻞ ﺍﻟﻜﻠﺐ .... ﺿﺤﻜﺖ .. ﺑﻌﺪﻳﻦ ﺍﺳﺘﻘﺎﺿﺖ ﻟﺮﻭﺣﻬﺎ ﻓﻲ ﺍﻟﺸﺎﺭﻉ ﺣﻄﺖ ﺍﻟﻌﻘﺪﻩ ﻉ ﺟﺒﻴﻨﻬﺎ ﻭﻛﻤﻠﺖ ﻃﺮﻳﻘﻬﺎ ...
***
ﻃﺎﻟﻌﻪ ﻣﻦ ﺍﻟﺠﺎﻣﻌﻪ ﺑﺘﺮﻭﺡ ... ﻭﻗﻔﺖ ﻟﻤﺎ ﺷﺎﻓﺘﻪ ﻗﺪﺍﻣﻬﺎ .. ﺑﻌﺪﻳﻦ ﺟﺖ ﺑﺘﻤﺸﻲ ...
" ﺳﻴﺒﻚ ﺳﻴﺒﻚ "
ﻋﻠﻴﺎ ﻭﻗﻔﺖ ..
ﻣﻨﺼﻒ ﻗﺮﺑﻠﻬﺎ : ﻣﺶ ﻗﺘﻠﻚ ﻣﺎﻳﻨﺎﺳﺒﻜﺶ .. ﻭﻓﻮﻗﻬﺎ ﺍﻟﻔﻀﺎﻳﺢ ﺍﻟﻠﻲ ﻻﺣﻘﺖ ﻋﻴﻠﺘﻪ .. ﺧﻠﺼﺘﻲ ﻣﻨﻪ ..
ﻋﻠﻴﺎ ﺷﺒﺤﺘﻠﻪ ﻣﻦ ﻓﻮﻕ ﻟﻠﻮﻃﺎ ﻭﺍﺑﺘﺴﻤﺖ ﺑﺴﺨﺮﻳﻪ ﻭﻣﺸﺖ ...
ﻫﻮ ﻗﻌﺪ ﻳﻐﻠﻲ : ﺗﻤﺎﻡ ﻳﺎﻋﻠﻴﺎ .. ﻟﻜﻦ ﻣﺮﺟﻮﻋﻚ ﻟﻴﺎ ...
ﺑﺘﺘﺴﺄﻟﻮﺍ ﻛﻴﻒ ﻣﻨﺼﻒ ﻣﺎﻟﺤﻘﻪ ﺷﻲ ﻭﻻﺍﻧﺤﺒﺲ .. ﻛﺎﻥ ﻻﻋﺒﻬﺎ ﺻﺢ ﻭﺷﻴﻄﺎﻥ ﻛﺒﻴﺮ .. ﻭﻫﻜﻲ ﺃﻏﻠﺐ ﺍﻟﻤﺤﺎﻣﻴﻴﻦ ﺇﻻ ﻣﻦ ﺭﺣﻢ ﺭﺑﻲ ﺍﺳﺎﺗﺬﺓ ﻓﻲ ﺍﻟﻤﻜﺮ ﻭﺍﻟﺪﻫﺎﺀ .. ﻣﺎﺧﻼﺵ ﻋﻠﻴﻪ ﺷﻲ ﻳﺜﺒﺖ ﺗﻮﺭﻃﻪ ﻣﻌﺎﻫﻢ ... ﻭﻛﺎﻥ ﻳﺤﻔﺮ ﻟﻠﺒﻲ ﺑﺮﻏﻢ ﺍﻧﻪ ﻣﺤﺎﻣﻴﻪ ... ﻭﺧﻼ ﻛﻞ ﺷﻲ ﺻﺎﻳﺮ ﻳﺘﺤﻤﻠﻪ ﺑﺮﻭﺣﻪ ﺍﻧﺬﻛﺮ ﺍﺳﻤﻪ ﺻﺢ ﺑﺲ ﻣﺎﻟﻘﻮﺵ ﻋﻠﻴﻪ ﺃﻱ ﺩﻟﻴﻞ ..... ﻭﻫﻮ ﻃﻠﻊ ﻣﻨﻬﺎ ﺯﻱ ﺍﻟﺸﻌﺮﻩ ﻣﻦ ﺍﻟﻌﺠﻴﻦ ...
***
ﻣﻘﻌﻤﺰﻩ ﻓﻲ ﺍﺣﺪ ﺍﻟﻤﻘﺎﻫﻲ ﺗﺘﻔﺮﺝ ﻉ ﺣﺴﺎﺏ ﻏﺮﻳﻤﺘﻬﺎ ﻓﻲ ﺍﻹﻧﺴﺘﻘﺮﺍﻡ ﻭﺍﻟﺼﻮﺭ ﺍﻟﻠﻲ ﺗﻨﺰﻝ ﻓﻴﻬﻢ ﻣﻊ ﺑﻨﺘﻬﺎ ... ﻭﻟﻠﺴﺘﻮﺭﻱ .. ﺍﻟﻠﻲ ﻳﺒﻴﻦ ﺍﻧﻬﺎ ﻋﺎﻳﺸﻪ ﺍﺣﻠﻰ ﺣﻴﺎﻩ .. ﺑﺎﻟﺬﺍﺕ ﺑﻌﺪ ﻋﺮﻓﺖ ﻣﻦ ﻣﺼﺎﺩﺭﻫﺎ ﺍﻧﻬﺎ ﺣﺎﻣﻞ .. ﺯﺍﺩ ﻏﻠﻬﺎ ﻭﺣﻘﺪﻫﺎ ... ﻭﺗﺒﻲ ﺍﺩﻳﺮﻟﻬﺎ ﺷﻲ ﺑﺄﻱ ﻃﺮﻳﻘﻪ ...
ﻟﻴﻦ ﺟﻲ ﻳﻮﻡ ...
ﺧﺸﺖ ﻟﻠﺸﺮﻛﻪ ﻭﺭﻛﺒﺖ ﻓﻲ ﺍﻟﺪﺭﻭﺝ ﺑﺪﻝ ﺍﻻﺻﻨﺼﻴﺮ ﻵﻧﻬﺎ ﺗﺒﻲ ﺗﺤﺎﻓﻆ ﻉ ﺭﺷﺎﻗﺔ ﺟﺴﻤﻬﺎ ﻓﺄﻱ ﻛﻴﻠﻮ ﻳﺰﻳﺪ ﻻﺯﻡ ﺗﺤﺮﻗﻪ ...
ﻭﻛﻴﻒ ﻭﺻﻠﺖ ﻷﺧﺮ ﺩﺭﺟﻪ ﻟﻘﺘﻬﺎ ﻗﺪﺍﻣﻬﺎ ..
ﺧﻮﻟﻪ ﺗﺒﻲ ﺗﺘﻔﺎﺩﺍﻫﺎ ﻭﺗﻨﺰﻝ ﺑﺲ ﻫﻲ ﻭﻗﻔﺖ ﻗﺪﺍﻣﻬﺎ ..
ﻟﻴﻠﻰ ﺑﺮﻓﻌﻪ ﺣﺎﺟﺐ : ﺷﻦ ﺟﻮ ﻳﺎﻋﺮﻭﻭﻭﺳﻪ ..
ﺧﻮﻟﻪ : ﻟﻮ ﺳﻤﺤﺘﻲ ﺣﻮﻟﻲ ..
ﻟﻴﻠﻰ : ﻭﻟﻮﻭﻭﻭ ﻣﺎﺳﻤﺤﺘﺶ ..
ﺧﻮﻟﻪ ﺷﺒﺤﺘﻠﻬﺎ : ﻣﺎﻋﻨﺪﻳﺶ ﺭﻏﺒﻪ ﻧﻌﺼﺐ ﺍﻟﻴﻮﻡ ﻓﺤﻮﻟﻲ ﺍﻓﻀﻞ ..
ﻟﻴﻠﻰ ﻗﺮﺑﺖ ﻣﻨﻬﺎ : ﻣﺶ ﺣﻨﺤﻮﻝ ﻣﻦ ﺣﻴﺎﺗﻚ ﺍﻟﻠﻲ ﻫﻲ ﺍﺻﻼ ﺣﻴﺎﺗﻲ ﻭﺍﻧﺘﻲ ﺳﺮﻗﺘﻴﻬﺎ ﻣﻨﻲ ..
ﺍﺑﺘﺴﻤﺖ ﺧﻮﻟﻪ ﺑﺘﻬﻜﻢ : ﺳﺮﻗﺘﻬﺎ !! ﻭﻻ ﺍﻧﺘﻲ ﺍﻟﻠﻲ ﺿﻴﻌﺘﻴﻬﺎ ﺑﺮﻭﺣﻚ ﺑﺄﺳﺘﻬﺘﺎﺭﻙ ﻭﻏﺮﻭﺭﻙ .. ﺭﻳﺎﺽ ﺣﻜﺎﻟﻲ ﻉ ﻛﻞ ﺷﻲ ﻛﺎﻥ ﺑﻴﻨﺎﺗﻜﻢ ..
ﻟﻴﻠﻰ ﺑﺮﻓﻌﺔ ﺣﺎﺟﺐ : ﺣﻜﺎﻟﻚ .. ﺑﺎﻫﻲ ﺣﻜﺎﻟﻚ ﻳﺎﺣﻠﻮﺓ ﺍﻧﻪ ﻛﺎﻥ ﻳﻤﻮﺕ ﻋﻠﻴﺎ ﻣﻮﺕ ﻭﺍﻧﻲ ﺍﻟﻠﻲ ﺳﻴﺒﺘﻪ ..
ﺧﻮﻟﻪ : ﻫﻬﻬﻬﻬﻬﻬﻬﻪ ... ﻛﺎﺍﺍﻥ ﺍﻧﺘﻲ ﺑﺮﻭﺣﻚ ﻗﻠﺘﻴﻬﺎ ﻛﺎﺍﺍﻥ .. ﻭﺧﻠﻴﻚ ﻣﺬﻛﺮﺓ ﺗﻮﺍ ﺑﺲ ﻛﻴﻒ ﻗﻠﺘﻲ ﺍﻧﻚ ﺍﻧﺘﻲ ﺍﻟﻠﻲ ﺳﻴﺒﺘﻴﻪ .. ﻳﻌﻨﻲ ﻣﺎﺣﺪ ﺧﺪﻱ ﻣﻨﻚ ﺷﻲ .. ﻭﺗﻮﺍ ﺯﻳﺤﻲ .. ﺩﻓﺘﻬﺎ ﻭﺟﺖ ﺑﺘﻨﺰﻝ .. ﻭﻟﻴﻠﻲ ﻣﻦ ﻛﺜﺮ ﻣﺎﺍﺳﺘﻔﺰﻫﺎ ﻛﻼﻡ ﺧﻮﻟﻪ ﻭﻭﻟﻊ ﻧﺎﺭ ﺣﻘﺪﻫﺎ .. ﻓﻜﺮﺕ ﻓﻲ ﺍﺭﺗﻜﺎﺏ ﺣﻤﺎﻗﻪ ﻛﺒﻴﺮﻩ ... ﺩﻓﺖ ﺧﻮﻟﻪ ... ﺧﻮﻟﻪ ﻋﻴﻄﺖ ﻭﻃﺎﺣﺖ ﻭﺗﻜﺮﻛﺒﺖ ﻓﻲ ﺍﻟﺪﺭﻭﺝ ﻟﻴﻦ ﻭﺻﻠﺖ ﻟﻮﻃﺎ ﻭﻓﻘﺪﺕ ﺍﻟﻮﻋﻲ ﻭﻧﺰﻓﺖ .
ﻟﻴﻠﻰ ﺷﺎﻓﺘﻬﺎ ﻣﻦ ﻓﻮﻕ ﻫﺮﺑﺖ ... ﻭﺍﻟﻤﻮﻇﻔﻴﻦ ﻛﻠﻬﻢ ﺍﻟﺘﻤﻮﺍ ﻉ ﺧﻮﻟﻪ ...
...
ﻓﻲ ﺍﻟﻤﺼﺤﻪ ..
ﺭﻳﺎﺽ ﻳﻤﺸﻲ ﻭﻳﺠﻲ ﻓﻲ ﺍﻟﻤﻤﺮ ﻭﻗﺮﻳﺐ ﻳﻤﻮﺕ ﻣﻦ ﺧﻮﻓﻪ ﻋﻠﻴﻬﺎ .. ﻃﻠﻌﺖ ﺍﻟﺪﻛﺘﻮﺭﻩ .. ﻭﺑﻠﻐﺎﺗﻪ ﺍﻧﻬﻢ ﻭﻗﻔﻮﺍ ﺍﻟﻨﺰﻳﻒ ﺑﺲ ﻓﻘﺪﻭﺍ ﺍﻟﺠﻨﻴﻦ .. ﺭﻳﺎﺽ ﻗﻠﺒﻪ ﺍﻧﻮﺟﻊ ﻋﻠﻴﻬﺎ ﻫﻠﺒﻪ .. ﻋﺎﺭﻑ ﻗﺼﺘﻬﺎ ﻭﻋﺎﺭﻑ ﻗﺪﺍﺵ ﺗﺤﺐ ﺍﻟﺼﻐﺎﺭ ﻭﻗﺪﺍﺵ ﻓﺮﺣﺖ ﻟﻤﺎ ﻋﺮﻓﺖ ﺭﻭﺣﻬﺎ ﺣﺎﻣﻞ ...
ﻭﻟﻴﺪ ﻭﺍﻡ ﺭﻳﺎﺽ ﺟﻮﻩ ..
ﺍﻣﻪ : ﺷﻦ ﺻﺎﺭﻟﻬﺎ ..
ﺭﻳﺎﺽ ﺑﻐﻀﺐ : ﻭﻟﻴﺪ ... ﺗﻮﺍ ﻧﺒﻴﻚ ﺗﻌﺮﻓﻠﻲ ﺷﻦ ﺻﺎﺭ ﻣﻌﺎﻫﺎ ﺑﺎﻟﺰﺑﻂ ..
ﻭﻟﻴﺪ : ﺗﻤﺎﻡ .. ﻭﻣﺸﻲ ﺑﺴﺮﻋﻪ ..
ﺍﻣﻪ : ﻃﻤﻨﻲ .. ﻳﺎﻭﻟﺪﻱ ..
ﺭﻳﺎﺽ ﻭﻫﻮ ﻳﺸﺒﺢ ﻟﻠﺠﻬﺔ ﺍﻟﺘﺎﻧﻴﻪ ﺧﺠﻼ : ﺍﺟﻬﻀﺖ ..
ﺍﻣﻪ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﻣﺴﻜﻴﻨﻪ ﻳﺎﻧﺎﺭﻱ ﻓﺮﺣﺖ ﻗﺮﻳﺐ ﻃﺎﺭﺕ ﻣﻨﻴﻦ ﻋﺮﻓﺖ ﺭﻭﺣﻬﺎ ﺣﺎﻣﻞ ..
ﺭﻳﺎﺽ ﻗﻠﺒﻪ ﺑﻴﺘﻘﻄﻊ ..
ﺑﻌﺪ ﻓﺘﺮﻩ ..
ﺧﺶ ﻋﻠﻴﻬﺎ ﻟﻘﺎﻫﺎ ﻓﺎﻳﻘﻪ ﻭﺗﺒﻜﻲ .. ﻗﺮﺏ ﻭﻗﻌﻤﺰ ﺣﺪﺍﻫﺎ ...
ﺭﻳﺎﺽ ﺑﺄﻟﻢ : ﺣﺒﻴﺒﺘﻲ ..
ﺧﻮﻟﻪ ﺑﺒﻜﻲ : ﻋﻼﺵ ﻫﻜﻲ ﻣﺎﻋﻨﺪﻳﺶ ﺣﻆ ﻣﺎﺗﻜﻤﻠﺶ ﻣﻌﺎﻱ .. ﺭﺑﻲ ﻣﺶ ﻛﺎﺗﺒﻠﻲ ﻧﻜﻮﻥ ﺃﻡ .. ﻭﺍﻟﻠﻪ ﻧﺒﻲ ﻧﻜﻮﻥ ﺍﻡ .. ﻧﺒﻲ ﻧﺤﻤﻞ ﻭﻋﻴﻠﻲ ﻳﻜﺒﺮ ﻓﺒﻄﻨﻲ ... ﻭﻧﺤﺲ ﺑﻴﻪ .. ﻋﻼﺵ ﻫﻜﻲ ﻗﻮﻟﻲ ﺭﻳﺎﺽ ... ﻋﻼﺵ .. ﻭﺍﻟﻠﻪ ﺍﻧﻲ ﻧﺤﺐ ﺍﻟﺼﻐﺎﺭ .. ﺣﺒﻴﺖ ﻳﻘﻴﻦ ﻫﻠﺒﻪ ... ﻣﻌﺎﺵ ﻗﺪﺭﺕ ﺗﺘﻜﻠﻢ ﻭﻗﻌﺪﺕ ﺗﺒﻜﻲ .. ﻫﻮ ﺣﻀﻨﻬﺎ ..
ﺭﻳﺎﺽ : ﺍﻧﺘﻲ ﺍﻟﻠﻲ ﺗﺴﺘﺎﻫﻠﻲ ﺗﻜﻮﻧﻲ ﺃﻡ .. ﻭﺣﺘﻜﻮﻧﻲ ﺍﺣﻠﻰ ﻭﺍﺣﻦ ﺍﻡ .. ﻭﺭﺑﻚ ﺣﻴﻌﻮﺿﻨﺎ .. ﺍﻧﺘﻲ ﺑﺲ ﺧﻠﻴﻚ
ﻭﺍﺛﻘﻪ ﻑ ﺭﺑﻲ .. ﻭﺧﻠﻴﻚ ﻗﻮﻳﻪ ..
ﺧﻮﻟﻪ ﺑﻨﺒﺮﺓ ﺑﺎﻛﻴﻪ : ﻳﺎﺍﺍﺭﺏ ..
ﺑﻌﺪﻫﺎ ﺭﻳﺎﺽ ﻭﻫﻮ ﺷﺎﺩﻫﺎ : ﺧﻮﻟﻪ ﻛﻴﻒ ﻃﺤﺘﻲ ..
ﺧﻮﻟﻪ ﻗﻌﺪﺕ ﺗﺸﺒﺤﻠﻪ ﺧﺎﻓﺖ ﻟﻮ ﻗﺎﻟﺖ ﺍﻟﻠﻲ ﺻﺎﺭ ﻳﺪﻳﺮ ﺣﺎﺟﻪ ﻏﻠﻂ ﺍﺿﺮﻩ : ﻣﺎﺭﻛﺰﺗﺶ ﻓﻲ ﺍﻟﺪﺭﺟﺎﺕ ﻭﺍﻧﻲ ﻧﺎﺯﻟﻪ .. ﻭﻃﺤﺖ ..
ﺭﻳﺎﺽ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﺷﺎﻙ ﻓﻲ ﻛﻼﻣﻬﺎ ..
***
ﺑﻌﺪ ﺍﻟﻤﻐﺮﺏ ..
ﻭﺳﻴﻠﻪ ﺑﺒﻜﻲ : ﻳﺎﻧﺎﺭﻱ ﻋﻠﻴﻬﺎ ﻭﻉ ﺑﺨﺘﻬﺎ ﺑﻨﻴﺘﻲ .. ﻭﺟﻬﻬﺎ ﺯﻱ ﺍﻟﻠﻴﻤﻪ ... ﻭﻋﻴﻮﻧﻬﺎ ﻣﻨﻔﺨﺎﺕ ﻣﻦ ﺍﻟﺒﻜﻲ ..
ﺟﻨﺎﻥ ﺑﺪﻣﻮﻉ : ﻛﺎﻧﺖ ﻓﺮﺣﺎﻧﻪ ﺑﺤﻤﻠﻬﺎ ﻫﻠﺒﻪ ..
ﻭﺳﻴﻠﻪ : ﻛﺎﻧﺖ ﺗﻘﻮﻟﻲ ﻣﺶ ﻣﺼﺪﻗﻪ ﻳﺎﻣﺎﻣﺎ ﺍﻣﺘﻰ ﻳﻜﺒﺮ ﻓﻲ ﺑﻄﻨﻲ .. ﻭﺍﻣﺘﻲ ﻳﻄﻠﻊ ﻟﻠﺪﻧﻴﺎ ..
ﺑﺮﻧﻴﻪ : ﻣﺎﻳﻨﻔﻊ ﻓﺸﻲ ﻛﻼﻣﻜﻢ ﻫﺬﺍ ﺍﺩﻋﻮﻟﻬﺎ ﺭﺑﻲ ﻳﻌﻮﺿﻬﺎ ﺧﻴﺮ ..
ﻭﺳﻴﻠﻪ ﻭﺟﻨﺎﻥ : ﻳﺎﺍﺍﺍﺍﺍﺍﺍﺭﺏ ..
***
ﻭﻟﻴﺪ : ﺷﺎﻓﻮﻫﺎ ﺍﻟﻤﻮﻇﻔﻴﻦ ..
ﺭﻳﺎﺽ ﻓﻘﻤﺔ ﺍﻟﻐﻀﺐ : ﻭﻗﺖ ﺍﻟﻜﻼﻡ ﺗﻢ ﺧﻼﺹ .. ﻭﻟﻴﺪ ﺩﻳﺮ ﺍﻟﻠﻲ ﺑﻨﻘﻮﻟﻚ ﻋﻠﻴﻪ ﺑﺎﻟﺤﺮﻑ ...
***
ﻋﻠﻴﺎ ﻛﺎﻧﺖ ﺗﺘﻜﻠﻢ ﺑﺎﻟﺘﻠﻴﻔﻮﻥ ﻭﺻﻜﺮﺕ ﺟﺖ ﻟﺒﻮﻫﺎ ﺍﻟﻠﻲ ﻣﻘﻌﻤﺰ ﻳﺘﻔﺮﺝ ﻉ ﺍﻟﺘﻠﻔﺰﻳﻮﻥ ..
ﻋﻠﻴﺎ : ﻣﻌﻠﻴﺸﻲ ﺑﺎﺑﺎ .. ﻏﺪﻭﺓ ﻟﻮ ﻛﻨﺖ ﻓﺎﺿﻲ ﺗﺮﻓﻌﻨﻲ ﻟﻌﻴﺎﺩﺓ **** ﺑﻨﺰﻭﺭ ﺣﻤﺎﺗﻲ ﻣﺮﻳﻀﻪ ..
ﺯﻳﻨﺐ ﻃﺎﺭﺗﻠﻬﺎ : ﻣﻨﻮ ﺣﻤﺎﺗﻚ ﻫﺎﺩﻱ !.. ﻣﺎﻋﻨﺪﻙ ﻋﻼﺵ ﻣﺎﺷﻴﻪ ﻗﻌﻤﺰﻱ ..
ﺟﻌﻔﺮ : ﺯﻳﻨﺐ !! ..
ﺯﻳﻨﺐ : ﻫﺬﺍ ﺍﻟﺤﻖ .. ﺑﻌﺪ ﺍﻟﻠﻲ ﺩﺍﺭﻩ ﻓﻴﻬﺎ ﻣﺎﺯﺍﻝ ﺍﺩﻭﺭ ﻓﻲ ﺣﺪ ﻣﻨﻪ ﻫﻲ ... ﻻﻭﻗﺎﻋﺪﻩ ﺗﻘﻮﻝ ﺣﻤﺎﺗﻲ ..
ﻋﻠﻴﺎ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺧﻼﺹ ﺑﺎﺑﺎ ﻣﻌﺎﺵ ﻧﺒﻲ ﻧﻤﺸﻲ .. ﻭﻃﻠﻌﺖ ﻣﻦ ﺣﺪﺍﻫﻢ ﻭﺩﻣﻮﻋﻬﺎ ﺗﻨﺰﻝ ..
ﺟﻌﻔﺮ ﺑﻐﻀﺐ : ﺧﻴﺮﻙ ﻳﺎﻣﺮﺍﺓ ﺍﻧﺘﻲ ...
ﺯﻳﻨﺐ : ﻭﺍﺟﻌﺘﻨﻲ ﺑﻨﺘﻲ ﺭﻩ ﺍﻟﻠﻲ ﺩﺍﺭﻩ ﻓﻴﻬﺎ ﻣﺶ ﺳﺎﻫﻞ ﻳﺎﺟﻌﻔﺮ .. ﻗﺪﺍﻡ ﺍﻟﻨﺎﺱ ﻣﻌﺮﻓﻨﺎﺵ ﺷﻦ ﻧﻘﻮﻟﻮﺍ ﻣﻨﻴﻦ ﻳﺴﺄﻟﻮﺍ ﻋﻼﺵ ﺍﻃﻠﻘﺖ ..
ﺟﻌﻔﺮ : ﺍﺳﻤﻌﻲ ﻣﺎﺻﺪﻗﺖ ﻃﻠﻌﺖ ﻣﻦ ﻋﺰﻟﺘﻬﺎ ﺭﺩﻱ ﺑﺎﻟﻚ ﺗﻌﺎﻭﺩﻱ ﺩﻭﺗﻚ ﻫﺎﺩﻱ ﻣﺮﺓ ﺗﺎﻧﻴﻪ ﻗﺪﺍﻣﻬﺎ ﺭﺩﻱ ﺑﺎﻟﻚ ..
ﺯﻳﻨﺐ ﺳﻜﺘﺖ ﻭ ﻣﺶ ﺭﺍﺿﻴﻬﺎ .. ﺍﻣﺎ ﺟﻌﻔﺮ ﻓﺮﺟﻊ ﺷﺎﻑ ﻟﻠﺘﻠﻔﺰﻳﻮﻥ ﻭﻋﻘﻠﻪ ﻣﻊ ﺑﻨﺘﻪ ﺣﺘﻰ ﻫﻮ ﻭﺟﻌﻪ ﻣﻦ ﺍﻟﺤﺴﻦ ﺍﻟﻠﻲ ﺩﺍﺭﻩ
ﻭﻗﻠﺒﻪ ﻣﻠﻴﺎﻥ ﻋﻠﻴﻪ ... ﺑﺲ ﻫﻤﻪ ﺗﻮﺍ ﺑﻨﺘﻪ ﻣﺎﻳﺒﻴﻬﺎﺵ ﺗﺨﺶ ﻓﻲ ﺣﺎﻟﻪ ﻧﻔﺴﻴﻪ ﻣﻦ ﺍﻟﻠﻲ ﺻﺎﺭﻟﻬﺎ ...
***
ﺗﺎﻧﻲ ﻳﻮﻡ ...
ﻭﺻﻠﺖ ﺳﻴﺎﺭﺍﺕ ﺷﺮﻃﻪ ﻗﺪﺍﻡ ﺣﻮﺵ ﺍﺣﺪ ﻧﻮﺍﺏ ﻟﻠﺒﺮﻟﻤﺎﻥ ...
ﻧﺰﻟﻮﺍ ﻣﻨﻬﺎ ﻋﻨﺎﺻﺮ ﺍﻟﺸﺮﻃﻪ ... ﻭﺧﺸﻮﺍ ﻟﻠﺤﻮﺵ .. ﺑﻌﺪ ﺷﻮﻱ ﻃﻠﻌﻮﺍ ﻭﻫﻤﺎ ﻣﻜﻠﺒﺸﻴﻨﻪ ...
ﻟﻴﻠﻰ ﺑﺒﻜﻲ : ﺑﺎﺑﺎ ..
ﺍﻣﻬﺎ ﺑﻐﻞ : ﺍﻧﺘﻲ ﺍﻟﻠﻲ ﺿﻴﻌﺘﻲ ﺑﻮﻙ ...
ﻟﻴﻠﻰ ﺗﺒﻜﻲ ﺑﺎﻟﻌﺒﺮﻩ ..
ﻫﺬﺍ ﻛﺎﻥ ﺍﺣﺪ ﺍﻟﻨﻮﺍﺏ ﺍﻟﻠﻲ ﻛﺎﻧﺖ ﺍﺩﻭﺭ ﻭﺭﺍﻫﻢ ﻧﻬﻠﻪ .. ﺭﻳﺎﺽ ﻛﺎﻥ ﻳﻌﺮﻑ ﺑﺒﻼﻭﻳﻪ ﻣﻦ ﻟﻤﺎ ﻛﺎﻥ ﻣﺘﺰﻭﺝ ﺑﻨﺘﻪ .. ﻟﻜﻨﻪ ﺍﺗﻐﺎﺿﻰ ﻷﻧﻪ ﻛﺎﻥ ﻳﺤﺐ ﻟﻴﻠﻰ ... ﻭﺑﻌﺪ ﺻﺎﺭ ﺍﻟﻠﻲ ﺻﺎﺭ ﺳﻠﻢ ﻛﻞ ﺍﻟﻤﻌﻠﻮﻣﺎﺕ ﺑﺎﻹﺛﺒﺎﺗﺎﺕ ﻋﻨﻪ ﻟﻤﻜﺘﺐ ﺍﻟﻨﺎﺋﺒﻪ ﺍﻟﻌﺎﻡ ..
ﺳﺎﻟﻤﻴﻦ : ﻓﺎﻋﻠﻴﻦ ﺍﻟﺨﻴﺮ ﻭﺻﻠﺖ ﻧﺸﺎﻃﺎﺗﻬﻢ ﺣﺘﻰ ﻫﻨﺎ ..
ﻣﻮﻇﻔﻪ ﻋﻨﺪﻫﺎ : ﻟﻜﻦ ﻧﻔﻌﻨﺎ ﻫﻠﺒﻪ .. ﺍﻋﺘﺮﺍﻓﺎﺕ ﺍﻟﻨﺎﺋﺐ ﺍﻟﻤﻌﺘﻘﻞ ﺣﻄﻴﺢ ﻫﻠﺒﻪ ﺭﻭﺱ ..
ﻭﻓﻌﻼ ﺍﻋﺘﻘﻠﻮﺍ ﻣﺠﻤﻮﻋﻪ ﻣﻦ ﺍﻟﻨﺎﺱ ﺍﻟﻤﺘﻮﻏﻠﻪ ﻓﻲ ﺍﻟﺪﻭﻟﻪ .. ﻭﻧﺎﺱ ﺗﺎﻧﻴﻪ ﺳﻤﺎﻫﻢ ﻣﺎﻗﺪﺭﻭﺵ ﻳﻌﺘﻘﻠﻮﻫﻢ ﺑﺴﺒﺐ ﻋﺪﻡ ﺛﺒﻮﺕ ﺍﻱ ﺷﻲ ﻋﻠﻴﻬﻢ ..
***
ﻓﻲ ﺍﻟﺠﺎﻣﻌﻪ ..
ﻧﺮﺟﺲ : ﻛﻮﻳﺲ ﺑﻜﻞ ﺣﺒﻲ ﻟﻠﻮﺷﻪ ﺍﻧﺘﻲ ..
ﻋﻠﻴﺎ ﺑﻀﺤﻜﻪ : ﻓﻬﻤﺘﻲ ﻣﻌﻨﺎﻫﺎ ..
ﻧﺮﺟﺲ ﺑﻀﺤﻜﻪ : ﺍﻛﻴﺪ ﻳﺎﻣﻌﻠﻤﺘﻲ ... ﺷﻦ ﺭﺍﻳﻚ ﻧﻤﺸﻮﺍ ﻧﺎﻛﻠﻮﺍ ﺧﺎﻃﺮﻱ ﻓﻲ ﺷﺎﻭﺭﻣﺎ ...
ﻋﻠﻴﺎ : ﺗﻤﺎﻡ .. ﻫﻴﺎ ..
ﻭﻧﺎﺿﻮﺍ ﻣﺸﻮﺍ ﻣﻊ ﺑﻌﺾ .. ﺍﻭﻝ ﻣﺎﺧﺸﺖ ﻋﻠﻴﺎ ﻭﺷﻤﺖ ﺭﻳﺤﻪ ﺍﻟﻤﺎﻛﻠﻪ .. ﻛﺒﺪﻫﺎ ﺯﻫﻘﺖ .. ﺑﺲ ﺗﻐﺎﺿﺖ ﻛﻞ ﻣﺎﺗﻘﺮﺏ ﺟﻬﺔ ﺍﻟﻠﻲ ﻳﺪﻳﺮﻭﺍ ﻓﻲ ﺍﻟﻤﺎﻛﻠﻪ ﺗﺤﺲ ﻓﺮﻭﺣﻬﺎ ﺑﺘﺮﺟﻊ .. ﻟﻌﻨﺪ ﺣﺴﺖ ﺍﻧﻬﺎ ﺧﻼﺹ .. ﻃﻠﻌﺖ ﺗﺠﺮﻱ ﺑﺮﺍ ﻭﺭﺟﻌﺖ ﻓﻲ ﺟﺮﺩﻝ ﻛﻨﺎﺳﻪ ..
ﺍﻟﻤﻮﻗﻒ ﻛﺎﻥ ﺑﺎﻳﺦ ﻗﺎﻣﺖ ﺭﺍﺳﻬﺎ ﻟﻘﺘﻬﻢ ﻳﺸﺒﺤﻮﻟﻬﺎ ﺑﻘﺮﻑ ﻣﺎﻋﺪﺍ ﺷﺨﺺ ﻭﺍﺣﺪ ﻗﺮﺏ ﻣﻨﻬﺎ ﻭﻋﻄﺎﻫﺎ ﻣﻴﻪ ..
ﺷﺒﺤﺘﻠﻪ ﻋﻠﻴﺎ ﺑﺈﺣﺮﺍﺝ : ﺩﻛﺘﻮﺭ ﻋﺰﺍﻡ ..
ﻋﺰﺍﻡ ﺑﺂﺑﺘﺴﺎﻣﻪ : ﺗﻔﻀﻠﻲ ..
ﺧﺪﺗﻬﺎ ﻋﻠﻴﺎ ﻭﻫﻲ ﻣﺘﺤﺸﻤﻪ ﻭﺷﺮﺑﺖ ﻣﻨﻬﺎ ﺷﻮﻳﻪ ..
ﻋﺰﺍﻡ : ﻻﺑﺎﺱ ﻋﻠﻴﻚ ..
ﻋﻠﻴﺎ : ﻻﻳﻮﺭﺭﻳﻚ ﺑﺎﺱ .. ﻭﻣﺸﻲ ﻋﺰﺍﻡ ﻭﻫﻲ ﺧﺸﺖ ﻭﻭﺟﻬﻬﺎ ﻃﺎﻳﺢ ﻣﻦ ﺍﻟﻤﻮﻗﻒ ﺍﻟﺰﻓﺖ ..
ﻋﻠﻴﺎ ﺟﺖ ﻟﻨﺮﺟﺲ ﻭﺗﺤﺎﻭﻝ ﺗﻐﻠﻖ ﺧﺸﻤﻬﺎ ﻭﻣﺎﺗﺸﻤﺶ : ﻧﺮﺍﺟﻲ ﻓﻴﻚ ﺑﺮﺍ ... ﻭﺧﺪﺕ ﺣﺎﺟﺎﺗﻬﺎ ﻭﻃﻠﻌﺖ ...
ﻗﻌﻤﺰﺕ ﻓﺘﺮﻛﻴﻨﻪ ﻣﺴﺘﺨﻄﻴﻪ .. ﺷﻮﻳﺔ ﻭﺭﻥ ﺗﻠﻴﻔﻮﻧﻬﺎ ﻛﺎﻧﺖ ﻧﺮﺟﺲ ﺭﺩﺕ ﻗﺎﻟﺘﻬﺎ ﻭﻳﻦ .. ﻭﺟﺘﻬﺎ ﻧﺮﺟﺲ ﻭﻗﻌﻤﺰﻭﺍ ﻣﺪﺗﻠﻬﺎ ﺷﺎﻭﺭﻣﺎ .. ﻫﻲ ﻛﺒﺪﻫﺎ ﺯﻫﻘﺖ ﻭﺩﻓﺘﻬﺎ ..
ﻧﺮﺟﺲ : ﺧﻴﺮﻙ ..
ﻋﻠﻴﺎ ﺟﺒﺪﺕ ﺍﻟﺸﻜﺎﺭﻩ ﺍﻟﻔﺎﺿﻴﻪ ﻭﻣﺸﺖ ﻉ ﺗﺮﻛﻴﻨﻪ ﻭﻗﻌﺪﺕ ﺗﺮﺟﻊ ﻓﻴﻬﺎ .. ﻣﺴﺤﺖ ﻓﻤﻬﺎ ﺑﻜﻠﻴﻨﻜﺲ ﻭﺟﺘﻬﺎ ..
ﻧﺮﺟﺲ : ﺧﻴﺮﻙ ﻟﻠﻮﺷﻪ ..
ﻋﻠﻴﺎ ﺑﺈﺑﺘﺴﺎﻣﻪ : ﺳﺎﻣﺤﻴﻨﻲ ﻧﺮﺟﻮﺳﻪ ﺑﻨﻤﺸﻲ ﻣﺸﻮﺍﺭ ﻭﻧﺠﻲ ..
ﻧﺮﺟﺲ : ﻭﻳﻦ ...
ﻋﻠﻴﺎ : ﻟﻤﺎ ﻧﺠﻲ ﺗﻮ ﻧﻘﻮﻟﻚ .. ﻭﻣﺸﺖ ..
...
ﺑﻌﺪ ﺣﻮﺍﻟﻲ ﻧﺺ ﺳﺎﻋﻪ ﻭﺍﻗﻔﺔ ﺗﺴﺘﻨﻰ ﻓﻲ ﻧﺘﻴﺠﺔ ﺗﺤﻠﻴﻞ ﺩﺍﺭﺗﻪ ..
ﻃﻠﻌﺖ ﺍﻟﺪﻛﺘﻮﺭﻩ ﻣﺪﺗﻠﻬﺎ ﻭﺭﻗﻪ : ﻣﺒﺮﻭﻙ .. ﺣﺎﻣﻞ ..
ﻋﻠﻴﺎ ﺍﻧﺼﺪﻣﺖ ﺑﻘﻮﺓ ﺩﻣﻌﺘﻬﺎ ﻧﺰﻟﺖ .. ﻃﻠﻌﺖ ﻣﻦ ﺍﻟﻤﺨﺘﺒﺮ ﻭﻫﻲ ﺗﻤﺸﻲ ﺑﻀﻴﺎﻉ .. ﻣﺶ ﻋﺎﺭﻓﻪ ﻛﻴﻒ ﺍﺩﻳﺮ ... ﻗﻌﻤﺰﺕ ﻓﻲ ﺣﺪﻳﻘﻪ ﻗﺎﺑﻠﺘﻬﺎ ﻭﻫﻲ ﺣﺎﺳﻪ ﺭﻭﺣﻬﺎ ﺗﻤﻮﺕ ﺑﺎﻟﻌﺮﻕ ..
" ﻭﻳﻨﻪ .."
ﻋﻠﻴﺎ ﺭﻓﻌﺖ ﺭﺍﺳﻬﺎ ﻟﻘﺎﺗﻪ ﺑﺎﻳﻊ ﺍﻟﻮﺭﺩ ﺩﻣﻮﻋﻬﺎ ﻧﺰﻟﻮﺍ ﻭﺭﺍ ﺑﻌﺾ ..
ﺍﻟﺒﺎﻳﻊ : ﻗﺎﻋﺪ ﻳﺤﺒﻚ ؟
ﻋﻠﻴﺎ ﺍﺑﺘﺴﻤﺖ ﺑﺘﻬﻜﻢ ﻭﺩﻣﻌﺘﻬﺎ ﻧﺰﻟﺖ : ﺃﻧﻲ ﺇﻳﻪ .. ﺑﺲ ﻫﻮ ﻣﺶ ﻋﺎﺭﻓﻪ ..
ﺍﻟﺒﺎﻳﻊ : ﻳﻌﻨﻲ ﻣﺶ ﺡ ﻧﺒﻴﻊ ﻭﺭﺩﻩ ﺗﻮﺍ ..
ﻋﻠﻴﺎ ﺑﺄﻟﻢ : ﻣﺎﻓﻴﺶ ﻣﻦ ﻳﺸﺮﻱ ...
ﺷﺒﺤﻠﻬﺎ ﻫﻠﺒﻪ ﺍﺑﺘﺴﻢ ﺑﺄﺳﻒ ﻭﻣﺸﻲ ..
ﻭﻫﻲ ﺣﻄﺖ ﺍﻳﺪﻫﺎ ﻉ ﺑﻄﻨﻬﺎ ﻭﺑﺪﺕ ﺗﺒﻜﻲ ﺑﺤﺮﻗﻪ .. ﻭﺳﺆﺍﻝ ﺍﻟﺒﺎﻳﻊ ﻳﺮﻥ ﻓﻲ ﻭﺫﻧﻬﺎ " ﻗﺎﻋﺪ ﻳﺤﺒﻚ 𵀽"
🎶 ﺳﺄﻟﻨﻲ ﺑﻴﺎﻉ ﺍﻟﻮﺭﺩ
ﺑﻌﺪﻭﺍ ﺑﻴﺤﺒﻚ ﺑﻌﺪ ..
ﺷﻮ ﺑﺪﻱ ﻗﻮﻝ ...
ﺟﺎﻭﺑﺘﻮﺍ ﻟﺒﻴﺎﻉ ﺍﻟﻮﺭﺩ
ﺑﻌﺪﻭﺍ ﻗﻠﺒﻲ ﻉ ﺍﻟﻮﻋﺪ ﻭﻫﻮ ﻣﺸﻐﻮﻝ ..
ﻭﺩﻋﻨﻲ ﻭﺭﺍﺡ ﺳﺎﻓﺮ ﻻﻻﻣﺎﺭﺍﺡ ﺳﺎﻓﺮ
ﻭﺑﻜﺮﺍ ﻳﺮﺟﻊ ﺍﻛﺜﺮ ﻳﻘﺪﻣﻠﻲ ﻭﺭﻭﺩ ﻉ ﻃﻮﻝ ....🥀
.... ﻳﺘﺒﻊ ...