#الحسن
#جمان_فريد
الجزء الخامس 💕
انفتح الباب وخش
العقيد جاد الله: ع أي اساس وبأي صفة تحبس العناصر
الحسن وهو يشوف في الأخبار في اللاب توب: العقيد المسعودي صفوه..
جاد الله غمض عيونه بشدة وفتحهم: ياحضرة الرائد لمايسألك رئيسك شنو المفروض ادير انت...
الحسن: نجاوب عليه
جاد الله: كويس.. ع اي اساس تحبس العناصر..
الحسن: شرودة...
جاد الله:😕
الحسن : شرودة وراها يبي ينتقم منه ع خسارته الكبيرة في اخر عمليه احبطها المسعودي..
جادالله:😡
الحسن: وفي نفس الوقت يبي غيره يتعظ..
جاد الله : حسسسسسسسن
الحسن شبحله: الحسن...مسبوقه ب"أل" التعريف..وناض من مكانه...بنمشي لوحدة مكافحة الإرهاب طلبوني غادي..وجاي بيمشي ولا...أني شددت الحراسه ع مجرم خطير زي فتحي واني وانت عارفين انهم حيصفوه..ووسط هالحراسه المشددة يخشوا ويقتلوه !!هادي حط تحتها 100خط...أدى التحيه للعقيد وطلع..
والعقيد قعد يفكر في كلامه...وبعدين توجه لمكتبه...
***
يافندي الرائد الحسن الصادق وصل ..
محمد: دخله..
طلع العنصر وشويه خش الحسن..ناض محمد من مكانه ومشاله سلم عليه...
محمد: الحسن الصادق صيتك سابقك..
الحسن: مانفرقش عنك يافندي محمد..
ابتسم محمد وقعمز الحسن وقعمز مقابله..
محمد: تعرف علاش طلبت حضورك..
الحسن: فاجعه فقد ضابط كبير زي المسعودي..نتفق معاك في شكك في المدعو"يوسف الشارد" الملقب بشرودة...
محمد : من هني حنبدوا..
الحسن هز راسه بالإيجاب...
محمد رزق الله ضابط من اصحاب البشرة السمراء طويل وعريض وشخصيته قويه اكثر شي مميز في شكله عيونه الخضر...يشبه الحسن في بعض الصفات الباطنيه ..غير أن الفهد الأسود عزوفه عن الزواج لسبب يفرق عن سبب الحسن حنعرفوه...
***
اليوم اللي بعده....
جنان: ماما اليوم بتمشوا لحوش جدي
وسيله: ايه روحي من الجامعه غادي طول..
هزت جنان راسها بإيجاب: يللا باي...وطلعت...
وسيله: سريوة ديرلنا كيكة الباونتي بش نرفعوها..
سارة: اوكي..
خوله تنقش تنقيش وعقلها مش معاهم...
سارة: خوخه تعاونيني في الكيكه..
خوله استاقضت: باهي...
وسيله عيونها ع بنتها ومتألمه ع خاطرها هلبه...
***
اليوم العشيه بنمشوا مع عمتك بش نشوفوا حوشك انتي ومنصف وين وصل...
عليا : اممم كويس
مديحه بضحكه: عندها علم ياماما ..
عليا فنصت فيها..
زينب بضحكه: ماتفنصيش في اختك عارفه ره...
عليا وجهها طماطم..
اميرة ناضت: اني مش ماشيه معاكم..ومشت طلعت للمدرسه..
عليا تنرفزت ع الآخر..
زينب : قولولي متعاركات..
مديحه بإستعباط : منو
زينب : فاهمتيني خواتك ..
عليا ناضت: هيا اني وقت ع محاضراتي ..السلام عليكم..وطلعت من حداهم..
زينب تنهدت: ربي يهديكم ...
***
واقف ع المرايه يساوي في شعره بعد ماحطله جل..
حسان: ايه يانصي..تمام امورهم تمام مافيهم شي.....كويس بكل....الليله ليلتنا....قداش ليا ع النوع هذا ...ههههههههههه..#%£¥$....ههههههههههههه..تمام نتلاقوا...
وطلع من داره...قابلاته امه..
وسيله : اليوم تعالى لحوش جدك
حسان بضحكه: غير قولي صباح الخير ياسمحه
وسيله: ماتستاهلش...المهم تعالى لحوش جدك
حسان: ههههههههه مقبوله منك..مانيش فاضي..
وسيله قربت منه: اللبز اللي دير فيه فوته خوك متحلف فيك..
حسان بربكه: لبز شنو ياحاجه وبعدين ولدك هذا ديما متحلف ..هيا وقت عليا ..باسها من خدها ومشي..
وسيله تنهدت : كان نعرف الزواج بيصلحك راني زوجتك لكن من هي اللي بترضى تاخد واحد عيونه في النساوين؟!!
***
نعم يابوي...
الحاج يونس: تعالي ساوي الإشارة متاع الراديو....خشت ع بوها وخدت الراديو وهي مبتسمه وساوتله الإشاره..
الحاج يونس: ربي يفتح عليك يابنيتي ياهاله
هاله بإبتسامه : ومايحرمني من دعواتك...ناضت ...خل نجيب الفطور ونفطروا قبل نمشي للكليه ..وطلعت من حداه
الحاج يونس"آاااه يابنتي لو نطمن عليك قبل لربي ياخد امانته ...خلاص المرض هدني ونحس في ساعتي قريبه ..من الراجل اللي يستاهل نأمنه عليك بس"
هالة عمرها 20سنه البنت الوحيده لبوها كانوا عندها زوز خوت ولاد ماتوا في الحرب..ولحقتهم امهم من حسرتها عليهم..قعدت هاله تعاني في بوها وشغلها الشاغل هو .. بنيه محترمه وملتزمه تقرا في الجامع....وكانت هامله روحها هلبه..جمالها مطفي تماما بسبب انشغالها ببوها المريض والحوش ...والخدمه اللي تخدم فيها وبوها مايندريش عليها
"تبيع في الفطيره...والطعميه النيه"...بش تلايم مصارفيها هيا لان معاش بوها كله يمشي ع دواه وحاجات الحوش الأساسيه...
***
هيييييييييي
عليا: لتوا كل مانذكر اللي صار نرعش..
نرجس: ووك عليك ربي نجاك..
ابتسام : عليك موقف...
عليا: بس الشرطه اسلوبهم زي الزفت...
نرجس: طبيعي اللي يخالط المجارم هكي بيكون..
ابتسام : بس في ناس في الشرطه محترمين
نرجس : قليل النادر..باه ماعرفتيش من كانوا يلاحقوا
عليا : ايه عطوني معلومات قبل لنروح بتفاصيل عمليتهم كلها...
ابتسام: ههههههههههههه...
نرجس بضحكه: ياباردة قصدي بالك سمعتي اسم هكي يعني..
عليا: كل اللي سمعته هزايب الشرطي المغرور اللي قلتلكم عليه..
ابتسام : نقص ايدي من منبتها كان سكتيله...
عليا:ماعندك علاش تقصيها عطيته ع راسه لين قال بس
ابتسام: ههههههههههههه....سكتت فجأة..
عليا: لكنه بارد ومغرور هلبه ينرفز...
نرجس: خيرك ابتسام؟...عليا شبحتلها لقت وجهها احمر ومتفركسه..
عليا : بسبس شن في ..
ابتسام ناضت وبربكه: هيا انوضوا من هني..
ناضوا الزوز...عليا: خيرك شن شفتي
ابتسام بربكه: شي..
عليا قعدت توزع في نظرها ع المكان ظنا منها ان ابتسام شافت منذر ..بس مالقتاش..
ابتسام تمشي: هيا هيا خل نخشوا داخل...
لحقوها البنات وع روسهم علامات استفهام...
بلال "هههههههههههه "....
***
تفضل عندي اليوم نكسبك في فنجان قهوة ونهدرزوا في القضيه بصفاء ذهن أكثر..
محمد ابتسم: قالولي عليك كل ماتمسك مهمه لازم تنعزل وتفكر فيها زين...
الحسن : لازم عقلك يكون صافي بش تعرف ترتب الأحداث وتربطها ببعض..حنبعتلك عنوان الحوش بمجرد مانطلع من هني...
محمد ابتسم وهز راسه بإيجاب...
طلع الحسن من المركز متوجه للمركز اللي هو يتبعله...
....
مروان عجيلي...هذا من حطه ضمن العناصر اللي يحرسوا في فتحي؟؟!!
آدم: قالوا الأمر جي منك..
الحسن مط شورابه بإستياء: يطلع من تحت الوطا...
آدم: اكيد يكون هرب..
الحسن: أكيد مابعدش..ديروا اللازم ياآدم مش حنرجع نعلمك من أول وجديد...
آدم هز راسه بإيجاب وأدى التحيه وطلع...
الحسن مركز ع الملف اللي قدامه ومعصب ع الأخر"في خونه في الجهاز لكن الخونه مش واقفه عندك يامروان الخونه من الأكبر منك ...سيوره يطيح "
***
الساعه واحدة ظهرا..
حي عليك جسمك بيخرب يادعوة وانتي ترصي في الكيكات والشيبسات..
اميرة: فكيني من جو اختي مديحه ترا ...اليوم بيجيبوا فيلم في mbc2 ..
سلوى: ايه عرفته نراجي في الخميس ع خاطره..
...
عبيلي من كل انواع الشكلاطه
البايع: احلى تشكيله لأحسن واحد يطلع في التلفزيون..
سرمد : هههههههههه..تسلم ياسيدي...
...
قدمت اميره وحطت شكارة المعبيه ع الكاصه...سرمد يشبحلها بصدمه وشاد ضحكته..
اميره: عبدو بالله سقدني...
البايع: خل نوتي للاستاذ قبل..
سرمد: مافيش مشكله سقد الآنسه..
اميره شبحتله: هييييييييييييييييي..سرمد سرمد سرمد ..سلوى هو ولا هو ...
سرمد 😂
سلوى بإحراج: ارزني
اميرة: نرزن عينك...انت هو سرمد هذاكا اللي يطلع في برنامج للحقيقه وجه أخر..
سرمد يضحك وهز راسه بإيجاب...
اميره شبحت للبايع: سقده هو ياعبدو..
سرمد بضحكه: لا والله يسقدك انتي الأولى...
اميرة وجهها احمر : شكرا..😳
سرمد سرح في خدودها الحمر وعيونها الخجلانه..وسلوى معاه ع الخط..
عبدو: اهو تفضلي ياأبله..
اميرة وهي خجلانه : صحيت..شبحت لسرمد..ممكن صورة
سرمد ابتسم : أكيد..
اميرة عطت الشكارة لسلوى وقامت تليفونها وصورتها بعد صورت شبحتله غمزلها..
اميرة"ياويلي"😳
فجأة الناس هجموا ع سرمد ويبوا يصوروه ويصوروا معاه..ويسلموا عليه..وأميرة طلعت من الزحمه وهي تشبحله وهو منشغل بالناس ومتفركس..ضحكت..وطلعت مع صاحبتها...
***
فات باقي اليوم عادي جدا بلا احداث تذكر...
الساعه 6:30مساءا
ماشاء الله ماشاء الله..قطع فيه شوط كبير...
بتينه بضحكه: من كثر مامستعجل ...
زينب: ههههههههههه يستعجل مايستعجل خاله مامتنازل عن يوم واحد من المده اللي حددها..
بتينه: هههههههه
...
هادي نبيها دار الصغار كبيره...
عليا: امم بس لو نديروها لمعيشه احسن..
منصف قدملها: نبي نجيب عرم صغار الدار هادي وان شاء الله تسدهم..
عليا تلخبطت وطلعت : تعالى وريني المطبخ
منصف ضحك ولحقها...
...
مديحه: تبارك الرحمن حوش سياح نياح..
نوال بضحكه: حتى هو للبرنسيسه..عليا ياحنه...
مديحه بضحكه: ربي يهنيهم يااارب..
نوال: ويهدي خالي ويقدم المده..قبل ليهبل منصف ويخطفها..
...
عليا: نبيه مطبخ دائري...
منصف: من عيوني اللي تبيه حاضر نديره..
عليا ابتسمت وشبحت من روشن المطبخ: ونبي الجنان في هلبه خضرا مزروعه..وعنبه كبيرة هلبه...
منصف قدملها: ياحبك للعنب..ياعنبتي...
عليا تلفتت : ونبي فيه ورد وشجرة ليمون كبيره...
منصف: حااااااضر...
عليا بضحكه: يحضرلك الخير حبيبي ...
منصف: روفي بحبيبك شويه..
عليا برفعة حاجب : كيف؟
منصف غمزلها وضحك..
عليا : سخيف😳 ..ومشت وخلاته
وهو قعد يضحك"غير امتى بس امتى"...
***
لاحول ولاقوة إلا بالله..
برنيه : خلاااص زودتها راك رحت شيباني
الحسن: مرتاح هكي عاجبني..
وسيله : وحني مش عاجبنا..
الحسن شبحلها برفعة حاجب: حياتي ولا حياتكم...
عفاف اخت الحاج علي: خلوه خلاص انتم اللي عليكم درتوه.
الحسن أشر عليها: اسمعوا كلامها ..
....
ريحانه تقص في البسبوسه بحذر شديد..
انعام : ردي بالك تطلعي ع الخط يوقفك ع الحيط بعدين
ريحانه: عممممتي..
انعام: اديري ماديري اللي فبالك مش حيصير
ريحانه حطت الموس: حرام عليك ياعمتي علاش تحبطي فيا
انعام: اني مانحبطش فيك ياعبيطه اني نفتحلك في عيونك..السنين تجري وانتي قاعدة ترفضي اللي يجيك وتستني في شي مش حيصير..
ريحانه كملت باقي القص: حيصير غير انتي تفائلي وساعديني..
انعام : ربي يهديك..
.....
سرمد: هو انتوا تموامن واحد تشدوا التاني
عفاف: انت عروستك واتيه..
مرعي: ههههههههههههههه
كلهم فنصوا فيه...
عفاف: علاش تضحك ..
مرعي وزع نظره عليهم: لاغير خطرت ع بالي حاجه بس..
عفاف شبحتله ع جنب وكملت كلامها: انت غير انوى وليد خوي..
سرمد بلع ريقة وابتسم مجامله: إن شاء الله خير...
عفاف تبي سرمد ياخد بنتها هدي..وهدي قصيرة ودبدوبه هلبه وديما يلبسوا في سرمد بيها وطبعا هو مايبيهاش غير يساير في عمته وكلهم يسايروا فيها لإنها واعرة وحراجه..
ع خشة سارة بصفرة القهوة..وعيون مرعي معاها والحسن يراقب فيهم..لين وصلت فيه ساره عارفه خوها يشبحلهم دارت روحها ماتعرفش مرعي ومرعي قريب ياكلها بعيونه
الحسن: مرعييييييي
مرعي😨 ..خيرك..
الحسن: فنجانك شده كويس ره يتبزع...
مرعي :تمام 😟
ساره:😌
خشت ريحانه بالبسبوسه ..قعدت تفرق وين وصلت في الحسن قعدت واقفه:ذوق وعطيني رايك..
الحسن كأنه مايسمع في شي..وريحانه اضايقت وحطت الصفرة وطلعت من حداهم هي وسارة وعيون انعام معاها وهي متأسفه عليها كيف تحب الحسن بجنون وهو ولا ع باله...
جنان جت مع ميسون: اووووو بسبوسه..
وخدت طرف ..
وسيله :قعمزي زي الناس وكولي
ميسون: بنطلعوا نقعمزوا في الجنان..
الحسن : تقعمزي في عينك ...
ميسون: عمو بالله عليك الجو حلو..بنقعمزوا في مكان مستخطي..
الحسن: نلقاكم برا تحملوا مايجيكم..
جنان: بكل ياسحس ديما معقدها..
الحسن شبحلها بحده خافت
مجيده مرت محمد: ميسون بنتي اسمعي كلام عمك..
برنيه :لموا بعضكم وقعمزوا في الدويرة الدخلانيه..
هزوا روسهم بإيجاب وهما مضايقات ومشوا..
***
في الليل...
مفروض انت تنوض تشوي الدجاج لخطيبتك..
منصف: اخدمي وانتي ساكته..
رشا : تبي ريحه الشوا تعلق في حوايجه كله ولا اناقته وريحته..
منصف: انتي اسكتي😑..ومشي من حداهم..
رشا : نقص ايدي كان مش عنده موعد الليله..
نوال : سكري فمك..
رشا: هههههههه يامحلاها في عليا...
نوال: رشا ضمي فمك وابعدي عن شر منصف
رشا بضحكه خبيثة: وحتى اني نتفرج من بعيد وعاجبني..
***
وتينالك جلسة مفتخرة فوق السطح أنت وضيفك المهم..
الحسن: كويس..وركب فوق...وانعام خشت داخل..
داخل..
وسيله: جنان كلمتي الضايل خوك
جنان: قريب عشرين مرة ومايبيش يرد...
وسيله : استغفر الله العظيم..باهي اطلعي جيبي ليم قارص
جنان : باهي...طلعت جنان تجيب في الليم من شجرة الليم الموجوده في جنان الحوش من القدام..وتغني
قمرة ياقمرة لاتطلعي ع الشجرة
والشجرة عاليه وانتي بعدك صغيره..
ياااياقمرة...
طق الباب...
جنان: اكيد حسان أفندي..حطت الليمات ومشت تفتح الباب..
جنان فتحت الباب وانصدمت ..واحد اسمر البشرة لابس سوريه بيضا مقيومه كمامها محشيه فسروال رصاصي كان يشوف في تليفونه قام عينه لما انفتح الباب ومعاش قدر ينزلهم..عيونه جت ع بنيه نعومه شقرا عيونها عسليه حاطه وشاح ع راسها وطالع شعرها الذهبي منه..معاش قدر يحرك نظره..وهي انجذبتله شخصيته حلوة ولون عيونه مع لون بشرته جذبوها بزياده...
محمد بربكه: هذا ...حوش علي ..علي الصادق..
جنان ابتسمت لإرتباكه : ايه هو...تفضل..
خش محمد وعيونه لوطا وهي تشبحله ومبتسمه وسكرت الباب
جنان: اكيد انت ضيف خوي الحسن...
محمد شبحلها وضاع في عيونها من جديد هز راسه بالإيجاب..
جنان شاده ضحكتها : تو نقوله...ومشت جهة الليمه خدت الليمات وهي خاشه شبحتله لقاته يشبحلها ابتسمت بخجل وخشت..
محمد"خير بلاي شن جاني...اوفف استغفر الله جاي لحوش الراجل وقايم عيوني في أخته أستغفر الله واتوب إليه"..
...يتبع...
