#الحسن
ﺍﻟﺠﺰﺀ ﺍﻟﺘﺎﺳﻊ ﻭﺍﻟﺨﻤﺴﻴﻦ 💜
صورة 3.3K صورة 92 صورة 14
ﺑﻮﺍﺳﻄﺔ GomanFared
ﺍﺳﺘﻨﻲ .. ﺭﻳﺤﺎﻧﻪ .. ﺭﻳﺤﺎﻧﻪ ... ﺍﺭﺟﻮﻙ .. ﺭﻳﺤﺎﻧﻪ .. ﺍﻭﻗﻔﻲ ... ﻗﺪﻡ ﻭﺷﺪﻫﺎﻣﻦ ﻣﺮﻓﻘﻬﺎ ..
ﺭﻳﺤﺎﻧﻪ ﺑﺤﺪﻩ : ﺣﻮﻝ ﻳﺪﻙ ..
ﻣﻨﺬﺭ : ﺍﻧﺘﻲ ﻋﻄﻴﺘﻴﻨﻲ ﻭﻋﺪ ..
ﺭﻳﺤﺎﻧﻪ : ﻋﻄﻴﺖ ﻭﻋﺪ ﻟﻤﻨﺬﺭ ﺍﻟﻜﻮﻳﺲ ﺍﻟﻠﻲ ﻋﺮﻓﺘﻪ ﻗﺒﻞ .. ﻣﺶ ﺍﻟﻤﺠﺮﻡ ﺍﻟﻠﻲ ﻋﺮﻓﺘﻪ ﺗﻮﺍ ..
ﻣﻨﺬﺭ ﺷﺪﻫﺎ ﻣﻦ ﻣﺮﻓﻘﻬﺎ ﺍﻟﺘﺎﻧﻲ : ﺍﻧﺘﻲ ﻣﺠﺒﺮﺓ ﺗﺴﻤﻌﻴﻨﻲ ﺍﻧﻲ ﻣﻦ ﺟﺎﻱ ﻟﻨﻔﺴﻲ ﺟﺎﻱ ﻟﺸﻲ ﺍﻛﺒﺮ ﺑﻬﻠﺒﻪ ﻳﺎﺭﻳﺤﺎﻧﻪ ﻟﻮ ﺗﻬﻤﻚ ﻋﻴﻠﺘﻚ ﺣﻖ ..
ﺭﻳﺤﺎﻧﻪ ﻗﻌﺪﺕ ﺗﺸﺒﺤﻠﻪ ﺑﺨﻮﻑ ...
ﻓﻲ ﻭﺍﺣﺪ ﺷﺎﻓﻬﻢ ﻫﻜﻲ ﺟﺎﻫﻢ : ﺧﻴﺮ ﻳﺎﺧﻮﻱ ﺷﻦ ﺗﺒﻲ ﻣﻨﻬﺎ ..
ﺭﻳﺤﺎﻧﻪ ﺷﺒﺤﺖ ﻟﻠﺮﺍﺟﻞ : ﺍﺣﻤﻢ .. ﺭﺍﺟﻠﻲ ..
: ﺍﻫﺎ ﺍﺳﻒ ﺟﺪﺍ ... ﻭﻣﺸﻲ ﻉ ﺣﺎﻟﻪ ...
ﺷﺒﺤﺖ ﻟﻤﻨﺬﺭ ﻟﻘﺎﺗﻪ ﻳﺸﺒﺤﻠﻬﺎ ﺑﺈﺑﺘﺴﺎﻣﻪ ..
ﺭﻳﺤﺎﻧﻪ ﺑﺈﺯﺩﺭﺍﺀ : ﺭﺩ ﺑﺎﻟﻚ ﺭﻩ ﻓﻤﻚ ﻳﻨﺸﺮﻙ .. ﺍﺿﻄﺮﻳﺖ ﻧﻘﻮﻟﻬﺎ ﻭﻛﺮﻫﺖ ﺭﻭﺣﻲ ﻟﻤﺎ ﻗﻠﺘﻬﺎ ..
ﻓﻜﻬﺎ ﻣﻨﺬﺭ ﻭﻫﻮ ﻣﺒﺘﺴﻢ : ﻳﻌﻨﻲ ..
ﺭﻳﺤﺎﻧﻪ : ﺍﻟﻠﻲ ﻋﻨﺪﻙ ﻗﻮﻟﻪ ﻭﻣﺎﺿﻴﻌﺶ ﻭﻗﺘﻲ ...
ﻣﻨﺬﺭ : ﺑﺎﻫﻲ ﻧﻮﻟﻮﺍ ﻧﻘﻌﻤﺰﻭﺍ ﻭﻳﻦ ﻣﺎﻛﻨﺎ ..
ﻣﺸﺖ ﺭﻳﺤﺎﻧﻪ ﻗﺪﺍﻣﻪ ﺑﻐﻀﺐ ﻭﻫﻮ ﻭﺭﺍﻫﺎ ﻭﻳﻀﺤﻚ ...
***
ﺑﻌﺪ ﺍﻟﻤﻐﺮﺏ ...
ﺷﻦ ﻣﺎﺯﺍﻝ 3 ﺍﻳﺎﻡ ...
ﺍﻧﻌﺎﻡ ﺑﻨﺒﺮﺓ ﺣﺰﻳﻨﻪ : ﺍﻭﻝ ﻳﻮﻡ ﺣﻴﻜﻮﻧﻮﺍ ﻣﻌﺎﻧﺎ ﻓﻴﻪ ﺍﻗﺎﺭﺏ ﺍﻟﻤﺮﺣﻮﻡ ...
ﺑﺮﻧﻴﻪ ﺧﻨﻘﺘﻬﺎ ﺍﻟﻌﺒﺮﺓ ﺑﺲ ﻛﺘﻤﺘﻬﺎ ...
ﻫﺎﻟﻪ : ﺍﻟﻠﻪ ﻳﺮﺣﻤﻪ .... ﺑﺘﻐﻴﺮ ﺟﻮ ... ﺷﻦ ﻧﻈﺎﻣﻜﻢ ﻓﻲ ﺍﻟﺴﺤﻮﺭ
ﺍﻧﻌﺎﻡ ﺍﺑﺘﺴﻤﺖ : ﻣﺎﻧﺤﻜﻴﻠﻜﺶ ... ﻣﻜﺮﻭﻧﻪ ﻣﺒﻜﺒﻜﻪ ﺗﻬﺒﻞ ﻣﻦ ﺗﺤﺖ ﺍﻳﺪﻳﻦ ﺳﺮﻣﻮﺩﻩ .. ﻭﻣﻌﺎﻫﻢ ﺧﺒﺰﺓ ﻃﺎﺟﻴﻦ ﺍﻣﻲ ﺍﺩﻳﺮ ﻓﻴﻬﺎ ...
ﻋﻠﻴﺎ ﺑﻀﺤﻜﻪ : ﺗﺴﻬﻔﺖ ﻣﻦ ﺗﻮﺍ ...
ﺳﺎﺭﺓ : ﺍﺳﻤﻌﻲ ﻗﻮﻟﻴﻠﻪ ﻳﺪﻳﺮﻫﺎ ﺑﺎﻟﺪﺟﺎﺝ ... ﺟﺪ ﺃﻡ ﺍﻟﺤﻮﺕ ﻣﺎﻧﺒﻴﺶ ﻧﺸﻮﻓﻪ ..
ﻫﺎﻟﻪ ﺑﻀﺤﻜﻪ : ﻣﺎﺗﻘﻮﻟﻴﺶ ﻗﺎﻋﺪﻩ ﺗﺘﻮﺣﻤﻲ ..
ﺳﺎﺭﺓ : ﻻﻣﺶ ﻉ ﻭﺣﻢ .. ﺑﺲ ﻳﻘﻮﻟﻮﺍ ﺍﻟﺤﺎﻣﻞ ﻟﻮ ﻛﻠﺖ ﺍﻟﺤﻮﺕ ﻫﻠﺒﻪ .. ﻳﺠﻴﻬﺎ ﻋﻴﻞ ﻋﻨﺪﻩ ﻃﺎﻗﻪ ﺯﺍﻳﺪﻩ .. ﻳﺸﻖ ﺍﻷﺭﺽ ﻭﻳﻨﻘﺐ ﺍﻟﺴﻤﻲ ﻣﻦ ﺍﻟﺸﻄﺎﻧﻪ ..
ﻫﺎﻟﻪ ﺿﺤﻜﺖ ﺑﺼﺪﻣﻪ : ﺑﺎﻩ ﺍﻟﻠﻲ ﻗﻠﺘﻴﻠﻲ ...
ﺿﺤﻜﻮﺍ ﻛﻠﻬﻢ ...
ﺍﻧﻌﺎﻡ : ﺷﻨﻮ ﻫﻠﻮ ... ﻣﺎﺯﺍﻝ ﻣﺎﻋﺮﻓﺘﻴﺶ ﺷﻦ ﺟﻨﺴﻪ ..
ﻫﺎﻟﻪ ﺑﺈﺑﺘﺴﺎﻣﻪ : ﻏﺪﻭﺓ ﺇﻥ ﺷﺎﺀ ﺍﻟﻠﻪ ﻣﺎﺷﻴﻪ ..
ﺳﺎﺭﺓ : ﺷﻦ ﺗﺘﻤﻨﻮﺍ ﺍﻧﺘﻲ ﻭﺣﺴﺎﻥ ..
ﻫﺎﻟﻪ : ﺑﺎﻟﻨﺴﺒﻪ ﻟﻴﺎ ﻣﺶ ﻣﺪﻭﺭﺓ .. ﻟﻜﻦ ﺣﺴﺎﻥ ﻳﺒﻲ ﺑﻨﻴﻪ ...
ﺍﻧﻌﺎﻡ : ﻳﺎﻭﺧﻴﺘﻲ ﻣﺤﻼﻩ ...
ﺑﺮﻧﻴﻪ ﺑﺂﺑﺘﺴﺎﻣﻪ : ﺭﺑﻲ ﻳﻌﻄﻴﻜﻢ ﺍﻟﻠﻲ ﻓﺒﺎﻟﻜﻢ ﻭﺗﺤﻠﻲ ﻋﻮﻳﻨﺎﺗﻚ ﻉ ﺧﻴﺮ ﻳﺎﺑﻨﻴﺘﻲ ..
ﻫﺎﻟﻪ : ﺁﺍﺍﻣﻴﻦ ﻳﺎﺭﺏ ..
ﻋﻠﻴﺎ ﺗﺴﻤﻊ ﺑﺈﺑﺘﺴﺎﻣﻪ ﻣﺎﺑﺘﺶ ﺗﺸﺎﺭﻙ ﻓﻲ ﺍﻟﺤﺪﻳﺚ ﻗﺎﻋﺪﻩ ﻣﺘﺄﻟﻤﻪ ﻉ ﻓﻘﺪﻫﺎ ﻷﻭﻝ ﺣﻤﻞ ﻟﻴﻬﺎ ...
ﺍﻧﻌﺎﻡ : ﺟﻨﺎﻥ ﻭﺧﻮﻟﻪ ﺟﺎﻳﺎﺕ ﻏﺪﻭﺓ ..
ﻫﺎﻟﻪ : ﺷﻦ ﺣﺎﻟﻬﺎ ﺟﻨﺎﻥ ..
ﺍﻧﻌﺎﻡ : ﺍﺣﺴﻦ ﺑﻬﻠﺒﻪ ... ﺑﺲ ﻗﺎﻟﺖ ﺧﻮﻟﻪ ﻣﺮﺓ ﻣﺮﺓ ﺗﺴﻤﻊ ﻓﻴﻬﺎ ﺗﺒﻜﻲ ﺑﺮﻭﺣﻬﺎ ﻓﻲ ﺍﻟﻠﻴﻞ ..
ﻋﻠﻴﺎ ﺑﺤﺰﻥ : ﻟﺘﻮﺍ ﺑﻴﻦ ﻋﻴﻮﻧﻲ ﺍﻟﻬﺪﻳﻪ ﺍﻟﻠﻲ ﺧﺪﻫﺎﻟﻬﺎ ﻓﻲ ﻋﻴﺪ ﻣﻴﻼﺩﻫﺎ .. ﻣﺤﺮﻫﺎ ... ﺗﺠﻴﻚ ﻫﺪﻳﻪ ﻟﻠﺤﻮﺵ ﻣﺶ ﺷﺨﺺ ﺗﺤﺒﻪ ﻭﻳﻜﻮﻥ ﻣﻴﺖ ..
ﺍﻧﻌﺎﻡ ﺩﻣﻮﻋﻬﺎ ﻧﺰﻟﻮﺍ : ﺍﻟﻠﻪ ﻳﺮﺣﻤﻪ ﻭﻻﻳﺴﺎﻣﺤﻬﻢ ﺷﻴﺎﻃﻴﻦ ﺍﻟﺮﺟﻴﻢ ﺳﻔﺎﻛﻴﻦ ﺍﻟﺪﻡ ..
" ﺗﻘﺮﻣﻮﺍ ﻓﻴﺎ "!!
ﺑﺮﻧﻴﻪ ﺑﺨﻠﻌﻪ : ﺑﺴﻢ ﺍﻟﻠﻪ ﺍﻟﻜﺮﻳﻢ .. ﺍﻣﺘﻰ ﺟﻴﺖ ..
ﺳﺮﻣﺪ ﺑﻀﺤﻜﻪ : ﺗﻮﺍ ﺗﻮﺍ ...
ﺍﻧﻌﺎﻡ : ﻛﻨﺖ ﻧﺤﻜﻴﻠﻬﻢ ﻉ ﺳﺤﻮﺭ ﺍﻭﻝ ﻟﻴﻠﻪ ﻓﻲ ﺭﻣﻀﺎﻥ ..
ﺳﺮﻣﺪ : ﺍﻫﺎ ... ﺿﺤﻚ .. ﺣﻨﻮﻛﻠﻜﻢ ﻣﻜﺮﻭﻧﻪ ﻋﻤﺮﻛﻢ ﻣﺎﺫﻗﺘﻮﺍ ﺯﻳﻬﺎ ...
ﺍﻧﻌﺎﻡ : ﻣﺎﺩﻳﺮﻫﺎﺵ ﺑﻜﻠﺐ ﺍﻟﺒﺤﺮ .. ﺩﻳﺮﻫﺎ ﺑﺎﻟﺪﺟﺎﺝ ..
ﺳﺮﻣﺪ ﺑﺮﻓﻌﺔ ﺣﺎﺟﺐ : ﻭﺍﺍﺍﻱ ..
ﺍﻧﻌﺎﻡ ﺑﻀﺤﻜﻪ : ﻣﻦ ﺑﺎﺏ ﺍﻟﺘﻐﻴﺮ ..
ﺳﺮﻣﺪ ﻭﺯﻉ ﻧﻈﺮﻩ ﻋﻠﻴﻬﻢ : ﺃﻭﻛﻲ ... ﻭﻣﺸﻲ ..
ﺑﺮﻧﻴﻪ : ﻣﺎﺗﺮﻗﺪﺵ ﻗﺒﻞ ﺗﺘﻌﺸﺎ ...
ﺳﺮﻣﺪ ﻭﻫﻮ ﻣﺎﺷﻲ : ﺑﺎﺍﺍﻩ ..
ﺑﺮﻧﻴﻪ ﺗﻨﻬﺪﺕ : ﻛﺎﻥ ﻳﻄﺎﻭﻋﻨﻲ ﻭﻳﺘﺰﻭﺝ ..
ﺳﺎﺭﺓ ﺑﻀﺤﻜﻪ : ﺗﻮ ﺑﺘﺸﺪﻳﻬﺎ ﻓﺠﺮﺗﻪ ﺯﻱ ﻣﺎﺷﺪﻳﺘﻴﻬﺎ ﻓﺠﺮﺓ ﺍﻟﺤﺴﻦ ..
ﺑﺮﻧﻴﻪ : ﻭﺍﻫﻮﺍ ﺍﻟﺤﻤﺪ ﻟﻠﻪ ﺗﺰﻭﺝ ... ﺍﻟﻔﺎﻝ ﻟﻬﺎﻟﻤﺘﺮﻭﺷﻖ ..
ﺍﻧﻌﺎﻡ ﺷﺒﺤﺖ ﻟﻌﻠﻴﺎ ﻭﺍﺑﺘﺴﻤﺖ : ﻣﺮﺍﺕ ﻣﺎﻳﻄﻮﻟﺶ ..
ﺑﺮﻧﻴﻪ ﺑﻠﻬﻔﻪ : ﻗﺎﻟﻚ ﺣﺎﺟﻪ ..
ﺍﻧﻌﺎﻡ : ﺍﻣﻤﻤﻢ ﻣﺶ ﺑﺎﻟﺰﺑﻂ ..
ﺳﺎﺭﺓ : ﻣﻌﻨﺎﻫﺎ ﻓﻲ ﻭﺣﻴﺪﻩ ..
ﺍﻧﻌﺎﻡ ﺑﻀﺤﻜﻪ : ﺧﻼﺹ ﻭﺍﻧﺘﻮﺍ ﻋﻜﺸﺘﻮﺍ ..
ﻋﻠﻴﺎ ﻛﺎﻧﺖ ﺗﺴﻤﻊ ﻭﻣﺒﺘﺴﻤﻪ ﻣﺠﺎﻣﻠﻪ ﻭﻓﺪﺍﺧﻠﻬﺎ ﻣﺶ ﺭﺍﺿﻴﻪ .. ﺣﺎﺳﻪ ﺍﻥ ﺳﺮﻣﺪ ﻣﺶ ﻭﺍﺧﺪ ﻣﻮﺿﻮﻉ ﺍﺧﺘﻬﺎ ﺟﺪﻳﺎﺕ .. ﻭﻣﺶ ﻣﺮﻳﺤﻬﺎ ﺍﻟﻤﻮﺿﻮﻉ ...
***
ﺍﺣﻤﺪ ﻭﺍﻟﺤﺴﻦ ﻓﻲ ﻣﻜﺘﺐ ﺍﻟﺤﺴﻦ ...
ﺍﺣﻤﺪ : ﻭﺍﺣﺪ ﺟﺪﻱ ﻫﻠﺒﻪ ﻭﺣﺎﺯﻡ ..
ﺍﻟﺤﺴﻦ : ﻗﺮﺍﻧﻲ ﻓﻜﻠﻴﺔ ﺍﻟﺸﺮﻃﻪ ..
ﺍﺣﻤﺪ : ﻛﻮﻳﺲ ..
ﺍﻟﺤﺴﻦ : ﺑﺲ ﺍﻟﻠﻪ ﺍﻋﻠﻢ ﻣﺬﻛﺮﻧﻲ ﻭﻻﻻ ..
ﺍﺣﻤﺪ ﺑﻀﺤﻜﻪ : ﺷﻦ ﺗﺤﻜﻲ ﺑﺲ .. ﺍﻧﺖ ﺷﻬﺮﺗﻚ ﺗﺨﻠﻲ ﺍﻟﻠﻲ ﻣﺎﻗﺎﺑﻠﻜﺶ ﻳﻌﺮﻓﻚ ..
ﺍﻟﺤﺴﻦ : ﺯﻳﻚ ﺑﺎﻟﺰﺑﻂ ..
ﺍﺣﻤﺪ ﺍﺑﺘﺴﻢ ...
ﺍﻟﺤﺴﻦ : ﺷﻦ ﺻﺎﺭ ﻓﻲ ﺍﻟﺒﻲ ..
ﺍﺣﻤﺪ : ﺣﺎﻟﺘﻪ ﺗﺎﻋﺒﻪ ﻉ ﺍﻷﺧﺮ ..
ﺍﻟﺤﺴﻦ : ﻟﻸﺳﻒ ﺭﺟﻌﻨﺎ ﻟﻨﻘﻄﺔ ﺍﻟﺼﻔﺮ ...
ﺍﺣﻤﺪ : ﻓﻲ ﻧﻬﻠﻪ ...
ﺍﻟﺤﺴﻦ : ﻧﺎﺳﻲ ﺍﻧﻪ ﻭﺭﺍﻫﺎ ﺍﻧﻲ ﺣﺎﻁ ﻭﺭﺍﻫﺎ ﻣﻦ ﻳﺤﻤﻴﻬﺎ ﻹﻧﻲ ﻣﺘﻮﻗﻊ ﻣﻨﻪ ﻛﻞ ﺷﻲ ...
ﺍﺣﻤﺪ : ﺑﻨﻘﻮﻟﻚ ﺷﻲ ﻳﺪﻭﺭ ﻓﺒﺎﻟﻲ ..
ﺍﻟﺤﺴﻦ : ﺷﻨﻮ ...
ﺍﺣﻤﺪ : ﻣﺶ ﻣﻼﺣﻆ ﺍﻥ ﺍﻟﻠﻲ ﻗﺎﻋﺪ ﻳﺼﻴﺮ ﻳﺪﻭﺭ ﻳﺪﻭﺭ ﻭﻳﺮﺟﻌﻠﻚ ...
ﺣﺘﻰ ﻃﺮﻳﻘﺔ ﻣﻮﺕ ﺑﻼﻝ ﻭﺍﺑﺘﺴﺎﻡ ﺯﻱ ﻃﺮﻳﻘﺔ ﻣﻮﺕ ﺍﻟﻜﻮﻣﺎﻧﺪﺍ ...
ﺍﻟﺤﺴﻦ : ﻣﺎﻓﻬﻤﺘﺶ ...
ﺳﺮﻣﺪ : ﻛﻴﻒ ﻋﺮﻓﻮﺍ ﺍﻥ ﺍﻧﺖ ﺍﻟﻠﻲ ﻗﺘﻠﺘﻪ .. ﻭﺣﻨﻲ ﻣﺘﻜﺘﻤﻴﻦ ﻉ ﻫﻮﻳﺔ ﺍﻟﻠﻲ ﻗﺘﻠﻪ ﻭﻣﺎﺣﺪ ﻳﻌﺮﻑ ﻏﻴﺮﻱ ﺍﻧﻲ ﻭﺍﻧﺖ ﻭﺟﺎﺩ ﺍﻟﻠﻪ ﻭﺍﻟﻔﻬﺪ ﺍﻟﻠﻪ ﻳﺮﺣﻤﻬﻢ ..
ﺍﻟﺤﺴﻦ ﺳﻜﺖ ﻭﻗﻌﺪ ﻳﻔﻜﺮ ..
ﺍﺣﻤﺪ : ﺍﻟﺤﺴﻦ ..
ﺍﻟﺤﺴﻦ ﺷﺒﺤﻠﻪ
ﺍﺣﻤﺪ : ﻋﺪﻭﻧﺎ ﻗﺮﻳﺐ ﻋﻠﻴﻨﺎ ..
ﺍﻟﺤﺴﻦ ﻗﻌﺪ ﻳﺸﺒﺤﻠﻪ ﻫﻠﺒﻪ ....
ﺍﺣﻤﺪ : ﺍﻧﻲ ﻣﺶ ﻋﺎﺭﻑ ﻣﻨﻮ ﺑﺎﻟﺰﺑﻂ ﺑﺲ ﻗﺮﻳﺐ ﻫﻠﺒﻪ ... ﻳﻌﻨﻲ ﺍﻟﻴﻮﻡ ﺍﻟﻠﻲ ﻣﺎﺷﻲ ﻳﻌﻄﻲ ﺑﻼﻝ ﻓﻴﻪ ﺍﻟﻮﺛﺎﺋﻖ ﻟﻠﻨﺎﺋﺒﻪ ﺍﻟﻌﺎﻡ .. ﻣﺎﺣﺪ ﻳﻌﺮﻓﻪ ﻏﻴﺮﻧﺎ .. ﻛﻴﻒ ﻃﻠﻊ .
ﺍﻟﺤﺴﻦ ﻳﺸﺒﺤﻠﻪ ﻗﺎﻝ : ﻗﺮﻳﺐ ﻟﺪﺭﺟﻪ ﻛﺒﻴﺮﻩ ..
ﺍﺣﻤﺪ : ﺍﺣﺘﻤﺎﻝ ﻳﻜﻮﻥ ﻫﻨﻲ ﻣﻌﺎﻧﺎ .. ﺩﺍﺳﻮﺱ ﺑﻴﻨﺎﺗﻨﺎ .. ﺍﻧﻲ ﻧﻔﻜﺮ ﺍﻥ ﻧﺪﻭﺭﻭﺍ ﻛﺎﻥ ﻓﻲ ﺍﺟﻬﺰﺓ ﺗﻨﺼﺖ ﺍﻭ ﺗﺴﺠﻴﻞ ﻓﻲ ﻣﻜﺎﺗﺒﻨﺎ ﻭﻃﺒﻌﺎ ﻻﺯﻡ ﻳﺘﻢ ﻛﻞ ﺷﻲ ﺑﺎﻟﺴﺮ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻏﺎﺭﻕ ﻓﺎﻟﺘﻔﻜﻴﺮ ..
...
ﺭﻭﺡ ﻟﻴﻠﺘﻬﺎ ﻭﻓﻲ ﺑﺎﻟﻪ ﺍﻟﻒ ﻗﺼﻪ ﻭﻗﺼﻪ ﺑﺲ ﺗﻮﺍ ﻳﺒﻲ ﻳﻠﻬﻰ ﺑﻘﺼﺔ ﻭﺣﺪﻩ ﻣﻦ ﻫﻮ ﺳﻴﻒ ..!!..
ﺧﺶ ﻟﻠﺤﻮﺵ ﻭﺗﻮﺟﻪ ﻟﻠﺪﺍﺭ ﺍﺗﻜﻰ ﻉ ﺍﻟﺒﺎﺏ ﻭﻫﻮ ﻣﺒﺘﺴﻢ ﻉ ﺟﻨﺐ ﻭﻳﺸﻮﻓﻠﻬﺎ ...
ﻋﻠﻴﺎ ﺑﺨﺠﻞ : ﻋﻄﻠﺖ ..
ﺍﻟﺤﺴﻦ : ﻛﺎﻥ ﻛﻞ ﻣﺎ ﺑﻨﻌﻄﻞ ﺑﻨﺮﻭﺡ ﻧﻠﻘﺎﻙ ﻫﻜﻲ ﺣﻨﻌﻄﻞ ﻛﻞ ﻳﻮﻡ ..
ﻋﻠﻴﺎ ﺍﺑﺘﺴﻤﺖ ﺑﺨﺠﻞ ﻭﺧﺪﻭﺩﻫﺎ ﺍﺣﻤﺮﻭﺍ ﻭﻫﻮ ﻣﻌﺎﺵ ﺗﺤﻤﻞ ﺷﻮﻗﻪ ﺍﻛﺜﺮ ﻣﻦ ﻫﻜﻲ ..💓
***
ﻛﻴﻒ ﺑﺘﺤﻂ ﺭﺍﺳﻬﺎ ﻉ ﻣﺨﺪﻩ ﺭﻥ ﺗﻠﻴﻔﻮﻧﻬﺎ ﻛﺎﻥ ﺭﻗﻢ ﻏﺮﻳﺐ ﻣﺎﺑﺘﺶ ﺗﺮﺩ .. ﺗﺠﺎﻫﻠﺖ ﻭﺭﻗﺪﺕ ﺟﺘﻬﺎ ﺭﺳﺎﻟﻪ .. ﻓﺘﺤﺖ ﻋﻴﻮﻧﻬﺎ ﺧﺪﺕ ﺗﻠﻴﻔﻮﻥ ﻭﻓﺘﺤﺘﻬﺎ
( ﻣﺎﺗﺤﻄﻴﺶ ﻋﻴﻨﻚ ﻉ ﺣﺎﺟﺔ ﻏﻴﺮﻙ .. ﺭﺍﺟﻠﻲ ﺣﻨﺮﺩﻩ ﻟﺤﻀﻨﻲ .. ﻭﺍﻧﺘﻲ ﺑﺮﻱ ﺩﻭﺭﻱ ﺻﻴﺪﻩ ﺗﺎﻧﻴﻪ )
ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﺑﺼﺪﻣﻪ ﻭﻗﺮﻳﺐ ﻣﺎﺗﺖ .. ﺣﻤﻘﺖ ﻉ ﺍﻵﺧﺮ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ... ﺳﻜﺮﺕ ﺗﻠﻴﻔﻮﻧﻬﺎ ﻭﻗﻌﺪﺕ ﺗﺒﻜﻲ ﺑﺼﻤﺖ ﻣﺎﺗﺒﻴﺶ ﺍﺧﺘﻬﺎ ﺍﻟﻠﻲ ﺭﺍﻗﺪﻩ ﻣﻌﺎﻫﺎ ﻓﻲ ﻧﻔﺲ ﺍﻟﺪﺍﺭ ﺗﺤﺲ ﺑﺸﻲ ...
***
ﻃﻠﻌﺖ ﻣﻦ ﺍﻟﺪﻭﺵ ﻟﻘﺎﺗﻪ ... ﺑﻴﺨﺶ ﺍﻟﺴﺮﻳﺮ ﻭﻳﺮﻗﺪ ..
ﻋﻠﻴﺎ : ﻧﻮﺽ ﻧﻮﺽ ..
ﺍﻟﺤﺴﻦ ﺑﻀﺤﻜﻪ : ﺧﻴﺮﻙ ...
ﻗﺮﺑﺖ ﻣﻨﻪ ﻭﺧﺪﺕ ﺍﻻﺳﺘﺸﻮﺍﺭ ﻣﻦ ﺍﻟﻘﺠﺮ ..
ﺍﻟﺤﺴﻦ : ﻭﺍﻟﻠﻪ ﻣﺎﺻﺎﻳﺮﺗﻠﻲ ﺣﺎﺟﻪ ..
ﻋﻠﻴﺎ ﻭﻫﻲ ﺗﻌﻠﻖ ﺍﻟﺴﺒﻴﻨﻪ ﻓﻲ ﺍﻟﺒﺮﻳﺰﻩ : ﺣﺘﻰ ﻟﻤﺎ ﻧﺴﻜﺮ ﺍﻟﻤﻜﻴﻒ ﺗﻐﺎﻓﻠﺘﻲ ﻭﺗﻨﻮﺽ ﺗﻔﺘﺤﻪ ..
ﻣﺶ ﺣﺘﺮﻗﺪ ﺃﻻ ﻭﺷﻌﺮﻙ ﺟﺎﻑ ...
ﺍﻟﺤﺴﻦ ﻗﻌﻤﺰ ﺑﺎﺳﺘﺴﻼﻡ ﻫﻲ ﺗﺴﺘﺸﻮﺭﻟﻪ ﻓﺸﻌﺮﻩ ﻭﻫﻮ ﻳﺸﺒﺤﻠﻬﺎ ﺑﻌﺸﻖ .. ﻟﻴﻦ ﻛﻤﻠﺖ .. ﺿﺤﻜﺖ ﻭﻗﻌﺪﺕ ﺗﺸﻔﺸﻠﻪ ﻓﻴﻪ ..
ﺍﻟﺤﺴﻦ : ﺑﻄﻠﻲ ...
ﻋﻠﻴﺎ ﺑﻀﺤﻜﻪ : ﻳﻀﺤﻚ ﺷﻜﻠﻚ ..
ﺍﻟﺤﺴﻦ ﺑﺮﻓﻌﺔ ﺣﺎﺟﺐ : ﻳﻀﺤﻚ ...!! ﺟﺒﺪﻫﺎ ﻣﻦ ﺧﺼﺮﻫﺎ ﻭﺭﻗﺪﻫﺎ ﺟﻨﺒﻪ ﺑﺎﻟﻌﺮﺽ ﻉ ﺍﻟﺴﺮﻳﺮ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻪ
ﺍﻟﺤﺴﻦ : ﺷﻮﻳﻄﻴﻨﻪ ... ﻧﺒﻲ ﻧﺎﻛﻠﻚ ..
ﻋﻠﻴﺎ ﺑﺈﺑﺘﺴﺎﻣﻪ : ﻣﺘﻮﺣﺶ ..
ﺍﻟﺤﺴﻦ ﺑﻀﺤﻜﻪ : ﺧﻠﻴﻨﻲ ﻧﺮﻗﺪ ﻏﺪﻭﺓ ﻣﻦ ﺍﻟﺼﺒﺢ ﻋﻨﺪﻱ ﻃﻠﻌﻪ ﺑﺮﺍ ﻃﺮﺍﺑﻠﺲ ..
ﻋﻠﻴﺎ ﺑﺄﺳﺘﻐﺮﺍﺏ : ﻣﻬﻤﻪ؟ !
ﺍﻟﺤﺴﻦ : ﺳﺮﻳﻪ ..
ﻋﻠﻴﺎ : ﺳﺮﻳﻪ؟؟ !!
ﺍﻟﺤﺴﻦ ﺷﺒﺤﻠﻬﺎ : ﻗﺼﺔ ﺳﻴﻒ ﺷﺎﻏﻠﻪ ﺑﺎﻟﻲ ﻫﻠﺒﻪ ...
ﻋﻠﻴﺎ : ﻋﺎﺭﻓﻪ ﻭﺍﺿﺢ ﻋﻠﻴﻚ .. ﺑﺎﻩ ﺷﻦ ﺑﺪﻳﺮ ﻏﺪﻭﺓ ..
ﺍﻟﺤﺴﻦ ﻟﻒ ﺍﻳﺪﻳﻪ ﻋﻠﻴﻬﺎ ﻭﺣﻀﻨﻬﺎ : ﺇﻥ ﺷﺎﺀ ﺍﻟﻠﻪ ﺑﻌﺪ ﻧﺮﻭﺡ ﻧﻘﻮﻟﻚ ﻭﺗﻮﺍ ﺍﺭﻗﺪﻱ ...
ﻋﻠﻴﺎ ﺿﺤﻜﺖ ﻭﻏﻤﻀﺖ ﻋﻴﻮﻧﻬﺎ ﺑﺮﺍﺣﻪ ﻓﻲ ﺣﻀﻨﻪ ...💓
***
ﺗﺎﻧﻲ ﻳﻮﻡ ...
ﻭﺻﻠﺖ ﺍﻟﺴﻜﺮﺗﻴﺮﻩ ﺍﺗﻔﺎﺟﺌﺖ ﻟﻤﺎ ﺷﺎﻓﺖ ﺧﻮﻟﻪ ﻗﺪﺍﻣﻬﺎ ..
ﺍﻟﺴﻜﺮﺗﻴﺮﻩ : ﺃﻣﺘﻰ ﺟﻴﺘﻲ ... ؟ !!
ﺧﻮﻟﻪ : ﻗﺒﻞ 5 ﺩﻗﺎﻳﻖ .. ﺍﺭﺟﻮﻙ ﺭﺑﻴﻌﻪ ﺍﺗﺼﻠﻲ ﺑﺎﻷﺳﺘﺎﺫ ﺭﻳﺎﺽ ﻗﻮﻟﻴﻠﻪ ﻳﺠﻲ ﺿﺮﻭﺭﻱ ..
ﺭﺑﻴﻌﻪ : ﺇﻥ ﺷﺎﺀ ﺍﻟﻠﻪ ﺧﻴﺮ ﻋﻼﺵ !!! ؟
ﺧﻮﻟﻪ ﺑﻀﻴﻖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺍﺭﺟﻮﻙ ﻳﺎﺭﺑﻴﻌﻪ ﻛﻠﻤﻴﻪ ..
ﺭﺑﺒﻌﻪ ﺷﺒﺤﺘﻠﻬﺎ ﺑﺄﺳﺘﻐﺮﺍﺏ .. ﻭﻓﻌﻼ ﺍﺗﺼﻠﺖ ﺑﺮﻳﺎﺽ .. ﺍﻟﻠﻲ ﺍﺗﻔﺎﺟﺄ ﻫﻠﺒﻪ ﻭﺧﺎﻑ ﻓﻨﻔﺲ ﺍﻟﻮﻗﺖ ... ﻭﻗﺎﻝ ﺧﻼﻝ ﻋﺸﺮﺓ ﺩﻗﺎﻳﻖ ﺣﻴﻜﻮﻥ ﻏﺎﺩﻱ ...
ﺧﻮﻟﻪ ﻛﺎﻧﺖ ﻣﻘﻌﻤﺰﺓ ﺗﺴﺘﻨﻰ ﻉ ﻧﺎﺭ ﻭﺍﻟﺴﻜﺮﺗﻴﺮﻩ ﺗﺸﻮﻓﻠﻬﺎ ...
ﻟﻴﻦ ﺧﺶ ﺭﻳﺎﺽ ﺷﺒﺤﻠﻬﺎ : ﺧﻴﺮﻛﻢ ﺷﻦ ﻓﻲ ... ﺧﻮﻟﻪ ﺧﻴﺮﻙ ..
ﺧﻮﻟﻪ ﻧﺎﺿﺖ : ﻧﺒﻴﻚ ﻓﺸﻲ ﺿﺮﻭﺭﻱ ...
ﺭﻳﺎﺽ ﺑﺄﺳﺘﻐﺮﺍﺏ : ﺑﺎﻩ ﺗﻌﺎﻟﻲ ﻟﻠﻤﻜﺘﺐ .. ﻣﺸﻲ ﻭﻫﻲ ﻣﺸﺖ ﻭﺭﺍﻩ ..
ﺭﺑﻴﻌﻪ ﺭﺍﺟﺘﻬﻢ ﻟﻴﻦ ﺧﺸﻮﺍ ﻭﻗﺎﻣﺖ ﺗﻠﻴﻔﻮﻧﻬﺎ ﻭﺍﺗﺼﻠﺖ ..
ﺭﺑﻴﻌﻪ : ﺻﺒﺎﺡ ﺍﻟﺨﻴﺮ ﻣﺪﺍﻡ ... ﺍﻳﻪ ﺗﻮﺍ ﺧﺸﺘﻠﻪ ... ﺟﺎﻳﻪ ﻣﻌﺼﺒﻪ ﻫﻠﺒﻪ ...... ﺗﻤﺎﻡ ﺗﻮ ﻧﺒﻠﻐﻚ ﺍﻭﻝ ﺑﺄﻭﻝ ... ﻭﺻﻜﺮﺕ ..
ﺩﺍﺧﻞ ﻓﻲ ﺍﻟﻤﻜﺘﺐ ..
ﻓﺘﺤﺖ ﻉ ﺍﻟﺮﺳﺎﻟﻪ ﻭﺣﻄﺖ ﺍﻟﺘﻠﻴﻔﻮﻥ ﻗﺪﺍﻣﻪ ﺑﻌﺼﺒﻴﻪ .. ﻫﻮ ﻗﺮﻱ ﺍﻟﺮﺳﺎﻟﻪ ﻭﻣﻼﻣﺢ ﻭﺟﻬﻪ ﻣﻦ ﺍﻟﻐﻀﺐ ﻭﻟﺖ ﺗﺨﻮﻑ ..
ﺧﻮﻟﻪ ﺑﻨﺒﺮﺓ ﺑﺎﻛﻴﻪ : ﻋﻤﺮﻱ ﻣﺎﺗﻌﺮﺿﺖ ﻷﻫﺎﻧﻪ ﻣﻦ ﻫﺎﻟﻨﻮﻉ .. ﺍﻧﻲ ﺗﻘﻮﻟﻲ ﺑﺮﻱ ﺩﻭﺭﻱ ﻉ ﺻﻴﺪﻩ ﺗﺎﻧﻴﻪ !!! ﺗﻘﻮﻟﻲ ﻣﺎﺗﺤﻄﻴﺶ ﻋﻴﻨﻚ ﻉ ﺣﺎﺟﻪ ﻣﺶ ﻟﻴﻚ؟؟ !! ﻭﺍﻟﻠﻪ ﺣﺴﻴﺖ ﺭﻭﺣﻲ ﻭﺣﺪﻩ ﺣﻘﻴﺮﻩ ﻭﻗﺘﻬﺎ .. ﻟﻜﻦ ﺍﻧﻲ ﻧﺴﺘﺎﻫﻞ ﻣﻔﺮﻭﺽ ﺑﻌﺪ ﻋﺮﻓﺖ ﻛﻞ ﺷﻲ ﻋﻨﻚ ﻣﻌﺎﺵ ﻭﻟﻴﺖ .. ﻣﻌﻄﺘﻴﻜﺶ ﻓﺮﺻﻪ ... ﺍﺳﻤﻊ ﻭﺟﻬﻲ ﻣﺶ ﺣﺘﺸﻮﻓﻪ ﻭﻳﺎﺭﻳﺖ ﺣﺘﻰ ﺍﻧﺖ ﻣﺎﺗﻄﻠﻌﺶ ﻓﻮﺟﻬﻲ .. ﺧﻠﻮﻧﻲ ﻓﺤﺎﻟﻲ ﻣﻌﺎﺵ ﻋﻨﺪﻱ ﺣﻴﻞ ﻧﺘﺤﻤﻞ ﻛﺴﺮ ﺟﺪﻳﺪ .. ﻭﻟﻔﺖ ﺑﺘﻤﺸﻲ .. ﻫﻮ ﺑﺴﺮﻋﻪ ﻧﺎﺽ ﻟﺤﻘﻬﺎ ﻭﺷﺪ ﺍﻳﺪﻫﺎ ..
ﺧﻮﻟﻪ ﺗﺸﺒﺤﻠﻪ ﺑﻌﻴﻮﻧﻬﺎ ﺍﻟﻤﺪﻣﻌﺎﺕ : ﺷﻦ ﺗﺒﻲ ..
ﺭﻳﺎﺽ : ﺍﻧﻲ ﺍﻟﻠﻲ ﻧﺒﻴﻚ ﻭﺍﻧﻲ ﺍﻟﻠﻲ ﻧﺠﺮﻱ ﻓﺠﺮﺗﻚ ﻭﺣﻨﻘﻌﺪ ﻧﺠﺮﻱ ﻋﻤﺮﻱ ﻛﻠﻪ ﻣﻬﻤﺎ ﺻﺪﻳﺘﻲ .. ﻭﺍﻟﻤﺨﻠﻮﻗﻪ ﻫﺎﺩﻱ ﺍﻧﻲ ﺣﻨﺘﻔﺎﻫﻢ ﻣﻌﺎﻫﺎ ... ﺍﻟﻠﻲ ﻳﺒﻜﻲ ﻋﻴﻮﻧﻚ ﻣﺶ ﺣﻴﺴﻠﻢ ﻣﻦ ﻏﻀﺒﻲ ﻋﻠﻴﻪ ﻳﺎﺧﻮﻟﻪ ..
ﺧﻮﻟﻪ ﻗﻌﺪﺕ ﺗﺸﺒﺢ ﻟﻌﻴﻮﻧﻪ ﻫﻠﺒﻪ .. ﺑﻌﺪﻳﻦ ﺳﺤﺒﺖ ﺍﻳﺪﻫﺎ ﻭﻃﻠﻌﺖ .. ﻭﺭﻳﺎﺽ ﺑﻌﻴﻮﻧﻪ ﻣﻌﺎﻫﺎ ﻟﻴﻦ ﻃﻠﻌﺖ .. ﺗﻠﻔﺖ ﺑﻐﻀﺐ ﻭﺧﺪﻱ ﺗﻠﻴﻔﻮﻧﻪ ﻭﺍﺗﺼﻞ ...
ﺭﻳﺎﺽ ﺑﻐﻀﺐ : ﻭﻟﻴﺪ ﺗﻌﺎﻟﻰ ﺗﻮﺍ ..
***
ﺍﻟﺴﺎﻋﻪ 11 ﺻﺒﺎﺣﺎ ..
ﻭﺻﻞ ﺍﻟﺤﺴﻦ ﻟﻤﺪﻳﻨﻪ ﻳﺴﻜﻨﻮﺍ ﻓﻴﻬﺎ ﺍﻗﺎﺭﺏ ﺟﺪﻩ ... ﺗﺤﺪﻳﺪﺍ ﺗﻮﺟﻪ ﻟﺤﻮﺵ ﻭﺍﺣﺪ ﻣﻦ ﻭﻻﺩ ﻋﻤﻪ ﺍﻟﻜﺒﺎﺭ ... ﺍﺳﺘﻘﺒﻠﻮﻩ ﺑﺤﻔﺎﻭﺓ ﻭﺑﻌﺪ ﻣﺎﻓﻄﺮﻭﻩ ﻭﻫﺪﺭﺯﻭﺍ ﻉ ﺍﻟﺤﺎﻝ ﻭﺍﻷﺣﻮﺍﻝ ...
ﺍﻟﺤﺴﻦ : ﻋﻤﻲ ﺭﻣﻀﺎﻥ ﻧﺒﻲ ﻧﺴﺄﻟﻚ ﻉ ﺣﺎﺟﻪ ﻣﻤﻜﻦ ﻣﺎﺣﺪ ﻳﻌﺮﻓﻬﺎ ﻏﻴﺮﻙ ..
ﺭﻣﻀﺎﻥ : ﺍﺳﺄﻝ ﻳﺎﻭﻟﺪﻱ ﻭﻛﺎﻥ ﻧﻌﺮﻑ ﺗﻮ ﻧﻘﻮﻝ ...
ﺍﻟﺤﺴﻦ : ﻣﻦ ﻫﻮ ﺳﻴﻒ؟ !!
ﺭﻣﻀﺎﻥ ﻣﻼﻣﺢ ﻭﺟﻬﻪ ﺗﻐﻴﺮﻭﺍ : ﺳﻴﻒ !!
ﺍﻟﺤﺴﻦ : ﻭﺟﻬﻚ ﻳﻘﻮﻝ ﺍﻧﻚ ﺗﻌﺮﻓﻪ ..
ﺭﻣﻀﺎﻥ ﺷﺒﺤﻠﻪ ﻫﻠﺒﻪ ﺑﻌﺪﻳﻦ ﺗﻨﻬﺪ ﻭﻗﺎﻝ : ﺍﻟﻠﻪ ﻳﺮﺣﻤﻪ ..
ﺍﻟﺤﺴﻦ : ﻣﻦ ﻫﻮ؟
ﺭﻣﻀﺎﻥ : ﻳﺎﻭﻟﺪﻱ ﻫﺬﺍ ﻳﻜﻮﻥ ﻭﻟﺪ ﺍﻟﺤﺎﺝ ﻋﻠﻲ ﻣﻦ ﻣﺮﺗﻪ ﺍﻷﻭﻟﻰ ﺭﻗﻴﻪ ..
ﺍﻟﺤﺴﻦ ﺑﺼﺪﻣﻪ : ﻗﺼﺪﻙ ﺧﻮ ﺑﻮﻱ ﺍﻟﺸﻘﻴﻖ ..
ﺭﻣﻀﺎﻥ : ﺍﻳﻪ ﺷﻘﻴﻘﻪ ... ﺑﻌﺪ ﺟﺎﺑﺎﺗﻪ ﺭﻗﻴﻪ ﺗﻌﺒﺖ ﻭﺗﻮﻓﺖ .. ﻭﺟﺪﻙ ﻛﺎﻥ ﻳﺤﺐ ﺭﻗﻴﻪ ﻫﻠﺒﻪ ﻓﻮﻕ ﺍﻟﺤﺪ .. ﺗﻌﺐ ﺑﻌﺪ ﻣﻮﺗﻬﺎ ﻭﻛﺎﻥ ﻧﺎﻓﺮ ﻣﻦ ﺳﻴﻒ ﺍﻟﻠﻪ ﻳﺮﺣﻤﻪ .. ﺧﻼﻩ ﻟﺨﻮﺍﻟﻪ ﻳﺮﺑﻮﻩ .... ﺑﻌﺪ ﻭﻗﺖ ﻟﻤﺎ ﺑﺪﻱ ﺣﺰﻧﻪ ﻳﺨﻒ .. ﻗﻌﺪ ﻳﺰﻭﺭ ﻓﻴﻪ .. ﻭﻛﺎﻥ ﻣﺘﻜﻔﻞ ﺑﻴﻪ ﻭﻫﻮ ﻋﻨﺪ ﺧﻮﺍﻟﻪ .. ﻣﻊ ﺍﻟﺴﻨﻴﻦ ﺳﻴﻒ ﺑﺪﺍ ﻳﻜﺒﺮ ﺗﻌﻮﺩ ﻉ ﺍﻟﻌﻴﺸﻪ ﻣﻌﺎﻫﻢ ﻭﻛﺎﻥ ﻋﻠﻲ ﻛﻞ ﺧﻤﻴﺲ ﻭﺟﻤﻌﻪ ﻳﺎﺧﺪﻩ ﻳﺒﺎﺕ ﻋﻨﺪﻩ .. ﺍﻧﻘﻠﺐ ﺍﻟﻨﻔﻮﺭ ﻟﺤﺐ .. ﺣﺒﻪ ﻭﺗﻌﻠﻖ ﺑﻴﻪ ﻫﻠﺒﻪ ﻭﺣﺘﻰ ﺳﻴﻒ ﺣﺐ ﺑﻮﻩ ﺑﺸﻜﻞ ﻋﺠﻴﺐ .. ﺗﺨﺮﺝ ﻣﻦ ﺍﻟﺜﺎﻧﻮﻳﻪ ﺑﻮﻩ ﺯﻭﺟﻪ ﻃﻮﻝ .. ﻛﺎﻥ ﻋﻨﺪ ﺟﺪﻙ ﻋﻘﻠﻴﻪ ﺍﻧﻪ ﻳﺰﻭﺝ ﺻﻐﺎﺭﻩ ﺑﻜﺮﻱ ... ﺍﻟﻤﻬﻢ ﺑﻌﺪ ﺗﺰﻭﺝ ﻗﻌﺪ ﻣﻌﺎﻩ ... ﺳﻜﺖ
ﺍﻟﺤﺴﻦ ﺑﺬﻫﻮﻝ : ﺑﺎﻫﻲ ... ﺷﻦ ﺻﺎﺭ ﺑﻌﺪﻳﻦ ..
ﺭﻣﻀﺎﻥ : ﺳﻴﻒ ﺧﺶ ﻟﻜﻠﻴﺔ ﺍﻟﺸﺮﻃﻪ ... ﻭﺗﺨﺮﺝ ﻣﻨﻬﺎ ﻭﻻ ﺿﺎﺑﻂ ﻣﻌﺮﻭﻑ ﻣﻊ ﺍﻟﺴﻨﻴﻦ ﻛﺎﻥ ﺻﻴﺘﻪ ﻋﺎﻟﻲ ..
ﺍﻟﺤﺴﻦ ﻣﺼﺪﻭﻡ ﻫﻠﺒﻪ ..
ﺭﻣﻀﺎﻥ : ﻛﺎﻥ ﺿﺎﺑﻂ ﺯﻳﻚ ﺗﻮﺍ ﻓﻲ ﻣﻜﺎﻓﺤﺔ ﺍﻟﻤﺨﺪﺭﺍﺕ ..
ﺍﻟﺤﺴﻦ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺼﺪﻣﻪ ...
ﺭﻣﻀﺎﻥ : ﻭﻓﻲ ﻳﻮﻡ ﺳﻤﻌﻨﺎ ﺑﻴﻪ ﺩﺍﺭ ﺣﺎﺩﺙ ﻫﻮ ﻭﻋﻴﺎﻟﻪ ﻭﺗﻮﻓﻮﺍ ...
ﺍﻟﺤﺴﻦ ﻣﻦ ﻛﺜﺮ ﻣﺎﺗﻔﺎﺟﺄ ﻣﺶ ﻗﺎﺩﺭ ﻳﻌﻠﻖ ﺑﺸﻲ ...
ﺭﻣﻀﺎﻥ : ﺟﺪﻙ ﺗﻌﺐ ﻫﻠﺒﻪ ﻭﺧﺶ ﻓﻲ ﺣﺎﻟﻪ ﻧﻔﺴﻴﻪ ﻗﻌﺪ
ﻳﻌﺎﻟﺞ ﻋﻠﻴﻬﺎ ﺣﺘﻰ ﺍﻟﻌﻼﺝ ... ﻭﺑﺶ ﻃﻠﻊ ﻣﻦ ﺍﻟﺤﺎﻟﻪ ﺍﻟﻠﻲ ﻫﻮ ﻓﻴﻬﺎ ﻧﺒﻪ ﻋﻠﻴﻬﻢ ﺍﻟﺪﻛﺘﻮﺭ ﺍﻟﻠﻲ ﻳﻌﺎﻟﺞ ﻓﻴﻪ .. ﻣﻌﺎﺵ ﻳﺠﻴﺒﻮﺍ ﺳﻴﺮﺗﻪ ﻭﻻﻳﺨﻠﻮﺍ ﺍﻱ ﺷﻲ ﻳﺨﺼﻪ ﻓﺎﻟﺤﻮﺵ ... ﺑﻜﻞ .. ﻭﻓﻌﻼ ﺍﻧﺪﻓﻨﺖ ﺳﻴﺮﺓ ﺳﻴﻒ ﻣﻌﺎﻩ ﻭﻛﺄﻧﻪ ﻣﺎﻛﺎﻥ ... ﺑﺮﻏﻢ ﺍﻥ ﺟﺪﻙ ﻣﺘﺄﻛﺪ ﺍﻧﻪ ﻣﺎﻗﺪﺭﺵ ﻳﺤﻮﻟﻪ ﻣﻦ ﺑﺎﻟﻪ ..
ﺍﻟﺤﺴﻦ ﺑﺼﺪﻣﻪ : ﺑﺎﻩ ﻣﺎﻛﺎﻧﺶ ﻋﻨﺪﻩ ﺻﻐﺎﺭ؟
ﺭﻣﻀﺎﻥ : ﻉ ﺣﺪ ﻋﻠﻤﻲ ﻛﺎﻥ ﻋﻨﺪﻩ ﻭﻟﺪ ﻭﻣﺎﺕ ﻣﻌﺎﻫﻢ ﻓﻲ ﺍﻟﺤﺎﺩﺙ .. ﻣﺎﻧﺠﻴﺒﻠﻚ ﺷﻲ ﻋﻠﻴﻪ ﻻﻥ ﺳﻴﻒ ﺣﺘﻰ ﻣﻨﻴﻦ ﻛﺎﻥ ﻳﺰﻭﺭ ﻓﻴﻨﺎ ﻳﺠﻲ ﻓﻲ ﻣﻬﻤﻪ ﻭﻳﺨﻄﻢ ﻋﻠﻴﻨﺎ ﺧﻄﻮﻡ ..
ﺍﻟﺤﺴﻦ ﺗﻨﻔﺲ ﺑﻌﻤﻖ ...
ﺭﻣﻀﺎﻥ : ﻫﺬﺍ ﻛﻞ ﺍﻟﻠﻲ ﻧﻌﺮﻓﻪ ﻳﺎﻭﻟﺪﻱ ..
ﺍﻟﺤﺴﻦ ﺷﺒﺤﻠﻪ : ﻣﻨﻮ ﻣﻦ ﻋﻴﻠﺘﻲ .. ﻳﻌﺮﻑ ﺑﻘﺼﺘﻪ ..
ﺭﻣﻀﺎﻥ : ﺑﻮﻙ ﻭﺍﺧﺘﻪ ﻋﻔﺎﻑ ﻭﻋﻤﻚ ﻭﻣﺤﻤﺪ ﻭﺑﺮﻧﻴﻪ ﻣﺮﺕ ﺍﻟﺤﺎﺝ ﺍﻟﺘﺎﻧﻴﻪ .. ﻛﺎﻧﺖ ﺗﻌﺰﻩ ﻫﻠﺒﻪ ﻭﺣﺘﻰ ﻫﻮ ...
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﺳﻜﺖ ..
***
ﺑﻌﺪ ﺍﻟﻤﻐﺮﺏ ..
ﺍﻟﻌﻴﻠﻪ ﻣﻠﺘﻤﻪ ﻭﻛﻠﻬﻢ ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ..
ﻣﺤﻤﺪ ﻭﻋﻴﻠﺘﻪ .. ﻋﺎﺑﺪ ﻭﻋﻴﻠﺘﻪ ... ﻋﻠﻲ ﻭﻋﻴﻠﺘﻪ ... ﺳﺮﻣﺪ .. ﺍﻧﻌﺎﻡ .. ﻣﺮﻋﻲ ﻭﺳﺎﺭﻩ .. ﻫﺎﻟﻪ ﻭﺣﺴﺎﻥ ... ﻭﻋﻠﻴﺎ ...
ﺷﻮﻳﻪ ﻭﺧﺶ ﻋﻠﻴﻬﻢ ﺍﻟﺤﺴﻦ ﺍﻟﻠﻲ ﻟﻤﺎ ﺷﺎﻓﺎﺗﻪ ﻋﻠﻴﺎ ﻓﺮﺣﺖ ... ﻛﺎﻧﺖ ﻣﻼﻣﺢ ﻭﺟﻬﻪ ﺑﺎﺩﻱ ﻓﻴﻬﺎ ﺍﻟﻀﻴﻖ ﺑﺲ ﻛﺎﻥ ﻳﺘﺼﻨﻊ ﻓﻲ ﺍﻷﺑﺘﺴﺎﻣﻪ ...
ﺍﻟﺤﺴﻦ : ﺍﻟﺴﻼﻡ ﻋﻠﻴﻜﻢ ..
ﻛﻠﻬﻢ ﺭﺩﻭﺍ ﺑﺎﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻡ ﺍﻟﺤﺴﻦ ﺳﻠﻢ ﻋﻠﻴﻬﻢ ﻭﻟﻤﺎ ﻭﺻﻞ ﻓﻲ ﺑﻮﻩ ..
ﻋﺎﺑﺪ : ﻭﻳﻦ ﻛﻨﺖ ..
ﺍﻟﺤﺴﻦ ﺍﺑﺘﺴﻢ : ﻣﻬﻤﻪ ..
ﻋﺎﺑﺪ ﻫﺰ ﺭﺍﺳﻪ ﺑﺈﻳﺠﺎﺏ ..
ﺍﻟﺤﺴﻦ ﺳﻠﻢ ﻉ ﺍﻣﻪ ﻭﺍﻟﺒﺎﻗﻲ ..
ﺳﺮﻣﺪ : ﺗﻌﺎﻟﻰ ﻗﻌﻤﺰ ﻫﻨﻲ .. ﻣﺸﻲ ﻗﻌﻤﺰ ﺑﻴﻦ ﺳﺮﻣﺪ ﻭﺑﻮﻩ .. ﻭﻗﻌﺪﻭﺍ ﻳﻬﺪﺭﺯﻭﺍ ... ﺍﻟﺤﺴﻦ ﻛﺎﻥ ﻳﺸﻮﻑ ﻟﺒﻮﻩ ﻭﻋﻤﺎﻣﻪ ﻭﻋﻘﻠﻪ ﻣﻊ ﻋﻤﻪ ﺳﻴﻒ .. ﺍﻭ ﺯﻱ ﻣﺎﻫﻮ ﻋﺎﺭﻑ ..
ﻓﻲ ﺣﺪ ﺗﺎﻧﻲ ﻛﺎﻥ ﻳﻮﺯﻉ ﻓﻲ ﻧﻈﺮﻩ ﻋﻠﻴﻬﻢ ﻛﻠﻬﻢ .. ﺳﺮﻣﺪ .. ﺍﻟﺤﺴﻦ .. ﻋﺎﺑﺪ .. ﻣﺤﻤﺪ ...
ﺭﻳﺤﺎﻧﻪ ﻛﺎﻧﺖ ﺗﺸﺒﺤﻠﻬﻢ ﻭﺗﺬﻛﺮ ﻓﻲ ﻛﻼﻡ ﻣﻨﺬﺭ ...
ﻓﻼﺵ ﺑﺎﻙ ..
ﺭﻳﺤﺎﻧﻪ ﺑﺼﺪﻣﻪ : ﺍﻧﺖ ﺷﻦ ﺗﺨﺮﻑ ..
ﻣﻨﺬﺭ : ﺭﻳﺤﺎﻧﻪ ﻋﺎﺭﻑ ﺍﻟﻠﻲ ﻗﻠﺘﻪ ﺻﻌﺐ ﺗﺴﺘﻮﻋﺒﻴﻪ .. ﺑﺲ ﻣﺎﻓﻴﺶ ﻏﻴﺮ ﻫﺎﻟﺘﻔﺴﻴﺮ .. ﻛﺒﻴﺮﻧﺎ ﻛﺎﻥ ﺣﺮﻳﺺ ﻉ ﺭﻭﺡ ﻭﻟﺪ ﻋﻤﻚ ﻫﻠﺒﻪ .. ﻭﻛﺎﻥ ﻳﺘﻐﺎﺿﻰ ﻉ ﺍﻱ ﺧﺴﺎﺭﻩ ﻧﺨﺴﺮﻭﻫﺎ ﺑﺴﺒﺒﻪ .. ﻋﻨﺪﻙ ﻋﻠﻢ ﺍﻟﺤﺴﻦ ﻟﻤﺎ ﺍﻧﺼﺎﺏ ﺍﺧﺮ ﻣﺮﻩ ﺍﻧﻲ ﺿﺮﺑﺘﻪ ...
ﺭﻳﺤﺎﻧﻪ ﺑﺼﺪﻣﻪ ﺷﺪﻳﺪﻩ : ﺷﻨﻮﻭﻭﻭ !!!
ﻣﻨﺬﺭ : ﺍﻳﻪ .. ﺗﻌﺮﻓﻲ ﺷﻦ ﺻﺎﺭ ﻓﻴﺎ ﺑﻌﺪﻫﺎ ﺍﻟﺬﺭﺍﻉ ﺍﻟﻴﻤﻴﻦ ﻟﻠﻜﺒﻴﺮ ﻣﺘﺎﻋﻨﺎ ﻭﺍﻟﻠﻲ ﻣﺴﻜﻨﺎ ﻣﻦ ﺑﻌﺪﻩ .. ﻋﺬﺑﻨﻲ ﺗﻼﺗﻪ ﺍﻳﺎﻡ
ﺭﻳﺤﺎﻧﻪ ﻗﺮﻳﺐ ﺗﻤﻮﺕ ﻣﻦ ﺍﻟﻠﻲ ﺗﺴﻤﻊ ﻓﻴﻪ ﻣﺶ ﻣﺴﺘﻮﻋﺒﻪ ﺷﻲ
ﺭﻳﺤﺎﻧﻪ ﺷﺒﺤﺘﻠﻪ : ﺷﻦ ﻋﺮﻓﻨﻲ ﺍﻥ ﺍﻟﻠﻲ ﺗﻘﻮﻝ ﻓﻴﻪ ﻣﺶ ﻛﺬﺏ ﺍﻭ ﺣﻴﻠﻪ ﻣﻨﻚ .. ﻭﺍﺣﺪ ﺯﻳﻚ ﻣﺴﺘﺤﻴﻞ ﻧﻮﺛﻖ ﻓﻜﻼﻣﻪ ..
ﻣﻨﺬﺭ : ﻋﻨﺪﻙ ﺣﻖ ... ﺑﺲ ﺃﺳﺄﻟﻲ ﻧﻔﺴﻚ ﺷﻦ ﺣﻨﺴﺘﻔﻴﺪ ... ﺑﺎﻟﻌﻜﺲ ﺣﻨﻨﻀﺮ ﺍﻧﻲ ﺍﻭﻝ ﻭﺍﺣﺪ ..
ﺭﻳﺤﺎﻧﻪ ﺣﻄﺖ ﺍﻳﺪﻫﺎ ﻉ ﺟﺒﻬﺘﻬﺎ : ﻋﻘﻠﻲ ﺣﻴﻨﻔﺠﺮ
ﻣﻨﺬﺭ ﻳﺸﺒﺤﻠﻬﺎ ﻭﺳﻜﺖ ..
ﺭﻳﺤﺎﻧﻪ ﻏﻤﻀﺖ ﻋﻴﻮﻧﻬﺎ .. ﻭﺣﻄﺖ ﺍﻳﺪﻫﺎ ﻉ ﻓﻤﻬﺎ : ﺍﻧﺖ ﻋﺎﺭﻑ ﺷﻦ ﻗﻠﺘﻠﻲ ﺗﻮﺍ .. ﺍﻧﺖ ﻗﻠﺘﻠﻲ ﺍﻥ ﻋﻴﻠﺘﻲ ﺍﻛﺒﺮ ﻋﺼﺎﺑﻪ ﻣﺎﻓﻴﺎ ﻓﻲ ﺍﻟﺒﻼﺩ .. ﻣﺠﺎﺭﻡ ... ﺣﻘﺮﺍﺀ ..
ﻣﻨﺬﺭ : ﺍﻧﻲ ﻣﺶ ﻋﺎﺭﻑ ﻣﻨﻮ ﺑﺎﻟﺰﺑﻂ .. ﻳﺠﻮﺯ ﺍﻗﺎﺭﺏ ﻟﻴﻜﻢ ﻣﻦ ﺑﻌﻴﺪ ..
ﺭﺑﺤﺎﻧﻪ ﺷﺒﺤﺘﻠﻪ : ﻛﻴﻒ ﺍﻗﺎﺭﺏ ﻣﻦ ﺑﻌﻴﺪ ﻣﻦ ﺑﻴﻜﻮﻥ ﺣﺮﻳﺺ ﻉ ﺭﻭﺡ ﺍﻟﺤﺴﻦ ﺍﻛﺜﺮ ﻣﻦ ﻋﻴﻠﺘﻪ ﺍﻟﻤﻘﺮﺑﻪ ... ﺍﺍﺍﺍﺍﻩ ﻳﺎﺭﺑﻲ ..
ﻣﻨﺬﺭ : ﻣﺎﻓﻲ ﺷﻲ ﻳﺜﺒﺖ ..
ﺭﻳﺤﺎﻧﻪ ﺗﺸﺒﺢ ﺍﻟﻘﺪﺍﻡ ﻭﺳﺎﻛﺘﻪ ..
ﻣﻨﺬﺭ : ﺍﻧﻲ ﺗﻜﻠﻤﺖ ﻣﻌﺎﻙ ﺍﻧﺘﻲ ﺑﺎﻟﺬﺍﺕ ﻣﺶ ﺑﺲ ﻷﻧﻚ ﻣﻦ ﻧﻔﺲ ﺍﻟﻌﻴﻠﻪ ﻭﺭﺩﻱ ﺑﺎﻟﻚ ﺍﻇﻨﻲ ﺍﻥ ﺧﻄﻄﺖ ﺍﻧﻲ ﻧﻮﺻﻠﻚ ﻟﻬﺎﻟﺴﺒﺐ .. ﻭﺍﻟﻠﻪ ﻭﺍﻭﻝ ﻣﺮﻩ ﻧﺤﻠﻒ ﺑﺎﻟﻠﻪ ﺻﺎﺩﻕ .. ﻣﺎﻛﺎﻥ ﻫﺬﺍ ﻗﺼﺪﻱ ﺑﻜﻞ .. ﺑﺲ ﺗﻮﺍ ﺣﺴﻤﺖ ﺍﻣﺮﻱ ﻭﻓﺘﺤﺖ ﻣﻌﺎﻙ ﻫﺎﻟﻤﻮﺿﻮﻉ .. ﻷﻧﻲ ﻗﺮﺭﺕ ﻧﺴﻠﻢ ﻧﻔﺴﻲ ..
ﺭﻳﺤﺎﻧﻪ ﺷﺒﺤﺘﻠﻪ ..
ﻣﻨﺬﺭ : ﺑﺲ ﻻﺯﻡ ﺧﻄﻮﻩ ﺯﻱ ﻫﺎﺩﻱ ﻣﺎﻧﺪﻳﺮﻫﺎﺵ ﺇﻻ ﺑﻌﺪ ﻣﺎﻧﻜﺸﻔﻬﻢ ﻛﻠﻬﻢ ... ﺑﺎﻟﺬﺍﺕ ﺍﻟﻜﻮﺑﺮﺍ ..
ﺭﻳﺤﺎﻧﻪ ﺿﻴﻘﺖ ﻋﻴﻮﻧﻬﺎ : ﺍﻟﻜﻮﺑﺮﺍ ..
ﻣﻨﺬﺭ ﺑﻐﻞ : ﻫﺬﺍ ﻭﺍﺣﺪ ﺷﻴﻄﺎﻥ ﻣﺠﺮﻡ ﻣﺎﻓﻴﺶ ﻓﻘﻠﺒﻪ ﺍﻟﺮﺣﻤﻪ ﺍﻟﻠﻲ ﻳﻮﻗﻒ ﻓﻲ ﻃﺮﻳﻘﻪ ﺣﻴﺤﺮﻕ ﺭﻭﺣﻪ ... ﻣﻦ ﻗﺘﻞ ﺍﻟﻀﺎﺑﻂ ﻫﻼﻝ !! ﻭﺣﺘﻰ ﺍﻟﻔﻬﺪ ﻫﻮ ﻗﺎﺗﻠﻪ ﻣﺘﺄﻛﺪ .. ﻭﺑﻨﺖ ﺍﻟﺒﻲ ﻭﺭﺍﺟﻠﻬﺎ .. ﻭﺍﻻﻧﻔﺠﺎﺭﺍﺕ ﺍﻷﺧﻴﺮﻩ ﺍﻟﻠﻲ ﺻﺎﺭﺕ ..
ﺭﻳﺤﺎﻧﻪ ﻏﻤﻀﺖ ﻋﻴﻮﻧﻬﺎ ﺑﺸﺪﻩ : ﺍﺭﺟﻮﻙ ﺍﺳﻜﺖ .. ﻓﺘﺤﺖ ﻋﻴﻮﻧﻬﺎ .. ﺍﻧﻲ ﻣﺶ ﻣﺴﺘﻮﻋﺒﻪ .. ﻣﻌﻘﻮﻟﻪ ﺍﻟﻠﻲ ﺩﺍﻳﺮ ﻫﺬﺍ ﻛﻠﻪ .. ﻣﻤﻜﻦ ﻳﻜﻮﻥ ﺑﻮﻱ ... ﺍﻭ ﻭﺍﺣﺪ ﻣﻦ ﻋﻤﺎﻣﻲ !!!.. ﻳﺎﺍﺍﺍﺭﺑﻲ ﺭﺣﻤﺘﻚ .. ﻭﻧﺰﻟﻮﺍ ﺩﻣﻮﻋﻬﺎ ..
ﻣﻨﺬﺭ ﻗﻠﺒﻪ ﺍﻧﻌﺼﺮ ﻟﻤﺎ ﺷﺎﻑ ﺩﻣﻮﻋﻬﺎ : ﺍﺳﻒ ﺳﺎﻣﺤﻴﻨﻲ .. ﺭﻳﺤﺎﻧﻪ ...
ﺭﻳﺤﺎﻧﻪ ﻏﻤﻀﺖ ﻋﻴﻮﻧﻬﺎ ﻭﺯﻓﺮﺕ ﺑﻘﻮﻩ .. ﻣﺴﺤﺖ ﺩﻣﻮﻋﻬﺎ ﻭﻧﺎﺿﺖ .. ﻧﺎﺽ ﻣﻨﺬﺭ ﻣﻌﺎﻫﺎ ...
ﺭﻳﺤﺎﻧﻪ ﺷﺒﺤﺘﻠﻪ : ﺍﺳﻤﻊ ... ﺍﻧﻲ ﺣﻨﺤﺎﻭﻝ ﻧﻌﺮﻑ ﻛﻞ ﺷﻲ .
ﻣﻨﺬﺭ ﺑﺨﻮﻑ : ﺭﻳﺤﺎﻧﻪ .. ﺭﻩ ﺍﻟﺤﻜﺎﻳﻪ ﺧﻄﻴﺮﻩ ﻓﻮﻕ ﻣﺎﺗﺘﺼﻮﺭﻱ ..
ﺭﻳﺤﺎﻧﻪ : ﻋﺎﺭﻓﻪ .. ﺑﺲ ﺍﻧﻲ ﻣﺴﺘﺤﻴﻞ ﻧﻌﺮﻑ ﺷﻲ ﺯﻱ ﻫﺬﺍ ﻭﻧﺪﻳﺮ ﺭﻭﺣﻲ ﻣﺎﻋﺮﻓﺘﺶ ﻓﻲ ﻧﺎﺱ ﻫﻠﺒﻪ ﻣﺎﺗﺖ ﻭﻗﺎﻋﺪﻩ ﺗﻤﻮﺕ ﻣﻤﻜﻦ ﻏﺪﻭﺓ ﺧﻮﻱ .. ﺍﻣﻲ .. ﻣﻤﻜﻦ ﺑﻨﺎﺕ ﻋﻤﻲ ﻣﻤﻜﻦ ﻭﻻﺩ ﻋﻤﻲ . ﻧﺎﺱ ﺑﺮﻳﺌﻪ ﻣﺎﻟﻴﻬﺎﺵ ﺫﻧﺐ ﺍﻧﻲ ﻟﻮ ﺩﺭﺕ ﺭﻭﺣﻲ ﻋﻤﻴﺎ ﺣﻀﻴﻊ ﻫﻠﺒﻪ ﺭﻭﺍﺡ ﻭﻧﺒﺪﺍ ﺍﻧﻲ ﻣﺸﺎﺭﻛﻪ ﻓﻬﺎﻟﺠﺮﺍﻳﻢ .
ﻣﻨﺬﺭ ﺑﺨﻮﻑ ﺷﺪﻳﺪ : ﺷﻦ ﺑﺪﻳﺮﻱ ﺍﻧﺘﻲ ..
ﺭﻳﺤﺎﻧﻪ ﺑﺈﺑﺘﺴﺎﻣﻪ : ﺍﻧﻲ ﺷﺨﺺ ﻏﻴﺮ ﻣﻠﺤﻮﻅ ﻓﻲ ﺍﻟﻌﻴﻠﻪ ﺑﺴﻴﻄﻪ ﻑ ﻧﻈﺮﻫﻢ ﻫﻠﺒﻪ ﻟﺬﻟﻚ .. ﻣﺶ ﺣﻴﺸﻜﻮﺍ ﻓﻴﺎ ...
ﻣﻨﺬﺭﺑﺄﺑﺘﺴﺎﻣﻪ : ﻃﻠﻌﺘﻲ ﻣﺶ ﺳﺎﻫﻠﻪ ﻳﺎﺟﺮﻭﺓ ..
ﺭﻳﺤﺎﻧﻪ ﺑﻀﺤﻜﻪ : ﻟﻮ ﻛﻨﺖ ﺳﺎﻫﻠﻪ ﻛﻨﺖ ﺧﻠﻴﺖ ﺗﺎﺟﺮ ﻣﺨﺪﺭﺍﺕ ﻳﻄﻴﺢ ﻓﻐﺮﺍﻣﻲ !
ﻣﻨﺬﺭ ﺑﺮﻓﻌﺔ ﺣﺎﺟﺐ : ﻳﻄﻴﺢ ﻓﻐﺮﺍﻣﻚ ..!! ﺻﺪﻗﺘﻲ ﺭﻭﺣﻚ ﻫﻠﺒﻪ ..
ﺭﻳﺤﺎﻧﻪ ﺧﺪﺕ ﺷﻨﻄﺘﻬﺎ ﻭﻫﻲ ﺗﻀﺤﻚ : ﺳﻼﻡ ... ﻭﻣﺸﺖ ﻭﻫﻮ ﻳﺸﺒﺤﻠﻬﺎ ... ﺍﻟﻔﺘﺖ ﺍﺑﺘﺴﻤﺘﻠﻪ ﻭﻟﻔﺖ ﻭﺟﻬﻬﺎ ﻭﻛﻤﻠﺖ ﻣﺸﻲ ﻟﻴﻦ ﺍﺧﺘﻔﺖ ﻣﻦ ﻗﺪﺍﻣﻪ ..
ﺍﻟﻮﻗﺖ ﺍﻟﺤﺎﺿﺮ ..
ﺭﻳﺤﺎﻧﻪ .. ﺭﻳﺤﺎﻧﻪ ..
ﺭﻳﺤﺎﻧﻪ ﺍﺳﺘﺎﻗﻀﺖ ﻭﺷﺒﺤﺖ ﻷﻣﻬﺎ : ﻧﻌﻢ ...
ﻓﺎﻃﻤﻪ : ﻭﻳﻦ ﺳﺮﺣﺘﻲ ﻋﻤﻚ ﺳﺮﻣﺪ ﻳﻜﻠﻢ ﻓﻴﻚ ..
ﺭﻳﺤﺎﻧﻪ ﺷﺒﺤﺖ ﻟﺴﺮﻣﺪ ﺑﺈﺑﺘﺴﺎﻣﻪ : ﺷﻨﻮ ﻋﻤﻮ ..
ﺳﺮﻣﺪ ﺑﻀﺤﻜﻪ : ﻧﺒﻲ ﺑﺴﺒﻮﺳﻪ ..
ﺭﻳﺤﺎﻧﻪ ﻧﺎﺿﺖ ﻃﻮﻝ : ﻣﻦ ﻋﻴﻮﻧﻲ ..
ﺳﺮﻣﺪ ﺑﺄﺑﺘﺴﺎﻣﻪ : ﻳﺴﻠﻤﻮﻟﻲ ..
ﺿﺤﻜﺖ ﻭﻫﻲ ﻃﺎﻟﻌﻪ ﻣﻦ ﺍﻟﺼﺎﻟﻪ ..
ﺳﺮﻣﺪ : ﻉ ﺍﻟﺮﻳﺤﻪ ..
ﺍﻟﺘﻔﺘﺖ : ﻳﺎﺍﺍﺍﺍﺍﻩ ﻗﺪﺍﺵ ﻟﻴﺎ ﻣﺎﺳﻤﻌﺘﻬﺎ ...
ﻛﻠﻬﻢ ﺿﺤﻜﻮﺍ ...
ﻓﺎﻃﻤﻪ : ﻛﻨﺖ ﻣﺎﺗﻨﺪﻳﻠﻬﺎ ﺍﻻ ﺑﻴﻪ ...
ﺳﺮﻣﺪ ﺍﺑﺘﺴﻢ : ﺩﻳﺮﻳﻬﺎ ﺑﺎﻟﻘﺸﻄﻪ ..
ﺭﻳﺤﺎﻧﻪ ﺍﺑﺘﺴﻤﺖ : ﺣﺎﺿﺮ ... ﻭﻣﺸﺖ ..
ﺳﺮﻣﺪ " ﻛﺎﻥ ﻧﻌﺮﻑ ﺷﻦ ﻓﻲ ﺑﻴﻨﻚ ﻭﺑﻴﻦ ﻣﻨﺬﺭ ﻭﻛﺎﻥ ﻳﻄﻠﻊ ﻳﻀﺤﻚ ﻋﻠﻴﻚ ﺭﻭﺣﻪ ﻧﺠﺒﺪﻫﺎ "
... ﻳﺘﺒﻊ
