#الحسن
#جمان_فريد
الجزء السابع💓
الجية ع غفله وقاموا بواجبنا ع أحسن وجه
برنيه وهي تعلق في جرد علي:شن دارولكم العشي..
علي: كسكسي بالوطني زي العسل ومعاه مبطن..
برنيه : ماشاء الله
علي : وغدوة العزومه عندنا عشي..
برنيه: هههههههه قلتها مادام عشاك حتردهاله هذا علاش بيت الكناين حتى الليله..
علي : هههههههه
***
جعفر: حسيت روحي تريحت..
زينب: ايه والله لاعاد في بينا وبين حد مشاكل ولاعداوة
جعفر"ولدك اكبر عدو":الحمد لله..
....
اميرة : قصدك الحسن الصادق جي لحوشنا اليوم!!امس نشوف سرمد واليوم الحسن يجينا للحوش
مديحه: هههههههههه خسارة هذا ماقدرتيش تاخديله صورة..
اميره بأسف: خاطري نشوف شكله ع قد مانسمع عليه..
مديحه : عليا وين..
اميرة: ماندريش عليها ...وخشت سريرها وتغطت...
...
عليا : ايه حبيبي تصالحوا خلاص
منصف: احسن هكي الواحد راسه يرتاح...
عليا: اهو هم وانزاح ..
منصف: عليا..
عليا:نعم..
منصف: ينعم عليك ياقلبي ..نجيك غدوة الكليه..
عليا : امممممم..
منصف: هههههههه حرام عليك ماتسكريهاش في وجهي ..
عليا بضحكه: تصدق سخفتني ...تمام تعالى مع 11
منصف: ياريت قلبك يسخف عليا وتقنعي خالي يقدم الموعد
عليا: ههههههههه خلاص استسلم الموعد مش حيتغير بتاتا
منصف: تي باه باه تو يبانلك...
عليا:😳
***
الحسن: احتمال مش بعيد..
سرمد : قصدك انت اقتنعت ان الدواعش داروها...
الحسن: كل شي وارد المسعودي ياما دار فيهم..
سرمد مط شواربه بإستغراب...
الحسن: الزفت اللي سماه حسان ماعرفش وين كان
سرمد تنهد: في استراحة واحد من ولاد الكبوات وسهراتهم كلها حمراء..
الحسن: مسخ الفرخ هذا...
سرمد: لكن مافيش مخدرات...شرب وبنات ليل واللي عرفته ان اللي يجيبوها لازم يديرولها فحص شامل..
الحسن بتهكم:هو هكي طاهر من ذنب الزنا ؟!
سرمد: ع الأقل ماتصيباش امراض ..لعل يجي يوم وربك يهديه...
الحسن: إن شاء الله يهديه قبل لنرتكب فيه جريمه...
***
اطمنت ع بوها رقد وكالعاده في كل ليله تسهر ع تكييس الطعميه ..تكملها وتلحق ترقد ساعتين يأذن الفجر تنوض تصلي وتبدا بالفطيرة...
هاله: تمام بإذن الله غدوة تكون عندك .....تمام...السلام عليكم...
تكيس وبحداها المصحف مفتوح وتسمع:"آلم ◇غلبت الروم في أدنى الأرض وهم من بعد غلبهم سيغلبون"
***
"ربنا لاتؤاخذنا إن نسينا أو اخطأنا ربنا ولاتحمل علينا اصرا كما حملته على الذين من قبلنا ربنا ولاتحملنا مالاطاقة لنا به واعف عنا واغفر لنا وارحمنا أنت مولانا فأنصرنا ع القوم الكافرين"
ابتسام بفرحه: الحمد لله...
طقطق
ابتسام: تفضل ..خش عبدالقدوس..
عبدالقدوس: غدوة الختمه .
ابتسام بإبتسامه : ايه..
عبدالقدوس: وماتقوليش يابابا
ابتسام بضحكه ناضلته: عارفتك شن بدير
عبدالقدوس: كان ما أحتفلتش بمناسبه زي هادي بشنو نحتفل
ابتسام: اني حندير حفله في الخلوةبسيطه ..انت لو تبي تحتفل بيا حق دير صدقة عني وعنك...
عبدالقدوس ابتسم: حتى هذا راي...حاضر..وباس راسها...الحاجه الحلوة الوحيدة اللي طلعت بيها من الدنيا انتي يابابا
ابتسام: ربي مايحرمني منك ياروح بنتك ..وباست راسه..
***
صباح اليوم التالي
يضموا وينفضوا ويقلبوا فالصالة الرجاليه...وعيونهم شبه مغمضات..
جنان: مش ساد هدان الحيل اللي أمس في دار الخزين..
هدى: الله يسامحك ياخالي...
سارة: ضموا واسكتوا خلاص راسي صدع...
انعام تصفق بإيدها: هيا فكونا من القطاف وخلونا نكملوا بسرعه ورانا عواله عشيي...
ميسون: واااااااااااااااااااك...
"ميسوووووووون"
كلهم:😨😨😨😨😨😨
برا...
سرمد :ركبتلهم الرعب
الحسن: الاناتي لو تحللهم يديروا العار..
سرمد: عليك عقليه عقليتك ياولد خوي...الحسن: اني ماشي للمركز حنروح ع العشي ..
سرمد هز راسه بإيجاب...
***
عليا: وروحوا بعد العشي طول..
نرجس: الحمد لله ...
ابتسام : ربي يصلح ذات البين ويألف بين القلوب في كل مكان في هالبلاد...
عليا ونرجس: آاااامين..
عليا بإبتسامه: اليوم الختمه...
ابتسام بضحكه: ايه..
نرجس: عطاك ربي ..
رن تليفون عليا ابتسمت وناضت : نستأذنكم
ابتسام ونرجس ابتسموا..
عليا وهي ماشيه ردت ع تليفونها: وينك حبيبي..
منصف : ياروح حبيبك..تلقيني في المقاعد القدام..
عليا بضحكه: جاياتك...وصكرت..هي ماشيه خطم من جنبها بلال...ماشي ويوزع في نظره ع المكان...ويدور في ابتسام لين لقاها ابتسم وقدم وقعمز في تركينه قريب عليها وكالعاده يراقب فيها...💗
...
مقعمزة جنب خطيبها ويتبادلوا في نظرات الحب...
منصف : تعرفي ياعليا انتي اغلى شي عندي في الدنيا كلها..نحبك بجنون ومانحبش حد زيك ..
عليا: حتى اني نحبك هلبه يامنصف..
منصف شبحلها: لو جي يوم وغلطتت معاك شن ديري..
عليا ابتسمت: حنزعل منك فترة وبعدها اكيد حنسامحك..
منصف: مهما درت؟
عليا: انت حبيبي وحتكون شريك عمري لازم اني وياك نفوتوا لبعض الزلات..الأنسان خطاء..بعدين قولي شن مفكر تغلط فيا من توا
منصف بضحكه تخفي غصة ندم: لا ياعمري غير الواحد مايعرفش شن يصير بعدين..شبح لأيدها..ماتحوليش فيها بكل؟
عليا شبحت لإيدها: نهائي...ايه حقه جبتلي اللي قتلك عليه.
ضحك منصف وطلع من شنطته شيشة عطره...
عليا خدتها فتحتها وشمتها وغمضت عيونها...ومنصف قريب هبل من حركتها💓💓💓
منصف: تعذبي فيا هلبه ياعليا..
عليا : ههههههههههه
منصف : اضحكي اضحكي...
عليا طلعت من شنطتها بلوفر ليها وعطتهوله: كل ماتسافر ارفعه معاك...
منصف قعد يشبح للبلوفر وعيونه تعبوا دموع خداه وقعد يشم فيه وباسه : والله نعشقك ياعليا 💓💓
عليا بضحكه: عارفه💗
"صوت تصفيق يصدح في المكان👏"
تلفتوا علياو منصف وانصدموا باللي مقعمز ع رخامه مقابلتهم بمسافه...
عليا ملامحها تبدلوا لملامح كره..ومنصف نظرته ولت حاده
ناض منذر وقدم: فيلم رومانسي ...ردييييء...واني نحب الرداءة..ههههههههه
عليا: مافي حد رديء غيرك هنايا..
منذر شبح لمنصف ورفع حواجبه: متأكده...
عليا: منذر اقلب وجهك..
منذر: حنقلبه وجهي يابنت بوك..لكن نصيحه اخ لأخته..افتحي عيونك وماتخليش الكلام المعسول يغرك..اشر بسبابته ع راسه...نعرفك فطينه...
عليا: شن قصدك..
شبح لمنصف وضحك بتهكم ولف ومشي..وفي نص الطريق تلفت...ريلااااا...سلمي ع بوك ..ولف وهو يضحك ومشي...
عليا التفتت لمنصف اللي كان يهز في رجله..
عليا: خيرك منصف..مادوراش هذا واحد همه كله يشوفنا في مشاكل ومش مرتاحين..
منصف: عارفه ياقلبي..بس مش عارف امتى نخلصوا منه..
عليا: ربي ياخده ويفكنا منه..
منصف : آاامين..
...
هيا نرجوسه..
نرجس: هيا..
وهما ماشيات جت عين ابتسام في عين بلال تلخبطتت..لفت وجهها عنه...
بلال ناض وقدملها..
نرجس : هذا جايينا...
ابتسام شدتها: هيا نمشوا 😳
بلاال وقف قدامهم: مرحبا..
ابتسام وجهها احمر: شن تبي..
بلال بإبتسامه: نبي نطمن عليك..
نرجس: منو هذا ابتسام..
بلال: احمم معاك ولد القاضي بلال
ياما قاطع سهول وجبال
وف عقلي فايت جيلي بأجيال..
واللي يعرفني نسياني عنده محال..
ابتسام ماقدرتش تشد ضحكتها ونرجس حتى هيا...
نرجس: زورو...
بلال بضحكه: تقدري تقولي هكي...
ابتسام: خلاص وانت استانست هيا نرجس...
ومشوا وبلال عيونه معاها وقال:ربي يبارلك في حفظك لكتابه"
ابتسام قعدت ماشيه مع نرجس ومبتسمه وجهها أحمر
نرجس بضحكه: بسبس شن قصته قوليلي حتى من وجهك مولي الوان الطيف وهو يكلم فيك..
ابتسام بربكه: مولي عينك..اسكتي احسن😳😑
نرجس:😂..
***
عطت الزبونه طلبيتها بعد مااتفقت هيا وياها يتلاقوا في حديقه عامه...كانت مدايرة فيها ثلاجه البحر وحاطه فيها الأكياس ويجوها الزباين وتسلمهم في طلبياتهم..وهي موليه للثلاجه..
هاله....هاله..
التفتت هاله متفاجأة: نعم تفضل...
خالد: نبي ناخد من وقتك شويه...
هاله: تفضل وياريت ماطولش...
خالد وعيونه لوطا: هاله اني ناوي نكمل نص ديني واخترتك انتي ...
هاله:😳
خالد: إنسانه محترمه وخلوقه وباره بوالدك..وقادة روحك..اني نبي نصونك ونحط بوك في عيوني ياهاله..
هاله مش عارفه شن تقول..
خالد: فكري ع راحتك وحنجي كل ماتجي هني..ونهار توصلي لقرار كلميني..
هاله هزت راسها بإيجاب..هو ابتسم بإرتياح ومشي..وهي مصدومه ومش مصدقه..
خالد معيد يقري في كليه هاله كليه اللغات..معجب بيها هلبه وسأل عليها وعرف عنها كل شي وقرر يتربط بيها ..شاب حالته الماديه متوسطه وخدام ع راسه...
في هالوقت هاله تشوف في اكياس الطعميه..ع خطمة سيارة صوت الموسيقى فيها قريب يقلع الدنيا..
هاله تشبح للاكياس: الله المستعان..
في السياره...
رامي: شن رايك فيها..
حسان: ذوقك مولي زباله...
رامي: واضح عليها محتاجه وحاجه نظيفه بدال هالتقعميزة هادي تاخدلها مبلغ محترم وتعيش ملكه وتعطيني امتى مانبي..
حسان : دير رايك...
نزل رامي من السياره وقدملها: شن جو...
قامت عيونها هاله فيه بنظرة حاده وولت تشوف للثلاجه...
رامي وهو يمضع في المستكه وعيونه في الثلاجه: تبيعي في طعميه...
هاله ماتبيش ترد..
رامي قدم: قداش اطلعلك ..ماظنيش تفوت 200دينار..
هاله بدت تضايق هلبه ولفت وجهها للجهه التانيه..
رامي : واللي يعطيك 2000يوميا...
هاله عصبت وناضت: شن تبي ..
رامي بإبتسامه خبيثه: نبيك انتي ..
هاله بدون تردد عطاته كف خلت وذنه تشرين..
هاله: امشي اقلب وجهك يانجس ياقذر..
رامي : ياحقيره وجي بيرده ايد شد ايده...
حسان وهو شاده: قتلك فوتها..
رامي: خليني عليها حشرة زي هادي نوريها حجمها..
هاله: انت اللي حشرة..وذبانه يخي برا دورلك مكب يناسبك..
رامي: يا#@&€£..
هاله: نجس..
حسان جبده: هيا تعالى فوت امها...ريت هالمنظر ..
هاله جرحتها الكلمه سكتت....
رامي لاحظ: هههع عندك حق مافي شي يقول انها انثى غير اني حبيت ندير فيها خير ونعوضها ع هالنقص...
هاله شاده دموعها...
حسان خداه وركبوا السيارة...
رامي: عيشه رااااجل...ههههههههع..
حسان قعد يشبحلها وتحرك طول...
هاله قعمزت ودموعها بدت تنزل ..مهما كان البنت لما تنجرح في انوثتها غصب عنها تهتز ثقتها بنفسها...يابال لو كانت هاله اللي الظروف اجبرتها انها تتخلا عن انوثتها بش تعيش وتعيش بوها..💔
***
يتفرج ع صورة في ايده وعيونه تقدح شرار...
آدم: طبيعي يديروا هكي..
الحسن: قطعوه تقطيع..يبوا يبعتوا رساله لحد معين
آدم: زي مني...
الحسن شبحله وبعدين رجع شبح للصورة: طلع العناصر الموقوفين..وعيونكم عليهم ياآدم...
آدم مستغرب: تم يافندي..
رن تليفون الحسن رد:اهلا نجاة.....الحمد لله وانتي.....تمام بكل ...تمام...يصير خير...السلام عليكم..
***
في حوش الحاج علي..
كانوا النساوين والبنات يعولوا ع عزومة الليله البنات يقلبوا في الحوش والنساوين لاهيين بالعشي...
خوله كانت توتي في المفروم بدير امبطن...رن تليفونها اللي كان محطوط في الدولاب ناضت غسلت ايدها..وخدت تليفونها انصدمت ووجهها انخطف لونه..مابتش ترد..وصلتها رساله...(درتيها ورفعتي قضيه ...تمام ياخوله)
خولة مصدومه ومش عارفه شي عن موضوع القضيه طلعت من بحداهم وعيون امها معاها...
طلعت خوله للجنان واتصلت بالحسن رد:الحسن ..شن قصة القضيه...
الحسن: رفعنا ع هذاكا الكلب قضيه طلاق..
خوله: بعتلي رساله تهديد ..
الحسن: يهدد ولا يتقربع ولا ادوريه ...مشحيوصل فيك بحاجه..اني من بعد ربي في ظهرك ماتخافيش..
خوله اطمنت وابتسمت: ربي يطول في عمرك ياغالي .
الحسن: هيا توا بري عاونيهم نبوا حاجه تشرف زي ماتعودنا..
خوله : اكيد وخيي...في أمان الله ...وصكرت..تنهدت بأرتياح وولت للمطبخ...
***
الساعه 8:00مساءا...
جعفر في الباب: هيا سقدوا ارواحكم..
عليا وهي تلبس في كندرتها: هيا بابا...طلعت عليا ولحقتها امها وشويه لحقوا اميرة ومديحه..
زينب: مش ملحق مصعب..
جعفر: عنده خدمه في الورشه...
زينب هزت راسها بإيجاب ..ركبوا السيارة وتوكلوا لحوش علي الصادق....
***
برنيه : كل شيلكم واتي..
وسيله: ايه ياعمتي...
...
سرمد: صهيب انت بتمشي وتجي ع الضيافه ومعاك حسان...
صهيب: حاضر...
حسان يشبح للحسن اللي كان متجاهله وهو مستغرب: حاضر ياعم...
...
طق الباب...
توجه الحاج علي وفتحه..
جعفر بإبتسامه: السلااام عليكممم...
الحاج علي :وعليكم السلام...تفضلوا تفضلوا..القدام القدام ياعويله...مشي الحاج هو وجعفر جيهة الصاله الرجاليه..
وقدمت زينب وبناويتها القدام قابلوها برنيه ووسيله وفاطمه ومجيده..وبدوا يسلموا...بعد رحبوا بيهم دخلوهم لداخل الصالة النسائيه ولقوا قدامهم..البنات بدوا يسلموا...
جنان تفاجئت لما شافت عليا راجتها لين وصلت فيها..
جنان : عليا..
عليا بإبتسامه: جنان ...وسلموا ع بعض ...
سارة تشبح لعليا: تعرفوا بعض...
جنان : تقرا معاي في نفس الكليه وفي نفس الدفعه...
انعام : يامحاسن الصدف...
ضحكت عليا وقعمزوا...
النساوين الكبار عيونهم ع عليا بالذات برنيه ووسيله...وزادها لما حولت عليا وشاحها وبان شعرها الأسود الطويل مدايراته ذيل حصان ونزلت قصتها..الكل يشبحلها كانت جميله لابعد حد...
ريحانه ركزت ع وسيله ونظراتها وخافت هلبه وتشبح لعليا بغيرة شديده...
....
هذا اللي يطلع في قناة******
سرمد بضحكه: ايه..
جعفر بضحكه: اني والعيله مستحيل نفوتوه برنامجك..
عابد: ومن اللي يفوته ليبيا كلها تتفرج عليه..
سرمد: احرجتوني ياجماعه....😁
كلهم ضحكوا...
....
النساوين يوتوا في المطبخ...
وسيله : عليك زين زينها ..
مجيده: حق والله ماتقدري تحولي عيونك من عليها...
وسيله: كان ربي يهدي الحسن...
ريحانه قريب تبكي..
جنان: ههههههههههه...ماما عليا مخطوبه...
تلفتولها بصدمه..
وسيله: تكذبي ..
جنان بضحكه: والله العظيم وخطيبها يجيها للجامعه...وشفته اكثر من مرة..
ريحانه تنفست الصعداء..
مجيدة: طبيعي ماتقعدش هادي...
وسيله بأسف :عندك حق
...
زينب: والله ياحاجه مخطوبه لوليد عمتها..
برنيه وهي تشبح لعليا تهدرز مع البنات: خسااارها...
...
طلعوا العشي للرجاله وبعدين النساوين...وتبادلوا الأحاديث مع بعضهم وزاد الود مع العيش والملح ولاكإن كان في مشاكل بيناتهم أو دم...
لما تموا ناضوا بنات زينب غسلوا الماعين بعد حلف وحال صار😁
البنات في الكوجينه..
عليا وهي تمصمص: مازال سنه ونص...
جنان: معناها بتكملي اخر سنتين عنده...
عليا ابتسمت: إيه...
سارة : هيي هييي وين ماشيه
هدى : بنلوح الكناسه...
انعام فنصت فيها :تو نلوحوها بعدين...
هدى حطتها وهي مستغربه وسكتت
"مايبوهاش تطلع للجنان وفي رجاله في الصالة الخارجيه خافوا لو الحسن يشوفها ويدير مشكله لأن سبق ودارها قبل"
طلعوا البنات من المطبخ قعدت عليا بتشرب اميه وبتطلع رن تليفونها لقاته منصف ابتسمت وشاف باب الكوجينه الخلفي مفتوح طلعت الجنان وردت...
....
الحسن: إن شاء الله حيطلقها ورجليه فوق راسه...
رن تليفون الحسن شاف المتصل ناض طول...
سرمد: منو...
الحسن: الخدمه...وطلع طول...
...
عليا تتكلم وتتمشى في الجنان: الأجواء حلوة ومريحه هلبه ناس طيبين...
....
الحسن : ايه المهم توا خليك ماشي معاهم زي ماهما يبوا...
...
عليا بضحكه: مالا شنو لازم تجي وتسلم عليا قبل تسافر..
...
الحسن وهو يمشي: تمام خبرني بكل شي جديد اي تفصيل مهما كان تافه وصغير...
....
عليا: ماتعطلش في سفرتك هادي زي اللي فاتت..
...
الحسن وهو يوزع في نظره ع مكان لمح وحده تتكلم بالتليفون وتتمشى في الجنان ناضوا عليه جنونه: تمام تو نكلمك بعدين...وصكر وتوجهلها طول..
...
عليا: تمام حبيبي ...مع السلامه ..وصكرت..
انطفي الفلاش متاع الضي المفتوح في الجنان فجأة..
عليا: ياماما...مشت بسرعه وانخبطتت في حاجه...من انت انس ولا جن😖
الحسن بغضب: شن ديري برا ومن كنتي تكلمي..
عليا وكإن الصوت مر عليها: انت منو...
الحسن بصوت عالي: شن ديري ياكلبه..
عليا بعصبيه: احترم نفسك ياتافه..
الحسن : اللي مفروض يحترم نفسه انتي اللي طالعه تتمشي في الشارع وشعرك عريان ..وعارفه في رجاله برا...
عليا: محترمه غصب عنك..
الحسن في الظلام بصدفه حاول يشدها وفعلا شد ذراعها وضغط عليها بقوة
عليا توجعت: اطلقني ياحقير..
زاد ضغط عليها بقبضة ايده...
عليا : آااه...
انفتح الفلاش فجأة...
انصدم الحسن باللي شافه عيونه قعدوا شاخصات فيها ماقدرش يحولهم نهائي عيونه سرحوا فعيونها الكبار السود المدمعات...بشويه بشويه ايده سيبت ذراعها...وهي برغم صدمتها لكن كانت منغاضه..نفضت ايده ومشت تجري وخشت من الكوجينه..
هو قعد معاها بعيونه لين اختفت..."ياااالحسسسن اصحى شن اللي صارلك خيييرك اصحى"..فاق ع نفسه مسح بإيده ع وجهه وتوجه للصالة الرجاليه ...وفي حاجه منه مشت مع صاحبه العيون السود اللي قاعده صدف القدر تجمعه بيها...
بس ياترى تالت صدفه وين حتكون وكيف ..وهل حتكون مجرد صدفه عابرة...ولاحتغير حياتهم هماالزوز تماما؟!!
....يتبع...
