#الحسن
ﺍﻟﺠﺰﺀ ﺍﻟﺜﺎﻟﺚ ﻭﺍﻟﺨﻤﺴﻴﻦ 💔💓
صورة 3.5K صورة 89 صورة 8
ﺑﻮﺍﺳﻄﺔ GomanFared
ﺭﻭﺡ ﺳﺮﻣﺪ ﺑﺈﻧﻌﺎﻡ ﺍﻟﻠﻲ ﻛﺎﻧﺖ ﻃﻮﻝ ﺍﻟﻄﺮﻳﻖ ﺳﺮﺣﺎﻧﻪ ﻭﺩﻣﻮﻋﻬﺎ ﺗﻨﺰﻝ ... ﻏﻴﺮ ﻃﺮﻳﻖ ﺍﻟﺤﻮﺵ .. ﻭﺗﻮﺟﻪ ﻟﻤﻜﺎﻥ ﺗﺎﻧﻲ .. ﻟﻴﻦ ﻭﺻﻞ ﻓﻴﻪ ﻭﻭﻗﻒ ... ﺷﻤﺖ ﺭﻳﺤﺔ ﺍﻟﺒﺤﺮ .. ﺍﺳﺘﺎﻗﻀﺖ ..
ﺍﻧﻌﺎﻡ ﺷﺒﺤﺘﻠﻪ : ﻋﻼﺵ ﺟﻴﺖ ﻫﻨﻲ ..
[ ﺳﺮﻣﺪ " ﺍﻟﻜﺎﺗﺒﻪ ﻫﻜﻲ ﺗﺒﻲ ﺩﻳﻤﺎ ﻭﻫﻲ ﺷﺎﺩﺗﻬﺎ ﻓﻲ ﺟﺮﺓ ﺍﻟﺒﺤﺮ "
ﺍﻟﻜﺎﺗﺒﻪ [😑:
ﺳﺮﻣﺪ : ﻳﻘﻮﻟﻮﺍ ﻳﻬﺪﻱ ﺍﻟﻨﻔﺴﻴﻪ ..
ﺍﻧﻌﺎﻡ : ﻟﻮ ﺭﻭﺣﻨﺎ ﺧﻴﺮ ..
ﺳﺮﻣﺪ : ﻧﻌﻮﻡ ... ﻧﺬﻛﺮ ﺯﻣﺎﻥ ﻟﻤﺎ ﺧﺪﻳﺘﻲ ﻗﺮﺍﺭ ﺍﻟﻄﻼﻕ .. ﻗﻠﺘﻲ ﻣﺶ ﺣﻴﻬﻤﻨﻲ ﺷﻲ .. ﻭﺍﻟﻠﻲ ﻳﺴﺄﻟﻨﻲ ﺣﻨﻘﻮﻟﻪ ﻧﺼﻴﺐ ..
ﺍﻧﻌﺎﻡ : ﺷﻦ ﺩﺧﻞ ﻫﺬﺍ ﻓﻬﺬﺍ ..
ﺳﺮﻣﺪ ﺑﻀﺤﻜﻪ : ﻫﻮ ﺍﻧﻲ ﻣﺎﻧﻌﺮﻓﺶ ﻧﺘﻔﻠﺴﻒ ﻫﻠﺒﻪ .. ﺑﺲ ﺑﺄﺧﺘﺼﺎﺭ ﻧﺼﻴﺐ ..
ﺍﻧﻌﺎﻡ ﺿﺤﻜﺖ : ﻛﺎﻥ ﺭﻭﺣﺖ ﺑﻴﻨﺎ ﺧﻴﺮ ..
ﺳﺮﻣﺪ : ﻫﻬﻬﻬﻬﻬﻬﻬﻪ ... ﻛﻠﻪ ﻣﻦ ﺍﻟﻤﺴﻠﺴﻼﺕ .. ﺍﻟﻠﻲ ﺗﺘﻌﺐ ﻧﻔﺴﻴﺘﻪ ﻳﺮﻓﻌﻮﻩ ﻟﻠﺒﺤﺮ ﻗﻠﺖ ﻧﺪﻳﺮ ﺯﻳﻬﻢ ..
ﺍﻧﻌﺎﻡ : ﻫﻬﻬﻬﻬﻬﻬﻬﻬﻬﻪ ﻣﻌﺎﺵ ﺗﻜﺘﺮ ﻣﻨﻬﻢ ﺑﺎﻟﺬﺍﺕ ﺍﻟﺘﺮﻛﻴﻪ ... ﻷﻧﻚ ﻣﻮﻟﻲ ﺭﻭﻣﺎﻧﺴﻲ ﻫﻠﺒﻪ
ﺳﺮﻣﺪ ﺷﺒﺤﻠﻬﺎ ﻉ ﺟﻨﺐ ﻭﺭﻓﻊ ﺣﺎﺟﺒﻪ ﻟﻠﻴﻤﻴﻦ : ﺩﺧﻠﺘﻲ ﺇﻟﻰ ﻏﺮﻓﺘﻲ ﻓﻲ ﻏﻴﺎﺑﻲ؟؟
ﺍﻧﻌﺎﻡ : ﺿﻤﻴﺘﻬﺎ ﻟﻚ .. ﻭﺍﻛﺘﺸﻔﺖ ﺳﺮﻙ ﺍﻟﺨﻄﻴﺮ ..
ﺳﺮﻣﺪ ﺿﺤﻚ ﺑﺮﺑﻜﻪ : ﺳﺮ ﺷﻨﻮ ..
ﺍﻧﻌﺎﻡ ﺑﻀﺤﻜﻪ : ﺣﻲ ﻉ ﻭﺟﻬﻚ ﺍﻟﻄﻤﺎﻃﻤﻲ ... ﻃﺤﺖ ﻓﻲ ﺍﻟﻨﻴﻠﻪ ﻭﺍﻟﺨﻴﺒﻪ ﺍﻟﺘﻘﻴﻠﻪ ﺍﻟﻠﻲ ﻳﻘﻮﻟﻮﻟﻪ " ﺍﻟﺤﺐ ..."
ﺳﺮﻣﺪ : ﺳﺮﻱ ﻓﻲ ﺑﻴﺮ ﻳﺎﺧﺘﻲ .. ؟؟ !!
ﺍﻧﻌﺎﻡ : ﻓﻲ ﺑﻴﺮ ﻏﻮﻳﻂ ﻳﺎﺧﻮﻳﺎ ..
ﺳﺮﻣﺪ : ﻫﻬﻬﻬﻬﻬﻬﻬﻬﻬﻬﻪ ... ﻭﻟﻊ ﺍﻟﺴﻴﺎﺭﻩ
ﺍﻧﻌﺎﻡ ﺷﺒﺤﺘﻠﻪ ﻭﺍﺑﺘﺴﻤﺖ : ﺣﻠﻮﺓ ﺍﻟﺒﻨﻴﻪ ..
ﺳﺮﻣﺪ ﺑﻬﻴﺎﻡ : ﻫﻠﺒﻪ ﻫﻠﺒﻪ ..
ﺍﻧﻌﺎﻡ ﺑﻀﺤﻜﻪ : ﺗﺤﺸﻢ ﻳﺎﻣﺪﻗﻮﻕ ﻉ ﻗﻮﻟﺖ ﺍﻣﻲ ..
ﺳﺮﻣﺪ ﺑﻀﺤﻜﻪ : ﻳﺎﺧﺪﻳﺖ ﻣﻨﻬﺎ ﺧﺒﻄﻪ ﺑﺎﻟﻜﺸﻴﻚ ﻉ ﺭﺍﺳﻲ ﺑﻜﺮﻱ ...
ﺍﻧﻌﺎﻡ : ﻫﻬﻬﻬﻬﻬﻪ .. ﻋﻼﺵ .. ﻟﺤﻈﻪ ﺗﻮ ﻧﻘﻮﻝ ﺍﻧﻲ .. ﻛﻠﻴﺖ ﻣﻦ ﺍﻟﻄﻨﺠﺮﻩ ..
ﺳﺮﻣﺪ ﺑﻀﺤﻜﻪ : ﺍﻳﻪ .. ﺗﺤﺮﻙ ﺑﺎﻟﺴﻴﺎﺭﻩ ..
ﺍﻧﻌﺎﻡ : ﻫﻬﻬﻬﻬﻬﻬﻬﻬﻬﻬﻬﻪ ... ﺳﻜﺘﺖ ﻭﺗﺸﺒﺤﻠﻪ ... ﻣﺎﺿﺤﻜﺘﺶ ﺇﻻ ﺑﻌﺪ ﺟﻴﺖ ..
ﺳﺮﻣﺪ ﺷﺒﺤﻠﻬﺎ ﻭﺍﺑﺘﺴﻢ : ﺑﺶ ﺗﻌﺮﻓﻲ ﺑﺲ ... ﺍﻧﻲ ﺍﺳﺎﺱ ﺍﻟﺒﻬﺠﻪ ﻭﺍﻟﺴﻌﺎﺩﻩ ﻓﺤﻴﺎﺗﻜﻢ ﺟﻤﻴﻌﺎ .....
ﺍﻧﻌﺎﻡ : ﻫﻬﻬﻬﻬﻬﻬﻬﻬﻪ ﻣﺎﻟﻘﻴﺖ ﻣﺎﻧﻘﻮﻝ ..
ﺳﺮﻣﺪ ﺿﺤﻚ .. ﺑﻌﺪﻳﻦ ﺷﺒﺢ ﻟﻠﻤﺴﺠﻞ ﻭﺧﺪﻱ ﺳﻲ ﺩﻱ ﻭﺣﻄﻪ ﻓﻴﻪ ... ﻭﺍﺷﺘﻐﻠﺖ ﺍﻏﻨﻴﻪ ﺗﺎﻣﺮ ﺣﺴﻨﻲ "... ﻋﻴﺶ ﺑﺸﻮﻗﻚ .."
ﻛﺎﻥ ﺳﺮﻣﺪ ﻳﻐﻨﻲ ﻣﻌﺎﻩ ﻭﺍﻧﻌﺎﻡ ﺗﻀﺤﻚ ﻉ ﺣﺮﻛﺎﺗﻪ ﻭﻫﻮ ﻳﻐﻨﻲ ... ﻭﻓﻌﻼ ﻗﺪﺭ ﻳﻨﺴﻲ ﺇﻧﻌﺎﻡ ﻭﺟﻌﻬﺎ ﻟﻠﺤﻈﺎﺕ 🖤💜...
***
ﺧﺰﺯﺯﻱ ﻋﻠﻴﻬﺎ ..
ﻣﺪﻳﺤﻪ : ﺭﺍﺟﻠﻬﺎ ﻳﺒﻴﻬﺎ ﺗﺮﻭﺡ ..
ﺍﻣﻴﺮﻩ : ﺑﺎﻩ ﻛﻴﻒ ﻧﺪﻳﺮ ﺍﻧﻲ ﻓﻲ ﺇﺧﺘﺒﺎﺭ ﺍﻟﺮﻳﺎﺿﻴﺎﺕ ..
ﻣﺪﻳﺤﻪ : ﺗﻌﺮﻓﻴﻨﻲ ﻻﻧﺤﺒﻪ ﻭﻻﻧﻔﻬﻢ ﻓﻴﻪ ..
ﺯﻳﻨﺐ : ﺷﻮﻓﻴﻬﺎ ﺑﺎﻟﻚ ﻳﺠﻴﺒﻬﺎ ﻏﺪﻭﺓ ﺗﻘﺮﻳﻚ ..
ﺍﻣﻴﺮﺓ ﺗﺄﻓﻔﺖ ﻭﻣﺸﺖ ﻟﺪﺍﺭﻫﺎ ﺧﺪﺕ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﻌﻠﻴﺎ ...
ﻋﻠﻴﺎ ﻛﺎﻧﺖ ﻻﻫﻴﻪ ﺑﺎﻟﻌﺸﻲ ﺭﻥ ﺗﻠﻴﻔﻮﻧﻬﺎ ..
ﻫﺎﻟﻪ : ﻫﺎﻙ ﻋﻠﻴﺎ ..
ﻋﻠﻴﺎ ﺑﺄﺑﺘﺴﺎﻣﻪ : ﺻﺤﻴﺘﻲ .. ﺷﺎﻓﺖ ﺍﺳﻢ ﺍﺧﺘﻬﺎ .. ﺿﻴﻘﺖ ﻋﻴﻮﻧﻬﺎ .. ﻭﺗﺬﻛﺮﺕ ﺍﻧﻬﺎ ﻧﺴﺖ ﺍﺧﺘﺒﺎﺭ ﺍﻣﻴﺮﻩ ﻣﺮﺓ ﻭﺣﺪﻩ ...
ﺭﺩﺕ : ﻣﻴﺮﻭ ﺣﺒﻴﺒﺘﻲ ﺍﺳﻔﻪ ..
ﺍﻣﻴﺮﻩ : ﺷﻨﻮ ﺑﺪﻳﺮﻟﻲ ﺍﺳﻔﻪ ﻣﺘﺎﻋﻚ ﻫﺎﺩﻱ ﻭﺑﻌﺪ ﻏﺪﻭﺓ ﺍﻷﺧﺘﺒﺎﺭ ..
ﻋﻠﻴﺎ : ﺍﻣﻤﻢ .. ﻧﻘﻮﻟﻚ .. ﻗﻮﻟﻲ ﻟﻤﺼﻌﺐ ﻏﺪﻭﻩ ﻳﺠﻴﺒﻚ ..
ﺍﻣﻴﺮﻩ ﺑﺈﺣﺮﺍﺝ : ﻧﺤﺲ ﻓﻴﻬﺎ ﺑﺎﻳﺨﻪ ..
ﻋﻠﻴﺎ : ﺑﺎﻳﺨﺔ ﺷﻨﻮ؟ﺍﻧﺘﻲ ﺟﺎﻳﻪ ﻟﺤﻮﺵ ﺃﺧﺘﻚ ..
ﺍﻣﻴﺮﻩ ﺳﻜﺘﺖ ﻭﺗﻔﻜﺮ ..
ﻋﻠﻴﺎ : ﻣﺎﺗﻔﻜﺮﻳﺶ ﻗﻮﻟﻴﻠﻪ ﻏﺪﻭﺓ ﻭﻫﻮ ﻣﺎﺷﻲ ﻟﻠﺨﺪﻣﻪ ﻳﺠﻴﺒﻚ ..
ﺍﻣﻴﺮﻩ : ﺍﻣﻤﻤﻢ .. ﺑﺎﻩ ﺧﻞ ﻧﺸﻮﻑ ﺑﺎﺑﺎ ﻭﻣﺎﻣﺎ ﻭﻣﺼﻌﺐ ﺷﻦ ﻳﻘﻮﻟﻮﺍ ﻭﻧﺮﺩ ﻋﻠﻴﻚ ..
ﻋﻠﻴﺎ : ﺗﻤﺎﻡ ... ﻫﻲ ﺗﻮﺍ ﻋﻨﺪﻱ ﻣﺎﻧﺪﻳﺮ ﻃﻴﺮﻱ ..
ﺍﻣﻴﺮﺓ ﺑﻀﺤﻜﻪ : ﺣﻴﻮﺍﻧﻪ ﻃﻴﺮﻱ ﺍﻧﺘﻲ .. ﻭﺻﻜﺮﺕ ﻋﻠﻴﻬﺎ ..
ﻋﻠﻴﺎ ﺿﺤﻜﺖ ﻭﻭﻟﺖ ﻟﻠﻜﻮﺟﻴﻨﻪ ... ﻭﻛﺎﻧﻮﺍ ﻓﺎﺗﺤﻴﻦ ﻣﻮﺿﻮﻉ ﻣﻮﺕ ﺧﻄﻴﺐ ﺟﻨﺎﻥ ..
ﻫﺎﻟﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﺭﺑﻲ ﻳﺼﺒﺮﻫﺎ ..
ﺳﺎﺭﺓ ﺗﺒﻜﻲ ﺑﺎﻟﻌﺒﺮﻩ ..
ﺍﻧﻌﺎﻡ ﺷﺎﺩﺗﻬﺎ : ﺳﺎﺭﺓ ﻣﺶ ﺑﺎﻫﻲ ﻟﻴﻚ ﻫﻜﻲ ﺍﻫﺪﻱ ..
ﺳﺎﺭﺓﺑﻌﺒﺮﺗﻬﺎ : ﺑﺎﻟﻠﻪ .. ﻋﻠﻴﻚ .. ﻛﻠﻤﻲ .. ﻣﺮﻋﻲ .. ﻳﺮﻓﻌﻨﻲ ﻏﺎﺩﻱ ..
ﺗﻨﻬﺪﺕ ﺍﻧﻌﺎﻡ ﻭﺍﺗﺼﻠﺖ ﺑﻤﺮﻋﻲ ... ﻭﻗﺎﻝ ﻗﻮﻟﻴﻠﻬﺎ ﺗﻄﻠﻊ ...
***
ﻓﻲ ﺍﻟﻤﺮﻛﺰ ...
ﺟﺎﺩ ﺍﻟﻠﻪ : ﻣﺎﻓﻴﺶ ﻣﻌﻠﻮﻣﻪ ﺇﻟﻰ ﺍﻷﻥ ﻋﻦ ﻫﻮﻳﺔ ﺍﻟﻠﻲ ﻣﺎﺕ ﻣﻨﻬﻢ ..
ﺍﻟﺤﺴﻦ : ﻻ ..
ﺍﺣﻤﺪ : ﻓﻲ ﺣﺎﺟﻪ ﺷﺎﻏﻠﻪ ﺑﺎﻟﻲ ..
ﺟﺎﺩ ﺍﻟﻠﻪ : ﺷﻦ ﻫﻲ ..
ﺍﺣﻤﺪ : ﺍﻟﻜﻮﻣﺎﻧﺪﺍ ﻣﺎﻛﺎﻧﺶ ﻣﻮﺟﻮﺩ ﺍﺛﻨﺎﺀ ﻋﻘﺪ ﺍﻟﺼﻔﻘﻪ ... ﻭﺍﻟﻜﻮﺑﺮﺍ ﻣﻘﻨﻊ ﺣﺘﻰ ﻗﺪﺍﻡ ﺍﻗﺮﺏ ﺭﺟﺎﻟﻪ ﻟﻴﻪ ..
ﺍﻟﺤﺴﻦ : ﺳﺆﺍﻟﻚ ﻟﻴﺶ ﺍﻟﺘﺨﻔﻲ؟ ..
ﺍﺣﻤﺪ ﺍﺷﺮ ﻋﻠﻴﻪ ﺑﺴﺒﺎﺑﺘﻪ ﻭﻫﺰ ﺭﺍﺳﻪ ﺑﺎﻟﻤﻮﺍﻓﻘﻪ ...
ﺍﻟﺤﺴﻦ : ﺳﺄﻟﺖ ﻧﻔﺴﻲ ﻫﺎﻟﺴﺆﺍﻝ ﺍﻹﺟﺎﺑﻪ ﻭﺍﺿﺤﻪ .. ﻫﻤﺎ ﻧﺎﺱ ﻋﺎﻳﺸﻪ ﺑﻮﺟﻬﻴﻦ ... ﻭﺟﻪ ﻟﻠﻨﻬﺎﺭ ﻭﻭﺟﻪ ﻟﻠﻴﻞ ..
ﺟﺎﺩ ﺍﻟﻠﻪ : ﻓﻌﻼ ..
ﺍﺣﻤﺪ : ﻣﻦ ﻫﻨﻲ ﻧﺒﺪﻭ ...
ﺟﺎﺩ ﺍﻟﻠﻪ : ﺷﻨﻮ ﺑﺎﻟﺰﺑﻂ ..
ﺍﺣﻤﺪ : ﻓﻲ ﺍﻟﺒﺤﺚ ﻭﺍﻟﺘﺤﻘﻴﻖ ...
ﺍﻟﺤﺴﻦ : ﺍﻣﺎ ﺭﺍﺱ ﺧﻴﻂ ﻧﺸﺪﻭﺍ .. ﻣﺎﻓﻲ ﺷﻲ ﻓﻲ ﺍﻳﺪﻳﻨﺎ ...
ﺍﺣﻤﺪ : ﻧﺪﻭﺭﻭﺍ ﻭﻟﻤﺎ ﻧﺪﻭﺭﻭﺍ ﻧﻠﻘﻮﺍ .. ﻭﺍﻧﻲ ﺷﺒﻪ ﻟﻘﻴﺖ ..
ﺟﺎﺩ ﺍﻟﻠﻪ : ﺷﻨﻮ ﻟﻘﻴﺖ ..
ﺍﺣﻤﺪ : ﺍﻟﻜﻮﺑﺮﺍ ﺍﻋﺮﺝ ...
ﺍﻟﺤﺴﻦ : ﺍﻟﻠﻪ ﻳﺮﺣﻤﻪ ﻣﺤﻤﺪ ﻻﺣﻆ ﻫﺎﻟﺸﻲ .. ﺑﺲ ﻳﻌﻨﻲ ﻛﺄﻧﻚ ﺍﺩﻭﺭ ﻉ ﻳﺒﺮﻩ ﻓﻲ ﻛﻤﺸﻪ ﻗﺶ ..
ﺍﺣﻤﺪ ﺍﺑﺘﺴﻢ : ﺣﻨﻠﻘﻮﺍ ﺍﻟﻴﺒﺮﺓ .. ﺑﺎﻟﺼﺒﺮ ... ﺍﻟﺼﺒﺮ ﻳﺎﺣﻀﺮﺓ ﺍﻟﻌﻘﻴﺪ ...
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ .. ﻭﺟﺎﺩ ﺍﻟﻠﻪ ﺿﺤﻚ ...
***
ﺣﺴﺎﻥ ﺑﻀﺤﻜﻪ : ﻟﻴﻚ ﻭﺣﺸﻪ ﻭﺍﻟﻠﻪ ..
ﺳﺮﻣﺪ : ﻃﻠﻌﺘﻮﺍ ﻣﺎﺗﻘﺪﺭﻭﺵ ﺗﻌﻴﺸﻮﺍ ﻣﻦ ﻏﻴﺮﻱ ..
ﺣﺴﺎﻥ ﺑﺮﻓﻌﺔ ﺣﺎﺟﺐ : ﺍﻧﺖ ﺍﻟﻮﺍﺣﺪ ﻣﺎﻳﻌﺮﻓﺶ ﻳﺠﺎﻣﻠﻚ ..
ﺳﺮﻣﺪ ﺑﻀﺤﻜﻪ : ﺷﻦ ﻣﺪﺍﻳﺮ ...
ﺣﺴﺎﻥ : ﻣﺎﺷﻴﻪ ﺍﻟﺤﻤﺪ ﻟﻠﻪ ..
ﺳﺮﻣﺪ : ﺩﻭﻭﻭﻡ ...
ﺍﻧﻔﺘﺢ ﺑﺎﺏ ﺍﻟﺤﻮﺵ ...
ﺳﺮﻣﺪ ﺷﺒﺢ ﻟﻠﻲ ﺧﺶ ﺑﺤﺪﻩ ﻣﻊ ﺭﻓﻌﺔ ﺣﺎﺟﺐ ..
ﺣﺴﺎﻥ ﻧﺎﺽ : ﻋﻤﻲ ﻣﺤﻤﺪ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ .. ﻭﻣﺸﺎﻟﻪ ﺳﻠﻢ ﻋﻠﻴﻪ .. ﺣﻀﻨﻮﺍ ﺑﻌﺾ .. ﻣﺤﻤﺪ ﻳﺸﺒﺢ ﻟﺴﺮﻣﺪ .. ﺳﺮﻣﺪ ﺍﺷﺮﻟﻪ ﺑﻌﻴﻮﻧﻪ ﻭﻛﺄﻧﻪ ﻳﺴﺄﻝ ﻓﻴﻪ ﻉ ﺣﺎﺟﻪ ..
ﻣﺤﻤﺪ ﺣﻀﻦ ﺣﺴﺎﻥ ﻣﻦ ﺍﻟﺠﻬﺔ ﺍﻟﺘﺎﻧﻴﻪ : ﺍﻟﻠﻪ ﻳﺴﻠﻤﻚ ﻭﺍﺷﺮ ﻟﺴﺮﻣﺪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ... ﺑﻤﻌﻨﻰ ﺗﻢ ..
ﺑﻌﺪ ﻣﺤﻤﺪ : ﺷﻦ ﺣﺎﻟﻜﻢ ..
ﺣﺴﺎﻥ : ﺍﻟﺤﻤﺪ ﻟﻠﻪ ..
ﻣﺸﻮﺍ ﺍﻟﺰﻭﺯ ﻗﻌﻤﺰﻭﺍ ﺣﺪﺍ ﺳﺮﻣﺪ ... ﻭﻗﻌﺪﻭﺍ ﻳﻬﺪﺭﺯﻭﺍ ...
***
ﻣﻘﻌﻤﺰﻳﻦ ﺍﻟﺰﻭﺯ ﺍﻟﺒﻨﺖ ﻭﺑﻮﻫﺎﻓﻲ ﺍﻟﻜﺮﺳﻲ ﺍﻟﺨﻠﻔﻲ ... ﻭﺍﻟﻘﺪﺍﻡ ﺍﻟﺴﻮﺍﻕ ﻭﺭﺍﺟﻠﻬﺎ ﺍﻟﻠﻲ ﻣﺶ ﻋﺎﺟﺒﻪ ﺍﻟﻮﺿﻊ ..
ﺍﺑﺘﺴﺎﻡ : ﺑﺎﺑﺎ ﺍﺣﻨﻲ ﻭﻳﻦ ﻣﺎﺷﻴﻴﻦ ..
ﻋﺒﺪﺍﻟﻘﺪﻭﺱ : ﺗﻮ ﺗﻌﺮﻓﻲ ﻟﻤﺎ ﻧﻮﺻﻠﻮﺍ ...
ﺍﺑﺘﺴﺎﻡ ﺷﺒﺤﺖ ﻟﺒﻼﻝ ﺍﻟﻠﻲ ﻛﺎﻥ ﻣﺮﻛﺰ ﻣﻌﺎﻫﻢ .. ﻭﻳﻔﻜﺮ ﻓﻲ ﺍﻟﺒﻲ ﻭﻳﻦ ﺭﺍﻓﻌﻬﻢ ...
***
ﺑﺮﻧﻴﻪ : ﻭﻳﻦ ﻣﺎﺷﻴﻴﻦ ﻭﻗﺖ ﻋﺸﻲ ﺗﻮﺍ ..
ﻣﺤﻤﺪ : ﺑﻨﻤﺸﻮﺍ ﻧﺸﻮﻓﻮﺍ ﺩﻛﺘﻮﺭ ﺳﺮﻣﺪ ﺑﺶ ﻳﺘﺎﺑﻊ ﻣﻌﺎﻩ ﺣﺎﻟﺘﻪ ..
ﺑﺮﻧﻴﻪ : ﻛﺎﻥ ﻫﻜﻲ ﺑﺎﻫﻲ ... ﻣﺮﺑﻮﺣﻪ ﻭﺧﺸﺖ
ﺍﻧﻔﺘﺢ ﺑﺎﺏ ﺍﻟﺤﻮﺵ ﻭﺧﺶ ﺍﻟﺤﺴﻦ ﻭﻣﻌﺎﻩ ﺿﻴﻒ ..
ﺍﻟﺤﺴﻦ ﻗﺪﻡ ﻟﻌﻤﻪ ﻭﺳﻠﻢ ﻋﻠﻴﻪ : ﺍﻟﺤﻤﺪ ﺍﻟﻠﻪ ﻉ ﺳﻼﻣﺘﻚ
ﻣﺤﻤﺪ : ﺍﻟﻠﻪ ﻳﺴﻠﻤﻚ ..
ﺍﻟﺤﺴﻦ : ﺗﻔﻀﻞ ﻳﺎﺃﺣﻤﺪ ... ﺧﺶ ﺍﺣﻤﺪ ﻭﺳﻠﻢ ﻭﺭﺩ ﻋﻠﻴﻪ ﻣﺤﻤﺪ ﺍﻟﺴﻼﻡ ..
ﻉ ﻃﻠﻌﻪ ﺳﺮﻣﺪ ﺍﻟﻠﻲ ﺷﺎﻑ ﺍﺣﻤﺪ ﻭﺍﺑﺘﺴﻢ .. ﻧﺰﻝ ﻣﻦ ﺍﻟﺪﺭﻭﺝ ﻭﻗﺪﻣﻠﻬﻢ ...
ﺳﺮﻣﺪ ﺑﺈﺑﺘﺴﺎﻣﻪ : ﻣﺴﺎﺀ ﺍﻟﺨﻴﺮ ..
ﺍﺣﻤﺪ : ﻣﺴﺎﺀ ﺍﻟﻨﻮﺭ ..
ﺍﻟﺤﺴﻦ : ﻋﻤﻲ .. ﺳﺮﻣﺪ ..
ﺍﺣﻤﺪ ﺑﺈﺑﺘﺴﺎﻣﻪ : ﺍﺷﻬﺮ ﻣﻦ ﻧﺎﺭ ﻋﻠﻰ ﻋﻠﻢ ...
ﺳﺮﻣﺪ ﺑﻀﺤﻜﻪ : ﻭﺣﻀﺮﺗﻚ ..
ﺍﺣﻤﺪ : ﻣﻌﺎﻙ ﺍﻟﻌﺒﺪ ﻟﻠﻪ ﺃﺣﻤﺪ ﺍﻟﺘﻮﻣﻲ ..
ﺷﺒﺤﻠﻪ ﺳﺮﻣﺪ ﻭﺍﺑﺘﺴﻢ .. ﺍﻣﺎ ﺍﺣﻤﺪ ﺍﻟﻠﻲ ﺑﺎﺩﻟﻪ ﺍﻹﺑﺘﺴﺎﻣﻪ ﺭﻛﺰ ﻉ ﻧﻈﺮﺍﺕ ﺳﺮﻣﺪ .. ﻭﻷﻥ ﺍﺣﻤﺪ ﻋﻨﺪﻩ ﻓﺮﺍﺳﻪ ﻗﻮﻳﻪ ﻣﺎﺃﺭﺗﺎﺣﺶ ﻟﻨﻈﺮﺍﺗﻪ ..
ﺍﻟﺤﺴﻦ : ﻃﺎﻟﻌﻴﻦ ..
ﺳﺮﻣﺪ ﺑﺈﺑﺘﺴﺎﻣﻪ : ﺇﻳﻪ .. ﺑﻨﻤﺸﻲ ﻧﺸﻮﻑ ﺩﻛﺘﻮﺭ ﺑﺶ ﻧﺘﺎﺑﻊ ﻣﻌﺎﻩ ﺣﺎﻟﺔ ﺻﺪﺭﻱ ..
ﺍﻟﺤﺴﻦ : ﺗﻤﺎﻡ ..
ﻣﺤﻤﺪ : ﻫﻴﺎ ... ﻭﻣﺸﻲ .. ﻟﺤﻘﻪ ﺳﺮﻣﺪ ﺍﻟﻠﻲ ﺣﻒ ﺍﺣﻤﺪ ﺑﺪﻭﻥ ﻣﺎﻳﺸﺒﺤﻮﺍ ﻟﺒﻌﺾ ... ﺍﺣﻤﺪ ﻟﻒ ﻭﺟﻬﻪ ﻟﻠﺒﺎﺏ ﻭﻛﺎﻥ ﻳﺸﺒﺤﻠﻬﻢ ﻭﻫﻤﺎ ﻃﺎﻟﻌﻴﻦ .. ﻋﻴﻨﻪ ﺭﻛﺰﺕ ﻉ ﺷﻲ ﻏﺮﻳﺐ .. ﻣﺸﻴﺔ ﺳﺮﻣﺪ ﻣﺶ ﻃﺒﻴﻌﻴﻪ .. ﻣﺶ ﻋﺎﺭﻑ ﻋﻼﺵ ﻣﺮ ﻗﺪﺍﻣﻪ ﺧﻄﻒ .. ﻳﻮﻡ ﺍﻟﻌﻤﻠﻴﻪ ﻟﻢ ﺧﻄﻢ ﺣﺪﺍﻩ ﺍﻟﻜﻮﺑﺮﺍ .. ﻭﺍﺫﻛﺮ ﺍﻟﻔﻬﺪ ﻟﻤﺎ ﺳﺄﻝ " ﺍﻟﻜﻮﺑﺮﺍ ﺃﻋﺮﺝ ..."
ﺍﻟﺤﺴﻦ : ﻳﺎﻓﻨﺪﻱ ... ﺍﺣﻤﺪ ..
ﺍﺣﻤﺪ ﺷﺒﺢ ﻟﻠﺤﺴﻦ : ﻫﺎﻩ ..
ﺍﻟﺤﺴﻦ ﺍﺑﺘﺴﻢ ﺗﻬﻜﻤﺎ : ﻟﻮ ﺣﺘﺴﺮﺡ ﻫﻠﺒﻪ ﻫﻜﻲ .. ﺻﺒﺮﻧﺎ ﺣﻴﻄﻮﻝ ﺍﻛﺜﺮ ﻣﻦ ﺍﻟﻼﺯﻡ ..
ﺍﺣﻤﺪ ﺿﺤﻚ : ﻫﻴﺎ .. ﻣﺘﺸﻮﻕ ﻧﺸﻮﻑ ﺍﻟﻤﻜﺎﻥ ﺍﻟﺨﺎﺹ ﺍﻟﻠﻲ ﺗﺼﻔﻲ ﻓﻴﻪ ﻓﺬﻫﻨﻚ ﻭﺗﺨﻄﻂ ﻓﻴﻪ ..
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ : ﺗﻌﺎﻝ ...
ﻣﺸﻮﺍ ﻣﻊ ﺑﻌﻀﻬﻢ ﻭﺭﻛﺒﻮﺍ ﻟﻠﻤﻜﺎﻥ ﺍﻟﻤﻔﻀﻞ ﻋﻨﺪ ﺍﻟﺤﺴﻦ ﻓﻬﺎﻟﺤﻮﺵ ... ﺍﻟﺴﻄﺢ ...
***
ﻣﻘﻌﻤﺰﺓ ﺗﺸﺘﻐﻞ ﻓﻲ ﻣﻜﺘﺒﻬﺎ .. ﻭﻭﺍﺿﺢ ﺍﻧﻬﺎ ﻣﺸﻐﻮﻟﻪ ﻫﻠﺒﻪ ﻭﺻﻠﻬﺎ ﻣﺴﺞ ﻉ ﺗﻠﻴﻔﻮﻧﻬﺎ .. ﻗﺎﻣﺖ ﺗﻠﻴﻔﻮﻧﻬﺎ ﻭﻓﺘﺤﺎﺗﻪ
( nono...lmiss you...COBRA ) ....
ﺗﺄﻓﻔﺖ ﻭﺣﻄﺖ ﺍﻳﺪﻫﺎ ﺍﻟﺰﻭﺯ ﻉ ﺭﺍﺳﻬﺎ ﻭﻣﺴﺤﺖ ﻭﺟﻬﻬﺎ ﺑﺈﻳﺪﻳﻬﺎ ... ﺗﻨﻬﺪﺕ .. ﻭﺷﺎﻓﺖ ﻟﺪﺭﺝ ﺟﻨﺒﻬﺎ ﻃﻠﻌﺖ ﻣﻨﻪ ﻫﺎﺗﻔﻬﺎ ﺗﺎﻧﻲ ﻭﺿﺮﺑﺖ ﻉ ﺭﻗﻢ ﺍﻟﺤﺴﻦ ..
ﺍﻟﺤﺴﻦ : ﻫﻤﺎ ﻣﺠﻤﻮﻋﻪ ﻭﺍﺧﺮﻫﻢ ﺷﺮﻭﺩﺓ ﺍﻟﻠﻲ ﻋﺪﻣﻮﻩ ﻣﻦ ﻣﺪﻩ ..
ﺍﺣﻤﺪ : ﻛﻠﻬﻢ ﻣﺶ ﻣﻮﺟﻮﺩﻳﻦ ..
ﺍﻟﺤﺴﻦ : ﻋﺰ ﺍﻟﺪﻳﻦ ﺍﻟﻠﻲ ﺍﻧﺸﺪ ﻓﻲ ﺃﺧﺮ ﻋﻤﻠﻴﻪ ﻣﻤﻜﻦ ﻧﺤﺼﻠﻮﺍ ﻣﻨﻪ ﺣﺎﺟﻪ ..
ﺍﺣﻤﺪ : ﻣﻤﻜﻦ .. ﺑﺲ ﻛﺎﻥ ﺣﻴﻔﻴﺪﻧﺎ ﺍﻛﺜﺮ ﺷﺨﺺ ﻋﺎﺷﺮﻫﻢ ﻟﻤﺪﻩ ﻃﻮﻳﻠﻪ ...
ﻛﻴﻒ ﺟﺎﻱ ﺑﻴﺮﺩ ﺍﻟﺤﺴﻦ ﺭﻥ ﺗﻠﻴﻔﻮﻥ .. ﻃﻠﻌﻪ ﻣﻦ ﺍﻟﺠﻴﺐ ﺍﻟﺪﺧﻼﻧﻲ ﻟﻠﺠﺎﻛﻪ ﻣﺘﺎﺍﻋﻪ ﻭﺭﺩ ..
ﺍﻟﺤﺴﻦ : ﺍﻳﻮﻩ ..
ﻧﻬﻠﻪ : ﺍﻟﺰﻓﺖ ﺍﻻﺳﻮﺩ ﺑﻌﺘﻠﻲ ﺭﺳﺎﻟﻪ ..
ﺍﻟﺤﺴﻦ ﻳﺸﺒﺢ ﻷﺣﻤﺪ : ﺍﻟﻜﻮﺑﺮﺍ ..
ﻧﻬﻠﻪ؛ ﺍﻳﻪ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﺸﺒﺢ ﻷﺣﻤﺪ : ﺷﻦ ﻳﺒﻲ ..
ﻧﻬﻠﻪ : ﺭﺳﺎﻟﻪ ﺗﺎﻓﻬﻪ ﻟﻜﻦ ﺍﻟﻤﻐﺰﻯ ﻣﻨﻬﺎ ﻭﺍﺿﺢ ..
ﺍﻟﺤﺴﻦ : ﻧﻬﻠﻪ ﺩﻳﺮﻱ ﺍﻟﻠﻲ ﻳﺒﻴﻪ ..
ﻧﻬﻠﻪ ﻣﺘﻔﺎﺟﺌﻪ : ﻣﺘﺄﻛﺪ ...
ﺍﻟﺤﺴﻦ : ﺇﻳﻪ ...
ﻧﻬﻠﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺗﻤﺎﻡ ... ﻳﻌﻨﻲ ﺍﻣﺘﻰ ﻧﺴﻠﻢ ﺍﻟﻤﻠﻒ ﻟﻠﻨﺎﺋﺒﻪ ﺍﻟﻌﺎﻡ ...
ﺍﻟﺤﺴﻦ ﺿﻴﻖ ﻋﻴﻮﻧﻪ : ﺍﻟﻨﺎﺋﺒﻪ؟
ﻧﻬﻠﻪ ﺑﻀﺤﻜﻪ : ﺍﻫﺎ .. ﻏﻴﺮﻭﺍ ﺍﻷﻭﻝ .. ﺍﻛﺘﺸﻔﻮﺍ ﺗﻮﺍﻃﺌﻪ ﻭﻗﻠﺔ ﻧﺰﺍﻫﺘﻪ ﻭﺃﻗﺎﻟﻮﻩ ..
ﺍﻟﺤﺴﻦ ﺑﺮﻓﻌﺔ ﺣﻮﺍﺟﺐ : ﻛﻮﻳﺲ .... ﻏﺪﻭﺓ ﺳﻠﻤﻴﻬﺎ ..
ﻧﻬﻠﻪ ﺳﻜﺘﺖ ..
ﺍﻟﺤﺴﻦ : ﺳﻤﻌﺘﻴﻨﻲ ..
ﻧﻬﻠﻪ : ﺍﻳﻪ ..
ﺍﻟﺤﺴﻦ : ﺗﻢ .. ﻭﺻﻜﺮ ﻋﻠﻴﻬﺎ ...
ﻧﻬﻠﻪ ﺿﺤﻜﺖ ﻭﻏﻤﻀﺖ ﻋﻴﻮﻧﻪ : ﺻﻌﺐ ﻧﻘﻮﻝ ﻋﻠﻴﻚ ﻗﻠﻴﻞ ﺫﻭﻕ ..
ﺃﺣﻤﺪ : ﺷﻦ ﻓﻲ ..
ﺍﻟﺤﺴﻦ : ﺍﻟﻜﻮﺑﺮﺍ ﻣﺎﻣﺎﺗﺶ ...
ﺍﺣﻤﺪ : ﻳﻌﻨﻲ ﺣﺪ ﺗﺎﻧﻲ ..
ﺍﺣﻤﺪ : ﻉ ﺍﻟﻐﺎﻟﺐ .. ﺑﺲ ﻣﻨﻮ ...
***
ﻣﺎﻧﻘﺪﺭﺵ ﻧﻀﺮﻩ ﺇﻻ ﺍﻟﺤﺴﻦ ﻣﺴﺘﺤﻴﻞ ﻧﻤﺲ ﻣﻨﻪ ﺷﻌﺮﻩ ..
ﻣﺤﻤﺪ : ﺯﻳﻚ ﺯﻱ ﺑﻮﻱ ﻭﺷﻔﺘﻮﺍ ﺷﻦ ﺻﺎﺭ ...
ﺳﺮﻣﺪ ﺗﻨﻬﺪ ﻭﻫﻮ ﻳﺸﺒﺢ ﻟﻠﻄﺮﻳﻖ : ﺻﺢ ﻣﺎﺷﻔﺘﺶ ﺧﻮﻱ ﺳﻴﻒ ﺇﻻ ﻓﻲ ﺍﻟﺼﻮﺭ ... ﺑﺲ ﻣﻦ ﻟﻤﺎ ﺳﻤﻌﺖ ﻗﺼﺘﻪ ﻣﻦ ﺑﻮﻱ ﺍﻭﻝ ﻣﺮﺓ ﻟﻤﺎ ﻛﻨﺖ ﻭﻟﺪ 14 ﺳﻨﻪ .. ﻭﺍﻧﻲ ﻧﺤﺲ ﺍﺗﺠﺎﻫﻪ ﺑﺤﺐ ﻭﻭﺟﻊ ... ﺗﻤﻨﻴﺖ ﻟﻮ ﻛﺎﻥ ﻣﻮﺟﻮﺩ .... ﻭﺳﻜﺖ ..
ﻣﺤﻤﺪ : ﻣﺎﻛﺎﻧﺶ ﻫﺬﺍ ﺣﺎﻟﻚ ...
ﺳﺮﻣﺪ ﻗﻌﺪ ﺳﺎﻛﺖ ...
ﻣﺤﻤﺪ ﺗﻨﻬﺪ ﻭﻗﻌﺪ ﻳﺸﺒﺢ ﺯﻳﻪ ﻟﻠﻄﺮﻳﻖ : ﺍﺟﺒﺮﻧﺎ ﺑﻄﺮﻳﻘﻪ ﺍﻭ ﺑﺄﺧﺮﻯ ﻉ ﺍﻟﺤﻴﺎﺓ ﻫﺎﺩﻱ .. ﺻﺢ ﺯﻱ ﻣﺎﻳﻘﻮﻟﻮﺍ ﺍﻧﻲ ﺩﺍﻫﻴﻪ .. ﺑﺲ ﺷﺨﺼﻴﺘﻲ ﻓﻴﻬﺎ ﺿﻌﻒ ﻛﺒﻴﺮ ،ﺯﻳﻚ ﺧﻔﺖ ﻣﻦ ﺍﻟﻤﻮﺕ ... ﻭﺑﻮﻙ ﻣﺎﻛﺎﻧﺶ ﻃﺎﺭﺡ ﺧﻴﺎﺭﺍﺕ ﺗﺎﻧﻴﻪ ..
ﺳﺮﻣﺪ ﺍﺑﺘﺴﻢ ﺗﻬﻜﻤﺎ : ﺑﻌﺪ ﻣﻮﺕ ﺳﻴﻒ ﻛﺎﻧﺖ ﻓﻲ ﺧﻴﺎﺭﺍﺕ .. ﻭﻋﺎﺑﺪ ﺍﺧﺘﺎﺭ .. ﻭﺍﺳﺘﻐﻞ ﺣﺰﻥ ﻭﻧﺪﻡ ﺑﻮﻱ ﻉ ﺍﻟﻠﻲ ﺩﺍﺭﻩ ﻓﺴﻴﻒ .. ﻭﺑﻌﺪ ﻉ ﻛﻞ ﺷﻲ ...
ﻣﺤﻤﺪ : ﻟﻬﺎﻟﺴﺒﺐ ﻋﻄﺎﻩ ﺍﻟﺤﺴﻦ ﻳﺮﺑﻴﻪ ...
ﺳﺮﻣﺪ ﺷﺒﺤﻠﻪ : ﻫﻮ ﻛﻴﻒ ﺍﻟﺤﺴﻦ ﻣﺎﻛﺎﻧﺶ ﻣﻊ ﺍﻣﻪ ﻭﺑﻮﻩ ﻓﻲ ﺍﻟﺴﻴﺎﺭﻩ ﻭﻗﺘﻬﺎ ﻭﻉ ﺣﺴﺐ ﻣﺎﻧﻌﺮﻑ ﺍﻧﻪ ﻣﺴﻴﺐ ﺍﻟﺤﻮﺵ ﻗﺒﻞ ﺍﻟﺤﺎﺩﺙ ﺏ 15 ﻳﻮﻡ ...
ﻣﺤﻤﺪ : ﻣﺬﻛﺮ ﺑﻮﻱ ﻭﻗﺘﻬﺎ ﻛﻠﻢ ﺍﻣﻲ ﻭﻗﺎﻝ ﻟﻬﺎ ﺍﻧﻪ ﻣﺴﺘﺎﺣﺶ ﺍﻟﺤﺴﻦ ﻫﻠﺒﻪ .. ﻭﺯﻱ ﻣﺎﺗﻌﺮﻑ ﺍﻣﻲ ﻣﺎﺗﺘﺤﻤﻠﺶ ﺗﺸﻮﻑ ﺑﻮﻱ ﻣﺘﻜﺪﺭ ﻭﻓﻨﻔﺲ ﺍﻟﻮﻗﺖ ﻛﺎﻧﺖ ﻣﺴﺘﺎﺣﺸﻪ ﺍﻟﺤﺴﻦ .. ﻛﻠﻤﺖ ﺳﻴﻒ ﻭﺣﺎﻭﻟﺖ ﻓﻴﻪ ﻭﺳﻴﻒ ﻷﻧﻪ ﻛﺎﻥ ﻳﻌﺰﻫﺎ ﻫﻠﺒﻪ ﺭﺿﺨﻠﻬﺎ ﻭﺟﺎﺑﻠﻬﺎ ﺍﻟﺤﺴﻦ ﻭﺗﻮﺟﻪ ﻫﻮ ﻭﻣﺮﺗﻪ ﻟﺤﻮﺵ ﺍﻫﻠﻬﺎ .. ﻭﺻﺎﺭ ﺍﻟﻠﻲ ﺻﺎﺭ
ﺳﺮﻣﺪ : ﺗﺘﻮﻗﻊ ﻳﺠﻲ ﻳﻮﻡ ﻭﺍﻟﺤﺴﻦ ﻳﻌﺮﻑ ..
ﻣﺤﻤﺪ ﺍﺑﺘﺴﻢ ﺗﻬﻜﻤﺎ : ﺣﻴﻌﺮﻑ ﻃﺎﻝ ﺍﻟﺰﻣﺎﻥ ﻭﻻﻗﺼﺮ ..
ﺳﺮﻣﺪ ﻗﻌﺪ ﻳﻔﻜﺮ ﻟﻤﺎ ﻳﻌﺮﻑ ﺍﻟﺤﺴﻦ ﺑﺎﻟﻤﺨﻔﻲ ﻋﻨﻪ ﺷﻦ ﻣﻤﻜﻦ ﺗﻜﻮﻥ ﺭﺩﺓ ﻓﻌﻠﻪ .. ﺍﻟﻤﺨﻔﻲ ﺻﺎﺩﻡ ﺑﻘﺴﻮﺓ .. ﻛﻴﻒ ﺣﻴﺘﻌﺎﻣﻞ ﻣﻌﺎﻩ ﺍﻟﺤﺴﻦ !.. ؟
ﻣﺤﻤﺪ ﺷﺒﺤﻠﻪ : ﺣﻴﻔﻮﺕ ﺍﻟﻠﻲ ﺩﺍﺭﻩ ﺑﺎﻟﺴﺎﻫﻞ .. ﺧﺴﺎﺭﺗﻨﺎ ﻛﺒﻴﺮﻩ ﻭﺗﻘﺴﻢ ﺍﻟﻈﻬﺮ ﻫﺎﻟﻤﺮﺓ
ﺳﺮﻣﺪ ﺍﺑﺘﺴﻢ ﺗﻬﻜﻤﺎ : ﻻﻃﺒﻌﺎ ﻣﺶ ﺣﻴﻔﻮﺕ ﺑﺎﻟﺴﺎﻫﻞ ... ﺍﺳﺘﻨﻰ ﻳﻮﻡ ﺍﻷﺣﺪ ﻭﺣﺘﺸﻮﻑ ﺑﻌﻴﻨﻚ .. ﺩﻡ ﻋﻠﻲ ﺍﻟﺼﺎﺩﻕ ﻣﺶ ﺭﺧﻴﺺ ﺑﻜﻞ ... ﻗﺎﻟﻬﺎ ﺑﻨﺒﺮﺓ ﻣﺨﻨﻮﻗﻪ ﻭﻋﻴﻮﻧﻪ ﺩﻣﻌﻮﺍ ...
***
ﺗﻌﺸﺎ ﺍﺣﻤﺪ ﻋﻨﺪ ﺍﻟﺤﺴﻦ ﻭﺭﻭﺡ ... ﻭﺍﻟﺤﺴﻦ ﻧﺰﻝ ﻟﺸﻘﺘﻪ ﻭﻛﺎﻥ ﺗﺎﻋﺐ ﻳﺒﻲ ﻳﺮﻗﺪ ﻭﺑﺲ .. ﺧﺶ ﻟﺤﻮﺷﻪ .. ﻭﺳﻜﺮ ﺍﻟﺒﺎﺏ ..
" ﺟﻴﺖ ..."
ﺧﻄﻤﺖ ﻣﻦ ﻗﺪﺍﻣﻪ ﻭﻛﺎﻧﺖ ﻻﺑﺴﻪ ﻗﻔﻄﺎﻥ ﺳﻤﺎﻭﻱ ﺑﺴﻴﻮﺭ ﻏﻼﻅ ﺑﻌﺾ ﺍﻟﺸﻲ ﺿﻴﻖ ﻣﻦ ﻋﻨﺪ ﺍﻟﺼﺪﺭ ﻭﻭﺍﺳﻊ ﻣﻦ ﺗﺤﺖ ﺍﻟﺼﺪﺭ ﻟﻌﻨﺪ ﺍﺧﺮ ﻃﻮﻟﻪ ﺍﻟﻠﻲ ﻭﺍﺻﻞ ﻟﻔﻮﻕ ﺍﻟﺮﻛﺒﻪ .. ﻭﺭﺍﻓﻌﻪ ﺷﻌﺮﻫﺎ ﻛﻌﻜﻪ ﻣﺒﻌﺜﺮﻩ ... ﻓﻲ ﺧﺼﻼﺕ ﻣﻦ ﺷﻌﺮﻫﺎ ﺍﻟﻤﻠﻮﻥ ﺑﺎﻷﺻﻔﺮ ﻃﺎﻳﺤﺎﺕ ﻉ ﺭﻗﺒﺘﻬﺎ ﻣﻦ ﺍﻟﺨﻠﻒ .. ﻓﺘﺤﺖ ﺍﻟﺘﻼﺟﻪ ﻭﻃﻠﻌﺖ ﻣﻨﻬﺎ ﺷﻴﺸﻪ ﻣﻴﻪ ...
ﻋﻠﻴﺎ ﻭﻫﻲ ﺗﻔﺘﺢ ﻓﻲ ﺍﻟﺸﻴﺸﻪ : ﺗﻌﺮﻑ .. ﻧﻔﻜﺮ ﻓﻲ ﺍﻷﻣﺘﺤﺎﻧﺎﺕ ﺍﻟﻠﻲ ﻗﺮﺑﻮﺍ ﺍﻟﻠﻲ ﺣﻴﻜﻮﻥ ﻧﺼﻬﻢ ﻓﻲ ﺭﻣﻀﺎﻥ .. ﺻﺒﺖ ﺍﻟﻤﻴﻪ ﻭﺷﺮﺑﺖ .. ﻧﺰﻟﺖ ﺍﻟﻄﺎﺳﻪ .. ﺍﻟﺤﻤﺪ ﻟﻠﻪ .. ﺍﻟﻤﻬﻢ ﻭﻣﻮﺍﻝ ﺭﻣﻀﺎﻥ ﺑﺮﻭﺣﻪ ﺣﺘﻰ ﻫﻮ .. ﻭﻻ ﺍﻟﺠﻮ ﺍﻟﻠﻲ ﺑﻴﺒﺪﺍ ﻳﺴﺨﻦ ﻣﻦ ﺗﻮﺍ .. ﻭﺍﺍﺍﺍﻙ ﺍﺳﺘﻐﻔﺮ ﺍﻟﻠﻪ ... ﺣﻄﺖ ﺍﻟﺸﻴﺸﻪ ﻓﻲ ﺍﻟﺘﻼﺟﻪ .. ﺳﻤﻌﺖ ﺗﻠﻴﻔﻮﻧﻬﺎ ﺭﻥ .. ﻫﺎﺩﻱ ﺍﻛﻴﺪ ﺍﻣﻴﺮﻩ .. ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻣﺘﻮﺟﻬﻪ ﻟﺪﺍﺭ ﻧﻮﻡ .. ﺑﺲ ﺍﻟﻴﺪ ﺍﻟﻠﻲ ﺷﺪﺗﻬﺎ ﻣﻦ ﺧﺼﺮﻫﺎ ﻭﺟﺒﺪﺗﻬﺎﻭﺧﻠﺘﻬﺎ ﻓﻲ ﺗﻮﺍﻧﻲ ﻓﺤﻀﻨﻪ .. ﻭﻗﻌﺪ ﻳﺎﻛﻞ ﻓﻲ ﺍﻟﻘﻄﺎﻳﻒ ﺍﻟﻠﻲ ﻳﺤﺒﻬﻢ ﺧﻠﺖ ﺍﻟﺘﻠﻴﻔﻮﻥ ﻳﺮﻥ ﺑﺮﻭﺣﻪ ﻟﻴﻦ ﻳﻨﺤﺮﻕ ..😁💓
ﺍﻣﻴﺮﺓ : ﻣﺎﺗﺮﺩﺵ ﺍﻟﻌﻨﺰﺓ ..
ﻣﺪﻳﺤﻪ : ﻫﻬﻬﻬﻬﻬﻬﻬﻪ .. ﺍﺑﻌﺘﻴﻠﻬﺎ ﺭﺳﺎﻟﻪ ﻭﻗﻮﻟﻴﻠﻬﺎ ﺑﻨﺠﻴﻚ ..
ﺍﻣﻴﺮﻩ : ﻣﻦ 11 ﺑﻨﻜﻮﻥ ﻏﺎﺩﻱ ﻧﺒﻲ ﻧﻌﻄﻴﻬﺎ ﻋﻠﻢ ﻣﺎﻧﻌﺮﻓﺶ ﻓﺸﻦ ﺗﻜﻮﻥ ﻣﻨﺸﻐﻠﻪ ..
ﻣﺪﻳﺤﻪ : ﺍﺑﻌﺘﻲ ﺭﺳﺎﻟﻪ ﻭﺗﻮ ﺗﺸﻮﻓﻬﺎ ..
ﺗﻨﻬﺪﺕ ﺍﻣﻴﺮﻩ ﻭﺑﺪﺕ ﺗﻜﺘﺐ ﻓﻲ ﺍﻟﺮﺳﺎﻟﻪ ﻭﺑﻌﺘﺘﻬﺎ ...
***
ﺭﺍﻗﺪﻩ ﻓﻲ ﺳﺮﻳﺮﻫﺎ ﺑﺲ ﻭﺍﺿﺢ ﺍﻧﻬﺎ ﺗﺸﻮﻑ ﻓﻲ ﻛﺎﺑﻮﺱ .. ﺳﻤﻌﺖ ﺍﺧﺘﻬﺎ ﺻﻮﺗﻬﺎ ﻭﻫﻲ ﺗﺘﻜﻠﻢ ﻧﺎﺿﺖ ﻗﺮﺑﺖ ﻣﻨﻬﺎ ..
ﺟﻨﺎﻥ ﻭﻫﻲ ﺭﺍﻗﺪﻩ : ﻣﺤﻤﺪ .. ﻋﻼﺵ .. ﻋﻼﺵ .. ﻣﺤﻤﺪ ..
ﺧﻮﻟﻪ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﻗﻌﺪﺕ ﺗﻨﻮﺽ ﻓﻴﻬﺎ : ﺟﻨﺎﻥ .. ﺟﻨﺎﻥ .. ﺟﻨﺎﺍﻥ ..
ﺟﻨﺎﻥ ﻧﺎﺿﺖ ﻭﺷﻬﻘﺖ ﺑﺼﻮﺕ ﻋﺎﻟﻲ ..
ﺧﻮﻟﻪ : ﺍﻧﻲ ﺧﻮﻟﻪ ﺧﻮﻟﻪ ..
ﺟﻨﺎﻥ ﺗﺘﻨﻔﺲ ﺑﺼﻌﻮﺑﻪ .. ﺷﺒﺤﺖ ﻷﺧﺘﻬﺎ : ﺣﻠﻤﺖ ﺑﺄﻥ ﺑﻌﻴﺪ ﺍﻟﺴﻮ ﺑﻌﻴﺪ ﺍﻟﺴﻮ ﻣﺤﻤﺪ ﻣﺎﺕ ..
ﺧﻮﻟﻪ ﺗﺸﺒﺤﻠﻬﺎ ﺑﺼﺪﻣﻪ ..
ﺟﻨﺎﻥ : ﺍﻋﻮﺫ ﺑﺎﻟﻠﻪ .. ﻗﻌﺪﺕ ﺍﺩﻭﺭ ﻉ ﺗﻠﻴﻔﻮﻧﻬﺎ ﺷﺎﻓﺘﻪ ﻉ ﺍﻟﻜﺎﻣﺪﻳﻨﻮ ﺩﻓﺖ ﺍﺧﺘﻬﺎ ﻭﺧﺪﺍﺗﻪ ﻭﺣﻄﺖ ﻉ ﺭﻗﻢ ﻣﺤﻤﺪ ﻭﻗﻌﺪﺕ ﺗﺘﺼﻞ .. ﺭﺩﺕ ﻋﻠﻴﻬﺎ ﺍﻹﺳﻄﻮﺍﻧﻪ " ﺍﻟﺮﻗﻢ ﺍﻟﻤﻄﻠﻮﺏ ﻣﻘﻔﻞ..."💔
ﺟﻨﺎﻥ : ﻋﻼﺵ ﻣﺴﻜﺮﻩ ﻋﻼﺵ ... ﺗﻮ ﻧﻮﺭﻳﻪ ... ﺣﻄﺖ ﺗﻠﻴﻔﻮﻧﻬﺎ ﻭﻭﻟﺖ ﺭﻗﺪﺕ .. ﻭﺧﻮﻟﻪ ﺗﺸﺒﺤﻠﻬﺎ ﺑﺼﺪﻣﻪ ﺷﺪﻳﺪﻩ ﻭﺩﻣﻮﻋﻬﺎ ﺗﻨﺰﻝ ...
***
ﻳﺸﺒﺤﻮﺍ ﻟﺒﻌﺾ ... ﻭﻋﻴﻮﻧﻬﻢ ﻧﻈﺮﺍﺗﻬﺎ ﻛﻠﻬﺎ ﺣﺐ ..
ﺍﻟﺤﺴﻦ : ﻋﻨﺪﻙ ﻋﻠﻢ ﺍﻧﻚ ﻋﺴﻞ ﻭﺣﻘﺎﻧﻲ ..
ﻋﻠﻴﺎ ﺍﺑﺘﺴﻤﺖ ﺑﺨﺠﻞ ﻭﻗﻌﺪﺕ ﺳﺎﻛﺘﻪ ..
ﺍﻟﺤﺴﻦ : ﺁﺍﺍﺍﺍﺍﺍﻩ .. ﺭﺑﻲ ﻳﺒﻌﺘﻠﻲ ﺑﻨﻴﻪ ﺗﺠﻴﻨﻲ ﻧﺴﺨﻪ ﻣﻨﻚ .. ﺣﻨﺴﻤﻴﻬﺎ ﻋﺴﻞ ..
ﻋﻠﻴﺎ ﺑﻀﺤﻜﻪ : ﻋﺴﺴﻞ؟
ﺍﻟﺤﺴﻦ : ﺍﻳﻪ ﻋﺴﻞ ﻭﻳﻦ ﺍﻟﻤﺸﻜﻠﻪ ..
ﻋﻠﻴﺎ : ﺍﻻﺳﻢ ﻏﺮﻳﺐ ﻋﻠﻴﻨﺎ ﺷﻮﻳﻪ ..
ﺍﻟﺤﺴﻦ : ﻣﻤﻴﺰ ... ﻭﺍﻟﻤﻤﻴﺰ ﻟﻠﻤﻤﻴﺰ ..
ﻋﻠﻴﺎ : ﺑﺶ ﻳﺒﺪﺍ ﺍﺳﻤﻬﺎ ﻋﺴﻞ ﺍﻟﺤﺴﻦ ...
ﺍﻟﺤﺴﻦ ﺑﻀﺤﻜﻪ : ﻋﺴﻞ ﺍﻟﺤﺴﻦ ... ﻋﺴﻞ ﺻﺎﻓﻲ .. ﻃﺒﻴﻌﻲ ... ﻓﻴﻪ ﺷﻔﺎﺀ ﻟﻘﻠﺐ ﺑﻮﻫﺎ .. ﺑﺲ .. ﻋﺴﻞ ﺍﻟﺤﺴﻦ ﻟﻠﺤﺴﻦ ﻭﺑﺲ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻬﻪ ﺗﻘﻮﻝ ﺩﻋﺎﻳﻪ ﻣﻦ ﺩﻋﺎﻳﺎﺕ ﺍﻟﺮﺍﺩﻳﻮ ﺍﻟﺼﺎﻣﺘﻪ ..
ﺍﻟﺤﺴﻦ : ﻫﻬﻬﻬﻬﻬﻬﻬﻬﻪ ﻧﻘﻠﺪ ﻓﻴﻬﻢ ... ﺗﻐﻴﺮﺕ ﻣﻼﻣﺤﻪ ﻭﻗﻌﺪ ﻳﺸﺒﺢ ﺑﺈﺯﺩﺭﺍﺀ .. ﻛﺮﻫﺖ ﺭﻭﺣﻲ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ...
ﺍﻟﺤﺴﻦ ﺣﻀﻨﻬﺎ : ﻫﻴﺎ ﺍﺭﻗﺪﻱ ...
ﻋﻠﻴﺎ : ﻳﺎﺭﺑﻲ ﻣﺎﺯﺍﻝ ﻧﺒﻲ ﻧﻬﺪﺭﺯ ﻣﻌﺎﻙ ..
ﺍﻟﺤﺴﻦ : ﺑﻨﺮﺭﺭﻗﺪ .. ﺣﻴﻠﻲ ﻣﻬﺪﻭﺩ ..
ﻋﻠﻴﺎ ﺣﻀﻨﺎﺗﻪ : ﺍﻟﻠﻪ ﻳﺠﻌﻞ ﺣﻴﻠﻚ ﺩﻳﻤﺎ ﻗﻮﻱ ﻭﻻﻳﺠﻴﺒﻠﻪ ﻫﺪ .. ﺍﺭﻗﺪ ﺣﺒﻴﺒﻲ .. ﺍﺭﻗﺪ ..
ﺍﻟﺤﺴﻦ ﻏﻤﺾ ﻋﻴﻮﻧﻪ : ﻏﻨﻴﻠﻲ ...
ﻋﻠﻴﺎ ﺍﺑﺘﺴﻤﺖ : ﺑﺎﻩ ... ﻛﺎﻧﺖ ﺗﺸﺒﺢ ﻟﻠﻘﻤﺮ ﺍﻟﻠﻲ ﺑﺎﻥ ﻋﻠﻴﻬﺎ ﻣﻦ ﺍﻟﻔﻴﺮﻧﺪﺍ ﻭﺑﺪﺕ ﺗﻐﻴﻨﻠﻪ ..
🎶 ﻧﺤﻨﺎ ﻭﺍﻟﻘﻤﺮ ﺟﻴﺮﺍﻥ ..
ﺑﻴﺘﻮﺍ ﺧﻠﻒ ﺗﻼﻟﻨﺎ ..
ﺑﻴﻄﻠﻊ ﻣﻦ ﻗﺒﺎﻟﻨﺎ ..
ﻳﺴﻤﻊ ﺍﻻﻟﺤﺎﻥ ..
ﻧﺤﻨﺎ ﻭﺍﻟﻘﻤﺮ ﺟﻴﺮﺍﻥ ..
ﻋﺎﺭﻑ ﻣﻮﺍﻋﻴﺪﻧﺎ
ﻭﺗﺎﺭﻙ ﺑﻘﺮﻣﻴﺪﻧﺎ ﺍﺟﻤﻞ ﺍﻷﻟﻮﺍﻥ ..
ﻳﺎﻣﺎ ﺳﻬﺮﻧﺎ ﻣﻌﻮ ﺑﻠﻴﻞ ﺍﻟﻬﻨﺎ ﻣﻊ ﺍﻟﻨﻬﺪﺍﺕ ..
ﻳﺎﻣﺎ ﺟﺮﺣﻨﺎ ﺍﻟﻬﻮﺍ ﻉ ﻣﻄﻠﻌﻮﺍ ﻭﺣﻜﺎﻳﺎﺕ
ﻧﺤﻨﺎ ﻭﺍﻟﻘﻤﺮ ﺟﻴﺮﺍﻥ
ﻟﻤﺎ ﻃﻞ ﻭﺯﺍﺭﻧﺎ .. ﻉ ﻗﻨﺎﻃﺮ ﺩﺍﺭﻧﺎ ﺭﺷﺮﺵ ﺍﻟﻤﺮﺟﺎﻥ 💖
***
ﺗﺎﻧﻲ ﻳﻮﻡ ...
ﺳﻴﺪﻩ ﻓﻲ ﻣﻨﺘﺼﻒ ﺍﻷﺭﺑﻌﻴﻦ .. ﻻﺑﺴﻪ ﺑﺪﻟﻪ ﺳﺮﻭﺍﻝ ﺳﻮﺩﺍ .. ﺫﺍﺕ ﺷﻌﺮ ﻗﺼﻴﺮ ﻓﻴﻪ ﺷﻴﺐ ﺑﺴﻴﻂ .. ﻭﻻﺑﺴﻪ ﻧﻈﺮﺍﺕ ﻃﺒﻴﻪ .. ﺗﻤﺸﻲ ﻓﻲ ﻣﻤﺮ ﺍﻟﻠﻲ ﻳﺸﻮﻓﻬﺎ ﻳﺤﻴﻬﺎ ﻭﻫﻲ ﺗﺮﺩ ﻓﺎﻟﺘﺤﻴﻪ ﺑﻤﻼﻣﺤﻬﺎ ﺍﻟﺠﺎﺩﻩ ...
ﻭﺻﻠﺖ ﻓﻲ ﻣﻜﺘﺒﻬﺎ ﺟﺎﻫﺎ ﺍﺣﺪ ﺍﻟﻤﻮﻇﻔﻴﻦ ..
: ﺳﻴﺎﺩﺓ ﺍﻟﻨﺎﺋﺒﻪ .. ﻋﺒﺪﺍﻟﻘﺪﻭﺱ ﺍﻟﺒﻲ ﻳﺴﺘﻨﻰ ﻓﻴﻚ ﺩﺍﺧﻞ ..
ﺭﻓﻌﺔ ﺣﺎﺟﺒﻬﺎ ﺑﺈﺳﺘﻐﺮﺍﺏ ﻭﻓﺘﺤﺖ ﺍﻟﺒﺎﺏ ﻭﺧﺸﺖ ... ﺟﺖ ﻋﻴﻨﻬﺎ ﻋﻠﻴﻪ ﺷﺒﺤﺘﻠﻪ ﺑﺤﺪﻩ ﻭﺻﻠﺖ ﻓﻲ ﻣﻜﺘﺒﻬﺎ ﻭﻗﻌﻤﺰﺕ ﺣﻄﺖ ﺷﻨﻄﺘﻬﺎ ﺣﻄﺖ ﺍﻳﺪﻳﻬﺎ ﻉ ﺍﻟﻄﺎﻭﻟﻪ ﻭﺷﺒﻜﺘﻬﻢ ﺑﺒﻌﺾ ..
ﺳﺎﻟﻤﻴﻦ ﺑﺮﻓﻌﺔ ﺣﺎﺟﺐ : ﺗﻔﻀﻞ ..
ﻋﺒﺪﺍﻟﻘﺪﻭﺱ ﺍﺑﺘﺴﻢ : ﺍﺳﺘﺎﺩﻩ ﺳﺎﻟﻤﻴﻦ ﺍﻟﻌﺒﻴﺪﻱ ..
ﺳﺎﻟﻤﻴﻦ ﺑﺤﺪﻩ ﻭﺗﻬﻜﻢ : ﺟﺎﻱ ﺗﺴﺄﻝ ﻉ ﺍﺳﻤﻲ ..
ﻋﺒﺪﺍﻟﻘﺪﻭﺱ ﺑﺈﺑﺘﺴﺎﻣﻪ ﺗﻨﻬﺪ ﻭﻗﺎﻝ : ﺟﺎﻱ ﻧﺴﻠﻢ ﻧﻔﺴﻲ ...
... ﻳﺘﺒﻊ
