الفصل الثامن والعشرون
كانوا يجلسون جميعا ملتفين حوله.. كان ينظر لوجوههم جميعا.. كانوا جميعا يحاولون مراضاته باستماته.. كان يلتفون حوله كالكعكة التي وضعت للاحتفال.. ظلوا يحدثونه ويحاولون مراضاته.. كان عمه يحاول الحديث معه بهدوء محاولا إقناعه بشتى الطرق العودة لمنزلهم الذي هجروه رغما عنهم..
بحنان يطغى على ملامحه وحديثه..
مصطفى: محمد يا ابني والله العظيم انتوا عندى زي ولادي وأكتر.. ربنا يعلم إنِ دورت عليكم كتير.. وطول السنين اللي فاتت وأنا مبطلتش تدوير.. لما يأست الاقيكم اضريت اسافر عشان شغلنا وشغل والدك اللي أسسوا وسابوا لما نزل مصر.. مكنش ينفع اسيبه ده تعبه وشقاه وحقكم.. مكنتش اقدر افرك فيه ولا اسيبه يروح زي مااخويا راح مني.. قلت احافظ على حقكم لحد ربنا ميأذن ونقدر نلاقيكم.. لحد مقررت اني ارجع مصر ومش ههمد غير لما اوصل لكم..
يأمن سليم على حديث والده: صح والله يا محمد .. بابا قرر يصفي كل حاجة عشان يدور عليكم.. وقالوا مش هيسافروا تاني.. هدينا كل حاجة هناك.. اخنا بنحبكم وعمرنا مفكرنا اننا نتخلى عنكم
هنا تحررت دمعات هاربة من عينيه.. لأول مرة تخونه دمعاته وتعلن العصيان.. تحررت تعبر عن مدى الحزن والألم الذي ينخر حنايا قلبه كالسكين.. دمعات الرجال قهر وهطولها تنذر بشدة الألم المختزن..
محمد : أنا عارف إنكم بتحبونا.. لكن احنا اتعذبنا واتبهدلنا كتير.. يمكن كانت غلطة مني لما فهمت كلام أمي غلط وقت الحادث.. أمي كان قصدها إني ابعد اختي عن العربية عشان ميجراش لها حاجة.. لكن انا كنت طفل وقتها وفكرت اني اخدها وابعد بيها عن الكل.. ولما الإسعاف أخدت أمي وابويا رجعت عشان اعرف هما راحوا فين.. لقيت الكل ماشي من المقابر شفتكم كلكم وقتها بس محدش شافني.. عرفت مكان قبرهم.. لكن محدش منكم خد باله من الطفل اللي واقف والألم بيقطع فيه.. طفل شايل حمل أخته الصغيرة..
فاطمة بدمعات منهمرة على ما عاناه في طفولته بدلا من أن يستمتع بطفولته وجد حملا يثقل كاهله.. لكنه كان أفضل من رجال كثر.. ربى أخته أفضل تربية.. وعلمها وهذبها.. لتذهب تجاهه تأخذه بأحضانها.. أحضان أمومية
فاطمة: يا حبيبي يا ابني.. حقك علينا كلنا.. سامحنا والله عمرنا مهنبعد عنكم تاني.. أنا كنت بتعذب في بعدكم والله.. أمكم كانت نصي التاني كان عذابي لفقدان أختي.. وانتوا اختفيتوا محدش لقاكم.. والله عذابنا كان كبير..
لترفع رأسه مكففة ً دمعاته..
لكن خلاص مفيش تعب ووجع تاني.. انتوا هترحعوا لحضننا تاني وهتفضلوا معانا وعمرنا مهنبعدكم عننا ابداً..
تومئ برأسها منتظرة إشارته..
ينظر بابتسامة تشوبها الدموع: صح أنا محتاج حضن أم وحنان أب.. محتاج عيلة احس بالحب وسطهم.. محتاج دفا وأمان.. صح كنت لأختي كل ده بس كنت دايما فاقده مكنش في اللي بيهون عليا
يأخذه بأحضانه مصطفى: خلاص يا حبيبي خلاص مفيش حزن تاني.. حقك عليا ..
كانت العبرات تنساب من عيون الجميع.. لم يعلم أحد هل هي عبرات ألم لما قاساه هو وأخته الصغرى; أم عبرات سعادة لأمل ولد من جديد بعودتهم مرة أخرى لأحضان عائلتهم.. ليتقدم نحوه خاله في محاولة مستميتة لنيل الصفح.. فلازال شعور الذنب يستبد قلبه
حسن : محمد حقك عليا أنا السبب في اللي حصل.. أنا اسف سامحني يا بني.. يممن لو مكنتش غبي بالشكل ده وسمخت للإنسانة حقيرة زي دي تلعب بدماغي مكنش ده حصل.. أنا بعترف بغبائي في وقت كنت خلاص عرفت غلطي.. لكن ده كان غيرة غباء شعور ملوش وصف.. اللي كنت حاسس بيه وقتها إن رجولتي اتهانت.. مكنتش قابل إن جوز اختي يكون من ضمن ضحاياها.. كنت حاسس إني في إيدها زي بيدق الشطرنج.. عقلي ملغي مكنتش عارف اتصرف.. ولما بدأت اتصرف صح للأسف كان تصرف غبي.. جنيت على اخواتي لغلطة هما ملهمش ذنب فيها.. أنا وجع قلبي مبيفارقنيش ليل ونهار.. عشان كدة بطلب منك تسامحني يمكن ارتاح.. هما ملهمش ذنب في حاجة.. كلهم اتظلموا بسببي.. حتى حامد كان بيحاول يحمي اخواتي مني.. وتصرفه كان من خوفه عليهم..
تقدم جده نحوه بخطى متمهلة.. نظرا لتقدمه بالعمر.. وعينان تفيض حنانا.. يشير له طالبا منه التقدم نحوه..
صالح : جرب مني يا غالي..
ماكان منه سوى تلبية رغبته.. ليباشر حديثه.. تعرف إن عيونك دي عيون حنين.. فيهم حنان وحب الدنيا كله.. وفيهم وجع يهد جبل .. انتوا هترجعوا معانا الأول وهنستقبلكم أحسن استقبال.. وهيترد لكم كرامتكم وعزكم وسط الكل.. وهفرح بيكم.. يا أغلى الغاليين...
ماكان منه إلا أنه رمى بجسده داخل أحضان جده.. ينعم بالحب والحنان للمرة الأولى منذ 13 عاما.. خرجت الفتيات من الداخل بعيون تنهمر منها الدمعات.. لتنظر رؤى لأخيها ولانهياره هذا.. فكان كالجبل العتيق الذي جار عليه الزمن وبدأ بالانهيار.. ينظر لها جدها يجدها تقف والدموع تنساب على وجنتيها.. يؤشر لها بالقدوم لتندفع لأحضانه.. مرت الدقائق والجميع يعبر عن حبه لهم.. ليتيقنوا أن خطأ وسوء فهم هدم حياة الجميع..
✍🏻✍🏻✍🏻✍🏻✍🏻✍🏻🥰🥰🥰✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻🤗🤗🤗🤗🤗
