ច្រវ៉ាក់ស្នេហ៍អន្ទាក់បេះដូង ( រដូវកាលចុងក្រោយ )

ភាគទី ១៦ : វាមិនដែលមានប្រវត្តិប្រពន្ធសំពងក្បាលប្តីទេ

ជីមីនបានអូសណាមហ្វុនចូលក្នុងឡានរបស់គេហើយបន្ទាប់មកក៏បញ្ជារអោយដេគុណបើកចាកចេញយ៉ាងលឿនមុនពេញដែលណាមហ្វុនរើកញ្ច្រោលហើយមានឱកាសចាកចេញពីឡាន ! ផែនការមួយនេះគេបានរៀបចំយ៉ាងស្អាតរួចអស់ទៅហើយ សូម្បីតែឡានរបស់ណាមហ្វុនដែលចតចោលនៅការ៉ាស់សុាំងក៏ត្រូវកូនចៅរបស់គេអូសទៅគ្របទុកនៅកន្លែងដែលមានសុវត្ថិភាពពិបាកនឹងអោយរកឃើញដែល ជៀសវាងអនាគតលោកប៉ាក្មេករកឃើញដឹងថាកូនគាត់ត្រូវចាប់ខ្លួននឹងត្រូវទម្លាក់គ្រាប់មីសសុីសពីលើមេឃមក ។

" អូយយ៎អូយយ៎ ចុក " ណាមហ្វុនបានដាល់ពោះជីមួយមួយដៃអោយគេដកកន្សែងស្អុយគគ្រុករបស់គេចេញពីមាត់របស់នាង នាងថប់ដង្ហើមផងស្អុយផងឡើងចង់បាត់សតិអស់ទៅហើយ

" ដៃធ្ងន់ម្លេះ មានដឹងថានៅក្នុងមាត់ខ្លាអត់ " ជីមីនចោទសួរទៅកាន់ណាមហ្វុនក៏ព្រោះតែឃើញថានាងមិនចេះរក្សាឥរិយាបទទាល់តែសោះ ពេលនេះនាងនៅជាមួយគេ គេកាន់សន្លឹកបៀរធំគេមានឱកាសលើរូបនាងបានគ្រប់ពេល នាងគួរតែខ្លាចគេមិនមេនដាល់គេអោយមានអារម្មណ៍ថាឈឺចាប់បែបនេះនោះឡើយ ។

" មាត់ខ្លាឪឯង អាកញ្ចាស់នរកសុីក្បាល " ណាមហ្វុនច្រែតៗដាក់ជីមីនភ្លាមៗអ្នកណាមិនក្តៅទៅនាងនៅតែនាងសោះសុខៗមកចាប់អូសនាងចូលឡាន បើថាជាអ្នកផ្សេងនាងអាចមិនសូវក្តៅប៉ុន្មានទេ តែនេះជាអាកញ្ចាស់មីនជាមនុស្សម្នាក់ដែលនាងព្យាយាមគេចទើបបានជានាងខឹងខ្លាំងដល់ថ្នាក់នេះ !!!

" គីមណាមហ្វុន នាងអោយចេះគោរពមនុស្សចាស់ផង " គេខ្មាស់ណាស់ក៏ព្រោះតែនាងមិនគោរពគេ នៅចំពោះមុខកូនចៅរបស់គេដែលយ៉ាងណាក៏គួរតែចេះទុកមុខអោយបងផងណាស្រីអូន -,-

" មនុស្សចាស់មិនគួរអោយគោរព អាមនុស្សចាស់ពាល " នាងគុំស្អប់គេតាំងពីគេប្រើពាក្យសម្តីគ្រោធគ្រាធមកលើរូបនាង មនុស្សចាស់ខ្មោចយ៎ស្អីទង្វើរអសីលធម៌ពាក្យសម្តីក៏ពាលខ្លាំងយ៉ាងនេះចង់អោយនាងគោរពបានយ៉ាងមិច សីលធម៌គេអន់ជាងក្មេងថ្នាក់មត្តេយ្យទៀត យ៉ាងៗនេះចង់អោយនាងគោរព ? រងចាំដល់ជាតិក្រោយសិនទៅ

" គីមណាមហ្វុន !!! "
" ចាប់ខ្ញុំមកធ្វើអី លោកឆ្កួតទេហ្អេស៎ ? លោកតាមចងកម្មជាមួយខ្ញុំដល់ពេលណាទៀត ក្រែងលោកបំផ្លាញអស់ហើយមិនថាអញ្ចឹង ? លោកនៅចង់បានអ្វីទៀត ខ្ញុំមិនដែលតាមរំខានលោកម្តងណាឡើយហេតុអីក៏លោកមិនអោយខ្ញុំបានសុខខ្លះ ? ខ្ញុំធុញនឹងលោក ហើយក៏ធុញនឹងការតាមរំខានពីស្រីរបស់លោកដូចគ្នា " ណាមហ្វុននិយាយជាមួយនឹងទឹកមុខស្ងួតបន្ទាប់ពីបានឃើញឡានរំកិលធ្វើដំណើរទៅមុខមិនឈប់ អញ្ចឹងវាក៏បានន័យថានាងត្រូវតែទៅជាមួយគេហើយ ។ នាងនិយាយទៅកាន់គេដោយអារម្មណ៍ពិត នាងធុញនាងស្ទើរតែក្លាយជាមនុស្សសរសៃប្រសាទកាលបើមិនមានសេរីភាពដូចគេដូចឯង បើត្រឹមតែគេម្នាក់នាងក៏អាចទប់ទល់បានតែថាមានចាស្មីនដែលជាស្រីរបស់គេតាមរំខានយាយីឆាកជីវិតរបស់នាងម្នាក់ទៀតគឺនាងធុញថប់ ជាពិសេសគឺនាងស្អប់នៅពេលដែលចាស្មីនច្រែតៗដូចឆ្កែឆ្កួតដាក់នាង