ច្រវ៉ាក់ស្នេហ៍អន្ទាក់បេះដូង ( រដូវកាលចុងក្រោយ )

ភាគទី ០៨ : ម៉ាក់នាងនិយាយថានឹងលើកនាងអោយធ្វើជាប្រពន្ធខ្ញុំ

ដៃរបស់ចាស្មីនចាប់ផ្តើមញ័រក៏ព្រោះតែនាងមិនដឹងគួរសម្រេចចិត្តបែបណា តើនាងគួរតែទះរឺមួយក៏លើកលែង ? បើលើកលែងមានន័យថានាងចាញ់ប្រៀបនាងក្មេងម្នាក់នេះខ្លាំងពេក ត្រូវលះបង់ប្តីអោយនាងក្មេងនេះហើយក៏គ្មានសិទ្ធទះក្មេងនេះសងសិកទៀត ! បើនាងទះនាងនឹងឈ្នះតែក៏មិនដឹងថាបន្ទាប់ពីទះហើយនឹងជួបលទ្ធផលបែបណាបើលោកស្រីម្នាក់នោះមើលទៅកាចសាហាវខ្លាំងណាស់ ។

     " សាកទៅ ! " ឆេមីនស្រែកដោយសម្លេងឆ្នាស់ឆ្នើមសារជាថ្មីជាមួយនឹងក្រសែរភ្នែកក្រហមថ្លែខឹងខ្លាំងសម្លក់ទៅក្មេងម្នាក់ដែលបំណងលើកដៃទះកូនស្រីរបស់នាងសារជាថ្មីនោះ ។

     " ... " ចាស្មីនទម្លាក់ដៃចុះវិញញ័របបូរមាត់ឡើងទទ្រើត
     " ណាមហ្វុនមកនេះកូន "
     " ចាស៎អ្នកម៉ាក់ " ណាមហ្វុនដើរទៅអោបដៃអ្នកម៉ាក់ សំណាងណាស់ដែលអ្នកម៉ាក់មកទាន់មិនអញ្ចឹងស្រីធ្មប់នោះច្បាស់ជាទះនាងជាច្រើនកាំផ្លៀងបានសម្រេចហើយបើស្កន់ជាន់យ៉ាងនឹង តែទោះជាអ្នកម៉ាក់មិនមកក៏ណាមហ្វុនមិនចុះចាញ់ដែល យ៉ាងហោចណាស់មួយកាំផ្លៀងទៅហើយមួយកាំផ្លៀងមកនោះឯង ...។ 

     " មានឈឺកន្លែងណាទេកូន "
     " អត់ទេអ្នកម៉ាក់ " ណាមហ្វុនគ្រវីក្បាលទាំងដែលការពិតនាងនៅស្រកៀរសរសៃសក់នៅឡើយក៏ព្រោះតែស្រីនោះបោចសក់អម្បាញមិញ ណាមហ្វុនដឹងថាខ្លួនឯងជាសំណព្វក្នុងគ្រួសារជាកែវភ្នែករបស់លោកប៉ាអ្នកណាក៏ប៉ះមិនបានដែល សូម្បីតែពេលនេះអ្នកម៉ាក់ក៏ប្រើអំណាចការពារនាងដែល បើនាងនិយាយថាឈឺតែមួយម៉ាត់ច្បាស់ជាមានរឿងកក្រើកពេញមន្ទីរពេទ្យជាមិនខាន ...។

     " នាងមានបញ្ហាអីជាមួយកូនស្រីខ្ញុំ ? " ឆេមីនចោទសួរទៅកាន់នារីម្នាក់នោះវិញម្តង ខឹងយ៉ាងណាក៏ត្រូវរកហេតុផលច្បាស់លាស់ដែល

     " កូនលោកស្រីដណ្តើមប្តីរបស់ខ្ញុំ " ចាស្មីនស្រែក
     " ផស្តុងតាងនៅឯណា ? ត្រង់ណាថាកូនខ្ញុំដណ្តើម " ឆេមីនបន្ត
     " វាមកជួបប្តីខ្ញុំរាល់ថ្ងៃ ពេលនេះក៏អញ្ចឹងបើកភ្នែកមើលអោយច្បាស់ទៅធ្វើជាម៉ែគេហើយកុំលំអៀងពេក " ចាស្មីនស្រែកតែតៗដូចឆ្កែឆ្កួត ឆេមីនបានត្រឹមតែគ្រវីក្បាលក្មេងនេះទំនងជាមនុស្សដែលរស់ក្នុងសង្គមមនុស្សដែលអណាធិបតេយ្យហើយទើបបានជាគ្មានការអបរុំល្អសោះ និយាយជាមួយមនុស្សចាស់គ្មានសុជីវធម៍ស្រែកយកៗ ។