ထင်းရှူးမြေမှာ လွမ်းရိပ်တို့ဝေ ထင္းရွဴ းေျမမွာ လြမ္းရိပ္တို႔ေ၀

28

အပျက်​ပျက်​နဲ့ နှာ​ခေါင်း​သွေးထွက်​တယ်​ဆိုတာ ဒါမျိုးကို​ခေါ်တာ​နေမည်​။ ချစ်​ရသူကတစ်​ယောက်​။ တွဲဖြစ်​နေတာတစ်​ယောက်​။ ရှင်းသန့်​ကိုချစ်​တယ်​ဆိုပြီး​ခေါင်းကိုဆက်​တိုက်​ငြိမ့်​ပြီးဝန်​ခံခဲ့တဲ့အပြင်​သူ့အနမ်းကိုလဲ​ကျေနပ်​စွာလက်​ခံယူခဲ့သတဲ့။ အဲ့ညကအမူးလွန်​ခြင်းကသာ တရားခံဖြစ်​ခဲ့ဟန်​တူသည်​။ ဘာမှမသိ၊ ဘာမှမမှတ်​မိဘူးဆိုပြီး ဇွတ်​ငြင်းပစ်​ရ​အောင်​လဲ သူမတိူ့ဇာတ်​လမ်းကား လွန်​နေ​လေပြီ။ တစ်​ရက်​ပြီးတစ်​ရက်​စိတ်​ဆင်းရဲမှု​ပေါင်း​သောင်း​ခြောက်​ထောင်​နဲ့တင်​သူမမ​ပျော်​ပိုက်​တော့။ စစ်​ဆီလဲဖုန်းမဆက်​ရဲ။ စစ်​ပုံ​တွေကိုလဲသူမမကြည့်​ရဲ​တော့။ ကိုယ်​ဟာအပြစ်​ရှိ​နေသူတစ်​ယောက်​လိုပဲ ဘယ်​သူနဲ့စကား​ပြော​ပြော လိပ်​ပြာမလုံ၊ စိတ်​လဲမသန့်​။
ရှင်းသန့်​ဆီလဲစာမပို့ဖြစ်​။ ဖုန်းဆက်​လာလည်းမကိုင်​။ စစ်​ဖက်​က​တော့သိသာလွန်းစွာ တိတ်​ဆိတ်​နေသည်​။ စာလဲမပို့လာသလို ဖုန်းဖြင့်​လဲမဆက်​သွယ်​တော့။ လိုင်း​တောင်​မတက်​တော့တာကပိုမှန်​သည်​။
စစ်​ဖက်​ကတည်​ငြိမ်​နေပြီဆိုကာမှ​သွေးမ​နေတတ်​လောက်​အောင်​စစ်​ကိုလွမ်းလာသည်​။ စစ်​ရဲ့စကား​လေး​တွေကြားချင်​လာသည်​။ အရင်​ကစစ်​ဖုန်းဆက်​ခဲ့တာကိုအပိုလို့သတ်​မှတ်​ပြီးကိုင်​ချင်​မှကိုင်​ခဲ့ စာပို့ထားသည်​ကိုလဲပြန်​ပြောချင်​မှ​ပြော သူ့​စေတနာ​တွေကို ကိုယ်​ကဥပက္ခာပြုထားခဲ့သ​လောက်​တော့ ခု ဝဋ်​လိုက်​နေပြီထင်​ပါသည်​။
သူမလာဘူးဆိုမှ ကိုယ်​ကအတင်းလာ​စေချင်​သလို သူမ​ပြောဘူးဆိုမှကိုယ်​က​ဇွတ်​ပြော​စေချင်​သည်​။
သူ မချစ်​တော့ဘူးဆိုမှ ကိုယ်​ကအ​သေအလဲကိုချစ်​နေရတဲ့အခိုက်​။ ဒီပုံစံအတိုင်းဆက်​သွားလျှင်​တော့ ဇာတ်​ကနာ​ဖိူ့ပဲရှိ​တော့သည်​။ ရှင်းသန့်​လိုလူသိရှင်​ကြားလုပ်​ပြထား​တော့သူ့ကိုဖျက်​ပစ်​ဖို့ရာလဲ အားနာသည်​။ စစ်​ကိုကျ​တော့ဖြတ်​ပစ်​ရ​အောင်​ဆိုလျှင်​လွယ်​ကူ​ပေမယ့်​သူမ လိုအပ်​တာစစ်​ပေမယ့်​လုံးဝမဖြစ်​နိုင်​။
စစ်​နားလည်​အောင်​ရှင်းပြဖို့အတွက်​ကိုပင်​စကားလုံးကအစရှာမရ​အောင်​ပျောက်​ဆုံး​နေ​ပေသည်​။
"ရည်းစားပူမိ​နေတာလား​သွေး...​ကျောင်းကပြန်​လာပြီးတပတ်​လောက်​တော့​ပျော်​ပျော်​ပါးပါးနဲ့...ခုကျ​တော့ဘယ်​လို​တွေဖြစ်​နေတာလဲ"
နှင်းဆီခင်းမြက်​ရှင်း​ပေါင်းသင်​နေတာကို စိတ်​မပါလက်​မပါနဲ့လုပ်​တော့ အ​မေလဲသတိထားမိ​နေပြီထင့်​။
"မဟုတ်​ပါဘူး အ​မေရဲ့...ဒီတိုင်းပဲ "
"ဒါနဲ့ သမီး ဘယ်​တော့စာသင်​ရမှာလဲ"
"တလနားရတယ်​ပြီးမှသင်​ရမှာ"
"လစာရပြီလား"
အ​မေက​သွေးရှိတုန်းက​တော့ဟိုဟာစိုက်​သည်​ဟာစိုက်​နဲ့ ကြားကာလ​ငွေဝင်​တာ​လေး​တွေလုပ်​တတ်​တော့​သွေး​ကျောင်းတက်​နေချိန်​ကိုနှ​မြော​နေခဲ့သူပင်​။​တော်​သေးတာ​ပေါ့။ ငြိမ်းကလဲ​နေရ​သေးလို့။ မနက်​တိုင်းပန်းပို့ကငြိမ်းတာဝန်​ဖြစ်​လို့​နေပြီ။ေ​အာင်​စာရင်းလဲမထွက်​သေးတာမို့ခိုင်းလို့ရတုန်းခိုင်းထားနိုင်​မှ​တော်​ကာကျသည်​မဟုတ်​ပါလား။
"မရ​လောက်​သေးဘူး​လေ...ခုက အလုပ်​သင်​သ​ဘော​လေအ​မေ...တန်းပြဆင်းပြီးတလထပ်​နား ပြီးရင်​ကျောင်းပြန်​တက်​ရဦးမှာ နှစ်​လ"
"ဪ...အဆင်​ကော​ပြေ​နေရဲ့လား...ဒီရက်​ပိုင်းသိသိသာသာမျက်​နှာ​လေး​ချောင်​သွားသလိုပဲ"
"မဟုတ်​တာ အ​မေရာ....​ကျောင်းမှာအိပ်​ရေး​တွေပျက်​အစားမမှန်​ခဲ့လို့ပါ...ခု​တောင်​ဝလာ​သေးတာကို"
လက်​ကောက်​ဝတ်​ကို အခြားလက်​တစ်​ဖြင့်​ဆုပ်​ပြ​တော့​သွေးသိသိသာသာပိန်​ကျသွားသည်​ကို​တွေ့လိုက်​ရသည်​၊ ဘာလုပ်​လုပ်​စိတ်​မပါ။ ကိုယ့်​အမှား​ကြောင့််နာကျင်​နေရသူ​တွေမှအများကြီးဖြစ်​ခဲ့​လေပြီ။ အပြင်​ပန်းမှာသိသိသာသာနာကျင်​ပြနိုင်​စွမ်း​သွေးမှာမရှိ။ ဖျားတာ​တောင်​အိမ်​မှာဆို​ပေါ်တင်​ဖျားပြခွင့်​မရတဲ့ဟာကို။ ခုလိုအသည်းကွဲ​ရောဂါဖြစ်​နေလျှင်​ကား သိ​တောင်​သိ​စေလို့မရတာ​လေ၊
"မ​သွေး...ဖုန်းလာ​နေတယ်​"
တဲအတွင်းမှ​သွေးဖုန်းဖြင့်​ဂိမ်း​ဆော့​နေတဲ့​ဋ္ဌေး​အော်​သံ​ကြောင့်​လက်​ထဲက​ပေါက်​တူးကိုပစ်​ချလိုက်​လေသည်​။ ပြီး​တော့ကမန်းကတန်း တဲဆီသို့​ပြေးသည်​။
"ကိုင်​ထား​ပေး​နော်​ကျသွားမယ်​"
ပါးစပ်​မှလဲ​အော်​ပြောရင်းမြန်​မြန်​ပဲတဲဆီ​ရောက်​သွားသည်​၊​ဋ္ဌေးလှမ်း​ပေးတဲ့ ဖုန်းကိုယူပြီး မျက်​နှာပြင်​ပေါ်က လူအမည်​ကိုမြင်​လိူက်​တော့ ပြုံးရိပ်​သမ်း​နေတဲ့ နှုတ်​ခမ်း​လေး​တွေသိသိသာသာညိုးကျသွား​တော့သည်​။
​မေ့​နေလိုက်​တာ။ ခါတိုင်းလိုမှတ်​ပြီး ဖုန်းကို​ပြေးလွှားလာကိုင်​တာ။ ကိုယ်​မျှော်​နေသူဆီက ဒီတသက်​ဖုန်းအဝင်​ကောလ်​လေးရရှိဖို့ဆိုတာမှမဖြစ်နိုင်​တော့တာ​လေ။
မ​ပြောချင်​ပေမယ့်​လို့ ကိုင်​ပြီးသွားပြီဆိုမှ​တော့​ပြောရ​တော့မည်​လေ။
"အင်း...ရှင်းသန့်​"
"မ...ဘာလို့ကျ​နော့်​ဖုန်း​တွေမကိုင်​တာလဲ​ဗျာ....စာ​တွေလဲကျ​နော်​ပို့ထားတာအများကြီးကိုတစ်​ကြောင်း​လေး​တောင်​မပြန်​ဘူး....​နေမှ​ကောင်းရဲ့လား...အဆင်​ကော​ပြေရဲ့လား"
​ပြောချင်​တဲ့စကား​တွေအခုမှထိုးထွက်​လာခွင့်​ရှိပုံရသည်​။
"​နေ​ကောင်းပါတယ်​.....ဪ...​တောင်းဆိုချင်​တာတစ်​ခုရှိတယ်​...ရမလား"
"ရတာ​ပေါ့....မ ကြိုက်​ရာသာ​တောင်းဆိုပါ...မ လိုအပ်​တာဆိုကျ​နော်​ကမရရ​အောင်​လုပ်​ယူ​ပေးမှာမို့...ဖန်​တီး​ပေးမှာမို့"
"အခု ပရိုဖိုင်​မှာတင်​ထားတဲ့ပုံကိုဖျက်​ပေးလို့ရမလားဟင်​"
တစ်​ဖက်​မှကြည့်​ရင်​တော့ ကိုယ့်​အတွဲပုံကိုယ်​တင်​တာကို ဘာလို့ဖျက်​ခိုင်း​နေသနည်းဟု​တွေးရင်​တွေး​နေမှာပင်​။
သူ လိုက်​လျောသည်​ဖြစ်​စေ မလိုက်​လျောသည်​ဖြစ်​စေ ဖျက်​ခိုင်းဖို့​တောင်းဆိုပြီးသူဖျက်​ပေးခဲ့လျှင်​ကောင်းတဲ့ဖက်​ကပဲမဟုတ်​ပါလား။
"ဘာလို့လဲ....မ..မကြိုက်​လို့လား"
"မသင့်​တော်​လို့​လေ....​နောက်​ပြီး တကယ်​တမ်း​တော့​ကျမတို့က ဘာမှမဟုတ်​ကြတာကို"
သူ​တော့ဘယ်​လို​နေမည်​မသိ။. အချိန်​အကြာကြီးတနုံ့နုံ့နဲ့ပြိုလဲခဲ့ရတဲ့အ​ကြောင်း​ကြောင့်​ဒီလိုအဖြစ်​ဆိုးထဲက​နေ ရုန်းထွက်​ချင်​နေမိသည်​။ ရှင်းလို့ရရင်​ရှင်းလိုက်​မည်​။ မရှင်းရ​သေးပဲနဲ့​တော့ကိုယ့်​ဖက်​ကပဲနာကျင်​နေ၍ မဖြစ်​သေး။
သူ့ဖက်​က အ​တော်​ကြာ​အောင်​တိတ်​ဆိတ်​သွား​တော့သည်​။
"ကြားရဲ့လား...ဟယ်​လို ရှင်းသန့်​...ကျမ​ပြောတာကြားရဲ့လား"
"ကြားပါတယ်​....ဘာလို့ဘာမှမဟုတ်​ကြဘူးလို့​ပြောရက်​တာလဲ မရယ်​....အဲ့​နေ့ညကပဲမကိုယ်​တိုင်​လူသိရှင်​ကြားချစ်​တယ်​လို့ဝန်​ခံခဲ့တာ​လေ...ကလပ်​ထဲမှာရှိတဲ့သူ​တွေအကုန်​လုံးကြားကြတယ်​....မ ဝန်​ခံလိုက်​တဲ့အချိန်​ကသီချင်းသံရပ်​တဲ့အချိန်​မို့လို့အကုန်​လုံးကြားသွားခဲ့တာ....သူများ​တွေပုံ​တောင်​ရိုက်​ကြတယ်​...အခုတင်​ထားတဲ့ပုံဟာလဲသူများဆီကကျ​နော်​ရခဲ့တာ"
ဘုရား​ရေ...ငါးပါး​တော့​မှောက်​ကုန်​ပြိ။ ဒီလိုဆိုရင်​သွေးဖက်​ကိုပဲကြည့်​ပြီးအပြတ်​ရှင်း​ကြေးဆိုရင်​တော့ သူ့ဖက်​ကလဲနစ်​နာမှုများစွာရှိသွားလိမ့်​မည်​။ ဖုန်းကိုင်​ပြီး​ပြောရင်းလူက​ချောင်းစပ်​သို့​ရောက်​မှန်းမသိ​ရောက်​လို့လာသည်​။
​ပြောလဲ​ပြောချင်​။​ပြောဖို့ရာလည်းစကားကရှာမ​တွေ့။ စိတ်​ထဲမှာ​တော့အ​တော့်​ကိုရှုပ်​ထွေးလွန်းစွာ ခံရခက်​နေ​ပေသည်​။
မြစ်​စပ်​မှာ​ခြေ​ထောက်​ကို​ရေထဲထိုးချရင်း
"ရှင်းသန့်​....အဲ့ဒီညက ကျမ မူး​နေခဲ့တယ်​လေ...ဒါကိုရှင်းသန့်​လဲသိသားနဲ့....ကျမ....ကျမ...ရှင်းသန့်​ကိုအခုချစ်​သူလိုချစ်​လို့မရဘူး...​တောင်းပန်​ပါတယ်​ရှင်းသန့်​ရယ်​"
"ဟန်​မ​ဆောင်​ပါနဲ့ မ​သွေးရာ....ကျ​နော့်​မှာမ​သွေးမကြိုက်​တဲ့အချက်​တွေများ ရှိ​နေသလား​ဗျာ....မ​သွေးအတွက်​ကျ​နော်​ပြင်​ပါ့မယ်​..အခုတင်​တဲ့ပုံကိုမ​သွေးမကြိုက်​ဖူး ဖျက်​ဆိုရင်​ဖျက်​မယ်​....ဒါမဲ့ကျ​နော့်​ရဲ့စိတ်​ကူးယဉ်​အိမ်​မက်​လေးကို​တော့မဖျက်​ဆီးပါနဲ့​ဗျာ...ကျ​နော်​တောင်းပန်​တယ်​နော်​"
​ပြော​နေရင်း ရှင်းသန့်​ဆီမှငိုသံစွက်​လာသည်​။​သွေးတို့ကြားဖူး​နေကျ​ကောင်​လေး​တွေရဲ့သီအိုရီတစ်​ခုလိုပါပဲ။​ယောက်ျား​တွေမျက်​ရည်​ကျတယ်​ဆိုတာအဲ့​ကောင်​မ​လေးကို တကယ်​ချစ်​ကြလို့တဲ့။ ဒါဖြင့်​သွေးတို့မှာက​ကော တကယ်​ချစ်​ရတဲ့သူမ​ရွေးချယ်​ရ​တော့ဘူးတဲ့လား။
"မရှိပါဘူး...ရှင်းသန့်​ဟာမိန်းက​လေးတိုင်းရဲ့​ရွေးချယ်​စရာအ​ကောင်းဆုံး​ကောင်​လေး​တစ်​ယောက်​ပါ....ဒါမဲ့...ဒါမဲ့ ကျမကအဲ့မိန်းက​လေး​တွေထဲမပါဘူး​လေ...ကျမဟန်​ဆောင်​နေတာမဟုတ်​ပါဘူး"
ငိုချင်​ပြီးနာကျင်​နေတာ​တွေအစား အံကိုကြိတ်​ပြီးတည်​ငြိမ်​ဟန်​လုပ်​ရဦးမည်​ပေါ့။ သူစိမ်း​ယောက်ျား​လေးတစ်​ယောက်​ကို ခုလိုစိတ်​ပါလက်​ပါအချစ်​နဲ့ပတ်​သက်​ပြီးပြသနာ​ဖြေရှင်းရမည်​ဟု ဘယ်​ကံတရားကများသတ်​ပုံမှား​စေခဲ့တာလဲကွယ်​။
"ကျ​နော့်​ကို မချစ်​ဖူးဆိုလဲထားပါ​တော့​ဗျာ...ကျ​နော့်​အသိုင်းအဝိုင်းကြားမှာ မ​သွေးဟာကျ​နော့်​ချစ်​သူဆိုပြီးကျ​နော်​အ​ပျော်​ကြီး​ပျော်​လို့ ကြွားလုံးထုတ်​ထားခဲ့မိပြီဖြစ်​တဲ့အတွက်​အချိန်​လေးတစ်​ခု​လောက်​တော့ ဒီအတိုင်း​လေးပဲဟန်​ဆောင်​ပေးလို့ရမလား​ဗျာ....တကယ်​ပဲကျ​နော်​တသက်​မှာမ​သွေးတစ်​ယောက်​တည်းကိုပဲစပြီးချစ်​ခဲ့တာပါ....အချိန်​ကာလနှစ်​လအတွင်းမှာဒီ​လောက်​ထိချစ်​မိလိမ့်​မယ်​လို့လဲကျ​နော်​မ​တွေးခဲ့ဖူးဘူး..."
"ကျမ သိပါတယ်​....နားလဲလည်​ပါတယ်​...ဒါဖြင့်​လော​လောလတ်​လတ်​ပြသနာရှင်းစရာကဒီလိုပဲအ​ဖြေထွက်​ရ​တော့မယ်​ဆိုရင်​ကျမ လက်​ခံလိုက်​ပါ့မယ်​...ရှင်းသန့်​အ​ပေါ်ကျမတကယ်​မ​ကောင်းခဲ့တဲ့အတွက်​စိတ်​မ​ကောင်းပါဘူးတကယ်​ပါ"
"ရပါတယ်​ဗျာ....ကျ​နော်​စောင့်​မျှော်​နေဦးမှာပါ....အဲ့အချိန်​ကျ​နော့်​ကိုပြန်​စဉ်းစား​ပေးမယ်ဆိုရင်​ကျ​နော်​ဝမ်း​မြောက်​ဝမ်းသာ လက်​ခံဖို့​စောင့်​နေဥိးမှာ...မ​သွေးမှာ ချစ်​ရသူမရှိ​သေးသ၍ ကျ​နော်​ချစ်​ပိုင်​ခွင့်​မျှော်​လင့်​ပိုင်​ခွင့်​တော့ရှိပါ​သေးတယ်​မလား....ကျ​နော်​ချစ်​နိုင်​သ​လောက်​ချစ်​ပေး​နေဦးမှာပါ​ဗျာ....ပုံ​တော့ခုပဲဖျက်​လိုက်​ပါ့မယ်​....မ​သွေးစိတ်​ချမ်းသာ​နေရင်​ကျ​နော့်​ကမ္ဘာဟာလဲအမြဲငြိမ်းချမ်းပါတယ်​"
​ယောက်ျားတစ်​ယောက်​ရဲ့မျက်​ရည်​တွေကို​သွေး​ခြေ​ဆေးမိ​နေပြီလားမသိ။ ဝဋ်​တွေ​တော့လည်​ဦးမယ့်​ပုံ။ အချစ်​ရေးနဲ့ပတ်​သက်​ပြီး သူများ​တွေအသဲ​တွေကွဲသူလဲအပုံအပင်​။ ကံမ​ကောင်းဘူးဆိုပြီး​အော်​နေကြသူလဲအများကြီး။ ကိုယ်​ပေးတိုင်း​ပေးသ​လောက်​ပြန်​မရတာ အချစ်​တဲ့။ ဒီလိုဆိုရင်​သွေးက​ကော။
ရှင်းသန့်​ကော စစ်​ကောက နှစ်​ယောက်​လုံး​သွေးအ​ပေါ်မှာ​မေတ္တာစစ်​နဲ့ချစ်​ပေးခဲ့ကြ​ပေမယ့်​သွေးကသူတို့အချစ်​တွေနဲ့မထိုက်​တန်​လေ​တော့ ဘယ်​သူမှမပိုင်​ရပဲ ကြားက​နေ အလဲလဲအပြိုပြို ။
စစ်​ဆီသို့လဲ ဖုန်းကမ​ခေါ်ရဲ။ ခုဟာကအသံ​လေးကြားချင်​ရင်​တောင်​မှမကြားနိုင်​တော့တဲ့အဖြစ်​မျိုး။
ကိုယ့်​အပြစ်​နဲ့သာကိုယ်​ခံ​ပေဦး​တော့။
...
လာသမျှ ဧည့်​သည်​တွေက ဆိုင်​မှာရှိတဲ့လူ​တွေနဲ့အတွဲညီ​နေတာဆို​တော့ စစ်​တစ်​ယောက်​တည်းအားလို့​နေသည်​။ ဆရာက မကြီးနဲ့ရင်းနှီးတာ​ကြောင့်​မို့လား​တော့မသိ။ စစ်​ကိုဆို ဘာမှသိပ်​မခိုင်း။ အလှပြင်​တာနဲ့ဆံပင်​ညှပ်​နည်းကိုသာ​ကောင်း​ကောင်းသင်​ပြသည်​။ တခြားသင်​တန်းသူ​တွေကို​လျှော်​တာမှအစ​ခေါင်းနှိပ်​ပေးတာကအစ သင်​ကြား​ပေး​နေသည်​။
ခုလို စစ်​အား​နေသလိုအခြားတစ်​ယောက်​များအား​နေရင်​ဆရာကအလကားမထား။​ရေသုတ်​တဲ့တဘက်​တွေကို​လျှော်​ခိုင်းတတ်​တာ။
"စစ်​ရေ...လာပါဦး"
ဆိုင်​ထဲ​လျှောက်​သွား​နေရင်း သတင်းစာဖတ်​နေတဲ့ ဆရာက​တော်​ကလှမ်း​ခေါ်​တော့ သွားရပြန်​သည်​။
"ဟုတ်​...အန်​တီ...စစ်​ဘာလုပ်​ပေးရမလဲ"
ဒါက အမြဲတမ်းစစ်​မေး​နေကျ စကား။ သူများအိမ်​မှာလာ​နေတာဆို​တော့ ဘာလိုလိုလုပ်​ပေးဖို့အဆင်​သင့်​ဖြစ်​နေရမည်​လေ။​ဆရာက​တော်​ဂှေ့နား ခါး​လေးကိုင်း၍ ရိုကျိုးစွာသွားရပ်​နေလိုက်​သည်​။
"ဘုရားသွားရ​အောင်​အန်​တီနဲ့အ​ဖော်​လိုက်​ခဲ့ပါလား..သမီးဆရာမအား​တော့ အန်​တီတစ်​ယောက်​တည်းပျင်း​နေလို့"
နားရက်​လဲမဟုတ်​ပါပဲ အလုပ်​ချိန်​ကြီးမှာကို အန်​တီကလဲငြ်းရခက်​အောင်​လုပ်​ပြန်​ပြီ။ ပြီး​တော့ စစ်​ကလဲအပြင်​ထွက်​တတ်​တဲ့လူမှမဟုတ်​တာ​လေ။
"ဆရာက ဘာခိုင်းဦးမလဲမသိ​သေးဘူး အန်​တီ...ည​နေဆရာအားမှသွားလို့မရဘူးလားဟင်​"
"ညတည်းက​ပြောထားတယ်​...စစ်​ကို​ခေါ်သွားပါတဲ့..စစ်​ကဒီ​ရောက်​ပြီးတည်းကဘယ်​မှမလည်​ရ​သေးလို့ပါတဲ့...ခုရက်​ပိုင်းသမီးမျက်​နှာမ​ကောင်းဘူး​ပြော​နေတယ်​လေ...အဲ့ဒါအပြင်​လေးဘာ​လေး​ခေါ်ပြီးလည်​ပါ​စေဦးဆိုလို့အန်​တီက​ခေါ်တာပါ..."
ဒီအတိုင်းကြည့်​ရင်​ဆရာက စစ်​အ​ပေါ်သိပ်​ဂရုမစိုက်​သလိုနဲ့ခုကျ​တော့လဲသမီးအရင်း​လေးတစ်​ယောက်​လို။ သမီးဆိုလို သူတို့မှာအိမ်​ထောင်​သက်​ကြာလာ​ပေမယ့်​သားသမီးမှမရှိပဲကိုး။
"အာ....ဟုတ်​...ဆရာက​ပြောတာဆိုရင်​တော့ စစ်​လိုက်ခဲ့ပါ့မယ်​ခဏ​နော်​"
ခုရက်​ပိုင်း စိတ်​လက်​မရွှင်​တာနဲ့အပြင်​ထွက်​ရင်​တော့​ကောင်းမှာဟု​တွေးမိရာကတကယ်​ဖြစ်​လာ​တော့လဲ သိပ်​တော့စိတ်​မပါ။ သို့​သော်​ဆရာတို့​စေတနာကိုလဲမငြင်းဝံ့တာနဲ့ လက်​ခံလိုက်​ရသည်​ပေါ့။
ဘုရားဟုသာ​ပြောတာ။ ဘယ်​ဘုရား​တွေသွားမလဲမသိ။ တခြား​နေရာ​တွေပါပို့ဦးမယ့်​ပုံ​ကြောင့်​မြန်​မာဝတ်​စုံကြီးကိုစိတ်​ကျဉ်းကျပ်​ခံ၍ ဝတ်​မ​နေ​တော့။ ခါတိုင်းဝတ်​နေကျ ဂျင်း​ဘောင်းဘီရှည်​နဲ့ရှပ်​လက်​ရှည်​ကိုသာဝတ်​လိုက်​သည်​။ မြန်​မာဝတ်​စုံဝတ်​ပြီး ကျားကျားယားယားလမ်း​လျှောက်​တတ်​တဲ့ စစ်​ကြောင့်​ဘေးလူ​တွေကဲ့ရဲ့​ဝေဖန်​ဦးမှာမလိုလား။ ကိုယ်​တိုင်​ကလဲကျပ်​ထုပ်​နေတာကြီးကိုဝတ်​ဖို့စိတ်​မဝင်​စား။ နန်းနဲ့မကြိ်းထည့်​ပေးလိုက်​သော​ကြောင့်​သာဒီထိပါလာတာ။
အပြင်​ထွက်​လာ​တော့ ဆရာက​တော်​က ကား​ပေါ်မှာအခန့်​သား​စောင့်​နေ​လေပြီမို့အားနာသွားရသည်​။ ကားထဲဝင်​ထိုင်​ရင်း
"​စောင့်​နေ​စေမိတာ ကန်​တော့်​နော်​အန်​တီ စစ်​ကြာသွားတယ်​"
"ရပါတယ်​ကွယ်​...အန်​တီကကြိုပြင်​ဆင်​ပြီးသားမို့ ချက်​ချင်း​ကောက်​ထွက်​လာရုံမို့မြန်​တာ​လေ...ဒါနဲ့ စစ်​သွားချင်​တဲ့​နေရာရှိလား"
"ဟုတ်​...​နေရာ​တွေ​တော့မသိပါဘူး...အန်​တီပို့​ပေး​နေရာကပဲအဆင်​ပြေမှာပါ"
ရိုးရိုးသားသား​ပြောလိုက်​တာ​ကြောင့်​စစ်​ခေါင်းမှဆံပင်​လေးကိုတချက်​ဖွရင်း အန်​တီကရယ်​လိုက်​သည်​။
"အ​တော်​ချစ်​ဖို့​ကောင်းတဲ့ က​လေး" တဲ့။
လူတိုင်းနီးပါး​တော့ စစ်​ကိုချစ်​ကြတာပါပဲ။
စစ်​ကိုချစ်​တဲ့သူ တစ်​ရာမှာကိုးဆယ့်​ကိုး​ယောက်​ကတကယ်​ချစ်​ကြပြီးကျန်​မချစ်တဲ့​တစ်​ယောက်​က​တော့ မပဲဖြစ်​လိမ့်​မည်​။
တ​နေကုန်​နေရာ​တွေအ​တော်​များများသို့ အန်​တီကစိတ်​ရှည်​ရှည်​နဲ့ပို့​ပေးတဲ့အပြင်​ထင်​မထား​လောက်​အောင်​ပဲ ပုံရိုက်​ပေးတာကလဲ ကျွမ်းကျင်​လွန်း​နေ​ရော။
ပုံမရိုက်​ဖြစ်​တာအ​တော့်​ကိုကြာ​နေပြီဖြစ်​တဲ့စစ်​ပုံ​တောင်​အန်​တီ့လက်​ချက်​နဲ့လှပ​သေသပ်​လွန်း​နေသည်​။
​နောက်​မှသိလိုက်​ရတာက အန်​တီသည်​လဲအရင်​က pre wedding​တွေလိုက်​ရိုက်​ပေးဖူးခဲ့တဲ့ ဖိုတိုဂရပ်​ဖာတစ်​ဦးဖြစ်​ခဲ့သည်​တဲ့။
ည​နေပြန်​ရောက်​တော့​ရေမိုးချိုးပြီးညစာ​တောင်​မစားနိုင်​ပဲတ​ရေးတ​မောအိပ်​ပစ်​လိုက်​သည်​။ ဒီ​နေ့စိတ်​လက်​ပေါ့ပါးပြီး​ပျော်​ခဲ့ရသည်​မဟုတ်​ပါလား။
တ​ရေးနိုး​တော့ ဖုန်းထဲမှပုံ​တွေပြန်​ကြည့်​ရင်းသ​ဘောကျ​သောပုံအချို့ကို​ဖေ့ဘွတ်​ခ်​ပေါ်တင်​ပစ်​လိုက်​သည်​။
ခဏ​ပဲရှိ​သေး။ ပုံမတင်​တာကြာ​ပြီဖြစ်​ပေမယ့်​လို့ လိုက်​ခ်​ပေးသူ မန့်​ပေးသူ​တွေနဲ့တစ်​ခဏအတွင်း​ဝေဆာသွား​တော့သည်​။
မန့်​တွေလိုက်​ဖတ်​ရင်းပြုံး​နေစဉ်​မက်​ဆင်​ဂျာမှနန်းကဖုန်း​ခေါ်လာခဲ့သည်​။
"​ဝေ့...မိနန်း"
"ပုံ​တွေဘာ​တွေတင်​လို့ပါလား...မတရား​တွေ​ပျော်​နေတယ်​ပေါ့လေ...ဟုတ်​လား"
"တစ်​ခါတစ်​လေ​လေးတင်​တာပါ နန်းရယ်​....ဒီ​နေ့မှဆရာက​တော်​ကအပျင်း​ပြေ​လျှောက်​လည်​ဖို့​ခေါ်​နေလို့"
"ဟုတ်​လား....ဒါနဲ့​လေ....မမစစ်​သိပြီးပြီလား"
"ဘာကိုလဲ"
နန်းဘာကိုရည်​ရွယ်​ပြီး​မေးတာလဲ​တော့မသိ​ပေမယ့်​ရင်​ထဲမှာ​တော့ မနဲ့များပတ်​သက်​နေ​လေမလားဆိုတဲ့ အ​တွေးနဲ့တင်​ချွေးပျံလာရသည်​။
"မ​သွေး ဖုန်းဆက်​သေးလား"
ဆက်​တယ်​လို့ပဲ​ဖြေရမလား။ မဆက်​ဘူးလို့ပဲဆိုရမလား။ အရင်​က​တော့ဆက်​သည်​။ ခုမဆက်​တော့။ သူလဲသူ့ချစ်​သူနဲ့သူဖြစ်​နေပြီမို့လို့ စစ်​ကလဲစပြီးမဆက်​သွယ်​ရဲ​တော့တာလဲပါသည်​။ သူနဲ့ကိုယ်​က ချစ်​သူဖြစ်​ခဲ့ပြီးမှယခုက​တော့သူစိမ်း​တွေဆို​တော့ ပြန်​ပြီးစကား​ပြောရမှာတစ်​မျိုး​တော့ဖြစ်​လို့​နေသည်​။
"မဆက်​ဘူး​လေ...ဘာလို့လဲ...နန်းဆီ​ခေါ်လို့လား"
"အရင်​က​ကော မဆက်​ကြဘူးလား....ချစ်​သူ​တွေဆို​နေနိုင်​ကြတယ်​ကော"
"အရင်​ကဆက်​ပါတယ်​...​ကျောင်းပြန်​လာတုန်းကတစ်​ခါဆက်​တယ်​...​နောက်​တော့အိမ်​အလုပ်​တွေနဲ့မအားဘူးထင်​ပါရဲ့...ငါလဲမဆက်​ဖြစ်​ဘူး...လိုင်း​တောင်​မသုံးအား​တော့တာကြည့်​လေ..."
"အဲ့ဒါပဲ...သူ့ဖက်​ပဲဖြည့်​ပြီး​တွေး​ပေး​နေတယ်​...သိပ်​ကောင်းတယ်​သိလား....ဟိုက​သစ္စာမဲ့ပြီး​ဖောက်​ပြန်​ပွေရှုပ်​နေတာ​တော့မသိဘူး"
​ပြောရက်​ပ​လေ...နန်းရယ်​....မဖက်​က သစ္စာမဲ့တာလဲမဟုတ်​သလို ကွယ်​ရာမှာဆိုပြီး​ဖောက်​ပြန်​ပွေရှုပ်​တတ်​တဲ့မိန်းမမျိုးလဲမဟုတ်​သေးပါဘူးကွယ်​..။
"ဟာ..နန်းရာ..တစ်​ဖက်​သားကိုအဲ့​လောက်​ကြီး​ပြောစရာလားဟဲ့"
"ဟင်​....မမစစ်​က နာ​နေတာလား...မမစစ်​လဲမြင်​မှာ​ပေါ့​နော်​....ဟိုကသူ့အ​ကောင်​နဲ့သာယာ​နေပြီးမမစစ်​ကိုကျပလစ်​ထားတယ်​လေ...မမစစ်​ကို လမ်းလဲမခွဲဘူးမလား....နှစ်​ဖက်​လုံးကိုခွနင်း​နေတာ....မမစစ်​သိရက်​နဲ့မရူးစမ်းနဲ့..."
ဟိုဖက်​က တင်​လိုက်​တဲ့ပုံကိုနန်းမြင်​တာလား။ မဖြစ်​နိုင်​တာ၊ နန်းမှလိုင်း​တွေဘာ​တွေသိပ်​မသုံးတာကို။ ဒါကိုဘယ်​သူ​ပြောပြထားတာပါလိမ့်​။
"အဲ့လိုကြီးလဲမဟုတ်​သေးပါဘူး..ဒီအတိုင်းတွဲတာဖြစ်​မယ်​ကွာ...နန်းကဘာမြင်​ပြီမို့လဲ"
ချစ်​ရ​သောမကို တစ်​ခြားသူကမ​ကောင်း​ပြောတာ​လောက်​စစ်​အသည်းနာတာမရှိ၊ နန်းဆိုတာကလဲစစ်​ရဲ့ညီမ​ပေမယ့်​လို့ မအ​ကြောင်း​ပြောတာကို​တော့ မခံနိုင်​ပါ။
"ဘာမြင်​တယ်​ဟုတ်​လား...မမစစ်​မေ့​နေတာလား....နန်းချစ်​သူကမူဆယ်​သားဆိုတာ​လေ....မူဆယ်​မြို့​သေး​သေး​လေးမှာကိုကို့​လောက်​နှံ့စပ်​တဲ့သူရှိပါဦးမလား....အခုမ​သွေးတွဲ​နေတာကမူဆယ်​သားပဲ....ကိုကိုနဲ့​တောင်​ခင်​တယ်​တဲ့...အဲ့​ကောင်​လေးရဲ့မိဘ​တွေ​တောင်​မ​သွေးကိုသ​ဘောကျကြည်​ဖြူ​နေသတဲ့...ရှင်​ကသိရဲ့လား....သိမယ်​လဲမထင်​ဘူး...သိ​နေရင်​လဲပဲချစ်​တဲ့စိတ်​နဲ့မွှန်​နေတဲ့အပြင်​အပြစ်​မယူပဲချစ်​နေမယ့်​သူကြီးရဲ့"
ဒီလိုစကားလုံး​တွေကို ငိုသံပါကြီးနဲ့နန်း​ပြော​နေတာလဲဖြစ်​သလို နား​ထောင်​နေတဲ့စစ်​ရဲ့နှလုံးအိမ်​မှာလဲ အပ်​နဲ့ထိုးဆွသကဲ့သို့နာကျင်​နေရပါသည်​။ နန်းက​တော့ စစ်​ဖက်​က​တွေး​ပေးပြီးစစ်​အစားနာ​ပေး​နေပုံရသည်​။ နန်း​စေတနာကိုနားလည်​ပေမယ့်​လဲ မကို​တော့အပြစ်​မမြင်​ပဲချစ်​နေမြဲသာ။
ဘာမှပြန်​ချေပနိုင်​စွမ်းလဲမရှိ။ ဒီလို​ပြော​နေတာသာအပြင်​မှာဆိုလျှင်​နန်းရဲ့လက်​သီးဆုပ်​တွေစစ်​ကိုယ်​ပေါ်ကျ​ရောက်​နေမှာအမှန်​။
"မမစစ်​...ဘာမှမ​ပြောနိုင်​တော့ဘူးမလား....ထပ်​ပြီးစပွန်​ဆာ​ပေးချင်​သေးတာလား..သနားကမားရုပ်​လေးနဲ့ မမစစ်​ကိုတကယ်​လဲမချစ်​ပါပဲနဲ့ လာလိုက်​ပြန်​လိုက်​လည်​လိုက်​နဲ့။ မိန်းမချင်းဘာမှမနစ်​နာပါဘူး​လေဆိုပြီး မမစစ်​ဆီကဘာ​တွေများပါသွားပြီလဲ .... အလကား...ခုတွဲ​နေတဲ့အ​ကောင်​ကိုလဲကြည့်​....တရုတ်​ပြည်​နယ်​စပ်​မြို့မှာ​နေတဲ့အ​ကောင်​ကြိးကြီးရဲ့တစ်​ဦးတည်း​သောသား...ကိုယ်​ပိုင်​လုပ်​ငန်းနဲ့ပညာတတ်​ရုပ်​ချောတဲ့​ယောက်ျားတစ်​ယောက်​ကို သူဘာ​ကြောင့်​ချိန်​နေလဲဆိုတာ​ပြေးကြည့်​စရာမလိုဘူး...​တွေးကြည့်​ရုံနဲ့တင်​သိ​နေတယိ"
"နန်းရယ်​...သူ...သူကငါ့ဆီကဘာမှ​တောင်းဆိုတာမျိုးမရှိခဲ့ပါဘူးဟယ်​...ငါကသာတစ်​ဖက်​သတ်​ပြီးချစ်​နေတာမျိုးပါ...သူ ငါ့ကိုမချစ်​ဖုးဆိုတာငါလဲသိပါတယ်​....ငါကသာချစ်​လို့လုပ်​ပေး​နေမိတာရယ်​...ငါ့အပြစ်​ပါ"
"ရူး​နေလိုက်​...ထမင်းလွတ်​အောင်​ရူးစမ်း....ဟိုကပြန်​ပြီးမဟုတ်​ပါဘူး စစ်​ရယ်​ဆိုတာနဲ့ပဲ​ပျော့ပါသွားမယ့်​မမစစ်​....​နောက်​ဆို သူဆက်​လာမယ့်​ဖုန်းလဲမကိုင်​နဲ့...ပစ်​ထားကြည့်​လိုက်​...မမစစ်​ပစ်​ထားသ​လောက်​သူလဲ​နေနိုင်​တယ်​ဆိုရင်​သူတကယ်​မချစ်​လို့....ခဏခဏဖုန်းဆက်​ပြီး​ဖြေရှင်းပြဖို့ကြိုးစားရင်​သူ့ဖက်​ကမမစစ်​ဆီကလိုချင်​နေတာရျှိ​သေးလို့..."
"​ခေါ်လဲမ​ခေါ်ပါဘူး...ပြီးတာ​တွေလဲပြိ်းပါ​စေ...ငါကခွင့်​လွှတ်​တယ်​ဟာ...ငါ့လိုဘာအ​ခြေမှမရှိတဲ့မိန်းမတစ်​ယောက်​ကိုသူလိုမိန်းမက​ရွေးချယ်​ဖို့ဆိုတာ အစ​တော့လွယ်​ရင်​လွယ်​လိမ့်​မယ်​...ငါ့ထက်​သာသူ​ပေါ်လာတဲ့အခါကျ ဘယ်​မိန်းမမဆိုကိုယ်​ကသိက္ခာရှိရှိနဲ့အားကိုးနိုင်​မယ့်​သူကိုပဲ​ရွေးချယ်​မှာ​ပေါ့ဟာ...နားလည်​ပေးလိုက်​ပါ"
"ဒီမယ်​..မမစစ်​...နန်း​ပွေတယ်​ရှုပ်​တယ်​ဆိုတာ သိက္ခာရှိတယ်​...တစ်​ယောက်​နဲ့အတိအလင်းလမ်းခွဲပြီးမှ​နောက်​တစ်​ယောက်​ထပ်​တွဲတာ...အ​ကြောင်းမရှိအ​ကြောင်းရှာ...တမင်​တကာအပြစ်​ရှာပြီးမှ ရည်းစားရှိပါလျက်​နဲ့တစ်​ခြားတစ်​ယောက်​ကိုပစ်​မှား​နေတာမျိုးမရှိခဲ့ဖူးဘူး...သိရဲ့လား...ချစ်​သူရှိရက်​နဲ့​နောက်​ထပ်​ကိုလူသိရှင်​ကြားတွဲတယ်​ဆိုတာ သိပ်​ရွံစရာ​ကောင်းတယ်​...မမစစ်​လဲ​နော်​...သူပြန်​ချော့တဲ့အခါ​ပျော့မသွား​စေနဲ့...ကိုယ့်​ဖက်​က​သေ​လောက်​အောင်​ချစ်​နေရသူဖြစ်​ပါ​စေ...နားလည်​မှုကိုအကြိမ်​ကြိမ်​အခွင့်​ကောင်းယူပြီး သစ္စာတရားကို​ဖော်​ပြားလို့ ယုံကြည်​မှုအလွဲသုံးစားလုပ်​တတ်​တဲ့သူကို အနည်းနဲ့အများ​တော့ပစ်​ထားနိုင်​ရမယ်​...နာကျင်​ပြီးအသည်းကွဲတာ​တောင်​မာနတရားနဲ့ထပ်​တယအဆင့်​အတန်းမြင့်​မြင့်​နဲ့ပြိုလဲလိုက်​စမ်းပါ....ဒီလို​ပြောလို့လဲနန်းကိုကိုယ်​ချင်းမစာတတ်​ဘူးလို့​တော့မ​တွေး​လေနဲ့....မမစစ်​နေရာမှာနန်းသာဆိုရင်​ဘယ်​လောက်​ပဲချစ်​ချစ်​ဆယ်​ခါပြန်​လှည့်​မကြည့်​ဘူး...ပတ်​သက်​ခဲ့တာ​တောင်​အကြိမ်​တရာမကပြန်​အမ်းလို့ရရင်​အမ်းလိုက်​ချင်​တယ်​...
သ​ဘော​ပေါက်​တယ်​နော်​....အချစ်​နဲ့ပြိုလဲပြီးငိုပွဲ​တွေဆင်​မ​နေနဲ့...နှ​မြောစရာမရှိဘူး...ဒါပဲ...လုပ်​စရာ​တွေရှိ​သေးတယ်​"
စစ်​ဘာမှမ​ပြောနိုင်​ခင်​လေးမှာ နန်းကဖုန်းချသွားပြီး လိုင်းပါပိတ်​သွား​လေပြီ။ မနဲ့​တွေ့မှ ဘာရယ်​ကြောင့်​အပြစ်​ရယ်​မမြင်​ပေးနိုင်​ရတာလဲ။
မရယ်​....တကယ်​တွဲဖြစ်​နေတာပဲဖြစ်​ပါ​စေဦး..
စစ်​ဆီကို အဲ့ဒါမ မဟုတ်​ဖူးလို့တစ်​ခါ​လောက်​လေး ငြင်းချက်​ထုတ်​ပေးရင်​စစ်​ကမအ​ပေါ်အမြင်​ရှင်းသွားဦးမှာပါ။
နာကျင်​နေပါလျက်​နဲ့ ဆုပ်​ကိုင်​ထားမိတယ်​သံဆူးကြိုးလိုမျိုး မကိုချစ်​နေရတဲ့သံ​ယော​ဇဉ်​ကြိုး​တွေကလဲပတ်​ပတ်​လည်​မှာနာကျင်​စေတဲ့အရာများစွာနဲ့ပါ။
....
"မမချစ်​...စစ်​တို့က ရန်​ကုန်​မှာ​ပျော်​နေတယ်​နဲ့တူတယ်​...တစ်​ခါမှ​တောင်​ပြန်​မလာ​တော့ဘူး​နော်​"
ဒီ​နေ့ ဆိုင်​မှာ လူလဲသိပ်​မရှိ။ လာတဲ့သူကလဲဆံပင်​ညှပ်​သူ​တွေသာဆို​တော့ အားလို့​နေသည်​။ မဂ္ဂဇင်းတအုပ်​ကို ပျင်းပျင်းနဲ့ဖတ်​နေတဲ့ မကြီးချစ်​အနားကပ်​ပြီး စားပွဲ​ပေါ်နှင်းဆီပန်းအိုးလာတင်​ပေးတဲ့​ကေသီက​မေးလိုက်​ခြင်းဖြစ်​သည်​။
"စစ်​ကအဲ့လိုလဲမဟုတ်​ဘူး....သူသင်​ချင်​တာ​တွေပြည့်​စုံသွားရင်​ဒီပဲပြန်​လာမှာပါ....သူက​တောင်​ကြီးကိုချစ်​တယ်​လေ"
"ဟုတ်​လို့လား...ဟိုမှာ​ကောင်​လေး​တွေ​တွေ့​နေပြီလားမှမသိတာကို"
"ဟား....စစ်​က​ကောင်​လေးမှမကြိုက်​တာ...သည်​နှစ်​တွေမှာစစ်​က​လေးတအားငြိမ်​နေတာ သတိထားမိလား....တစ်​ယောက်​ယောက်​ကို​သေ​သေချာချာချိန်​နေပုံပါပဲ...ဟိုးအရင်​နှစ်​တွေကလို ဆိုး​ပေမ​နေဘူး...အ​နေ​တွေ​အေးလာတယ်​"
"ဟုတ်​တယ်​နော်​...​ကေသီအလုပ်​စဝင်​စကဆို စစ်​ကမျက်​နှာထားကြီးနဲ့ စကားလဲသိပ်​မ​ပြောဘူး...သူငယ်​ချင်း​တွေနဲ့အပြင်​လဲခဏခဏသွားတတ်​ပြီးဘီယာ​တွေလဲ​သောက်​တတ်​တယ်​..မကြိးချစ်​နဲ့ဆိုဘီယာ​ဆေးလိပ်​ကြောင့်​ခဏခဏစကားများရတယ်​လေ...ပြီး​တော့အန်​တီနဲ့လဲမတည့်​ဘူး...အရင်​နှစ်​က​တော့ နည်းနည်း​ပြေလည်​လာပြီ"
"ဟုတ်​တယ်​ဆို..."
​ပြော​နေရင်း စားပွဲ​ပေါ်ချထားတဲ့မကြိးချစ်​ရဲ့ဖုန်း​လေးမြည်​လာ​လေ​တော့သည်​။ စခရင်​ပေါ်မှာစစ်​ရဲ့ပုံကြီးနဲ့ဆို​တော့
"​ပြော​နေရင်း အသက်​ရှည်​ဥိးမယ်​ဒီက​လေးက​တော့..."
ခပ်​ပြုံးပြုံး​လေး​ပြောပြီး ဖုန်းကိုင်​လိုက်​သည်​။
"စစ်​က​လေး...မ​ခေါ်စဖူးအ​ခေါ်ထူးလို့...ပြန်​လာ​တော့မှာလား"
ကိုယ်​တိုင်​ကလဲ ခွဲ​နေရတာကြာပြီဆို​တော့ လွမ်းလဲလွမ်း​နေပြီ​ပေါ့​လေ။
"မလာ​သေးဘူး နှစ်​လ​လောက်​နေဖြစ်​ဦးမယ်​..ထပ်​ပြီး​တော့မကြီးကို​ပြောမလို့"
"အွန်း​ပြော​လေ...ဘာများလဲ...ပိုက်​ဆံကုန်​လို့လား"
"မကြိးဟာ​လေ...စစ်​ပြောတာအရင်​နား​ထောင်​ပါဦး...ဒီလို အ​မေ့ခန်းထဲကဗီရို​ပေါ်မှာ စစ်​စု​ဗူး​တွေရှိတယ်​...အဲ့ဒါ​ဖောက်​ပြီး​တော့​ဈေးနဲ့နီးတဲ့စစ်​တို့အကွက်​ထဲမှာ ဆိုင်​လေးတစ်​ဆိုင်​လောက်​ဆောက်​ထား​ပေးလို့"
ဟိုက်​ရှားဘား.. ..အ​ဖေ့လက်​ထက်​တည်းက ဘာမှမလုပ်​ထားတဲ်​မြေကွက်​လပ်​လေးကို စစ်​က​လေးအ​တွေးထဲဘယ်​ချိန်​က​ရောက်​သွား​လေသည်​မသိ။ သူမတို့အိမ်​ထောင်​ပြုတုန်းက အ​မေကအဲ့အကွက်​လေးကိုသူမပဲယူယူ စစ်​ပဲယူယူဆိုပြီး ဘာမှမလုပ်​ပဲထားထားတာ​လေ။ သူမ​တော့စစ်​အတွက်​ဆိုပြီးဘာမှမယူ။ ခုမှစစ်​ကဘယ်​လို​တွေစိတ်​ကူး​ပေါက်​သည်​မသိ။ စကားထဲ​တောင်​ထည့်​ပြောလာသည့်​အပြင်​ဆိုင်​ဆောက်​ပေးတဲ့။ အံ့သြ၍မဆုံး။
"အလို​တော်​...ဘာဆိုင်​ဆောက်​ပေးရမတုန်း"
"စစ်​ဆိုင်​ဖွင့်​မလို့​လေ...သပ်​သပ်​ပေါ့....အကွက်​က ကိုယ်​ပိုင်​တဲ့​မြေပဲဟာ..​ဆောက်​လို့ရမှာပါ​နော်​...အဲ့အထဲမှာပဲ​နေးရာအိမ်​ခန်း​သေး​သေး​လေးပါလုပ်​ပေး....အဲ့ဆိုင်​စစ်​ထိုင်​မှာ..."
"စစ်​ပိုက်​ဆံစု​နေတာ အဲ့အတွက်​လား"
ဟုတ်​သည်​။အလုပ်​စလုပ်​တည်းက တ​နေ့တာအတွက်​ဆိုပြီးသူ့ကို​ပေး​နေတဲ့ပိုက်​ဆံမှန်​သမျှ စု​ဗူး​လေးနဲ့စုထားတတ်​သူ​လေ။ ဒီ​နေ့မှာဒီလိုစိတိကူးအတွက်​များ ရည်​ရွယ်​ပြီးစုခဲ့သလားလို့​ပေါ့။
"မဟုတ်​ပါဘူး...အဲ့တုန်းကဒီတိုင်းစုတာပါ..ဒါမဲ့ခု​တော့စုတာကအလကားမဖြစ်​တော့ဘူး​လေ...တကယ်​က​ဆရာအကြံ​ပေးလို့ပါ...ဟီး...စစ်​ကဘယ်​လိုလုပ်​ဒီစိတ်​ကူးမျိုးရမှာလဲ....​ပြော...လုပ်​ပေးမလား မလုပ်​ပေးဘူးလား"
"​နေဦး​လေ...အ​မေနဲ့​ပြောကြည့်​ရဦးမယ်​"
"အ​မေ့ကို​ပြောပြီးပြီ...အ​မေကမကြီးကို​ပြောကြည့်​ဦးဆိုလိူ့"
ဘယ်​တည်းက ဘယ်​လို​တွေစည်းရုံးလိုက်​သည်​မသိ။ အ​မေ့က သူ့ဖက်​ပါ​နေပြီမို့ သူမလဲမငြင်းသာ​တော့။
"ခုချက်​ချင်း​တော့လုပ်​ဖို့မလွယ်​သေးဘူး...ခဲအိုနဲ့တိုင်​ပင်​ကမယ်​...သူက လက်​သမား​တွေပန်းရံ​တွေအသိများတယ်​လေ...​နော်​"
"ဟု​တ်​...သိပ်​မကြာ​စေနဲ့​နော်​...စစ်​ပြန်​လာတာနဲ့အမှီပြီး​နေရမှာ...ပုံစံကို​တော့ လိုင်း​ပေါ်မှာပို့ထားပြီးပြီ ကြည့်​လိုက်​ဦး..လုံးဝလွဲလို့မရဘူး​နော်​"
"​အေ့ပါဟဲ့...စီးပွားပြိုင်​တစ်​ယောက်​ပေါ်လာပြီဆို​တော့ကျုပ်​လဲကြိုးစားရ​တော့မယ်​အေ"
"မကြီးကလဲ....အာ့ဆို ဖုန်းချပြီ​နော်​"
အပူအပင်​ရယ်​မရှိတဲ့ က​လေးက ဘာလို့တအား​တွေစီးပွား​ရေး​သောင်းကျန်းချင်​လာပါလိမ့်​။
လိုင်းတက်​ပြီး စစ်​ပို့ထားတဲ့ပုံ​လေး​တွေကြည့်​မိသည်​။ ဆိုင်​ခန်းပုံစံ​တော့သာမာန်​ပေမယ့်​အိမ်​ခန်း​လေးကစွဲ​ဆောင်​နေသ​ယောင်​။ အမိုးချွန်​ချွန်​လေးနဲ့သစ်​သားအိမ်​သေး​သေး​လေးကို အထပ်​ခိုးနဲ့။ တကယ့်​ကိုတစ်​ယောက်​တည်းသမားအိမ်​လေး။
စာကလဲ​ရေးထား​သေးတယ်​..
"တအိမ်​လုံးကို ထင်းရှူးသားနဲ့ပဲ လုပ်​ခိုင်း​နော်​
ပိုက်​ဆံမ​လောက်​ရင်​လဲ စိုက်​ပေးထား​ပြေလည်​ရင်​ပြန်​ဆပ်​မယ်​
်​မကြီး" တဲ့။
တစ်​ချက်​တစ်​ချက်​တောသ်​ပေါ်ကဖြတ်​တိုက်​လာတဲ့​လေ​ပြေအချို့ထဲမှာ ထင်းရှူးနံ့​တွေပါလာတတ်​တာကိုမျသ​ဘောကျသွား​လေသလားမသိ။ အ​တော်​စိတ်​ကူးယဉ်​ဆန်​တဲ့က​လေးမ။
....
မိုး​စက်​တွေက ကြမ်းကြမ်းတမ်းတမ်း​မြေပြင်​ပေါ်သို့ထိုးဆင်း​နေသည်​။ ဝတ်​ထားတဲ့ဂျင်း​ဘောင်းဘီအထူ​တောင်​မိုးစက်​ထိလိုက်​တိုင်းမှာ အထဲကအသားထဲကိုပင်​ဖောက်​ထွက်​သွားမတတ်​နာကျင်​မှုခံစား​နေရသည်​။​လေတိုက်​တိုင်း လှုပ်​ယမ်းခါသွားတဲ့သစ်​ပင်​တစ်​ချို့။ ပြိုးပြိုးပျက်​ပျက်​လက်​နေတဲ့လျှပ်​စီး​တွေကိုမြင်​တိုင်း နားပိတ်​ထားတတ်​တဲ့မိမိ။ ယခု​တော့ နားစည်​ကွဲမတတ်​ခြိမ်းညံ​နေတဲ့မိုးခြိမ်းသံ​တွေနဲ့​တောင်​နားယဉ်​လာသည်​။ တကယ်​ကမကြားတာပဲဖြစ်​လိမ့်​မည်​။
​တောင်​ချွန်းထပ်​တည့်​တည့်​က ထင်းရှူးပင်​အိုကြီးရဲ့​အောက်​မှာ​သွေးရယ်​စစ်​ရယ်​။ မိုး​ရေ​တွေ​ကြောင့်​ရွှဲနစ်​နေ​ပေမယ့်​နေရာမှမလှုပ်​ကြ။
"မိုးရွာရင်​ကြောက်​တယ်​ဆိုတဲ့ မ...ခု​တော့အိမ်​ပြန်​မယ်​စိတ်​မကူး​တော့ဘူးလား"
​ဆံနွယ်​မျှင်​တစ်​ချို့မှာတွဲလွဲခို​နေတဲ့​ရေစက်​တွေ​အောက်​မျက်​ဝန်း​တောက်​တောက်​နဲ့စစ်​တစ်​ယောက်​က အပြုံးရိပ်​ခိုလို့​မေးသည်​။
"အရင်​ကသိပ်​ကို​ကြောက်​ခဲ့တာ​ပေါ့...ဒါမဲ့ခု​တော့မဟုတ်​ဖူး...မိုးခြိမ်းသံကြားရင်​ကမ္ဘာပျက်​မတတ်​ကြောက်​ခဲ့ဖူး​ပေမယ့်​စစ်​သာမအနားမှာအခုလိုအတူရှိ​နေရင်​မိုးခြိမ်းသံမ​ပြောနဲ့ မိုးကြိုးပစ်​ချလဲမ​ကြောက်​တော့ဘူး"
"မရယ်​..တကယ်​လို့များ စစ်​မရှိ​တော့ရင်​ရော မ စစ်​ရှိ​နေတယ်​ဆိုတဲ့အသိနဲ့သတ္တိရှိ​နေ​လေဦးမလား"
"စစ်​မရှိရင်​မဆိုတာလဲရှိနိုင်​ပါဦးမလား..."
"မ ဘာလို့စကား​တွေသိပ်​တတ်​နေတာလဲ..."
"​ဝေးကွာသွားခြင်းရဲ့​နောက်​ကွယ်​မှာ မ စစ်​ကိုဘယ်​လောက်​တောင်​မှတမ်းတ​နေခဲ့လဲဆိုတာစစ်​မသိဘူး....အဲ့အချိန်​အတွင်းမ စိတ်​ကိုဘယ်​လို​တွေပြုပြင်​ပြောင်းလဲပစ်​တယ်​ဆိုတာလဲစစ်​မသိဘူး...စစ်​ရဲ့ ဂရုစိုက်​မှု​တွေအား​ပေးမှု​တွေမရှိတဲ့အရပ်​မှာ မ​နေကြည့်​ပြီးပြီ...လုံးဝအဆင်​မ​ပြေဘူး..မ ဆုံးဖြတ်​ခဲ့တယ်​ဘယ်​လိုပဲဖြစ်​ဖြစ်​စစ်​ရဲ့အချစ်​ကိုပြန်​ကြိုးစားယူမယ်​လို့...ထပ်​ရပြီဆိုရင်​လဲဘယ်​တော့မှမလွှတ်​ချ​တော့ဖို့ကတိ​တွေ​ပေးခဲ့တယ်​ကိုယ့်​ကိုကိုယ်​လေ"
​လေပြင်းတိုက်​၍ ထင်းရှူးသီး​ခြောက်​တွေတရစပ်​ကြွေကျလာ​တော့ စစ်​က​သွေးကို​ထွေးဖက်​ပြီးအပင်​ခြေရင်းတည့်​တည့်​သို့​ခေါ်လာသည်​။
"မက​လေးရာ...ခိုက်​ခိုက်​တုန်​နေတာပဲ..ကြည့်​ပါဦး..နှုတ်​ခမ်း​လေး​တွေပြာ​နေပြီ...​အေး​နေတယ်​မလား"
"အဲ့ဒါအပြင်​ပန်းက​နေကြည့်​လို့​အေးတယ်​ထင်​နေတာ​လေ...ရင်​ထဲမှာ​တော့စစ်​ကိုယ်​ငွေ့​လေးနဲ့​နွေး​နေပြီးသားပါ"
"မ​နော်​...စစ်​နှလုံးရပ်​ပြီး​သေ​တော့မယ်​ရှင့်​"
"ချစ်​ခွင့်​ပေးပါဦးကွာ..​နော်​..."
ဂျိန်း.....
လင်းခနဲလျှပ်​စီးနဲ့တပြိုင်​နက်​မိုးကြီးကပစ်​ချလာသည်​။
မျက်​စိ​တွေပြာ​ဝေသွားပြီး​ပျော့ဖတ်​စွာ​ခွေလဲသွားတဲ့ စစ်​ကိုယ်​ကိုဆွဲမထားနိုင်​တော့​ချေ။
"စစ်​......"
...သန်း​ခေါင်းယံအချိန်​ကြီး​သွေး​အော်​သံကအပြင်​မှာရွာ​နေတဲ့မိုးသံထက်​ပို၍ကျယ်​လောင်​သွား​တော့သည်​မို့ အိပ်​နေတဲ့နန်းမြသီပါလန့်​နိုးရ​တော့သည်​။ အိမ်​မက်​မက်​ပြီး​က​ယောင်​ကတမ်း​တွေထ​အော်​နေတဲ့​သွေး။ သူ့ကုတင်​ဆီသို့​ပြေးကာခြင်​ထောင်​မပြီး အတင်းလှုပ်​နှိုး​တော့သည်​။
"​သွေး....​သွေး....အိမ်​မက်​ဆိုး​တွေမက်​နေတာလား"
အတင်းလှုပ်​နှိုးမှနိုးလာ​တော့သည်​။ ပြီး မျက်​ရည်​တွေစိုရွှဲလို့​ခေါင်းအုံးမှာ​တောင်​စို​နေပြီ။
"ဘာဖြစ်​လို့လဲ နန်းမြသီ..ဘယ်​လိုလုပ်​ကျမကုတင်​ဆီ​ရောက်​လာတာလဲ"
"ဟယ်​...ညကြီးသန်း​ခေါင်​ရှင်​ကလန့်​အော်​ငို​နေတယ်​လေ...နည်းပါးစိတ်​ထိန်းဦး...အပြင်​မှာမိုး​တွေ​အေးလို့အိပ်​ကောင်းတုန်းရှိ​သေးကွာ"
ဟုတ်​သည်​။ မှန်​ပြတင်းက​နေတချက်​တချက်​လက်​နေတဲ့လျှပ်​စိး​တွေ မိုးခြိမ်းသံ​တွေ​ကြေယင့်​သွေးအိမ်​မက်​ဟာအလွန်​တရာဆိုးဝါး​နေ​ကြောင်းမ​ပြောပြဖြစ်​။
"ကျမ ဘုရားစာရွတ်​ပြီး ပြန်​အိပ်​ပါ့မယ်​...​ဆောရီး​နော်​"
ထုံးစံအတိုင်းပွစိပွစိ​ပြောပြီးသူ့ကူတင်​ပေါ်တက်​ပြီးအိပ်​ပျော်​သွား​လေရဲ့။ အိပ်​မ​ပျော်​နိုင်​သူက​သွေးပဲဖြစ်​သည်​။ စားပွဲ​ပေါ်တင်​ထားတဲ့​ရေ​လေး​သောက်​ပြီးအိမ်​မက်​အ​ကြောင်းပြန်​စဉ်းစားမိသည်​။ စစ်​နေမှ​ကောင်းရဲ့လား။
အပြစ်​ရှိ​နေသူပီပီစပြီးမဆက်​သွယ်​ရဲခဲ့တာ သုံးလ​ကျော်​လေးလ​တောင်​ရှိ​နေပြီ။ ချစ်​တာ​တော့ချစ်​နေဆဲ​ပေါ့။
အိမ်​မက်​အရ​တော့ကြည်​နူးစရာအဆင်​ပြေ​နေ​ပေမယ့်​ရာသီဥတုကဆိုးလွန်းသည့်​အပြင်​စစ်​သည်​လဲပဲ...။
​တွေးရင်းငိုချင်​လာသည်​။ ရင်​ဘတ်​က​အောင့်​တက်​လာသည်​။အသက်​ရှူမဝ​တော့သလိုမျိုးကြီး တကယ့်​ကိုဆို့ဆို့နင့်​နင့်​ကြီး။
အ...စစ်​...ဘာ​တွေဖြစ်​နေလဲဟင်​....မကိုအသိ​ပေး​နေတာလား....
ဟင့်​အင်း...စစ်​ဘာမှ မ ဖြစ်​ရဘူး​နော်​....မကိုထားမသွားနဲ့...မကချစ်​တယ်​လို့​သေ​သေချာချာ​ပြောပြရဦးမှာ...မ​လေ..ရှင်းသန့်​နဲ့တွဲ​နေတာမဟုတ်​တဲ့အ​ကြောင်းကိုလဲ​ရှင့းပြဦးမှာ...မကစစ်​အ​ပေါ်သစ္စာရှိခဲ့တယ်​...ခုလဲရှိတုန်း..​နောင်​လဲစစ်​တစ်​ယောက်​ပဲချစ်​မှာ..ဖွင့်​ချပြမရ​သေးတဲ့အေုခအ​နေမှာမို့မက သည်းခံ​နေရတာပါ..မကိုနားလည်​ပါ....ရှင်းသန့်​အတွက်​နဲ့မို့ မတို့ကိုသူများ​တွေအတွဲလို့ထင်​မှတ်​ထားကြ​ပေမယ့်​ဒိ​ကျောင်းပြီးတာနဲ့ဒီဇာတ်​လမ်းကရပ်​မှာပါ...မ မချစ်​တဲ့အ​ကြောင်းရှင်းသန့်​ကိုလဲ​ပြောပြပြီးသား...သူကနားလည်​ပေးရှာတယ်​...သူကသိပ်​သနားစရာ​ကောင်းတဲ့အပြင်​သိပ်​ခင်​ဖို့​ကောင်းတဲ့​ကောင်​လေး...ချစ်​ဖို့​ကောင်းတဲ့​မောင်​လေးတစ်​ယောက်​လိုပဲ မ သူ့အ​ပေါ်အဖြူ ထည်​စိတ်​ပဲရှိခဲ့တာပါ...ဒီအ​ကြောင်း​တွေစစ်​ကို​ပြောပြရဦးမှာ...
စစ်​ဘာမှဖြစ်​လို့မရ​သေးဘူး​နော်​....
နန်းမြသီတစ်​ယောက်​တ​ရေးပြီးတ​ရေးအိပ်​သွား​ပေမယ့်​သွေးမှာရင်​ဘတ်​ကြီးကိုလက်​နဲ့ဖိပြီးကုတင်​ပေါ်မှာတညလုံးငုတ်​တုတ်​။ မျက်​ရည်​တွေ​တော့အ​ဖော်​အဖြစ်​နဲ့တညလုံးခစားလို့​နေသည်​။
မမြင်​ရတဲ့တခြား​နေရာမှာ စစ်​ဘာများဖြစ်​နေလို့ပါလိမ့်​။
....
Next