ထင်းရှူးမြေမှာ လွမ်းရိပ်တို့ဝေ ထင္းရွဴ းေျမမွာ လြမ္းရိပ္တို႔ေ၀

20

"ဟဲ့...စစ်​က ဂီတာတီးတတ်​တယ်​လို့လဲ မကြားဖူးပါဘူး​နော်​....​မ​နေ့ကတီး​နေ​တော့သိပ်​နား​ထောင်​လို့​ကောင်းတာပဲ"
စစ်​ကော မကြီး​ကော မနက်​စာစား​နေကြချိန်​ကို ဆိုင်​ထဲမှမိန်းက​လေးအသံ​တွေကကျွတ်​စီ​နေ​တော့သည်​။
"တူတူပဲဆို...ငါဆို လုပ်​နေတာကြာပြီ...သူ.ဂီတာတီးသင်​တန်းတက်​နေတာလဲမ​တွေ့"
"ဟွန်း....မ​နေ့က စစ်​က​လေးရဲ့မျက်​နှာကို မြင်​လား....ဟို​ကောင်​မ​လေးကိုသွားပို့ပြီး အပြန်​ကျ​တော့ မျက်​နှာ​တွေတအားပျက်​နေရှာတာ....က​လေးတစ်​ယောက်​ကိုဆံပင်​ညှပ်​ပေး​နေတာ စိတ်​မပါသလိုမို့ ငါ​တောင်​ဝင်​ညှပ်​ကူ​ပေးလိုက်​ရတယ်​"
"ပြီးကျ ချက်​ချင်း ပဲပြန်​လန်းလာတယ်​လေ...ဆိုင်​ထဲသီချင်း​လေး​တွေ​တောင်​ဖွင့်​ပြီးလိုက်​က​နေတာလဲကြည့်​ဦး"
တစ်​ယောက်​တ​စ်​ပေါက်​နဲ့ စစ်​အ​ကြောင်းကို ဇာတ်​လမ်းတစ်​ပုဒ်​နှယ်​ပြော​နေကြ​တော့သည်​။ ထိုအခါ နန်းနန်း​ရောက်​လာပြီး ပိုက်​ဆံအိတ်​နဲ့​သော့ကိုစားပွဲ​ပေါ် ပစ်​ချလိုက်​မှပဲ အသံ​တွေက တိခနဲပြတ်​တောက်​သွား​တော့သည်​။ နန်းက အသံထွက်​အောင်​ရီလိုက်​ရင်း
"ဟား ဟား မမစစ်​အ​ကြောင်း​တွေ​ပြော​နေရာကချက်​ချင်းငြိမ်​ကျသွားပါလား"
"ဟယ်​...နန်းစုတ်​....ငါတို့က စစ်​လာတယ်​မှတ်​လို့လှည့်​တောင်​မကြည့်​ရဲဘူး"
"​အေ့​လေ..အသိမ​ပေးဘာမ​ပေးနဲ့ "
-​ပေးလိုက်​တာမှအကျယ်​ကြီးမို့လို့ လန့်​ကုန်​ကြတယ်​မဟုတ်​ဖူးလား....သူများအတင်း​တွေအုပ်​နေချိန်​ကျ လုလို့ယက်​လို့ အဲ အလုပ်​များလုပ်​ရပြီဆိုဟိုလူ့လွှဲသည်​လူ့လွှဲနဲ့"
သူ့ထက်​အသက်​ကြီး​သော အစ်​မကြီး​တွေကို နန်းက စ​နောက်​ရင်း​ပြောလိုက်​သည်​။ အကုန်​လုံးထဲမှာမှနန်းကအငယ်​ဆုံး​လေ။ အစက​တော့အိမ်​မှာပျင်းတာနဲ့ သည်​အိမ်​မှာလာလည်​ပတ်​ရင်းနဲ့ မုန့်​ဖိုးရလဲမနည်းလားဆိုပြီး ဝင်​လုပ်​နေတာပါ။ ခု​တော့မကြီးချစ်​ကောမမစစ်​ပါသ​ဘော​တွေ​ကောင်းပြီး နန်းကိုလဲ လစာ​လေး​ပေး​လေ​တော့ နဂိုအပျင်း​ပြေသ​ဘောမှအလုပ်​ဟူ၍ တန်​ဖိုးထားတတ်​နေပြီ။ အရင်​ကဆို လာချင်​တဲ့အချိန်​လာ ပြန်​ချင်​တဲ့အချိန်​ပြန်​နဲ့အလုပ်​ချိန်​ဟူလဲမသိ။ မမစစ်​ဆီကဆံပင်​ညှပ်​တာ​တွေကြည့်​ပြီးသင်​ပြီး နန်းလဲသည်​အလုပ်​ကိုသ​ဘောကျပြီး​မွေ့​ပျော်​လာ​တော့​ကျောင်းတက်​ချိန်​လေး​တောင်​လုတက်​နေရတာ။ မကြီးတို့က တလ​လောက်​စာကို​အေး​ဆေးလုပ်​နိုင်​စေရန်​နားခိုင်း​ပေမယ့်​နန်းကမနားချင်​တော့။​ကျူ ရှင်​ပြေးတက်​လိုက်​ဆိုင်​ပြန်​လာလိုက်​ဆိုင်​မှာလူမကျရင်​စာလုပ်​လိုက်​နဲ့​ကျောင်းနဲ့လဲနီး​တော့ အဆင်​တွေမှ​ပြေလို့​လေ။
ပြီး​တော့ မမစစ်​နဲ့ကြီးကြီးလဲ တအား​တွေအဆင်​ပြေ​နေ​တော့စိတ်​တွေချမ်းသာလို့။
"နန်းတို့များ ကျူ ရှင်​မသွား​တော့ဘူးလား မျက်​နှာကြီးပြုံးဖြီးလို့"
နန်းအ​တွေးလွန်​ပြီး ပြုံးမိ​နေ​တော့ တစ်​ယောက်​ကဝင်​ပြောသည်​။
"မ​ကေသီကို ရည်းစားရှာ​ပေးရင်​ကောင်းမလားလို့​တွေး​နေတာပါ​လေ..ဟားဟား"
ထုံးစံအတ်ုင်း မ​ကေသီ​ဒေါပွ​အောင်​စခဲ့ပြီး အိမ်​ထဲသို့​ပြေးဝင်​လိုက်​တော့သည်​။ နန်းကအမြဲတမ်းစ​နောက်​နေရမှအိပ်​ပျော်​စားဝင်​သူပင်​။
အိမ်​ထဲဝင်​ပြေး​တော့ ပန်းသီးကိုင်​လာတဲ့စစ်​နဲ့ တိုက်​မိမလိုဖြစ်​သွားကာ စစ်​လက်​ထဲမှပန်းသီးလုံး​လေး ပြုတ်​ကျသွား​လေ​တော့သည်​။ စစ်​က တဖြည်းဖြည်းလိမ့်​သွား​နေ​သော ပန်းသီးလုံးကိုလိုက်​ကြည့်​နေရင်း
"မိနန်း.နင်​ဟာ​လေ...အမြဲ​ပြေးလွှား​နေတာပဲ...စာမကျက်​ဘူးလား"
"ဘာလဲ စာမကျက်​တာကို​ပြောချင်​တာလား ပန်းသီးကိုနှ​မြော​နေတာလား"
"​အေ့ အမြင်​ကပ်​လို့​ဟေ့"
"ဟွန့်​....သူ့ရည်းစားအ​ဖြေ​ပေးပြီးလဲ နန်းအ​ပေါ်စိတ်​မကြည်​ပါလား....ဝူး ဝူး"
အမ်​....သည်​ကိစ္စ ဘယ်​သူ့မှမ​ပြောရ​သေးတာကို။ မိနန်းကသိသွားပြီ။ နန်းပါးစပ်​ကိုစစ်​လက်​ဖြင့်​ပိတ်​လိုက်​ရင်း အိမ်​အပြင်​ကိုဆွဲထုတ်​လာရသည်​။ အိမ်​ထဲမှာ မကြီးတို့လဲ ရှိ​နေသည်​ကိုး။ ကြားသွားရင်​ပြသနာ​လေ။
"တိတ်​တိတ်​နေ​လေ....ဘယ်​သူ​ပြောလို့လဲ ငါ့ရည်းစားဆီကအ​ဖြေရတယ်​လို့"
"မသိတာမှတ်​လို့...မ​သွေးကိုပြန်​လိုက်​ပို့ပြီး ခဏ​လောက်​မှိုင်​နေပြီးမှ ဖုန်းကြည့်​ပြီးပြန်​ပြုံးလာတဲ့အပြင်​ဆိုင်​ထဲမှာသီချင်းဖွင့်​နေတာကလဲ အကျယ်​ကြီး....အဲ့ ကိုယ်​စောင့်​နတ်​ချည်းအခါတရာ​လောက်​ဖွင့်​နေတဲ့ဟာကို....နန်းကမသိပဲ​နေမလား"
စစ်​အမူအယာက အဲ့​လောက်​တောင်​သိသာ​စေသလား။ မကြီးတို့လဲရိပ်​မိ​နေမည်​လား။
"နင့်​ဟာ​ပေါက်​ကရ​တွေကို...သွား လုပ်​တော့ "
"ဘယ်​က​ပေါက်​ကရ ရမှာလဲ...မ​နေ့ည​နေဖက်​က မမစစ်​ရဲ့မိုင်​ဒေးမှာ 13.9.2018⏰⏰2:24 pm ဆိုပြီး ဆင်​ထားတယ်​လေ....မမစစ်​ရဲ့..လူသိမခံချင်​ရင်​လဲလုံ​အောင်​ဖုံး​ပေါ့​နော်​....သူများ​တော့မသိဘူး နန်းက​တော့ မမစစ်​ပါးစပ်​ဟလိုက်​တာနဲ့​ဗိုက်​ထဲမှာ အူဘယ်​နှစ်​ခွေရှိလဲဆိုတာ မြင်​လိုက်​ပြီးသား"
စစ်​တောင်​ဘာမှပြန်​မ​ပြောနိုင်​သေးခင်​နန်းက လှစ်​ခနဲအိမ်​ထဲကိုပြန်​ဝင်​သွားပြီ။
ဟုတ်​သားပဲ။ မ အ​ဖြေ​ပေးလိုက်​တဲ့အချိန်​က အဲ့အချိန်​ကိုး။ စစ်​မှာဖြင့်​မကိုသွားပို့ပြီး မခွဲချင်​ခွဲချင်​နဲ့ မျက်​ရည်​လေး​တွေဝဲပြီးအိမ်​ကို​တောင်​မနည်းပြန်​လာရတာ။ ဆိုင်​ထဲဝင်​ပြီးအလုပ်​ပြန်​လုပ်​၊ စိတ်​ကမပါလှ၊ လူ​လေးပါးတုန်း ဖုန်း​လေးဖွငွကြည့်​တော့ မ ဆီကစာ​လေး​ရောက်​နေသည်​လေ။ စာဖတ်​ပြီးမဆီကိုဖုန်း​ခေါ်​ပေမယ့်​ဆက်​သွယ်​မှုဧရိယာပြင်​ပ​ရောက်​သွားခဲ့ပြီ။
ကိုယ်​သိပ်​ချစ်​ရတဲ့ လူဆီကအ​ဖြေရ​တော့​ပျော်​လိုက်​သည့်​ဖြစ်​ခြင်း။​လူ​ကောနှလုံးပါတုန်​လို့​နေတာ။ မျက်​နှာကအလိုလိုပြုံးလာတာ။
မ​နေ့ကစပြီး စစ်​ကိုယ့်​ရဲ့ရှင်​သန်​မှုကို သ​ဘောကျလာသည်​။​ကျေနပ်​အားရလာသည်​။ မနဲ့အတူဆိုပြီး စိတ်​ကူးယဉ်​ရတာအ​မော။
"စစ်​ရေ....အရင်​ရက်​က​ဆေး​တွေမှာထားတာဂိတ်​မှာ​ရောက်​နေပြီတဲ့ သွားယူ​ပေးပါဦး"
အ​တွေး​ကောင်း​နေဆဲ အိမ်​ထဲက မကြီးအသံ​ကြောင့်​
"ဟုတ်​မကြီး ခုပဲသွားလိုက်​မယ်​"
"ဆိုင်​ကယ်​ဖြေး​ဖြေး​မောင်း​နော်​...ညက မိုးကျထားတယ်​လမ်း​တွေ​လျှော​နေမယ်​"
"ဟုတ်​...တန်​ဆာခ ယူသွားရမှာလား"
"တစ်​ခါတည်းလွှဲပြီးသား....လက်​မှတ်​ထိုးပြီး ယူလာရုံပဲ...ဆိုင်​ကယ်​ထဲ ဆီအပြည့်​ဖြည့်​ထားတယ်​နော်​...လိုလိုမယ်​မယ်​ပိုက်​ဆံ​တော့ယူသွားဦး လမ်းမှာဆိုင်​ကယ်​တွေပျက်​နေဦးမယ်​"
"စစ်​မှာပါတယ်​...အကြီး​ကောင်​ကို တစ်​ခါတည်းအ​ဆောင်​ပို့​ပေးရမလား"
"ရပြီ...ခဲအိုပို့​ပေးလိုက်​မယ်​..စစ်​တစ်​ယောက်​ပဲသွားလိုက်​"
"သွားပြီ​နော်​"
ဆိုင်​ကယ်​သော့​လေး ဆိုင်​ထဲကဝင်​ယူပြီး ကားဂိတ်​ထွက်​လာ​တော့သည်​။ ဘလူးတုနားကျပ်​လေးတပ်​ပြီး မကိုဖုန်း​ခေါ်လိုက်​သည်​။
တူ တူ
အဲ ဝင်​သားဟ....မ အိမ်​ရောက်​ပြီလားမသိ
"ဟလို"
အိပ်​ချင်​မူးတူးသံ​လေးနဲ့ မ အသံကခါတိုင်းထက်​ကိုပိုပြီးနားဝင်​ချို​နေသလို။
"​မောနင်း မ အိပ်​နေတာလား"
"အင်းပ...စစ်​ကော ဘယ်​သွား​နေတာလဲ​လေသံ​တွေနဲ့"
"ခုပဲမနက်​စာစားပြီးကားဂိတ်​ကိုသွား​နေတာ...ဆံပင်​အတွက်​ဆေး​တွေမှာထားတာ​လေ"
"ဆိုင်​ကယ်​မောင်းရင်း​ပြော​နေတာလား "
"ဟုတ်​မ....​လေ​အေး​အေး​လေးတိုက်​နေတယ်​မရဲ့....မတို့ဘယ်​အချိန်​ပြန်​ရောက်​လဲ""
"ကိုးနာရီခွဲ​လောက်​လားပဲ....တလမ်းလုံးမှမနားခဲ့တာ..."
တိုးရှရှအသံ​လေး​ကြောင့်​မ ပင်​ပန်းနွမ်း​နေမှာအမှန်​။
"ပင်​ပန်းလားမ"
"အင်းပ....ကားစီးရတာ မူးရတဲ့အထဲ​ဆေးမ​သောက်​မိ​တော့တအားအန်​တာ....အိပ်​နေလဲအန်​ချင်​ရင်​နိုးလာတာပဲ"
"​ဟုတ်​ပါပြီ....မ ပြန်​အိပ်​လိုက်​ဦး​နော်​...စစ်​လဲတစ်​ညလုံးအိပ်​မ​ပျော်​ဘူးသိလား"
"ဟင်​ဘာလို့တုန်း"
"​ရော်​....မနဲ့အတူဆိုပြီး တစ်​နေ့ကျရင်​ဆိုတဲ့စိတ်​ကူးနဲ့ မအိပ်​ပျော်​တော့တာ"
"အဲ...စစ်​ကလဲ...ရပြီ...ဂရုစိုက်​မောင်းဦး...မ ပြန်​အိပ်​ဦးမယ်​နော်​....ဖုန်း​ပြောမ​နေနဲ့....ဦးထုပ်​ပါ​သေးလား"
မကလဲ...ချစ်​တယ်​ပြောထားပြီး အဲ့အ​ကြောင်းဟလိုက်​ရုံရှိ​သေး စကားစဖြတ်​ပြိ။ တကယ်​တော့ မကရှက်​နေသည်​ကိုး။
"ပါဘူး....အိပ်​တော့​နော်​....​နေ့လယ်​နိုးလာရင်​ထမင်းစားပြီး​ရေချိုးလိုက်​....ပြီး မ စစ်​ကိုစာပို့ဦး​နော်​...​ဗီဒီယိူ​ကော​ပြောရ​အောင်​လို့"
"အင်းပါ ချပြီ"
တီခနဲချသွားခဲ့ပြီ။ စစ်​ရဲ့ချစ်​သူအဖြစ်​လက်​ခံလိုက်​တဲ့ မဘဝကိုစစ်​တာဝန်​ယူနိုင်​အောင်​ကြိုးစားရဦးမည်​။ မလိုဘွဲ့ရပညာတတ်​တစ်​ယောက်​ကို အဆင့်​မြင့်​မြင့်​လေးထားချင်​တာက စစ်​ရဲ့စိတ်​ရင်း။ စစ်​နဲ့ပတ်​သက်​မလို့ မကိုဘယ်​သူ့အ​ပြောမှမခံရ​အောင်​စစ်​ကြိုးစားရမည်​လေ။
.....
​ဖေ့ဘွတ်​ထဲ ခဏဝင်​ပြီး စစ်​လဲလိုင်း​ပေါ်မရှိတာနဲ့​သွေးတို့​ကျောင်းတုန်းကသူငယ်​ချင်း​တွေစုပြီးဖွဲ့ထားတဲ့gpထဲ ဝင်​ကြည့်​လိုက်​စဉ်​အကုန်​လုံးက​သွေးအ​ကြောင်းချည်း​ပြောထားကြသည်​။ viber ထဲချည်းဝင်​နေတာနဲ့ပဲ messenger ထဲ​တောင်​မဝင်​ဖြစ်​တာကြာပြီ​လေ။
"မိ​သွေး​ရေ....ရည်းစား​တွေများရ​နေတာလား ငါတို့gpထဲ​တောင်​မလာ​တော့ဘူး"
"ဟုတ်​ပ...​သွေးကိုလွမ်းတယ်​...အလုပ်​တွေများရှုပ်​နေတာလား"
"​သွေးရဲ့ရည်းစားကိုဘယ်​လိုလူမျိုးလဲဆိုတာစိတ်​ဝင်​စား​နေပြီ​ဟေ့"
"သူထားရင်​တော့သာမာန်​လူ​တော့မဟုတ်​လောက်​ဘူး မိ​သွေးကအရမ်းကြီးကျယ်​တာ"
"​အေ့ဆို သူ့ဆို​တော်​ရုံလူလဲမစရဲ​လောက်​ဘူး"
စသဖြင့်​သွေးအ​ကြောင်းကိုအထင်​တွေတကြီး မမြင်​ရ​သေးတဲ့​သွေးရည်းစားဆိုတာကိုပဲအပ်​ကြောင်းထပ်​နေသည်​။ သူတို့စာ​တွေဖတ်​ပြီး​သွေးရီချင်​လာသည်​။
နင်​တို့​တွေး​နေသလိုမျိုး​သွေးကရည်းစားရှိ​နေတာ​တော့မှန်​တယ်​ကွယ်​....ဒါ​ပေမဲ့ ပညာတတ်​ဘွဲ့​တွေတသီကြီးရ​နေတဲ့​ချော​ချောခန့်​ခန့်​ယောက်ျားကြီး​တော့မဟုတ်​ပေဘူး။​သွေးထက်​ငယ်​သော​ကောင်​မ​လေးတစ်​ယောက်​...ဘွဲ့လဲမရထားပါဘူး...သို့​သော်​သွေးကိုတအား​တွေချစ်​တတ်​ပြီး ဂရုစိုက်​တတ်​တာ​ကြောင့်​ဘွဲ့​တွေအမည်​တပ်​ပြီး​ပေးလို့ရ​နေသည်​။
ကိုယ်​တိုင်​က သွားကြိုက်​နေခဲ့ပါပြီဆိုမှ​တော့ ကိုယ့်​ဦး​နှောက်​ကလိုချင်​နေတဲ့ချစ်​သူမျိုးထက်​နှလုံးသားကသူ့ဆန္ဒအရ​ရွေးချယ်​လိုက်​ပြီဖြစ်​တဲ့ချစ်​သူကိုသာပဲ​ကောင်းသည်​ဖြစ်​စေ ဆိုးသည်​ဖြစ်​စေ တစ်​သက်​စာအတွက်​ကိုရည်​ရွယ်​ပြီးသား ဖြစ်​သွား​လေပြီ။​သွေးရည်းစားမများချင်​ပါ။ တစ်​သက်​မှာတစ်​ယောက်​အတွက်​ကိုပဲ အရာရာပုံအပ်​ပြီးချစ်​ပေးလိုက်​ချင်​သည်​။ အကယ်​၍များ ကံ​သွေဖယ်​လို့​ဝေးခဲ့ရလျှင်​လည်း သူကလွဲပြီး​နောက်​ထပ်​တစ်​ယောက်​ရှိမလာနိုင်​။
ချစ်​သူဖြစ်​ပြီးတာနဲ့တန်းပြီး သူများ​တွေလို အ​ခေါ်အ​ဝေါ်​တွေလဲ​ပြောင်းမသွား။ သူ့အ​ကောင့်​ကိုယ့်​အ​ကောင့်​ဝင်​ကြည့်​နိုင်​ရန်​ပတ်​စ​ဝေါ့​တွေလဲအပြန်​အလှန်​မ​ပေးကြ။
​သွေးနဲ့စစ်​သည်​နေရာမှာအယူအဆချင်း တူချင်​မှတူကြမည်​။​သွေးက​တော့ စစ်​ရဲ့ချစ်​သူဆို​ပေမဲ့စစ်​နဲ့လုံးဝကြီးသက်​ဆိုင်​နေတာမဟုတ်​တော့ သူ့ရဲ့ကိုယ်​ရေးကိုယ်​တာကိုဝင်​ပြီးမစွတ်​ဖက်​ချင်​။ သက်​ဆိုင်​သည်​ပဲထား...ဘယ်​သူမဆို လွတ်​လပ်​ခွင့်​တော့ပိုင်​ချင်​ကြဦးမှာပင်​။ လိုင်း​ပေါ်မှာ​သွေးမဟုတ်​တဲ့အခြားသူ​တွေနဲ့ စစ်​စကား​တွေ​ပြောဖြစ်​နေလဲ သဝန်​မတိုမိ။ သူ့မှာလဲသူ့မိတ်​ဆွေ​တွေသူ့ကိုခင်​ချင်​တဲ့သူ​တွေကစကားလာ​ပြောဦးမှာ​လေ။ မ​ပြောနဲ့​သွေးကိုပဲအချိန်​ပေးပါဟု​ပြောရ​အောင်​လဲ​သွေးလဲအမြဲအားမ​နေ။
​သွေးမရှိတဲ့အချိန်​သူအားငယ်​နေတဲ့အချိန်​သူ့ခံစားချင်​ကိုနှစ်​သိမ့်​ပေးဖို့လူတစ်​ယောက်​တော့လိုတယ်​လေ။
ကိုယ်​က သူ့ချစ်​သူဆိုပြီး​နေရာတကာလိုက်​ချုပ်​ချယ်​လို့လဲမရ။
"မ လိုင်းတက်​နေတာ မ​ခေါ်ဘူး"
သူငယ်​ချင်း​တွေကို စာပြန်​နေတုန်း စစ်​လိုင်း​ပေါ်တက်​လာသည်​။
"မအားဘူးဆို ဒီ​နေ့ စစ်​အိမ်​မှာအလှူ လုပ်​တာဆို"
ဟုတ်​သည်​။ ညကပဲ စစ်​အိမ်​မှာအလှူရှိတယ်​မအား​လောက်​ဘူးလိူ့​ပြောခဲ့တာကိုး။
"အင်း မကိုလွမ်းလို့တက်​လာတာ အ​တော်​ပဲမ ရှိ​နေတာနဲ့ "
"ဟုတ်​ပါပြီ ပုံက​လေးဘာက​လေးပို့ခဲ့ပါဦး လှ​နေလားလို့"
ခဏဆိုပြီး ပို့​တော့ပိုလာပါသည်​။ အလှူ လုပ်​တယ်​လဲဆို​သေး။ လှလှပပ​လေးဝတ်​စားထားမယ်​ထင်​နေတာ။
ထုံးစံအတိုင်းသနပ်​ခါးကို ဟိုခြစ်​သည်​ခြစ်​နဲ့​ကြောင်​ခြစ်​သလို လိမ်းထားပြီး အိမ်​နေရင်း​ဘေးအစင်းကြားစပို့ရှပ်​အဝါလက်​ရှည်​နဲ့ ကာတွန်း​ဘောင်းဘီအနက်​နဲ့။ သိပ်​ကို ရုပ်​ပြောင်​ပြ​နေ​သေးတာ။ စစ်​ပုံ​လေးကို ကြည့်​ပြီးရယ်​ချင်​စိတ်​ပေါ်လာသဖြင့်​ဟဟလို့​တောင်​သွား​ရေလိုက်​သေး။
"ဟမ့်​မကလဲ စစ်​ကိုအသဲ​ပေးမလားလို့ဆို ဟဟတဲ့လား ပို့ခိုင်းလို့လဲပို့ရ​သေးတာကို"
ဟု အလိုမကျ​သော အီမိုဂျီပုံကြီးနဲ့။
"မက စစ်​ဟာ မြန်​မာဝတ်​စုံ​လေးနဲ့တအား​တွေကျက်​သ​ရေရှိပြီးလှ​နေမှာပဲလို့​တွေးမိတာမို့လို့ပါ....ပို့မယ့်​ပို့လာ​တော့ ရုပ်​ပြောင်​လေးနဲ့ ဘာမှလဲပြင်​မထားပါလား"
"အိမ်​မှာပဲ ဆွမ်းကပ်​တရားနာမှာ​လေ မရဲ့....ဝမ်းဆက်​ကြီးနဲ့ဆို​တော့အိုးခွက်​ပန်းကန်​တွေ​ရွေ့ရတဲ့အခါအဆင်​မ​ပြေလှဘူး အမှန်​ပြောရရင်​စစ်​က အဲ့လို​တွေဝတ်​ရတာသ​ဘောမကျဘူး....တအား​တွေမွန်းကြပ်​နေသလိုကြီးမို့လို့"
သိသားပဲ။ ဘယ်​ချိန်​တွေ့​တွေ့ ဟူဒီနဲ့ ရှပ်​နဲ့ စပို့ရှပ်​နဲ့​စသဖြင့်​တွေကို ဂျင်း စတိုင်ပဲန် အားကစား ကာတွန်း စတဲ့
​ဘောင်းဘီနဲ့ပဲတွဲဝတ်​တာ မြင်​နေတာ​လေ။ ရုပ်​က​လေးကချစ်​ဖိူ့​ကောင်း​နေလို့သာ​ပေါ့။
"မက စစ်​ကို မိန်းက​လေးပီပီသသ​လေးနဲ့မြင်​ကြည့်​ချင်​တာ​နော်​"
",မိန်းမပီသ​နေရင်​မွန်းကြပ်​တယ်​...ချုပ်​ထိန်းရတာသိပ်​များတယ်​ပေါ့​ပေါ့ပါးပါး​လေး​နေရတာပဲကြိုက်​တယ်​....စစ်​ကိုမိန်းမစစ်​လားမစစ်​လားသိချင်​ရင်​ခုလက်​ထပ်​လဲရတယ်​လေ ဒီည​နေကားစီးပြီး မကိုလာ​တောင်းရမလား"
ဘယ်​လိုမှ​ပြောမရတဲ့ အဆုံး​သွေးလက်​မြှောက်​အရှုံး​ပေးလိုက်​ရ​တော့သည်​။
"ဒါဖြင့်​စစ်​က​ယောက်ျားလို​နေချင်​တာလား....ဆံပင်​ညှပ်​လိုက်​လေ....တစ်​ချို့​ယောက်ျားလျာ​လေး​တွေဆံပင်​တိုတို​ဘော်​ဒီမိုက်​မိုက်​နဲ့ နှုတ်​ခမ်း​မွှေး​တွေ​တောင်​ပါလိုက်​သေး....သိပ်​ကြည့်​ကောင်းတယ်​ကွယ်​အဲ့လိူ​နေပါလား"
"​နေစရာလား...စစ်​က​ယောက်ျားလျာ​လေးမှမဟုတ်​ပဲ....မတို့လို့ ထမီနဲ့ရင်​ဖုံး​တွေနဲ့မဝတ်​ချင်​တာပဲရှိတာ....ထမင်းဟင်းမချက်​ချင်​တာပဲရှိတာ...ကျန်​တာ​တော့မိန်းမပဲကို....မကလဲ စစ်​က​ယောက်ျား​လေးလုပ်​မှမကလက်​ထပ်​ရဲမှာလား"
"အဲ​လေ....မဟုတ်​ပါဘူး မက​ယောက်ျားလို​ချင်​နေရင်​စစ်​ကိုဘယ်​လိုလုပ်​အ​ဖြေ​ပေးမလဲ....ဒီအတိုင်း​လေး​ပြောပြတာ....ဘာလဲ မက စစ်​ကို​ယောက်ျားဖြစ်​စေချင်​တယ်​...​ပြောင်းလိုက်​လို့​ပြောရင်​တကယ်​ကြီး​ပြောင်းမလို့လား"
"ဒါ​ပေါ့....​မသာ အလိုရှိ​နေရင်​စစ်​ကဘာမဆိုဖြစ်​အောင်​လုပ်​ပေးဖို့ကြိုးစားမှာ....မဖက်​ကသာ စစ်​ဘာ​လေးလိုချင်​လို့တစ်​ခွန်းပဲ ညည်းလိုက်​ကြည့်​....ဖြစ်​အောင်​လုပ်​ပေးမှာ"
တကယ်​လဲ စစ်​က​သွေး​ပြောသမျှကို လိုက်​လုပ်​ပေးမယ့်​ပုံ။ တကယ်​လုပ်​မယ်​ဆိုရင်​လဲ​သွေးကမလုပ်​စေချင်​ပါ။ ကိုယ်​ကြောင့်​သူတစ်​ပါးဘဝကြီး​ပြောင်းလဲမသွား​စေလို။
"ကဲပါ....မလိုပါဘူး...ဒီဘဝမှာ မ ချစ်​ရသူကစစ်​ဆိုတဲ့​ကောင်​မ​လေးတစ်​ယောက်​ဖြစ်​နေခဲ့လို့ ဘယ်​လိုဘဝကိုမှပြန်​ပြောင်းလဲစရာမလိုပါဘူး....မက စစ်​ဘယ်​လို​နေ​နေ ချစ်​ပြီးသား"
ဟုတ်​သည်​လေ။ ဒီအသက်​အရွယ်​ထိ​နေရာစုံ လူစုံ​တွေ့ခဲ့ဖူး​ရောက်​ခဲ့ဖူးပါလျက်​နဲ့ ။ အရွယ်​စုံပညာစုံ​ယောက်ျားတစ်​ချို့ရဲ့ချစ်​ခွင့်​ပန်​တာ ခံရဖူး​ပေမယ့်​နှလုံးသားအစုံကတစ်​စက်​မှမတုန်​လှုပ်​ခဲ့​လေ​တော့ တစ်​ယောက်​တည်းဖြတ်​သန်း​နေရတဲ့ဘဝမှာ ရှားရှားပါးပါးထူးထူးဆန်းဆန်း​ကောင်​မ​လေးတစ်​ယောက်​ရဲ့ အ​ပြော​အောက်​မှာ တစ်​ခါတည်းကျရှုံးသွား​တော့တာကိုး။
စစ်​ကို အ​ဖြေမ​ပေးခင်​ကလဲ အကြိမ်​ကြိမ်​အဖန်​ဖန်​စဉ်းစားပြီးပါပြီ။ ဘယ်​လိုဘဝမျိုးပဲဖြစ်​နေ​နေ နှလုံးသားကဖြစ်​နေတဲ့အချစ်​ကိုပဲဦးစား​ပေးလိုက်​သည်​။
ကိုယ့်​နှလုံးသား​ရွေးချယ်​ရာက ကိုယ့်​ထက်​ငယ်​ရွယ်​သော​ကောင်​မ​လေးတစ်​ယောက်​ဖြစ်​စေဦး​တော့ ဘာမှ​နောင်​တရစရာမလို​အောင်​ကို သူတစ်​ယောက်​တည်းနဲ့တင်​ပြည့်​စုံ​နေ​တော့တာ။
"မ ပိုက်​ဆံငါးရာ​လောက်​ပေးပါလား"
ရုတ်​တရက်​စကားလမ်းလွှဲသွားတာမို့​သွေးဘာပြန်​ဖြေရမလဲမသိ။
"ဘာလုပ်​မလို့လဲစစ်​"
"လိုလို့​လေ....မကလဲ..."
"ငါးရာ​လေးကိုမကဘယ်​လိုလွှဲရမလဲကွယ်​....စိတ်​က​လေးရှည်​ပါဦး​နော်​"
"​ဘေလ်​ရှိလားရှိရင်​စစ်​ကိုငါးရာလွှဲ​ပေး​လေ...​နော်​...မက​လေး...ခဏ​နေ လွှဲလိုက်​နော်​....စစ်​ဆင်း​တော့မယ်​"
အတင်း​တွေလွှဲခိုင်းပြီး ဆင်းသွားခဲ့​လေပြီ။​တော်​သေးသည်​က​သွေးမှာမ​နေ့ကသုံး​ထောင်​လေးထည့်​ထား​သေးလို့။ ဒါ​တောင်​လိုင်းသုံးဖို့ ဝယ်​ပြီး ဘယ်​လောက်​ကျန်​သေးသည်​မသိ။ စစ်​အ​ရေးကြီး​နေမှာလဲစိုးရသည်​။ ထို့​ကြောင့်​လိုလိုမယ်​မယ်​တစ်​ထောင်​လွှဲ​ပေးလိုက်​သည်​။ ပြီး​တော့ ဂန္ဓမာပန်း​တွေ​ဖောက်​သည်​မှာထား​သော​ကြောင့်​အဖူး​လေး​တွေရှိတုန်းသွားနှုတ်​ရန်​ခ​မောင်​လေး​ဆောင်း ပုဆိုးပိုင်း​လေးယူ၍ ခြံဖက်​ထွက်​ခဲ့သည်​။
သီတင်းကျွတ်​လပြည့်​တော့မည်​။ ဒီပန်းဖိုးကအ​တော်​များများရ​နေတာမို့ခုတ​လော​သွေးတို့အဆင်​ပြေ​နေသည်​ပဲ။ ဒါ​တောင်စိုက်​တဲ့​မြေကွက်​က​လေးကျဉ်းသွားလိူ့။ မဟုတ်​ရင်​အကျယ်​ကြီးစိုက်​ပြီးအများကြီးပိုက်​ဆံဝင်​ဦးမှာကို။​သွေး ဆွဲကြိုး​လေးပြန်​ရွေးဖို့ကိုပိုက်​ဆံခိုးစုရသည်​မှာလဲအ​မော။
ခြံထဲ​ရောက်​တော့ ကိုဟိန်းတစ်​ယောက်​ပေါက်​တူးတလက်​နဲ့ သူစမ်းစိုက်​ထားတဲ့ ခရမ်းချဉ်​ခင်းထဲမှာအလုပ်​ရှုပ်​လို့​နေသည်​။​သွေးလာတာမြင်​တော့
"​သွေး တဲထဲက ဓား​မြှောင်​လေး
ဒီနားယူလာဦး"
လာဦးဆို​တော့တဲထဲပုဆိုးပိုင်း​လေးပစ်​ထည့်​လိုက်​ပြီး တိုင်​မှာချိတ်​ထားတဲ့ဓားအိမ်​ထဲကဓားချွန်​လေးကို ထုတ်​ယူပြီး ကိုဟိန်းဆီလာလိုက်​သည်​။ အစမ်းစိုက်​နေတာဖြစ်​ပေမယ့်​ကိုဟိန်းကဘာနည်းလမ်း​တွေသုံးသည်​မသိ။ အပင်​လေး​တွေကစိမ်းညို့​နေပြီးပင်​စည်​တွေတုတ်​ခိုင်​နေသည်​။ အ​သေအ​ပျောက်​အပက်​အစီးလဲ နည်းလှသည်​။
"မိုးရွာထား​တော့ပိုးကျ​နေတယ်​မြင်​လား အရွက်​တွေ ဖြူ​နေတာ"
ကိုဟိန်းကိုဓား​ပေးလိုက်​ပြီး ကိုဟိန်းထိုးပြတဲ့အရွက်​လေး​တွေကြည့်​မိသည်​။ ပိုးဖလံအဖြူအ​သေး​လေး​တွေ အရွက်​လှုပ်​လိုက်​ရုံနဲ့ထပျံ​ပြေးသွားကြသည်​။
"ဒီဖလံ​လေး​တွေလား ဒီတိုင်းနားတာလားလို့"
"ဘယ်​ကလာ သူနားရင်​အပင်​တွေကအ​ပေါက်​တွေဖြစ်​ကုန်​ပြီး အရွက်​တွေဖြူလာ ပြတ်​ကျပုပ်​ကျကုန်​တာ"
"​ဆေးရှိရင်​ဖြန်း​လေ...."
"ည​နေဖြန်းရမှာ ခဏ​နေ သွားဝယ်​မလို့ အဲ့ဒါ​သွေးဆီကပိုက်​ဆံ​တောင်းမလို့ ငါ့ဆီရှိတာမ​နေ့ကပဲ ရုံးကစု​ကြေးထဲထည့်​လိုက်​ရလို့ ရှိ​ကောရှိရဲ့လား"
"ရှိပါတယ်​အဲ့ဒါကို ကြိုမြ​ပြောဘူး​သွေးအခန်းထဲမှာဝင်​ယူသွား​ခေါင်းအုံး​အောက်​မှာရှိတယ်​"
ကိုဟိန်း​ပေါက်​ဆွထားတဲ့​မြေကြီးထဲက မြက်​ပင်​တွေကိုယူပြီး ကပ်​ပါ​နေတဲ့​မြေကြီး​တွေကို လက်​ဖြင့်​ခါလိုက်​သည်​။
"​သွေး....နင့်​ဆွဲကြိုးဝတ်​တာမမြင်​ပါလား"
ဘုရား​ရေ...ဘယ်​တုန်းက ဝတ်​လို့ ကိုဟိန်းသတိထားမိပြီး​မေး​နေတာပါလိမ်ြ။
"ချွတ်​ထားတာဖြင့်​ကြာပြီကို ကိုဟိန်းကလဲ"
"အ​မေယူသွား​သေးလား....ဟို​နေ့ကအလှူသွားတာခါတိုင်းဆိုနင်​ဝတ်​သားနဲ့အဲ့​နေ့ကမဝတ်​လို့"
"အ​မေကမယူပါဘူး...ရှိပါတယ်​...ကြည့်​မလား ပြန်​ယူမယ်​"
ရယ်​ဟဟ​လေး​ပြောကာမှ ကိုဟိန်းက
"အ​ကောင်း​ပြော​နေတာ​ပျောက်​များသွားသလားလို့ပါ...ငါ ပြမ်​တော့မယ်​...ယူသွားမယ်​နော်​နှစ်​သောင်း​လောက်​ရှိလား"
"ရှိတယ်​...ပန်းဖိုး​တွေအကုန်​က​သွေးဆီပထြား​နေတာခုက"
"အင်း.အင်း...ဘာစားချင်​သေးလဲ ညစာအတွက်​လေ...ငါခုတ​လော ငါးကြင်းချက်​စားချင်​လာလို့ ဝယ်​စားရင်​ကောင်းမ​လား"
"​ရော်​....စားချင်​ရင်​ပိုက်​ဆံပိုယူသွားပြီး ဝယ်​လာလိုက်​ပေါ့....ကိုဟိန်းကလဲ​လေ...သူစိမ်းလိုလိုလာ​ပြော​နေတယ်​...စားချင်​တာသာဝယ်​ခဲ့"
"ဒါဆို ငါသွားပြီ...​ပေါက်​ပြားသိမ်းခဲ့​ပေးဦး...ည​နေ​စောင်းမှ​ဆေးလာဖြန်း​တော့မယ်​..."
"ဟုတ်​သိမ်းခဲ့မယ်​"
ကိုဟိန်းက သူစားချင်​ရင်​သူ့လက်​ထဲပိုက်​ဆံရှိတဲ့အခါ ဝယ်​လာပြီးချက်​ခိုင်း​နေကျ။ ခု​တော့သူ့လက်​ထဲလုံးဝပိုက်​ဆံမရှိ​တော့တာမို့ထင်​သည်​။ မရှိရင်​မရှိဘူးဟုလဲမ​ပြော။ စားချင်​တာကို​သွေးမနက်​တိုင်း​ဈေးသွား​နေတာကိုလဲမမှာနဲ့။
​တော်​သေးတယ်​။ ဆွဲကြိုးနဲ့ပတ်​သက်​ပြီး ဘာမှထပ်​မ​မေး​တော့လို့။
​ပေါက်​တူး​လေးယူပြီးတဲကြမ်းပြင်​အောက်​သိမ်းလိုက်​သည်​။ ပြီး​နောက်​အဖူးအငုံ​တွေနဲ့​ရောင်​စုံပြီးစိမ်းစို​နေ​သော ပန်းခင်း​လေးကိုကြည့်​လိုက်​သည်​။
နည်းနည်းလုပ်​ရပြီးများများမြတ်​သောသည်​ပန်း​တွေကို​သွေးစိုက်​ဖိူ့မပျင်းရ​တော့။ ပိုက်​ဆံလဲကျန်​သည်​လေ။
​နွေကျရင်​လဲ​ရေ​လောင်း​ပေးပြီးစိုက်​ရမည်​။
အဖူးပွ​လေး​တွေကို အပင်​တွေကြားမှ​ရွေးထုတ်​ပြီးဂရုတစိုက်​နှုတ်​ယူရသည်​။ တိုင်​တက်​နေတုန်းအပင်​တွေနှုတ်​မိရင်​အလကားရှုံးမှာမို့​လေ။
ပုဆိုးပိုင်းနဲ့ထုတ်​ကာ တဲအတွင်း၌ပင်​အရွက်​ဖျင်​လိုက်​သည်​။ တဲ​ခေါင်​တွင်​အ​ဖေထိုးထားတဲ့နှီး​တွေနဲ့ပင်​တစ်​ခါတည်းစည်းသွားလိုက်​သည်​။ အိမ်​ရောက်​ရင်​အေး​ဆေးနားရုံပင်​။
​နေ့လယ်​စာလဲပြန်​မစားဖြစ်​။ အလုပ်​တွေပြီး​တော့မှအိမ်​ကို​ရောက်​လာ​တော့ည​နေသုံးနာရီ​ကျော်​နေပြီ။ ပန်း​တွေကို​ရေစိမ်​ပြီးအခန်းထဲဝင်​ဖုန်းဖွင့်​ပြီးလိုင်းတက်​ကြည့်​မှ စစ်​ဆီက ပုံပို့ထားသည်​မို့ကြည့်​လိုက်​တော့
အနီ​ရောင်​ရှမ်းဝတ်​စုံ​လေးနဲ့မိန်းမပီပီသသလှ​နေ​သော က​လေးမ​လေး။ မြင်​မြင်​ချင်း​မောသလိုအပန်းတို့​ပြေသွားရ​တော့သည်​။ ပြီး​နောက်​တစ်​ပုံက
စစ်​သွေးဆို​သောအမည်​နဲ့အလှူ​ငွေ သုံး​သောင်းထည်​ထြား​သော​ငွေလက်​ခံဖြတ်​ပိုင်းတစ်​စောင်​
ပြီးပုံ​အောက်​မှာစာ​လေးက
မနဲ့စစ်​ရဲ့ပထမဆုံးအလှူအတူပြုတာ​ပေါ့
မ​ရေ သာဓု​ခေါ်လိုက်​ပါဦး​နော်​
စစ်​တို့နှစ်​ယောက်​လုံးအချစ်​ရေး​ပြေလည်​ကြပါ​စေလို့ဆု​တောင်းထားခဲ့တယ်​
မလဲပဲစစ်​လိုစိတ်​ကြည်​လန်းဆန်း​အေးမြပါ​စေရှင့်​
အရမ်းချစ်​တယ်​
...
​တော့်​တော့်​ကို အဆန်းထွင်​တတ်​သော စစ်​က​လေး။​သွေးဆီက​ဘေအတင်း​တောင်းပြီးခုကျအလှူပြုလိုက်​သတဲ။ သူမို့လို့စိတ်​ကူးတတ်​ပ​လေတယ်​။
​သွေးလိုချည်းလဲမလှူဖြစ်​ပါ။ ပုံ​လေး​တွေသိမ်းယူလိုက်​ပြီး
မတို့နှစ်​ယောက်​ရဲ့ချစ်​ခြင်းအပြစ်​ကင်းပါ​စေကွယ်​
ဟု ဆန္ဒပြုလိုက်​ပြီးသာဓု​ခေါ်လိုက်​သည်​။
စစ်​လိုပဲ​သွေးသည်​လဲစိတ်ဝမ်းငြိမ်းချမ်းသွာ
းရသည်​။
...
Next