The Mafia Lord's Pet|✔

CHAPTER 25

Chapter 25

Cassidy Pov

"Mga anak di muna sasama si Papadad ngayon sa paghatid sa inyo ng d-daddy ninyo sa school, huh?" sabi ko sa mga anak ko.

Naka-squat ako upang pantayan ang kanilang height. Sinukbit ko ang bag ni Zhuri sa balikat niya at saka ko pinasok isa-isa sa bag nila ang kani-kanilang baon. Ang panghuling baon na nasa center table ng mesa dito sala ay kinuha ni Tyson saka siya na ang naglagay noon sa bag ni Zenver.

Hindi gumalaw si Zenver kahit konti at hinintay na matapos si Tyson doon sa paglagay ng baon sa backpack niya. Nang matapos iyon saka lumapit si Zen sa akin. Si Tyson naman ay tumabi at lumabi.

Isang linggo na ang lumipas na ganito ang sitwasyon. Hatid at sundo sila ni Tyson. Ewan ko kung saan tumutuloy dito si Tyson dito sa Sagada at di ko na rin naman iyon tinatanong sa kanya. Basta dumadating na siya dito ng maaga at minsan nagreresto na rin ako na bigyan siya ng kape. Si Pike kasi bumalik na sa Manila tapos si Owell naman ayaw na ayaw nun kay Tyson.

Ako man ay ayaw din kay Tyson pero sinusubukan ko siyang pakisamahan kasi kung makikita ng mga anak ko na pati ako ay hindi maayos ang pakikitungo kay Tyson mas lalo naman sila. Baka gayahin nila ako. Di nga sila lumalapit kay Tyson kapag wala ako. Tinititigan lang nilang tatlo si Tyson sa kanilang harapan. Kailangan ko pa silang utusan na lumapit kay Tyson at magmano kapag dumadating ito.

"Baka kunin niya kami kapag wala ka, papadad." Iyan ang rason nila sa akin nang minsan na tinanong ko sila kung bakit ganoon ang pakikitungo nila kay Tyson kapag nasa bahay ito.

Akala ko madadala ang mga anak ko sa mga bagay na dinadala ni Tyson dito sa bahay. Bumibili kasi siya ng mga laruan na halatang mamahalin at di pa nakakahawak ang mga anak ko doon. Pati na libro at mga coloring books at coloring materials kaso di nila iyon ginagalaw.

Nakikita ko sa mata ni Tyson na nasasaktan siya kapag may binibigay siya sa mga anak ko tapos ayaw naman itong gamitin o laruin ng mga anak niya. Pero hanggang ngayon ay pursigido pa rin siya. Awa na lang ang kaya kong maibigay kay Tyson dahil talagang masakit na tratuhin ka ng anak mo na parang wala lang. At galit pa sayo. Pero anong magagawa ko? Niya? May kasalanan siya dapat pagdusahan niya iyon.

"But papadad." pagmumugtok ni Zhuri.

"Anak Zhu, don't worry ihahatid lang kayo ng daddy ninyo sa school then after uuwi din siya sa b-bahay niya." Tumingin ako kay Tyson. "Tyson, ihahatid mo lang naman sila sa school, diba?"

Mabilis ang pagtango ni Tyson at nagsalita, "Yes, ihahatid ko lang kayo sa school ninyo."

"See?" ako naman at tumingin sa kanila.

Zyrho look at Tyson at sinundan naman iyon ni Zenver. Gumalaw ang panga ni Tyson.

"I promise. I promise, I'll just drop you off to your school. I... I still have a work, too."

"Let's go, baby sister. He had already made a promise." si Zenver at kinuha ang kamay ni Zhuri.

Ngumuso naman ang anak kong babae.

"You promised." seryosong anang ni Zyrho na di pa pala tinatanggal ang mata kay Tyson.

Tyson blinked. "Y-yes. I promise."

Hinatid ko sila hanggang sa may kalsada kung saan naka-park ang sasakyan ni Tyson na Sedan na naman sa pagkakataong ito at kulay itim. Napailing na lang ako.