The Mafia Lord's Pet|✔

CHAPTER 28

Chapter 28

Cassidy Pov

"Sumama ka na lang sa amin Owell." Pamimilit ko na naman kay Owell.

Nakahanda na kami-ako. Sinabi ni Tyson sa akin kanina na may damit na daw ako doon sa bahay niya. Ewan ko kung bahay ba talaga o mansyon niya. Pero kahit na sinabi niyang may damit na ako doon. Naghanda pa rin ako ng sarili kong damit. Mga dalawang palitan lang uuwi lang din naman kasi kami kaagad pag natapos na ang birthday ng mga anak ko. Hindi naman kami mags-stay pa doon ng matagal.

Sa mga anak ko naman ay nagdala na rin ako ng extra pair na mga damit nila baka kasi may motion sickness sila. Hindi pa kasi sila naka-byahe ng malayo at sakay sa isang air-conditioned na sasakyan. Baka magsuka sila kaya nagdala na ako ng damit. Saka hinanda ko rin ang iba pang mga necessities ng mga anak ko. Tulad ng mga pulbos, towel, wet wipes, alcohol, cologne at iba pa. Puno ang isang The North Face na backpack na hiniram ko pa kay Owell. Tapos ang tote bag ko naman ay malaman din dahil naghanda na rin ako ng baon in case na gutumin ang mga anak ko sa byahe.

Bumuga ng hininga sa ere si Owell. Nagpapahiwatig na siya na naiinis sa pamimilit kong iyon. Kanina ko pa siya pinipilit at laging hindi naman ang sagot niya pero pilit pa rin ako ng pilit sa kanya.

Siya lang kasi maiiwan dito. Ako at ang mga anak ko ay sasama kay Tyson kaya sinabi ko rin kay Tyson na pwede ba sumama si Owell at di naman siya tumanggi sa akin. Saka nandun din si Pike magkikita sila kahit sandali lang.

Pinagkrus niya ang kanyang braso at nag-de kuatro.

"Cassidy. Ilang beses ko bang sasabihin sayo na hindi ako sasama sa inyo. May trabaho ako dito at walang maiiwan sa bahay." Pangangatuwiran niya naman sa akin.

Ngumuso ako saka umupo sa tabi niya.

"Minsan lang naman Owell saka hindi naman tatakbo ang bahay kapag walang tao rito." pahayag ko naman sa kanya.

Inirapan ako ni Owell at masama ang tingin na binalingan ako. "Ba't ba pilit ka nang pilit Cassidy?"

Nahila ko ang dila ko at pansamantalang di nakasagot.

Pwede ko bang sabihin kay Owell na hindi ako komportable kay Tyson? Na hindi ako komportable kapag kasama si Tyson tapos magsasama pa kami sa iisang bahay. Saka iniisip ko rin ang sa byahe. Mahaba ang byahe namin saka nitong mga nakaraang araw napapansin ko talaga ang kakaibang mga galaw niya. Iyong pakikitungo niya sa akin. Iyong pagtulong niya sa akin. Oo tinutulungan niya ako lalo na kapag pagdating niya rito sa bahay na may ginagawa ako. Iyong simpleng pagtulong niya sa paghahanda sa mga baon ng mga anak... namin. Iyong pasimpleng pagtulong niya sa pagbubuhat ng mga labahan ko. Iyong pasimpleng pagtulong niya sa pagbubuhat ng balde-baldeng tubig para ipandilig ko sa mga halaman sa bakuran. Iyong pasimpleng pagngiti niya sa akin. Lahat ng iyon nakakapanibago ng... sobra.

Hindi niya naman iyon kailangan na gawin dahil malapit na niyang makuha ang mga loob ng mga anak ko. Maliban kay Zyrho. Hindi na niya kailangan pang magpakitang tao sa akin upang patuluyin siya dito sa bahay tuwing pupunta siya kasi tinatanggap na naman namin siya ng maayos dito. At hindi niya kailangan gawin lahat ng iyon para magpa-impres.

Sinabihan ko na siya tungkol d'yaan. Kinompronta ko na siya doon. "I am not doing this, Cass, because I want you to treat me better. I'm not doing all these things because I want to impress my children or you. But if you're impressed, maybe it's a bunos in my side. Also, I'm not doing this because I feel obligated because you let me get close to our children. It's none of those. I am doing this because I want to experience all the things you did. Even if it is too small compared to your experience of raising them, our children. Above all, I still want to experience all the things you've been through. That is why I'm insisting on helping with every little thing. I like doing these kinds of things, Cass. I like doing this because I feel like a real father to our children and... a man to you."