#الجزء_02
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ عن الماضي ⁂ #نصف_مغلق ❀
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
*قبل خمس سنوات*
واقفة ورا الكنطوار كاتقاد فالباقة ديال الورد و البسمة مرسومة على وجهها ، و كاتزيد توساع كلما قربات الباقة لنيفها و استنشقات ريحتها لي تا تهدي الاعصاب ... بنت فعمر الزهور تكون عندها 18 لعام ، بشعرها الاسود لي دايرة ليه جوج ضفيرات كل وحدة فجنب ... و جسم ممشوق لي جات معاه كسوتها الصوفية لي كانت تحت الركبة بشوية و فاللون الاسود مخليا كل انش منها يبان مقاد و موزون مع بوط حادرين فالغوز ... جاي من بعيد و مركز فيها الشوفة غير هي ... كيفاش تا تحرك عينيها النايمين ، و كيفاش تا تحرك فشفايفها و ايلا تعصبات او جاتها الحاجة صعيبة تا تعض على الشفة التحتانية .. و كاتخلي الخالة لي تحت منها تزيد تبان ... تفاصيلها كايسلبوه العقل .. و كايخليوه غي كايشوف و يفكر اشنو دار فحياتو حتى سهل عليه الله و كتب ليه هاد الملاك ... علاين غادي يوصل و هو يسبقو احسان و تقابل معاها حجب عليه الشوفة ... شوية و هو يبان ليه هارب و هي تابعاه ... حتى شدو ليها ...
صوفيا : (تنفسات) الحمدلله نتا جيتي ... اما كنت نجري ورا هاد طويل العجلات ما نشدوش ..
احسان : دايرين عليا تحالف
صوفيا : نتا ا سي لي ما لقيتي معامن تلعب ...
احسان : نتي ا لالا مسمومة
صوفيا : بصحتي ، جات معاي ..
.... : زعما نتا ما تهنيناش من التخنتيش
احسان : و صاحبي قلت ليها خليني نشم ... ما بغاتش .. هزيتو لعل و عسى تنقص شوية راه غلاضت
.... : العمى ! سوقك فيها
احسان : اه ! عشيرتي هادي ... و انا عارف الرجالة ماليهم امان .. (شاف فصوفيا) راه باغي ليك غي الخير .. ايبقى يغلض فيك بحال الدبيحة د الموسم و فاللخر يمشي لعند طاي 38 و دايرة كي الساعة الرملية ...
صوفيا : كذاب ..
احسان : غادي يديرها شوفيه كي ساكت !
صوفيا : (هزات عينيها فيه ) غادي ديرها ؟!
احسان : كاتسنايه يقولك لا و ليني مكلخة
.... : ما كاتقيش فيا !
صوفيا : تايقة
.... : ايوا صافي ما تخليهش يلعب ليك بعقلك .. راه غير كايخربق ... و نرجعو لموضوعنا علاش ما خلتيهش يشم .. كون اختاصرتي على راسك هادشي كامل
صوفيا : قلت ليه خليني غا نكمل و يكون خير
احسان : هي هي ...
.... : ههههه لا حول ...
احسان : (مد ليها الباقة) هاكي ما بقيتش بغيت نلعب
صوفيا : من صغرك مزال تلعب ... (شاف فيها مخنز) و شكرااااا ... دوز تخدم .. راه مزال تابعك شلا طلبيات ... خصوصا انو غذا عيد الحب خاص كلشي يكون واجد و متول و مقاد
احسان : ها نتا الحاج لا تقول المدام ما كاتهزش ليك الهم ..
.... : (ضحك من قلبو) عارف لي كاين ... (ضمها ليه جنب و تمو راجعين) و لكن نتي دابا غادي تقولي ليا بسلامة عمر .. غادي تمشي لداركم ترتاحي و تاخدي دوش .. و بداي قرايتك .. الامتحانات وقيتهم هادي و خاصك تجيبي مزيان ، ما بقيتش مستحمل نبقى سر مزال .. خودي الباك و نجي نخطب
صوفيا : هههههه زربان
عمر : الموجود الله
احسان : على الاقل غا احتارموني راني معاكم ...
صوفيا : سينغل بائس ... سيفحالك
احسان : ياله نحطك فداركم و نرجع نعاون عمر ... اش تقولي لمك منين ما تشوفنيش ...
صوفيا : هاز ليا الهم ، كثر خيرك
عمر : و على ود هاد طويل العجلات يتفرق علينا خاصك تجيبي الباك بميزة مقنبلة ... واش هو سايقين خبارو و انا لا
احسان : و الله انا ما مشتاق لا فيك لا فيها ... غا بليزير مني داخل معاكم فهادشي ...
صوفيا : (طلقات من عمر و عطاتو الباقة لي فيدها و جرات احسان ) زيد زيد باركة من التبعكيك .. خاص نزوجك و تبعد مني خلاص ..
امين : تشوفيش ليا ختك ! عزيز عليا الميمات ..
صوفيا : الغمة .. زيد خلاص ..
أنت تقرأ
عن الماضي *نصف مغلق* (بالدارجة المغربية)
Romance#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
