#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق
𝐍𝐞𝐰 𝐘𝐨𝐫𝐤 /𝐔𝐧𝐢𝐭𝐞𝐝 𝐒𝐭𝐚𝐭𝐞𝐬 ✔︎
نيويورك ، الولايات المتحدة 🇺🇸
•∆4:30am∆•
دايرة الياقوت فالحمال من القدام و هازة صاكها و صاك الياقوت فوق كتافها و جارة باليزة كبيرة فيها مستلزماتها هي وياها ... و كاج فيه كليو غادي دوزها عند مينا ما بغاتش تديها معاها ... ما غاديش تقدر تقابلها مع الدنيا عامرة و خافت لا تخرج و تتلف اللهم تبقا مع مينة ولفاتها فالاشهر القليلة لي كانت فيهم فالدار
وقفات كاتشوف فالدار و هي مبتسمة .. انو و اخيرا غادي تشوف عائلتها لي داز كثر من عام على فراقهم .... بلعات ريقها و تنهدات خايفة شوية من شنو كايتسنى فيها تماك و لكن شعور الفرحة غامرها اكثر ... سدات الباب و زادت بثقلها حتال للسيارة حطات الباليزة فالكوفر و ركبات بلاصة السائقة و هي كاتدعي ما تلاقاش بالبوليس فهاد الوقت .. وصلات عند دار مينة و صونات ليها و هي تهبط لعندها هي و ولدها ...
كنزة : ها هي امانتي ا الخالة .. تهلاي ليا فيها راه بقات لي من الغالية حتى هي و وصاتني عليها .. و راك عارفة كون ما خفت عليها كنت نديها ..
مينة : لا توصي حريص ... تمشي و ترجعي بالسلامة
كنزة : يا ربي امين لهلا يخطيك ...
مينة : بلا ما تخاطري و تمشي للمطار نتي و الياقوت هاكا .. ها عزيز يوصلك و يرجع
كنزة : ههه ما نقولكش لا .. الله يكثر خيركم
مينة : الله اودي ..
توادعات معاها و ركبات اللور و مشا عزيز بلاصتها .. وصلها للمطار و قادو السيارة فالموقف لي تماك .. ديجا مقادين المسائل و الاوراق ديال كلشي ... و توادع معاها ..
دخلات للداخل و دوزات الاجراءات عادي ... و جا الوقت باش تطلع للطيارة .. خدات بلاصتها و الياقوت فيديها و كاتشوف سبعة ديال السوايع قداش غادي دوز طويلة بالنسبة ليها مع بنتها ...
𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍
𝙼𝚘𝚛𝚘𝚌𝚌𝚘, 𝙵𝚎𝚣
#المغرب ، #فـــــــاس 🇲🇦
•| 06:45pm |•
دار السملالي كاطيح و تنوض ... العائلة كلها مجموعة و الفرحة كبيرة ما قاداهم ... شراو للياقوت فراشها و حطوه فبيت كنزة و ايمان ... و راهم كلعم مجموعين و يتسناو وصولها ....
صوفيا : ايمتا غادي توصل بالظبط ؟
مرية : باقا ساعة و نمشيو للمطار ..
صوفيا : توحشتها .. توحشتها بزااااف
ابتسام : بالسم الله عليك .. ياكما كاتوحمي عليها
صوفيا : ههههه اياو
ابتسام : مالك ؟ شنو ؟
صوفيا : و بغيتي تلصقيني خفا زربا .. مالك عليه ..
ابتسام : و طلقينا للفراجة
صوفيا : باقي الحال ..
ابتسام : ما باقي والو ... ياك ما خاصكم حتى خير ..
مرية : (شافتها كيفاش تزنݣات و حشمات و بغات تبدل الموضوع .. طبطبات على يد ابتسام كاطمنها) الخير فيما اختاره الله الخالة .. داكشي كايجي على غفلة ..
ابتسام : ما فيها باس ايلا بداو يحاولو .. الغفلة ما عندهم ما يبقاو يتسناو فيهم
مرية : و صلي على النبي .. نتي من دابا باغا تقليها .. خليها تسافر مع راجلها تعيش معاه الحياة ، يلعبو يشطحو يعيشو جوال و منين يحسو براسهم صافي قادين على بزيو .. ديك الساعة يكون خير ان شاء الله. اما من الاول بيبي ما جاتش ... و هوما و رغبتهم .. ها ساليمة و عصام منين بغاو راهم ولدوه ... يعني داكشي على حساب الݣانة .. واش حنا لي غاديين نحملو ؟ حنا لي غادي نولدو ؟ حنا لي غادي نسهرو و نرضعو و نخرقو ؟ حنا لي غاديين نربيو ؟ الا .. هو اه الله يخليكم تاج فوق راسنا كاتهزو علينا الحمل و تعاونونا و لكن الدقة الكبيرة كاع غادي تاخدها صوفيا .. اما تا عمير ما غادي يتمحن فوالو ... بالعكس بالسعدات عليه (غمزات صوفيا) ياك عندي الصح ؟
صوفيا : (حنحنات) اه بالصح .. باقي الحال .. باقي شحال من حاجة باغية نديرها و حتى عمير متافق معاي فيها ...
عمير : و ايلا كان صاحبك عسل لا تلعقيهش كولو !
مرية : راجلها هو تاكلو ايلا بغات ماشي مشكيل .. (شافت فصوفيا لقاتها منزلة راسها عصباتها) اويلي دوي ا صوفيا و نتي ساكتة و انا جالسة نهضر بلاصتك جننتيني ..
صوفيا : هههههه و صافي لي قلتيه راه كاين
مرية : على هاد الفقصة انا بغيتك غذا ديري طيست و يطلع بوزيتيف و تمشي دوزي تلقاي تلاثة دقة وحدة يا و الله لا عقلت عليك ..
ابتسام : امين .. حراك دير عقلها فراسها و تجلس ترزن ...
صوفيا : ههههههه السلامة يا ربي .. حالفين فيا ...
أنت تقرأ
عن الماضي *نصف مغلق* (بالدارجة المغربية)
Romance#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
