عن الماضي *نصف مغلق* (بالدارجة المغربية)

نصف الروح، وكل القلب (الاخير)

#الفـــصــل_04
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

و جا اليوم الموعود ، فبيتها جالسة قدام المرايا و مرية كاتقاد ليها ماكياج خفيف ... بكسوتها لي تشهات و ما خلاها جواد فخاطرها .. غير سمع سهام كاتنݣر استفسر منها و طلبها بيه فيه .. 

دايرين بيها بنات خالتها فرحانين معاها و صوفيا الدنيا ما سايعاهاش ...

صوفيا : جيتي زويينة ! تبارك الله حجاب الله
كنزة : الله يجعل كلشي مبارك و مسعود
هجر : يا ربي راكم كادوخوني ما تليت عرفت علامن نتوحم
صوفيا : شوفي فيا و جيبي لينا شي صوفيا صغيورة
هجر : و انا بديك السعد
مرية : ولدي كايبكي .. ناري شيبني
صوفيا : و حيت بغاك و السلام
ساليمة : تلقاي زعطوطي هو سبابو
كنزة : انا نورسين هداتني ناري و شحال حارة ..
صوفيا : قولو تبارك الله .. السخط تبقاوش تفهرو فولادكم
كنزة : و الله يا ختي ايلا زز مني ..
صوفيا : و عارفة و لكن زيري ..
كنزة : الله يحميهم من كل شر
ساليمة : امين ..
مرية : صافي وجدات ..
هجر : و ياله نهبطو .. دابا و هوما بداو الهضرة
ايمان : و ما نجلسش معاكم ؟ زعما راحنا عائلة
ياسمين : صبري بعدا تا يجي الياس يقريك و عمي
كنزة : احح ما نحتاجش نقول ليك على تحشيمة
مرية : تبكي نخلط ليك حنكك مع جبهتك
ايمان : لا كوني هانية ..

عنقوها وحدة وحدة و خرجو من البيت بقات غير صوفيا ... قربات لعندها عنقاتها و شافت فيها ..

صوفيا : ممكن منين تركبو الخواتم نسرق منكم الاضواء واحد القسمين ؟
ايمان : العشية كلها ديالك .. خودي راحتك 
صوفيا : هاح عليك .. شكرا
ايمان : ما تقوليهاش .. راه حنا خوت
صوفيا : الله يهنيك و يفرحك فهاد الخطوة الجديدة .. 

نزلات التحت دخلات للصالة و جلسات بين احسان و عمير ... تبسمات ليه و جلسات كاتسمع لهضرة الكبار ..
نص ساعة من بعد نزلات ايمان و دخلو فموضوع سباب الجمعية ...

حسين : واخا كلشي عارف و لكن ضروري ما نديرو العادة ، اسيدي حنا جينا طالبين راغبين فيد بنتنا ايمان لولدنا علي على سنة الله و رسوله
جواد : و علي منا و فينا ، طلبنا ما نردوهش .. عطيناه بنتنا و نزيدوه دعاوي الخير .. الله يكمل عليهم بالخير
حسين : امين .. نقراو فاتحة ..

هزو كفوفهم كلهم .. قراو الفاتحة و دخلو الخاوتم .. لبسو بعضياتهم و الخواتات حطو الراس على الراس كايواعدو بعضياتهم بلي ما غاديين يخليو حتى حاجة تدخل بيناتهم ... و ان شاء الله هاد العلاقة ما غا تزيد غير تقربهم ماشي تبعد ...

صوفيا : نتصورو مجموعين ؟ نوتقو اللحظة
جواد : طبعا .. انخرجو للجردة ، حفيظة اجي عفا بنتي صورينا ..

خرجو كلهم للجردة و تجمعو  .. حسين و فاطمة الوسط و بجنابهم ولادهم ورجالهم جالسين و وارهم كانو واقفين الحفايد و رجالهم و وليداتهم بين يديهم ، علي و ايمان الوسط و هازة يديها الفوق باش يبان الخاتم ... و غيث هاز الياقوت و كنزة هازة نورسين و مرية و هشام بين يديه خليل و ساليمة و عصام و ايدير وسط منهم و هجر حاطة يديها على كريشتها و معنقها احسان بيد و بجنبو صوفيا و عمير و عاد باش وقف الياس و عظيماتو قدامو معنقها من اللور .. 
ضرب فيهم الفلاش و هي تنطق صوفيا ..