#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
سمعات مزيان و ركزات مع كل كلمة قالها ... بلعات ريقها و الصهدة ديال الحشمة طلعات معاها ... حناكها تزنݣو و ذنيها حتى هوما ... ما كانتش متوقعة تسمع شي حاجة بحال هادي منو ... اه كايبان ليها ضريف و كايبان ليها تعاملو معاها بوحدها و كايبان ليها دايرها فعينيه و لكن قالت هذا طبعو و هو هاكا .. من نهار تعرفت عليه كان هاكا .. و منين كان كايلمح ليها قالت يقدر حيت انا لي حليت ليه عينيه و وريتو هو شكون يكون .. استبعدات بلا قياس شوفته ليها بنظرة من غير خوت و اصحاب هازين حمل بعضياتهم ... و لكن كلماته و اعترافه الثقيل و الوازن خلاو الحيرة و الدهشة يتملكوها
ردات شعرها ورا وذنيها لعل و عسا يضرب فيهم البرد و تنزل حرارتهم حيت كاتحس بيهم غادي ينفاجرو ... بلعات ريقها عاوتاني و حلات فمها بغات تنطق و عاود سكتات .. مخربقة و مخربقين أفكارها ... خايفة تجرحو خايفة كلامها ما يعجبوش و خايفة من هاد المشاعر و الأحاسيس لي نزلو عليها دقة وحدة ...
عينيه عليها ما زالوش ... شاف توترها و قرا حيرتها و فضل انه يريحها .. بلع ريقه و عاود هضر ...
عمير : عارف بلي ماشي ساهل تتقبلي اش قلت ، و عارف بلي دابا تخربقتي ... انا غادي نبقا نبغيك حياتي كاملة و نتي و ايمتا جدتي عليا ... يمكن غذا يمكن بعدو .. و يمكن عمر نتي حرة و هادشي ما كايعنيش انه غادي نطلقو .. منين تحسي براسك باغا تتحري قوليها ليا و نعطيك براتك و ايلا حسيتي براسك باغا تعطي فرصة لهاد الزواج باش يكمل هذاك هو النهار الكبير عندي .. تا حاجة ما بزز و ماشي شرط يكونو مشاعرنا متبادلة المهم هو غادي تبقاي صوفيا العزيزة على قلبي لي فواحد النهار عوناتني نعرف شكون انا .. و لي بغيتها قبل ما نعرف شكون انا .. (ناض واقف) نفطرو ؟
صوفيا : و و واخا ...
خرج من البيت و هي دخلات للحمام غسلات وجهها باش تتوكض و تنزل حرارتها .. حطات يديها على قلبها لي دقاتو واقلة مسموعين ... بلعات ريقها و هي كاتحلل هادشي ... و بلا هواها مشا عقلها لاول نهار اعتارف ليها عمر بمشاعره ...
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
قبل سبع سنوات ..
عمر : انا عارفك باقا صغيرة و كاتقولي مع راسك هذا غير كايلعب ليا براسي بحالو بحال غيره .. و لكن ثيقي بيا الوقت غادي تبين ليك نيتي و غادي تبين الحقيقة ...
قلبها كايضرب فوذنيها و معدتها كاتقلب غا بوحدها ... هزات راسها بالكشايف شافت فيه و بلا هواها حسات بشي حاجة طالعة مع جوفها ...
مشات ورا واحد الشجرة خوات معدتها و هو مد ليها قرعة ديال الما شللات فمها و شربات منها ..
عمر : شوية ؟ ياك لاباس ؟
صوفيا : الحمدلله !
عمر : واش ضربك البرد ؟
صوفيا : (حركات راسها بالنفي) لا غير منين كانتوتر و لا كانخاف كاتقلب ليا معدتي و كايتروع ليا جوفي ..
عمر : ديما ؟
صوفيا : (هزهزات راسها) اه
عمر : (تبسم) هي خاصني ندير بحسابي و ناخد احتياطاتي ؟
صوفيا : (حمارو خدودها) اه
عمر : صافي نتوكلو على الله !
صوفيا : يكون خير ..
أنت تقرأ
عن الماضي *نصف مغلق* (بالدارجة المغربية)
Romance#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
