#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
احسان : (حاط يدو على خدو و تا يشوف فصوفيا لي مزنكة ، تنهد و جمع الوقفة ما بغاش يشوفها فديك الحالة) دوزو بخير انا غادي نمشي
ابتسام : و لواه فين غادي .. و ما قلتي والو حتى نتا
احسان : اش غادي نقول .. لي بغاها ربي مرحبا بيها ...
مرية : مقلق حيت عشيرتك غادي تبعد عليك
احسان : ههه كنت معول عليها تبقا قدام عيني ديما ..
مرية : مسكيييين
احسان : (تغرغرو عينيه) كلشي مشا و بقات عندي غي هي .. و ها هو جا باش يديها حتى هي ...
فاطمة : سنة الحياة هي هادي ا ولدي .. و هادي دير ليك العقل باش تنوض حتى نتا دير دويرتك و وليداتك . العمر كايجري .. و لي كايمشي منو ما كايرجعش ...
.............. 𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍
و دازو يامات الله .. بيخير و على خير ... كل واحد ما كايشبه لخوتو .. سبعيام دازت كاتطير بين توجاد للخطبة لي غادي تكون اليوم و توجاد للحنة لي غادي تكون غذا و التوجاد للعقد لي باقي ليه يومين من اليوم .. كنزة منين ساقت الخبار و هي كاتهرنن ما كرهاتش تكون معاهم ... و لكن الغالب الله .. ما تقدرش تخلي عائشة بوحدها و هي ما بقاش ليا بزاف ... لقاتها فاصعب اوقات حياتها و مستحيل تتخلى عليها دابا ...
دار لشكر كاطيح و تنوض .. بين السرباية و التريتور و الزواق .. دايرين داكشي على حقو و طريقو واخا صوفيا ما بغاتش تكبر و تخلي داكشي غير بيناتهم ما مخليينها مخصوصة من والو .... و ما عارفينيش بلي هي ما خاصهاش هاد الزواج من اصلو .. قدامهم كاتبرك على راسها و تضحك و فالليل تبات تبكي ... جالسة قدام المرايا كاتقاد ماكياج خفيف لوجهها ما بغات حتى حد يعاونها .. و جالسة فوق السرير ساليمة و ايمان كايشوفو فيها و هي مركزة مع شنو كادير ...
ساليمة : نوضي ا حبيبة جيبي ديك القفطان باش تلبسو .. و عنداك طيحي الكسوة
ايمان : كاتوصيني بحال ايلا راني صغيرة .. صلي على النبي
ساليمة : عليه الصلاة و السلام ...
صوفيا : (حطات العكر من يديها) كي جا !
ساليمة : نعيط على ماما تبخر ليك ... بسم الله ما شاء الله عليك
صوفيا : شكرا .. (دورات وجهها لايمان لي جايبة القفطان و عينيها مشاو نيشان للكسوة لي وراها) اري ....
خداتو و حيدات البيجامة لي لابسة .. بقات بدوني و شورط و لبساتو فوق منهم .. و عقلها مع الكسوة ...
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
جالسة كاتخدم فبيتها و هوما لتحت كايخططو و يوجدو .. حتى كايفيبري تلفونها ...
عمير : مسالية !
صوفيا : ههه يعتمد على شنو باغي
عمير : بغيتك واحد القسم نزلي للتحت نعطيك شي حاجة
صوفيا : ياك لاباس !
عمير : غير الخير .. نزلي ..
صوفيا : تمام ..
أنت تقرأ
عن الماضي *نصف مغلق* (بالدارجة المغربية)
Storie d'amore#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
