#الفـــصــل_04
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
*
#نصف_الروح _نصف_العقل_و_كل_القلب! *
و دازو يامات الله على خير و بيخير ، الصداع و الدباز ضروري ما ينوض ، و هاديك هي حلاوة الحياة ، من بعد كل شدة كايرجعو الروابط قويين كثر و كثر ...
العوام كايفوتو ، و لي كايمشي ما كايرجعش ، كايبقاو غير ذكرايته الحلوة و المرة ...
بعد مرور ثلات سنوات ... ✨🖇️
واقفة ورا الكونطوار كاتقاد فالورد كيما عادتها ، و البسمة على شفايفها ما مفارقاهاش .. سمعات صوت الجرس لي معلقة فالباب و هي تهز راسها تشوف شكون ... وساعت ضحكتها منين شافت المالكها جا لعندها ...
صوفيا : على سلامتك ..
عمير : (كايطوي كمامو) الله يسلمك .. (باسها بالخف) ما تعطلتش عليك
صوفيا : ما عندي ما يتسالك الوقت هو الوقت
عمير : عييتي ؟
صوفيا : لااا عادي ..
عمير : و غير سيري تجلسي انا نكمل عليك هادو ..
صوفيا : لا راه بقا غير واحد تسناني نكملو و نمشيو
عمير : صلي على النبي و اجي ترتاحي
صوفيا : واخا ا سيدي ..
تبسمات ليه و جرات الكرسي جلسات كاتشوف فيه ... و قلبها كايضرب بالجهد ، ما عمرها تأملاتو بلا ما تنوض قربالة وسط منها ... سنين دازو على اول لقاء بيناتنم و باقا كاتحس بنفس الشي و كثر عاد ... عضات على شفتها و لوات صباعها .. ما عارفاش منين تبدا ليه و لكن لقات بلي هذا هو انسب حل
صوفيا : عمير !
عمير : همم ؟ (علا حجبانو و شاف فيها ) المالكاه
صوفيا : احم .. ما بانش ليك جا الوقت باش عائلاتنا يسيقو الخبار ؟
عمير : الخبار لاياش ؟
صوفيا : المشكيل لي عندي ديال الولاد !
عمير : هاء .. داكشي كايداوا
صوفيا : و لكن انا فقدت الامل .. و وليت باغا نشوف ليا شي ميتم نتكفل بشي واحد من وليداتو ، ايلا بغيتي زعما !
عمير : (قرن حجبانو) نتكفلو حتى بعشرة ما قلناش و لكن علاش اتفقدي الامل ..
صوفيا : انا عارفة بلي نتا قادر تولد و لكن
عمير : (قاطعها) صوفيا ماشي وقتو عفاك .. أجليها من بعد
صوفيا : (تنهدات) بغيتي نتكفلو هو هذاك ، (بلعات ريقها و التبوريشة سرات معاها بمجرد التفكير بالموضوع و لكن ما عندها لاين عليها) بغيتي تتزوج انا معاك ..
عمير : (حط الورد من يديه و دار شاف فيها) اش جاك هاد النهار !
صوفيا : خالتي باغا تشوف ولادك و عارفة بلي المشكيل فيا لا تحرمهاش
عمير : (بتسآءل) واعية ؟ .. ياك بعدا عارفة راسك اش كاتقولي
صوفيا : و ربع سنين و حنا مزوجين ..
عمير : صافي غير سكتي .. نتي قربو يجيوك لغيكل ما تخربقيش ليا عقلي معاك الله يحفظك .. دخلي و تخرجي فالهضرة .. لا بزاف ، قالك تتزوج ، يمكن نتي عمرك فهمتي شنو كاتعني مالكاني ...
صوفيا : (تغرغروا عينيها) عارفة و واعية بشنو كانقول .. على قبل شوفتك فرحان و عندك وليدات نزطم على راسي و قلبي و نشركك مع مراة اخرى ...
عمير : راه واخا نعرف نموت ما نجيبش عليك الضرة و غيرك ما تكون ليا مراة .. غير سكتي و كوني فقنتك
أنت تقرأ
عن الماضي *نصف مغلق* (بالدارجة المغربية)
Storie d'amore#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
