#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
فاتت سيمانة بلمح العين ...
بالصح عمير حس بالفراغ لي خلاتو صوفيا فأيامه ، واخا كان كايمشي يشوفها كل نهار .. ديك الشوفة ما برداتش ليه شوقو ليها لي نهار على نهار كايكبر .. الشوفة ماشي هي العناق الطويل ماشي هي يشركو الفراش كل ليلة و يشدو الحديث مدة طويلة من هنا للهنا و فاللخر كاتغمض عينيها و هي فرحانة و عاجبها الحال كونها انثى معمرة عينيه ... الشوفة شي و اللمسة شي اخور ...
هشام برا الحمدلله و مع بداية الأسبوع غادي يبدا يمشي لخدمتو كيما المعتاد ، فرحان بلا قياس و حاس بلي الايام بدات كاتضحك ليه ... غير كايشوف الفرحة فعينيها كايحس براسو مالك الدنيا ، مرية باردة و ما كاتضحكش على اي حاجة و لكن معاه ، يقول ليها غير السلام تفرنس و هادشي كايخليه يحس بلي راه مالك الدنيا و بلي فيها عاد ... يبات يخمم فمستقبلهم مع بعضياتهم و يبات يفكر فيماه لي واخا دير لي دارتو فيه كان فنظرها لملاصحتو و كاتبقا مو على قولتها و خاصها تعرف ... متردد بين عقلو لي رافض الفكرة و قلبو لي فيه مرية كايزعموه باش يمشي ..
غيث طول هاد المدة كايتسنى غير كنزة تعطيه الإشارة باش يجي يطلبها من باها ، ما باغيش يزرب عليها ، عارفها مرعوبة من مسألة الخطوبة و داكشي و خصوصا منين عاود تفتح جرحها و بان زياد فطريقها .. و زاد خوفها من انو يدير ليهم شي حاجة ، اكثر شي منين عرفات بمجيتو لعند هند ...
احسان بالنسبة ليه عاد ضحكات الدنيا فعينيه ، عايش بيخير و على خير ما كان ناقصو والو ، هجر معاه و بجنبو و لكن كان كايتسنى النهار لي قلبو تحن و تعطي لراسها فرصة و منين زواجها كمل و قررات بلي الدوام كايتسناها مع عمير ارتاح و فرح و ما بقات قاداه تا بلاصة .... صحيح غادي تبعد عليه و لكن هاداك هو مكانها ، فدار راجلها طاوية صفحة الماضي و زايدة القدام و الحمدلله حلم و تحقق ليه ... و حتى هو ما كره يدير خطوة بحالها ، غير كايتسناو خو هجر يدخل للمغرب كايبقا وحيدها و ما عندهاش من غيرو و ما جاتش دير شي حاجة بلا حضورو ...
صباح جديد ✨ ﴿أصبحنا و أصبح الملك لله﴾
اليوم الاحد ما كاين حد ، لا خدمة لا ردمة .. غا الراحة و السياحة ، فطر بالخف و لبس حوايجو و خرج متيسر يجيب مرتو لعندو ، الجهد فات الجهد و القلب ما بقا راضي بالبعاد ...
طول الطريق و هو كايدندن أغنيتهم بينو و بين نفسو حتى وصل لعند بابهم .. بلاصا و نزل و غير دق عليهم فتحو ليه الباب مرحبين بيه ... دخل جلس فالصالة مع جمال بينما جات صوفيا ... و دخلات ابتسام كاتوجد صوينية بصوابها ترحب بنسيبها ...
فاقت معطلة و خاسرة فمودها ... ناضت من بلاصتها و هو يبان ليها ليزار مطبع ...
صوفيا : (تنهدات بانزعاج) زمر وليت نشوف الدم كثر من الكزار .. اوف اوف
أنت تقرأ
عن الماضي *نصف مغلق* (بالدارجة المغربية)
Roman d'amour#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
