#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
𝙼𝚘𝚛𝚘𝚌𝚌𝚘, 𝙵𝚎𝚣
#المغرب ، #فـــــــاس 🇲🇦
جالسين فوق الطبلة ديال الماكلة بدا عمير الفطور باش ما يتعطلش على خدمتو و صوفيا كاتنقب من هنا و لهيه و مرة مرة كاتمد لحكمت شي حاجة بيديها ... و شامة بجنبها من الناحية لوخرا كاتفطر و تفطر حكمت لي ولات كاتقدر تتحرك اكثر و كثر .. شوية بشوية ما غاديش تبقا محتاجة ممرضة تنتابه ليها .... كلهم كاينين فوق الطبلة ما خطا ليليا لي رسلو ليها المساعدة تطمن عليها ... دقائق معدودة كانت واقفة اسما بالقرب منهم و كاتسنى الاذن باش تهضر !
صوفيا : خييير ... اش عندها ؟ علاش باقي ما نزلات ؟
اسما : قالت ليا عيانة و ما فيهاش لي ينوض ..
صوفيا : (تنهدات باسف) الله يشافيها .. تقدري طلعي ليها فطورها للبيت و معاه شي الدوا يخفف عليها ، (شافت فشامة) قولي ليها عفاك شنو يصلاح ليها ، ايلا كاين هو هذاك ما كاينش نمشي انا و لا يوسف نجيبوه ..
اسما : واخا اختي ..
شامة : مرحبا .. انا نطلع نشوفها
عمير : (وقف) نمشي نشوفها حتى انا !
صوفيا : (هزات فيه عينيها و حجبانها معقودين) دوليبران دابا يدير خدمتو مريضة عادي تبدل عليها الجو و لا فيها لوجع ديال كل شهر بلا ما تحرجها ... (بلعات اللقمة) فطر نتا بلا ما تعطل على خدمتك انا غير نكمل نطلع نشوفها ..
حركاتها حكمت ، و هي تفيق من سهوتها ..
صوفيا : نن نعم ا خالتي ؟
حكمت : (بلسان ثقيل) مالك ا بنتي ... بنتي ليا سهيتي
صوفيا : (شافت قدامها كان عمير طلع) لا والو غير
حكمت : (قاطعاتها) غرتي منها ؟
صوفيا : استغفر الله ا خالتي اش جاب الغيرة للموضوع ..
حكمت : و ما نعرف ، شوفتك منين سهيتي جاتني فشكل !
صوفيا : لا لا عادي انا (حنحات) ثايقة فعمير و ما عنديش مشكيل فصداقات بحال هاكا .. تانا عندي احسان كانحط عليه الراس..
حكمت : فرق كبير بينك نتي و احسان و ليليا و عمير ، ما فيها باس ا بنتي تزيري شوية ... تا راجلك غادي يعجبو الحال حيت هو مغيار .. و يبغي لي تغير عليه حتى هو ...
صوفيا : هههههه واخا و لكن راه هانية و الله .. ليليا راها جالسة معانا ، شحال قدني نزير ؟
حكمت : علميه يدير الحدود ، ضيفتنا على راسنا و عينينا و لكن هادشي ما كايعنيش سير و اجي و خيطي بيطي بلا حساب
صوفيا : ما عندي ما نعلم ، يعني كان خاصو يدير اعتبار ليا بوحدو بلا ما نهضر
حكمت : عمرك دويتي من قبل ؟
صوفيا : الا
حكمت : تربيت يدي و انا نعرفو ، هو باغيك تهضري ..
صوفيا : (تنهدات) واخا
حكمت : انا تعلمت و عرفت بلي ما خاصش ندخل بين الراجل و مرتو واخا يوقع لي وقع و لكن (حبسات كاترد النفس) ما فيها باس نجريو فطريق الخير
صوفيا : (حطات يديها على يدين حكمت و تبسمات) حاشا ا خالتي .. نتي ما هضرتي غير بغيتي راحتو و ان شاء الله يكون خير ...
أنت تقرأ
عن الماضي *نصف مغلق* (بالدارجة المغربية)
Roman d'amour#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
