#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
هشام : واخا .. عقلك عطاه ليك ربي باش تميزي ماشي تحطي راسك فموصيبة .. راك بنادم ماشي حمارة قدك الناس عندهم الديور و والدين التريكة و قايمين بيها و نتي مزال عايشة ليا فالاوهام .. الحب و الغرام .. الحب و الغرام ايلا ما كانش واقف على الصح يحرق اصلو من الجدر .. الحب و الغرام ايلا تبعتيه غادي يقتلك .. راك غادة للهاوية
جيهان : و حتى نتا شوف شحال فعمرك ما بغيتي دير دارك و ولادك حيت قلبك معلق بيها ما تلومنيش غير انا ... شوف راسك ا هشام
هشام : ما عندك ما تقارني بيناتنا .. هي ما عطاتنيش راسها و حنا ما بيناتناش ورقة ديال الحلال .. هي نهار يما دارت فيها فضيحة توخرات اللور و قالت ليا ايلا سمح ليها ربي العبد ما عندو ما يدير ليها موت مع مك انا ما نصلاحش ليك .. شفتيها جات ناحيتك .. هدداتك واش خبشاتك خبشة وحدة ... دارت شي حاجة ما هياش ؟ الا السيدة عندها اهداف و طموحات فين يبان خاتم و عمارية .. مشات خدامة على راسها و على عائلتها ... ما بقاتش تبكي و تندب على هشام لي تزوج و خلاها .. حتى نهار تلاقاتك تبسمات ليك و رحبات بيك فدارها .. نهار قلت ليها ا مرية نعلي الشيطان انا غادي نهضر مع بنت الناس و نشرح ليها الوضع .. قالت ليا حرام عليك .. انا وياك ما مكتابينش لبعضياتنا .. ما تضيعهاش معاك و تتسمى مطلقة على والو .. المجتمع ما كايرحمش و كون ما بغيتي هادشي وقف فوجه مك من الاول و لا سكت ... شفتي انا علاش موقف حياتي واخا هي كملاتها حيت تستاهل .. حيت تتقل بالذهب و ماشي مجرمة .. انا متأكد تتزوجي بيه اليوم نور ثلت اشهر نلقاكم فالمحكمة .. واخا الحب كاين العقل والو و هادشي ما غاديش يخليكم تكملو ..
جيهان : (شهقات كاتبكي و كاتضرب على قلبها) و شنو ندير ؟
هشام : (شد فجنبو و طلل عليه كان الدم خارج على الفاصمة .. دحر و نطق) علاش درتي هادشي ؟
جيهان : (كاتغوت) و كنت كنت بغيت نحرق قلبو .. عند بالي غادي يجي و يوقف العرس على قبلي .. حيت كان كايقولها ليا .. كنت باغاه يعتارف ليا قدام كلشي بحبو .. ساعة ما جاش ... بقيت غير انا وياك الراس فالراس .. النهار الاول درت اش قالت ليا ماما كاي ام كاتوصي بنتها على فراشها .. و انا خايفة تجي و تكون شي متوحش ما كاتفهمش بالعقل .. كنت غادي نصارحك و نقول شنو عندي ..
تفهمتيني نرمي كلشي ورا ظهري و نعيشو حياتنا .. ما تفهمتينيش نطلبك تصبر عليا و كيما قلتي نتا نيت تسترني و من بعد نطلقو و لكن رديتني نهار الاول و الثاني و الثالت و دخلني الشك قلت ما يمكنش .. غرني الشيطان و قلبت تلفونك و لقيت ميساجاتك مع مرية ديك الساعة حسيت بحال ايلا ربحت الجائزة .. فهمت لبلان و كيما قلتي نتي كرشي كبرات و طمعت فيك و وليت دايرة شنو بغيت ... و ماما و يماك ما اصروش على السروال انا كنت باغا شي حاجة تحيد الشكوك عليا فمرة ... (مسحات دموعها) و صافي شنو ما بغيتي دير انا قابلة بيه .. نستاهل شنو ما وقع ليا
هشام : واخا تبكي الدم قدامي ما غاديش نتيق فيك .. حيت ماشي اول مرة ديريها بيا .. حيت استحمرتيني .. درتي مرادك ورا ظهري ... صعيب نتيق دابا !
جهان : (شهقات تاني) من حقك .. و انا قلت ليك دير لي بغيتي
أنت تقرأ
عن الماضي *نصف مغلق* (بالدارجة المغربية)
Romance#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
