عن الماضي *نصف مغلق* (بالدارجة المغربية)

#دمعة_الماضي (8)

#الجزء_08
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

#𝑲𝒆𝒏𝒛𝒂

قال شروطو و كايتسنى منو الجواب .. هز زياد كاس ديال الما كان حداه بلل ريقو و حنحن باش يهضر

زياد : هادو ماشي شروط ، هادو اقل حقوقها و اكيد غادي نوافق عليهم ... كون هاني اسي جواد كنزة غادي نديرها تاج فوق راسي ما عندك لاش تهز الهم ... غير هو موضوع الخطبة الكبيرة بغيتك تعجل فيه لاكان ممكن ..
جواد : ايلا هاكا مرحبا من غذا ...
زياد : هههه خاص تخلي لينا الوقت باش نوجدو و توجدو حتى نتوما .. نديرو تعارف و خطبة و تركاب خواتم ..
جواد : سيمانة كافية ؟
زياد : مزيااااان .. ميعادنا السبت الجاي موالمكم ؟
جواد : مرحبا بيكم .. 
زياد : هي نسمعو شي تزغريتة !
جواد : نهار الخطبة تسمعها باذن الله
زياد : و عليه (ناض واقف) نخليكم في امان الله
جواد : الله يعاون ..

ناضو تسالمو معاه هو و الياس و كنزة لاوية فقنتها وصلو معاه للباب على امل اللقاء الاسبوع المقبل .. 

𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍

#𝒔𝒐𝒑𝒉𝒊𝒚𝒂

غادة فالطموبيل و دموعها ما بغاوش يحبسو كاتبكي فصمت .. غي الدموع و صافي ... كاتشوف  حلمها فواحد الفترة ولا حقيقة و لكن ماشي كيما بغات ...  ضاقت بيها الدنيا و بغات تقصد شي حد و لكن شكون ؟ احسان عيان ، و مرية حتى هي ... كنزة و ساليمة عاد كانت عندهم اليوم .. لمن اتعطي بالراس ... هزات تلفونها و عيطات ليه .. وتخا مؤخرا تعرفات عليه ولات مطلوقة معاه و كيما قال حنا صحاب دابا .. ماشي طبيب و مريضته ..

صوفيا : ألو
شعيب : أهلا
صوفيا : صافا !
شعيب : بيخير و نتي
صوفيا : كنت بغيت نشوفك
شعيب : مرحبا بيك .. اجي تعشاي معانا
صوفيا : زعما ؟
شعيب : واش عاد تحتاجي عراضة مرحبا بيك و الله .. منها النيت تشوفيهم
صوفيا : واخا

قطعات معاه و مشات قاصدة دارو لي سبق ليها مشات ليها ... وصلات حطات الطموبيل و دازت خدات شوكولا من الماركت لي قريب ليها و عاد رجعات صونات على الدار .. فتحو ليها و طلعات ..

#𝒔𝒐𝒑𝒉𝒊𝒚𝒂

تفتحات الباب فوجهها و بان وجهو البشوش ، ضاحك و واقفة بجنوبو خولة ...

شعيب : مرحبا بيك دخلي
صوفيا : شكرا .. تفضلي ( مدات لخولة داكشي لي خدات)
خولة : اوييلي لاش عدبتي راسك ..
صوفيا : هانية ما فيها عذاب .. سمحو ليا على هاد الدخلة ...
خولة : خير ما درتي ..

دخلو و جلسو مجموعين ... تا يهضرو فأمور سطحية حتى جا لعندهم واحد الدري تكون عندو ديك 10 سنين ...

خولة : ياسين ولدي ياك لباس ! بوس طاطاك بعدا
ياسين : (تحنى باسها) طاطا لباس
صوفيا : (لعبات ليه فشعرو) لاااباس و نتا البطل
ياسين : (ضحك ليها و حرك راسو بالايجاب و حول الشوفة لماماه) ألماسة و جوهرة صدعوني بالمناقرة بيناتهم
خولة : (ضحكات ) هههه اش كاين تاني ؟  ما كايتسالاوش دوك الجوجات
ياسين : مقاتلين على شكون الزوينة فيهم
صوفيا : ههههه قولهم كل وحدة زوينة بطريقتها ...
خولة : هههههه هوما راه واحد توأم ما كاينش بيناتهم فرق تا فالدماغ مكلخات
شعيب : ما عرفت لمن طلعو كايشبهو !
خولة : بغيتي تقول ليا ؟
شعيب : انا ما قلت والو ... سيري عند بناتك شوفي شكون الزوينة فيهم
خولة : ههههه كاتصدرني .. النيت نرد العشاء يسخن .. (شافت فصوفيا) مرحبا بيك عندنا و الله ، من زمان و انا كانقولك دوزي و والو ااش بغيتي ...
صوفيا : قلت ليك نهار يكتاب و ها هو كتاب ...
خولة : فيها خير .. (شدات فولدها و زادو)
شعيب : اييييه و كيفاش طرا حتى خطرنا على البال و زعمتي تجي
صوفيا : الصارحة و لا نكذب عليك ؟
شعيب : قولي قولي
صوفيا : كان خاصني معامن نتفاجى .. ختي و كنزة عاد كنت عندهم ، مرية و احسان عياو مع الخدمة بغاو غير ينعسو ... جدة ما يعدالش ليا نمشي لعندها اتبقى غير كاتسول و تزيد على ما بيا .. قلت شعيب لي يفكني و داكشي لي كان ...
شعيب : فيها خير .. واقعة شي حاجة ؟
صوفيا : جاو فيا الخطاب
شعيب : رمي كلشي وراك و زيدي القدام
صوفيا : ما نقدرش .. و زيد عليها عاودت شفت عمير تاني لبارح .. *عاودات ليه شنو وقع* كنت مزعزعة و راسي تا يطبخ باغا غي نتفاجى زادوني بموضوع الخطبة .. و لي خطبني كايجينا من العائلة و الحساسيات و الحزازات غاديين يبداو و انا ما حملاش راسي .. كل شوية انولي نسمع من بابا و ماما بلي العلاقة دهورات بسبابنا ... هوما مسانديني و فنفس الوقت ضدي ... عييييت و الله تا عييت
شعيب : حيت نتي ما باغاش تزيدي لقدام ما حدك موخرة ما حدك كاتزيدي تقالي ...
صوفيا : ما نقدرش نعيش بلا ذكرياتو .. ما نقدرش بلا بيه واخا غير فمخيلتي ..
شعيب : هو مات و نتي ربي مزال مطول فعمرك ..
صوفيا : بالنسبة ليا انا متت معاه .. صوفيا لي عايشة دابا عايشة و صافي .. انا ما باغاش نعيش و ما قاداش نموت ... حوادث كثيرة تا نتعرض ليهم حيت وقفت فنص الطريق و لكن راه ما عنديش خيار اخور ... خسرت فهاد الدنيا حتى قبل ما نبدا .. و وليت عايشة فقط باش نموت .. حاولت نشغل راسي لعل و عسى شي حاجة تتبدل
شعيب : فاش شغلتي راسك .. المحل كان ديالو و نتي خديتيه باش تشمي فيه ريحتو و تكملي مسيرتو .. القرايا و كنتي باغا الطب قلبتيها حقوق باش تكملي اش بدا هو ، كاين شي حاجة من غير ؟
صوفيا : (حكات رقبتها من اللور دليل على توترها) احم الا
شعيب : ايوا ما تقوليش ليا راك كاتحاولي .. نتي كادوري على نقطة سميتها عمر .. محور هاد الدنيا عندك هو عمر كلشي مرتبط بعمر .. يخلق الله من الشبه اربعين و ما طحتي غا فالشبه ديال عمر .. بقوة ما نتي كاتخممي فيه اي حاجة متعلقة بيه جدبتيها لعندك .. نتي لي باغا تعيشي على ذكراه .. نتي لي باغا تموتي قبل الوقت ...
صوفيا : ما نقدرش بلا بيه ، (نزلو دموعها) حليت عيني عليه (زعما اول واحد فتحت ليه قلبي و بغيتو) و سد عينيه عليا .. انا وياه روح فجسدين ، واحد تحت الارض و واحد باقي كايتنفس (سكتتات برهة و عاود نطقات) مع الاسف ...
شعيب : صوفيا ما تبكيش .. الدوام لله ، كل نهار واحد تا يموت و اخور تا يتزاد ، عائلة تا تشتت و عائلة كايتجمع شملها .. تا حاجة ما كاتبقى على حالها ... و تستمر الحياة ، ما جاتش ترهني راسك نتي على واحد مات هادي ربع سنين .. ما كانقولش ليك نوضي تجوجي و لا مسحيه من حياتك اليوم قبل من غذا ... و لكن فتحي بيبان حياتك ما تبقايش دافنة راسك ...
صوفيا : (حركات راسها بالنفي) ما نقدرش .. و حتى ايلا بغيت ما يمكنش ...
شعيب : و حيدي الميم من فمك .. ما تبقايش تسبقيها ..
صوفيا : (تنهدات) يكون خير ..
شعيب : علاش ما !! (بلا ما يكمل عارفها اتفهمو)
صوفيا : احم ، عاود نعت ليا الحمام فين جا نمشي نغسل عليا ...
شعيب : (حط يديه على دقنو و شاف فيها من تحت النظاظر) من داك الطريق الباب اللولة على اليمين
صوفيا : شكرا ..