#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
راكبين حدا بعضياتهم .. هاد المرة هجر لي صايكة و حداها احسان كاينݣر .. بلا والو ما حاملش راسو ، عمرو تخايل يجي نهار لي يبقا فيه الحال على قبل مباركة .. و لا تخايل بلي غادي يبقا فيه الحال على قبل جوج كلمات ... و ما عمرها جاتو للبال بلي هجر تقدر تنساه .. و خلاص واحد صوفيا تقبات معاه الورقة مخلياه كايترعد على والو ... نطق فوق خاطرو منين شافها غا زايدة ...
احسان : غادي نسكنو فهاد الطريق حنا .. مزال ما بغيتي توصلي عند هاد صاحبتك ؟
هجر : واش دابا جايبني بالجميل ... فهمنا بلي راها طموبيلتك !
احسان : حاشا
هجر : و هنينا ! يا على انا على قبل النݣير قلت نصوك ..
احسان : و صافي بلا ما تردي ليا حساسي فراسي ... غير سربي راه فيا الجوع .. سلحفاة كي دايرة
هجر : واش عند بالك ره حنا فالطريق السيار .. تا راه خاص نمشي بربعين هي ربعين ..
احسان : لي عطاك لبيرمي خاص حبو الذبيحة
هجر : كي شفتي نتا لي راشيهم مطفرو ..
احسان : كيتك .. رشيتهم حيت ما فيا لي يحفظ ..
هجر : المهم رشوة
احسان : و هو قال لينا شكون يحفظ شكون يخلص ..
هجر : و نتا جاتك من الجنة و الناس ... الفلوس عندك غا مزلعين
احسان : هاح ما خرجوش من جيبي ما عنديش مشكيل ... (هز كتافو كايضحك) دابا واش حنا غا نبقاو هنا .. ما غاديش ناكلو ؟
هجر : (تغبنات) هاح تانا .. خرجت مخلية الريحة ديال البسطيلة فنيفي
احسان : (خسر سيفتو فيها) موحمة كي دايرة
هجر : و بصحتي .. (تبسمات ليه و هي معيرة على سنانها) نياهاها شفتي شفتي على خطية بليتي بيها راسك
احسان : اودي خطية و سكتي
هجر : (كانت كاتسناه يقول العكس ساعة خيب توقعاتها و كملات معاه طنزها ... تنهدات) ايييه ايوا دوماج طاح الفاس فالراس .. لا ما تزوجتيش بيا غادي تقتلك خالتي ابتسام و يدفنك عمي جمال و نلبس عليك الابيض حيت انا وفية لحبقلبي .. عنداك يسخن عليك راسك شي نهار و يصحاب ليك راني بوحدي .. لا و الله عندي طاسيلة تغطي عين الشمس ... (تبسمات) و كولو بفضلك .. دبرتي عليها
احسان : (تبسم ) اودي غا خليها على الله
هجر : و حيت انا ظريفة غادي نديك تاكل فواحد الريسطو على حسابي ... حيت خرجتك فهاد الوقت ..
احسان : همم كثر خيرك ..
تبسمات ليه و عاود شافت فالطريق مركزة .. حتى وصلو للمطعم لي دايرة فيه الحجز .. دخلو و حطو مونطواتهم فالباب ... و جا النادل لي داهم للطاولة المجوزة .. طبعا اماكنياتها ماشي ديال حجز مطعم ككل ... جابو ليهم القائمة باش يختارو و حطو فوق الطبلة معاهم باقة ديال الورد كبيرة ...
احسان : (علا حجبانو كايشوف فيها مستغرب) تعايلي غلطو ..
هجر : لا ابدا هادي ليك حيت قبلتي تتزوجي بيا .. (تبسمات بخجل) و حيت صابر عليا و حيت كاتبغيني كيما انا .. عيد ميلاد سعيد يا احسن حاجة وقعات فحياتي من بعد خويا ايوب ..
احسان : (تبسم ليها فرحان بكلامها .. شد فيديها لي كانت محطوطة فوق الطبلة) حتى مخطتيني عليها ؟
هجر : (خيب امالها تاني) لا شكر على واجب
احسان : هاح هانية ا زين ما بيناتناش هادشي ..
هجر : و احساااان
احسان : مال حبك .. راه نتي لي غالطة ..
هجر : و شوية ديال السوسبانس .. راه اول عيد ميلاد ليك معاي
احسان : شكرا .. شكرا بزاف يا احلى حاجة وقعات فحياتي من صوفيا
هجر : شفتي ايلا غي صوفيا نجي وراها ما عليش
احسان : الرضا ..
هجر : كانشكرو السي الاب ديالك و لالا الام ديالك حيت ولدوك ليا و ما نعلوش الشيطان ديك الليلة و خلاوني بايرة
احسان : (ضحكاتو) ايه الله يزازيهم بيخير ..
هجر : (هزات يديه باستها) هاح و الله تا تقلق حيت ما قلتهاش ليه
احسان : على نتي شوية فقلبي ..
أنت تقرأ
عن الماضي *نصف مغلق* (بالدارجة المغربية)
Romance#ممنوع_النشر 🔐 لا احد في الكون يشبهك ، لا لا الشمس و لا حتى القمر الجمال خاتم في اصبعك و انت سلطان العقل و الروح اذا كان حبي لك ذنب يستحق العقوبة فزدني دنوبا اني لا احيى من دونها دموع عيني يا ح...
