عن الماضي *نصف مغلق* (بالدارجة المغربية)

أحبيني بلا عقد (40)

#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

عمير : صوفي ياله
صوفيا : هانا جايا
ساليمة : (غمزاتها) سيري ا صوفي
صوفيا : و سيري يا المنحرفة ..
مرية : كاتحاول تخليه يطول معاك ما امكن و ما يجيبش عليك الضرة .. حيت عيقتي فيه بهاد البرود لي فيك .. خلي السيد ياخد حقو .. غابرة عليه قرن و مزال زايدة فيه
صوفيا : (دارت ليهم باي باي) بسلامة ازيونات ..

ركبات حدا عمير و زادو بحالهم..  بجوجهم ساكتين تا قررات تهضر ..

صوفيا : احم .. غادي نطلب منك طلب
عمير : امري
صوفيا : عندك شي بروغرام هاد الويكاند ؟
عمير : لا عادي ...
صوفيا : نسافرو ؟ دابا انا نفسر ليك شواقع .. كنت دايرة السبة بالماستر .. منين كملتو بقاو عليا خاصكم تسافرو .. خاص تعطي لراجلك (حنحنات) وقت .. و دابا هوما عارفين بلي المشكيل مني .. و نتا ما معكسش .. ما بغيتش يبقاو يزنزنو فوق مخي و لا يشكو بشي حاجة
عمير : نسافرو !
صوفيا : غادي نمحنك .. و لكن اخر طلب .. صافي ..
عمير : السفر مزيان غادي ينفعنا .. غادي نرتاحو انا وياك .. يومين بيخير ..
صوفيا : هاح شكرا ..
عمير : لين تبغي نمشيو ؟
صوفيا : لين ما بغيتي .. ما عنديش مشكيل.  
عمير : صافي ياله .. نشدو الطريق دابا ؟
صوفيا : ياله .. زوين السفر بالليل
عمير : ما غاديش تنعسي !
صوفيا : اكيد لا .. و ايلا عييتي نشد عليك ..
عمير : ممكن .. ياله ..
صوفيا : (ربعات رجليها فوق الكوسان و ضحكات) لين غادي نمشيو ؟
عمير : شفشاون ..
صوفيا : بلان !
عمير : مزيان ؟
صوفيا : فوق السحاب ..
عمير : نعيط ليهم يوجدو لينا حوايجنا .. يعرضوهم لينا فالباب
صوفيا : واخا .. .تحمست ..

عيط للمساعدة و علمها باش تجمع ليهم حوايجهم و توجد ليهم كلشي ، ربع ساعة و يكون وصل عندهم و داكشي لي كان .. وصل لقاهم خارجين بالباليزات .. قادهم الشيفور وسط الكوفر  ...

صوفيا : نزل نشوف خالتي بالزربة
عمير : واخا ياله ..

هبطات سلمات عليها و فرحاتها بخبارها ... باركات ليها و توادعات معاها .. و عاد خرجات من عندها كان عمير مشا شق على ايلا ورا ما ودع مو و خرجو بجوج ...

شدو الطريق و هوما ضاحكين ناشطين .. موسيقى مطلوقة كاتغني معاها صوفيا بالعقل ... و هو مرة مرة كايشوف فيها .. 

من الثمية و نص لطناش و نص و هو سايق ما وقف حتى لقا اوطيل فين يدوزو اليومين ديالهم ...

نزلو بجوج و تكلفو هوما ينزلو ليهم الباكاج ... خداو بيت من عندهم و طلعو مع بعضياتهم ..

صوفيا : ماشي كون خدينا كل واحد بيتو كنا غاديين ناخدو راحتنا اكثر ؟
عمير : مشات من بالي ! انا نرجع نشوف ايلا يمكن ليهم يعطيونا بيت تاني
صوفيا : لا صافي .. قلتي ليها مزوجين ! غادي تجي فشكل
عمير : سمحي ليا
صوفيا : عادي انا غي بغيتك تاخد راحتك و صافي ..
عمير : انا هانية ما عنديش مشكيل ..
صوفيا : صافي فيها خير ..