عن الماضي *نصف مغلق* (بالدارجة المغربية)

احبيني بلا عقد (30)

#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

غادة بين الرفوف و كاتشوف الحوايج و عينيها كايبريو بمجرد ما كاتخايل صورة وهمية لبنتها كيفاش غادي تجي فيهم ... شداتها واحد اللبسة و مشات ليها كاتقلب فيها دات ليها العقل غير هي كبيرة .. هزاتها بين يديها و مشات ناحية واحد من العاملين فديك المحل .. كان عاطيها بظهرو و تا يضحك مع زميلو فالخدمة .. نقرات جوج نقرات على دراعو ..

زوي : (بابتسامة) لا سمحتي نقدر نلقى نفس هذا فالطاي ديال حديثي

قطعات هضرتها منين دار لعندها ، فتحات فمها متفاجئة و هو بنفسو كان متفاجئ من هاد اللقاء الغريب ... اكيد من بعد الانفصال بغا يردها بغا يهضر معاها و يقنعها بلي ما قادش يهز المسؤولية من دابا و بلي كلشي كايتعوض ممكن ينزل هاد البيبي و يجي واحد اخور من بعد .. ما بغاش يفرط فيها و لكن هي ما رضاتش تسمع ليه ، زطمات على قلبها فسبيل كبدتها .. و ها هو القدر تا يحطو قدامها مجددا ..

نيثان : (كايطلع فيها عينيه من التحت للفوق) زوي !
زوي : (بلعات ريقها و نطقات بصرامة) هاي .. كنت بغيت نسول على هادا (هزات قدام وجهو اللبسة) كاين منو بالنسبة لحديثي الولادة

بقا واقف مصدوم من رد فعلها البارد .. و غي كايرمش .. تدخل الولد لي معاه ينقد الموقف ..

مايكل : مع الاسف كملو
زوي : (باسف) اوووه ما عندي زهر ..
مايكل : و لكن تقدري تاخدي هادي ايلا كان عينك فيها و باغا تلبسيها لبنتك
زوي : باغا .. غير تخايلتها بيها فرحت
مايكل : اوووه يعني عندك بنت ثانية .. كنتي باغا تاخدي ليهم بجوج بحال بحال
نيثان : عندك بنت ؟
زوي : ههههه (ببرود) فات الحال على هاد السؤال اولا ؟ (شافت فلاخور) لا غي هادي لي عندي (حطات يديها على كرشها) ما تهتمش انا كانولي غريبة اطوار فيما يتعلق بيها
نيثان : الرب يحميها
زوي : شكرا على تعاونكم

وقفات عليها كنزة ..

كنزة : خديتهم .. مشينا... (شافت فيديها) كنتي مزال باغا شي حاجة (هزات راسها فنيثان خنزرات فيه و نطقات بلا نفس) السلام
نيثان : هاي
زوي : ياله نمشيو ...

زادو بجوجات و بقا هو واقف تا يشوف ..

مايكل : مالك اصاحبي ؟
نيثان : (نطق بدون شعور) غادي تولي عندي بنت !
مايكل : ها ؟
نيثان : (بدون تفكير) كانت حبيبتي

....

دازو خداو ايس كريم و كل وحدة فيهم ساكتة .. تا نطقو بجوج دقة وحدة

كنزة : تبغي نهضرو ؟
زوي : نساي !

شافو فبعضياتهم و ضحكو ... واخا كاضحك قلبها كايضرها و عينيها تغرغرو.. عنقاتها كنزة و كاتطبطب على كتفها...

كنزة : نسيت ، نسيت .
زوي : لقاء كان غادي يحرق ليا قلبي كون ما كان قلبي ديجا رماد
كنزة : (تنهدات) كلشي كايفوت .. و ما يهمكش ..