عن الماضي *نصف مغلق* (بالدارجة المغربية)

احبيني بلا عقد (34)

#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

غاديين بيه فالشاريو مدخلينو للمستعجلات .. و ابتسام كاتعدد و تسخط و تنخط ... معاها عمير و احسان و جنيد حتى هو لحق عليهم ...تكلفو بيه الاطباء و بقاو هوما واقفين على برا ...

ابتسام : اربي ايلا كان هذا كابوس فيقني منو غادي نحماق ..
جنيد : (بعصبية كايعاتبها) كولو بسباب بنتك
ابتسام : (فقدات اعصابها) دخل سوق راسك .. (ناضت كاتضرب فصدرو) بعدو من بنتي .. بعدو مننا عطيونا الثيقار .. بعدو .. اصلا شكون كان كايعمىني على بنتي و يخليني نشك فيها .. مك و هضرتها .. شكون لي ما قدرش الحالة ديال عمو و جاي داخل فيه بالكلام طول و عرض نتا .. شكون من غيرك نتا ؟ بعدو من كاسلتي غي تفرقو علينا و نعيشو ييخير

تدخل عمير و احسان باش يفكوهم ..

عمير : خالتي طبيب هذا تهدني ...
جنيد : خالتي ماشي نتوما ما حكمتوش بنتكم تنزلو عليا الباطل .،. انا بغيت غا نسترها
ابتسام : و ستر غير راسك و ماشي سوقك ! مااااشي سوقااااااااااااااااك

شهقات شهقة وحدة و طاحت فالارض ممدة .. كاتغزل و سنانها كايتقرقبو ... تحنا لعندها احسان و قلبها على جنبها ، خايف لا تمشي تجيها شي نوبة ديال الصرع كرد فعل على هاد الاعصاب .. 

جات لعندهم الممرضة كاتشوف شواقع ... و شافت فعمير ..

الممرضة : دكتور عمير .. نتا عارف القواعد ديال الكلينيك
عمير : هي ماشي فحالة تستوعب فيه القواعد راها فقدات اعصابها ..
الممرضة : اي حاجة غا تخليها تفقد اعصابها بعدوها عليها ...
عمير : داكوغ .. هزوها لشي شومبر و عطويها شي ابرة تكالميها .. و جيبو لهذاك السيكوريتي يخرحوه و ها حنا هانيين
الممرضة : واخا ...
احسان : (شاف فيها) انا غادي نهزها ...
ابتسام : (قوتها مستنزفة كاتغزل كلها و حلقها ناشف و ففمها غير) بنتي ضاعت ليا .. بنتي ضاعت ليا ... ضيعت بنتي من يديا .. انا سبابها
احسان : (هازها بين يديه و قلبو محروق عليها) صافي ا خالتي لي فات مات .. و كلشي بان و تصحح
ابتسام : م مشا الحال
احسان : عمرو ما كان مشا الحال ... و هاد الاخبار انا غادي نهنيكم منها .. ما تهزيش الهم ..

جابو شاريو تاني حطو فيه ابتسام و داوها لغرفتها فين غادي دوز الليل ترتاح و يترخاو اعصابها ...

جاو الامن لعند جنيد خرجوه و هو مكشكش و عمير كايحك على راسو ما عرف منين طاحت عليهم هاد الموصيبة ...

احسان : (وقف وراه) شكرا
عمير : (دار كايشوف فيه) ها !
احسان : شكرا حيت خرجتيها من المشكيل لي هي فيه ... شكرا حيت عاونتيها .. الموضوع كان غادي يكبر كثر من هاكا كون ما تدخلتي و هضرتي .. خيرك عمرنا ننساوه
عمير : (بلع ريقو) لا هانية .. اي واحد كان غادي يدير اش درت لو كان فبلاصتي
احسان : (حرك راسو بالنفي) ماشي اي واحد ...
عمير : (نطق فسرو) اي واحد كايعشق ..  (هضر معاه بصوت مرتفع) صوفيا ماشي شوية بالنسبة ليا .. خيرها سابق
احسان : (ربت على كتفو) بارك الله فيك ...