عن الماضي *نصف مغلق* (بالدارجة المغربية)

#دمعة_الماضي (7)

#الجزء_07
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

واقفة حدا باب البيت كاتوصي فيها و تشوف ايلا ناقصاها شي حاجة ...

صوفيا : صافي غير طفي الضو و خليني ننعس راني عيييت
ساليمة : غا لي بغا يدير معاك الصواب
صوفيا : و ديريه مع زمانك هو لي دايم ليك .. انا خليني ندير دودو راني مسخسخة ..
ساليمة : نعاس الراحة ..
صوفيا : تصبحي على خير ..
ساليمة : و نتي من اهلو ...

طفات عليها الضو و سدات الباب ... و بقات صوفيا كاتقلب فبلاصتها حيت تبدلات عليها المخدة .. حتى مشات بيها عينيها ...

𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍

03:15
#𝑨𝒐𝒎𝒂𝒊𝒓

فاق من نعاسو كيما واعدها و هضر معاها باش تنعس ... بحكم فرق التوقيت بناتنا و لي هو ستة ديال السوايع ( اخوتي مال غا انا لي نتمحن ، نمحن تا ولدي يفيق ليماه باش يدوي ) ... طار من عينيه النعاس و ناض للبالكو لي عندو فالبيت ، شعل سيجارة ففمو و سفها  مخلي ذخانها يدخل بهدوووء لرأتيه ... حبس النفس فوسط منو لوهلة عاد باش سمح ليه يخرج تاني من نيفو و من فمه ...  واقف ساكت و كايخمم ، ساهي فنجوم الليل ... و فراسو الف مطرقة و مطرقة ، كايشوف كلشي و فاللخر تا يجمعو و يقول مدبرها حكيم ... نفض رماد السيجارة على برا من البالكون و كمل ...

فالبيت المجاور و فنفس هاد اللحظة ... تا تقلب فبلاصتها و كلها كاتصبب بالعروقات ... كاتحرك راسها شمال و يمين و تا تمخضض فبلاصتها ...  و كاتمتم بكلمات ما مفرزينش ... حتى ناضت جالسة و كاتغوت ...

صوفيا : عماااااااااااااااااااار ... (حطات يديها على وجهها و بقات تا تبكي )

تفتحات الباب ديال بيتها و دخل بالزربة مخلوع ما عارف اش واقع ... جلس فجنبها و ضوء القمر منعكس على وجه ... هي غير حسات بشي حد حلس حداها حيدات يديها من على وجهها ... و عوجاتو ... (بحال ايلا كاطلل عليه من التحت) ..

عمير : (متردد من انه يحط يديه عليها) نتي لباس ..
صوفيا : (منهارة من الكابوس لي راودها ، اكتفت انها تحرك راسها بالنفي و تهز كتافها)
عمير : (زاد قرب عندها و ضمها لعندو)  شششش كلشي ايولي مزيان ان شاء الله

بقا كايطبطب على ظهرها و يدوز يديه على شعرها ، و هي استحلاتها ، مخيل ليها عقلها بلي هي فحلمة ، و هاد المرة الحلمة زوينة .. عمر حبيبها بجنبها و كايطبط عليها باش يقويها ... بقات هكاك حتى انتضموا دقات قلبها لي كان حاس بيهم ... و غمضات عينيها نعسات فحضنه ...

عمير : صوفيا ؟ صوفيا ؟

ردها لبلاصتها و غطاها و ناض خرج من البيت بالحس ... باش ما تفيقش ، اما بالنسبة للكوبل مالين الدار ، البيت عندهم عازل للصوت ما يسمعو والو ما يسمعهم حد ...