عن الماضي *نصف مغلق* (بالدارجة المغربية)

أحبيني بلا عقد (45)

#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

تفتحات الباب و تسد الموضوع .. خرجات لعندهم زينب لابسة حويجاتها و جامعة شعرها ... و البسمة مرسومة على شفايفها  ، باست مها و خوها و جلسات حداهم ..

علي : نعستي مزيان ؟
زينب : شوية ..
علي : ههههه عييتي تا نتي بالرحيل ..
زينب : لا ماشي هكاك .. غير هو حلمت حلمة خايبة
علي : تخلعتي ؟
زينب : بقا فيا الحال ..
علي : علاش ياك لاباس ؟
زينب : (بلعات ريقها) حلمت بابا مشا و خلانا ..
علي : (هز حجبانو مستغرب) لين مشا ؟
زينب : ما عرفتش ... المهم ما بقاش معانا .. بحال دابا
فاتن :(عزات عليها بنتها و دوزات يديها على شعرها بحصرة) لا لا باباك راه ما مشا لاين .. و ها علي غادي يديك معاه تمشيو تشوفوه .. (شافت فعلي) ياك ا ولدي
علي : (حنحن) ندي أميرتي ..الله اودي شحال عندي منك ..
زينب : (تبسمات ليه) شكرا ..
علي : فالعشية نمشيو .. ماما ما غادية لاين بالطموبيل ياك ؟
فاتن : تا تجي مرية و نشوف .. باش ايلا كانت مشغولة بالطموبيل نديكم و نرجع وراكم ..
علي : فين غادية نتي ؟
فاتن : عند سهام نطلل على ايمان
علي : (حل عينيه على وسعهم و قلبو حس بيه كايضرب فصدرو بالجهد) مالها ؟
فاتن : (بأسف) جاتهت كريز فالدروج و طاحت تهرسات
علي : همم !
فاتن : (عقدات حجبانها مستغربة من رد فعله) شنو ؟ مالك ؟ قدر الله و ما شاء فعل ... و هي دابا الحمدلله لاباس مالك نتا لونك تبدل و بديتي تفتف
علي : لا غير ح حيت عزيزة عليا و صافي ، بنت خالتي بحال ختي ما نخافش عليها ؟
فاتن : و ما نعرف ... جاني هادشي عجب
علي : ما عجب والو
فاتن : و الله يجعلني نتيق ...
علي : وا الواليدة حنا كانلعبو هنا و لا ... موالف ليا نكذب عليك
فاتن : غير كاتقول الواليدة كانعرف باغي تغمق عليا
علي : حيت الموضوع خاصو يتسد هنا ما فيه ما يتقال ...
فاتن : واخا

كملو ماكلتهم كايفطرو فصمت حتى هز راسو من على طبسيلو و حنحن ...

فاتن : همم نطق !
علي : والو .. غير دابا هو ماشي من الصواب نمشيو نشقو عليها ؟ (شاف فزينب) زاينو حبيبتي .. انا ليوم غادي نعيط (حنحن) لبابا و غادي نعلمو باش يخوي نهارو غذا نخرجو حنا وياه ندوزو النهار .. هاد العشية نمشيو نشوفو بنت خالتي
زينب : اه بالصح نمشي نشوفوها كي بقات ا ماما و بابا تال غذا
علي : (ضحك) الرضا
فاتن : (هازة حاجب و شلا تساؤلات كايدورو فبالها) ايه واخا

                        𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍

ناض فالصباح مع المنبه ، طلل عليها لقاها مكمشة فيزارها و باين عليها حاسة بالبرد ، مشا جبد ليها ملاية و غطاها و دخل للحمام خدا دوش خفيف و خرج ببينوارو يجبد ما يلبس ... دخل للدريسينغ كايشوف ما يلبس ، جبد حوايجو و حيد البينوار .. و هي تغوت من وراه صوفيا ..

صوفيا : pardon , pardon , pardon .. ما شفت والو

دار شاف فيها لقاها دايرة للناحية لوخرا و مقوسة ظهرها ...