عن الماضي *نصف مغلق* (بالدارجة المغربية)

احبيني بلا عقد (58)

#الفـــصــل_03
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

نزلات التحت و هي تجي عندها ايمان ...

ايمان : عمير وصل !
صوفيا : همم مزيان !
ابتسام : سيري عندو ! ما بقيناش محتاجينك ..
صوفيا : لا غي خلي
مرية : (جراتها) زيدي شمن ...

حنات راسها و هزات جلايلها من الجناب و زادت معاها ...

مرية : جبت هشام معاي .. باش نعرفو على العائلة !
صوفيا : اسقني خمرا يا ابا لهب .. هادي مرية ؟
مرية : (تبسمات) شحال قدني نهرب ...

خرجو لعلى برا و وقفات كاتقلب عليه بعينيها ... حتى لمحاتو واقف مع عمير ...

مرية : هاه ! راهم !
صوفيا : بجوج ! مع بعضياتهم ؟
مرية : ايوة ... ياله ..
صوفيا : لا حول ..

مشاو باتجاهههم .. وقفات مرية سلمات على عمير و دارت معاه الصواب و حتى من صوفيا سلمات على هشام ... و وقفات معنكشة حدا عمير ... حط يديه على كتفها حايزها لعندو و و باسها فراسها مستغل الفرصة انو ما تقدر دير والو قدام الناس ...

مرية : كلكم كاتعرفو بعضياتكم ما كاين لاش نضيع طاقتي ..
هشام : لا غا خليك مرتاحة ..
صوفيا : خويا هشام مرحبا بيك نورتينا
هشام : بارك الله فيك ..
عمير : (خدا يديها عندو .. كانت دايرة فاصمة رقيقة عليهم و الواضح بداو كايبراو) كي بقاو يديك ! ما عطيتيهم الراحة هاد اليومين كاع
صوفيا : (حيدات يديها) انا لاباس غير بلا ما تخمم ليا .. نعس على جنب الراحة ...
عمير : (همس ليها حتى تبورشات) راحتي فسلامتك المالكاني ..

بعدات عليه و تنهدات و عاود قرب همس بنفس الطريقة ...

عمير : الليلة نفريو باباها هاد المنامة ...

بلعات ريقها و كلها مخربقة  ، هزات عينيها فيه و هو يغمزها ... عاود نزلات عينيها و كرمات فبلاصتها و مرية عينيها عليهم .. لقطات بلي مقلقين من بعضياتهم .... تبسمات منين شافت محاولات عمير باش يدخلها معاه فالمود و شافت فهشام ..  كان كايشوف فيها و هي تزيد توسع فابتسامتها ...

                        𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍

سدات الباب و راها و دخلات مرتبكة ... حنحنات و تبسمات و بقات واقفة جامدة فبلاصتها ...

ياسمين : تبارك الله عليك .. جيتي غزالة !
كنزة : الله يبارك فيك ..
ياسمين : سمحي ليا تطفلت عليك..
كنزة : لا ويلي هانية تفضلي ..
ياسمين : احم المهم ... انا عاد جديدة فالضومين .. بديت بعيد ميلادات ، حفلات عمل ، خطوبات .. و عرسك اول عرس نوجدو انا و نقوم بيه ..
كنزة : كانتمنى من كل قلبي يكون فاتحة خير عليك و ييسر ليك ربي من بعدنا
ياسمين : أمين .. المهم هادي (جبدات تكميسة من جيبها) هدية بسيطة كنت مواعدة راسي بيها تكون لاول عروسة نقوم ليها بحفلتها ... كانتمنى تقبليها ..
كنزة : ناري يا ختي و شحال كيوت .. شكرا بزاف
ياسمين : شكرا ليكم نتوما على تقتكم فيا
كنزة : و لو .. عمي امين و بابا ما دوزش مع بعضهم قليل  ، هو ثقة و بنتو حتى هي !
ياسمين : شكرا .. بارك الله فيك
كنزة : (عنقاتها) شكرا ليك حتى نتي ..