عن الماضي *نصف مغلق* (بالدارجة المغربية)

احببني بلا عقد (28)

#الفـــصــل_03

#🅂🄰🄵🄸🅈🄰_🄽🄰🄶🄰🅃

❀ #عن_الماضي ⁂ #نصف_مغلق ❀

فاقت فالصباح كاتفوه ... شعرها مشعكك و عينيها منفوخين .. ناضت من الفراش و سروالها طالع واصل تال الركبة.. خرجات من البيت و هي تا تفوه حتى دخلات عليه للكوزينة بلا حس .. مع دار قفز ..

احسان : بسم الله الرحمان الرحيم ! منين خرجتي

صوفيا : بتت هنا !

جلسات فوق الكرسي و هو ينوضها ..

احسان : ما حسيتش بيك .. المهم سيري غسلي وجهك و اجي نفطرو بجوج منها تقوليلي ما سبب الزيارة

صوفيا : اوووووف واخا ..

مشات جارة رجليها للحمام غسلات وجهها و يديها و جمعات شعرها .. و خرجات عندو ..

صوفيا : دابزت مع ماما ..

احسان : علاش ؟

صوفيا : ما عاجباهش العجب فيا

احسان : و لو كاتبقى يماك

صوفيا : ايه مي لي تقولي يعلم الله قداش ضحيتي و فين وصلتي لهادشي لي فيك... مي لي تسمعهم يقولو على ولدها مريض و معلول و تسكت ليهم ، مي لي تهمها هضرت الناس و حنا لهلا يقلب بينا .. ايه مي ..

احسان : وصافي راك عارفة خالتي ...

صوفيا : و كانت كاتبدل ... غا ما فهمتش اش قلبها عاوتاني .. (عاودات ليه كلشي بالتفصيل منين دخلات تا خرجات)

احسان : (متأسف على حالتها و ما عارف ما يقول ما خطا يواسيها) صبري و ما يكون غي الخير .. و دابا اصلا غذا غاتبداي دوزي .. خوي عقلك من هادشي

صوفيا : غادي نطلبك و ما تقولش ليا لا

احسان : ههههههه لا

صوفيا : احساااان

احسان : لا ما غا نقولهاش غير دوي ..

صوفيا : غادي تمشي لدارنا و تقول لخالتي عيشة تجمع ليا حوايجي ... و هز ليا صاكي الكبير راه فيه كتوباتي و وراقيا و كاع اش كانحتاج ...

احسان : اليوم الاحد خالتي ما كاتكونش

صوفيا : لا سمعت ماما كاتقول بلي غادي تعيط ليها باش يخملو ..

احسن : ايييه و من بعد ؟

صوفيا : من بعد اش ؟ غادي نمشي لعند ميما ، بين ما كملت و تكون ماما تهدنات و نشوفو الحل

احسان : و كولي و يكون خير ..

صوفيا : لبارح مشينا عند عالية

احسان : (هز حجبانو) طيرتي خالتي !

صوفيا : اودي تا هي طارت معزتها و احترامها من قلبي .. سمحات فولدها و هو فاللفة و خبات الموضوع على راجلها و خوه التوأم .. هاد المدة كاملة و انا متوقعة انو يكون تخطف و هي ما كانت سايقة ليه خبار ساعة هيهات .. و باش كملاتها و جملاتها جا تلعب دور الام لي كاتخاف على ولدها و من من مني انا .. قاتلي (دمعو عينيها) بعدي من على ولدي لا تصدقي جارحاه ..