عن الماضي *نصف مغلق* (بالدارجة المغربية)

#دمعة_الماضي (11)

#الجزء_11
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀
وقفات سيارة الشرطة و نزلو منها جوج بالزي الرسمي ديالهم ...

البوليسي 1 : اش كاين هنا ! جاتنا شكاية ، تهمة ازعاج راحة السكينة
علي : احم ، مرية قوليلهم شواقع
البوليسي 2 : (باندهاش) دكتورة مرية هلال ؟
مرية : هي انا ؟
البوليسي 2 : ما كانظنش واش عقلتي عليا و لكن انا عمري ننساك ..
مرية : السلامة يا ربي ..
البوليسي 2 : هههه خير خير نقدتي ليا الواليدة من الموت ، فالوقت لي بزاف صدونا حيت حالة حرجة نتي قبلتيها و تقاتلتي على قبلها و كانت اول حالة تشديها
مرية : بالصح ! هذاك واجب .. الله اودي
البوليسي 2 : واش تعرضتي لشي هجوم تمشي ديري شكاية ؟
البوليسي 1 : ريح ا صاحبي الناس مشكيين عليها
مرية : بالصح .. شكون لي تشكاو ياكما الجيران لي المخير فيهم سمع جارتهم تا تهان و ما فتح بابو ما خرج سكت الشماتة لي كايهضر ... انصر اخاك ظالما او مظلوما ما تا يعرفوهاش ... انا لي مرا و ساكنة بوحدي وقتما وقع شي مشكيل تلقاني فالصف الاول تا ندخل بخيط بيض و لكن ما كاينش معامن غا العيالات و الله العظيم ... المهم اش تما اش كاين شاكيين عليا و لا على هاد الخلا ... لي كان انا قابلاه تاخدو معاي الاجراءات لي خاص يدارو
البوليسي 2 : (شد لصاحبو فكتفو) شوف انا نشهد فيها و نعم خلق الله راه كنت كانشوفها تقريبا كل نهار راه ما تأذيش بخوشة ..
البوليسي 1 : ( رما راسو لمنصف لي طايح فالارض) و هذا !؟
هشام : انا لي ضربته ؟
مرية : بسبابي هو غير دافع على ولية .. ايلا كانت شي حاجة تتسجل فخاصها تتسجل بسميتي ...
البوليسي 2 : ما عندو ما يتسجل ... كوني هانية
البوليسي 1 : كي وقع ليه بعدا ؟
مرية : جاي مهجم بلا موجب شرع سكران تا يدخل و يخرج فالهضرة ... و ما لقاش الرجال كيما قلت ليك لي سكتوه كنت ناوية نتكلف و لكن ما كتابش ..
البوليسي 1 : دابا هو فاقد الوعي بسباب السكرة و لا بسباب الضربة
مرية : بجوج ..
البوليسي 2 : حرااام الميدان الطبي يفقد طبيبة كفء و عارفة اش كاتدير .. ايلا سجلنا بيك محضر غادي ياخدو اجراءات قاسية ضدك .. و زيدي عليها الكلينيك لي نتي فيه خصوصي و اهم حاجة عندهم هي سمعتهم ... حنا غاديين نمشيو .. لا عين شافت لا قلب وجع
البوليسي 1 : و شنو غاديين ديرو معاه !
مرية : غادية نعيط لمو تجي موراه
البوليسي 1 : متأكدة ؟
مرية : على حسابي واخا ما دار فيها ما يصلاح معاي
البوليسي 1 : و اذن امسية سعيدة
مرية : ما خاصها من السعادة غا السمية .. تصبحو على خير ..

دارو راجعين بحالهم للسيارة ...

شافت هي فهشام لي كان عاصر عينيه حيت برد فيه الدم و ركبتو عاطياه الحريق ...

مرية : كاضرك ؟
هشام : شوية !
مرية : سمح ليا منين تا نتعصب ما كانبقاش نعقل على راسي اش تا ندير .. (شدات ليه فيديه ) شكرا على هاد الجيست ، ها نتا كاتسالني عشا اخور و لكن هاد المرة فشي مطعم ما بقينا قادين على شي حاجة اخرى ، طلع بحالك ترتاح و تريح ركبتك
هشام : (كايحول نظرو بينها و بين يديها لي شادة فيه و فعلي تا هو) ههههه ان شاء الله ، انا نتسنى معاك تا نطلعو بجوج
مرية : (طلقات منو)  لا عادي غير طلع ترتاح و داوي راسك و شكرا مرة اخرى و سمحلي ... انا غادي نعيط لمو و نبقا نتسنى هنا و ها علي معاي