عن الماضي *نصف مغلق* (بالدارجة المغربية)

وهم حلو وحقيقة مرة (22)

#الفـــصــل_02
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ #عن_الماضي ⁂ #نصف_مغلق ❀

𝐍𝐞𝐰 𝐘𝐨𝐫𝐤 /𝐔𝐧𝐢𝐭𝐞𝐝 𝐒𝐭𝐚𝐭𝐞𝐬 ✔︎
نيويورك ، الولايات المتحدة 🇺🇸
#𝑲𝒆𝒏𝒛𝒂

قاداتو فبلاصتو و وقفات قدامو ...

كنزة : محتاج شي حاجة ؟
غيث : ما فياش النعاس صراحة !
كنزة : و لا انا ...
غيث : جري داك الكرسي نطيبو نعاسنا
كنزة : اوك (دارت اش قال ليها جرات الكرسي و جلسات) ايوا !
غيث : جيتي للهنا بسباب زياد
كنزة : اه .. هو هرب و انا هربت ..
غيث : (بسخرية) اش عجبكم فيه ! هههههه اش ؟
كنزة : (هزات كتافها) ما عرفتش ... (تنهدات) اصلا لي فات مات
غيث : كان اول حب ليك !
كنزة : (خسرات سيفتها) مع الاسف ..
غيث : هممم ما تبغيهاش لعدوك ..
كنزة : و لكن عادي .. يعني ما تعقدتش بسبابو و لا خديت نظرة خايبة على الناس .. فهمتيني اش بغيت نقصد ياك
غيث : فهمت ..
كنزة : (بفضول) و انت ؟
غيث : (مستغرب) انا ! انا مالي !
كنزة : (بارتباك) احم شفتك بوحدك قلت نسول ..
غيث : انا ماشي بوحدي ..
كنزة : اووه هي مرتبط !
غيث : اه ... انا وياها فعقلي ..
كنزة : (حلات عينيها) يعني بحالي حب من طرف واحد !
غيث : ما عمرها عرفات بيه .. يعني ما عرفتش واش كان غادي يكون حب متبادل
كنزة : (بصدمة) هاااء  و زعما نتا زعايمي !
غيث : كنت صغير 
كنزة : شحال كاع !
غيث : قبل ما نجي لامريكا !
كنزة : (فتحات فمها) لهاد الدرجة !
غيث : حبها كبر معاي ...  منين كنت فالليسي
كنزة : كانت كاتقرا معاك ؟
غيث : لا غير نفس المدرسة ! حيت هي صغر مني بخمس سنين
كنزة : (باهتمام) و فينها دابا !
غيث : (هز كتافو) اممم كنت كلما نزلت للمغرب نتقصى اخبارها من بعيد و كي شفتي عماين هادي ما مشيت للمغرب
كنزة : اووووووه فهمت .. الله يلاقيكم ببعضياتكم فالقريب العاجل
غيث : (تبسم ليها) ان شاء الله ..
كنزة : (بقات ساكتة تا تخمم و هو تا يشوف فيها حتى تفوهات و فاقت من سهوتها ) و نخليك انا نمشي ننعس .. غذا خدامة فالصباح
غيث : نعاس الراحة ..

وقفات و جات خارجة و هو شاف فالساعة لي من قبايلة و هو حاضيها كانت دارت 00:00

غيث : كنزة !
كنزة : نعم ؟
غيث : عيد ميلاد سعيد
كنزة : شكرا ..
غيث : العقبة المئة ان شاء الله
كنزة : يا ربي أمين .. تصبح على خير .. (فنفسها : نسول و لا لا )(ياله غادي تسد الباب و عاود فتحاتو) احم فين قريتي ؟
غيث : (هز حجبانو فيها بطريقة فشكل) و علاش ؟
كنزة : منين هضرتي على ديك البريود شبهتي ليا فواحد الشخص .. و
غيث : (قاطعها) الجبر
كنزة : (بصدمة) اوووه .. اوك بونوي ..

سدات الباب بالزربة و تكات عليها و حطات يديها على قلبها ...

كنزة : صدفة  !  و لكن (ساطت) خوي عقلك ا كنزة منيتك .. 

طلقات من البوانيي و مشات لبيتها مخلياه هو تا يتبسم  بمجرد ما تعاود اول لقاء بينو و بين حبقلبو  ...