عن الماضي *نصف مغلق* (بالدارجة المغربية)

#دمعة_الماضي (4)

#الجزء_04
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
❀ عن الماضي ⁂ #نصف_مغلق ❀

#𝑴𝒂𝒓𝒊𝒚𝒂

كالسة فمكتبها و حانية على واحد الملف خاص باحد المرضى ، حتى كاتفتح الباب بلا دقان بلا والو ... سدات الملف و هزات عينيها بكل هدوء و برود و شافت فيه ..

مرية : من الحمارة للطيارة .. ما علموكش بلي خاصك تدق الباب عاد تدخل ..
منصف : ما تصعريش ملتي
مرية : لا غا صعر نشوفو هاد التهديدات ديالك فين ايوصلوك ..
منصف : علاش دايرة هاكا
مرية : حيت انا هاكا و من النهار الاول عرفتيني هاكا .. شنو باغي دابا (ضربات راسها بيديها كاطنز) وليت ننسى انا لي قلت ليك اجي على قبل الشيك .. واخا تسنا ..

مدات يديها لصاكها  جبدات دفتر الشيكات و خدات الستيلو من قدامها و بقات تا دير عمليات حسابية و همية فالهوا .. كاتزيد تستفز فيه و هو واقف و تا يزفر بخنقة ..
مرية : يكون المجموع ستة ديال المليون ! بزاااف و لكن ما عليش تبرد بيها الكية ..
منصف : اش كاتخوري ...
مرية : (شافت فيه بجدية و نطقات بالثقالة)  انا منين وافقت نكون معاك فعلاقة وافقت باش تبدل ليا نظرتي الثابتة على الرجال ... كان عندي بصيص امل انو ممكن تكون شي حاحة غير  و لكن من نهار بدينا انا وياك و نتا غا كاتزيد تأكد ليا لي كاين فبالي و مرسخ .. الرجال عقلهم بين رجليهم و خاصهم شحال ما خسرو عليك د الفلوس تأدي عليه .. لقيتيني نزقة و ما تا نتشدش قلتي اجي نزير معاها الطرح باش يا تعطيني اش بغيت يا تخرج العيب و انا ما  عطلتكش حيت قارية سواريا و عارفة لي ليا و لي عليا .. تنادم معاك الحال على قبل الفلوس لي حطيتي عليا و ما خديتي مقابلهم تا وزة ها هو رجعو ليك و بالزايد واقلة ...  اش بغيتي مزال ..
منصف (كايشوف فيها بلا ما يرمش) : قلبك بارد
مرية : شكون قالك انا عندي قلب اصلا .. و نتا براسك ما تضحكش على راسك بديك الهضرة ديال كنت معاها بنيتي و غدراتني .. حيت ضواساتك عندي عنداك يجيب ليك بالك الما غادي تحت مني ..  (تأففات بملل) عموما فلوسك ها هوما بغيتيهم هزهم ما بغيتيهم تبرع بيهم و خوي عليا من هنا راه بلاصة الخدمة هادي و نتمنى اخر مرة نتلاقاو و لا ما يعجبك حال معاي ...

تدقات الباب و فتحاتها ممرضة ..

الممرضة : احم دكتورة واش يمكن ليك تجي
مرية : اكيد ..

وقفات و دارت السمعات ديالها حول عنقها و حطات الستيلو فجيبها و ضربات فكتفو و زادت خطوة و عاود رجعات شافت فيه ..

مرية : نتا في عار الله ا حنيني خرج يضرب فيك شوية لهوا و تتوكض .. و ما ديرش الثقة فالعيالات .. مني و جبد ..
،
خرجات و خلات الباب مفتوحة تا خرج و سداتها وراه و زادت مخلياه تا يشوف و هي ما مسوقاش ليه ...

𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍᪥𑁍

#𝒔𝒐𝒑𝒉𝒊𝒚𝒂