#جبرني_الوقت⏳
#الحلقه_الخامسه
بقلمي✍ #نورهان Ñř Ŕóhã
لَم أعُد أرغَب ب شَيء فَقط أنتَظر إنتهَاء يَومي بصَمت .....⌛
~~~~~
فاطمه..وينها
رزان..القطعه الورنيه مش مصكره
فاطمه..اها
رزان..امبدري سمعت صوت
فاطمه..طلعت تجري للحاجر ولفت للقطعه وراها البنات فتحت الباب لقت ابتسام في نهايه السور تقلي في كفته
فاطمه..ابتسام جتها شن اديري انتي
البنات..وقفات يشوفنلها
ابتسام..شفتلهن وردت تقلي
فاطمه..فيش اديري انتي
ابتسام..كيف ماتشوفي قلت نقلي برا عشان البنه بعد نكمل انخش
فاطمه..خلي من يدك توا يكملن البنات
ابتسام..صوتها رايح هوا كان خاطرا فيها مني حنديرها لناس اللي يجو اليوم
فاطمه..بس انتي
ابتسام...قطعتها كان انحس في شي ماطلعتش ودرتها خلاص امي عدي استقبلي الضيوف ساعه ونكمل
فاطمه...السفر هذين درتيهن كلهن ومن امتي
ابتسام..مش مهم امتي المهم لحقت اني انديرهن
فاطمه..شافت للبنات تعالن سعدنها
ابتسام..حطت المساكه اللي تقلب بيها الكفته من يدها شافت ل فاطمه انساعد روحي بروحي خلوني بروحي طلعت هنا مانبي حد معايا
رزان..تمسح في ادموعها قطعتلي قلبي بكلامها
هناء..هيا بنات كل وحده ادير حاجه هذي صكرت راسها مستحيل اتخلي حد معاها
الكل عدا ردت ابتسام تقلي في الكفته بروحها
حني امينه..في الحاجر القيتوها يافطومه
فاطمه...قاعده في القطعه ياعمتي
حني امينه...كنها ماتخش
فاطمه...ييييه ياعمتي حظنتها وبدت تبكي
حني امينه...قولي لا اله الا الله الله يرحمه
فاطمه..يارب صبررررني يارب
فات الوقت خشت ابتسام بالحافظات للكوجينه وترد للقطعه بدون م تحكي مع حد
رزان..بنتها فايحه
اروي..تبدع فيها بيسو
بشري..نمشي انساعدها حرام مريضه
ملاك...نمشي معاك
بشري..لالا انتي عدي بخري فاصوخ
ملاك..تمام
ابتسام..مقعمزه علي الوطا ادموعها ينزلن كيف النار ماسكه الحافظه الاخيره فتحتها وتشوفلها اذكرت عبدالسلام
ابتسام..عبسي اطلع خليني انكمل لاخبطتنييي
عبدالسلام...امتي يأذن
ابتسام..عدي من يلايا خلاص ساعه ويأذن
عبدالسلام...جعان
ابتسام...الهي روحك بأي شي
عبدالسلام..انساعدك
ابتسام...عبسيييي
عبدالسلام...كساد بكل نفطر ونطلع لجامع توا اترايفي علي
ابتسام...حطت تبسي علي الطاوله هذي جبنه وهذا لوز دير الكفته مش تبي اتساعدني
عبدالسلام..ههههه تحكي جد من ايديك احلا
ابتسام..نبيك اتخطاني عبسي ريحني ههههه رد بالك اتغطيها كلها بالجبه
عبدالسلام..من فوق بس نظام جولاطي
ابتسام...شاطر فاهم
عبدالسلام....بدا ادير في الكفته اليوم نبي نقرا جزء من القران للمصليين
ابتسام...نجك لي اقرا نبي نسمع صوتك
عبدالسلام..احممميجود في قران
ابتسام....تشوفله
عبدالسلام...((آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ ۚ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ ۚ وَقَالُوا سَمِعْنَا وَأَطَعْنَا ۖ غُفْرَانَكَ رَبَّنَا وَإِلَيْكَ الْمَصِيرُ. لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِيييييينَ."صدق الله العظييييييم))
ابتسام...صوتك في التجويد ايجنن اقرا سوره اخري
عبدالسلام...كيف معاك الشيخ عبدالسلام عمران خاتم كتاب الله
ابتسام...جت عطاته بوووسه علي خده نجك لي بشيخنا تبتسم وتبكي قاطع تفكيرها بشري
بشري..بيسو
ابتسام..امسحت ادموعها نعم
بشري..نبي انساعدك
ابتسام..اخر حافظه
بشري..خلاص نهيتي روحك بالبكا ارحميه وارحمي روحك
ابتسام..منتهيا كلي من توا امرايفه عليه حوشنا ح يفضا وكل منكم يمشي عبسي مش معانا انعيشو علي ذكراه حتي كلمه المرحوم ثقيله علي الساني يابيشوو مش قادره انصدق معش ح نشوفه مره ثانيه
بشري..تمسح في ادموعها الله غالب هيا معايا جوا
ابتسام..تمسح في ادموعها هيا
~~~~ #نورهان✍
حنان اخت مجدي ...
حنان..بنات وين ابتسام
فرح..نونا في القطعه بيسو
حنان. نجكلي تمام توا نطلعلها
فرح..ابتسمت
هنيه...بنات وتن القهوه
رزان..انوتو فيها
حنان..ااا بسومه
ابتسام..شفتلها خير نونا
حنان..سلمت عليها شن دايره اليوم
ابتسام..الحمدلله
بشري..عطيها ليا
ابتسام..مدتلها اللي في يدها
حنان...لازم م تهتمي بروحك انتي عندك السكر
ابتسام..والله انشالله نجكليا
حنان..خايفه عليك ياهبله
ابتسام..يخليك ليا تعالي انخشوو
