#جبرني_الوقت⏳
#الحلقه_الثالثه_واربعون
بقلمي✍ #نورهان
حُب الأهل وتواجدهم أعظَم
نعمّة لا غيّبَ الله عنّا وجودهم🌸
●●●●
هناء...تمسح في دموعها نعم
ادم...الادب اللي نزل عليك فجأه
هناء....ادم
ادم...ادم هكي شن فيييه كنه صوتك كنتي تبكي صاح
هناء...خلينا نوقفو كلشي
ادم..كيف كيف
هناء...خذينا قرار الزواج بسرعه خلينا انأجلوه تمام اقل شي ست سبع اشهور اخري الو تسمع فيا نزلت التلفون صكر اووووف حطت التلفون جنبها ايديها علي راسها ياربي شن الصداع هذا تشوف لتلفون عادي اهم شي يأجله
فاطمه...قالت مانبيش صاح
امينه...لاعادي بس زعلانه عشان تبي اتسيبنا وهكي
فاطمه...سنه الحياه العقبال مانفرح بيك حتي انتي
امينه...خذيت دواك باتي
عمران...اها نلقاني نعسان نمشي نرقد
فاطمه...حتي انا اليوم وعيت بدري
امينه...تصبحو علي خير
عمران &فاطمه...صبو وانتي بخير
فاطمه...اكدي علي الغاز صكري التأمينه
امينه...حاضر رفعت السفره للكوجينه نمشي نشوف هنو امنت الغاز وخشت ل هناء لدار
هناء...شفتلها اعيونها حمر
امينه...شن فيه
هناء...هزت براسها شي
امينه...اعيونك حمر بكل
هناء...خليهن
امينه...اليوم يوم عالمي ضحكنا كله عدا ابكاء خلاص فكيها
هناء...خطرها بيسو كلمتك
امينه...لا مانقدرش نحكي معاها توا مرات مجدي يعلق لسبيكر ولاحاجه
هناء...تمسح في ادموعها لاصاح
امينه...حكيتي مع دومي
هناء...اها شافت لتلفونها اهو يرن خذت نفس فتحت الو
ادم...افتحي الباب
هناء...باب شن
ادم...حوشكممممممم كم باب عندكم
هناء..عنديش نيه نحكي
ادم...راني ننزل نكسر الباب افتحي
هناء...هيا باهي
امينه...برا
هناء...اممم باتي وينه
امينه...خشو رقدو عدي توا نفضيلك الجو اهم شي اصواتكم م يعلو انتي عارفه باتي ابسط حاجه يوعى لو وعت امي ماعليك فيها نلهيها
هناء...فكت شعرها وردت لفاته نزلت جاكه التوته
امينه...يرن
هناء...خذت التلفون الو
ادم...ننزل انكسر امه
هناء...جيتك هيا صكرت
امينه...كيف ماقتلك
هناء...قلبي يبي يطلع من مكانه تنهدت ياربي طلعت تشوف لدار باتها وامها وطول للباب لبست سباط فتحت الباب بشويش نزلت مالدروج مشت فتحت الباب الحوش بشويش
ادم...دفه
هناء...طبست وخرت فكرتك مازالت في السياره
ادم...شن الكلام اللي تقولي فيه اه
هناء...شفتله كيف ماسمعت
ادم...ليش شن صار
هناء...شفتله تبكي انت معش تحبني صاح
ادم...من قالها
هناء...تصرفاتك هنا اللي يقولن
ادم...كنهن تصرفاتي
هناء...معش تحبنيييي قول
ادم...نموت فيك ياارنوبه شن تحكي انتي ههه مجرد م قلتي انأجلو صكرت وجيتك تي انا نرجا في اليوم والدقيقه والثانيه تكوني معايا تقولي انأجلوه
هناء...دومي نحكي جديات
ادم...فرحتنا مش حتأجل والفرح يطلع في يومه حاجه وحده اتأجله
هناء...زي شنو
ادم...ايسير فيا كيف ايهم ونموت
هناء...دفاته تحرك من مكانك
ادم...رد حضنها معناها صكفمك اوكي ارنوبتي
هناء...زادت حضناته ربي يعطيك من عمري تبكي ليش تقول هكي ليش
ادم...معناها ليش تحكي هكي انننن انأجلو خبطها علي راسها تفائلي خير
هناء...امس حكيت معايا بطريقه مش متعوده عليك تحكي معايا بيها كأنك مليت مني
ادم...امس كنت داير عركه
هناء...بعدت مع من
ادم...واحد تافه اسف حبي جت فيك انتي
هناء...بس انت كلمتني
ادم...هيا جيتي انتي قدامي كلمتك لقيتك امريقله فصلت عليك
هناء...تشوف فيه مسكت ايديه فيك شي
ادم...مافيا شي ارنوبتي
هناء...شن سبب المشكله
ادم...خلاص فوتي
هناء...قولي علي شن
ادم...نونا
هناء...يدها علي وجه وريني
ادم...انا مافيا شي
هناء...واللي درت معاه عركه
ادم...خذا نصيبه
هناء...ردت حضناته انا مالياش ذنب عشان تزعلني كنت نبي نوقف كلشي قلت انت مليت مني
ادم...معش اتفكري تفكير كيف وجهك
هناء...كنه وجهي
ادم...شين وانتي باكيه
هناء...بعدت تحبني
ادم...انحبك
هناء...لعند امتي
ادم...لعند مانصكر اعيوني للأبد
هناء....مسكت يده عضاته انت كنك معايا عليش تحكي هكي
ادم....يشوف ليده اجمل ساعه في حياتي
هناء..تشوفله
ادم...كنك
هناء...هزت براسها لا
ادم...يقرب منها
هناء...تبعد لعند مالصقت في الساس ابتسمت
ادم...تحكي الكلام هذا مره اخري
هناء...لوحسيت بنفس الشعور نحكيه الف مرهه
ادم...قرب منها كذا قوليها اخري
هناء...خطرها ليش ماقتلي علي الفرح في حوش حني
ادم...يشوف ل فمها اه
هناء...فرحنا في حوش حني ليش ماقلتها ليا بعددد
ادم...يقرب في فمه لفمها
هناء...صكرت اعيونها دومي لا نبيها بالحلال
ادم...شفلها وانتي حلالي شن الهبال
هناء...بس نبيهاش توا
ادم...نزل باسها في رقبتها
هناء...فتحت اعيونها انت قليل الأدب
ادم...معاك بس
هناء...دفاته حطت يدها علي رقبتها مش هكي
ادم... هذي تصبرني ليوم الفرح ارنوبتي واجد امتي يمشن الأيام
هناء...اطلع دومي
ادم..ههه مروح حتي انا عنجد شتشوتك
هناء...هذا كله واقع حتشوفه تعود علي شكلي هكي
ادم...هههه انحبك
هناء...تخيل تحبنيش
ادم...قرب نوريك حبي
هناء...بعدت لا نكذب هههه نموت فيك
ادم...بكره جايين لحوش حني
هناء...لابكره طالعه لسوق
ادم...مع من
هناء...باتي
ادم...تمام تبي شي
هناء...سلامتك
ادم...فتح الباب خشي جوا توا نصكره
هناء...تمام شيرتله وخشت
ادم...ابتسمت طلع وصكر الباب ركب في سيارته طول لحوشهم
هناء...خشت لدار الأبتسامه مش فارقتها
امينه...تقرا في اكتاب شفتلها ديما نشوفك مبسوطه
هناء...نجك لي
امينه...مش قتلك يحبك
هناء...ربي مايحرمني منك
امينه...ولامنكم
هناء...فيش تقري
امينه...كتاب ادمنتك
هناء...مازالتي ماكملتيه
امينه...كل يوم نقرا اشوي
هناء...اها نكلمو بيسو
امينه...ليل توا
هناء...ماترقدش نبي نرن عليها والله بالي عندها
امينه...رني مره وحده
هناء...حطت علي رقمها ورنت
مجدي...جنب ابتسام في السرير يشوفلها وهيا معطيته بظهرها ومتغطيه بالورغان شاف لتلفون ابتسام ياروح تلفونك
ابتسام...فتحت اعيونها
مجدي...هناء
ابتسام..حولت الورغان تقعدت حولت شعرها من وجها وينه
مجدي...مدلها التلفون
ابتسام...خذاته فتحت الخط الو
هناء...راقده
ابتسام...اها
هناء...مجدي يلاك
ابتسام...اها
هناء...جوك تمام
ابتسام...اها
هناء...بالي عندك
ابتسام...تشوف لفوق اها
هناء...شن دارلك
ابتسام...تمام
هناء...ماتفكري في شي
ابتسام...انشالله
هناء...تصبحي علي خير
ابتسام....عزقت التلفون علي طرف السرير
مجدي...يشوف لتلفون مازالت فاتحه
ابتسام...توا تصكر حطت راسها علي المخده غطت وجها بالورغان
مجدي...ياروح احكيلي
ابتسام...راسي يبي ينفجر نبي نرقد
مجدي...يشوفلها يده علي خده شن ساير معاها كنها تغيرت فجأه حول الورغان خذا تلفونه ودخان وطلع من الدار للمربوعه فتح الروشن يدخن فتح النت شاف احمد نشط
مجدي...احميده
احمد...كان يصفح شاف رساله رد عليها هلا بوجود
مجدي...واعي
احمد...اها شن فيه
مجدي...في الشقه
احمد...اها
مجدي...ابتسام
احمد...كنها
مجدي...بدا يدز ل اجمد شن صار معاه
احمد...كلم وحده من خواتها تقول شن ساير في المزرعه
مجدي...كلمت اختها قالت مافي شي
احمد...اسألها
مجدي...من اول ماجينا وانا نسأل ترد كلمه وحده بس بعدها تسكت دزيت عشاء دليفري ماكلتش كلمتها اختها توا حكت كلمتين وصكرت احمد
احمد...انعم
مجدي...ابتسام كرهتني
احمد...هههههه
مجدي..صاح
احمد...بلا اهبال اكيد ساير معاها موقف اسأل رزان
مجدي...ليل توا حتي لوسايره حاجه مستحيل تحكي حتي رزان
احمد...خليها بس توا تحكي بروحها
ابتسام...حولت لورغان شافت وراها عرفت مجدي طلع عدلت قعدتها كل ماتبي تنسي تجي قدامها يوسف وهوا حضنها تصكر اعيونها ياربي لا هوا خرب حياتي وخلا راجلي يشك فيا بس ليش مايبيش يطلع من دماغي تخبط علي راسها اطلع اطلع ااااه شن قاعد اندير انا حولت لورغان نمشي نأخذ مُسكن نلهي روحي ضروري ماتطلع من حياتي يايوسف صبت طلعت من الدار خشت لحمام اغسلت وجها طلعت ادور بعيونها علي مجدي كيف طلع من الشقه اجودي اجودي
مجدي...اهي وعت تصبح علي خير
احمد...ماتكثرش عليها بس
مجدي...انشالله خير علي خير
احمد...علي خير
مجدي...صكر الروشن في المربوعه
ابتسام...سمعت صوت الروشن مشت للمربوعه حبيبي
مجدي...جاها روحه
ابتسام...قربت حضناته
مجدي...ياروحي
ابتسام...جعانه بنتك
مجدي...هيا لكوجينه اكيد حتجوعي حتي انتي بعد قتلك تعالي تعشي قلتي لا
ابتسام...شفتله توا جعانه وانت اللي توكلني عشان نشبع
مجدي...كان ماوكلت روحي من نوكل
ابتسام...روحك
مجدي...هههه نجك لي مسك يدها هيا تعالي
ابتسام...تمشي وتشوفله
مجدي...يشوفلها كنك
ابتسام...زعلتك بكلامي
مجدي...يعني
ابتسام...سامحني باه
مجدي...لالا
ابتسام...خفت نخسرك مره اخري
مجدي...مافيش حاجه تقدر تخسرني لك مره اخري لوشن صار مستحيل نبعد عنك
ابتسام...معناها قول مسامحك بيسو
مجدي...شرط واحد كر كرسي
ابتسام...قعمزت اللي هوا
مجدي...تاكلي كل اللي نحطه قدامك
ابتسام....علي حسب بنتك مرات تشبع
مجدي...وام بنتي
ابتسام...نحاول انا كاشهيه عنديش لكن بطني تزوي
مجدي...شن
ابتسام...اتزوي هههههه
مجدي...هههههه نجككك لي طلع الحاجات من الثلاجه بدا يسخن في الميكرويف
ابتسام...اتشوفله تعشيتش صاح
مجدي....ماجتنيش نيه معش عرفتك كنك قعدت حايس انتي ماحكيتي شي وتقولي في كلام كأنك ك
ابتسام...قطعاته خلاص انسي
مجدي...بشوفتك توا هكي معش نبي نسأل اصلا
ابتسام....انحبك
مجدي...طفي الميكرويف يحط علي الطوله كان صاح اتحبيني تاكلي
ابتسام...مسكت يده انحبك انا في لحظه تخيلت انك تسيبني مره اخري لوتعرف الشعور اللي حسيت بيه اخييييي حبيبي
مجدي...شن صار معاك عشان تغيرتي هكي قعمز جنبها
ابتسام...مستحيل تعرف اللي حسيت بيه المهم احساس شين خلاص هيا بنتك اتخبط ابتسمت
مجدي...هز براسه معناها ساير معاك حاجه
ابتسام...ماصار شي هيا وكلني حبيبي
مجدي...بدا يوكل فيها ويشوفلها
ابتسام...حنشرق هكي
مجدي...ابتسم
ابتسام....حاولت تغير الجو بقدر المستطاع وتنسي اللي عشاته في اليومين اللي فاتو حبيبي شن ناخذ ل هنو
مجدي...قولي شن تبي وحاضر
ابتسام....محتاره شن ناخذ البنات يوم قعدتنا في ليل كل وحده خذت حاجه
مجدي...شوفي شن ناقصها وتكون عندها
ابتسام...شفتله اعرفت مازال مش مقتنع ياربي اممم الكبده سمحه
مجدي...صحه يوكل فيها
ابتسام...ماسكه يده وتبتسم اكيد زونه جت
مجدي...ماتقوليش تبي تنزليلها عااااد
ابتسام...هههههه لالا
مجدي...واللهي ههههه
ابتسام...تغار
مجدي...بديت اها
ابتسام...مكانك هنا انت تشير علي مكان قلبها اه شوف رفعت يده شوف كيف ينبض بعد تكون قريب مني مش مسميتك القلب علي الفاضي
مجدي...نموت فيك ياروح مجدي
#نورهان✍
يوم جديد تحديدا 4:36 عصر
امينه...هيا هنو
هناء...تلبس في الخيمار باتي جا
امينه...اها
هناء...خذت شنطتهاوطلعت
امينه...فتحت الباب
ادم...رفع يده
هناء...شافت ل امينه
امينه...حيوصلنا راجلك لسوق
هناء...لامني
امينه....قالها ل باتي
هناء...عارفه باتي يقوله باهي بس هوا متاع مشاكل
امينه...انتي لابسه خيمار
هناء...مني
ادم...بيب هيا
هناء....مني
امينه...ههههه هيا طلعت صكرت الباب جت ركبت من لورا
هناء...جت فتحت الباب من لورا
ادم...يشوفلها مال فتح الباب اللي جنبه لقدام يامدام
هناء...لالا
امينه...اركبي راجلك دومي
هناء...صكرت الباب جت ركبت من لقدام مش هكي ادددددددم
ادم...لاهكي هناااااااااء
امينه...تبتسم اعتبروني مش موجوده
ادم...شفلها من لمرايه ابتسم
هناء...شفتلها مني مش ع اساس باتي هوا اللي يبي يوصلنا
ادم...مش عاجبك انا ولاكيف
هناء...مش عاجبني اها اقل شي ايمن يوصلنا
ادم...مراتي ماتمشي مع حد
هناء...عمي عمي
ادم...حتي كان عمي عمران حكيت معاه قالي باهي ماتكلمش عليش خايفه
هناء...من المشاااااكل
ادم...مش حيصيرن مشاكل في حاجه اخري
هناء...يقعد انجاز كان ماصارن مشاكل
امينه...دومي المشاكل هن اللي يجن لعنده ولا
ادم...ايوااا
هناء...تشوف لطريق واضح
ادم...بحتي قدامك بدينا في المشاكل
هناء...طبست
ادم...شاطره
امينه...تشوفلهم تبتسم
ادم...علي المسجل
هناء...شفتله
ادم...غمزلها بصوت واطي اسمعي
((يا حبيبي من حبي فيك لا هتكلم ولا أغنيلك
من اليوم ده هأحبك حب جديد يخليني حبيبي أدعيلك
يا حبيبي من حبي فيك لا هتكلم ولا أغنيلك
من اليوم ده هأحبك حب جديد يخليني حبيبي أدعيلك
الله يباركلي فيك يا أغلى من عينيا ... الله يخليني ليك و اجيبلك الدنيا ديا
الله الله حبيبي الله الله يحميك حبيبي يا عمري يا غالي ويخليك ليا
الله يباركلي فيك يا أغلى من عينيا ... الله يخليني ليك و اجيبلك الدنيا ديا
الله الله حبيبي الله الله يحميك حبيبي يا عمري يا غالي ويخليك ليا
انا اهو قدامك وبين اديك ... انا كلي علشانك وملك ليك
هناء...تشوفله
ادم...يدربك علي الدومان يشوفلها يبتسم
انا اهو قدامك وبين اديك ... انا كلي علشانك وملك ليك
سألت قلبي بيحبك قد إيه
وقاللي قلبي ده حب جديد عليه
سألت قلبي بيحبك قد إيه ؟
وقاللي قلبي ده حب جديد عليه
الله يباركلي فيك يا أغلى من عينيا ... الله يخليني ليك و اجيبلك الدنيا ديا
الله الله حبيبي الله الله يحميك حبيبي يا عمري يا غالي ويخليك ليا
الله يباركلي فيك ... الله يخليني ليك و اجيبلك الدنيا ديا
الله الله حبيبي الله الله يحميك ويخليك لياااا
امينه...تشوف لطريق منسجمه مع الأغنيه
هناء...مسكت يده ربي مايحرمني منك
ادم...ولامنك بدون صوت ارنوبتي
هناء...ههههه
امينه...علقت السماعات وفتحت اغاني راحت في عالم اخر
ادم...شن المحلات
هناء.. مني شفتلها لاهذي راحت في عالم اخر عالقه سماعات
ادم...يعدل في النظرات
هناء...زيداتك سماحه
ادم...شن
هناء...النظرات
ادم...وقف السياره يقولن فيها ليا
هناء...من
ادم..البنات اللي يعاكسن فيا
هناء...مسكت يده حبيبي
ادم...فك يده هههههه تبي تعضي قاعده كيف السنجاب
هناء...احكي من
ادم...نكذب نكذب هيا
هناء...شيرت ل امينه هيا
امينه...فكت السماعات ونزلت
انزلو للمحلات ادم جنب هناء يمشي خليك اقريبه مني
هناء...لانبي انطير بعد تلصق فيا ليش
ادم...اسكتي خير ماندير مشكله
امينه...ههههه تعالو هنا
#نورهان✍
ابتسام..تمشي في الصاله
مجدي...مقعمز في الصاله يدخن يشوفلها
ابتسام...ااااه اجودي نبيش انجيب توا
مجدي...نمشو للعياده
ابتسام...لابس ثقيله نحس فيها نازله
مجدي...باهي قعمزي
ابتسام...نبي نحضر فرح هناء انا تبرم
مجدي...انشالله حتحضريه غير تريحي بس
ابتسام...تخيل انجيب توا ييييه
مجدي...فيه ليه
ابتسام...لا بس كان قعدت علي جنبي اتجي كان صبيت نحس في حاجه تبي تنزل مشعارفه ليش
مجدي...صبى مسك يدها تعالي قعمزي انتي وعيتي في صبح شن درتي
ابتسام...قعمزت
مجدي...جاب مخده حطها وراها شن شايله
ابتسام...مادرتش شي غسلت الدبش لمعت الرواشن درت حمله علي كوجينه وعلي الحمام بعدها خشيت ادوشت عادي يعني
مجدي...لامش عادي انتي بذلتي جهد خلي كل حاجه في مكانها اهم شي اتريحي
ابتسام...نقدرش حبيبي نضايق كان قعمزت ضروري مانشتغل
مجدي...تقوليلي بطني نازله مش منها ياروح مشعارف ليش اديري هكي
ابتسام...ارفعت راسها فوق ايديها علي بطنها
مجدي...هيا باهي تمشي تشوفك الدكتوره
ابتسام...لالا انتحمل
الباب..طقطقطق طقطقق طقطقطق
مجدي...اكيد رزان هذي
ابتسام...اكيد ههههه
مجدي...نزل باس بطنها نشوف ونجيك
ابتسام...نجك لي
مجدي...فتح الباب
رزان...مرقدين لااكيد بيسو واعيه لالااكيد واعيه
مجدي...يشوفلها هههه
رزان...مش حنعتذر لاني مرايفه علي بيسو نمنع في روحي من بدري علي الرقيه
وسام...رقي من الدروج
رزان...اهو خوك خشت بيسو
ابتسام...تضحك يعطيك الخير يازونه
رزان...ينعلي كنك تبي اتجيبي ووووه عليا مسكتني ليه بعد شفتك
ابتسام...هههههه
وسام...والله حاولت نمسكها مابتش عارف مش وقتها
مجدي...هههه خش عادي
وسام...لاطالع ماشي ل حوشنا
مجدي...راجي نشوف هلي ونطلع معاك
وسام...نرجا فيك
مجدي..رد لصاله بيسو طالع مع وسام
ابتسام...وين حبيبي
مجدي...لحوش هلي
ابتسام...باهي ياقلبي بس خلي تلفونك جنبك مرات انكلمك
مجدي...تمام عينك منها رزان
رزان...حاضر
مجدي...خذا المفاتيح والدخان تلفوني وين
ابتسام...شافت جنبها اهوا مداته له
مجدي...خذاه هيا باي
ابتسام و رزان...باي
مجدي...طلع وصكر الباب وراه ونزل ل وسام ركب في السياره وطول لحوش خليفه
ابتسام....صبي جيبي مكسرات فواكه
رزان...تبي انتي
ابتسام...لاعليك
رزان...ولا انا عندي نيه صبت راجي خشت للمربوعه وشافت الباب حولت وشاحه احكيلي
ابتسام...كنك صبيتي
رزان...انتأكد انا راجلك مش قاعد احكيلي
ابتسام..علي شن
رزان...يوسف وشن صار
ابتسام....حكتلكن هناء
رزان...اها البنت جت وجها ليمونه احكي
ابتسام...بدت تحكي من اول ماطلعت من حوش ابراهيم لعند ماشافت يوسف بس في حاجه منعتها تحكي بعد حضنها
رزان...الحقير رعشك
ابتسام...خفت اجودي يشوفه بذات انا وياه في حوش واحد وزيدها زايد الباب مصكر ربي مايحط حد غيري بموقف كيف هذا سرتلي هستيريه
جميع الأفكار السوده جن قدامي حاولت مانبين ل اجودي بس تصرفاتي لخبطنه حتي لما نبي نحكي معاه يازونه لساني كأنه مربوط ماقدرتش انسيطر علي روحي في حاجه جوا فيا تخبط علي صدرها مش قادره نطلعها كأني دايره جريمه لأني خذيت اجودي كأني ظالمته يوسف كأني كنت موعدته يوسف اني نكون له وفي نهايه خذيت غيره لوتقوليلي هوا جرحك وكذب عليك وفرق بينك وين راجلك نقولك الشعور اللي امس حسيته حذف كلشي عشته كأنه دماغي محايه انا مانبيش حاجه الا ربي يلهيه في غيري ويعوضه ربي بخير مني انا ضميري يأنب فيا زونه
رزان....يدها علي خدها تشوفلها هزت براسها ليش
ابتسام....علي حاله يوسف
رزان...ربي كاتب هكي تكوني مش له اي شي عشيته في حياتك وفات عمرك ماتندمي عليه شوفي انا علاقه عمر في النهايه شن دار شن خسر شوفي ربي بشنو عوضني الحياه حلوه والدنيا ماشيه هكي ضروري مانعيشوها بحلوها وبمرها واللي فات مات يوسف ربي كاتبله هكي وانشالله يلقي وحده تسعده وينساك
ابتسام...انشالله
رزان...اللي عشته انا ماعشاته وحده فيكن اقل شي انتي فتحتي اعيونك علي العلاقات لقيتي مجدي قدامك ارتبطتي بيه وبنهايه تما لكي شن تقولي عليا انا اللي قبل بدلت عقلي وكرهت حاجه اسمها جنس ادم عمري ماتخيلت اني نتجاوز مرحله سعد بالسهوله هذي عارفه من اللي تعيش في شعوري توا
ابتسام....بكل انتي قعدتي من بعده نمبر وان في العلاقات ههههه بس من اللي تعيش في شعورك
رزان...زينه
ابتسام....كيف صار
رزان...مازال يكذب عليها وهيا تصدق فيه الغبيه حتي بعد حكيتلها علي اللي عشته صدتني
ابتسام....كيف مايقولو الحب غلاب ربي يسعدها تستاهل كل خير
رزان...هههههه علي فكره كلهن بالهن عندك
ابتسام...امس كلمتني هنو في وقت كنت فيه في حرب بيني وبين نفسي
رزان...تنهدت كله حيقعد ذكره خطرهااااا
ابتسام...انشالله شن
رزان...مجدي يوم اللي كلمك وانا نسمع معاك في المكالمه ونحنا في الحاجر بيسووو
ابتسام...اعيونها فوق باهي
رزان...قالك الموضوع اللي حكينا فيه قالك اخري حاولي تقنعيها وكلام هك خبطتها ياكلبه عمرنا مادسينا علي بعضنا شي ماقدرتش نسألك قدام البنات
ابتسام...ههههه نجك لي كان غير صبرتي حجيتي احمد يبي امينه
رزان.. صبت ايديها علي فمها لالا
ابتسام....مسكت يدها قعمزي
رزان...قعمزت تحكي جديات ولاتبصري معايا تضحك الله الله يابيسو
ابتسام...عليش
رزان...نكونو في نفس العماره
ابتسام...بس امينه مازالت ماقالت باهي
رزان...احكيلي احكيلي بتفصييييل الممل احمد جا حكالكم ولا كيف
ابتسام...اجودي حكالي اول امس يوم جيتنا للمزرعه في الصبح قالي احمد اها هوا اللي حكاله بس يقول ل امينه انا عمتي هيا اللي تبي اتجي تطلب عشان خايف تكسفه وهكي
رزان..يعني يوم اللي نزلنا للمزرعه وخليتي امينه معاك كنتي تحكيلها
ابتسام...امممم
رزان...تلفونها يرن
ابتسام...ردي
رزان....فوتيه كملي باهي توا نعاود عليها
ابتسام....من
رزان....روان
ابتسام...ردي اكيد مشغولات
رزان... فتحت الووو
روان...خيررر ياكلبه كنك م تردي
رزان...كنا في جو رومانسي مش وقتك
روان...خزييي سخيفه انا اصلا نبيكش نبي بيسو نطمن عليها تلفونها مقفل
رزان...هههه نبصر قاعده عندها
روان...صاح
رزان...اممم
روان...باهي عطيها لي
رزان...عينك فتحت السبيكر احكي
روان...الو
ابتسام...خير رونه نسمع فيك
روان...شن دايره
ابتسام...الحمدلله
روان...اكيد قالبه راسك رزان عارفتها
رزان...مش شورك انتي
روان...حركاتك فاتحه السبيكر
رزان...ماتندس عليا شي
روان...هههههه نبي نطمن علي بيسو
رزان...كيف الجن مافيها شي
ابتسام...اكويسه الحمدلله
رزان...فيش اديري اصوات العصافير وضحات قاعده بره
روان...اها دايره دوش طلعت بره نشرب في اقهيوه
رزان....زينه وينها
روان...تشلط جوا
ابتسام....الله اكيد عليك جو
روان...ناقصكن
رزان...شن جوها زينه
روان...اكويسه فيش اديرين
رزان...نهدرزو
روان...من امتي عند بيسو
رزان...ماليا شي جايه
روان...باهي اللي مابتي عندها
رزان....ههههه ماخلانيش توم كروز
ابتسام...هههههه
روان...ههههههه
رزان...حني عندكم
روان...لانكمل اقهيوتي وماشيه نجيبها من حوشها
ابتسام....من امتي غادي
روان...مشت في الصبح قالت عندي دبش انطلعه بعدين انجي
رزان...اروي قاعده
روان...لاوالله عدت بعدك خطرهااا هههههههه عندي لكن خبر
رزان...هههههه شن
ابتسام...انشالله يكون سمح
روان...سمح سمح ياسخيفه يارزان جيتي بين اعيوني
رزان...هههههه شن صار
روان...جايك ولد عم في الطريق
رزان...حمزه جاي
روان....ههههههه لاخوه
رزان...قعدين مؤيد ويو لاااااااا دلو حامل
روان...هههههه اها
رزان....ماشالله علي عمي يهني
ابتسام....هههههههه انشالله اتجيب ابنيه
روان...انشالله
رزان....ههههههه كنت حاسه من عند البصمات
ابتسام....مسكت يد رزان بطني
رزان....ههههههه خلاص خلاص
روان...خلاص باهي الجو تمام بيسو
ابتسام....تمام تمام طمني البنات وانا تلفوني اكيد شحن ماشفتاش توا نصبي نشوفه
روان...اهم شي اطمنت عليك تمام انا نبي نصكر ونمشي ل حني انجيبها
رزان...تمام هيا باي
روان...باي صكرت حطت التلفون في جيبها مشت لحوش حني صالحه
حني صالحه.. تصكر في الروشن جيتي كنت نبي نجي
روان...جيتك هيا
حني صالحه...نصكر الرواشن
روان...توا نصكرهن خشت يدت تصكر في الرواشن
حتي صالحه.. بدر قاعد
روان...لالامشى ل البيضاء
حني صالحه...مافيش برانيه
روان...لاامي وصاته علي حاجات نقصات
حني صالحه...اها باهي
روان...صكرت الرواشن هيا
حني صالحه...جيبي المفتاح الله يربحك
روان...هيا مشت جابت المفتاح نطلعو
حني صالحه...هيا ياحني
روان...مسكت يدها تمشي لعند الباب صكرت الباب هاكي المفتاح
حني صالحه...خليه معاك انا مافي شي عقل
روان...غير تسلمي ياحني
يمشن ويهدرزن وصلت لنص الطريق جت نفس السياره اللي خذت الميه
روان...ينعلي ياحني مش لبسه وشاح
حني صالحه...مدتلها جردها تغطي بيه
روان...لفاته علي راسها
حني صالحه...وقفت
روان...كنك وقفتي هيا قريب نوصلو
حني صالحه...نسلمو علي العزوز اللي جتنا
روان....بعدت الجرد تشوف
حني صالحه...تسلم
العزوز...اشحالك يابنيتي
روان...مدت يدها سلمت عليها
حني صالحه...تفضلي تفضلي
روان...ماسكه في يد حني صالحه وتمشي
العزوز...يزيد فضلك ياحاجه صالحه
روان...وقفت تشوف لعزوز والشاب اللي في سياره هوا هوا نفسه
حني صالحه...والله ماعرفتك اسمحيلي النظر بالهون
العزوز...انا شقيقه سالمين مراة خالك عبدالكريم ماذكرتيني مناجي
حني صالحه...خذتها بالأحضان ياربي مرحبه والله يييييه علي العقل تفضلي
روان...خرف عرفن
حني صالحه...عدي ياروينه افتحي الحوش
مناجي...والله ماعلي مقعد نحنا لنا ثلاث ايام زردين هنا قريب منكم وابناخيي جاء خذا منكم اميه دزيناه قال والله مانمشي اخري خذيت منهم قتله هذي صالحه نمشيلها بروحي
حني صالحه...ياربي مرحبه ونستي هيا جوا
روان...ابتسمت تفضلي لحوشنا
مناجي....والله مستعجله
حني صالحه...عصير
مناجي...والله ماعلي مقعد يرجو فينا
روان...تبو لبن
حني صالحه...اها لبن وسمن وخيرات الله راجي
مناجي...لالالا والله ماتجيبي حاجه انا مستعجله نبي غير اميه من الفريز
روان...حاضر
حني صالحه...ارجي نمشي معاك
مناجي..ردت لسياره
روان...حني من هذي
حني صالحه...تقعد اخت سالمين مراه خالي عبد الكريم
روان...اها
حني صالحه...عدي لسانيه جيبي تفاح شاهي ونعناع بردقوش
روان...عليش هذا كله ياحني هما يبو اميه بس
حني صالحه...عيب لي وين ماشفتها
روان...باهي انا نمشي ل سانيه ونجي
حني صالحه...خشت للحوش طلعت اميه من الفريز لبن سمن حليب
روان...اتقطع في الحاجات اللي وصتهن عليهن حني صالحه وردت لقت حنها موتيه حاجات
حني صالحه...كملتي
روان...كملت ياحني
حني صالحه.. الله يربحك حطيهن
روان...انديرها بااقه
حني صالحه...ديري اي حاجه وخلاص
روان...لفتهن نظام باقه
وطلعن لاثنين محملات في ايديهن
مناجي من السياره انزل شيل منهن
الشاب...نزل التلفون ياحني عششتي
مناجي...انزل عيب
انزلو لاثنين من السياره
حني صالحه...مش جيه هذي يامناجي
مناجي...الجيات اكثر مستعجله عليش اتعبي في روحك
حني صالحه...غير هذين اللي قدامي الجيه الجايه انشالله نقعد ديره احسابك
مناجي...خوذ من البنيه ماشالله بناخيتك
الشاب...شاف لحنه هاتي
روان....تفضل
الشاب...شفلها ابتسم حط في يدها ورقه خذا منها الحاجات بوركتي
روان...سارحه فيه صكرت علي يدها
الشاب...شافلها علي جنب وفيك بارك الله
روان..اه
الشاب...ضحك علي جنب وطول لسياره
حني صالحه..هذي روان بنت بدر
مناجي...ماشالله ماشالله
حني صالحه...سلمك
مناجي...وهذا ابناخيي ولد خيرالله مُراد
روان...طبست غطت راسها
حني صالحه...ربي يسلمه
مناجي...سلمك لنا جيه انشالله
حني صالحه...في اي وقت مرحبه بيكم
مناجي...انا طولت توا ينشغلو معسلامه
حني صالحه....طريقكم بيضاء
مناجي...سلمت علي حني صالحه وعدت لسياره ركبت وهيا تشير
روان...تشوف ل مُراد بدون ماتكسر عينها
حني صالحه...هيا يايام كي اللي عجباتك القعده
روان...ياحني عندكم اقربائكم كيكات هكي مصكره علي يدها
حني صالحه...مناجي اعيالها وحفادها ماشالله هذا ولد ولدها
روان...ماسكه في يد حني وتمشي مصكره علي يدها تشوف لطريق والسياره تمشي
خشن للحوش روان طول لدار تبي تعرف شن اللي في الورقه
عايشه...هذي وين خشت
حني صالحه...من
عايشه...روان
حني صالحه...بلكي تغير
عايشه...يمكن شن دايره ياعمتي
حتي صالحه...الحمدلله
روان...تشوف في يدها فتحتها وتشوف في الورقه
زينه...شن اللي في يدك
روان...مش وقتك
زينه...حطت التلفون جنبها صبت شن هذا
روان...صكرت يدها ولاشي
زينه....شفتها ورقه
روان...نحكيلك لكن خلي الموضوع بينا
زينه ..خبطتها تي احكي
روان...يوم الجمعه مش جت سياره تبي اميه........................
زينه...ههههههه حب من اول شيشه لبن ههههههههه
روان...خلاص فوتي
زينه...والله مانشفط باهي وشن جاب الورقه في يدك
روان...توا وانا طالعه انجيب في حني .............
زينه....الله افتحي الورقه شكله جدي واخري طلعت حني تعرفهم
روان...اها
زينه...فتحت يدها وشافت للورقه بدت تفتح فيها
روان...رقم كاتب مُراد
زينه...اسمه مُراد
روان...اها حنه قالت مُراد سمعت شن اندير
زينه...ماترنيش اليوم وكان حكا معاك يبي علاقه قوليله حوش باتي عرفته انا مش متاعت علاقات خليك جديه من البدايه ماديري كيفي علاقه كم سنه مازالت نرجا فيه
روان...فتحت الدرج حطت الورقه توا مش وقته
زينه...رني بكره
روان...خلاص اما توا لا
زينه..امي تعيطلك
روان...نعم جيتك هيا صكرت الدرج وطلعت
زينه...شافت لتلفونها وطلعت وراها
#نورهان✍
فات الوقت جت ساعه 11:30ليل
هناء...تشوف في الدبش اللي حايس قدامها
امينه...ماشالله قطعنا مشوار اكويس
هناء...عادي تطلعي انتي انا كرعيه تورمن
امينه...لاكملي بيها
هناء...ادم لصق فيا بكل مش هكي اسمعي تفتحي فمك نخربه انا نسأل ونحكي
امينه...ههههههه
هناء...والله حتي بعد كحيت قدام الراجل قالي صكفمك
امينه....هههههههه
هناء...عليش تضحكي هذا حتي النفس قريب يقولي لامعش اتنفسي
امينه...هههههه نجك لي يغار
هناء...مش هكي يامني
امينه...حتاخذي عليه
هناء...اهو يرن
امينه...نطلع
هناء....خليك
امينه...لانمشي نشوف امي طلعت
هناء...فتحت المكالمه واتس
ادم...ريت وجها
هناء...ههههه والله تعبانه بكل
ادم...كان هكي قوليلي وانا انجيبلك حاجتك كلها
هناء...لالا
ادم..لالا فيش اديري
هناء...عكست الكاميره علي الدار
ادم...اتنظمي
هناء...ردت الكاميره علي وجها اها
ادم...هاجر كانت تحكي معايا
هناء...كنها
ادم...قالت خليها اتجي وتطلع من هنا لسوق
هناء...والله حبيبي تاعبه قلت ل مني تمشي تكمل باقي الدبش هيا
ادم...كنك يابيبي
هناء...مليت
ادم...كذابه
هناء...كان نقعد نمشي مع ايمن عادي مش حنمل
ادم...تحكي جديات
هناء...زعلت حبيبي
ادم...لاعادي
هناء...لازعلت
ادم...نبي اندير اي شي عشانك وانتي تقولي مليتي لاواخري مش حتملي كان مشيتي مع ايمن
هناء...حبيبي قصدي انت
ادم...فهمت نونا
هناء...يوووه علينا افهم بس والله اليوم كملتها علي اعصابي خفت ادير مشكله
ادم...نغاااااار
هناء...ماقلت شي حبيبي بس هكي نبيش نسببلك
ادم...نسببلك وااااااو انا افداك ياارنوبه
هناء...انحبك
ادم...صدقتك ياارنوبه
هناء...اددددددم
ادم...صدقتك خلاص
هناء...باهي بكره تمشي معاك امينه قالت بكره نكملو مواد الكهربائيه
ادم...ماتكثريش نونا بعد تقعدي عندي تمشي اتجيبي اللي ناقصتك
هناء...لاحبيبي نبيش شي ينقصني
ادم...بكره انجي بدري علي الظهر وتطلعي تكملي ادبشك بروحك
هناء...بي
ادم...قلت كلمه
هناء...باهي تمام
ادم...لاني مواعد وحدين علي الخمسه
هناء..من
ادم...غمزلها يركبو الدار النوم
هناء...اها اعكست الكاميره شن رايك في لون هذا ماسكه ضحكتها
ادم...هههههه ردي الكاميره
هناء...ردت الكاميره شن رايك
ادم...فكيني من العباطه سمعتي شن قلت
هناء...شن قلت
ادم...بكره جيين يركبو في الدار النوم
هناء...تشوف لدار اها باهي تمام
ادم...شوفيلي هناااا
هناء...كنك تحرج فيا
ادم...عارفك خايفه
هناء...حبيبي
ادم...حتعيشي معايا احلا ايام
هناء...انشالله
ادم..خايفه
هناء...خلاااص كنك انتاااا
ادم...ههههههه نبيك اتفكي
هناء...تحرج فيا بزياده والله
ادم...انحبك
هناء...نموت فيك به
#نورهان✍
في الدار رزان اتفرج علي التيلفزيون
وسام...خش لدار هلا
رزان...حبيبي جيت
وسام...عمره طولت
رزان..شن فيه
وسام...شفلها شن
رزان...شوفلي
وسام ...كنك
رزان...جوك شين
وسام...لا
رزان...صبت حبيبي كنك
وسام...مافي شي نبي ندوش
رزان...مسكت يده لافيه شن فيه
وسام...فك يدها مافي شي
رزان...لافيه
وسام...كان فيه حاجه حكيتلك مافي شي معش تسكني
رزان....براحتك التفتت تبي ترد تقعمز
وسام...شفلها ورد طلع من الدار خش لحمام
رزان...شن ساير معاه يدها علي خدها تفكر صبت تسمع فيه يدوش خشت لدار اطلعله في دبش قعمزت علي الكرسي تستنا فيه يطلع
مجدي...بيسو
ابتسام...فتحت اعيونها نعم قلبي
مجدي...رقدتي
ابتسام...راسي حبيبي
مجدي..صداع
ابتسام...امممم
مجدي..بكره توا تمشي معايا نعاينك كثره قصه الصداع
ابتسام...فتحت اعيونها لاااا
مجدي...وخر سند ظهره علي السرير عليش ياروح
ابتسام...ارتبكت لاانا اكويسه
مجدي..ايدير صور وتحاليل اكيد عندك نقص في حاجه
ابتسام...عليش صور
مجدي...عشان نعرفو شن سبب الصداع
ابتسام...لاانا مافيا شي قربت حضناته نبي نرقد الصداع ياخذ معايا وقت ويختفي اطمن
مجدي...حاضنها ليش ماتبي تحكيلي ليش
ابتسام...عندك حراره
مجدي...اها
ابتسام...نجك لي
مجدي...خلينا بكره نمشو لدكتور يشوفك
ابتسام.. لالا
مجدي...كان يبي ابتسام تحكيله بس رفض ابتسام مزعله
وسام...طلع من الحمام لبس الديجمبر والمنشف علي ارقبته خش لدار
رزان...اهو دبشك حبيبي
وسام...تمام
رزان...تبيش تحكي
وسام.. مافيش حاجه عشان نحكيها
رزان...لافيه
وسام...عزق المنشف علي السرير مافي شي نبي نلبس اطلعي
رزان...ماتلبس قدامي شن خطرلك تتحشم توا
وسام...لا اله الا الله
رزان...شفتله وطلعت من الدار
وسام...شاف ل باب وبدا يلبس
رزان...ردت لدار مش ديما حتكون ساكت قعمزت اتفرج علي التيلفزيون
بعد دقايق خش وسام شن الجو
رزان...تشوف لتيلفزيون تمام الحمدلله
وسام...اقلبت وجها
رزان...انتابع في مسلسل اليوم اخر حلقه
وسام...شاف لتيلفزيون وقرب طفاه جوي خارب
رزان....ليش طفيته
وسام...هك عارفتني مانحبش جو الاستكراد
رزان...انت جوك خارب تبيش تحكي شن اندير
وسام...اعذريني مفروض الحاجات اللي نشوف فيهن ويكدرن فيا ننساهن قبل مانفتح باب حوشنا ونخش مش انقابلك بشكل هذا
رزان...صبت حبيبي شن ساير معاك احكيلي
وسام...موضوع تافه
رزان...نبي نعرف التافه هذا اللي مكدرك ممكن تعال قعمز
وسام...قعمز
رزان...جنبه شن ساير معاك
وسام...طلعت من هنا علي اساس ماشي لحوش باتي
رزان...تمام
وسام...جتني مكالمه من المركز علي تحقيق والله كنت نبي نفوتهم لكن لقيت روحي غادي من كثره المكالمات مشيت شفت القرف قدامي
رزان...شن حبيبي
وسام...وحده هاربه مع حبيبها والكارثه متعرفه عليه علي النت وزيدها زايد متزوجه وعندها ست اعيال
والكارثه راجلها يترجى فيها اترد معاه للحوش وعليها امان الله وهيا تقوله مش ماشيه انا نبي هذا لوتشوفي اللي ماشيه معاه مايوعاش بكل مدمن مخدرات ومنظره المقرف شن حبت فيه مافيش حاجه تقول اهي راسي يبي ينفجر راجلها يترجى فيها يقوللها بنااتي اتضريهن في المستقبل وهيا ولا كأنها تسمع فيه
رزان.. يارب سلم جسمي وقف حبيبي بلكي مسحوره
وسام...والله حطيتها في بالي راجلها والله يبكي ومحروق يقولي مش مقصر معاها تطلع وتخش بكيفها فيلا علي دورين سياره تسوق فيها عملها تمشيله انا شن اللي مقصره معاها ونصلحه
رزان....صدق فكر في بناته البنت علي الأم يخاف مستقبلهن يضيع
وسام...راسي صدع
رزان...شن دارت مراته
وسام...رمينها علي عرب تصدقي خايف عليها من خوتها يقوللها لو يعلمو يقتلوك ويقتلوه وهيا ولاكأنها تسمع لوتشوفي الخوف اللي في اعيونه اتشكي انا في حاجه غلط
رزان...لاحول ولاقوه الا بالله ربي يستر علينا
وسام...اللهم امين الوقت قاعد شين
رزان...بكل حسيت روحي تنكدت حتي انا
وسام...سامحيني مفروض الحاجات هذين مانحكيهن لك
رزان...يدها علي خده انحبك ومعش تنكد روحك
وسام...نموت فيك
رزان...حطت راسها علي كتفه ربي مايحرمني منك ياسمح
وسام...هههه نموت فيك..
#نورهان✍
فاتن ثلاث اسابيع بدون ماحد يحس بيهن....
وجاء اسبوع الفرح هناء وادم
الكل في حوش حني امينه
هاجر...ايمن
ايمن...عمره
هاجر...حبيبي وصل منونه وهومي ل امي تعبوني وكيف ماتشوف بطني قدامي
ايمن...نجك لي انتي واللي في بطنك
هاجر...ههههه حبيبي عارف
ايمن...علي شن
هاجر...كلامك نموت فيه موت
ايمن...نجك لي قتلك
هاجر..شن يعمري
ايمن...تبي اتحني
هاجر...انخاف انجيب
ايمن...كان
هاجر....خاطرك فيها
ايمن...بالله عليك لك وين ماحنيتي
هاجر...خلاص توا انحني عشانك
ايمن...اناااعلي نا
هاجر...باهي شن حبيبي توصلهم
ايمن...لادزيهم ليا توا يطلعو معايا بره
هاجر...حبيبي
ايمن.. توا يبن يمشن سيارات لحوش عمران ايجيبن البتات ويردن هنا ياخذنكم ويطلعو لحوش ادم ونردو قصه نمشي لعند هلك مشوار
هاجر..خلاص حبيبي
ايمن...ياعمري ياعمري
هاجر...خلاص والله صاح تعب ومشي وجي
عبدالسلام...ايمن هيا
ايمن...شافله جيتك هي
عبدالسلام...منونه وين
ايمن...معش انطلعو فيها
عبدالسلام...خايف عليها من العين
ايمن...حاجه كيف هك
عبدالسلام...الكلام مش معاك هاجر وين منونه
هاجر...منكلبه جوا ههههه قاعده شيطانه
ايمن...تمام
هاجر...تمام
ايمن...هيا عبسي
طلعو ايمن وعبسي لشارع
هاجر...نخش نشوف البنات شن ايديرن خشت صوت الدي جاي عالي علي فرقه والبنات موزعات في الحوش
امينه...هجوري
هاجر...جيتك
امينه...البسي
هاجر...لاانا مش ماشيه
امينه...ليش
هاجر...شوفي بطني والعيال
امينه...بيسو حتي هيا مش ماشيه
ابتسام...نحاول حتي مشيتي تكون خفيفه والله قريب تطلع ههههه
هاجر..هههههه لوتشوفي انا
ابتسام...بكل
هناء...مني
امينه...شن
هناء...الشنطه خليها معاك
امينه...تمام
ابتسام...تلفونها يرن عدلت قعدتها مسكت التلفون ردت الو
مجدي...هاروحي شن دايره
ابتسام...من اول م جيت وانا في مكاني
مجدي...ماتشيليش حاجه ثقيله
ابتسام...ينعلي بروحي مش قادره انتحرك تبيني نشيل
مجدي...انا قريب نوصل جايكم
ابتسام....عمتي معاك
مجدي...حطيتها عند حنان
ابتسام...تمام حبيبي
مجدي...هيا باهي اي افاري الو
ابتسام...من ليا غيرك
مجدي...انحبك
ابتسام...نموت فيك
بعد ساعتين السيارات كانن وخذات الدبش وجن لحوش حني امينه
طلعت رزان اروي هنيه فرح امينه اميمه طلعن مع البتات في شقه ادم حواء واسراء واصيله اما الباقي في حوش حني امينه مع هناء بعد مادارن جو علي طلعت البتات👏👏👏👏👏👏👏👏👏👏
ايه...بيسو نحس فيك طافيه
ابتسام...تشوفلها بكل ويه
بشري...نطلع من الدار نخلوك اتريحي
ابتسام..مليت يابنات والله نشوف في صبايا قدامي حوامل مش كيف وضعي انا توا حتي مشيتي بالغصب ومازالت في نص الثامن نحس فيها نازله بكل
مريم...ينعلي علقي كرعيك ماتحركيش واجد مشي الايام هذين
ابتسام...توا اجودي ياخالتي معش خلاني نمشي لشقتي قاعده عند عمتي مش مقصره معايا في شي ولاتبيني اندير شي بس تقيدت والدروج معش قدرت نرقي وننزل والدكتوره قلتلي معش اتحركي واجد لانه نازل الجنين
مريم...واضحه بطنك
ابتسام...شن اندير ياخالتي
مريم...تحملي ياخالتي تحملتي واجد جت علي باقي الشهر
ايه...ربي يسلمك انتي وجنينك
ابتسام...يييه ويه نجك لي انشالله يارب
مريم...زينه و روان وينهن مختفيات
ابتسام...في الدار لخره ايديرن ل نونا في اشرقت
مريم...احم احم ايه
ايه...تصب في اميه من الكاس
مريم...اشربي
ابتسام...توا طيحتلي عليها جديد الشرقه هذي
مريم...تريحي ياخالتي
ابتسام...نبي نصبي
مريم...لاخليك نحنا نطلعو نبرمو علي الحوش وانتي تريحي
ابتسام...مش عارفه شن دايرات مع نونا ماتحملش ههههه
مريم...غصبن عنها مافيش ههههه بكره اتحني
ايه...هههههه بكل
بعد ساعه جن السيارات يبيبن وخشن البنات بزغاريت معاهن حواء واسراء واصيله دارن جو 👏👏👏👏
هناء...في الدار تنشف في شعرها العقبالك يازيونه يوم فرحك نستلمك
زينه...ههههه انشالله
هناء...رن تلفونها
زينه.. اكيد راجلك نطلع نصفق معاهن
هناء...توا نلحقك نرد عليه
زينه...تمام طلعت صكرت الباب وراها
هناء...الو
ادم...واخيرااا جاء اليوم اللي يتعلق دبشك جنب ادبشي
هناء...انحبك واخيرااا
ادم...والأرواب اللي قعدت انتخيل فيك بيهن
هناء...خلاص باهي تحرج فيا
ادم...صكفمك نحكي انا
هناء...توا فيه واحد بعقله يقول لحبيبته وزوجته صكفمك بدال م تقول كلام رومانسي
ادم...جايك فيه بعدها انا طالق الدلاله معاك
هناء...ههههه بكل شن اعجبك الدبش
ادم...دبش لبسك هذا ماشفتاش الا توا لكن الاثاث خذيناها مع بعضنا
هناء...ماهو حبيبي الدبش خشيت لمحلات مسكاتهن صبايا شن رايك ناخذ ارواب ونقعد نسأل في راجل علي مقساتي
ادم...نقتلك
هناء...هههههه اديرها
ادم...وعالم قدامي حايس بكل الأرواب قاعد حايس فيهن لكن ذوق يافرخه
هناء...عجبنك باهي دبش لطلوع
ادم...مانحقش فيه
هناء...كيف مش منظماته
ادم...لامنظم لكن نظري كله علي الارواب اصلا هكي هكي خيمار وعبايه مش حندقق عليه
هناء....لاهذا بعيد عنك
ادم...بعيد عنك شن ياحبي
هناء...لبسته عشان طالقه الشيانه وثاني شي عشان م نبي مشاكل كنت نبي نكمل دبشي بسلام
ادم...وعشان تعيشي معاي بسلام البسي امه
هناء...مش مش لابسه
ادم...حتلبسيه
هناء...لاقلت وإلا نخرب كلشي
ادم...نخرب فصيلتك بعدها
هناء...ادددددم شن الأسلوب هذااااا
ادم...مااصلا تخلي فيا نحكي هكي كيف مش لبسته
هناء...مش متقبلته يخنق يقتل
ادم...حتتعودي
هناء....والله نبي نبكي الله حبيبي موضوع الخيمار صكر عليه كان تحبني صاح
ادم...لاني نحبك نبيك تلبسيه
هناء...من توا بديت هكي معناها بعد نقعد معاك تقعد تفرض عليا في كلشي
ادم...مانبي شي يبان فيك اهي ابتسام لبسته كنها مش خنقها وفرح هنيه كنهن
هناء...خنقتها العبره مقتنعات بيه
ادم...حتي انتي اقتنعي مافي شي يبان فيك فهمتي
هناء...بكيتني
ادم...يييه علينا توا كان جونا سمح يابيبي شن تبكي ماتبكي انبكي اللي يبكيك في يوم
هناء...تمسح في ادموعها انا فرحانه دومي ليش تبكي فيا توا
ادم...نغار عليك
هناء...تسمع فيه معش ردت عليه ولاكلمه
ادم...حبيبي
هناء...نعم
ادم... معش تبكي
هناء...ت م ام يعيطولي
ادم...مايعيطلك حد فوتي امهم خليك معايا
هناء...نعم
ادم...وقفي ابكاء بعد تعرفي حبي لك شن يخليني اندير تعذريني
هناء...به ماكانش خاطري نبكي
ادم...هيا اني جايك راجيني
هناء...وين
ادم...نبي نصكر الشقه وجاي غادي للحوش
هناء...رد بالك ادز عليا عيب
ادم...تمام
هناء...باي صكرت مسحت ادموعها لفت شعرها وطلعت عليهن اول ماشفنها الزغاريت و بالأحضان
امينه...درت كيف ماانتي تبي
هناء...العقبال م نفرح بيك
امينه...ابتسمت
ابتسام...زونه
رزان...نعم والله نفسي مافيه شي لكن منك انقطع كنك راقده وماعندكش نيه في الحياه
ابتسام...هههههه من اللي نحس فيها انا تعبانه
رزان...شر منك الا انا بعدها والله نوريه مجدي ايشيلك لحوش عيت عمي وشقتي قاعده دور اول انديرلكم دار علي احسابكم
ابتسام...خليك معايا انا نبي نحكي مع امينه شن اندير اليوم سمعت كلام احمد بوذني
رزان...شن قال
ابتسام...اجودي يتهرب منه كل م يفتحله الموضوع علي اساس مازالت م حكيت مع امينه مستعجل
رزان...خزي يابتي ماتقول مراته واخذها عن حب
ابتسام...خبطتها ردي بالك تحكي الكلام هذا قدامها حتمسح الفكره من بالها
رزان...هيا هيا عارفه بس سرحت تخيلت انا اللي ميته وسام ازوج ابعدي
ابتسام...انا مسرحه ل اجودي يزوج بعدي
رزان...هذي خوذيها مني من ابعد المستحيلات ايديرها شن تحكي انتي كان قلتي وسام نقولك صاح لكن مجدي ههههه مستحيييييل يانصي
ابتسام...باهي انا نحكي معاها وانتي عاد شورك الشكيره اشكريه وديري جو والله وجعتني كلنا فرحنه ماعادا هيا
رزان...امينه
ابتسام...لامش هكي
رزان...اسكتي حسيتك سخنتيني
امينه...تمام هجوري نعم زونه
رزان...طلعي اللي في دار نبيك
امينه...شافت ل ابتسام شن فيه
رزان..تعلي في صوتها لاخليها اتريح توا نطلعو
الكل...التفت ل رزان ورزان قلتلهن ابتسام انخلوها اتريح اطلعن كلهن رزان مصبيه لعند م طلعن كلهن مشت صكرت الباب مسكت يد امينه قعمزي
امينه....شننننن فيه
رزان...قعمزي بس
امينه...قعمزت شن فيه شغلتني
رزان...احمد حكي معايا اليوم بخصوصك
امينه...بيسوووو
ابتسام...ساكته
رزان...والله احمد هوا اللي دز عليك قالي نبي انجي نطلب وناوي الحلال
امينه...وانا مانبيش
رزان...كلنا ازوجنا وكلنا عشنا حياتنا وكلنا توا نرجو في اعيالنا حتي اللي مازالت م زوجت حتتزوج انتي ليش لا
امينه...كنكن بنات انتن ايهم حب وعشره عمر كيف نخونه
رزان...هذي سنه الحياه والحياه ماشيه لاواقفه عليك ولاعلينا حتي احمد حب وعشره عمر وتوا يبي يكمل نص دينه انتي مجروحه وهوا مجروح
امينه....نفس الكلام اللي حكاته بيسو
رزان...والله م حكتلي هكي بعدها معروفين نحنا كلامنا شبهنا كلشي نفس بعضنا المهم احمد قالي خليها ترد عليا عشان اندز امي كان قالت لانشوف وحده اخري
امينه....فيش يرجى خليه يمشي
ابتسام...عشاني
رزان...نبوك اتريحي
امينه...انا هكي متريحه
ابتسام...خليه يشوف غيرها زونه وخلي بنتي وحيده
امينه...شفتلها بيسووووو صبت فتحت الباب وصكرته بالقوه
رزان...سلمك الها بنتك ياكلبه
ابتسام...نبيها توافق علي احمد والله اكويس بكل بكل داير معايا مواقف ماينتسين
رزان...صاح اكويس بكل قولك تقول باهي
ابتسام...مستبعده راسها مصكر
رزان...نمشي نشوفها
ابتسام...خليها براحتها
ساعه10:30ليل
في الكوجينه
هناء...مقفل كنه طول علي اساس جاي هنا شوفي كم ساعه عدت اقل شي يقول وينه
هنيه...اكيد مع اصحابه وتلفونه مقفل
هناء...لامشحون شحنته انا بروحي متأكده
اسراء...نونا
هناء...شفتلها نعم
اسراء...كلمتني الحنايه قلتلي اتجي في ليل مش نهار
هناء...ليش في ليل
اسراء...شغل عندها
هناء...مافيش غيرها
اسراء...هذي مضمونه حنت بيسو وتحني في هاجر
هاجر...تجنن نونا وراهي سريعه
ملاك...تحكي مع ايه شن الصوت اللي بره
هناء...التفتت صوت شن بنات م نسمع في شي
اسراء...صاح صوت عمي عمران وعبسي..........#يتبع
اسفه لو فيه لخبطه في الأسماء #انتظروووني في الحلقه الرابعه واربعون
#نورهان✍
